8⃣6⃣البارت الثامن والستون:
طلع هيثم واسيل.
هيثم: جي ما اصورش يا اسولي.
اسيل: طيب.
وخطت يصورها ابوها.
هيثم: يلا ادخلي بدلي البجامه وجي ارقد انا وانتي.
اسيل: مع عد ارقد في غرفتي
هيثم: مشتيتي.
وبدا يتراسل هو وبشرى.
بشرى: وين انت اليوم ما فتحت النت.
هيثم: كان معي عرس.
بشرى: والعرس اهم مني.
هيثم: عرس اخو ندى وعيب ما يسبرش افلتهم.
بشرى:يالله.
هيثم:بطلي من صدق ما يسبرش افلت،المهم اوريش صوره اسيل.
بشرى:طيب.
ورسلها صوره اسيل.
بشرى:هذي اسيل.
هيثم:ايووه كيفهي.
بشرى منذهله بجمالها.:تجنن حجاب وياسين طالعه على ابوها
هيثم:هههههههه من قلش انها طالعه لابوها طالعه لامها نسخه من ندى بس عاد ندى احلى.
بشرى:يعني ندى قمريه.
هيثم:الصدق ايوه.
بشرى:واناا
هيثم:انتي الكل بكله.
بشرى:تسلم انا فدالك.

عند بيت الاب محمد
دخل عمر وسلم على عماته والخالات وقطعوا الترته وجلسوا شويه وخطيوا الفندق.
ندى:واخيرا تمينا العرس.
نوال:ااااف والقتله.
ندى:والله انش تعبتي زياده انا فدالش.
تلفون ندى بيرن ابسرت وانه انس بيتصل لها.
ندى:الوو.
انس:ايوه،كيف انتي يا ندى.
ندى:الحمدلله.
انس:يا ندى قولي لنرمين تتجهز عد نخطى.
ندى:طيب
نور:ما به
ندى:اتصل انس قال يروح نرمين.
نور:ليش.
ندى:قال وغدوه الصبح وهي عندنا
نور:وانا اتصلي احمد.
ندى:عد تروحي.
نور:ايوه.
ندى:حالي روحين خلين ازواجكن يبسروكن وانتين مسبوكات وخطت تحاكي نرمين وفي نفسها"هولاء الازواج ولا بلاش يشتو يبسروا نسوانهم وهن مسبرات ويسمروا معاهن"
الا ندى ونوال ما روحين.
ندى:روحين البنات.
نوال:ايوه.
ندى:حضنا نحس انا وانتي مابش ازواج سابرين.
نوال:الله يعينش ما انتي ما انا زوجي عند ابي قال مابش احد عنده الا هو ووليد وزد ابسرني خلاص.
ندى:ماهو الا انا النحس بس بيني وبينش والله اني تعبت قوي اشتي اتطلق يا نوالي.
نوال: وليش يا عمري.
ندى:حاكت نوال كيف بيعاملها هيثم ومتفق هو وهذك.
🔸ملاحظه:ندى حاكت نوال بكل شي من قبل وذلحينه بتشكي لها من هيثم ونوال الوحيده من خواتها الذي داريه ما بيحصل بين هيثم وندى.
نوال:وانتي يا ندى غيريه اصبري لجل بنتش.
ندى:تعبت والله تعبت يا نوال.
نوال:كان حاكي ابي.
ندى:لا تحاكيش انتي
انا عد احاكيه انا بس اشتي ابسر لوين عد يوصل.
نوال:الله يا ندى يسخر لش.
ندى:يارب.
وخطين يرفعين ويلفلفين البيت على سب غدوه.
بعد ما تمين ندى دخلت غرفتها وخلست الفستان ولبست بجامتها وفتحت تلفونها وفتحت النت وابسرت محمد رسل لها او مع
محمد: كيف العرس
ندى: حالي وتعب
محمد: الله يعينكم انا جيت وتعرفت على ابوش وعمر واحمد وعبدالله وانس وهيثم وكلهم ناس محترمين
ندى: صدق
محمد: واللة
ندى: هااااااا حيا بك
محمد: ما بتفعلو.
ندى: الصدق انا ملان نوم وغدوه معانا ضيوف المهم تصبح على خير.
محمد: يلا خاطرش، تلاقي الخير.
وقفلت ندى النت ورقدت.

في الصباح
قامين بدري وجهزين كل شي وطبخين الصبوح وقربين الصبوح للرجال والنسوان ونور ونرمين جين من بيت ازواجهن.
وعمر وعلياء الساعه ١٠ونص جو من الفندق واهل علياء جو يسلموا عليها والاب محمد حلف لايجلسوا يتغدوا عندهم.
والبنات بيفعلين الغداء وبيجهزينه ، وغدوهم...................
في العصر ندى كانت في غرفه علياء.
ندى: يا علياء.
علياء: حيا.
ندى: معد تلبسي.
علياء: مدري والله.
ندى: ابسري لش لو به فستان طويل ماله شي لانش عد تجلسي عند النسوان لمغرب وخطيتي عند زوجش.
علياء: طيب.
وندى بتستشور لعلياء شعرها وبتمكيجها وتسبرها وتسبر روحها.
المهم جلست علياء عند النسوان شويه لمغرب وخطت غرفتها وعمر دخل على سب يخزنوا ويجلسوا جمعه.
ندى في الديوان مخزنه ومشيشه للساعه ٩ وقامت هي وخواتها ووداد يرفعين البيت اما العمات والخالات والضيوف كلهم مشيو.
ندى: عد ادخل ارقد قد الساعه ١٢.
نوال: طيب.
دخلت ندى ترقد حتى ما فتحت النت.
في اليوم الثاني يوم السبت من اول ما قامت ندى وهي بتحس بضيق لان هيثم قال عد يجي لها.
ندى قامت الساعه ٩ ونص جلست هي وخواتها ووداد يصطبحين وتلفون ندى رن.
المتصل هيثم.
ندى: الو.
هيثم: انا مريع لش بالباب اخرجي.
ندى: مااهو خليني للعصر ولا للعشي.
هيثم:امي ما بحد خطت بيت خالي
ندى:واسيل
هيثم: في البيت، يلااخرجي انا مريع لش وغلق السماعه.
وداد: من.
ندى: الله يسامحك
نوال: وين عد تسيري.
ندى: خاطركن مستعجل
نوال: للعشي واخطي.
ندى: خليني اخطى بس.
وخطت تلفلف الاداه حقها.




🖋 Ala'a taraq/بقلم.

9⃣6⃣البارت التاسع والستون:
تمت ندى تلفلف الاداه وخطت لغرفه ابوها تحاكيه انه عد تمشي.
الاب محمد: لوينه
ندى: قد جالي هيثم هو في الباب مدري ماله مستعجل وزد امه مشي موجوده
الاب محمد: ندو انتي مرتاحه
ندى بكت: يعني.
الاب محمد حس ان ندى مشي مرتاحه.
الاب محمد: اي شي تشتيه انا موجود.
ندى: تسلم يا بااه الله يحفظك.، وخطت.
ندى: بنات مع السلامه.
وداد: كنا نشتي اليوم نخرج نفتهن وحدنا نأنس يلا هااا مره ثانيه.
ندى: انشاء الله .
خرجت ندى لعند هيثم للسياره.
ندى: صباح الخير.
هيثم: صباح النكد.
ندى تنهدت.
وهم في طريقهم للبيت بشرى وهيثم عملو خطه على سب ندى تزعل.
اتصلت بشرى لهيثم.
هيثم رد عليها وفتح الاسبيكر"المكرفون" حق التلفون.
بشرى: حبيبي صباح الخير.
هيثم: حيااا بروحي حيااا يا صباح الفل
وندى سااكته.
بشرى:كيف حالك يا قلبي.
هيثم:الحمدلله تمام.
بشرى:ممكن طلب وصوتها سااامج.
هيثم:اطلبي عيوني.
بشرى:تسلم عيونك الحاليات بس كنت اشتي توصلني الكوافير وترجع تشلني بيت صحبتي مابش احد يشلني.
هيثم:من العيون.
بشرى:تسلم العيون ما بتفعل
.
ندى في نفسها"يلعن شكلش يا قليله الادب،اشتي اعرف واين اهلها عد يشلها هيثم يعلم الله معد تقول لاهلها "
هيثم:والله انا بين اسوق سرت ادي ندى من بيتهم كان معها عرس اخوها هيذا هي جنبي.
بشرى:ندى كيف حالش يا قلبي وضحكت ضحكه سامجه.
ندى شلت تلفون هيثم وغلقت السماعه.
هيثم بصياح:مااالش ليش غلقتي السماعه.
ندى:احترم نفسك يا هيثم وعادك فاتح الاسبيكر تسمعني صوت الهباله حقك انت ويها،انا داريه هذا كله من تخطيطكم وانت بتحرمني كل شي من خطوبه عمر من السوق من كل مكان لاني داريه انكم مخططين هذا الشي،وانك تشتي تذلني انا قد سكت لك خيرااات.
هيثم:ما دراش بهذا كله.
ندى:بين اقرا محادثاتكم انت وبشرى بس انا معد اسكتش معي اب واخ يوروك شغلك يا شاطر وخرجت تلفونها تشتي تتصل لابوها
وفي هذاك اليوم بالعاني ندى بعدت رمز البصمه من تلفونها وخلتها بدون رمز
هيثم يشتي يهزر تلفون ندى وندى بتهزر تلفونها وانهم بيتهازروا وهيثم بيسوق لما عملو حادث هيثم تدقدق وندى اكتسرت يدها الشمال وتدقدقت شويه.

