4️⃣4️⃣البارت الاربعه والاربعون:

دخل اياد ولمياء ممتده فوق السرير وباين عليها التعب قويه وعيونها من كثر البكاء قدهن مورمات وحمر.

اياد: مالش هكذا يا لمياء نشلش المستشفى.

لمياء: اياد انا شاموت.

اياد: ماهو تموتي للهباله هيا اعقلي واوقعي مره.

لمياء ببكاء: الاسبوع الثاني عد افعل عمليه.

وروان دفت المطيط وطلعته وقبل ما تفتح باب الغرفه سمعت لمياء، بتقول عد تفعل عمليه.

روان: عمليه مه وجلست تتسمع.

اياد: عمليه مه.

لمياء ودموعها بينزلين لا اراديا: عمليه في الدماغ فيني ورم يعني سرطان.

اياد: ماااهو.

لمياء: يمكن يا حميد واتعافى او خبيث ما اتعافاش.

اياد: وليش ما حاكيتيني.

لمياء: امس دريت وقلي الدكتور وانا حاكيتك على سب تكون جنبي وتوقف معي واليوم سرت اعمل اول ابره مهدء لهذا تعبت واتصلت لشيماء صاحبتي وهذا الاسبوع معي ابر يوميا .

اياد كان مكبوود ومقهور: خلاص من عيوني شاجي معش.

لمياء: ومحد يدرى غيري انا وانت بس لا تحاكي لا امي ولا روان ولا اسماء ولا اشرف ولا احد.

روان من خارج كانت تبكي وفجاه دخلت الغرفه وعيونها ملان دموع وتبكي: وليش انا ما ادراش ليش انا مش اختش وحملت تحظن لمياء وتبكي ولمياء، بكت.
اياد كان يدمع من حزنه على لمياء.

ايمان ابسرتهم بالغرفه كلهم وهم بيبكوا.

ايمان: هيا ما قد به معانا للبكاء.

لمياء: بين ابكي حين عد افلت لكم.

اياد: غنج ودلع بنات وطلعتني تقول لي قد عد تفلتنا ومدري مه وخرج لان عيونه عد تفضحه.

ايمان: لمياء للمه تتبكبكي يا قلبي ولا عد تفلتينا ولا شي انتي عد تجي وتسيري وتتاقلمي وكل شي او مه يلا ها اشربي المطيط دفي بطنش.

لمياء بتمسح دموعها: حاضر يماه.

ايمان: وانتي يا روان جي اجلسي جنبي يلا خلي اختش لحالها.

روان: طيب الان شويه امد ما اتم احاكي لمياء.

ايمان خرجت وروان مسحت دموعها وجلست جنب لمياء.

لمياء: اخطي عند امي انا فدالش يلا.

روان: غدوه شاجي معش على سب الابره.

لمياء: طيب.

روان خطت عد تسير عند امها ورجعت حظنت لمياء وبكت.

لمياء: رواني ما فيني الا العافيه انزلي يلا وبعدا ايش ما مكتوب لي عد اشله يا روحي يلا لا تبكيش وتخليني اتعب.

في بيت عبدالله.

منار: اباه.

عبدالله: ماهو.

منار: ليش ما ترجع امي.

عبدالله: خليها تتادب شويه وانا شاردها.

منار: اباه.

عبدالله: جننتيني ماهو.

منار: اخطى ردها ذاحينه البيت شوعه بدون امي.

عبدالله: هجعيني واخطي من قبال وجهي لاتتدحسيني.

مراد روح البيت العشي والبيت هدوء.

مراد: منار منار.

منار في غرفتها بتبكي فتح عليها مراد وهي بتبكي.

مراد: مالش بتبكي ووين ابي.

منار: ابي خرج مدري وينه.

مراد: مالش بتبكي.

منار: قلت لابي يسير يدي امي وهو ما رضاش والبيت شوعه من دونها وانا بين اجلس وحدي وافتجع.

مراد: هو عد يردها لا تبكيش يلا انا فدال اختي.

منار: متى.

مراد: مدري يلا يا قلبي اخطي ادي لي عشاء نتعشي انا ونتي انا جااوع.

منار: حاضر وخطت للمطبخ.

مراد تنهد وجاء على باله لمياء وفي نفسه"ياربي ليش بتجي ببالي هذه البنت لا تكون حبيتها يا مراد ههههه بس ليش حبيتها وانا اصلا خاطب ".

في بيت عبدالرزاق.

عبدالرزاق: غرفكم النوم عد يجين هذا الاسبوع.

اشرف: يا باه انا اشتي اخرج بيت لوحدي.

عبدالرزاق: للمه بيت وحدك.

اشرف: يا باه لمياء وسكت.

عبدالرزاق: مالها.

عبدالرزاق: ولا شي.

عبدالرزاق: وبعد اشتي يكونين يمسكين البيت هن مرتك ومرة ابراهيم.

سلوى: يا باه مرة اشرف بتشتغل.

عبدالرزاق ابسر اشرف: صدق بتشتغل.

اشرف: ايوه.

عبدالرزاق: احنا قلنا ما نشتيهاش تشتغل هيا ماهو يا سميه.

سميه: يووه سهل لما تجي ونحاكيها يلا رضت باشرف معد نزيدش نقول لهم مابش شغل وبعدا تقول لا.

عبدالرزاق: هاا وتشتي تخرج بيت لحالك على سب انها تشتغل ايوه مابش تخرج لبيت لحالك تعيشوا هاانا

اشرف تنهد وخرج من البيت.

في اليوم الثاني.

لمياء قامت من النوم جهزت روحها عد تسير الدوام.

روان: ليش، عد تسيري الدوام.

لمياء: معي زد هذا الاسبوع وبعدا خلاص انا استاذنت على سب عرسي.

روان: هاا ومتى الابره

لمياء: ظهر الساعه 12اسير اداوم حتى نص دوام.

روان: وانتي عادش تاعبه.

لمياء: خليني بس.

روان: لمياء اشرف داري.

لمياء: ابدا مش داري بالمره.

روان: ضروري تحاكيه.

لمياء: انا عد احاكيه ناجل حكايه العرس لما افتهن واذا ما افتهنتش هو حر يفعل الذي يشتي.

روان: الله يكتب لش ما فيه الخير.

نزلت لمياء عد تخطى الدوام.

اياد: هيا.

لمياء: عد اداوم هذا الاسبوع وبعدا خلاص انا عد ااجز على سب عرسي.

اياد: متى اجي لش.

لمياء:الساعه 12.

اياد: طيب.

لمياء: لا تحاكاش اشرف شاحاكيه انا.

اياد: طيب روان عد تسير معش.

لمياء: عد تسير المعهد وتجي لعندي.

اياد: سابر يلا جي اوصلش على طريقي.

لمياء: يلا هوذا قدنا جاهزه




🖋️Ala'a taraq/بقلم.

5️⃣4️⃣البارت الخامس والاربعون:

وصلها اياد المختبر وبدات تشتغل طبيعي

شيماء: ليش جيتي.

لمياء: جيت كيف ليش جيت.

شيماء: كيف قدش مع الابره.

لمياء: احسن شويه وعلى الله امانه لا تنسيني من الدعاء.

شيماء: عيوني والله اني بين ادعي لش بكل وقت.

لمياء تنهدت وبدات تتم شغلها.

اشرف: كيف انتي يا لمياء.

لمياء: حيا اشرف الحمدلله وانت كيف حالك.

اشرف: الحمدلله قال اليوم رئيس المختبر انش عد تشلي اجازه من الاسبوع الثاني حوالي شهرين.

لمياء: ايوه على سب العرس وماقبل وبعد العرس.

اشرف: وانا اشتي ااجهز ما سمح لي الا اسبوعين حق العرس فقط ليش ما انتي.

لمياء: ههههههه اشرف اشتي احاكيك بموضوع.

اشرف: انتي تامري يا لموشتي.

لمياء: يعلم الله بعد ما تسمع الموضوع عد اكون لموشتك او لا وضحكت.

اشرف: ليش يا سعم قلتي هكذا.

لمياء: مدري.

اشرف: ماهو الموضوع.

روان جت.

الاستقبال: تشتي الدكتوره لمياء صح.

روان: دريت ما شاء الله ايوه اخطي داعيها لي.

الاستقبال: طيب وخطي يداعي لمياء.

لمياء: خلاص يا اشرف غدوه شاحاكيك يلا بيباي.

اشرف: وين عد تسيري.

لمياء: معي مشوار وشلت اشيائها وخرجت.
واياد جاء يشلها.

اشرف ابسر اياد وخطي يسلم عليه.

اياد: حيا اشرف.

اشرف: لك حياه الدنيا يا نسب كيف انت.

اياد: الحمدلله نحمدلله.

اشرف: تشتي شي ولا شي.

اياد: ماشي جيت اشل لمياء.

اشرف: عادها بالغرفه هي وروان.

اياد: قول لهن في ساع الله يحفظك.

اشرف: طيب.
وخطي يداعي لمياء،.

شيماء: يلا بيباي الله يختار لش ما فيه الخير.

لمياء: يارب ادعي لي.
وخطت هي وروان.

اشرف: ليش وين عد تسير.

شيماء: مدري.

اشرف: بس ليش قالت ادعي لي.

شيماء: هي دايما اذا هي تاعبه او شي تقول هكذا ما علينا منها تسير اين ما سارت.

خطيو الثلاثه للمستشفى وجاء مراد يفعل لها الابره وهي بالغرفه وباعده البرقع

مراد دق الباب ودخل.

ولمياء تغطت.

اياد:للمه اتغطيتي هو هكذا ولا هكذا عد يبسرش عد يبسرش هههههههههه

لمياء:ههههههه

مراد: كيف لمياء.

لمياء: تمام الحمدلله.

مراد: هولاء معش.

اياد: ايوه انا اخوها.

مراد: اهلا وسهلا وبدا يسبر الابره.

لمياء:اييي بتوجع

مراد: ممكن يا اخو لمياء تجي شويه لخارج احاكيك.

اياد: على طوول.
وخرجوا من الغرفه

مراد: لمياء الان بتمر بحاله تعب وارهاق وحاولوا توقفوا معاها والورم حقها يمكن ان شاء الله من الورم الحميد لان الورم الخبيث ياثر على الجسم مع الابره قوي بس احس ان بنيتها قويه العمليه ان شاء الله بتكون بعد يومين لا ناخرهاش اكثر من كذيه .

اياد: طيب يا دكتور.

لمياء كانت كل قطره من الابره تدخل لجسمها كانت تحس بتعب بس، مع هذا ما كانتش تطرح نفسها ابدا بالمره على سب لا احد يشك بشي وبالذات امها

لمياء بعد الابره شربت منشطات على سب تروح البيت وما تبين لامها خالص.

ايمان: وين كنتين يا هوانم اتصل لش يا لمياء ما تجاوبي وروان مغلق

روان: خرجنا نتمشي ههههههه.

ايمان: وانت ليش معاهن.

اياد: كان معي عمل اليوم خيرات واجتماع اتصلين لي قالين اروح هن على الطريق.

ايمان: سابر.

اياد: لمياء العمليه بعد يومين قال الدكتور و ضروري امي تدري كيفه.

لمياء: مدري نقل لها عمليه اي شي اما نقلها ورم امي عد تزعل وتمرض.

اياد: طيب.

لمياء طلعت الغرفه وصلت ودعت ونزلت عند البنات على سب محد يشك بتعبها.

لمياء كانت فوق الكنبه جالسه بتفكر
لمياء بدات تبكي على نفسها وبتفكر في نفس الوقت كيف عد تقول لاشرف وما باقي على عرسهم غير شهر فقط.

لمياء رسلت لاشرف
"اشرف انا معد اداومش غدوه عد اجي المختبر اكلمك كلمتين وامشي المستشفى".

اشرف:ليش ما به تشتي شي.

