"Сиз менга кераксиз!"
"Сизни яхши кўраман!"
Шу каби сўзлар инсоннинг бутун борлиғини ёритиб-яшнатиб юборади. Яқинларингизга шундай сеҳрли сўзларни кўп-кўп такрорлаб туринг.
Мўъжизани ўшанда кўрасиз....

📖 Telegram.me/IBRATLI - Хаётий хикоя ва воқеалар

ОТА ҲАҚИДАГИ ҲАҚИҚИЙ ТУШУНЧАЛАР

✨Отанг сенга босим қилганида у сени ўсишингни истайди.

✨Отангни жим турганини курганингда у сени келажагинг ҳақида бош қотираётган бўлади.

✨Отанг иқтисод қилган пайтда билиб қўй, у ўз нафсини бутунлай маҳрум қилган бўлади.

✨Отанг ҳансираб қолганини кўрсанг билиб қўй, у сен сабабли шундай бўлган.

✨Отанг кулган пайтида билиб қўй, бунинг ҳам сабабчиси сенсан.

✨ Отанг қаттиқ қўл бўлиб қолса билиб қўй, сен унинг кўрсатмаларига юрмаган бўласан.

✨Отанг эшик хонасини қулфлаб олган пайтида билиб қўй, у йиғлаётган бўлади.

✨Отангга нисбатан овозингни баландлатсанг уни тириклайин гўрга тиққанингни билиб қўй.

✨Сен ўзингни дарбадар ва саргардон ҳолда кўрсанг билиб қўй, отанг сендан ғазабланган бўлади.

✨Отанг тўшакка чўзилиб ётганини ва гапирмаётганини кўрсанг билиб қўй, сен улкан суянчиқ тоғни йўқотиб, бўшлиққа юз тутган бўласан. У бўшлиқни ҳеч қандай хотира тўлдира олмайди.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Отасига гап қайтарганлар, ушбу видеони кўринг...
Хулоса қилинг...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ҳаётингда икки инсоннинг ҳиммати кўп-у, лекин кўзинга кўринмайди. Улар:

• Отангнинг сенга қилган ҳаражати;
• Онангнинг сенга қилган хизмати.

Агар шу ҳаражат ва хизматни бегона одамдан кўрганингда, бутун умр ундан уялиб бирор марта ҳам кўнглига озор беролмасдинг. Лекин, отанг ва онанга ғазаб қила оласан, адоват қила оласан, миннат қила оласан, кўнглини оғрита оласан. Чунки, уларники кўринмайди.


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ОТА-ОНАНГ ТОПИЛМАЙДИ

🎙Сайидазам Каримов

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ОТА ВА УНИНГ ҚИЗЛАРИ

Фарзандларимга нима иш қилишимни айтмаганман. Мени деб уялишларини истамайман. Кичик қизим нима иш қилишимини сўраганда, оддий ишчиман қизалоғим, дердим. Уйга қайтиш олдидан кўчадаги умумий ҳаммомда ювиниб, кейин борардим. Токи улар менинг нима иш қилишимни сезмасинлар.

Ҳамма қизларимни мактабга юборишни, уларнинг таълим олишларини, келажакда инсонлар олдида азиз ва ҳурматли шахс бўлиб етишишларини хоҳладим. Уларга бирор киши менга қилганидек муомала қилмаслигини, паст назар билан қармаслигини истадим. Одамлар мени менсимасликка ўрганиб ҳам қолишган.

Топадиган ҳамма пулларимни қизимни ўқитиш учун йиғиб қўйдим. Ҳеч қачон ўзимга янги кўйлак сотиб олмадим. Бунинг ўрнига фарзандларимга китоблар олиб бердим.

“Эҳтиром”. Мана шу мен орзу қилган нарсадир. Ҳа, мен кўча тозаловчи бўлиб ишлайман.

Ўтган куни қизимнинг ҳужжатларни топшириш вақти эди. Аммо мен керакли пулни тополмадим. Ўша куни қўлим ишга бормади. Ишлолмай, кўз ёшимни яширишга уриниб, ахлат қутиси ёнига ўтирдим. Ҳамкасбларим менинг аҳволимни кўришди, аммо ёнимга кела олишмас, бирорталари мен билан гаплашишга ботинишолмасди. Қизимнинг ўқишга кириш орзуси рўёбга чиқмади. Жуда сиқилдим, ичим эзилди. Бугун уйга борганда қизим билан қандай кўришишимни, агар у мендан пул ҳақида сўраса, нима деб жавоб беришимни билмайман.