في المستشفى
هيثم اتصل باابن عمه يجي واتصل لعمر، وعمر حاكا ابوه ووداد سمعتهم ومعد جلستش مع البنات مشيت معهم المستشفى والبنات مشن داريات ان ندى عملت حادث.
عمر:علياء معد عدنخرج اليوم ندى في المستشفى وفعلت حادث.
علياء:سلامتها الف سلامه ومش ضروري نخرج اليوم
وخطيوا للمستشفى.
ندى كانت في الغرفه وبتبكي ويدها بتوجعها والممرضات جنبها وهيثم مريع لها خارج وفي وجهه شويه دحس.
وصلو للمستشفى وابسرو هيثم.
عمر:الحمدلله على سلامتكم وينهي ندى
هيثم:في الغرفه.
الاب محمد:كيفهي.
هيثم:مدري قالو اكتسرت يدها الشمال وبيجصصو لها وفي رجلها ادحاس.
وداد دخلت الغرفه وابسرت ندى بتبكي من الوجع.
وداد:ندو الحمدلله على سلامتش يا قلبي ما تشوفي شر.
ندى ببكاء:وداد وين ابي.
وداد:خارج.
ندى:جي ما احاكيش..
وداد:ماهو
ندى:تلفوني بدون رمز اليوم نسيت ما ارمزه وهو عند هيثم لا يرجع يبسر محادثاتي انا ومحمد احظريه مؤقتا وحاكيه. داعيتي ابي
وداد:طيب
خرجت وداد لعندهم..
وداد:يا عم محمد ندى تشتي تبسركم انت وعمر.
ودخلو يبسروا ندى.
وداد:هيثم تلفون ندى عندك.
هيثم:ايوه ليش
وداد:كمل رصيدي واشتي اطمن البنات هاته اتصل.
هيثم:شليه وناولها ووداد كانها بتتصل وفتحت المحادثات حقها هي ومحمد في الوتس وفي الSMS ومسحتهن وحظرت محمد وشلت رقمه لعندها ومسحت الرقم.
وداد رسلت لمحمد:سلام كيف الحال انا بنت خال ندى لوسمحت لعد تزيد تراسل ندى لان حياتها عد تخرب لوسمحت لوسمحت لوسمحت.
محمد كان متصل ابسر الرساله وجت له صدمه وفي نفسه"والله معد ازيد اراسلش يا ندى مادام حياتش عد تخرب بسببي "

عند ندى.
الاب محمد:الحمدلله على سلامتش يا ندو.
ندى:الله يسلمكم.
الاب محمد:ما حصل يا بنتي.
ندى:ابااه خلي هيثم يطلقني وبكت.
عمر:ليش ما به.
ندى حكت لهم كل الذي حصلها وانه بيراسل بنت وانه....................
الاب محمد:خير يلا نروح.
ندى:وينهو هيثم.
الاب محمد:مدري وينهو يلا نروح.
وداد:يلا ندو.




🖋Ala'a taraq/بقلم.

0⃣7⃣البارت السبعون:
وصلو للبيت
علياء: الحمدلله على سلامتش يا ندى.
ندى: الله يسلمش يا قلبي
الاب محمد:ندى احكي لي بالتفصيل ما وقع.
ندى:بكت.
الاب محمد:اخرجوا كلكم على سب تحاكيني ندى.
عمر:مابش داعي اخرج لان انا داري بكل شي ندى قد حاكتني.
وداد:ما حاكتك يا عمر ان ندى بتحاكيني من يوم ما وصلت بيت هيثم وما بيفعل بها لهذا مابش داعي نخرج حاكي عمي يا ندى.
ندى:يا بااه انا مانا صابره الا على بنتي وبس
قولو من يوم ما وصلت عند هيثم ومعه بنت بيتراسل هو ياها حبيبته ووعدها انه يتزوجوا.........................................وبدات تحكي لهم لاخر شي.
اتصلت له حبيبته وهذي من ضمن الخطه وخلاها تحاكيني انا ما استحملتش وغلقت التلفون حقه وجيت اشتي اتصل لكم بتلفوني وهو هزره مني وانا بين اهزر لما فعلنا الحادث.
الاب محمد:هذا الذي حصل.
ندى:ايوه وبكت،ابااه اشتي اتطلق معدناش مستحمله له الصدق.
الاب محمد قام:خير وخرج من الغرفه ودخل غرفته وفي نفسه"ااااخ عليش يا ندى ومستحمله وما تشتي تزعلني بس والله ما اخليها على ذمه هذاك الكلب".
عمر:اهدئي ما يوقع الا كل خير.
ندى:تلفوني وينه يا وداد.
وداد:شله هيثم.
هيثم اتصل لعمر.
عمر:ايوه.
هيثم:كيف حالك
عمر:الحمدلله.
هيثم:وينهي ندى احاكيها.
عمر:هيذا جنبي يلا هااااه.
هيثم:كيف قد انتي يا ندى.
ندى بصيااح: وين انت عاد الناس يسالوا معد ابسرتك
هيثم:قد سالت قالو قد روحتوا،انا جايي لش الان
ندى ببكاء:لعد تجي لي ادي لي ورقه طلاقي يا هيثم مادام تذلني وترجمني في بيت ابي قد سرت بكرامتي مادام وانا مغصوبه عليك خلاص طلقني واخلص واتزوج بشرى وعيش حياه سعيده،خمس سنوات وانت مكبود فيني تعبت منك والله مانا صابره لاجل بنتي وبس حرام عليك حرام.
هيثم:حرام عليا سابر وغلق السماعه.
ندى:ماله هذا.
عمر:ابردي لش منه
ندى:اخرج انت وعلياء.
عمر:غدوه ما ذلحينه قده شرق
وداد:انا عد ادخل اسبر غداء على اساس انهم عد يخرجوا وعمي عد يسير بيت عمتش وانا والبنات كنا عد نفعل لنا بطاط ولا نشتري سندوتشات.
ندى:ولا تفعلي شي يا عمر ادي غداء من السوق اليوم الله يحفظك.
عمر حب راس ندى:انتي تؤمري امر.
وخرج.
وداد:اهدئي يا ندى وكل شي عد يسبر.
ندى:انشاءالله..
الاب محمد اتصل لهيثم
الاب محمد: سلام.
هيثم: حيا ياعم وعليكم السلام.
الاب محمد: كيف قدك.
هيثم: الحمدلله بس انا ما تضررت خيرات.
الاب محمد: الحمدلله على سلامتك، بس اشتيك الان ضروري.
هيثم: الله يسلمك يا عم، الااان جايي لك.


وصل هيثم لبيت عمه وعمر فتح له الباب ودخله المجلس وهيثم ناول عمر تلفون ندى.
وعمر ناول ندى التلفون.
ندى: هيثم داخل.
عمر: ايوه ابي اتصله قال له يجي يشتي يحاكيه..
فتح ندى تلفونها وابسرت ان الشاشه الخارجيه حق التلفون اكتسرت
ندى:كسروا راسك يا هيثم.
وفتحت النت وعملت حاله على المرض وانها مريضه وفكت الحظر على محمد
ومحمد ابسر الحاله.
ندى: غريبه محمد لما يبسر الحالات حقي دايما يعلق ليش ماعلق
ورسلت له رساله.
ندى: كيف انت يا محمد
ومحمد يقرا الرساله وما يردش ، ندى ابسرت انه قرا الرساله وما ردش.
ندى: مالك ليش ما بترد او زعلتك او شي
محمد ما بيردش وبيقراهن وفي نفسه"نفسي احاكيش بس انا حلفت يمين ماازيد احاكيش عد تخرب حياتش بسببي"

عند الاب محمد وهيثم.
هيثم: يا عم انت قلت تشتي تحاكوني، ماهو خير.
الاب محمد: يا هيثم انت بتحب ندى، ولاااا تشتي تنتقم منها وتذلها وترجمها ببيت ابوها، وانت يا هيثم مثل ابني وانت رجمت الشال وتوسط لك عمر وما رديتك، ندى اخذت قرار انها تشتي تتطلق من كثر ما قد هي تاعبه، ليش يا ابني هكذا انت تزوجتها على سنه الله ورسوله وهي على ذمتك انت الان نزلت من نظري الصدق وانا بين اذكرك بكل خير، طبعا قد حكت لي كل شي يبني.
هيثم: ايوه، بس يا عم ندى عنيده.
الاب محمد: ندى مشي عنيده وحتى لو هي عنيده ما دخل بشرى بالموضوع.
هيثم: هااااه.
الاب محمد: انا داري ندى مشي عنيده وندى ما تطلبش اي شي وبنتي على نياتها لا تكذب على ندى، الا بنتي ندى محد يغثيها الصدق، وانا وابوك اصحاب ومعد تخرب صداقتنا طلق ندى وريحها انا مع ندى وعد اسير احاكي ابوك ولا يحصل اي شي احنا مريعين للورقه يا هيثم واسيل اديها مادام امك مشي موجوده والبنت عد تسير وترجع.
هيثم: خير ومشي من عندهم وهو مصدوووم
وخطى لبيت خاله يدي امه على سب اسيل.
ام هيثم: ليش وينهي ندى.
هيثم: في بيتهم مارضت تروح.
ام هيثم: كنت تشل اسيل عندها.
هيثم: سابر
🔸ملاحظه: هيثم ما حاكاش امه ولا ابوه على ان ندى تشتي تتطلق .




🖋Ala'a taraq/بقلم.

1⃣7⃣البارت الواحد والسبعون:
وداد اتصلت لها امها قالت تروح عد يجي لها وليد الان.
ندى: اتغدي واخطي
علياء: ايوه يا وداد.
وداد: مع شاروح ذلحين اكيد امي قدها تاعبه خاطركن يا حاليات.
ندى: الله معش.
ندى كانت جالسه هي وعلياء
وعلياء سارت تجاوب التلفون والبنات ماقد جين من السوق
وندى بتراسل محمد وهو ما يردش
وندى اتصلت لوداد وقدهي ضابحه.
وداد: صلينا على النبي ماالش
ندى: وداد انتي حظرتي محمد ومسحتيه صح بس ذلحينه ارسل له وما يردش
وداد: انا زدت رسلت له ورسلت لندى المحادثات، بس مؤقتا مش، على طول.
ندى: امانه انش تشتي دعس وغلقت
وفتحت النت وكتبت لمحمد
ندى: محمد لا تزعلش لاني اليوم عملت حادث وكسرت يدي وكان التلفون بيد هيثم وانا خليت بنت خالي تتصرف ماهي تصرفت غلط انا قلت تمسح المحادثات وتحظرك مؤقتا بس هي رسلت لك


محمد بيقرا وما يردش
ندى اتصلت له وهو ما يردش.
رسلت له : محمد لا تكون تفهم غلط مش ذنبي والله لا تزعلش
محمد كتب: انااااا حلفت يميين.
ندى: على العموم براحتك كنت بين اقول الصديق وقت الضيق وعلى فكره اول مره اتراشا احد واول مره اراسل ولد معرفه وبما انك حلفت براحتك بس خيره الله وشكرا لك.