لمياء:غدوه ونتكلم بس بحينه جي.

اشرف:حاضر

في اليوم الثاني في الصبح.


روان: عد تحاكي اشرف.

لمياء:ايوه.

روان:تتوقعي ايش عد تكون رده فعله.

لمياء:اكيد عد يزعل ويوقف جنبي ومعد يفلت لي وعد يقدرني.

روان:تتوقعي هكذا.

لمياء:ايوه.

روان:ان شاء الله

لبست لمياء البالطو والبرقع وتجهزت ووصلها اياد للمختبر وروان خطت المعهد وعد ترجع للمختبر على سب تسير مع اختها المستشفى.

وصلت لمياء واشرف هاناك

اشرف: يا حيا.

لمياء: لك حياه الدنيا كيف انت.

اشرف: الحمدلله قبل ما تحاكيني بالموضوع ليش بتسيري المستشفى.

لمياء: هو الموضوع الاجابه.
اشرف مشني داريه هل عادني عد اعيش او شاموت بس قلت احاكيك انا بين اسير يوميا المستشفى اضرب ابر .

اشرف سكت شويه ورجع تحاكى: ليش مالش.

لمياء:هذا قدر من رب العالمين ومحد يقدر يغيره.

اشرف: اكيد بس ماهو.

لمياء: اشرف عد افعل غدوه باذن الله عمليه في الدماغ.

اشرف: ماااهو وليش.

لمياء بكت: فيني ورم في الدماغ يعني سرطان.

اشرف: لمياء.

لمياء: ايش.

اشرف: انتي من صدق بتتحاكي ولا بتكذبي.

لمياء: ليش اصلا عد اكذب عليك مش واثق تعال المستشفى واتاكد من نفسك وغدوه عمليتي الساعه 10الصباح.

اشرف كانت له مثل الصدمه وزعل على لمياء قوي ووجهه اقتلب.

لمياء: على العموم كون ادعي لي وخلي عمه سميه تدعي لي امانه.

اشرف: وعرسنا.

لمياء: يتاخر لما اتباخر.

اشرف كان غااثي قوي ولمياء مشت المستشفى.








🖋️Ala'a taraq/بقلم.

6️⃣4️⃣البارت السادس والاربعون:

اشرف ما استوعبش الكلام الذي تقوله لمياء جلس فوق الكرسي وايديه ماسكات راسه وبيقول"ليش يا لمياء ليش ليش هكذا وصاح باقوى قوته ليش هكذا كل شي يتغلق في وجههي حتى لمياء وقام وخرج من المختبر وهو ضابح وزاعل على لمياء
لمياء من بعد ما حاكته كانت طول الطريق تبكي لما وصلت للمستشفى وهي بتبكي.
دخل مراد لعندها للغرفه وهي كانت تبكي.

مراد: لمياء البكاء بيتعبش قوي مابش داعي انش تبكي.

لمياء: من ضيق الحال واحد يبكي.

مراد: صح ان البكاء، يريح الواحد بس عد تتعبي يا لمياء حاولي تبعدي الزعل حتى لو ضقتي انتي قويه.

لمياء تنهدت: ابدا افعل لي الابره والله ما فيني من جلس يريع لما يجو

مراد: على طول وضرب لها الابره وكالعاده لمياء كانت تردد كلمه لا اله الا الله ومراد يبسر اسلوبها بالكلام ايمانها بلله كبير وشخصيتها قويه.

لمياء: غدوه العمليه او مه.

مراد: ان شاء الله وانا متاكد انها عد تنجح وعد تتباخري بالمره وقلبي حاسس هذا الشي.

لمياء ابتسمت: ان شاء الله.

مراد: تحتاجي شي يا دكتوره لمياء احنا بالخدمه ههه وابتسم لها.

لمياء: شكرررا ما تقصر يكفي انك تسال.

مراد: يلا معي حاله اذا تشتي شي حاكي الممرضه وانا شاجي.

لمياء: طيب.

خرج مراد من الغرفه ولمياء بداء مفعول الابره يتعبها وحست بخمول ورقدت.

هذاك اليوم اياد كان معه اجتماع ما جاء المستشفى وروان تاخرت بالمعهد..

مراد دخل يتطمن على لمياء ولمياء بعد الابره راقده لان مفعولها قوي.

مراد في نفسه"محلاها صدق وينش يا لمياء من زمان لوشنني ما خطبت واحده مشتيهاش وكله على سب امي وتنهد وخرج".

روان جت المستشفى وابسرت لمياء راقده وهي تاعبه قوي

روان: ليت الوجع فيني ولا فيش يا قلبي.

نجي لعند اشرف الذي ما قدر يشتغل بسبب مرض لمياء.

اشرف: يا جماعه كملوا اشتغلوا ما قدرت وفلت وخرج وروح البيت وهو غاارق.

سميه: حيا.

اشرف ما جاوبش ودخل لغرفته طوالي وهو مكبود.

سميه لحقته للغرفه: مالك يبني صلي على النبي.

اشرف: يا اماه تقلش لمياء ادعي لها غدوه عد تفعل عمليه.

سميه: يوه عمليه مه وقد العرس قريب..

اشرف وطي راسه وبحزن: لمياء مريضه بسرطان الدماغ.

سميه: ما بتقول.

اشرف: مثل ما سمعتي.

سميه: يووه يا لمياء الله يشفيش ويبعد عنش كل مكروه.

اشرف: وعرسنا.

سميه: مشتيتوا عملتوه وخرجت من الغرفه وقدها غاثيه.

في العصر جاء اياد وبداو يعاملوا لاجرات العمليه وروحوا لمياء.

وهم بالطريق.

لمياء: ما اقل لامي ذاحينه هي اكيد عد تجي معي المستشفى بس ما اقلها عمليه مه.

روان: قولي لها عمليه بالدماغ بس.

لمياء: ماشي شاقلها عمليه امممم.

اياد: تحاكي الصدق وبس.

لمياء: مع مع عد تمرض امي لا.

اياد: قولي لها ايش ماقلتي.

وصلو البيت.

اسماء فتحت الباب.

لمياء: وين امي.

اسماء: ببيت عمي حسن قالت عد تمسي هاناك

لمياء: سابر خلاص شفعلها واذا دريت من بعد قد عملتها.

اسماء: ما تفعلي.

روان: تحشر نفسها بكل شي ليش انتي هكذا يفففف منش.

اسماء: ههههههه انا سالت لمياء وبعدا ايش حشرش انتي ما عليش.

لمياء: راسي بيوجعني بس، عد افعل عمليه في الدماغ وخطت.

اسماء: ليش.

روان:ايش دخلش من لمياء وخطت بعد اختها.

اياد دخل: وين امي.

اسماء: سارت بيت عمي حسن، لمياء عد تفعل عمليه مه.

اياد تنهد: فيها سرطان بالدماغ.

اسماء: هاااااااااااااا لااااا ما فيها سخى لمياء.

اياد: خيره الله.

اشرف كان يفكر بلمياء وفي نفسه "ايوه او لا ايوه او لا لازم تتخذ قرار يا اشرف وتحاكيها غدوه قبل ما تدخل العمليات يااارب اختار لي ما فيه الخير"

سميه كانت زاعله قوي على لمياء اتصلت لايمان.

سميه: السلام عليكم.

ايمان: حياا وعليكم السلام.

سميه: كيف انتي وكيف البنات.

ايمان: الحمدلله كلنا في خير وانتي كيف انتي.

سميه الحمدلله مالنا شي.

وجلسين يتجابرين من مجبر لامجبر.

سميه: ذاحينه كيفه العرس.

ايمان: ماله العرس.

سميه: ولمياء.

ايمان: مالها.

ايمان مشي داريه.

سميه: فهي غدوه عد تفعل العمليه

ايمان: ما بتقولي عمليه مه.

سميه: يوووه محد حاكاش

ايمان: ماشي ماهي من عمليه.

سميه: فيها ورم بالدماغ قده الجنان ما تحاكيش لمياء.

ايمان: هاااااااا وغلقت التلفون وكانت تبكي وتصيح.

ذكرى:مالش صلي على النبي ماهو.

ايمان: بنتي يا لميااء وتبكي.

حسن: ماهو مالش.

ايمان ببكاء: شلوني بيتي ولا احد يحاكيني.

لؤي نزل من طالع من غرفته وياسمين جت من المطبخ.

ياسمين: مابه.

ايمان: ولا يحاكوني جهالي.

لؤي: ماهو يا عمه تحاكي.

ايمان تبكي: لمياء يا لمياااء.

كانت تبكي ايمان وهم مشم داريين على مه بتبكي.

لؤي اتصل لروان وهي ما جاوبتش.

لؤي رسل لها رسالهSMS: جاااوبي يا منعاااه بسرعه.

روان:ما يشتي هذا ذاحينه مش وقته وجاوبت.

لؤي: كيف انتي.

روان: الحمدلله لؤي مش وقت ذاحينه نتجابر.

لؤي: مالها لمياء.

روان: م

الها ولافيها شي.

لؤي: روان لا تكذبيش مالها لمياء عمتي قدهي بتغور ملان البيت مدري من اتصلها وبيقلها لمياء ومدري مه عمليه.

روان: امي درت.

لؤي: لا تجننيبي ذاحينه مالها لمياء.

روان بكيت: غدوه عمليتها فيها ورم بالدماغ سرطان.

لؤي: الله اكبر، الله اكبر لااااا الا لمياء.

روان بتبكي:خيره الله يلا شاغلق.

لؤي: روان لا تضعفيش وزيدي اوقفي مع عمتي.

روان: حاضر يلا شاغلق بيباي.

لؤي: الله معش.

لؤي نزل وحاكاهم وكلهم زعلوا وخطيوا كلهم لبيت يحيى.

روان: لمياء لمياء امي درت هوذا هم جايين الان

لمياء بصياح: من الذي قال لها لو هي اسماء والله ما تلوم الا نفسها ونزلت تبسر اسماء.

لمياء: اسماء ليش حاكيتي امي هااااا.

اسماء: بمه حاكيتها.

لمياء: ان فيني ورم امي عد تتعب.

اسماء: لا حاكيتها ولا شي تلفوني طافي شاحني خارب.

روان بصياح: كان من حاكاها.

اسماء: ما دراني وبعدا لا تكونيش ترفعي صوتش.








🖋️Ala'a taraq/بقلم

7️⃣4️⃣البارت السابع والاربعون:

جو ايمان وذكرى وحسن ولؤي.

لمياء بضبح : اشتي اعرف من حاكى امي قلنا الحمدلله عد تمسي يومين هاناك عد يجي وقد عملت العمليه مابش فايده حسبي الله ونعم الوكيل.

روان فتحت الباب.

ايمان: وينهي لمياء.

روان: داخل وسلمت على خالتها وخالها.

حسن:كيف روان.

روان:الحمدلله وانت كيف حالكم يا خال.

حسن:نحمد الله.

ولؤي كان بعد حسن مباشره روان ابسرته وابتسمت وخطيت طبعا روان كانت لابسه روب مكمم وطرحه.

دخلو الكل لعند لمياء.

ايمان: لمياء.

لمياء: يووه مالكم يمااه.

ايمان: قولي انه كذب قولي.

لمياء: من حاكاش وانا عد اقلش.

ايمان: سميه.

لمياء في نفسها"قد تحاكى اشرف ":
يماه صلو على النبي الكلام صح وانا عد اتباخر يماه ادعي انه يكون حميد.

ذكرى: لا حول ولا قوه الا بلله.

ايمان كانت تبكي: يوووه يا لمياااااء جعلي الموت ليت هذا فيني ولا فيش.

لمياء حظنت امها: يماه انا فدالش لا تزيدوا تخلوني ازعل والله لا قدر عليش وبكت.

حسن: هيا صلين على النبي لا تتبكبكين ولا شي وغدوه عمليه لمياء لا تزيدوش تتعبوها يلا ايمان.

