‏اذكريني كل ماضاقت عليك وجيت ساري
‏بين عثرات الليال وبين صيحات الوساده

‏جاهري في كل شي الا سموي وانكساري
‏قولي الفرصه حزينه واجمع الشعر ورماده

‏ليه احس اني وحيد وخاطرك ماهو بداري
‏اجرحيني واتهنى في خطاك وفي ضماده

‏مانسيتك لو يطول البعد ويزيد احتضاري
‏ومالقيت بغيبتك حاجه وقيمه مستفاده

‏آخر رسالة في زحام الرسايل
‏أبرد شتاء عشته وأنا بين نارين

‏أسترجع أيام الوصال القلايل
‏وأحبك أكثر كثر كرهي لك الحين

"الطواري كل يومٍ تجيبك والطيوف
‏والمشاعر في غيابك مراضى واتعبا

‏لو تاخذك الليالي وتاخذك الظروف
‏ما نسيتك شاء من شا .. ويأبا من أبا

‏ولو مايبقى من الوصل شي الا الصدوف
‏مرحبا بالصدفه اللي تجيبك .. مرحبا"

هذا قلبي المنقاد يـ العارض المنقاد
لو انه يغرك فرق حجمه وتكوينه

امرك وانا مستبعد فكرة المعواد
ويغلب علي وجه الشبه بينك وبينه !

يا غاية مراد اللي يشوفك أحق مراد
والأحق في بسمة شفاته وماء عينه

ملكني غرامك لين صرت أملك أستعداد
أناصر ضحايا الحب وافهم مجانينه ..

‏“ معك عشت انتصار ومنك ذقت انهزام
‏وفيك صِغت الحروف .. وعنك ردّيتها “

‏“وكل فرصة عُذر مرّت مرور الكرام
‏كنت اظنك تغانمها .. وخلّيتها

‏صاحوا تناخوا دوّروا بي عذاريب
‏تجمعوا ليلة وزا سولفوا بي

‏أثري مسوي بالقلوب الأعاجيب
‏وانا مثل وجه السماء نقش ثوبي
‏⁧ #مساعد_الرشيدي⁩

الجواهر ما تحصّل على أسياف البحور
‏البحر هزله على السطح .. والجزل أسفله

أحسب أن السنين أن طولت تستأذن الغيّاب
‏و تبدا تمحي آثار السوالف نوبه.. و نوبه

‏و عرفت أن الزمن ما يستحي و أن الأمل كذاب
‏إذا ما هان جرح الآدمي ما هان محبوبه

إن مرك الليل: جمّع له هواجيسك
‏وإن ملّك الليل: دوّر صبحك التايه

‏مادام ودتك لحدود الظما عيسك
‏بعض النهايات لحظة حسم وبدايه

‏-مشعل الفوازي

‏"انا لو أكذب بشعري وقف نبض ويبس حنجور
‏وقادر أخسر الدنيا وعاجز أخسر اخلاقي"
‏

‏عن وحشة الملح بأخر ذكريات الغريق
‏عن حيرة الليل لا صافح عيون العما

‏عن غربة الضحك في لحظة وداع الصديق
‏عن منسي النجم في غبة زراق السما

‏جيتك وكلي هرب مدري خذاني الطريق
‏والا دعاني السراب .. اللي بعينك زما

انا ماودي الحب الحقيقي ينتهي ديكور
يانصبح من ضحايا الحب ولا من مجانينه

‏مهما يكون الشعور اللي عليّ بـادي
‏لا زلت أنا الوارد اللي ماطـوى حبلـه

‏على القـراح الزلالـي طـال تـردادي
‏اشرب واصدّر ظما مدري وش اشرب له ..

‏"فيك للدمع إبتسامه، وللضجّه سكون
‏وفيك من شيمة بلادي ومن ريحة هلي"

‏أحب في نفسي هذا الهدوء، بحثي المستمر على الاستقرار والاطمئنان والسكينة، حتى في ظل مروري بالتشتت أو القلق أو غيره، أخرج لنفسي من تحت الأرض سببًا واحدًا على الأقل يجعلني أهدأ

احب السوالف معك منا لـ يوم الدين
‏واحب التغلي منك واموت" بـ عنادك

‏تسولف لي بتاريخ جدانك الميتين
‏وهو والله التاريخ " تاريخ ميلادك "

‏الجرح ماهو خاطر شوي ويروق
‏الجرح حتى لو تشافى يعلّلك..

ورى عِوج الحنايا طير، من مدة كسير جناح
أخاف تكايده هوج الرياح وينفض أسراري

غريبٍ كل ما طاح الظلام وبان فيك الخوف
‏هربت من إرتيابك والأرق للشِعر والمسرى

"سترتني من خلْف ما هم يظنّون
‏واستامنوا خُلقي وهو والله إنّه

ياربي اجعلني على ما يعرفون
‏واغفر لي اللي ما يعرفون عنّه