محمد اقتهر :ندو لا تزعليش بس هذك الساع اقتهرت.
وندى مطنشه لرسايله.
سجلها مقطع صوتي.
محمد:ندو انتي زاعله وانتي ما تراشيتي احد بس كانت ساعه غضب وحلفت وبعدا تحصل لش مشاكل من سببي اما حكايه ماراسلتي ولد وانا اول مره اراسلش وعمري ما راسلت اي بنت مشي معروفه بس لا تزعليش ياندو انااا اسف.
ندى:خيىرر
محمد:ماهو خير والله يا ندى اني بين افكر بش دايما وادعي لش بالسعاده.
ندى:تسلم.
محمد:ذلحينه ماهو.
ندى:ماهو.
محمد:عد تراسليني.
ندى:خير.
محمد سجل:ندى لا تجننيبي ماهو خير خير
ندى:انت اوجعتني ليش ما ترد وتقلي ايش حصل ليش هذا الخبر اكيد ماتفعل ندئ هكذا الا وبه سبب بس انت تسرعت
محمد:اناااا اسف والله ما ازيد ازعلش.
ندى:طيب مقبوله هذي المره.
محمد:خلاص صافي ياللبن
ندى:ايووه صافي ياقشطه
هذك الساع دخل الاب محمد لعند ندى.
الاب محمد:ندو.
ندى:يا حيا.
الاب محمد:كيف قد انتي.
ندى:مالي شي ما قال لكم هيثم يا باه.
الاب محمد:قال خير.
ندى:يا باه لو يموت ما ارجع له واذا رجعت والله لاموت نفسي انا تعبت انا معدناش مستحمله له.
الاب محمد:انشاءالله ما يوقع الا خير وغدوه عد اسير احاكي علي ونبسر ما عد يوقع وانا يا بنتي معش وبنتش هي عد تسير وترجع وتكبر وعد تجي لعندش
ندى:طيب يا باه الله يحفظكم.
عمر وصل من خارج ادى القات والغداء.
عمر:وينهن البنات مقد جينش من خارج.
علياء:اتصلت لهن وقالين عادهن متاخرات.
عمر:يلا نتغدى
وتغدو في غرفه ندى لان ندى تاعبه مشي قادره تخطى بعد الحادث.

عند هيثم
كان بيفكر بندى وببشرى وكيف عد يوقع بابوه لما يدرى



🖋Ala'a taraq/بقلم.

2️⃣7️⃣البارت الثاني والسبعون:
خوات ندى وصلين من السوق.
نوال: سلام.
علياء: حيا.
نوال: ليش معد خرجتوش وينهو عمر.
علياء: في الغرفه.
نوال: يوووو كم فيه من كسل.
علياء: والله قد كنا عد نخرج بس ندى وهم مروحين فعلت حادث.
البنات صاحين: مااهو.
نوال: ما بتقولي، وينهي ذلحينه.
علياء: في غرفتها.
حملين لعندها.
ندى في غرفتها كانت ممتده وتحاول ترقد ما ابسرت الا الباب افتتح.
ندى ابسرت وانهن خواتها.
نوال: ندى.
ندى: يا حيااا.
نرمين: سلامااااات
نور: ما حصل لش.
ندى: اهدئين ولا حصل شي لا تفتجعينش فعلنا حادث بسيط وسلم الله.
نوال: كيف سلم الله ويدش مالها.
ندى: نوالي اهدئي يا عمري يدي اكتسرت.
نور: كيف عملتو.
ندى: اجلسين وواحده تتحاكى اديتين لي القلق وانا احكي لكن.
جلسين وعلياء جت من الباب وابسرتهن يتحاكين.
ندى: علياء ادخلي وانتي ضروري تعرفي قدش واحده مننا
علياء دخلت.
ندى: انا عد اتطلق.
نرمين: بغير جنان.
ندى: انا اخذت قرار وابي معي.
نوال: ليش ما حصل.
نوال: تذكري لما حكيت لش على بشرى.
نور: من هي بشرى.
ندى: حبيبه هيثم من يوم تزوجته وهو متواصل هو ياها ويفعلو خطط علياوحكت لهن ما كان يحصل لها................................اليوم واحنا مروحين اتصلها وفاتح الاسبيكر وبكل قله ادب بتحاكيني وندى تتلخج على بشرى
قالت لي.
ندو كيفش يا قلبي.
انا ما استحملت وغلقت السماعه وخرجت تلفوني اتصل لابي ولا لعمر وهو هزر تلفوني وبنتهازر لما فعلنا الحادث.
نور:رجل الكلب الهين وليش مستحمله ليش ما تتحاكي.
ندى:كل ما يجي يوم اقول عد يسبر عد يسبر وادعي بس مابش فايده والله انا تعبت وانا ما مستحمله الا على سب اسيل ولا قد اتحاكيت عمر ونوال ووداد داريين بس وداد قوي عاد انتي يا نوال انتي وعمر احاكيكم واخفي عليكم اشياء.
نوال:خيره الله الله ينتقم منه.
نرمين بكت وحضنتها.
ندى:اسكه على مه عد تبكي.
نرمين بكاء:عد تتطلقي.
ندى:انا فدالش يا قلبي انتي داريه اني هكذا احلى بدل ما انهان عنده حتى معاملته معي شوعه.
علياء: وعمش وعمتش كيفهم
ندى:والله اني زاعله عليهم هو عمي صاحب ابي الروح بس يا علياء يحبوني ما يدرو كيف يفعلوني ويشكروني وعمتي تجلس تقول لي يا بنتي اذا مت ما تغسليني الا انتي الصدق حاليين يا علياء ماهو الا هيثم.
نور:ندى كوني تحاكي احنا خواتش.
ندى: طيب.
نوال: يلا نخرج من عندها خليها ترقد.
ندى: عادي اجلسين جين خزنين اليوم هانا.
نوال: تمام.
نور ونوال خرجين وجلسين علياء ونرمين.
نرمين: ذلحين ماهو.
ندى: ماهو.
نرمين: عد تتطلقي.
ندى: ابي حاكى هيثم وعد يسير لعند عمي غدوه والورقه هذا الاسبوع عد توصلني.
نرمين: استعجلتي.
ندى: قومي اخرجي من جنبي يلا.
نرمين: هههههههههههههههه.
علياء: الله يسخر لش واحد احلا.
ندئ: يلا قومين سيرين بدلين وعلياء اجلسي انتي وزوجش وافتحي دولاب المطباخ النازلي وشلي الشيشه.
علياء: والله ومن يلاقي مثل هذا الحلا ما بنشيش انا وعمر ما تعجبناش بس اخوش يدخن
ندى: اتغدي يا نرمين.
نرمين: شاابعه.
ندى: انتي واحمه سيري اكلي لش لقمه ولا والله لاتصل لانس يجي يروحش.
نرمين: انا مروحه مروحه هههههههه.
علياء: يلا ارقدي شويه واذا انتي تشتي شي ولا شي اتصلي لي.
ندى: الله يحفظش يا قلبي.
رقدت ندى للساعه ٥ودخلين خواتها يخزنين جنبها وبيتجابرين.
والاب محمد جالس هو واحمد وعبدلله مخزنين
وعمر جالس في غرفته هو ومرته.

ندى هذك اليوم كانت تااعبه قووي بس يلا بتحاول انها ما تطرح للمرض وجالسه تتذكر الحادث

في الصبح
قامو كلهم وعمر ومرته خرجوا من الصبح والبنات مقد روحينش عادهن في بيتهم.
وبيفعلين الغداء.
الاب محمد دخل عند ندى الغرفه.
ندى:حيا يا بااه.
الاب محمد:كيف ندو
ندى:الحمدلله
الاب محمد:كيف صحتش
ندى:تااعبه الصدق.
الاب محمد:ما تشوفي شر بس جيت اقلش انا عد اسير عند علي اليوم.
ندى:اااح والله لينصدم وما اتوقع ان هيثم حاكاه.
الاب محمد:ابردي لش عد احاكيه وبس وانتي لا تفكريش خيرات.
ندى:طيب.




🖋Ala'a taraq/بقلم.

3️⃣7️⃣البارت الثالث والسبعون:
تموو يتغدو والاب محمد شل احمد وخطيو بيت علي طبعا اتصله وقت الظهر وقله هو عد يجي يشتي يحاكيه.