لمياء تنهدت: يماه انا فدالش هذا مش بيدي هذا بيد رب العالمين انتي اجلسي ادعي لي.

كانت لمياء جالسه جنب امها رغم كانت تاعبه على سب تبين لامها انهي قويه واما ايمان كانت تبكي كل شويه.

في العشي مشيو بيت حسن
لمياء طلعت اتصلت لاشرف.

لمياء: مساء الخير.

اشرف بصوت تاعب: مساء النور.

لمياء: كيف انت.

اشرف: الحمدلله.

لمياء: اشرف ليش خاله سميه اتصلت لامي وتحاكيها على العرس والعمليه ليش.

اشرف بنرفزه: ليش ما به وبعدا مادراني ان امي عد تتصل لامش.

لمياء: ليش خير مالك بتتنرفز.

اشرف: ذاحينه ماهو.

لمياء استغربت من نبره صوت اشرف وكلامه.

لمياء: ولا هو شي انا هبلا الذي اتصلت بك مع السلامه.

اشرف حس انه زعل لمياء وقهرها بنرفزته: ليش يا اشرف ليش ليش تفعل هكذا على الاقل خليها تذكرك بشي حالي وكلمه حاليه يوووه والحظ الذي معي.

لمياء: ماله هذا بيترفز ولا تقولوا عملت جريمه.

في اليوم الثاني موعد عمليه لمياء.
قامت لمياء تصلي فجر وكانت تدعي من كل قلبها ان ربي يشافيها وتنجح العمليه ويكون ورمها حميد ويستاصلوه.

الساعه 7 الصباح كان لمياء بتجهز نفسها وجهزت لها الاداه للمستشفى على الاقل عد تجلس 3ايام رقود بعد العمليه.

روان: جاهزه.

لمياء: ايوه وحظنت روان وبكت.

روان: لموش مش كذيه.

لمياء: سامحيني امانه اذا وقع فيني شي.

روان: عاد احنا عد نزوجش هيا مه.

ايمان جهزت واياد جهز عد يسيروا المستشفى.

لمياء: كلكم عد تجو.

ايمان: انا ما شافلتش واياد ضروري يجي.

روان: وانا عد اسير ما شفلتش لمياء.

اياد: واسماء في البيت لحالها.

روان: تسير بيتهم.

لمياء: تشتو تجو جيتو يلا خلينا نخطى لعد نتاخر على سب المعامله والكل.

اشرف قامن النوم الساعه 7ونص ولبس وتجهز وعد يخطى المستشفى وهو غاثي من القرار الذي اتخذه.

لمياء وصلت المستشفى وبداو بجهزوا لها الغرفه وبدات تتجهز للعمليه ومراد جاء.

مراد: لمياء جاهزه.

لمياء: ايوه

مراد: خلاص استعدي الان معي شويه عمل واجي الان.

لمياء: طيب وجلست قبل ما تدخل غرفه العمليات تقري قران على سب ربي يشافيها.

اشرف جاء للمستشفى واتواصل هو واياد يقلهم باي مكان هم.

اشرف:صباح الخير.

ايمان واياد:صباح النور.

اشرف:لمياء قد دخلت غرفه العمليات.

اياد:ماشي.

اشرف:وينهي احاكيها كلمتين قبل لا تدخل.

اياد:في الغرفه هي وروان.

اشرف:عد ادخل احياكها لو سمحت.

دق الباب حق الغرفه روان خطت تفتح.

اشرف:صباح الخير وين لمياء.

روان:صباح النور،ادخل هي ذا داخل.

لمياء كانت فاتشه وبرقعها كان جنبها اول ما ابسرت اشرف ابتسمت وفي نفسها"جبره جاء يوقف معي " معد ركزتش انه ماشي لابسه البرقع بالرغم انه عادي معد باقي الاشهر ويتزوجوا.

اشرف في نفسه"سبحان الله والجمال الذي فيها ما شاء الله " واشرف اول مره يبسرها وهي فاتشه وعيونه لعند لمياء منذهل بجمالها وقبلتها.

لمياء:حيا.

اشرف:كيف انتي.

لمياء:تمام الحمدلله.

اشرف:لمياء،مشني داري كيف ابدا والله بس.

لمياء:مافي نفسك تحاكى.

اشرف:انا اسف ان امس تنرفزت عليش بالتلفون كانت ساعه غضب والله وكنت في حاله توتر واتخاذ قرار.

لمياء: حصل خير..

اشرف: لمياء انتي انسانه مثقفه وانسانه ما شاء الله عليش جميله وانيقه وتحبي شغلش صح.

لمياء: ايوه.

روان طبعا كانت خارج لان اشرف طلب منها تخرج يحاكي لمياء.

اشرف: وانتي انسانه منفتحه، لمياء اولا حاولت مع ابي لوما شبعت اني اخرج بيت لحالي على سب شغلش وتخرجي وين ما تشتي براحتش لاكن للاسف ابي معارض هذا الشي ومعارض انش تشتغلي يا لمياء وثانيا معد تطيقي العيشه في بيتنا احس اناحنا مش مناسبين لبعض تستاهلي واحد احلا مني بالرغم اني حبيتش وما كان نفسي ابعد عنش بس في اسباب خلتني ابعد عنش وذكر نص الاسباب،، بس والله يا لمياء من كل قلبي

اني حبيتش يا لمياء والسبب الاخير انو ودمعت عينه.

لمياء: كنت مهما كان شستحمل عيشتكم الذي ما تنطاق على قولتك على سبك انت والسبب الاخير اني مريضه مشني داريه اني عد اتباخر او لا وانت تشتي تتزوج وانا عد ااحلبط عرسك هذا السبب صح وقدهي بتبكي.

اشرف: تقدري تقولي هذا السبب.

لمياء ببكاء: وانا فعلا حبيتك يا اشرف وما كنت اتوقع انه عد يجي يوم من الايام ويفتك حبنا هكذا بس لعله خير وبتلقى بنت تناسبك وتقبل بك احلا مني ان شاء الله.

اشرف: على العموم الله يشفيش ويبعد عنش كل الم.

لمياء بنرفزه: ياااارب وبكيت بقووه لانها ما كانت تتوقع انه هذا كله عد يجي من اشرف وما اتوقعت انه يفلتها على سب مرضها رغم انها قبلت به على سب حبهم رغم انه عقيم.








🖋️Ala'a taraq/بقلم.

8️⃣4️⃣البارت الثامن والاربعون:

🔘لماذا هذه الحياه ظالمه تظلم النساء بكل شيء حتى انهن يضحين من اجل اشخاص احببناهم يوما وكانو كل شيء و تركونا نبكي ونتعب من اجلهم وكسروا حتى قلوبنا ومع هذا نوقف على ارجلنا لكي لا تكتسر قلوبنا مره اخرى.

اشرف: انا اسف اسف اسف وشل نفسه وخرج من الغرفه ولمياء بتبكي اشرف كانت دموعه في عيونه وبيبكي ويمسحهن لانه تفارق مع انسانه اعطته الامل انسانه خلته انسان ضحكوك.

روان دخلت عند لمياء وهي بتبكي.

روان: مال روحي.

لمياء: قبلت به رغم انه عقيم لاكن ما قبل بي يا روان وانا مريضه ابسرتي الخيانه وبكت.

روان: الله يلعنه طز الف واحد يتمناش.

لمياء: ما بين ابكيش حين فلت لي بين ابكي اني حبيته وقبلت به وضحك عليا وقلي ما يهمني الخلفه يهمني الحب ومع هذا كسرني حسبي الله ونعم الوكيل بس.

دخلت الممرضه: لمياء يلا.

لمياء: طيب يلا ومشيت لغرفه العمليات برجلها وكانت طول ما كانت تمشي تذكر اشرف ابتسامته ضحكته كلامه ودموعها بينزلين.

دخلت الغرفه وهي تبكي مراد كان بالغرفه.

مراد: لمياء مالش تبكي احنا قلنا تدخلي وقلبش متطمن ليش البكاء ليش خايفه.

لمياء: لا مش خايفه ولا شي بس اقرب الناس لقلبي كسروني ما كنت متوقعه هذا بيحصل كنت متوقعه بيوقف معي بس للاسف.

مراد حس انه خطيبها الذي كسرها.

مراد: حاكيني بعد العمليه وفضفضي لي وانا مستعد اسمعش يلا الان شهيق زفير تنفسي.

وضربوا لها البنج "المخدر" ورقدت لمياء.

مراد في نفسه"ربي يكسر قلبك ي الذي كسرت قلب لمياء".

بدا مراد بالعمليه الذي استغرقت حوالي 6ساعات.

لمياء كانت مقهوره من اشرف حين فلتها كانت طول العمليه وووومع البنج تتحاكى.

لمياء:هههه فلتني فلتني وهو كل المرض فيه وكانت كل شويه تدي كلمتين من القهر الذي اقتهرت

خارج غرفه العمليات.

ايمان بتبكي: يارب مع مع بنتي.

روان: الدمعه مشي حاليه يماه.

اياد: يماه ايش رايش تروحي بين احس انه تعب عليش هكذا.

ايمان: ولا انا تاعبه ولا شي اشتي ابسر بنتي.

جاء حسن ولؤي.

روان في نفسها"للمه يجو ما اداهم هولاء".

حسن: السلام عليكم.

الكل: وعليكم السلام.

حسن: هيا مه خرجت او عادهي.

روان: عادهي.

عند اشرف.

اشرف خطي المختبر وهذك الساع ماكان قادر يفعل شي.

شيماء: ياااي الطناان مالك.

اشرف تنهد: مالي شي مالي.

شيماء: ما بتفكر مالك.

اشرف: لمياء.

شيماء: ذكرتني اتصل بها اسال كيفهي.

اشرف: عملت العمليه اليوم.

شيماء: هاااااا ولا تحاكيني كلبه.

اشرف: ماكانتش داريه انهي عد تفعلها بس استعجلوا لها.

شيماء: اسمع لك الذي بيدافع عليها يلا شهر وقدكم عرسان هههه.

اشرف: من قال خلاص انا ولمياء معدبش بيننا شي انتهت علاقتنا انا وياها.

شيماء: ليش ما حصل بينكم.

اشرف: به اسباب الذي خلتني افسخ الخطوبه منها.

شيماء: حينهي مريضه.

اشرف: هذا سبب.

شيماء: بعد ما حبتك وعد تكافح الدنيا من اجلك وتفعل بها هكذا يا عيباه.

اشرف: يا شيماء فيها سرطان بالدماغ كيف بلله عليش عد تتعالج اسكه قولي لي قده سرطان دماغ.

شيماء اقتهرت على صاحبتها: به حاجه اسمها سرطان حميد او خبيث

اشرف: الله يشفيها ونزلت دمعه منه ومسحها بسرعه.

شيماء: وحاكيتها انك ما تشتيها على سب مرضها.

اشرف: لا حاكيتها بالاسباب الثانيه وهي قالت وحين انا مريضه قلت تقدري تقولي انه سبب.

شيماء: على فكره لمياء عد تتباخر وانت تبسر وعد يجي لها واحد يحبها ويحنجها احلا منك لاتنسيش انك والكل مريض ومن بتقبل بك وضحت بنفسها على سب حبها لاكن طلعت واحد خاين وخطت استاذنت من صاحب المختبر وخطيت المستشفى عند لمياء.

من داخل غرفه العمليات مراد فعل العمليه واستاصلوا لها الورم والعمليه نجحت وعد يبداو يضربوا لها الابر الكيماوي اذا خف الورم وانتهى مع الكيماوي فهو ورم حميد واذا ما خفش مع الابر فهو ورم خبيث.

خرج مراد من غرفه العمليات وابسر روان بعيده منهم وهي الذي كانت جنب غرفه العمليات.

روان: هيا مه بشر يا دكتور.