Мен фақир оилада туғилганман. Бугун ишдан сўнг ҳамкасбларим ёнимга ўтиришди-да, “Бизни ўзингга дўст деб биласанми?” деб сўрашди. Ҳали жавоб беришга улгурмасимдан барчалари бугунги иш ҳақларини менга узатишди.

Пулларни олишдан бош тортдим. Шунда улар “Биз бугун нари борса оч қолармиз. Аммо қизинг абата ўқиши керак!” дейишди. Бу гапларини эшитиб ўзимни тута олмай йиғлаб юбордим. Шу куни ҳаммомга ҳам кирмай уйга бордим. Ҳамма ёғим кир эди.

Бугун эса... Қизларимдан бири университетни тугатиш арафасида. Қизларим мени кўча тозалаш ишига юборишмади. Катта қизим университет қошидаги бир бўлимда ишлайди. Қолган учтаси эса университет стипендиясини олишади.

Гоҳида катта қизим олдин ишлаган жойимга мени олиб боради. Борганимиздан сўнг ўша ерда ҳалиям меҳнат қилаётган ҳаммкасбларимга овқат улашиб келамиз.

Бир куни ўша ердаги ҳамкасбларимдан бири кулиб туриб қизимга бир савол берди: “Нега бизга доим овқат олиб келасан?”

Қизалоғим уларга шундай жавоб берди: “Мен бу мартабага эришишим учун сизлар ҳаммангиз бир кун оч қолгансизлар. Шу боис Аллоҳ таолога дуо қилинглар, У Зот менга сизларга ҳар куни овқат олиб келишимни насиб этсин!”

Ҳа, бугун мен ўзимни фақир ҳисобламайман. Қандай қилиб фақир бўлайин, ахир Роббим менга шундай қизларни ато этган-ку!


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Ота:
- Қизим, менинг кўча тозаловчи эканимни ҳеч кимга айтмагин, бўлмаса сени мазах қилиб, устингдан куладилар, деди

Қиз эса отаси билан тушган бу расмини интернетдаги шахсий сахифасига жойлаб: "Бу менинг отам! Мен отам билан фахрланаман", деб ёзди.


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Оналар кўпинча «ёлғон» сўзлайдилар...

Оналар кўп ишлатадиган ёлғонлар:
– Болам, сен еявер, менинг қорним тўқ.
– Мана бу гўштни егин, мен гўштни унча ёқтирмайман.
– Мана бу пулни олавер, менда унга эҳтиёж йўқ.
– Мана бу чойшабни ёпгин, мен совқотмаяпман.
– Йиғлама, мен касал эмасман...

Бошқа суюкли инсонингиз шундай қилишга қодирми?!

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

#Келинларга
ҚАЙНОНА ҲАМ ОНА...

Қайнона — бу ўша сизни севган ёрингизни дунёга келтирган аёл..!

Қайнона — бу йиллаб тўй қиламан, келин тушираман деб ўзини ва фарзандларини ризқидан тежаб пул тўплаган, сарпо йиққан аёл..!

Қайнона — Сизни келин қилиб туширгунича хаёлида мингта қизни ичидан сизни ўғлига лойиқ кўрган аёл..!

Қайнона — сизни эрингиз учун жонини аямайдиган аёл..!

Қайнона — сизни қанча койиса хам, фарзандларингизни сиздан-да ортиқроқ яхши кўрадиган аёл..!

Қайнона — сал қўполроқ бўлса-да, хаёт фанидан дарс бераётган, эртага энг намунали аёл, она бўлишингизни чин дилидан хохлайдиган аёл..!

Энди ўйланг... шунча яхшилик қилган ва қилаётган аёлни ёмон кўришга хаққингиз борми...?

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

ОНАНИ БОРИДА ҚАДРЛАНГ

Адашган ёшларга бефарқ бўлмаган, насиҳат ва тарбиясини аямаган чин инсонлардан Аллоҳ рози бўлсин...

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Мен сизни... Мен сизни жудаям яхши кўраман, ОНАЖОН...

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ

Бизларни тинч-омонликда, тонгга саломат етказган Аллоҳга ҳамдлар бўлсин.