في بيت هيثم
هيثم كان جالس في الديوان هو واحمد والاب محمد وعلي مخزنين وجالسين بيتحاكوو لقد الساعه 6المغرب.
الاب محمد: يا علي اشتي احاكيك موضوع يخص هيثم وندى
علي: خير ما قد به
الاب محمد: احمد اسبقني للسياره وانا كلمتين وعد اجي
احمد:حاضر يا عم.
وهيثم ابسر عمه انه عد يتحاكى خرج لغرفته
علي: ماهو يا محمد لا تقلقنيش.
الاب محمد: ابسر انا وانت اصحاب وعمر الاصحاب ما يتفرقوا على سب حاجه بسيطه صح ولا لا.
علي: اكيد.
الاب محمد:بنتي محترمه لكم وتحبكم من كبيركم لصغيركم صح وانتو كذالك
علي: يا محمد مش الا نحبها انا الصدق بين اعتبر ندى بنتي واكثر
الاب محمد: انت قلتها انت تحب ندى وهي مثل بنتك بس ترضى لبنتك تنذل وتتبهذل وعمرها ما تعاملت كزوجه
علي: طبيعي لا ما ارضاش، بس ليش قلت هكذا.
الاب محمد: ندى تشتي تتطلق من هيثم
علي بصدمه : لييييش
الاب محمد: ندى اخذت قرارها وتشتي تبعد منه لانها عاشت خمس سنوات وهو ما كان يعتبرها زوجه له
علي: صلووو على النبي ليش ما كان يعاملها كزوجه
الاب محمد: اسال هيثم خمس سنوات وبيواصل واحده واخرتها يجي يخطط هو وياها يذلو بنتي اناهكذا ما اسمح لاي شخص.
علي تنهد: متاكد.
الاب محمد: اسال هيثم، بس ندى تشتي تتطلق قالت والله ما ترجع واذا رجعت عد تموت نفسها.
على: حسبي الله عليك يا هيثم، طيب كل الذي تشتو عد نفعله.
الاب محمد: احنا نشتي ندى تتطلق واذا حابب تجي وتخلي ندى تقلك على هيثم جي باي وقت البيت بيتك وزد امس فعلوا حادث اسال هيثم وخليه يجابرك
علي: سابر حتى لو حصل بين هيثم وندى اي شي ما ندخل احنا اهم شي صداقتنا.
الاب محمد: صح، يلا خاطرك.
علي: الله معك.
الاب محمد: ما نشتي البنت تجلس معلقه خلو هيثم يطلقها.
علي: خير.
مشي الاب محمد.
هيثم في غرفته بيتفرج هو واسيل التلفزيون.
علي دخل وهو ضاابح وبيصيح: يا هيييثم يا هيثم.
ام هيثم: خير ما قد به.
علي: وينهو هيثم.
ام هيثم: في غرفته ليش ما به.
علي طلع لغرفه هيثم وفتح الباب وابسر هيثم واسيل.
علي: هيثم.
هيثم: ماهو يا بااه.
علي: اسولي يلا قده عشي سيري ارقدي يا قلب جدو.
اسيل: حاضر يا بابا علي وسارت.
علي بصيااح: ليش بهذلت بنا يا هيثم ليش اسكه قلي.
هيثم: مافعلت.
علي: قد جاء محمد وحاكاني هذي تربيتي انا ربيتك تراسل بنات انا ربيتك تخرج مع بنات انا ربيتك تفعل مخططات مع البنت الذي من الشارع على مرتك يا عيبااااه عليك صدق امانه انك سودت وجهي
هيثم: بشرى مشي بنت من الشارع هي بنت جيزها من جيز ندى وبعدا عادي عد اطلق ندى وعد اتزوج بشرى.
علي: بنت قمر بنت ما تدرا كيف تفعل امك وابوك وبالاخير تعاملها هكذا وتشتي تهينها انا معد اسمحلك تطلق ندى ومحمد قال والله ما ترجع ندى و قال الاسبوع هذا ندي الورقه، يا اهبل انت عد ترجع تدور حذاتها ورجلها بس انت الخسران بالاخير والايام بيننا
وفلت ونزل وقد الضغط مرتفع.
ام هيثم: علي مالك.
علي: الله يا هيثم يفور اعصابك مثل ما فورت اعصابي، بهذل بنااا.
ام هيثم: ما به حاكوني.
علي: ندى عد تطلق.
ام هيثم: ليييييش.
علي كلمها بكل شي.
ام هيثم: يا خساره على ندى كانت بنت تنحط ع القلب صدق خلينا نرجعهم.
علي: مع خلينا نريحها احلا خمس سنوات وهي مشي فاتحه فمها وصابره من عد يصبر على الكلب هذاك.

عند هيثم
فتح النت وجالس يتراسل هو وبشرى
هيثم: بوشي يا بوشي.
بشرى: يا عيونها.
هيثن: تجهزي.
بشرى: ليش.
هيثم: ورقه ندى حق الطلاق عد تخرج هذا الاسبوع.
بشرى: اسالك بالله.
هيثم: والله.
بشرى: يس يس الحمدلله يعني عد نتزوج.
هيثم: ايوه يا قلبي.

ببيت الاب محمد
الاب محمد دخل.
نوال: حيا يا باه
الاب محمد: كيف نوالي.
نوال: الحمدلله.
الاب محمد: قولي لنور زوجها مريع خارج.
نوال: تمام يا باه.
الاب محمد: وعمر مقد جاء.
نوال: مع، ونرمين قد مشيت.
الاب محمد: سابر وندى راقده.
نوال: ماشي جالسه ممتده.
خطى الاب محمد لغرفتها دق الباب وفتح.
ندى: حيااا.
الاب محمد: مساء الخير.
ندى: يا مساء الفل.
الاب محمد: هيا كيف قد انتي.
ندى: الحمدلله، هيا مه مافعلتووا
الاب محمد: اعرفي امور بس عمش غاااثي عليش.
ندى: عمي علي ومرته الصدق يحبوني وما يدرو ايش يدولي او يفعلو لي الله يدي لهم العافية
الاب محمد : خلاص ورقتش هذا الاسبوع وهي عندش.
ندى دمعت: فكيتني يا باااه من العذاب الله يحفظك من كل شر ويسعدك.
الاب محمد: يلا تحتاجي شي ولا شي.
ندى: تسلم.
الاب محمد خرج من الغرفه وندى تشتي تفرح واشتي تبكي.
ندى في نفسها"ليش تكبدي على نفسش يا ندى افرحي".
وفتحت النت وكتبت في الحاله
"مبسووووووطه يا ناااااس🤩"




🖋Ala'a taraq/بقلم.

4️⃣7️⃣البارت الرابع والسبعون:
محمد ابسر الحاله ورد
محمد: ليش
ندى: عد تعرف بعد اسبوع
محمد: ماهو هيا حاكيني
ندى: مااشي
محمد: ليش
ندى: مش وقته.
وجلسو متواصلين للساعه12ونص.
محمد: صح يا ندى انس قلتي لي فعلتي حادث حادث مه
ندى: حادث بالسياره ربي ستر
محمد: الحمدلله على سلامتش ما توجعتي
ندى: الله يسلمك امس حصل الحادث،الا جسمي تدحوس ويدي الشمال اكتسرت.
محمد: اووووه الله يشفيش يا ندو.
ندى: امين يارب، تسلم.
محمد: الله يسلمش من كل شر.
ندى: يلا تصبح على خير.
محمد: وانتي من اهل الخير.
نوال دخلت لعند ندى.
نوال: كيف انتي
ندى: مالي شي.
نوال: ما رضيتش اروح قلت اجلس جنبش.
ندى: انا فدالش قدنا بخيره الحمدلله بس ايدي.
نوال: الله يشفيش يا قلبي انا عد اخطى ارقد.
ندى: وعمر جاء
نوال: ايوه.
ندى: عاد الناس يسالو اختنا ولا خلاص
نوال: قال دخل لعندش وانتي راقده ما عمر مثل ابي ما ينساش احد.
ندى: سابر.
نوال: تصبحي على خير.
ندى: تلاقي الخير.

في الصبح
قامت ندى دخلت المطبخ بالرغم ان يدها مكسوره ومجبره "مجصصه" بس بتشتغل.
نوال: صباح الخير.
ندى:صباح الفل.
نوال:ما بتفعلي يا مجنونه ادخلي.
ندى:يلا عد ادلع هذي اليومين ولما تخطي من عد يقوم يطبخ علياء او مه هي عادها عروسه،سهل الله يشفيني وانا بين اقطع وافعل كل شي الحمدلله.
نوال:والله انش صادقه بس اوبهي يدش لا تحركيها قوي.
ندى:طيب.
علياء دخلت لعندهن المطبخ:صباح الخير.
ندى:يا صباحش.
علياء:كيف قدش.
ندى:الحمدلله.
علياء:تشتين اساعدكن بشي ولا شي.
ندى:يا حريوه ادخلي عند زوجش
علياء:ههههه اخوش راقد وانا مشني داريه ما افعل ضبح.
نوال:خلاص اجلسي جنبنا لكن ولا تفعلي شي.
علياء:ليش.
نوال:ماعليش عتكوني تفعلي كل شي وعد تتعبي الان انتي افتهني بس.
علياء:هههههههه ندى اعاونش بالقطاع.
ندى:ابسري اذا خلينش تقطعي والله لاخليش تفعلي كل شي
علياء:عادي.
ندى:الايام الجايه خيرات
علياء:حااااضر.
ندى:اوبهي تزعلي مني يا علياء انا بين امزح معش مش تقلبيها صدق.
علياء:ههه وانا داريه انش تمزحي.
فعلين الصبوح وقربنه واصطبحوا.
عمر:ندو هيا مه كيف انتي.
ندى:الحمدلله.
عمر:قد امس دخلت لغرفتش وانتي راقده
ندى:قد قالت لي نوال.
تمو يصطبحوا وندى بدات تلف.
عمر:اجلسي يا ندى علياء ونوال عد يلفين.
ندى:علياء اجلسي حسب الله انش عروسه.
عمر:عروسه بيدلعنش.
ندى:ايوه هو ما معها الا هذا الشهر وبعد ولا يهمك عد تفعل كل شي.
عمر:هيااا تدلعي هااااا.
ندى:ههههههههههه.
عمر:واحنا.
ندى:مالكم.
عمر:بعد العرس باسبوع نبدا نشتغل.
ندى:انتو رجال.
الاب محمد:هههههه،اسكه يا ندى ادي علاجي من الغرفه.
ندى:حاضر يا باه.
نواا وعلياء في المطبخ.
نوال:يلا ادخلي اجلسي انتي وزوجش.
علياء:قدنا ضابحه.
نوال:من عمر.
علياء:مش من عمر ضابحه من كلمه سيري عند زوجش ما اسير افعل جنبه اتفرج له.
نوال:اخطي غرفتش عطفي الاداه والهي نفسش بشي اما المطبخ لا يعني لا.
علياء:سابر.
ندى ادت علاج ابوها.
ندى:ما اتصلش عمي علي
الاب محمد:ماشي.
ندى:سابر.
وخطت للمطبخ
عمر:منين جاء هذا الصبر لندى
الاب محمد:ندى صبووره
عمر:ولا اتحاكت وهو يستغل ضعفها.
الاب محمد:يلا هوذا قد عد تتطلق.
عمر:والله اني زاعل عليها.
الاب محمد:ياارب لا غمضت عيوني الا لما ابسر ندى مفتهنه
عمر:يااارب
الاب محمد:صح انت اخوهن وسندهن بس الزوج السند الاقوى ابسر ابن عمتك وابن عمك احمد وعبدالله وانس يحبو البنات يجننوا عليهن اما ندى عد يسخر لها الله.
عمر:صح يا باه ان الازواج السند بس والله ما اسخى عليهن.
الاب محمد:انا داري بك بس الله يجعلني اموت الا وابسر بناتي مرتاحات مع ازواجهن.
عمر:انشاءالله.