مراد: العمليه نجحت واستاصلنا الورم ومع الابر الكيماويه باذن الله عد تتعافى بالمره وانا حاسس انا عد تشفى وانه ورم حميد.

روان: ربي يسمع منك..

مراد: بلغي الاهل ان العمليه نجحت وتعالي لمكتبي اشتي احاكيش شي بخصوص لمياء.

روان: ليش ايش به.

مراد: ولا به شي اول بلغي الاهل وارجعي جي.

روان خطت تحاكيهم: يماه يا اياد خرج الدكتور وقال العمليه نجحت.

ايمان: اللهم لك الحمد.

روان: واحتمال ان الورم يكون حميد ادعو لها.

ايمان: الله يسمع منش.

روان: انا عد اسير وارجع تشتو شي.

اياد: وين عد تسيري

روان اجاوب التلفون وارجع
وخطت من عندهم.






🖋️Ala'a taraq/بقلم.

9️⃣4️⃣البارت التاسع والاربعون:

خطت روان لعند الدكتور مراد ولؤي لحق بعدها وقبل ما تدخل عند الدكتور.

لؤي: روان.

روان افتجعت والتفتت تبسر من الذي داعها وابسرت لؤي.

لؤي: على اساس بتجاوبي التلفون ليش جيتي لهانا.

روان: ليش ايش تشتي.

لؤي: انا بين اسال ليش جيتي لهانا

روان: لؤي ايش تشتي.

لؤي: جاوبي على سؤالي اول ليش جيتي لهانا وانتي قلتي عد تجاوبي التلفون.

روان: يعني بتشك فيني او مه ايش رايك تفسخ الخطوبه اليوم جيزي جيز لمياء لما هذاك التافهه فسخ خطوبته من لمياء والعرس بعد شهر بسسب انهي مريضه او مه وانت افسخ لانك تشك او مه وبكيت روان: على العموم الدكتور داعيني وقلي بدون محد يدرى خلاص ارتحت ولا تزيد تدخل معي عند الدكتر ودقت ودخلت الغرفه عند الدكتور وهي بتمسح دموعها.

لؤي في نفسه"مش قصدي اني اشك بها بس قلت اخطى ابسر ما تشتي للمه يا لؤي زعلت روان ".

الدكتور:بسالش اساله مباشره وياليت تجاوبيني عليهن.

روان: طيب تكلم.

الدكتور: طول ما احنا بنفعل لمياء العمليه كانت تتكلم بقهر وقبل ما تدخل كانت تبكي وتقول فلتني المرض فيه مدري ايش تقول وهي مقهوره ليش ما السبب ولو انا ما اتدخل بس حسيت ان لمياء مكسوره قوي .

روان تنهدت: الانسان الذي حبته لمياء ظهر على حقيقته رغم مرضه بس لمياء وقفت معه وقبلت به وما خلته يحتاج لاحد طبعا عرسهم بعد شهر وجاء اليوم بكل سخافه وقال مش احنا مناسبين لبعض ههه قالت له لمياء لاني مريضه قال تقدري تقولي هذا سبب وجاب لها اسبابه الثانيه لمياء زعلت واقتهرت.

مراد: ايش كان مرضه.

روان: عقيم.

مراد: لا حول ولا قوه الا بلله الان نحاول نوقف مع لمياء الان لمياء عد تدخل بحاله اكتئاب اولا بسبب مرضها بس الحمدلله لحد الان وثانيا بسبب خطبيبها حين كسرها على العموم انا موجود باي وقت اذا تشتو شي او شي لاني طول ما بين افعل العمليه ولمياء تهذي كلمتين كلمتين واحسها مكسووووورره بس الله ياخذ بحقها وربي ما يضيع احد

روان: يااارب مثل ما كسر قلب اختي الله يكسر قلب اخته ما اقول الا هكذا حسبي الله عليه بس،، دكتور لمياء ايحين عد تفوق.

مراد: الان هي في العنايه وتحتاج هدوء واذا فاقت لا تكلموها بشي طبعا هي اول ثلاثه ايام معد تقدر تتكلم تشوفكم وتاشر لكم، الان انا عد اسير عيادتي الخاصه وعد ارجع الساعه 9 اشوف لمياء.

روان: يلا تسلم يا دكتور وخرجت من عند الدكتور ولؤي مريع لها

لؤي: روان ارجعي ما احاكيش.

روان مطنشه وبتمشي.

لؤي بيلحق بعدها: روان فهمتي غلط والله.

روان: هههه فهمت غلط او مه من الاخير انت انسان شكاك انا الهبلا اختطبت على واحد عد يضيق عيشتي بس قلنا لك عادي نفسخ الخطوبه جيزي جيز لمياء.

لؤي برفعه صوت: رووااان انتي تفهمي قلت لش ما كان قصدي الحقش بس كنت اشتي اواسيش لانش من بعد ما دريتي بمرض لمياء تعبتي وطبيعتش تغيرت قلت ابسر مالش واواسيش هذااا قصدي اما اني شكاك لا والله.

روان بكيت: حصل خير ومشيت.

لؤي لحقها روان وقفي امد دقيقتين احاكيش.

روان: ماهو يا لؤي لا تزيد توجع لي قلبي انا فدالك.

لؤي: انا اسف يا روان صح حركاتي كانت تدل اني انسان شكاك بس لا والله مااشك فيش ولافي تربيتش المهم انا اسف.

روان: سامحك الله دنيا واخره وخطيت

عند اشرف كان مقهور قوي انه فلت جوهره من يده.

اشرف في نفسه"انت فلتها بسبب انها مريضه وانها معد تتاقلم ببيتك يا اشرف بس كنت اتمنى انش مرتي وحبيبتي وشريكتي بكل شي بس للاسف انا مش من نصيبش وتنهد"
روح البيت وهو ضابح تقريبا قد الساعه 7العشي.

اشرف كانت باينه عليه ملامح التعب والحزن.

سميه: هيا مالك للمه ضابح وكيفها لمياء قد خرجت من غرفه العمليات.

اشرف: ابسرتها بالصبح قبل ما تدخل العمليات وحاكيتها وخطيت الشغل .

سميه: ليش ما جلست جنبهم تبسر ما يشتوا.

اشرف: ليش اصلا من انا اقرب لهم لا طبعا.

سميه: يوووه فهو عرسكم بعد شهر وانتو مخطوبين ذاحينه.

اشرف: ههههه كنا مخطوبين خلاص انا فسخت الخطوبه مشتيش لمياء.

سميه: هااااااا امرك الى الله للمه فسخت

اشرف:ما افعل بواحده مريضه تجلس شويه وماتت ما الفايده.

سميه: لا تنسيش يا اشرف انهي قبلت بك وانت عقيم عيب مش هيه من اخلاقنا مادراك الله ماتت وهيه بالعميله تكسر قلبها وهيه الوحيده الذي وقفت معك .

اشرف: هجعونا انتو وهذا الخبر وبعدا محد غصبها توافق.

سميه: هي اصلا هبلا الحب اعماها وانت لو كنت تحبها بصدق ماكنت فسخت ياااعيبااه عليك.

اشرف: ذاحين انتي بتدافعي عليها ولا مه.

سميه: مشني مع احد لا ادافع عليك ولا عليها بس عد تذكر كلمتي تيه ضيعت جوهره الماس من يدك وقامت من جنب اشرف.

اشرف تنهد بزعل وفي نفسه"فعلا ضيعتها من يدي".







🖋️Ala'a taraq/بقلم.

0️⃣5️⃣البارت الخمسون:

في المستشفى.

روان: خالو حسن روحوا امي عندكم وانا عد اجلس هنيه على الاقل تتواله هي وخاله ذكرى والبنات.

حسن: طيب.

روان: اياد مرتك وحدها في البيت اتواصلت انا وهي قالت ما سارتش بيتهم روح عندها وانا عد اجلس في المستشفى عند لمياء.

حسن: ما يسبرش تجلسي وحدش يا بنتي خلاص لؤي يجلس في السياره خارج اذا احتجتي شي.

روان: ما يحتاج والله.

اياد: الا لؤي يجلس في السياره خارج واذا احتجتي شي ولا شي اتصلي له وشليتي رقمه.
اياد مشو داري انهم يتواصلو.

روان: سابر.

اياد: يا لؤي خلاص عد اوصل خالي وامي انا.

ايمان: ما شاروحش عد اجلس لما تفيق بنتي.

روان: اماه الله يحفظكم قدش تاعبه من الصبح ما يسبرش عد تتعبي اكثر روحي وغدوه جي لان لمياء عادهي بالعنايه واستحاله انها تفيق اليوم.

حسن: ايوه يختي روحي عندي نجلس احنا وانتي وغدوه نجي من الصبح.

ايمان: ماشاروحش يعني ما شاروحش.

ايمان كانت جالسه فوق الكرسي ولؤي جلس على ركبه في الارض وحب عمته في راسها: انا فدالكم يا عمه عد تزيدوا تتعبوا اكثر هوذا انا جنب روان يا عمه وزد لمياء لو تبسركم بهذه الحاله تزيد تتعب اكثر واحنا بهذه الفتره لازم نريحها وما نخليها تتعب خالص يا عمه يلا روحوا انتي وابي.

لؤي عنده اسلوب بالاقناع

ايمان هزت براسها بمعنى تمام.

خطيوا اياد وحسن وايمان ما بقت الا روان ولؤي.

روان: ماشاءالله والاسلوب الذي معك قدرت تقنع امي .

لؤي: ههه ايوه.

الساعه 10 مراد خرج من عيادته الخاصه وتوجهه للمستشفى على سب يبسر لمياء.

مراد: روحوا الكل.

لؤي: ايوه.

مراد: ليش ما روحتي يا اخت لمياء.

روان: اشتي اكون اتطمن على لمياء.

مراد: بس عد تتعبي.

روان: ما عد اتعبش.

مراد: انت اخو لمياء .

لؤي: ابن خالها.

روان: دكتور ادخل ابسر لمياء وطمني عليها الله يحفظك.

مراد: الان عد ادخل لهاناك اتطمن عليها.

دخل مراد يتطمن عليها الاجهزه يتفقدهن ودرجه حرارتها وووووووووووو.

مراد في نفسه"شتصل لاشرف واحاكيه ".

خرج مراد من العنايه.

روان: هيا مه يا دكتور طمنا.

مراد: يمكن معد تقوم الا غدوه المهم ارتاحوا انتو وخطي.

خرج تلفونه من جيبه واتصل على اشرف.

اشرف كان تاعب ومقهور.

مراد: مساء الخير.

اشرف صوته تاعب: مساء الفل حيا بالنسب.

مراد: كيف حالك.

اشرف: الحمدلله في خير.

مراد: مالصوتك تاعب سلامات.

اشرف: لا والله بس مرهق.

مراد: هاااا سابر اشتيك غدوه في موضوع جي لعندي للمستشفى.

اشرف: ذاحينه تشتغل في مستشفى مه انت.

مراد: في مستشفى..............

اشرف في نفسه" في نفس المستشفى الذي فيه لمياء":
مش غدوه ولا اجي لك عصر للعياده حقك.

مراد: هذي الايام ما شاداومش بعيادتي عد اداوم بالمستشفى لان معي حاله لازم اجلس جنبها.

اشرف: خلاص ان شاء الله.

مراد: يلا خاطرك سلم على خالتي.

اشرف: يوصل.

مراد روح البيت وقد الساعه 11العشي.

شروق رجعت ورجعها عبدالله.

شروق: يا عيبتك يا مراد مشنت داري ان امك جت.

مراد: حيا اماه ونزل سلم عليه وحب راسها والله ما دريت انش جيتي .

شروق: حتى لو دريت عد تقول هكذا.

مراد: الله المستعان يماه مش كذيه.

شروق: المهم البيت كان بدوني حالي قوي.