Аллоҳ борлиқни тонг шуъласи ила ёритганидек, ҳаётимизни ҳам ҳидоят нури ила мунаввар айласин!

Аллоҳим, қалбларимизни ислоҳ қилсин, гуноҳларимизни мағфират этсин, айбларимизни беркитиб, қилган яхши амалимизни жаннатларга васила қилсин.

Илоҳим, юртимиз тинч, халқимиз омон бўлсин.
Аллохим жумлаи мўминлар қаторида барчамизни паноҳида асрасин.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Бир донишманддан "Дунёда мўжизалар борми?" - деб сўралганда, шундай жавоб берган экан:
"Ҳар тонг ёришиб, тун киришининг ўзи ҳам асл мўъжизадир"

Дуои саломлари ила тонгларга файз бахш этган сиз Азизларга

КУН ХАЙРЛИ БЎЛСИН!

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

ЯРМИ ЁДЛАНГАН ҚОИДА

Ўқитувчи дарсда бошланғич синф ўқувчиларига “Доимо рост гапиришинг ва ғазабланмаслигинг керак” деган қоидани ўргатди. Кейинги дарсда барча ўқувчилар уни ёдлаганларини айтишди. Ўқитувчи яна бошқа қоида ўргатди, уни ҳам ёдлашни топширди. Фақат бир бола олдингисини ҳали яхши ўрганмаганини айтганида аччиқланди:
– Бир ҳафта ўтди. Ҳамма болалар берилган вазифани бажариб бўлишди. Битта сен қолдинг.
Болакай ерга қаради.
– Устоз, сиз талаб қилган қоиданинг ярмини ёдладим, – деди секингина. – Рост сўзлашни ўргандим ва бундан буён ёлғон гапирмайман. Аммо жаҳлимни босолмаяпман. Кимдир менга ёқмайдиган иш қилса ёки ўзим хоҳламайдиган нарса бўлса, аччиғим чиқади. Ғазабимни босишни ҳам ўрганиб олганимдан кейин, албатта, бошқа қоидаларни ҳам ўзлаштираман.
Ўқитувчи бир муддат жим қолди. Кейин болани бағрига босди.
– Сен дарсларни шундай усулда ўрганасанми?! – деди ва афсусли оҳангда давом этди. – Болалар-ку, ҳали кичкина, катта одам бўлатуриб, ўзим ҳам бу қоида замирида қандай маъно ётганини ўйламабман. Қоиданинг сен ўзлаштирган биринчи ярми ҳам бутун умрга татийдиган фазилатдир...

Абдуллоҳ ибн Масъуддан (розияллоҳу анҳу) ривоят қилинади: «Расулуллоҳ (соллаллоҳу алайҳи ва саллам): “Рост гапиринглар, чунки ростгўйлик яхшиликларга бошлайди, яхшиликлар эса жаннатга йўллайди. Киши доим рост гапирса, у Аллоҳ таоло наздида ростгўй (сиддиқ) деб ёзиб қўйилади. Ёлғон гапиришдан сақланинг, чунки ёлғон гапириш гуноҳларга олиб боради, гуноҳ эса дўзахга йўллайди. Киши ёлғон гапираверса, Аллоҳ наздида ёлғончи (каззоб) деб ёзиб қўйилади”, дедилар» (Имом Бухорий).

Нигора НЕЪМАТ қизи тайёрлади.


•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

Ёшликдаги муносабатлар соф ва самимий гуллайди, улғайгач эса манфъат деган мевалар қилади. Афсус...

📖 @Ibratli -Дунё сабоқлари

​​Ҳаёт ва қаҳва пиёласи

Обрўли бир олий ўқув юртини тамомлаган, ҳозир яхши жойларда ишлайдиган бир гуруҳ собиқ талабалар устозларини йўқлаб келишди. Суҳбат асносида гап ишга кўчди ва улар қийинчиликлар кўплигидан, турли муаммолардан шикоят қилишди.

Профессор меҳмонларга қаҳва таклиф қилди, розиликларини олгач, ошхонага йўналди ва бироздан сўнг патнис кўтариб чиқди. Унга турли хил – чинни, шиша, пластик ва биллур пиёлалар терилган эди. Айримлари оддий, айримлари қимматбаҳо эди.
Шогирдлари пиёлаларни олиб бўлгач, профессор уларга юзланиб деди:

Эътибор беринглар, ҳаммаларинг қимматбаҳо ва зеб-зийнатли пиёлаларни олдинглар. Оддий ва арзонлари патнисда қолди. Бу аслида сиз учун меъёрдаги ҳолат – энг яхшисини истайсиз. Бироқ шу билан бирга бу кайфият барча муаммоларингиз ва ташвишларингизнинг илдизи ҳамдир.