عند بيت علي
علي خرج هو واسيل ساروا الحديقه مع السواق.
اسيل:جدو ايحين عد تجي ماما.
علي تنهد:يا بنتي حاكي ابوش.
اسيل:لو نسير نديها.
علي:خلي بابا مشني داري بالطريق.
اسيل:هوذا انت بتسير بيت جدو.
علي:هااا ابوش بيوصلني.
اسيل:يعني مشنت داري للطريق.
علي:ايوه.
وروحوا البيت.وابسروا هيثم.


علي:هيا ما قلت.
هيثم:عد اطلقها خلاص هذا اخر قرار.
علي:احسن بس نصيحتي معد تلاقاء بنت مثلها لو تلف العالم بس خيره الله
هيثم:اسولي ايحين ما ماما تشتي تروح تروح.
ام هيثم:يلا سيري اتفرجي التلفزيون حقش الاطفال عد تجي
اسيل:طيب.
ام هيثم:والله يبني انك خسرتها.
هيثم بصياح:هيااااهجعوني وندى ندى ندى عد اطلقها وخلاص ومشتيش ندى هذي اكيد سحرتكم.
ام هيثم:اذا هي سحرتنا ليش ما سحرتك وخلتك مثل البليد بعدها بس احنا نحبها من ادبها وقلبها الطيب واخلاقها ومعاملتها لا تسحر ولا شي.
هيثم:الله يجبركم بها.
علي:حاااضر يا هيثم افعل الذي انت تشتي بس انا اوريك ياوقح
هيثم خرج من البيت



🖋Ala'a taraq/بقلم

5️⃣7️⃣البارت الخامس والسبعون:
مر ثلاثه ايام وندى في بيتهم
عمر بدا يداوم في العمل وكانت علياء وندى في البيت وبيصطبحين في المطبخ والاب محمد راقد.
اتصل هيثم لندى.
علياء:جاوبي.
ندى:ابردي لش هذا هيثم.
وهيثم يحاول يتصل لندى وهي ما تجاوبش.
اتصل للاب محمد وهو ما يجاوبش كان راقد واتصل لعمر.
عمر:ايووه.
هيثم:كيف حالك.
عمر:الحمدلله.
هيثم:بين اتصل لعمي وندى وما بيجاوبوش انا باب الباب.
عمر:ليش.
هيثم:الورقه.
عمر:سابر عد احاكيهم يلا مع السلامه.
عمر اتصل لندى.
ندى:حيا.
عمر:كيف انتي.
ندى:الحمدلله.
عمر:وين ابي.
ندى:راقد.
عمر:سيري قوميه يخرج هيثم في الباب.
ندى:ما يشتي
عمر:الورقه.
ندى بقهر :يلا مع السلامه
عمر:اوبهي تخرجي انتي.
ندى: تمام
وغلقت السماعه.
علياء:ما يشتي.
ندى:عد اخطى لغرفتي البس واخرج هيثم بالباب وانتي قومي ابي تمام.
علياء:انتي مجنونه.
ندى:خليني اطيب نفسي بكلمتين الله يحفظش.
ندى خطت لغرفتها لبست روب مكمم وطرحه وخرجت عند هيثم.
فتحت باب الحوي وهيثم دخل.
ندى:حيا.
هيثم:افتهني ما ذلحينه تمام وارتاحي مادام وانا اشتي اهينش.
ندى:ايوه يا هيثم عد افتهن صح انت تشتي تهينني بس قد سرت بيتنا بكرامتي وعد افتهن وارتاااح منك وبعدا انا لو اطلب اسيل معد تديها بس امااانه في رقبتك اسيل لا تغثيهاااش ولا تخلي هذك تغثيها وامانه عليك اديها الخميس وشلها الجمعه اماانتك الف امانه يا هيثم.
هيثم:تمام.
ندى:وتزوج بوشي بشرى وعيشوا حياه سعيده موفق انشاءالله..
هيثم:امسكي الورقه.
ندى شلتها وفتحتها وقريت وكانت تبكي.


عند علياء والاب محمد
علياء:يا اباه محمد اباه محمد.
الاب محمد:ماهو يا بنتي.
علياء:هيثم في الباب ادي الورقه وندى خارج.
الاب محمد قام سريع وخرج
ابسر في الحوي ندى بتبكي وماسكه ورقه
الاب محمد خطى لعند ندى ومسح دمعتها وقلها:هذا الذي كنتي تشتيه.
ندى:ايوه بس بين ابكي بكاء الفرح.
الاب محمد حضن ندى وقال لهيثم:البنت تديها بالعطله والخميس والجمعه ولا تعلمها على امها يا هيثم واذا معد تديها بيننا المحكمه.
هيثم:تمام وخرج.
الاب محمد:هياا مه يا ندى ما قلنا هذا الي انتي تشتيه.
ندى:ايوه وحملت لغرفتها وهي تبكي وعلياء ابسرتها وسارت بعدها.
الاب محمد: يالله ابعد كربه ندى.
ندى في غرفتها بتبكي قوي وبتفكر في هيثم كيف كانت هي وهو وبعدا راسها اوجعها ودوخت.
علياء: ندى يا ندى ندى وتهز ندى
وعلياء قد هي بتبكي.
علياء: يوووه كيف افعل يا ربي.
وخطت تداعي عمها.
علياء: ياباه محمد ياباه محمد
الاب محمد: ماهو يا بنتي
علياء: ياباه محمد ندى دوخت.
الاب محمد: ماهوو
وخطيو غرفه ندى وندى مدوخه وهم يقوموها يقومها وهي مدوخه.
الاب محمد: ياالله استر على بنتي، يارب احفظ لي بنتي، امرك الى الله يا هيثم.
علياء: ما نفعل ياباه محمد.
الاب محمد: ندى ندى ويهزها، سيري حاكي عمر في ساااع.
علياء: الان
علياء خطيت تتصل لعمر وعمر مشغول وهي تعيد وهو مشغول.
علياء: هيااااا يا عمر جااوب.
حاولت الاتصال بعد كودا جاوبها.
عمر: حيا برووحي حيااا
علياء: عمر الان تجي.
عمر: ليش.
علياء: جاء هيثم وادا لندى ورقه الطلاق وندى بتبكي لما دوخت وانا وابي محمد بنقومها وننزفها بماء وهي ما بتقومش.
عمر: يلا الان عد اجي.
علياء: سوق دلاء الله يحفظك لا تسرعش.
عمر: انشاء الله.
الاب محمد: اتصلتي لعمر.
علياء: ايوه.
عمر خرج من عمله بسرعه ووصل البيت واسعفو ندى للمستشفى.




🖋Ala'a taraq/بقلم.

6️⃣7️⃣البارت السادس والسبعون:
في المستشفى.
الاب محمد: هيا مه طمنونا.
الدكتوره: ما يحصل الاكل خير هي فيها صدمه عصبيه ودوخت بس هي عد تتباخر بس خلوها لوحدها.
عمر: يا بااه روح البيت وانا عد اجلس عند ندى.
الاب محمد: انت روح انت عند مرتك وانا عد اجلس عند ندى.
وجاء اتصال لعمر من وليد.
عمر: حيااا.
وليد: لك الحياه كيف حالك يا حبيب.
عمر: الحمدلله.
وليد: اشتي اليوم نخزن جمعه يمكن نعقد هذا الاسبوع.
عمر: الله يتمم لك على خير انا في المستشفى والله اعتذر منك.
وليد: ليش سلامات مابه.
عمر: ندى.
وليد: ليش مالها.
عمر: دوخت.
وليد: تشتو شي ولا شي يا عمر انا مستعد.
عمر: ليت والله وانك تجي ابي ماعدوش حق مستشفيات.
وليد: الان عد اجي لكم وانت عادك حريوو
عمر: احنا والحريوو اهم شي صحه ندى.
وليد: الا انا عد اجي انا ووداد ونجلس عند ندى.
عمر: الله يحفظك
وليد: عادي هذا واجبنا، كان يلا خاطرك.
عمر: الله معك.

عمر بيحاكي الاب محمد
عمر: وليد ووداد عد يجو عند ندى واحنا نروح.
الاب محمد: الله يشفيش يا ندى امرك الى الله يا هيثم.

وليد: يا وداد يا وداد.
وداد: ايووه
وليد: البسي نخطى المستشفى قالو ندى بالمستشفى.
وداد: يووه مالها.
وليد: قالو دوخت يلا بسرعه.
وداد: طيب

وهي بتلبس اتصلت لعلياء.
علياء: حيا وداد.
وداد: ما حصل بندى.
علياء: ولا فيها شي جاء هيثم وادى ورقه الطلاق كانت تبكي تبكي لوما دوخت نقومها انا وابي محمد ما رضتش تقوم.
وداد: يووووه كان سابر يلا خاطرش.
علياء الله معش.

في الطريق وداد ووليد بيتجابرو.
وداد: الله ينتقم منك يا هيثم.
وليد: هو رجل الكلب.
وداد: ندى تطلقت.
وليد بصدمة: اسالش بالله.
وداد: والله العظيم.
وليد: وانا اخطبهاااا
وداد: تماام
وليد: انتي ايش تبسري.
وداد: ندى مابش احلا منها بس كله راجع لها اذا هي موافقه الله يكتب لك ما فيه الخير وخطيبتك.
وليد: مالها.
وداد: قدها متعلقه فيك.
وليد: والله معد دريت مااهو.