مراد: انا بالنسبه لي ما كانتش تفرق معي كنت اروح 11اليل واخطى 8الصبح اسالي منار الذي جلست كودها تتبكبك.

شروق: اهم شي ارتحتوا مني ما علينا من ذيه الخبر ايش رايك نزوجك مع عيال خالتك.

مراد: امااه قريبا شاجي واقلش زوجيني بس مش مع عيال خالتي رجا لو سمحتي.

شروق: انت دايما تكسر كلمتي.

مراد: اماه انا فدالكم تفهموني وطلع غرفته.

في المستشفى كانت الدنيا بارده.

لؤي كان جالس في كرسي وروان في كرسي ثاني بعيد منه شويه.

لؤي: جاوعه.

روان: لا.

لؤي: خلاص اسير اجر لنا حاجه شاهي على سب ندفى.

روان: ولا.

لؤي: كان ما تشتي.

روان: ولا حاجه.

لؤي: متاكده.

روان: ايوه.

لؤي: خلاص كان شاسير اشتري وارجع.

روان: تمام وفي نفسها"انا جاوعه".

لؤي خطي اشتري سندوتشات ورجع عند روان وروان مشي مبينه انها جاوعه بس عصافير بطنها فضحنها.

لؤي: قلت لش جاوعه قلتي لا.

روان: مدري مالها بطني بتمغص مشو جوع.

لؤي: هههههههه بطلي تكذبي عليا اكلي بس محد يخزا من زوج المستقبل هههههه.

روان: مشني جاوعه بين اقلك.

لؤي: شاسير اشتري لش شاهي وانتي اكلي هههههه خزويه.

وخطى لؤي يشتري لها شاهي على سب تدفى.

روان: شلوش يا روان كنتي تقولي جاوعه بس امد ما احرجتي نفسش بس.






🖋️ Ala'a taraq/بقلم.

1️⃣5️⃣البارت الواحد والوخمسون:

في اليوم الثاني في الصباح روان كانت تاعبه وباين على عيونها التعب.

لؤي: روان هيا عد تروحي البيت قد باين عليش، التعب.

روان: ماشي، عد اجلس عند لمياء.

لؤي: اياد عد يجي وانتي روحي ارقدي ولبعدا جي.

روان: ماشي.

لؤي: روان بلا عناد روحي افتهني شويه وبعدا سهل.

روان:يا لؤي.

لؤي قاطعها: يلا اياد قده بالطريق وانا شاروحش.

روان: طيب.

مراد من بدري خطي للمستشفى واشرف جاء للمستشفى قبل ما يسير المختبر.

وصل اشرف قبل ما يجي مراد للمستشفى روان ابسرته بالباب هي على ضويتها واشرف على جيته.

روان: ما اديك هانا تزيد تقهر لمياء بجيتك او مه يا بلا احساس يلي ما تستحي لاكين ربي عد يكسر قلبك مثل ما كسرت قلب لمياء وعد نبسر عديقبلين بك البنات او لا هههههههههههه وخطت.

اشرف تنهد بحزن ودخل للمستشفى وسال على مراد قالو مقد جاء اشرف فكر يبسر لمياء من بعيد استاذن ودخل يبسرها للغرفه وهي طبعا مقد فاقتش.

اشرف "اح اح يا اشرف لو هي معد تفارقش الحياه كانت حياتنا حاليه الله يكتب لها ما فيه الخير" وخرج من العنايه وجلس ريع لما مراد جاء.

مراد: حيا اشرف كيف حالك.

اشرف: الحمدلله وانت كيف حالك.

مراد: الحمدلله ادخل ادخل المكتب نتحاكى.

اشرف دخل هو واشرف وجلسوا يتحاكوا من موضوع لا موضوع وفتح مراد الموضوع.

مراد: اشرف مشتيش يكون بيننا اي حساسيه وشصارحك بموضوع ومشتيش ازعلك في ما بعد وانا ما حاكيتك الا وانا داريه انك عاقل ومتفهم اكثر من ابراهيم .

اشرف: هههه ماهو

مراد: اشرف انت داري اني اخططبت على سلوى غصبا عني.

اشرف: ليش من غصبك فهو انت قلت لخاله شروق تخطب لك سلوى لانك تحبها.

مراد: لا ما عمري حبيتها سلوى مثل اختي كنت لما امي خطبتها لي ما كان به احد ببالي الان ببالي واحده وانا حبيتها من شخصيتها وقوه ايمانها واعطتني الامل وحاس اذا كملت معاها عد تكون حياتي سعاده بسعاده.

اشرف تنهد وذكر لمياء.

مراد: على العموم عالج انت الموضوع ابسر انا مشتيش امي تزعل مني لاني عد افسخ حاكي سلوى وخليها هي الذي تفسخ تدور لها غذر على سب امي تتفهم يا اشرف وانت تفهم لي لان تيه البنت انا بين احبها قويه.

اشرف: خير ان شاء الله ومن حقك تختار البنت الذي تشتيها.

مراد حظن اشرف.

اشرف: يلا الله معك تحتاج شي.

مراد: ماشي تسلم الله يحفظك.

خرج اشرف وهو زاعل على اخته وفي نفسه"من حقه انه يشتي واحده ثانيه"

مراد خطى يطمن على لمياء هل فاقت او لا ولمياء عادها بالعنايه.

اياد جاء للمستشفى وروان روحت بيتهم.

روان دخلت البيت.

اسماء: كيف هي لمياء.

روان: مالها شي.

اسماء: قد فاقت.

روان: مع عاد هي بالعنايه.

اسماء: يووه الله يبعد عنها كل شر.

روان بكيت: يااارب.

اسماء: اخطي بدلي وانا شدفي لش صبوح وارقدي.

روان: تمام.

في بيت عبدالرزاق

سميه: الله يشفيش يا لمياء ويبعد عنش كل شر

سلوى: ليش مالها.

سميه: عملت عمليه ورم في الدماغ

سلوى: يووه يا لمياء الله يشفيش.

سميه: انتي داريه ما زاد فعل اخوش.

سلوى: يووه ما فعل.

سميه: حين البنت مريضه سار فسخ الخطوبه.

سلوى:هاااااا ما هو وابي داري.

سميه: مشني داريه كيف احاكي ابوش.

سلوى: خليه هو يحاكي ابي ويهزئه ابي.

سميه: سدو ما عليا اشتي اسير ابسر لمياء الصدق انا بين احب لمياء يكفي ادبها بس.

سلوى: شلوه الجن اشرف يحمدلله حين قبلت به.

اياد في المستشفى وجاء لؤي.

اياد: روان قد روحتها.

لؤي: ايوه قد روحتها قدها تاعبه.

اياد: الله يحفظك اتعبناك معانا وانت روح افتهن.

لؤي: الله المستعان مابش تعب ولا شي وبعدا انا ابن خالكم وزد واحد منك فيكم مابش تعب ولا شي.

مراد كان كل شويه يدخل يتطمن على لمياء هل فاقت او لا.

بالمختبر اشرف بيشتغل

اشرف: سرتي عند لمياء امس.

شيماء: ايوه.

اشرف: قد فاقت ولا عاد هي.

شيماء: مدري وبعدا ما دخلك انت لمياء ما تخصك.

اشرف: شيماء لا تزيديها عليا.

شيماء: ههههه ماهو لا ازيدها انت خسرت لمياء ويااارب ما تفتهن لمياء الا وقد به احد يحبها ويحنجها احلا منك.






🖋️Ala'a taraq/بقلم.

2️⃣5️⃣البارت الثاني والخمسون:

اشرف: ههههههههه من الذي عد يقبل بها وهي مريضه اصلا وشويه وماتت.

شيماء: مثل ما انت قبلت بك وانت ما تخلفش.

اشرف: تمام عد نبسر

شيماء: تمام.

الساع 2الظهر خرج اشرف من العمل وروح بيتهم

اشرف: سلام.

سميه: وعليكم السلام.

اشرف: كيف انتي.

سميه: في خير،، اشرف اشتي
اسير ازور لمياء.

اشرف: ليش.

سميه: هكذا اشتي اسير ابسرها.

اشرف: مابش داعي تبسريها.

سميه: الا شاسير ابسرها،، وانت كيف عد تحاكي ابوك.

اشرف: بمه.

سميه: انك فسخت الخطوبه.

اشرف: شاحاكيه عد يوقع لي شويه صياح وخلاص.

سميه: انت حر افعل مشتيت المهم تشلني بعد العصر ابسر لمياء.

اشرف: عادهي مقد فاقتش.

سميه: شاسير يعني شاسير وبس.

عند لمياء بالمستشفى طبعا بدات تتحرك وهي في العنايه وتحاول تتحاكى بس ما تقدرش.

الممرضه حملت تدعي مراد: دكتور مراد دكتور مراد لمياء بدات تتحرك جي بسرعه.

مراد خطي بسرعه.

اياد: به شي يا دكتور.

مراد: لا لا تطمن بس تحركت ودخل للعنايه.

اياد: يااارب بشرنا بعافيتها.

مراد دخل عند لمياء
ولمياء فاقت وكانت ما تقدرش تتحاكي بس تبسر مراد بس.

مراد ابتسم لها وقلها: العمليه نجحت واستاصلنا الورم وبعدا تضربي ابر كيماوي والورم طلع حميد.

لمياء فرحت من داخل قلبها وابتسمت وبكيت بنفس الوقت وذكرت اشرف.

مراد: مابش داعي للبكاء يا لمياء هذا كله بفضل الله ولان الله يحبش كتب لش عمر اطول لا تتعبي نفسش ولا شي انتي قدها وعد تقاومي كل شي.

لمياء هزت براسها بمعنى ايوه.

مراد: الان عد تخرجي للغرفه الخاصه واهلش عد يكونوا جنبش وحاولي تبتسمي جنبهم على سب امش والكل لا تتعب.

لمياء في نفسها"هذا دكتور صح يكفي انه ما يشتي يحطم نفسيتي مش مثل اعز شخص كسر قلبي ".

خرجوا لمياء الغرفه الخاص ومراد حرص على انهم ما تكون عند لمياء ضجه في الغرفه على سب صحتها.

بعد العصر في بيت يحيى
تغدت روان واسماء.

اسماء: عد تسيري المستشفى.

روان: ايوه.

اسماء: اشتي اخطى معش.

روان: وابنش من عد يبزيه.

اسماء: هي هذه المشكله خلاص نمر انا وانتي لبيتنا ونطرحه ونخطى المستشفى.

روان: مابش داعي تسيري

اسماء: روووان على الاقل ابسرها اليوم ما يسبرش.

روان: لمياء عد تتفهم مشي عد تغثي منش اجلسي بس.

اسماء: ولا اقلش اتصل لياسمين اذا هي معد تسيرش المستشفى.

روان: الا ياسمين عد تُمر لي نخطى جمعه.

اسماء تنهدت: خيره الله.

روان : اسماء خلاص جي انتي وابنش معانا وعد اخلي اياد يروحش.

خرجت لمياء للغرفه الخاصه واياد كان جنبها.

اياد: لموش الحمدلله على السلامه.

لمياء ابتسمت له لانها عادهي ما قدرت تتحاكى.

في بيت حسن.

ايمان: اشتي اسير عند بنتي المستشفى اتصل اياد قال قد فاقت.

حسن: الحمدلله على سلامتها ابسري ولا وقع فيها شي وكله بفضل الله ثم دعائش امد ما كنتي تغوري المهم يلا تجهزوا وينهو لؤي يشلنا.

ياسمين: لؤي راقد حتى ما تغداش لانه روح الا الصبح.

حسن: قوميه قولي له يجي يشلنا.

ياسمين: حاضر،
وداعت بنتها تطلع تقوم لؤي.

في المستشفى مراد داعي اياد على سب يحاكيه بعيد عن لمياء.