☝️Ёдингизда бўлсин, пиёла ҳеч қачон қаҳванинг таъмини ўзгартириб, яхшилаб қўймайди. Қимматбаҳо пиёлалар баъзида ичидаги қаҳванинг асл кўринишини яширади ҳам. Ҳаммаларинг истаган нарса аслида қаҳва эди, пиёла эмас. Лекин сизлар онгли равишда чиройли идишларни танладинглар, кейин кимга қанақаси тушдийкан деб бир-бирларингнинг пиёлаларингга эътибор қаратдинглар.

Тасаввур қилинг, ҳаёт бу – қаҳва; иш, пул, вазият, жамият кабилар эса – пиёладир. Улар тирикчиликни таъминлаш воситалари, холос. Қандай пиёлага эга бўлишимиз ҳаётимизнинг моҳияти ва асл сифатини ўзгартирмайди. Баъзида, фақат пиёлаларга эътибор бериб, қаҳванинг таъмидан лаззатланишни унутиб қўямиз.

📖 Telegram.me/IBRATLI - Хаётий хикоя ва воқеалар

​​​​#таскин.

Қачон бахтли бўласиз?!

Оқ либос кийган кунингиз бахтли кунингизмиди?!
Ёки ёнингизда худди шундай оқ либосдаги фаришта маҳрамингизга айланган кун-бахтлимидингиз?!

Биринчи фарзандингизни қўлга олган кунингизчи?!
Одамдан-одам келмоғи осонми?!
Кимдир бу бахтга етди, кимдир бу бахтнинг армонида кетди...

Болаларингиз ўртасида, юлдузли осмонга боқиб ётган- кунингиз, жозибали ёз оқшоми, найсонлар томчилаган ва сиз ҳоли жой топиб- уйқунгизни бузган бу ёмғирдан қочган тунингиз бахтлимидингиз?!

Келин туширган кун- сиз "бир тоғдан ошдим" деган кунингиз бахтиёрмидингиз?!
Ёки қиз узатган кун?!


Бахт қачон сизга ўзини сездирди?!

Бахт қачон сизга тутқич берди?!

Ўзи уни тутолдингизми?!

Ўйланманг, эслашга уринманг, булар ҳаммасини сиз "бахт" деб тушунсангизда - умрнинг ёрқин лаҳзалари эди ҳолос...

Шукр...

Хақиқий бахт эса- Сиз Аллоҳга ёруғ юз билан рўпара бўлган кунингиз ушалган бўлади.

Шу бахтга интилиб яшанг...

Умму Зайнаб


📖 Telegram.me/IBRATLI - Хаётий хикоя ва воқеалар

ИСТАК...

Яхши суҳбатдош қандай яхши - а! У билан гаплашиб руҳан юксаласиз, маънавий озуқа оласиз, қалбингиз таскин топади. Кетаётиб яна келаман дейсиз...

Бизнинг хам ниятимиз сизга яхши сухбатдош бўлишдир. Агар, Сизга яхши сухбатдош бўлган бўлсак, биз билан вақтингиз сермазмун ўтган бўлса, бундан мамнунмиз.

Аллоҳим, барчамизни солиҳ дўстлар билан ризқлантирсин! Амин!

ХАЙРЛИ ТУН!

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ.

Тонг муборак булсин, азизлар!

Бу кунда Аллоҳ дуоларимизга ижобат, фарзандларимизга салоҳият, ибодатларимизга гўзаллик, ризқимизга барака берсин! Ўзи қўллаб, ишларимизни осон ва унумли қилсин!

Беморларимизга шифо, адашганларимизга ҳидоят, қалбимизга поклик берсин!

Яхшиликлар ва яхшилар дойим ҳамроҳингиз бўлсин!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Хайрли_тонг
Роббим танангизни сиҳатли,
Кўнгилларингизни шафқатли,
Ахлоқингизни иффатли,
Ризқингизни баракотли қилсин!

Кунингиз эзгулик ва
шукронага бой бўлсин.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA