قصة ليلى ﴿ ليال بنت الملجأ ﴾ حقيقيه 🔞-


بارت 10 شاركو القصه مع اصدقائكم @iq_gril📍-

لبست ع السريع وجيت اطلع متلهفة بالصدفة لمحت روحي بالمراية عززززااااااا  هاي شنو منو هاي
اي صدك هاي اني كفشتي سر اناقتي هههههه شكلي جان يضحك كلش شعري مكفش وشفايفي صايرة صفح مو عبالكم مجلوطه لا 😂 بس مالك من بوسني لعب بخلقتي والحمرة صارت صفح...
ع السريع دخلت غسلت وجهي وجددت المكياج اقصد الميك أب ع كولة الناس الطاگة ومشطت ولان شعري سرح ماتعبني خليتلي وردة حمرة ع طارف ولو تعرفون منين جبت الوردة😂
لان ماعندي اكسوارات الا كم وحدة وماطالعة حتى اشتري.. بصراحة كطعت الوردة ع الشحاطة مالتي وخليتها بشعري😂😂
طلعت مالك جان كاعد ينتظرني بالصالة من شافني وكف يباوع عليا من فوك ليجوا... گال بالله اخذيلج فرة
اني هم افتريت نص فرة
كال يخبل عليج مثل ماتوقعت
والله ماحلو بصراحة خنكة مابيها مجال نفس
انجبي عساج مااتنفستي يلا..
هو كال يلا اني ركض كبله طلعت
جان يجرني من شعري... وين وين طرتي گدامي
أي أي غير انت گلت يلا
ويلا معناها طيري...؟ ؟.ولج امشي وياي وبلا تهور لاتفشليني
اوووف زين يلا اتفضل
جيبي أيدج
ليش
حتى لاتنهزمين مني مثل ماسويتي الصبح
ها أني؟؟
لا ابويا عبالج ماافتهمتها.. بس عديتها ألج ياحليوة
طلعنا من الشقة وهو لازم ايدي عزززززاااا  شلون شعور يخبل حسيت جسمي كله يرجف (ولاعبالك اني ليال الي متعودة ع لمسات الزلم)
ويم السيارة فتحلي الباب وكعدت...
جنت فرحانة كلش ولو مافاهمة كلشي
بس المهم طلعت من السجن وراح اشوف العالم...
الطريق كله مالك ظل لازم أيدي وعين ع الطريق وعين عليا
المهم... وصلنا لمكان كلش حلوووو واووو يجنن طلع مطعم هادئ وحلو أيد بأيد دخلنا استقبلونا بالباب ودلونا ع مكان اثاري مالك حاجز
كعدنا صدك جنت مثل الهمجية بس اباوع منا ومنا وهو يأشرلي بعينه مرة ومرة بصوت ناصي يكول.. ولج كافي عيب لاتظلين تباوعين بهالشكل
نزلولنا عصائر..وبعده الولد مارايح
كلت مالك والله الاجواء مال ويسكي
كال اش الله ياخذج فضحتينا
الولد ضحك عباله اتشاقه
كل هذا واني ماادري سبب هالخطوة شنو
أي ليال شنو رأيج بالمكان
يجنن مالك يجنن؟
ليال اني اريد اصارحج بشي صار فتره احسه بداخلي
خير مالك شكو شديصير ممكن افهم
ليال اني يمكن... لا مو يمكن .. اكيد.. بديت احبج..
هي هي هي المفروض اضحك هسه
انجبي المفروض تنجبين وتسكتين
اي زين شوكرن حبتك العافية وبعد
ليال اني من اول مرة شفتج بيها صار بداخلي رغبة ان اكرر الزيارة رغبة اني اشوفج اكثر
كل هذا ضامه بگلبك... عليمن تلف وادور تريد نومة عادي جان طلبت اتحضرلك بالليل.. جان سويتلك ليلة ماتنسي
استغفر الله اول مرة اعرف هالجمال شايل غباء وهالراس شايل تبن بدل الدماغ
((بصراحة مااعرف شجاني بذيج اللحظة من صارحني مالك... هذا الحجي الي ظليت احلم بيه من اول مرة شفته .. وجنت مجرد ماافكر بيه استهزأ من روحي واكول يكفي ليال تتخيلين المستحيل... جان المفروض اطير من الفرح من اسمع كلامه بس اشو برود وخوف صابني وصرت اصلا استهزأ بكلامه... يمكن لان جنت مامستوعب الموقف؟؟ او جنت احسه يجذب!؟او يمكن ع كولة صافي احنا مو مال الحب وخرابيطه ... ماادري))
وهسه المطلوب مني شنو مالك بصراحة ماافتهم شتريد... شنو الي مفروض اسويلك
ليال انتي شنو تعاملج بالحياة بس شي مقابل شي؟؟ ماتعرفين غير اسلوب
لامالك مااعرف اني هيج متعودة جيت للدنيا واني امشي ع انطيني وانطيك... هسه انت صارحتني بمشاعر حلوة شتريد بالمقابل.. صراحة مدأفهم اني متاحة الك ولأصدقائك شنو الداعي لهالخبصة؟؟
ليااااااااال حاولي مرة تشغلين هذا الدماغ الي منطيه ربج الج
اذا شغلته راح اخترعلك وضعيات تخليك صافن وطرق تخليك ترتاح بالنومة ماتتخيلها
ولج غبيه يكفي.... اطلعي من هالدور اطلعي.. حاوي تنسين..
ههههه انسى؟؟ شنسى مالك.. انسى عمر كامل احترك بيه الاخضر واليابس؟؟
انسى الشي الوحيد الي اتعلمته والي مارسته وعشت عليه... وليش انسى؟؟ ... زين اذا نسيت شذكر لعد؟؟
ليال اني احبج ومستعد اتحدى العالم واخذج بس انتي لازم تساعديني حتى امسح من حياتج المرحلة القذرة الي عشتيها والي اكيد مو بكيفج اختاريتيه
ونعيش حياة حلوة ونظيفة... و..
حيلك حيلك لا تحلم زايد مالك... كلامك فوك الخيال بهوايا.. اني ماعشت مرحلة وحدة... مالك اني حياتي قذرة من يوم يومي
ميخالف كلش يتصلح... والجاي لازم يكون افضل
صعب
مو صعب
راح تتعب
لعيونج يهون
راح يعيروك بحبيبتك
مرتي محد يجيب طاريها
هه زواج مستحيل
ليش
مرتك وبناتك؟
بناتي ماعليهن شي
ومر....
ومرتي معليج بيها
شلون
راح اطلكها
مستحيل
شنو هو المستحيل
مالك انت بكل عقلك اطلك مرتك وتزوج بنت ليل وملاهي....
بنت الليل مستعدة تتغير علمودي بس هاي صار 6 سنوات ويوميا تجفص اكثر

