Устоз ўз талабаларга бир қоғозни кўрсатиб, уларни фикрлашга чорлабди. Қоғознинг ўртасида биттагина қора нуқта бор экан.
— Айтингчи, нимани кўряпсизлар?
— Нуқтани, — дебди биринчи талаба.
— Қора нуқтани, — дебди иккинчиси.
— Қора ва қалин нуқтани, — шошиб жавоб берибди учунчи талаба.
— Афсус, — бир муддат хаёлга берилиб қолган устоз аста сўз бошлабди. — Ҳаммангиз оқ қоғоздаги кичкинагина қора нуқтани кўрдингиз, лекин ўша нуқта турган катта ва оқ қоғозни пайқамадингиз.

Ҳаётда ҳам худди шунақа бўладида. Одамларни арзимаган кичик камчиликлари учун айблаймиз. Аслида эса ўша кичик нуқсон ортидаги катта ва олийжаноб юракни пайқамаймиз. Ёки шунчаки пайқашни истамаймиз...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Донишмандга иккита савол беришибди:
— Инсониятнинг кайси харакати сени хайратга солган?
 
Олим бирма-бир санай бошлади:
— Болаликдан зерикадилар ва тезрок улгайишга шошиладилар. Вакти келиб, болаликни согинадилар.
—Пул топаман деб согликни йукотадилар, аммо согликни кайтариш учун яна пул сарфлайдилар…
— Эртанги кунни уйлаб хавотир оладилар-у бугунни унутадилар. Шунинг учун хам на бугунни, на эртани деб яшайдилар. Дунедан яшамагандек утиб кетадилар….

Гал иккинчи саволга келди
— Сиз уларга нимани тавсия киласиз?

Олим жавоб берди:
— Хеч кимни узингизга яхши куришга мажбурламанг!
— Мухими, хаетда куп нарсага эга булиш эмас, кам нарсага эхтиеж сезишдир.
— Сизни яхши курадиган инсонлар купчилик. Аммо улар туйгуларини кандай ифода этишни билмаётган булишлари мумкин
— Базан бошкалар томонидан кечирилибгина колмай, узингизни кечира олишингиз хам керак.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Бир аёл қўшнисини ғийбат қилибди. Ғийбат гап тезда қишлоқ аҳолисига тарқабди. Fийбат қилинган одам эса анча изтироб чекибди. Маълум вақтдан кейин ҳалиги аёл қилган ишидан пушаймон бўлибди. Хатосини қандай тузатишни билмай, бир доно зотга мурожаат қилибди.

Донишманд унга шундай маслаҳат берибди:
— Бозорга бориб товуқ сотиб ол ва сўйдир. Кейин уйга қайтишда, патларини юлиб, йўл бўйи ерга сочиб кел.

Аёл бу ғалати насиҳатга ҳайрон бўлса-да, донишмандга ҳурмати туфайли, ишни айтилгандек бажарибди. Эртаси куни донишманд аёлга:
— Кеча ташлаб келган патларингни бугун териб кел, — деб буюрибди.

Аёл кечаги юрган йўлидан бориб, патларни тўпламоқчи бўлибди. Қараса, шамол барча патларни учириб кетган экан. Соатлаб излаш натижасида, бор- йўғи бир-иккита патни топибди. Доно зот унга шундай дебди:
— Кўрдингми, уларни ерга ташлаш осон, аммо қайта тўплашнинг иложи йўқ. Fийбатни ҳам қилиш осон, бироқ асоратини кетказиш ниҳоятда мушкул...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Меҳмонга боришда буларни хисобга олиб қўйинг:

• Фарзандли оилага иш кунлари меҳмон бўлиб борилмайди;
• Фарзандли уйга меҳмон бўлиб борилганда кечгача ўтирилмайди;
• Янги туққан аёлнинг уйига еб-ичарга меҳмонга борилмайди;
• Ҳар бир боланинг уйқу тартиби бўлиши керак, бу тартиб меҳмончилик учун ўзгартирилмайди.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

• Одамларнинг гапидан қўрқиб яшасангиз ҳаётдаги мақсадингизни йўқотиб қўясиз. Мақсадингиз  бўлмаса сиз деярли мавжуд эмассиз...
• Одамларга гап учун арзимаган сабаб керак. Ким нима деса десин. Сиз эса мақсадларингиз сари дадил қадам ташланг...
• Сизни ҳам ўзгалар ҳаёти билан ишингиз бўлмасин...
• Биз йўлдамиз ортга қайтиш йўқ...
• Қачондир йўл охирга етади...
• Ва биз бу дунёдан охират эшигига етамиз...
• Қўйинг ташвишларни...
• Завқланиб яшанг...
• Тақдирингиздан рози бўлинг...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Тоғда жарликдан ўтиш учун якка-ёлғиз кўприк бор экан.
Шу кўприк олдида бир йигит бизнес билан шуғулланарди, яъни кўприкдан ўтмоқчи бўлган одамларни 100 сўмга опичиб ўтказиб қўярди. Бир куни тоққа туристлар группаси келибди. Ҳаммаси чуқур жарликдан қўрқар, шунинг учун йигитнинг ёрдамига мухтож эди.