وصلو المستشفى وابسروا عمر والاب محمد.
وليد: الحمدلله على سلامتها.
عمر: الله يسلمك ويعافيك.
وليد: يلا يا عم محمد روح انت وعمر هوذا انا ووداد هانا.
الاب محمد: والله يا وليد مانا داري كيف افعلك او اشكرك بتوقف معنا خيرات.
وليد: هذا واجبي.، يلا يا عمر.
عمر: عد اوصل ابي وراجع.
وليد: ماشي هوذا انا موجود خلاص وندى هي مثل اختي.
عمر: يا وليد
وليد قاطعه: مابش جيه خلاص. ولا مش انت راكن عليا
عمر: الله المستعاان

مشيو البيت وعلياء فتحت لهم.
علياء: هيا مه وين ندى.
عمر: في المستشفى.
علياء: كيف حالتها.
عمر: تااعبه.
علياء: الله يشفيش يا ندى.
تلفون ندى كان عند علياء.

في بيت ابو هيثم "علي."
علي:ناولت ندى.
هيثم:ايوه.
ام هيثم:الله يا ندى يسخر لش واتصلت لندى وتلفون ندى رن.
ومكتوب عمه ساميه
🔶ملاحظه: ام هيثم اسمها ساميه.
علياء جاوبت.
علياء:الو.
ساميه:السلام عليكم يا بنتي.
علياء:وعليكم السلام.
ساميه:ندى.
علياء:مع انا علياء مره اخوها.
ساميه:حيا علياء كيف انتي.
علياء:الحمدلله وانتو كيف انتو،وكيف اسيل.
ساميه:الحمدلله،وين ندى احاكيها.
علياء:يا خاله ندى في المستشفى.
ساميه:ليش مالها،سلامات.
علياء:من بعد ما شلت الورقه بكت لوما دوخت وللان عادهم بالمستشفئ
ساميه:لااااا قولي خبر غير الخبر.
علياء:صدق والله.
ساميه:اماانه طمنيني على ندى.
علياء:حاضر من عيوني.
ساميه:تسلم عيونش ولا خرجت من المستشفى خليها تتصلي.
علياء:طيب.
ساميه يلا خاطرش سلمي عليهم.
علياء:يوصل.
علي: ما به.
ساميه: ندى في المستشفى تاعبه
هيثم بخوف: مالها ندى.
علي: هذا الشي ما يخصك
ساميه: في المستشفى قالت مره اخوها من بعد ما استلمت الورقه كانت تبكي وبعدا دوخت.
علي: اووو على ندى ما بها سخى.
هيثم: باي مستشفى يمااه.
ساميه: ليش او عد تسير تزورها خلاص يبني قدهي محرمه عليك.
علي: انت ولا تدي كلمه على ندى فاااهم.
هيثم شل نفسه وطلع غرفته وضميره بيانبه ونفس الوقت بيقول الله يسخر لها




🖋Ala'a, taraq/بقلم.

7️⃣7️⃣البارت السابع والسبعون:
اتصلت نوال لتلفون ندى.
علياء: حيا نوالي.
نوال: كيف انتي يا علوش.
علياء: الحمدلله.
نوال: وين ندى.
علياء: ماقد دريتوش.
نوال: مع مااهو.
علياء: في المستشفى
نوال: ما بتقولي، ليش ما حصل لها.
علياء استلمت الورقه وبكيت لما دوخت.
نوال: ذلحينه هي وينهي.
علياء: في المستشفى.
نوال: وعمر جنبها.
علياء: لا وداد ووليد ما خلوش عمر يجلس
نوال: انا الان جايه لعندكم.
علياء: لعد تجيش هوذا انا موجوده.
نوال: خاطرش
ونوال اتصلت لخواتها على سب يجين.

بعد ساعه وجين بيت ابوهن وجالسات جنب ابوهن.
الاب محمد: كله من هيثم.
نوال: يا بااه هذا مقدر من عند الله عسى ان تكرهوا شي وهو خيرا لكم مش احنا داريين ايش الله مخبي لندى.
الاب محمد: اتصلو لوليد.
عمر: الان اتصلو لوليد.
وليد: ايوه عمر.
عمر: هيا كيف قد ندئ
وليد: قالوا احسن
عمر: سابر طمناا تمام.
وليد: حاضر
ووداد عند ندى بالغرفه.
الساعه ١ في المستشفى.
وداد:ندى.
وليد:خليها
ندى قامت وبتداعي اسيل اسيل.
وليد:ندى.
وندى ابسرت وداد وبكت.
وداد بكت مع ندى
ندى:وداد انا تطلقت يا وداد وتبكي.
وداد:سهل يا قلبي معذر من خير.
ندى ببكاء:وبنتي بعيده مني حسبك الله يا هيثم
ووداد تبكي.
وداد:ندى صلي على النبي انتي قويه مش انتي هكذا.
وليد:ندى صلي على النبي وبنتش عد تجي لش.
ندى بتبكي ورجعت رقدت
وليد داعى الدكتوره تبسر ندى.
الدكتوره:حاله ندى تشتي راحه بس
وداد:انشاءالله.

في الصبح
اتصل الاب محمد لوليد:هيا طمنوني كيف ندى.
وليد:الحمدلله
الاب محمد:الحمدلله،يلا كونوا طمنونا.
وليد:حاضر يا عم.
قد الساعه ٩ وليد سار يشتري صبوح لوداد
ووداد جنب ندى.
ندى فاقت وابسرت وداد.
ندى: دادو.
وداد: يا عيون دادو
ندى: اشتي اروح.
وداد: انتي اهدئي ولا تفكري بشي وانتي عد تخرجي.
ندى: طيب.
دخل وليد.
وليد: هيا مه يا ندى بتفجعينا عليش.
ندى تنهدت.
وليد: تشتي صبوح.
ندى: ماشي تسلم اشتي ماء.
وليد: الان ومكن ندى الماء
وندى شربت الماء.
ندى: شكرا.
وليد: العفو.
ندى: اشتي اخرج من المستشفى.
وليد: انشاءالله ذلحينه ارتاحي ويدش كيف قدهي.
ندى: الحمدلله
وليد: الحمدلله، انتي لا تكوني تهمي شي تمام.
ندى: طيب.
وليد: تشتو شي ولا شي انا خارج تمام.
وداد: تمام.
وداد: ندى احاكيش حاجه مش ترجعي تتعبي بسبي تمام.
ندى: ماهوو.
وداد: بعد ما تتمي العده حقش وليد يشتي يتقدم لش.
ندى: هههههههه يا وداد وليد زيما اخي وبعدا خطيبته بتحبه ودايما تراسلني وتسال عليه وبتحاكيني انها بتحبه اولا انا احب وليد من داخل قلبي حب اخوه ثانيا البنت تسرني وانا اجي اتزوجه انا ما اخرب بيت احد وعد احاكي وليد بكل صراحه.
وداد: انا فدال ندى الذي تتفهم.
ندى: انا داريه انش انتي وخالي وخالتي ووليد تشتوني بس لا الواحد يكون متفهم صح ولا لا.
وداد: صح والله يا ندى كنت اشتيش قبل ما تتزوجي بس النصيب.
ندى: النصيب النصيب خلاص وانا هذه المرة ولكل مشني نصيب وليد .

الساعه1 الظهر دخل وليد لعند البنات.
وليد: هيا تشتين غداء.
ندى: تمام بس بشرط نتغدي جمعه.
وليد: حاااضر.
خطي وليد يشتري لهم غداء
وهم بيتغدو.

ندئ: وليد معك جوري وفقك الله بها الصدق كل يوم وهي تراسلني وتسال عليا اوبه تسخئ عليها
وليد بنرفزه :له الحمد
انا شبعت
ندئ: مسرع
وليد: عادنا اكلت قبل ساعه بسكوت وعصير


🔶ملاحظه: جوري اسم خطيبه وليد
وليد عادهو متعلق بندئ




🖋Ala'a taraq/بقلم.

8️⃣7️⃣البارت الثامن والسبعون:
في العشي اتصلت ندى لابوها تطمنهم
الاب محمد: سلامتش يا ندى فجعتينا عليش.
ندى: الله يسلمكم يا بااه هوتعبت شويه وما فيني الا العافيه.
الاب محمد: تشتيني اجي.
ندى: مع هوذا وليد ووداد جنبي الله يحفظهم.
الاب محمد: وايحين عد تخرجوا.
ندى: انشاءالله غدوه قالت الدكتوره.
الاب محمد: يلا الله يشفيش
ندى: ياارب
الاب محمد: في اماان الله
ندى: الله معاكم.
نوال:هيا ما قالو يا بااه.
الاب محمد: غدوه عد تخرج ندى العشي.
نوال: غدوه الصبح عد نسير عندها.
الاب محمد: انا عد اسير اتطمن على بنتي
نرمين: مابش داعي تسيرو وهي عد تخرج.
نوال: نسير نبسر كيف هي ونرجع يا سعم عد نجلس للعشي.
نور: ايوه ضروري نبسرها ونرفع معنوياتها
نوال: بس من عد يجلس في البيت.
نرمين: انا هي عد تجي وعد ابسرها
نور: يلا يا باه تصبحوا على خير.
نوال: بحينه هاا
الاب محمد: ايوه بحينه.
نوال كانت هي ونور ونرمين في غرفتها بيتحاكين.
نرمين: الله يا ندى يبعد عنش كل ضيق.
نوال: هو هيثم ماااهو احد.
نور: الله يسامحه بس.