مالك كلامك هذا المفروض اطير فرح بيه بس اكلك ارجوووك فكر وعيد حساباتك وبلاها تخرب بيتك
واني موجودة اي وقت تطلب متوفرة الك لوحدك وراضية..
ليااااال انجبي... هذا الكلام مااريد اسمعه بعد

حجينا بليلتها هواية ع امل لو اقنعه لو يقنعني بس ماتوصلنا لحل... رجعنا... للشقة.. قبل لا ادخل غرفتي سألني وهو واكف كدامي وعينه بعيني
هسه شلون ليال تظلين معاندة
مالك مو سالفة اعناد... بس صدكني هواي مشاكل راح تواجهك بوجودي بحياتك بشكل رسمي محد راح يتقبلني... ويجي يوم حتى انت تتندم لان ربطت اسمي بأسمك
حضني حيل كال...
انتي ساعديني خلي ايدج بأيدي وكلشي نكدر نسوي
مااعرف مالك اني جنتج اقصى  ما اتمناه  انك تقبل تنام ويايا بين فترة وفترة بس هاي السالفة اكبر مني ومن امنياتي بهوايا معقولة وحدة مثلي الله يحبها... وكعد حظها
حبيبتي ارجع واكول الي عشتيه انفرض عليج مو بأختيارج...
اما  هسه فانتي كدام الاختيار تكملين حياتج الغلط لو تحاولين تغيرين من نفسج...
وياك كلش اسوي كلشي احاول كلشي اقبل... بس خايفة يجي يوم اصير عبء عليك...
حبيبتي... هسه روحي نامي وارتاحي... باجر اكلج شلون نبدي ونخطي سوا الخطوة الاولى للتغيير....
دخلت فراشي واني دأتگلب شسوي


يتبع...

قصة ليلى ﴿ ليال بنت الملجأ ﴾ حقيقيه 🔞-


بارت 11 شاركو القصه مع اصدقائكم @iq_gril📍-

ظليت اتگلب بمكاني لحد ماغفيت ويا ماغفيت حلمت بصافي...
جاية للشقه تكول ليال انتي ليش ماتسمعين الكلام اني زعلانة منج وزعلانه عليج موكتلج الحب موألنا..
وراها اترخصت كالت اني رايحة اشوف اسراء والدنيا ليل مااكدر بوحدي راح اخذ مالك ويايا يوصلني... حاولت امنع مالك يروح بس شكد صيحت ماسمعني
اني خفت كلش لان جنت واعية ان صافي متوفية....
تالي ماحسيت الا مالك حاضني واني ارجف واصيح وابجي...
كال صوتج جاي لغرفتي وانتي تصيحين بأسمي خفت لا حرامي داخل عليج... شكو حبيبي اهدأي شفتي كابوس؟؟
ظليت الليل كله قلقة  ومخنوگة وماحجيت لمالك...
😂😂ومالك عود جاي يواسيني هو نام بحضني لحد ماصبح الشمس لكيته صاحي من وكت علمود دوامه... مخليلي وردة حمرة ع ورقة مكتوب
(( ارجع الظهر اريد غدا....... احبج))

(ايبااااااااه  اذكرت واتألمت  من اول مرة نمت مع  مالك الصبح جان هم مخليلي ضرف بس مو بيه وردة.. جان بيه اجر الليلة... گطیعة الله لايرجع ذيج الايام)...
بقينا ع هالحال الشهر والشهرين لحد ماكملنا ست اشهر...
الي صار بهالأشهر... اتعلقنا ابعض كلش كلش وحبنا لبعض يكبر جان يوم بعد يوم... مشكلتي الوحيدة جانت من ينزل يغيب اسبوع واحيانا اسبوعين صح  جنا نتواصل بس مو مثل ماهو يمي... ومن يرجع اسأله شكو ماكو ع بيته واهله وهو يكعد يحجيلي ع بناته وزوجته واشوف السعادة بعيونه لان حياته بدت تستقر جان يحجيلي ع فرحته ان زوجته حامل بولد وهو منتظر يوم بيوم يمتى يشرف ولي العهد.. چنت اضوج واغااار واخاف افقده لان هو صار بالنسبة ألي الامان  الوحيد بس ماجنت ابين اله اني ضايجة حتى لايأثر ع علاقته ابيته خاصة اني بنفسي اقنعته لايطلك زوجته بوكتها من قرر خاطر بناته ...
جان گلبي ينعصر واني اسمعه بس ارسم الابتسامة ع وجهي... واقنع نفسي مهما يكون هي ام بناته وهي زوجته كدام العالم... .
هو جان يحاول يعوضني من يرجع.. يطلعني يونسني وابد ماجان يكسر خاطري
اتغيرت لخاطر مالك بهواي شغلات وطبعا جان احسن ألي... ملابسي... طريقة كلامي واسلوبي..
بعد الست اشهر حسمنا قرارنا ع الزواج الرسمي واتزوجنا. لكن طبعا بالسر .. الشي الوحيد الي نبهني عليه  مالك سالفة الخلفة.. جان رافضها تماما ومحذرني
اني رغم جنت اتحسر ع كلمة ماما من طفل احتاجه يملاء الفراغ الموجود بحياتي واحلم اني اكون عائلة مثل العالم بس مااكدر اكسر كلمه مالك وازعله
وبعد زواجنا بشهرين.... صار وكت الدورة مالتي بس مااجتني اتاخرت اني جنت متوقعة والذنب مو ذنبي بس مالك ماسيطر ع نفسه اكثر من مرة بذاك الشهر  يتقربلي وهو شارب... صراحة بداخلي جنت اتمنى يغلط هيج غلطة... جنت اتمنى يصيرلي طفل منه بيه ريحته قطعة منه بحضني من يغيب هو
وانتظرت كم يوم وراها وصيت ام صباح تجيبلي شريحة الاختبار من الصيدلية..
وجربته وطلع فعلا حمل جنت طايرة من الفرح جنت احس حياتنا اني ومالك هسه تكمل..
نسيت روحي ونسيت رغبة مالك وتنبيهه لان اصلا مو ذنبي... وانتظرت الفرصة الي افاتح مالك بالموضوع... يمكن يفرح من يصير كدام الامر الواقع... ويمكن يضوج شوية وراها يتقبل... وهو بالتالي ابنه...
بيوم رجع بالليل ضايج شفته شوية فسألته شكو كال مشاكل بالدوام لاتشغلين  بالج حبيبتي
احجيلي شسويتي اليوم... جتج ام صباح لو لا
اي گليبي اجت المغرب راحت.. و..
شبيها رويحتي بلسانها حجي.. ردت احجي كام يتحارش بيا يبوسني ويكرص عابتله ولزم أيدي يوديني للغرفة.. حاولت اوكفه احجيله ماقبل وكلما اريد انطق يخلي ايده ع حلكي.. استسلمت كلت من نخلص عود اكله....
خلصنا ردت اكوم اغسل ماقبل مالك سحبني حضني كلش   شفت هاي الوضعية اتخيلتها انسب وقت ابشره بيه..
مالك حبيبي اكو موضوع اريد افاتحك بيه بس اريد تتمالك اعصابك...
شكو رويحتي لاتشغليلين بالي
نبض گلبي انت  مااعرف شلون اني... كمت اتلعثم بالحجي...
المهم.... اني الدورة اتأخرت  عليا هالشهر...
من سمع مالك هالحجاية كعد وعاف حضني... اي شنو يعني... ليال الشي الي تلمحين  عليه مستحيل اتصرفي
يعني شلون اتصرف مالك ... مالك اتنرفز حيل لدرجة فقد اعصابة... وكام يحجي ويفشر
انتي تريدين تخليني كدام الامر الواقع... مو احجي
مالك حبيبي ع كيفك   افهمني اني صح احب يصير عندي طفل بس مستحيل اتجرأ اخليك كدام الامر الواقع... هاي ذنبك انت تذكر  حبيبي؟؟ كم مرة...
ليااااااال... لياال حمل ماكو واذا صار سهوا تتخلصين منه افتهمتي
مالك ارجوك خلينا نتفاهم حبيبي..
ليال لاتكفريني هذا الموضوع مابيه تفاهم
مالك مرة افهمني مرة حس بيا وبالي اتحمله علمودك... اني دخلت حياتك ماخربتها مثل غيري مايوم قارنت نفسي بزوجتك ولايوم حرضتك ع بيتك ولايوم طلبت منك شي فوك طاقتك انت وحياتك وبيتك وزوجتك وبناتك دائما افضلهم عليا...