مراد: يا اياد لمياء محتاجتكم ضروري ومحتاجتك انت بالذات توقف معاها لان خلال ما بنفعل لها العمليه كانت مكسوره وكانت تدي كلمتين تقطع القلب وكله من سبب خطيبها.

اياد: هااا خطيبها ليش ما فعل.

مراد: ليش مشنت داري.

اياد: مع مشني داري بشي ماهو.

مراد: طبعا لمياء دخلت غرفه العمليات كانت تبكي وبعد العمليه استدعيت اختها وحكت لي الذي حصل وانه خطيبها لما عرف بمرض لمياء فسخ الخطوبه.

اياد: ما دراك انت وبعدا جاء قبل العمليه ودخل يحاكيها

مراد: اذا مش مصدق اسال اختك وهي الذي عد تقلك ايوه او لا على العموم اوقفوا جنبها لانها انصدمت لما قال لها كذيه وزد لانه قبلت به وهو مريض وبالمقابل ما قبل فيها رغم انها بتتباخر المهم بعد ما تخرج لمياء من المستشفى اشتي ارجع ازوركم للبيت.

اياد: ان شاء الله.

مراد: يلا اذا احتجتوا شي او لمياء تعبت هذا رقمي ***77اتصلو لي.

اياد: طيب تسلم يا دكتور

اياد اقتهر على لمياء قوي وذكر اول ما جت تحاكيه بموضوع اشرف قال لها توكلي على الله ومش شرط الخلفه واقنعها وكان اياد نادم على انه قبل ب اشرف لانه انسان ظهر على حقيقته.

لمياء بالغرفه تصحي وترجع ترقد مشي داريه باحد.

في بيت حسن شلهم لؤي وطبعا مروا لاسماء وروان وخطيو جمعه المستشفى

او ما دخلو الغرفه الكل كانت لمياء نوم مافاقتش.

اياد:يوووه ما اداكم كلكم هانا الدكتور بيقول خلوها ترتاح وانتو جيتو كلكم حتى احمد هههههه.

ايمان: قد تحاكت .

روان: هذي اليومتين مشي قادره تتحاكى قال الدكتور.

ايمان: ليش بنتي عد تتعتجم وبكت.

اياد: يماه صلي على النبي مش خلاص عد تعتجم بس مع الوجع.

احمد كان بحظن اسماء وكان بيلعب بلعبته لما نكعها وطلعت صوت مزعج.

كلهم التفتوا لعنده وخايفين لو لمياء تنقز وفعلا

نقزت.

اياد: انت ما واحد يفعل بك يضربك او ماهو.

لمياء فتحت عيونها وابسرتهم كلهم وابتسمت واياد كان يشتي يضرب ابنه بس لمياء اشرت له بمعنى لا.

الكل: الحمدلله على السلامه.

لمياء ابتسمت لهم وضحكت واشرت باصابعها يعني الحمدلله نجحت العمليه.








🖋️Ala'a taraq/بقلم.

3️⃣5️⃣البارت الثالث والخمسون:

سميه: هيا ابني قده شرق شلني بسرعه ورديتني.

اشرف: يماه مقد فاقتش البنت

سميه: سهل ابسرها من بعيد واخطى هيا.

اشرف: يلا تجهزوا والله معد انا طايق لمياء من كثر ما حبيتيها لكن على سبكم بس يلا تجهزي.

تجهزت سميه وخطيت هي واشرف.

بالمستشفى كانو جالسين بيتحاكو ولمياء فايقه.

اياد: هيا نروحكم.

اسماء: يلا لمياء الله يشفيش يا قلبي ويبعد عنش كل الم خاطرش.
وخطيو

ما بقت الا ذكرى وياسمين وروان وايمان وحسن ولؤي خطيوا لهم.

وصلو اشرف وامه للمستشفى.

سميه: ذاحينه مش احنا داريين وينهي.

اشرف: بين اقلش هي في العنايه يلا نخطى للعنايه.

وطلعوا لغرفه العنايه وسالو على لمياء وقالو لهم انهي فاقت وقدهي بالغرفه الخاصه ودلوهم على الغرفه.

دقت سميه الباب.

روان خطيت تفتح.

سميه: السلام عليكم

روان: وعليكم السلام.

بالبدايه ما عرفتش انها سميه الا لما ابسرت اشرف بعدها.

سميه: كيف لمياء

روان: هيذا داخل
ودخلت سميه وروان خرجت.

روان ابسرت اشرف: ما شاء الله وما اداك هانا.

اشرف: جيت ادي امي.

روان: خلاص ما دام افتسخت الخطوبه ليش عد جيتو انت وامك اصلا انا داريه انكم تشتو تقهروا لمياء او مه بس ربي ما يضيع احد ولمياء عد تتباخر واذكرك.

اشرف: ناهي هجعينا انتي واختش لمياء.

روان: والله العظيم انك انسان محد يوثق بك ولمياء هبلا وثقت بواحد فلتها وقت ماهي تحتاجه على العموم لمياء نسيتك ومره ثانيه لعد تزيد تبسرها ولا تجي للمستشفى ولا شي.

اشرف: ناهي للهنجمه.

روان: حرام انك ما تستاهل ودخلت الغرفه.

سميه في الغرفه سلمت عليهن

سميه:الحمدلله على سلامتش يا بنتي الله يشفيش ويعافيش

ولمياء ابسرتها وبكت ولفتت وجهها للجهه الثانيه ما تشتي تبسر وجهها روان فهمت وبصوت واطي بدون محد يسمع بتحاكي سميه: امي والبنات مشم داريين ان اشرف فسخ ولمياء كل ما تبسرش تذكر اشرف لهذا مابش داعي تكوني تجي يا خاله لان الدكتور قال لمياء عد تدخل بحاله اكتئاب بسبب مرضها وبسبب فسخ خطبتها المهم انا اسفه اخطي من هانا لمياء عد تتعب قوي.

سميه تنهد: حاضر شخطى.

روان: العفو منش يا خاله بس لمياء حالتها صعبه.

سميه: عادي يا بنتي سهل، يلا خاطرش.

روان: الله معاكم.

خطيت سميه.

ايمان: مسرع جت ومسرع خطت.

روان: يماه الله يحفظش خلاص معد يهمونا وبعدا اشرف قد فسخ الخطوبه.

ذكرى وياسمين: هااااا.

ايمان: ما بتقول تيه.

روان: ايوه خلاص ولمياء تستاهل واحد احلا منه هذاك التافهه الذي قبلت به وهو ما قبل بها.

لمياء كانت نوم لانها كل ما حست بتعب ما تدرى الا وقد هي راقده.

ايمان: وليش فسخ.

روان: قال انهي مريضه شلوه الجن خلاص لعد تفتحوا هذا الموضوع قبالها تمام.

ايمان: تمام بس تشرحي لي ماهو بالتفصيل.

روان: من عيوني بس لما تتباخر لمياء.

اشرف لما خرجت سميه.

اشرف: هيا مه كيف هي لمياء.

سميه: عادنا غير تحاكيت وهي بكت ولفتت وجهها قالت لي اختها هي ذاحينه كل ما تذكرك تتعب وزد الدكتور حذر لا يخلوها تتعب عد تدخل باكتائب مسكينه..

اشرف في نفسه"الله يشفيش يا لمياء".

🔘طبعا احنا نعرف ان الرجال عندهم كبرياء يعني اذا في شي تشوفه متنرفز وعصبي قدام الناس لاكن وهو وحيد تبسرووه مثل المسكين هاناك.

في العشي روحوا الكل ما بقت الا روان واياد عند لمياء مراد كان يجي ويتطمن على لمياء.

مر اليوم الاول والثاني والثالث ولمياء عادهي بالمستشفى وحالتها بدات تتحسن للافضل وقد وبدات تتحاكى.

لمياء: ايحين عد نروح البيت انا قدنا ضيقه من المستشفى.

اياد: صبرنا الكثير ما بقى الا القليل هااانت.

لمياء: تعبت والله

اياد: لمياء اسالش سؤال وتجاوبيني عليه.

لمياء: ماهو

اياد: ليش قبل ما تدخلي غرغه العمليات ما حاكيتي الا روان.

لمياء: من مه.

اياد: الخبر قده عندي وخلاص وتمينا هذا الخبر ان اشرف جاء وقلش خلاص احنا مش مناسبين لبعض ليش ما تتحتاكي على الاقل اتصرف.

لمياء: ههههههه ماهو تتصرف قلي وبعدا خلاص طز فيه انا هبلا وثقت ب انسان... ولا اقلك لا تخليني اتكلم عليه بس الذي فيني مكفيني.

دق الباب ودخل مراد يتطمن.

مراد: كيف صحتش يا لمياء الان.

لمياء: الحمدلله تمام، بس يا دكتور اشتي اخرج من المستشفى تعبت.

مراد: زيد تيه الليله اليوم وبعدا خلاص وكوني تجي على سب الابره الكيماويه.

لمياء: تمام، بس يا دكتور خلاص الورم اختفى بالمره.

مراد: هههه الورم كان حميد احنا استاصلنا بس الابر ضروري تضربيهن بعد العمليه هو فتره وبعدين خلاص وتتعافي بالمره ان شاء الله.

لمياء: يااارب.

اياد: اتعبناك معانا يا دكتور.

مراد: لا لا لاتعب ولا شي تعبكم راحه وخرج..

وقت الظهر مراد روح بيتهم.

شروق: صلاه على النبي مالك اليوم البسمه من الطرف للطرف.

مراد: صلو على النبي بماه.

شروق: اللهم صلى على محمد ماهو ما تشتي.

مراد: يماه انا فسخت خطوبتي من سلوى.

شروق بصياح: ماهوووووو للمه تفع

ل هكذا يبني هاااا.

مراد: حاكيت اشرف قبل ثلاثه ايام وقلت له مشتيش اظلم اختك لاني مشتيهاش وانا في نفسي واحده يماه وما شتزوج الا هي.

شروق: امرك الى الله عد تفرق بين الخوات على سب هذك الدبور الذي حبيتها.

مراد: خلاص فسخت وانتهى الامر واشتي تيه البنت.

شروق: مشني راضيه.

مراد: اماه انا فدالكم لا تتعبينيش واذا تشتي اتزوج شتزوج باسبوع خلاص انا بين احب واحده وقد قلت لش وسلوى ما تناسبني نهائيا.

شروق: امانه انك تشتي دعس ذاحينه عد تخلي وجهي صغير بين القوم.

مراد: يماه يماه لا تكبريهاش المهم شحاكي ابي الليله على البنت ونسير الاسبوع الثاني نتقدم.

شروق: انا مشني راضيه.

مراد: سلوى انسيها يماه انا فدالكم وحب راس امه
المفروض تفرحي لان ابنش اختار البنت المناسبه له والله يماه عد تحبيها البنت حاليه باخلاقها بجمالها بقلبها الصافي بقوه ايمانها بلله كبير هيا اماه لا تكونيش هكذا.

شروق تنهدت: الذي تشتيه فعلته ولا لي دخل.

في بيت عبدالرزاق كان الكل مجتمعين واشرف دخل.

اشرف: سلام.

الكل: وعليكم السلام.

ابراهيم: هيا نخطى نحجز الفنان والصاله واللبس ووووو.

اشرف: هااا صح ذكرت ما اقلكم اني فسخت من لمياء

عبدالرزاق: للمه.

سميه: يشتي دعس.

عبدالرزاق: انت تشتي تجنن بي.

اشرف: عد تتزوج يا ابراهيم وحدك و وصح ذكرت ما اقلكم من موضوع مراد وسلوى.

سلوى: ماهو.

اشرف: مراد جاء، لعندي وحاكاني ومن حقه هذا الشي،
هو خطب سلوى بالغصب يعني خالتي شروق غصبته وجت لعندنا تقول هو الذي يشتي سلوى هو بيحب واحده ثانيه ويشتيها واحنا نفسخ عادي والف واحد يتمنى سلوى.