Йигитнинг иши юришиб кетибди. Қараса, шу кетишда олиб ўтаверса, уч-тўрт соат вақт кетади.
— Икки елкамга икки кишини олсам, тезроқ бўлади, кўпрок пул тушади, — деб икки кишини ортиб олибди. Кўприкнинг ярмига келганда, мувозанатни тутолмай йуловчилардан биттасини жарликка тушириб юборибди. Шунда у афсусланиб:
— Эх, эссиз.100 сўм пул ҳайф кетди-я, — деганакан.

Ушбу ҳангомани ўқиб очиғи кулишни ўрнига негадир ачиниш хиссини туйдим. Йўқ, жарликка қулаган одамни тақдирига эмас, балки ҳақиқий ҳаётда ҳам худди шунақа одам ўрнида аллақандай “100 сўм” ни тасаввур қилувчи "тубанлик жарлигига қулаб бўлган" кишиларни учратиш оддий ҳолдай бўлиб қолаётгани учун ачиндим...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Уруғни қаерга экканингизни эсдан чиқариб қўйсангиз, аниқки, тез кунда ёмғир уни қаерга экканингизнинг хабарини беради.

Шунинг учун қаерда бўлса, яхшилик уруғини экаверинг. Кимга бўлса ҳам яхшилик қилаверинг.
Чунки сиз қачон ва қаерда унинг манфаатини кўришингизни билмайсиз. Лекин албатта манфаатини кўрасиз.

Яхшилик қилинг. Яхшилик қилишингизга арзимасада, қилаверинг. Чунки яхшилик уруғи қаерга экилса ҳам, ҳеч қачон зое бўлмайди. Яхшилик улашиш қандаям яхши. Чунки гоҳида унинг мукофотини дунёда оласиз ёки охиратингизга захира бўлиб туравеарди.

Ҳа, хайрли ишга имзо қўйган киши, агарчи ўзи кўздан ғойиб бўлса ҳам, унинг гўзал имзоси сақланиб қолаверади. Жаннат сиз каби яхшилик қилувчиларга муштоқ! Ҳеч қачон бировнинг дилини оғритманг, унинг қувончини йўқотманг!

Чунки умримиз қисқа, қабримизда ётганимизда бизни дуойибад қиладиганларга эмас, балки, бизни хайрли дуо қиладиганларга муҳтож бўламиз.

Кунингизни ҳурмат-эҳтиром, инсонийлик, ихлос, тоат-ибодат ва тартиб-интизомда ўтишига одатланинг. Уйлаб куринг... Яхшилаб, кимга качон яхшилик килдик. Шошилинг умр киска...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Яхши инсон ким?

• Қарз сўралганда берган одам эмас, ҳолингдан хабардор бўлиб ўзи ёрдам таклиф қилган инсон — яхши инсон!
• Қурбонликка қўй сўйиб, бадавлат дўстларига улашган одам эмас, озгина бўлса ҳам, имкони борича мискинларга тарқатган инсон — яхши инсон!
• Оиласига қўша-қўша қасрлар қуриб берган одам эмас, кулбада яшаса ҳам, аёлини кўзида ёши йўқ инсон — яхши инсон!
• Фарзандларини чиройли кийинтириб қўйган эмас, чиройли тарбия берган инсон — яхши инсон!
• Тўқчиликда мазза қилиб яшаган эмас, йўқчиликда сабр қилиб яшаган инсон — яхши инсон!
• Омадинг келганда ҳамиша сен билан бўлган эмас, омадинг кетганда ҳам ёнингда турган инсон — яхши инсон!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Битирувчиларга мурожаат!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

ГЎР УСТИДА БИР ИТ ИНГРАР ЗОР...

Қабристонда кеча ёққан қор
Милдир-милдир эриб ётибди.
Гўр устида бир ит инграб зор,
Лойга бағрин бериб ётибди.

Кеча тобут кўтарилган дам
У беором югурган-елган.
Қувсалар ҳам, тош отсалар ҳам
Эл ортидан мозорга келган.

Отасидан айрилса агар
Бунча куймас одам боласи.
Ёлғон эди кеча йиғилар,
Рост эди шу итнинг ноласи.

Совуқ тунда қотиб, дийдираб,
Қабрга у қўйиб ётди бош.
Эриган қор каби милдираб
Кўзларидан тинмай оқди ёш…

Биз инсонмиз, соҳиби дунё,
Қудратлимиз, мағрурмиз, тўқмиз.
Садоқатда, меҳрда аммо
Шу бечора бир итча йўқмиз...

© Эркин ВОҲИДОВ.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Қиличсиз забт этилаётган Европа...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Қўй каби фикрламанг!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Қўлдан кетганини ушлаб қолганча, қўлингда борини тутиб қол...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Биз боғчада буюк саркардаларнинг ролини ўйнаб чиқар эдик, ҳозиргилар "Жумавой" бўлишяпти экан)

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Фарзандингиз қўрқмас бўлиши учун қуйидаги маслаҳатларга қулоқ солинг:
1. Унинг фикрини эшитинг, ҳар сафар эмас, хар доим;
2. Ютказганида эмас, уринаётганида мактанг;
3. Телефон эмас, этибор беринг.
4. Ёлғизликда эмас, меҳрда улғайсин.
5. Ҳар доим ёнида эмас, орқасида туринг — таянч булиб.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Аҳволга қаранг

Замонавий муаммолар тараннум этилган мумтоз қўшиқ.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Одамлар соқов бўлиши мумкин, лекин кўр эмас!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Ёмонлар билан қўшни бўлишнинг касофати...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