لكن عمرك حسيت بالفراغ الي اعيشه بغيابك
عمرك حسيت بنار غيرتي الي اكتمها وانت تحجيلي ع حمل زوجتك... ليش اني مو هم بشر اريد اصير ام.. اريد اشبع عندي هالغريزة.. اريد رحمي هالجزء من جسمي يشيل قطعة منك
لياااال اني اسبح واروح انام... النقاش بهالموضوع انحسم... اذا اكو حمل... تخلصين منه..
. انتهى

مالك نام بغرفته ماقبل ينام يمي واني ظليت الليل كله لازمة بطني وابجي صدك حسيته ياخذ مني ابني...
الصبح بلا مايصبح عليا او يتريك طلع بس فزيت ع صوت الباب...
اني انجنيت كلشي ولا يزعل مالك.. زعله ثكيل ويتحمل يهملني  كم يوم يطللع مع اصدقاء ويلهي نفسه واني اظل اكل بنفسي
كلت ويا نفسي ... يلا ليال هاي لا اول ولا اخر مرة الحياة ماتنصفج
متعودة اتنازل حتى اعيش
اخسر اغلى شي حتى ارضي الي احبه


يتبع...

قصة ليلى ﴿ ليال بنت الملجأ ﴾ حقيقيه 🔞-


بارت 12 شاركو القصه مع اصدقائكم @iq_gril📍-

ظليت افكر مالكيت واتوصلت غير لحل واحد ان اروح الطفل..
هو اكو ميت طريقة بس جنت خايفة من جهة ومااريد من جهة وبين هذا وذاك حسمت الموضوع
وام صباح اجتي كلتلها تعبانة اريد انام هي مو غريبة.. خطية دخلت للمطبخ واني سديت باب غرفتي
كمت اصعد ع الجرباية بغرفتي واذب روحي... مرة مرتين عشرة وماكو كلشي مااحس ام صباح دكت الباب تسأل شكو ماجاوبتها
لحد مااخر مرة وكع اتأيت كلش وحسيت شي حار نزل ع طول رجلي ضربت ايدي لكي ايدي كله دم مرة وحدة اذكر عيطت.. وراها ماحسيت الا ام صباح دتصحيني ومتوترة المسكينة
ليال لياااال اصحي امي خاطر الله اتحملي شوية
فتحت عيني شكو ام صباح شصاير
وج عيني نازفة انتي كومة ابدلج واخذج للمستشفى
يامستشفى ام صباح مالك مايقبل اطلع
فدوة بس ساعديني ابدل وهاي هي
وجيبيلي بروفين ترى الوجع عبالك سجاجين ابطني
ليال كل عقلج وج شوفي حالج غركانة بدمج مااعوفج لازم نعرف ليش شنو سبب النزف خوما تظلين تنزفين لحد مايجي مالك هسه اخابر
لا لا لا الله يخليج عوفيه ولا تحجيني.. وكمت اصيح من الوجع وزاد النزف بعد اني فقدت وعيي
ام صباح مخابرة مالك وهو متخبل عايف كلشي بيده وجاي وبطريقه مخابر الاسعاف
شايلني هو خطية وملابسه كله دم صاير.. وبالمستشفى بسرعة مغذيات وتبديل وتنظيف وراها يلا بديت افتح عيوني لكيت مالك لازم أيدي ومتوتر فرح من فتحت عيني..
ولج انتي تريدين تجلطيني.. شمسوية بروحج حبيبتي ليش هيج .. معقولة لهالدرجة ماتهميني ليش اني هيج كلت؟؟
هو يحجي واني ابجي بحركة  ودموعي عشرة عشرة.
مالك راح ابني راح
ياطفل حبيبتي... ابن مالك مايتنازل بسهولة... وخله ايده ع بطني حبيبي قتيبة بعده مجلب رغم كلشي هو مجلب بس انتي تأذيتي يارويحتي
اني ماجنت مستوعبة معقولة بعد هالنزف يبقى طفل
قتيبة منو مالك شتقصد..
قتيبة ابني غير هاي شبيها (مخلي اذنه ع بطني ) شو انثولت امك يمكن راح تنساني اني هم
شنو شلون مستحيل مالك الطفل بعده ياربي مااصدك (فرحت كلش كمت احجي بصوت عالي)
ولج ع كيفج فضحتينا... صدكي حبيبتي ربج ماراد  فماصار واني هم غيرت رأيي ابني من حبيبتي اريده ومتمسك بيه
صرت ابجي من الفرح ومالك حاضني
حبيبتي اني اسف كلش مااعرف شلون فكرت بلحظتها وخربت فرحتج... اتخبلت من ام صباح كالت تنزف ماتقبل تروح للمستشفى علمود انت ماتقبل.. حبيبتي انتي بين الحياة والموت شلون تفكرين اقبل لو مااقبل؟؟
زعلك ثكيل مالك هو والموت يمي سوا..
اششش حبيبي يكفي... ماتتكرر بعد اوعدج... لا ازعل ولا ازعلج راح نعيش حبنا ونربي ابننا واخليج اسعد انسانة.. ليال راح اعوضج عن الايام والسنين الي تعذبتي بيها اوعدج حبيبتي
مالك خلص اجراءات المستشفى.. شكد فرحت من سألوه شتقربلك المريضة جاوبهم زوجتي ومن طلعنا خلوني ع كرسي متحرك.. هو ماقبل كال
حبيبتي تلزم ايدي وتستند عليا وتمشي
من فرحتي نسيت الوجع بجسمي ولزمت ايده ومشينا للسيارة...
طلعنا من المستشفى جنت كلش فرحانة  وكالمعتاد اباوع من شباك السيارة ومستمتعة
وكفنا يم الترفكلايت وكلش ازدحام لمحت واحد كاعد ع الرصيف... مااعرف ليش شغلني شكله مگدي ملابسه مگطعة ولحيته وسخة طويلة ومخربطة..... احمر اصفر....... ايي عرفته..... اخضر
مشت السيارة واني لا ارادي دمعي بدا ينزل ولازمة ايد مالك واصيح... مالك هذا هو هو الكلب... اوكف مالك الله يخليك
ومالك متعجب يريد بس اهدأ... ولج شبيج منو هو... انتظري ولج راح نسوي حادث
اوكف ارجع عليه...
منو هو
ارجع للترفكلايت
ليااال غير افتهم
مالك ارجع واني احجيلك اروحلك فدوة
رجع مالك من لاجاره لان شافني متهستره ووكف ع جانب من الرصيف قريب من الرجال نزلت
ولحكني هو
وكفت كدام الرجال وهو شال راسه يباوعلي ريحته تكتل وبيه جرب ظل يباوع كانه مشبه
واني اباوع متشمته وابجي ها زهير شو اهنا... شوف الزمن وين وصلك واني وين عساك ازيد من هاي ياكلب كم بنت ضاعت من وراك كم حياة واحلام اندفنت من وراك
الله ينتقم منك الله ينتقم منك
ومالك بس ديراقب... ليال منو هذا
حبيبي هذا الكلب الي وصلني لبيت سلمان وعذا الكلب الي ضيعني اني وغيري بالملجأ
هذا الكلب خلانا نقتنع ان العهر قدرنا من انولدنا
رجعت للسيارة... ومالك يكول حبيبتي ليش هيج ليش نزلتي لو ادري علمود هالسالفة ماجان قبلت
اسفة ياروحي بس هذا الكلب سبب عذابي الاساسي
معذورة حياتي ردت اخابر المركز يجون ياخذوه لان مو زين هيج واحد يبقى بالشارع... بعدين كلت خليه يموت مجرب بالشارع احسن... يلا اهدأي... قتيبة شنو ذنبه ينقهر ويبجي هسه
صدك ضحكتني
فدوة لهالضحكة لهالعيون لهالشفايف تخبل ترى
شنو هو
الشفايف اوووف اموت عليها
ههههه مالك شوف طريقك لا تدعم