سلوى اكتبددت بهذا الكلام هي كانت راسمه مستقبل حالي تخرج تسير تلبس مثلهم وووووو.

اشرف: سلوى صح عد تزعلي بس هذا مشو نصيبش يا قلبي.

عبدالرزاق بصياح: سابر ابني فسخ وبنتي فسخت سابر سابر سابر عد تجننو بي بس اقوم اخطى من عندكم عد نجننو بي بس الله يهديكم
وخطي لعمله.

سلوى خطت للغرفه بكيت بكيت: يا ربي ليش كذيه ليش ليش وتبكي.

🔘حابه اقول لكم شي الانسان المظلوم والمسكين ربي ياخذ بحقه دايما وربي ما يفلت حق احد وحتى ربي ينتقم له ويشوف عقابه يا فيه يا باشخص يحبهم.





🖋️Ala'a taraq/بقلم.

4️⃣5️⃣البارت الرابع والخمسون:

في العصر سميه اتصلت لشروق.

شروق: حيا

سميه: كيف انتي.

شروق: الحمدلله بخيره.

سميه: اح اح يا شروق منش اح ليش تقولي ان مراد بيحب سلوى وهو الذي اختارها ومدري ماهو والهدايا الذي اديهن لسلوى منه وووو للمه تكذبي.

شروق: والله انو.

سميه قاطعتها: لا تحلفيش قد حاكى اشرف بكل حاجه على العموم الله يسخر له ويوفقه ويسعده مع الذي يحبها معد نقولش ليش ولا للمه يحب بس كوني ادي الصدق.

شروق: هو كان مقتنع بسلوى بس اليهوديه مدري ما وسوست عليه تيه البنت وانا مشني راضيه عادنا والله اني غثيت على سلوى.

سميه: خيره الله.

شروق: قولي لسلوى حبيبت قلبي الله يوفقها بواحد احلى.

سميه: ان شاء الله بس انا فالجني الكذب انه يحبها للمه تقولي هكذا اسكه قولي لي.

شروق: خلاص غلقي الموضوع بس.

سميه: عد نغلقه تمام بس حسبي الله ونعم الوكيل عليش بس وغلقت التلفون.

عند لمياء كانت تدحس ما بلا تخرج من المستشفى لان قد لها4 ايام.

والمستشفى سمحوا لها بالخروج ولمياء بدات حالتها تتحسن من يوم لايوم وكانت تضرب الابر على سب تقوم وتقاوم مرضها.

مر على هذا الشي شه من بعد ما لمياء فعلت العمليه وجلست في البيت معد سارت الشغل ولا شي
وكان هذاك الفتره بالنسبه للمياء حزن وبكاء بسبب لانها مثل هذي الايام عد تكون عروسه هي واشرف بس للاسف اشرف كسرها.

لمياء كانت تبكي.

ايمان: ايش بش يابنتي صلي على النبي لا تزعليش نفسش وبوردي

لمياء: بس يماه بين احس بضيق.

ايمان: قومي صلي ركعتين لله ان ربي يبعد عنش كل ضيق ما هكذا عد تتعبي.

لمياء: حاضر وقبل ما تقوم شلت تلفونها وعملت لاشرف رساله

" مثل هذه الايام كنت ساصبح اميرتك الجميله، لاكن القدر جعلني اصبح اميره للسرطان، ومع هذا سوف اقاوم مرضي وابعد حزني واتغلب على من يؤذيني ان الله رؤؤف بالعباد،
لا داعي للسخريه لاني مريضه لاني سوف اشفى تماما وساياتي اليوم الذي سوف احقق به رغباتي الذي انتظرتها طويلا وسوف انظر اليك واقول لك انا هنا تغلبت على كل شيء وسوف تبتسم لي الدنيا مره اخرى، وسوف ياتي اليوم الذي تتمنى ان اعود اليك لاكنني لن ارضى بك لانك لم ترضي بي".

اشرف كان بالمختبر وصلته الرسال وهو طنشها لما دري انها من لمياء وجلس يتم يشتغل وبعد ما تم خرج تلفونه وفتحها.

اشرف: عد تمكنا قصايد حزن ذاحينه هههههههه.
وبدا يقريها.....
الرسال اثرت فيه قوي وتذكر لما كان يحكي للمياء قصص تذكر ضحكتها نرفزتها.
وفي نفسه"يوه يا اشرف لا تخليهاش تاثر عليك انت قوي ".

عند مراد كان مُصر على انه يخطب لمياء ولا لمياء بدا يحاكي ابوه وعبدالله قال مابش عنده اي مشكله ما دام ابنه يحبها بس المشكله من امه انهي مشي راضيه.

في العشي روح مراد من العياده وكان ابوه وامه بالمجلس.

مراد: مساء الخير.

شروق وعبدالله: مساء النور.

مراد: ذاحينه يا باه ماهو من سب الذي حاكيتك.

شروق: ماهو.

مراد: اشتي البنت الذي حاكيتكم عليها..

شروق: يبني مش احنا داريين كيفها اظاهر انها قدامك الملاك البريئ وخارج يعلم الله كيفهي وبعدا وين عرفتها.

مراد: مع مع هي ثااااانيه قد جلست معاها وابسرت اسلوبها ثاااااني طبعا هي مريضتي بين اعالجها..

شروق: هااا وليش مالها.

مراد: شحاكيش مالها ومش تقولي لا لاني اشتيها ولا اشتيها ولا تحرم عليا البنات كلهن الا هي.

شروق: مالها تحاكى.

مراد: طبعا كان فيها ورم في الدماغ والحمدلله طلع حميد.

شروق: هااااااااا ماهو تزيد تدي لي واحده مريضه.

مراد: اسمعي ما اتم احاكيش يماه،
طبعا الورم حميد هذا اولا وبعد فتره انا متاكد انها عد تتباخر تماما قد بتضرب ابر الكيماوي وكل شي المهم انا اشتيها يماه لو سمحتي ارضي.

عبدالله: الا امك عد ترضى

شروق: واذا ما رضيتش.

مراد: اماه ما بلا ترضي انا حلفت تحرم عليا كل البنات ماعدا هي ولا والله ما اتزوج واخلي الناس يضحكوا عليكم وانتو اخبر يماه.

شروق: ناهي ناهي وكيف هي البنت.

مراد: تجنن الصدق يماه ان جيتي للحلا فهو فيها وان جيتي للادب فهو فيها وان جيتي للاسلوب فهو فيها.

شروق: مشتيت فعلته الله يوفقك كان نفسي اختار لك البنت الذي تناسبك انا بس انت مابلا تشتي هذه بسمها البنت.

مراد: لمياء.

عبدالله: يعني خلاص نسير نجلس مع ابو البنت.

مراد: ابوها قد مات مع اخوها ونحاكيه وانا متاكد ان اخوها معد يقول ماشي بس انا خايف من لمياء ترفض لانها وسكت.

شروق: مالها.

مراد: ولا شي بس اخططبت على واحد وعرفته على حقيقته كان انسان مشو حالي وبعد فسخت.

شروق: هاااا سابر.

عند اشرف لما وصل البيت قري رساله لمياء مره ثانيه ورد عليها: تمام الله يوفقش ههههه.

لمياء قرت الرساله وحست ان اشرف بستهزء بها.

في الاسبوع الثاني مراد تواصل مع اياد وقال له انه يشتي يجي للبيت هو وابوه ويتعرفوا عليه.

اياد: اهلا وسهلا حيا بكم البيت بيتكم باي وقت.

واياد كان في العمل اتصل لعند اسماء وقلها تجهز الديوات لانه

عد يجي عنده ناس اليوم.

اما روان ولؤي كانوا ما يجي يوم الا وهم يتحاكو " يتواصلوا ".

مراد روح من المستشفى بدري وماداوم في العياده على سب يسير بيت يحيى اتغدوا وخطيو بيت يحيى واياد جاء بدري وبيحشرهم يقربوا الغداء بسرعه عد يجو عنده ناس.

لمياء: منهم هولاء.

اياد: الدكتور مراد وابوه قالو يشتو يجو يتعرفوا عليا هههههه ما اقلهم لا لاتجوش قلت اهلا وسهلا.

ايمان:وكيف لوما يشتو يجو.

اياد: وانا ما دراني قالو يشتو يجو اقلهم ليش.

لمياء: سرت ضربت الابره اليوم الصبح هاناك وابسرته بس ما حاكانيش بشي.

اياد: ما عد يقلش عد اسير اخزن عندكم هههههههههه.

لمياء: مقصدي عد يقلي عليك شي او انه عد يجي هذا قصدي ما دريت الا منك ذاحينه.

اياد تم يتغداء: لا اسمع صوت يا روان انتي واسماء عيب عد يضحكوا الناس علينا.

مراد وعبدالله تجهزوا وخرجوا من البيت وعلى الطريق وقفوا يشتروا قات واتصل مراد ل اياد يوصف لهم البيت وينهو وطبعا اياد وصف لهم البيت
وصلو البيت واياد استقبلهم وخطاهم للديوان ودخل لهم كيك وشاهي.

مراد: يووه للمه هذا احنا جينا نجلس معك ونتعرف ما جيناش ضيوف هههه.

اياد: ولو نحلي انا مايعجبني اخزن الا وقد حليت .

المهم بعد ما تمو اكلو بداو يخزنوا وجلسو وتعرفوا وبداو بالمجبار ومن موضوع لاموضوع وضحك وزبج وقد اصواتهم لطالع.

لمياء: ما شاء الله من اول ثلاث ساعات قدهم اصحاب لتيه الدرجه ضحك ومجبار.

روان: خليهم يتصاحبوا مدراش الله وتزوجتيه.

لمياء رجمت روان بالوساده: اسكه قومي من قبالي للسخافه.

روان: بين امزح وانتي.

لمياء تنهدت وذكرت اشرف وبكت.

روان: لا تكوني ذكرتي هذاك الحقير.

لمياء: عيب ما يسبرش تقولي عليه هكذا.

روان: اسمع لك الذي تدافع عليه يا اختي انسي اشرف مثل ما نسيش انسيه وخلاص والله يعوضش احسن منه.

لمياء: انا قاهر قلبي انه ما حصل بيننا اي شي وفجاه جاء يقلي خلاص وعاد ليله ما عد افعل العمليه اتصلت له بين اقله ليش عمه سميه حاكت امي وهو متنرفز تقولي مدري ما فعلت به

روان: ابردي لش منه طز ما يستاهلكش واحنا عد نبسر هل به بنت عد تقبل به او مع.

لمياء: خيرة الله.

في الديوان قده وقت المغرب قامو صلو ورجع جلسوا تمو التخزينه.

عبدالله: اياد اشتي احاكيك بموضوع.

اياد: مافي نفسك يا عم وانا من عيوني.

مراد: تسلم عيونك ما تقصر.

عبدالله: تسلم الله يحفظك بس جينا انا ومراد نتعرف عليك ونجلس وعاد معانا موضوع بسيط.

اياد: اابشر ياعم ماهو.

مراد: الله يحفظك بس يا اياد شصارحك بكل شي وانت مثل اخي بين اعزك واحترمك
الموضوع وبما فيه اني اشتي لمياء على سنه الله ورسوله صراحتا يعني لمياء انسانه حبوبه وتدخل القلب بسرعه الصدق كم قدلي بين اعالجها ابسرت منها الا كل خير ادب واحترام وايمانها بلله كبير وهذا افضل شي لهذا انا جيت اطلب يدها واقلك لمياء بعيوني.
انا مشني من هذاك النوع من الرجال مثل خطيبها عرف بمرضها وفلتها لا ان تحسنت او لا انا اشتيها اشتيها وبفضل الله انهي تتعافى نهائيا وانا واثق هذا الشي.

عبدالله: وانت يا اياد من حقك تتاخذ القرار ايوه او لا بس ابني مراد يشتيها ولو كانت فيها الف حاجه.