اكلج شنو اني شنو وضعي هسه
شبيك حبيبي  من ياناحية
يعني بكل عقلكم انتي وابنج اني راح تذبوني 9 اشهر انام بوحدي بغير غرفة
ليش ليش حياتي
اي هسه تكولين لاتتقربلي حامل
اي حبيبي لاتغير مكانك بس لاتتقربلي
لج ولي بكل عقلج... والله انام وانام ع كيف كيفي قتيبة بكد النعال ياخذج مني من هسه
ههههه حبيبي والله الدكتورة بالمستشفى كالت 3 اشهر نهائيا مايتقربلج وراها نشوف حالتج
اهوووووو اووووف يلا امري لله... مااتقربلج كلش كلش بس شويه منا ومنا
ماااالك شنو منا عفية حباب اسمع الكلام بس 3 اشهر
هنههه بس 3... بس... لج غير اموت حبيبتي بصفي واطخني وتنام بحضني ومااسوي شي.. والنار الي راح تشب بيا منو يطفيها
حبيبي كلما تحس جسمك حار ادخل للحمام جوا المي البارد
اي شكو بيها ابرد مو راديتر اني.... هم ميخالف اذا تدخلين ويايا اقبل
عاااااا لا لا لا ماادخل عبالك مااعرفك مستحيل

وعدت الايام حلوة واني انتظر يوم بيوم شهر بشهر احضن بيه ابني او بنتي
مالك نفس النظام ينزل لأهله بين فترة وفترة بس كلش جان يظل باله يمي..
وزوجته جابت بنت سماها سهر ع وزن بناته سمر وسحر.. ..
وصار 5 اشهر حملي وجنا متلهفين نعرف جنس الطفل.. مالك مصر انه ولد ويسميه قتيبه واني مايفرق عندي ولد ولا بنت المهم جزء من مالك والي راح يكون كل حياتي
رحنا سويت سونار وطلع فعلا قتيبه هههه ولد يعني
فرحته جانت بالدنيا ماتنوصف جان طاير من الفرح
صار مايبعد عني قدر الامكان ومايتأخر من الدوام للبيت 
ومشت الايام وكملت الشهر السادس ودخلت بالسابع... شكلي جان متغير بس صدك واكعلي الحمل صايرة احلى... واكو شي جنت ناسيته الفلوس الي فتحتلي صافي بيها حساب صح هو شي مايشرف بس هم حقي كلت لمالك اتعصب وحقه وكال هذا الموضوع لاتفتحيه ابد.. بس اني فكرت بشي وكدرت اقنعه.. كتله مااريد الفلوس الي خليني اسحبه واتبرع بيه للملجأ الي جنت عايشة بيه وبايدي اشتريلهم كلشي يحتاجوه...
وفعلا  شويه شويه اقتنع و سحبت الفلوس ورحنا بيوم للملجأ اودار الايتام
من ... ايباااااااه كلشي متغير بيه حتى السور وكفت بالباب اباوع وشريط الذكريات تمر كدامي عبالك البارحة طفولتي الي اغتصبوها اهنا وشبابي الي بدا بمشوار الضياع هم اهنا.. لا ارادي بجيت واني امشي بحديقتها وبين الشجر كل زاوية بيه ذكرئ اليمة..
ودافكر لو اشوف لميعة شراح اسوي بيها
دخلت جوا واني امسح دموعي... استقبلتني وحدة حلوة ومرتبه..
اتفضلي حبيبتي؟؟
العفو ممكن اعرف منو حضرتج
اني سمية مشرفة الدار امر خدمة... وبين ماتحجي جان اكو بنات صغار يمها خاتلات وراها واني ظليت اباوعلهن وابتسم
كالت اسفة بس هم مامتعودات ع وجوه غريبة
ذولي بناتج
لا بس مثل بناتي كل الموجدين اهنا اطفال اولاد وبنات اني بحساب امهم....
انبهرت بجوابها واتفاجأت... بجيت وحضنتها.... وظليت ابجي والمرة مستغربة.... بعدها حجيتلها ع الي شفته اهنا
اسفة بس يمكن من فرحتي بشخصج ويمكن اذكرت شكد جنا محرومين انسانة مثلج
كالت ست لميعة وزهير فصلوهم من كشفوا قذارتهم وانسجن زهير فترة وراها مااعرف شصار
كلتلها اني اعرف شصار حياتي زهير هسه ديستأنف عقابه وعيشته عيشة الجلاب
كعدنا حجينا شوية عرفت منها متزوجة والله مارزقها بطفل وعدها نية تتبنى واحد وراها... سلمتها الفلوس كلت راح ابقى ع اتصال وياج وعندي ثقة ماراح تقصرين.. وفعلا صرنا صديقات وبينا اتصال مستمر
بهالفترة مالك ماقصر وياي صح بس جان اكو شي شاغله مرات من يصفن اقرأ القلق بعيونه... وفجأة قرر نترك الشقة ونتحول لغير بيت بحجة الشقة صغيرة وطابق ثالث مايصرف بعد
اوك عادي اجرنا بيت حلو كلش وبغير منطقة  ونفس الشي جانت ام صباح تجيني لحد مايرجع الحق هاي المرة ماعافتني اتعب ابد
بس اني بديت اقلق ع مالك متوتر ودائما اتصالات ميحجي كدامي و اسأله يكول
معليج حياتي مشاكل بالدوام لاتشغلين بالج

يتبع...

قصة ليلى ﴿ ليال بنت الملجأ ﴾ حقيقيه 🔞-


بارت 13 شاركو القصه مع اصدقائكم @iq_gril📍-

بيوم بالليل كاعدين..' شفت مالك مشغول وشارد صفنه تجيبه وصفنه تاخذه.
شبيه حبيبي شنو الشاغله عني معقولة كل هالفترة ابالك موضوع و ماتثق بزوجتك حبيبتك وماتشاركني همك
صفن بوجهي شوية... بعدين. ...
ليال اريد اكلج شي بس اخاف تضوجين وتنشغلين
شكو مالك خوفتني
ماكو حبيبتي بس سلمان هم رجع ظهر من جديد بعد الكسره الي كسرته بيه من الصفقة الاخيرة رجع وكف ع حيله بمساندة ناس كبار... وخايف لا يزعجنا اويحاول يأذينا وبصراحة هذا السبب الاكبر الي خلاني احول بيتنا حتى لايندل
وبشنو يزعجنا حبيبي اوي الله ياخذه خلي يولي
حبيبتي اني ماخايف ع نفسي بس هذا نذل خايف يأذيني بيج
اني من كال هيج كلش انصدمت
واي مالك ليش ليش شلون يعني
اهدأي حبيبتي اهدأي وتعالي بحضني... معقولة تخافين وانتي بحضن مالك... اموت ومااخلي يمس من ام قتيبة شعراية اتشاقه وياج ياروحي
اسم الله عليك حبيبي من عمري ع عمرك يانبض گلبي
ظل مالك ليلتها يتشاقه عود يضيع السالفة بس اني كلش انشغل بالي عليه...
ومرت الايام صرت ثكيلة ومابيا اتحرك... وخلصت الثامن وبعد مادخلت الشهر التاسع بأسبوع واحد صار عندي اوجاع
كعدت الصبح حسيت بألم فضيع بسرعة صحيت مالك
حبيبي اصحى أاااااي مالك كوم أااااي
خطية فززته وكعد
ها ها ليال شكو منو وياج
مالك فدوة صحصح عندي وجع يمكن صار وكت الولادة
جنت اصيح وابجي... ههه خطية هو هم انثول مايعرف شيسوي بسرعة بدل واخذني للمستشفى وصلت اهناك وفجأة مابقى عندي اي الم فحصتني الدكتورة كالت هاي تقلصات الحمل مو ولادة... ورجعنا للبيت وتكرررت الحالة 3 مرات ههههه...
اخر مرة مالك جان بالدوام خابرته اصيح خطية بس ماانجلط
الووو مالك مالك الحك والله هالمرة كلش يأذي
خب حظي ولج والله بالي وين راح من سمعتج تصيحين... ليال حبي روحي مددي هسه يروح الوجع
عاااااااا لك شمدد الوجع يگطعني
اي بال 3 مرات الي راحت هم جان الوجع يگطعچ ياروحي والله ماألي وجه ادخل المستشفى ولج حتى الامن بالباب عرفوا سالفتنا
مالك تجي لو اطلع اصيح برة ااااييييييي
ليااال لياال حبيبي زين جاي اني ادري انتي ضايجة تريديني ارجع بس روحي مددي رويحتي ربع ساعة واوصل
استعجل مااااالك استعجل والله هالمرة....
طوووووط طوووووط طووووط
عزززززززاااا سدها بوجهي وين اولي ربي
صدك جان الموقف كوميدي ومن شدة التوتر والالم حتى تيهت التواليت واني محصورة... وفجأة شي حار بدا ينزل مي وسخ
عزززززززاااا العززززززاج ليال ولج هاي شنوووو
شسوي هسه واي واي مالك وينك راح اموووت
وجان يدخل مالك للبيت بكل برووود... اني شفت ابتسامته الباردة بس مااكلته بسنوني...
مالك شنو هالبرووود واني الوجع كسرني اتحرك سويلي شي
شافني وشاف وجهي مصفر لا صدك هالمرة غير
وج ليال هاي مي راس طاك عندج لج خرب كعدي كعدي اهناا لا لا ظلي واكفه حبيبي لا تعالي كعدي بس ادخل السيارة لا لا لا تعالي روحي جيب غراضج
😡😡ماااااااالك اني دأموووت انت شدتخربط هسه اروح لواجي لواكعد لو اوكف رسيني
صعدني مالك بالسيارة كوة كعدت وبالطريق فاتحة الشباك واصيح... ومن مالك يريد يهديني جنت اعظ ايده لحد ماوصلنا المستشفى زوركتها اله خطية
وصلنا مباشرة اخذوني لصالة الولادة...
من خلوني ع السرير المتحرك خفت كلش كلش
كل وحدة من النسوان شفتها وياها وحدة لو امها لو اختها لو حماتها... الا اني بوحدي اترجيتهم يخلون مالك يدخل وياي ضحكوا علي ((حقهم مايعرفون مالك كلشي الي جان امي وابويا واخوتي وكل عشيرتي))
بجيت هوايا بس مو من الوجع بجيت من حسيت ماألي احد وهاي اول مرة احس بالوحدة شكد صعبة اثاريها المرة بلايا اهل... ولو اموت خلص كأني لاجيت ولا رحت من الدنيا
هههه من اتجمعن الممرضات الدكتورة كمت اني وملابس العملية اركض جني مخبلة لازمة بطني واصيح مااريد اجيب.. اركض والممرضة تركض وراية والنسوان خربانات ضحك لزمتني الممرضة وج ماما بكل عقلج انتي شنو مااجيب ترى الطفل يتعب ويختنك...
لا لا عفية ابني... بجيت ورجعتني لمكاني ضربوني ابرة توسع وبين مابدا الوجع من جديد كلتلهم اني يتيمة ماعندي احد من هاي خايفة.
والدكتورة تكلي ادفعي حيل اني اتنفس حيل جنت اسمعها تكول ولج بربوك اكلج دفعي لو اتنفسي عليمن تضحكين انتي 😂😂.
وبعد هوايا من ادفعي واوكفي وجيبي وودي هااا اجا راسه اااااي ااااااي وبعد..... وجااااااان يطلع قتيبة
فدوة سمعت صوته وهو يبجي ماادري شنو صار بيا جنت ابجي من الفرحة واكللهم انطوني ابني اريد اشمه... هم هماتين اتعاطفوا وياي وبجوا ع بجيي
بعد ماكملوا ترتيب وتنظيف نقلوني لغرفة خاصة وسلموني لمالك... فدوة لعينة الفرحة جانت تنط من عينه...
حضني وباسني
كافي حبيبتي كافي بجي شوفي ابنا بحضنا والحمدلله ع سلامتكم يااغلى من روحي