🟣طبعا مراد جلس مع ابوه وقال له انهي مريضه وانهي مريضته.

اياد: انتو فوق عيني وراسي وخلال هذه الساعات الذي جلسنا بها انت يا مراد انسان مابش احد مثلك المهم هذا القرار يعود للمياء وانا واثق انك عد تشل اختي بعيونك ومعد تقصر بس القرار يعود للمياء معد اغصبها على شي هي ما تشتيه.

مراد: واذا ما رضتش انا داري لانها كانت بتحب خطيبها قوي وهو ببساطه جاء وفلتها وعلى العموم انا عد اجلس اريع لها طول عمري وما شتزوج الا هي وتحرم عليا كل البنت الا لمياء.

اياد: والنعم بك يا مراد شحاول معاها ماشي الله يوفقك ويسعدك.

مراد: ومعد اتوفق الا ب لمياء .

اياد:نبسر.

عبدالله:يلا خاطرك يبني.

اياد:زارتكم العافيه.

عبدالله:كون جي عندنا نجلس احنا وانت.

اياد:هذا بيتكم باي وقت تشتو تجوا حيا بكم.

خطيوا مراد وعبدالله واياد جلس يفكر هل للمياء عد توافق او ماشي..





🖋️Ala'a taraq/بقلم.

5️⃣5️⃣البارت الخامس والخمسون:

مراد: امانتك يا باه ادعي لي ان ربي يوفقني ب لمياء.

عبدالله: ياارب.

اياد طلع لعند امه كانت امه بالغرفه حقها هي واسماء جالسات بيتجابرين...

اياد: اسماء انزلي انتي وروان رفعي الديوان

اسماء: حاضر.

اياد: يماه به موضوع يخص لمياء.

ايمان: ليش مالها بنتي ايش قال الدكتور.

اياد: ولا بها شي بس جاء يتقدم هههههه

ايمان: للمياء.

اياد: ايوه قال اعجب بلمياء باسلوبها وقوه ايمانها واخلاقها والله معد دريت ماهو.

ايمان: اسكه ادعوا للمياء ونحاكيها.

اياد: الولد قال تحرم عليه البنات كلهن غير لمياء لانه فعلا مصمم يشتيها سوا اتعافت من مرضها ولا لا يشتيها يشتيها.

ايمان: يوووه مدري عد ترضي ولا ماشي.

اياد: انا الصدق موافق عليه لانه رجال ما يتعوض وخطي يداعي لمياء.

لمياء: خير مابه

اياد: اجلسي ما اقول لش.

لمياء: ماهو.

اياد: مدري كيف احاكيش اصلا.

ايمان: الدكتور مراد يشتيش على سنه الله ورسوله

لمياء ابسرت لعند اياد.

اياد: ههههههه انا الصدق ابسرته انسان ما يعوض اخلاق وادب و.

لمياء قاطعته: ماشقولش اللوم عليك لانك مش داري مكنتني محترم مخلق عد يطرحش بعيونه ويوم دريت انه مريض قلت لي اهم شي الحب وقلنا يلا الحب بس خلاص معد اشتي اتزوج ولا اشتي شي اشتي راحه البال انا تعبت تعبت تعبت وبكيت مشني قادره انسى اشرف جالس على قلبي ليش وكانت تبكي بحرقه طبعا روان كانت تتسمع من وراء الباب.

اياد: لمياء هو داري بمرضش وقال انا اشتيها بمرضها وان شاء الله تتباخر هو قال لي وقال لي تحرم عليه البنات كلهن ما عدا انتي.

لمياء ببكاء: مشتيش قلبي غاثي له ولا اشتي احد ولا اشتي شي وخرجت من الغرفه ودخلت غرفتها تبكي

لمياء: ليش يا ربي ليش هكذا وتبكي.

روان: ماهو ليش هكذا جاء لش واحد ما يتعوض حرام لو انا مشني مخطوبه على لؤي لاوافق انا تحرم عليه البنات كلهن يا اختي افهمي افهمي الولد يشتيش يحبش

لمياء: ولا اشتي شي لا اشرف ولا مراد اشتي اموت اشتي اموت ليت الورم طلع خبيث ومت ولا تعافيت.

روان: هيا بلا هباله صلي على النبي.

وصل مراد وابوه البيت.

عبدالله: مساء الخير.

شروق: هيا مه تقدمتوا.

مراد بفرحه: ايوه.

شروق: ناهي هااا الله يسعدك.

منار: ولا تحاكيني يا مراد.

مراد: عادو الا خبر ها طبعا يماه اشتي اقلش بحاجه انتي مشنتي داريها بها.

منار: ماهو

مراد: ما دخلش انتي.
يماه طبعا انا اشتي اتزوج بساعتي مشتيش نتاخر اشتي قبل عرس ابراهيم واشرف..

منار: ههههههههه قد وزعوا الدعوات وعرسهم الخميس الذي عد يجي هههههه.

مراد: خلاص شهرين بالكثير.

شروق: وانت مالك مستعجل.

مراد: مش مستعجبل بس قلت الواحد لما فيه الرغبه يفعل شي ما تهميه عد يفعلها بسرعه ابسرتي يوم كنت رافض سلوى لهذا السبب لما اكون انا راضي لهذا الشي تتسهل للواحد.

شروق: ناهي هاااا.

مر ثلاثه ايام ولمياء كانت تسير تضرب ابره الكيماوي ولا تدي اي وجهه لمراد..

لمياء: دكتور وين تنصحني اسير عند دكتور ثاني.

مراد: للمه.

لمياء: هكذا اشتي اغير قد كرهت المستشفى هذا.

مراد: هههههههههههه اكيد حاكاش اياد صح.

لمياء:ايوه وقراري لا

مراد:لمياء.

لمياء:ماهو ما تشتي مني على سب تشفق عليا او مه حين انا مريضه وفلتني خطيبي وحين انا زد مكسوره.

مراد:لا والله ويشهد عليا اني قبل ما اعرف انش مخطوبه اني حبيتش من لما كنتي في الكافي وجيتي لعندي للعياده وقلت يمكن هذي صدفه عتغير حياتي وزد ايمانش بلله الكبير واسلوبش وادبش خلاني اتعلق بش واحبش.

لمياء:ناهي قد الكل حبوني باسلوبي وادبي وبالاخير فلتوا لي وبكت .

مراد:يشهد عليا اني اشتيش ومعد افلتش واوثقي.

لمياء:شوثق بروحي ما شوثق باحد لا بااخي ولا امي ولا اختي ولا احد اوثق بروحي هذا يكفي.

بدا يضرب لها مراد الابره وهي تتوجع وتتالم طبعا روان كانت معها وخرجت تجاوب التلفون..

لما روحت لمياء البيت.

اياد:ذاحينه ماهو يا لمياء ارد الخبر للناس.

لمياء:رد لهم وقلهم مشتيش.

اياد:خلاص غدوه عد اتصله واقله .

لمياء طلعت الغرفه بدلت وجلست فوق السرير مطننه.

روان:مال روحي..

لمياء:تصدقي كرهت الكل حتى كرهت نفسي.

روان:هههه ما بلا تصلي على النبي ما يسبرش هكذا.

لمياء:اخ اخ بس.

روان:ذاحينه انتي مشنتي موافقه على مراد.

لمياء بصياح:لا.

روان:للمه الصياح قولي لا وخلاص مش بصياح وخليها ببالش يمكن الله خلاش تمرضي علشان يبعدش عن اشرف والله بيفعل في كل شي حكمه .

لمياء:اشتي اسير غدوه المختبر.

روان:للمه تسيري توجعي قلبش بس.

لمياء:اسير اجلس مع البنات شويه قدني فاقده لهن وانتي اخطي داومي بالمعهد واذا تميتي نسير المستشفى نضرب الابره واشتي اسحب ملفي معد اشتيش اداوم هاناك.

روان:خلاص تمام.

لمياء:عد ارقد لي تصبحي على خير.

روان:مسرع عاد الساعه 9 انزلي اسمري معانا.

لمياء:مشتيش ارقد بس.

روان نزلت تعشت وجلست هي وامها واخوها يضحكوا ويتجابرو وطلعت الساعه 11وفتحت

النت وابسرت رساله من لؤي وهو كان متصل.

لؤي:رواني كيف انتي وينش غاطسه هذه الايام.

روان:يا حياااا الحمدلله وانت كيف انت
والله مشغوله تيه الايام مع لمياء.

لؤي:ولمياء كيفهي ذاحينه.

روان:مالها شي بتتحسن انت داري هههههه الدكتور جاء يتقدم للمياء.

لؤي:ايوه وبعدا.

روان:لمياء رفضت مسكينه مقد نسيتش اشرف

لؤي:الصدق الدكتور مراد انسان راقي جدا توافق بس قالت اشرف تبرد لها منه والله لتكرهه عيشتها هاناك متحكمين يالطييف بس.

روان:قد هي متعقده خلاص قالت مشتيش على الله كرههت كل شي
الله يوفقها.

لؤي:ياارب.

روان:كيف الجامعه معك.

لؤي:الحمدلله بنخطى ها ها قدنا منتظر تتم الجامعه.

روان:مسرع عادك سنه ثانيه.

لؤي:يا هبلا افهمي اشتي تتم الجامعه بسرعه على سب نتزوج.

روان:ههههههه شلوك.

وجلسوا يتجابروا للساعه 2.

روان:كان خاطرك معي دوام غدوه من بدري.

لؤي:الله معش

في اليوم الثاني لمياء قامت بدري وتجهزت وقومت روان وحاكت امها انها عد تخطى المختبر على سب تبسر صحباتها وتسحب الملف.

خطيين روان ولمياء من البيت.

روان:بين اقلش من ذاحينه اشرف عد يحاول يستفزش وانتي ولا تدي له وجهه خالص.

لمياء:داريه يلا بيباي خاطرش وخطت المختبر.

لمياء دخلت وكلهم كانو هاناك قبل ما تدخل غرفه الاجهزه دخلت غرفه المدير
دقت الباب ودخلت.

المدير:اهلا لمياء كيف انتي الحمدلله على سلامتش.

لمياء:الله يسلمك يا دكتور.

المدير:كيف صحتش الان بتطمنا شيماء.

لمياء: بيقولوا الخلايا بدات تخمل وعلى الله كونوا ادعوا لي يا دكتور

المدير:بندعي لش بدون خبر.

لمياء:دكتور اشتي اسحب ملفي معد اشتيش اشتغل هنيه.

المدير:ليش انتي من افضل الكادر هنا ليش ولا زوجش منعش.

لمياء:ههههه لا لا طبعا انا فسخت خطوبتي.

المدير:مالش انتي واشرف فسختوا خطبتكم اشرف معد يشتي اجازه وانتي تشتي الملف.

لمياء:ههههه انا واشرف كنا مخطوبين لبعض وبعدين خلاص انت ما كنت داري المهم اشتي ملفي.

المدير:يا لمياء.

لمياء:لا اشتي امشي من هذا المكان عد اخطى اداوم بمكان ثاني على العموم شاسير ابسر البنات شيماء وانتصار واجي والملف جاهز لو سمحت.

المدير: خير ان شاء الله.

لمياء، خطيت لغرفه الاجهزه دخلت وشيماء ابسرتها.

شيماء: لموووش.

لمياء: حياااا.

انتصار: يا قلبي متى جيتي.

وسلمت عليهن لمياء

عبدالرحمن : الحمدلله على سلامتش يا لمياء.

لمياء: الله يسلمك.

اشرف ولا احترك من مكانه كان بيشتغل ونظراته عند لمياء.

ولمياء تبسره بنص عين والبنات فلتين شغلهن وجلسين عند لمياء ومحمد خرج يكمل باقي الشغل خارج.





🖋️Ala'a taraq/بقلم.