اليوم فرحتي بالدنيا مابدلها... ربي اكرمني... بولد ومن حبيبتي بعد شريد احمدك واشكرك يارب
يووووومة فدوة عيونه كبار عليا بس ملونه بلون عيون مالك.. هواي ملامحه من مالك
ورجعنا للبيت جنا اني ومالك مثل المجانين يوميا نراقب قتيبة بكل حركاته وهو چنه عجينة فعلا غير حياتنا للأحلى بس فدوة لعينه شوية جان نحيس وماينام جنت ابقى اسهر وياه
بالليل مرات اغفى فيجي مالك ياخذه هو ينيمه ويغطيني ويعوفني بالغرفه ارتاح...
جنا نصور قتيبة يومية وهو عبالك بزونه صغيرة نكول من يكبر نشوفها اله
بقينا مرتاحين شهر من عمر قتيبة ونسينا سلمان..
لكن للأسف ماجنا نعرف شضام النا

يتبع....

قصة ليلى ﴿ ليال بنت الملجأ ﴾ حقيقيه 🔞-


بارت 14 الاخير. #النهايه @iq_gril📍-

فرحتنا بقتيبة نسانا سلمان وهذا جان اكبر غلط...
غلط تنشغل عن عدوك.. او تستهين بيه المهم '' ''
بيوم انصدمنا بزيارة مفاجأة من سلمان ...
جنا كاعدين بالحديقة فجأة دك الباب فتح مالك.... لكاه كدامه
عزززززززاااا متت خوف..
اتعصب مالك بس هم حاول يمسك نفسه
خير شكو
هههه هيج تستقبل ضيوفك؟؟ هه عبالك اذا تشيل ماالگاك بعد
سلمان... عوفنا وانسانا و مال ارجع اساعدك بشغلك القذر مستحيل
لاتستعجل مالك لاتستعجل وتتعصب...بعدين تندم اوعدك والحوت مايوعد عبث
اندار عليا وقتيبة بحضني.. بنظرة جانت كلش تخوف
شلونج ليال وهذا الحلو منو... لا لا مالك الظاهر صايرة تطورات حلوة وماادري
سلمان اطلع برة
اوك اوك طالع بس راح نتشاوف عن قريب وراح تساعدني حباب... وبأرادتك
راد يطلع رجع ع مالك...نسيت.. ابو منو نكلك؟؟
جان مالك يسد الباب بوجهه
اتوتر مالك كلش وبدون تفكير كال
ليال كومي لمي كم حاجة ضرورية الج ولقتيبة لازم نطلع منا وباسرع وقت
وين نروح مالك اهدا حبيبي
لياااااال انتي ماتعرفين سلمان بگدي.. الله يخليج استعجلي... لازم اطلعكم من بغداد
كمت لميت جنطة وحدة بس جبيرة الشغلات الضرورية وطلعنا...مسافة عن البيت لاحظت من الشباك سيارة ملاحكتنا غالطت روحي وماحجيت لمالك.. كلت احتمال متوهمة... طلعنا من مركز بغداد ع طريق صحراوي... وكفتنا سيطرة وياريت ماوكفنا...
ويا وكفة السيارة نزلوا مالك وسحبوا عليه السلاح واخذوا سلاحه واحنا نزلونا بوحد... اني صرت ابجي وحاضنة ابني واترجاهم
الله يخليكم لاتأذونه شماتريدون يصير فلوس وذهب بس عوفونا نروح..
طلعت سيطرة وهمية تابعة لسلمان
اخذوا قتيبة مني كمت اصيح وهو يبجي فدوة لعينه رلازميني اثنين ومالك اتخبل كام يصيح ويقاوم وهو مجرديه من السلاح
صح ضرب واذاهم بس يبقى السلاح الي بيدهم سيد الموقف
الوضع صار مثل كابوس اتشابك وازدحم بدقايق لكيت مالك واكع وينزف بس بعد بيه نفس يجي سلمان يوكف ع راسه وبكل استهزاء
هه عنودي من يوم يومك سلملنا...
وطلقتين براسه
كل هذا واني ساكتة اخرسيت عين ع مالك وعين ع قتيبة.. وكعت بمكاني بلا اي حركة اراقب مالك و الدم شلون ديتوزع بالشارع واكول ويا نفسي هسه يكعد اكيد يكعد غيرته ماتقبل اني وابنه نبقى جوا أيدهم...
وكف كدامي سلمان وبكل استهتار
... البقاء لله ليال والعمر الج هسه ارجعي عيشي حياتج حرة اكيد جان حاصرج ومقيدج هههه
شلت راسي كل الي كدرت اسويه تفلت بوجهه بس ابد لا ابجي ولا احجي او اصيح.. دفرني برجله ع حلكي وسحلوني من شعري للسيارة وابني بغير سيارة اهنا اتهسترت عبالك جنت نايمة وصحيت...
كمت الطم واصيح وملختهم بأظافيري
مالك مااااااالك لاتعوفني كوم اصحى انت وعدتني ماتتخلى عني كوم اخذوا قتيبه... جيبولي ابني جيبوه ياكلاب.... خمس رياجيل ماكدروا يسكتوني ويسيطرون اخر شي جابوا قتيبة بحضني وطلعت السيارات... وظليت اباوع من الشباك ع مالك واكع بنص الشارع ابجي بحركة وماكو بيدي شي
سلمان بدون تأخير مباشرة اتجه للبيت لمكان الخبزه ع كولته...
من وصلنا كال بس اسمع صوتج لو اشوف خبالات ابنج ادزه يم ابوه..
لهذا دخلت وبكل هدووء وابني بحضني ودوني لنفس غرفت قبل وسدوا الباب عليا بقيت اباوع ع قتيبة... وابجي...
ليش ليش مامكتوبلي اعيش بنظافة ليش الدرب رجعني لنقطة الصفر...
وانت ياامي شنو ذنبك تعيش هالمذلة ومن تكبر شلون راح تتحمل.... معقولة ارضى اشوف نهايتك مثل اسراء.... مستحيل مستحيل حبيبي انت لازم تعيش واحسن عيشه مثل ماجان يريد ابوك وحتى لو دست ع گلبي... انت لازم تطلع منا بأي ثمن...
بقيت الليل كله احاجي قتيبة..... لحد طلعة الصبح... جنت متوصلة لفكرة ولازم انفذها بدون تردد... الصبح ردت اطلع لكيت الباب مقفول ظليت اضرب الباب فتحوه...
اريد سلمان....
دولي وانجبي لمكانج مو هو ماعنده شغل وعمل
ارييييييد سلماااان كولوله اريد اشوفه ضروري وموافقه ع كل كلشي يطلبه...
اخر شي خابروه وانطوني احاجيه
سلمان خليني اشوفك وصدكني راح نتفق..
تدرين دوختوني انتوا صار يومين انجبي وعيشي ساكته اهنا مو زين جبتج لهنا وماتشردتي بالشوارع
اشكرك وممنونة منك بس كمل زينيتك عليا وتعال
جاي بالليل اريد كلشي متحضر
اجا بالليل.. رادني انام ويااه الحقير...
الي تريده يصير بس...
ههههه بلا اي بس اني من اطلب شي ماكو بس يوكف كدامي
سلمان... بس طلب واحد ومستعدة انطيك اي ضمان... وانت بنفسك تعال وياي...

بس خليني اروح لدار الايتام الي اجيت منه ساعة واقل من الساعة ارجوك
هههههه وهاي لعبة جديدة من العابج
سلمان اني راح ابقى اهنا واديرلك المكان مثل ماتريد بس ابني ماأله ذنب الله يخليك
والمطلوب
بس خليني اسلمه للدار
لياااال
والله بس اخليه اهناك واجي
ليش خليه يكبر ابن مالك وينذل ويشوف الي مالحكت اشوفه لأبوه
لا لا سلمان انت غلطان هو مو ابن مالك... ههههه تتصور وحدة مثلي اتوب ع شغلتها...
((هنا انجبرت اجذب في سبيل انقذ ابني))
لا سلمان ابني ضايع بدمه لاثنين نمت وياهم نفس الليلة وصار الحمل وحاولت اذبه جلب غصبن عني
وهسه هو ماأله ذنب بهالوضع وبعدين بهوسته مااكدر اشتغل..
كمت اتموع واتقربت كلش منه صدره مفتوح لعبت بشعر صدره.... هو فقد.... وابتعدت خليته ع النص
اي اي زين.... يمتى تريدين
هسه هسه
يلا انتظرج بالسيارة
كمت رتبت روحي وحظرت قتيبة حسمت امري
اخذني سلمان للدار ونزلت الحمدلله لكيت ست سمية...
ست ليال هلا بيج حبيبتي بنت حلال جان ابالي اخابرج
ست سمية جايتج بخدمة مايساعدني بيه غيرج
حجيتلها القصة من الالف للياء.... المرة انصدمت وحقها
المهم
حبيبتي انتي مو جنتي مفكرة تتبنين طفل... ياريت.. تاخذين قتيبة... تبقيه مو كنزيل عندج لا اخذيه اتبنيه... اروحلج فدوة واني اتكفل بمصاريفه للموت... يصير ابنج واني اظل اطمأن عليه منج... وانطيج اوراقه بس لاتمشين عليها... مااريد حتى من يكبر يعرفني امه ابقى صديقة العائلة والمقربه وبس
بس الاوراق امانه اخاف يجي يوم يعيروه انه لقيط ذاك الوكت كوليله انت ثمرة حب شريف
وطاهر بس ماانكتبله يستمر
ارجوج ست سميه قتيبه امانة.عندج.. ارجوج لاترفضين... وللعلم اذا ضرتي عرفت اكيد تحاول تتخلص منه حتى لا يحقله شي من الورث كونه هو الولد ع 3 بنات

ست سمية وافقت.... ووعدتني السر مايطلع من بينا...
حضنت قتيبة واني ابجي...
حبيبي اسفة والله لمصلحتك راح اعيش واني ميته بدونك انت وابوك... ناركم بگلبي ماينطفي
عفته وطلعت.... ((بعد مااتفقت كل سبت اشوفه او جمعة...هاي الانسانة ملاك ربي بعثها تساعدني ومايضيع قتيبة .)) ..
وسلمان ينتظر...
وبعد سبع سنوات.......
اني ليهسه عبالك البارحة صار كلشي..... دم مالك بالشارع وصوت بجي قتيبة صاروا هم التخدير الوحيد الي يخليني جوا اي واحد انسى وافقد واسلم روحي بكل سهولة...
رجعت ليال للياليها.....
وقتيبة صار عمره سبع سنوات نسخة من مالك... يحبني كلش صديقة امه ازوره وكلما اروح اخذله هدية...

اثاريه صدك طلع لا مفر من اقدارنا ومهما كانت نياتنا اذا الدنيا ماتريد توكف ويانا خلص.... ع الدنيا السلام

راح تلوموني ادري بيكم شلون كدرت اتخلى عن ابني واتجاوز الي صار واكمل...
اني ماعندي احد وواكعة بيد سلمان... وشفت بعيني اسراء شنو كان ردة فعلها من عرفت حقيقة قصة والدها وامها...
قتيبة ولد معقولة اعوفه يشوف امه شتسوي يوميا وبشنو تعيشه...
ماجان عندي غير حل جان لازم اقوي نفسي لخاطر يعيش ابني عيشه مشرفه.....

النـهاااية.....

رأيكم بالقصه يهمنا دزولنه تعليق ع بوت القناة👈 @Iq_griLbot ✔️

نحبكم هوايه هوايه
المزيد من القصص في👈الارشيف @go_77 🔥

انتظرونه بمجموعه قصص #جديده .♥️
-

قنواتنا للقصص 👈
1_ @C77iQ 💠 قصص واقعيه
2_ @go_77 💠 الارشيف فيه كل القصص

قصة حنين ﴿ حب جنسي ﴾ حقيقيه 📵-


بارت 1 شاركو القصه مع اصدقائكم @iq_gril📍-

حنين : وحيدة اهلي وعندي 3 اخوان كولهم اكبر مني
اني مواليد 98 تركت الدراسة بسبب ظروف
حتعرفونها اثناء الاحداث الصارت وياي

وضعي النفسي ممستقر لان وحيده واحس محتاجه اهتمام عاطفي
اخواني كلمن محتار بروحه محد يفكر بيه ولايسألني ولاابالهم بس بوقت اللبس او المكياج يكمزون يحاسبوني بغير شي مالهم وجود بحياتي لا اهتمام ولا كلمه حلوة ولا نصيحه
ماما محتاره ابابا و بيهم وبالشغل ..صح ممقصره وياي بس متتقربتلي اصلا ....يعني لو اني اسولفلها لو متسألني شصار مصار وياي وامشي ويا منو واحجي ويا منو محد مهتم.
بابا هو ماله علاقه بأحد لا بأخواني ولابيه محتار بالشغل ويواصل بأقاربه وكذا بس مادياً ممقصر ويانا
ابن خالتي اسمه رائد مواليد 90من وعيت للدنيا وكمت افتهم يعني تقريبا عمري 14 اسمع خالاتي وبنات خالاتي يكولن رائد يحب حنين ويريد يتزوجها لحدما صار عمري 18 هو يحاول يبين حبه ويدزلي هدايا بيد خالتي ومهتم لامري كولش ومن نروحلهم الفرحه مواسعته بس اني مجنت احبه احسه سهل واحسه معنده شخصيه لان كولش يحبني ومهتم بيه
كل بنيه تتخيل فد مواصفات ابالها تتمناها
اني احب الرجال الصعب الكوه اوصله او الرجال العنده كبرياء وميتنازل لهذا محبيت رائد
رائد : الو حنين مو
حنين : اي حنين منو انت
رائد : اني رائد ابن خالتج
حنين : اهوووو شيريد هذا .. هلو بيك رائد خما اكو شي؟
رائد : لا بس حبيت اسلم واسمع صوتج
حنين : الله يسلمك ويا ريت متتصل بعد عفيه خاف اخواني ميقبلون ماريد تسببلي مشكله
رائد : اهاا... اني كلش اسف ومتنعاد بعد ...باي
حنين : والله يالله ...الي خلكه حتى جاي يسلم
نور : الو حنين لج اتصل بيج مشغول هاااا هااا مكبله ومتكولين مو
حنين : انجبي خابرني رائد اللزكه
نور : اشمري الي خرب بحضي الله ينطي الجوز للماعنده سنون
حنين : دخذي وخلصيني
رائد : احس ابنت خالتي مراغبتني بس اكول صغيره ولازم اني ابينلها حبي حتى تحبني
اخت رائد (مها): شبيك انت رائد دختولي ام خشم اليابس شعايزك انت الف بنيه تتمناك ع شنو شالع كلبك ومقهور @iq_gril
رائد : لج احبها والله هي حبابه واليعجبني بيها ثكلها ومن هي وصغيره عقلها جبير وبنت خالتي مو غريبه
يمكن تدلل لان وحيده
مها : والله بعد براحتك
حنين : بداية الموسم الدراسي للصف السادس علمي كنت بمدرسة نموذجية وبعيده عن بيتنه سوينه خط جديد اروح وارجع بس بيتنه ابعد من باقي البنات وابو الخط ينزلني يم الكراج وابقه امشي مسافه طويله الا اوصل لبيتنه
حنين : بابا احجيلي ويا ابو الخط ينزلني يم بيتنه والله شمس وحاره وادكها مشي
ابو حنين : جيبيلي رقمه واني احجي ويا
جبت رقمه وحجه ويا بابا وكاله اظيفلك ع الكروه 25 بس تنزلها بالباب ابو الخط اتعذر لبابا وكله عندي خط ثاني لازم اللحك عليهم ماكدر
حنين قررنه اني وصديقاتي نغير ابو الخط ع راس الشهر حتى نلكه واحد يوصلني للبيت
هبه ويانا بالخط كالت اخويا يكيف اذا اكوله
امير : اجتي اختي كالت اكو خط بنات ثانوية ال..... النموذجية تاخذنه
كيفت حتى ارضي ابويا
(اني طايش كلش وضارب الدنيا بعرض الحايط عايش مونس روحي ممفكر بأحد وميبقه فلس بجيبي لان مخلصهن ع الملاهي والشرب وبنات الليل )
غيرنا الخط وصعدت مكاني ورة السايق
شاب مو مال خط جنه عارض ازياء جمال واناقه وكشخه
هبة : البنات يسألني اخوج رايح لحفلة لو يوصل خط ههههه كتلهم لاهو هيج وبكلبي ادري بي يريد يصيد شكم مسكينه
• امير : صار 3 اسابيع بالخط مبقت وحده ماجاملتني وحجت وياي عدا الفيس والفايبر انترسن لان انتطيتهم رقمي بحجه ابو الخط واني افرح من يصير عندي هواي بنات
• حنين : صح هو جذاب بس اني مبدئي واحد وهو...ماكو شاب يستحق البنيه تتنازله وتخون ثقه اهلها وبالنهايه هم كولهم مخادعين
• امير: دوختني حنين تحجي ويا صديقاتها وتجامل بيهم واني ولابعينها
• حنين : احسه مركز وياي كولش بس مدايرتله بال
• رائد : واكف اباب بيت خالتي ونزلت حنين من الخط دمي كام خل من الغيره مو لان الولد حلو ومرتب بس يباوعلها من اول ماطبكو لحدما وصلت الباب ومبين من شكله ابن حرام
حنين منو هذا
• حنين : ابو الخط مالتنه اخو صديقتي
• رائد : تره عينه مالحه ومبين مو راحه شلون تبقين اخير وحده ويا
• حنين : اي وهسه شتريد يعني انت عينك مو مالحه؟ وبعدين ماابقه وحدي تبقه اخته ويانا بس اليوم غايبه
كذب هو ينزل اخته حالها حال البنات واني ابقه وحدي ويبقه يتحجج حتى يفتح موضوع
• رائد: عود هم صدوك اني شعليه لواكه زايده مني عندج اخوان وعندج اب وام وهم يحاسبونج
• حنين : جيد.. ولاتدخل بعد
مابقصدي شي من كتله لاتدخل بس الافتهمه يغار عليه وماريده يتأمل بيه..

يتبع...

قصة حنين ﴿ حب جنسي ﴾ حقيقيه 📵-


بارت 2 شاركو القصه مع اصدقائكم @iq_gril📍-