في غرفه عمر وعلياء.
كان تلفون ندى عند علياء من يوم ما دخلت ندى المستشفى وكان الذي بيتصل تجاوب عليه علياء.
وهم جالسين عمر وعلياء بيتحاكوا.
عمر: مسكينه ندى.
علياء: الله يسخر لها.
عمر تنهد: يارب.
رن تلفون ندى.
عمر: تلفون من هذا.
علياء: تلفون ندى.
عمر: ليش وهو عندش.
علياء: من بعد ما دوخت كان في المطبخ وعاد البنات جين الان ما فضيت امكنهن.
عمر: بس سالت كيف لوما بس ومن بيتصل.
علياء: ساميه ام هيثم.
عمر بضبح: ما تشتي، وعاد هي تتصل ابسروا هاا
علياء: يا عمر ايش دخل ام هيثم بالموضوع هم بيحبوا ندى وبعدا من يوم ما دخلت ندى المستشفى وهي بتسال عليها كل شووية
عمر: سابر
علياء: عد اخرج التلفون لعند البنات يجاوبينها..
خطت لغرفه نوال.
علياء دقت الباب: نوال.
نوال: علياء ادخلي ادخلي.
دخلت علياء وناولت نوال تلفون ندى.
علياء: تلفون ندى عندي
نوال: تسلمي يا قلبي.
علياء: تشتين شي ولا شي.
نوال: سلامتش يا قلبي.
اتصلت ام هيثم.
نوال قريت الاسم وجاوبت.
نوال: الووو
ساميه: السلام عليكم.
نوال: حياا وعليكم السلام.
ساميه: كيف انتي يا بنتي
نوال:الحمدلله وانتو كيف حالكم يا خاله وكيف عمي علي
ساميه: الحمدلله،علياء صح
نوال: مع معش نوال
ساميه: حيا حيا،كيف ندى يا نوال طمنوني عليها
نوال: الحمدلله مالها شي.
ساميه: ايحين عد تخرج من المستشفى
نوال: غدوه انشاءالله
ساميه: الله يشفيها ويرفع شرها والله يا بنتي ان احنا انا وعمش علي غاثيين عليها بس ما نفعل
نوال: خيره الله.
ساميه: يلا طمنوني اماانه على ندى وقلت اتصل اتطمن على ندى
نوال: حاضر وتسلمي يا خاله على اتصالكم وسالت عليكم العافيه
ساميه: يلا خاطرش سلمي على البنات.
نوال: الله معش، يوصل.
وغلقت التلفون.
نور: من
نوال: ام هيثم.
نرمين: ليش اتصلت
نوال: انتين داريات ان ام هيثم وابوه يحبوا ندى و اول ما تطلقت ندى زعلوا عليها.
نور: الا صدق هم يحبوا ندى بس لوكان فيها خير كانت تقول لابنها ماشي وتعقله
نوال: قالوا لش مايفهم ولايعقل مابلا يفعلهم مشاكل ويارحمتاه قد الاب والام عاقلين لايرجع يغثيهم ويرتفع لابوه الضغط
يلا نرقد قد الساعه١٢ على سب نسير المستشفى بحينه.
نور: ايوه يلا تصبحين على خير.
نوال: تلاقي الخير وابني عند ابنش.
نور: ايوه قدهم راقدين.
نوال: غدوه يا نرمين اوبهي للجهال.
نرمين: يااااهرمااااه😩
نوال: ههههههههههههههههه.
وكل واحده خطت غرفتها على سب ترقد.

عند محمد
محمد: يوووه ليش ندى ما ترد على رسايلي لا SMSولا واتس غريبه.




🖋Ala'a taraq/بقلم.

9️⃣7️⃣البارت التاسع والسبعون:
في الصبح قامت نوال تفعل الصبوح واصطبحوا كلهم.
الاب محمد: هيااا.
نوال: يلا.
الاب محمد: ريع يا عمر شلنا على طريقك ولما تروح تروحنا معك.
عمر: يلا تمام بسرعه انا بالسياره.
الاب محمد: يلا تمام.
لبسين البنات بسرعه وخطيوا.

في بيت علي
كانو جالسين يصطبحوا.
اسيل: بابا اشتي اسير عند ماما.
وهيثم ساااكت.
علي: انشاءالله يا بنتي.
ساميه: اليوم ندى عد تخرج من المستشفى العشي وانا غدوه عد اسير ابسرها لبيتهم وعد اشل اسيل معي وتجلس عند امها اسبوع،.
هيثم: مابش لاسيل سيره.
علي: ابسرني يا ابني المعانده مشي حاليه لا تخلينيش احلف ما تجلس الا عند امها وبعدا عادي اسبوع باسبوع ما يوقع.
هيثم: سابر، اشتي اقلك شي يا بااه.
علي: ماهوو.
هيثم: اشتي اتزوج.
علي: ما افعلك.
هيثم: تزوجني.
علي: قد زوجتك ماانا خلاص وطيرتها ومابها سخئ ااح بس.
هيثم بصياح: انسووو ندى خلااااااص جننتوني وخرج.
ساميه: مدري ماله زوجه وبس يعقل ونهجع منه

في المستشفى كانت ندى راقده ووداد قد قامت ومحمد فعل رساله لوداد.
محمد: السلام عليكم، كيف الحال، ندئ فيها شي بين ارسل لها وهي ما بتردش.
وداد ابسرت الرساله وطنشت.
ووليد دخل
وليد: راقده.
وداد: ايوه، ما رقدتش الا قبل شويه.
وليد: مسكينه الله يسخرلها واحد احسن مني ولا ماانا واللة ماانساها طوول عمري


والباب افتتح ووليد ابسر وانه الاب محمد ونوال ونور.
وليد: حياا.
الاب محمد: كيف حالكم.
وليد: الحمدلله.
الاب محمد: سامحونا يا عيالي اتعبناكم معانا.
وليد: يووه الله المستعان يا عم ندى هي واحده مننا واختنا مابش اي حاجه لما نسامحكم.
الاب محمد: الله يحفظك، وخدمتك في عرسك.
وليد: ههههههههههه انشاءالله.
نوال: راقده.
وداد: عادهي رقدت.
نور: وليد وداد اصطبحتوا.
وليد: الان عد انزل اشتري لنا تشتوا شي.
نوال: مع لا تشتروش قد اشترينا لكم احنا وناولتهم.
وليد: تسلمي يا نوال.

في بيت الاب محمد كانت نرمين وعلياء جالسات والعيال بيجننوا وبيلعبوا بصياح.
نرمين بصياح: احمد كياان والله ما راحت لكم اجلسوا سكته.
وهم ولا هدئو.
نرمبن بضبح: عيااال والله لاتصل لامكم.
احمد: ههههه اتصلي.
علياء: ههههههههههههههه.
نرمين: عيال اخر زمن ماعدبيفتجعووش اسكه انتي هدئيهم يمكن يخزو منش
علياء: نجرب.
علياء: يا عيال يا عيال جو ما احاكيكم.
كيان: ما تشتي.
علياء: يووه جو لعندي
احمد: مااهو.
علياء: عد احاكي خالو عمر ما يخرجكم معه ولا يشتري لكم جعاله.
كيان: حاكيه ههههه.
احمد: خلاص انا اسف.
علياء: جي يا احمد احبك وادي لك الان جعاله جي بعدي
كيان: وانااا.
علياء: انت ما رضيت تسمع الكلام.
كيان: هههه خلاص انا اسف
علياء ابسرت نرمين وضحكين
وخطيوا بعدا وادت لهم كيك وعصير.
علياء: الان ادخلوا ابسروا التلفزيون سكته يلا الذي يحبني ويحب خالو عمر
العيال: حاضر.
نرمين: يلا الجهال بدوو يستمعو كلامش مالش شي.
علياء: حتى جهال خواتي يحبوني ويسمعو كلامي 😂.

في المستشفى كانو جالسين.
وندى قامت من النوم.
وابسرت خواتها.
ندى: حيااا.
نوال: الحمدلله على سلامتش يا قلبي.
نور:كيف قدش.
ندى: الله يسلمكم الحمدلله، كيف انت يا بااه.
الاب محمد بدا يدمعين عيونه.
ندى: يا بااه مالكم.
الاب محمد بصوت حزين: والله لو يحصل بكن شي يا بناتي لاموت ودموعه بينزلين.
ندى بكيت: الله يحفظك يا باااه ويطول لنا بعمرك.
وليد: الله يجبرك يا عم بهن هن زينه الحياه.
ندى حظنت ابوها وبكت وبعدا الكل بيبكي.
ندى بتمسح دموعها: خلاص بس بكاء انتو جيتوا تبسروني ولا جيتوا تبكوني هااا هههههههههههههه.
الكل: هههههههههههه.
ندى:قدنا فاقده لاسيل.
وليد: اسير اديها لش.
ندى: تمام الله يحفظك.
الاب محمد: انا خايف هيثم يعاند.
وليد: اتحداه انا عد احاكي عمي علي معداحاكيش هيثم.
الاب محمد: يبني سهل انا عد اسير اديها ما فيني للمشاكل.
وليد: ولا به مشاكل ولا به شي، يلا انتو اجلسوا هانا وانا اسير خاطركم.
ندى: وليد شكرا.
وليد ابتسم: للمه تشكريني مابش داعي
ندى ابتسمت لوليد ابتسامه ع جنب
ووليد خرج.
وليد بينه وبين نفسة انا فدال لهذه الابتسامة

في بيت علي كانت اسيل في الحوي بتلعب ودق الباب.
اسيل: يا بابا يا بابا مدري من بيدق الباب.
هيثم سار يفتح وابسر انه وليد.
وليد: كيف حالك.
هيثم: الحمدلله.
وليد: وينهو عمي علي.
هيثم: داخل ادخل.
ودخل وليد لدايون الخارجي وعلي جاء
علي: حيا الله من جانا ورحب.
وليد: الله يحييكم، كيف حالكم يا عم.
علي: الحمدلله.
وليد: ياعم وابسر لعند هيثم انا معد احاكيك الا انت ولو احاكي هيثم معد يرضاش
هيثم: وبما انك داري اني معد ارضاش ليش تجي لعند ابي.
وليد: يا عم ندى تشتي بنتها قالت قد هي فاقده لها.
هيثم: مابش.
علي: هيثم اووووص ولا كلمه، ندى قد خرجت من المستشفى ولا عادهي
وليد: مع بس قالت تشتي بنتها.
علي: طيب، يا هيثم سير حاكيهمم يجهزوا اسيل.
هيثم:

ابااه اسيل مشي خارجه من البيت لما تخرج من المستشفى عد اشلها.
وليد: عد تخرج اليوم بالعشي.
هيثم: غدوه واديها وتجلس عند امها كم ما تشتي.
وليد: ذلحين ماهو ياعم.
هيثم وقف وعاند: والله ما تخرج اسيل اليوم فاهمين ولو على قطع راسي غدوه وعد اديها للرفاس.
وليد: اوقح منك ماقد ابسرت معا احترامي لك ياعم علي بس انا عد امشي لاجل ندى عد افعل كل شي.
هيثم: الله يجبرك بها يلا تزوجها قد فرغنا لك المجال
وليد: انشاءالله، والله لو عمي علي مشو موجود كنت عد ارد عليك رد اخلي كرامتك تنزل للارض بس احتراما لعمي علي
وخرج وابسر اسيل في الحوي بتلعب.
وليد: اسولي.
اسيل: خالو وليد وحملت تحضنه.
وليد: كيف حالش.
اسيل: الحمدلله.
دخل وليد لعندعلي.
وليد: يا عم عد اشلها للبقاله اجعلها.
هيثم: وما ضمني انك عد تشلها وتهرب
ولييد ابسر هيثم بنظرات غضب وقال ماناش سع بعض ناس،وذا مفتاح السياره تطمن وطرحه فوق الماسه.





🖋Ala'a taraq/بقلم.

0️⃣8️⃣البارت الثمانون:
علي: عيب يبني الولد جاء واتحاكا بادب وانت تتنرفز وتتقارح ليش.
هيثم: انا ما اطيقش هذا وليد ابداااا
علي: والله انه ولد مؤدب مخلق عيب يبني تقله ايش ضمني انا ربيتك هذه التربيه الخايسه
هيثم بكل وقاحه: ايوه

جاء وليد واشترا لاسيل جعاله.
علي تنهد: انا اعتذر يا وليد نيابه على هيثم.
وليد: الله المستعان يا عم للمه تعتذر انت فوق عيني وراسي يلا خاطركم وشل المفتاح حق السياره.
علي: الله معك يبني..

في المستشفى.
نوال: ندو تشتي شي ادي لش.
ندى: ماشي.
وداد ورت ندى رسايل محمد.
ندى بصوت واطي: طنشي
جاء وليد.
ندى: وينهي اسولي يا وليد.
وليد: حلف ابن الذين ما تجي.
ندى: الله يا هيثم ينتقم لي منك.
وليد: قال غدوه عد يديها وتجلس كما تشتي
الاب محمد: خلاص تطمني يا ندى عد تجلس عندش
ندى: هو كلام عد يديها يومين ويشلها وتنهدت.
وليد: كل شي عد يسبر
جاء عمر من العمل وتطمن على ندى ومشيوا للبيت ووليد اشترى غداء وبيتغدوا ندى ووداد ووليد
وليد: تجهزين الساعه5نخرج
وداد: تمام.
وتمو المعامله حق الخروج الساعه 7ونص وخرجوا من المستشفى

في السياره
ندى:وليد تسلم اتعبتك معي.
وليد: مابش تعب والله، وتعبش راحه.
ندى سكتت ووداد غاوت الحكى.
وداد: ندو ما ذلحينه عد اكون اجي عندش ونجلس ونخزن ونشيش لاخر الليل.
ندى: حياا بش في اي وقت انت جي وبس
وداد: يا ندى اليوم عد اروح البيت وبعد غدوه عد اجي وامسي لان معي محاضره غدوه والاداه وكتبي وكل شي لي في اللبيت.
ندى: طيب
وصلوا للبيت ودخلت ندى وطلعت غرفتها.
نرمين: سلامتش يا قلبي ما تشوفي شر انشاءالله.
ندى: الله يسلمش يانرمين.
نرمين: يا عيونها.
ندى: هههههه تصدقي والله اني مشني مصدقه اني تطلقت وابتسمت ابتسامه قهر
نرمين بتبسر ندى ومعد دريت ما تقل لها.
ندى: اااح ارتحت من هيثم.
نرمين: ناهي ارقدي قد الساعه9 انتي تاعبه.
ندى: قد رقدت طول النهار، بس قولي لعلياء تدي تلفوني.
نرمين: تلفونش عند نوال.
ندى: سيري اديه لي.
نرمين: طيب وادت لندى التلفون.
نرمين: اجي ارقد جنبش.
ندى: تسلمي ما يحتاج اشتي اجلس لوحدي.
نرمين: براحتش.
وخطت نرمين لغرفتها.
نوال: نرمين سيري ارقدي عند ندى اذا احتاجت شي.
نرمين: قالت ما تشتي شي وقد اديت لها ماء وخليت العلاج جنبها.
نوال: سابر.

عند ندى كانت جالسه وفتحت النت وابسرت رسايل من محمد حق صباح الخير ومساء الخير وبيسال عليها..
ندى كتبت له: محمد كيف حالك.
محمد كان مش متصل وندى كانت هي وصحباتها بيتجابرين حوالي ساعه ومحمد فتح النت وابسر رساله من ندى.
محمد: اخيرا، وين انتي لش اسبوع مغيبه ورسلت لبنت خالش وهي ولا ترد سلامات مابه قلقت عليش واللة
ندى: ولا به شي، بس كنت بالمستشفى.
محمد: لااااا، سلامتش الف سلامه، ليش مالش يا ندى.
ندى: الله يسلمك مابلا تعبت شويه.
محمد: هااا سابر، انتي في بيت ابوش صح.
ندى: ايوووه ههههههه.
محمد: داري لانش في بيتش ما تراسليني بهذا الوقت بالمره.
ندى:ههههههه ايوه
محمد: ما بتفعلو.
ندى: والله ضابحه.
محمد: من ايش.
ندى: اااح يا محمد.
محمد: مالش احكيلي من زعلش ما عاش من يزعلش.
ندى: هههههه تسلم بس مدري كيف اقلك.
محمد: ماهووو.
ندى: لو احاكيك لابكي
محمد: ليش مالش.
ندى: والله اني الان بين اراسلك وعيوني ملان دموع مدري ليش لا شعوريا ومشتيش افجع ابي ولا خواتي ولا عمر مدري والله.
محمد: اذا تشتي تفضفضي لي انا كلي اذان صاغيه لش
ندى: اممممممم مدري.
محمد: براحتش.
ندى: طيب شحاكيك

وبدات تحكي لمحمد كل شي من يوم ما تزوجته وما افعل.
محمد: نصيحه اكسبيه وهو عد يرجع لش وانتي عد تبسري
ندى: لي٥سنوات وعد ادخل للسادسه وانا صابره، يوم عملت الحادث انا طلبت الطلاق وهيثم طلق ومن هذك اليوم لي ٤وانا في المستشفى، تصدق الان انا مرتاااحه.
محمد: عادش صغيره يا ندى على الهموم هذه كلهاا
ندى: كان ما افعل اسكت له يكفي هذي تعتبر هيانه لي.
المهم محمد حاول يغير جو لندى وجلس يزبج معاها وهيه تضحك


محمد: اسكه كم عمرش
ندى: ههه لا تدراش بعمري ههههه.يقولو لا تسال الرجال على معاشه ولا تسال المرة على عمرها هههه.
محمد: هياا كم.
ندى:35سنه.
محمد: كذابه.
ندى: هههه٢٢ سنه.
محمد: ايوه عادش صغيره.
وجلسوا يتكلمو للساعه 1.
محمد: يلا خاطرش سيري ارقدي انتي تاعبه.
ندى: الله معك، تصبح على خير.
محمد: وانتي من اهله.





🖋Ala'a taraq/بقلم

1️⃣8️⃣البارت الواحد والثمانون:
محمد كاان يفكر بندى وكان بنفس الوقت فااارح انها اتطلقت
محمد في نفسه"اشتيها يعني اشتيها يكفيني الادب واسلوبها"
ورقد.

في الصبح
في بيت محمد.
نزل يصطبح عند امه وخاطي العمل.
ام محمد: يبني عد تجلس هكذا اتزوج واللة ان انا بين ابسرك ويقتهر قلبي
محمد ابتسم 😊: انشاءلله يماه قريب
ام محمد: ايحين والله يبني بين احسك ضاايع وابنك قد احنا فاقدين له ايحين عد تسير تديه.
محمد: ابني عد اديه اليوم واما حكايه الزواجه في الوقت المناسب عد احاكيش.
ام محمد: يعني ماهو خلاص ندور لك.
محمد: لاااا هذه المره شابسرر لي انا من نفسي
ام محمد: وانت من فين عتبسر
محمد: من خوات اصحابي
ولا عيسخر الله خااطركم دعواتكم
ام محمد:الله يوفقك ويسخر لك
في بيت علي
كانو جالسين يصطبحوا.
علي: اليوم في العصر تشل امك وبنتك بيت محمد تمام.
هيثم: خلوو السواق.
علي: تشلهن انت واسيل تجلس عند امها.
هيثم: تمام، يابااه ذلحينه عد تزوجوني.
علي ابسر هيثم بطرف عيونه
ساميه: تمام بس يا هيثم مش تفعلها مثل ندى.
هيثم: هذا اكيد.
ساميه: كيف لوما هذا اكيد ما ماندئ او ماتستاهلش
هيثم: لان الثانيه انا بين احبها قوي يعني انا الذي عد اختار مش انتو.
علي: ومن بيت من هي هذك الذي عد تختارها.
هيثم ابتسم: بيت ال........... قد سالت عليهم يا باه.
علي: ومن وين تعرفت عليها.
هيثم: هااا ابسرتها في المعهد واعجبتي وسالت بيت من وخلاص واسمها بشرى.
علي: سابر.
هيثم: غدوه يماه سيروا ابسروها.
ساميه: خير.
اسيل: يا بابا ليش ماما معد ترجع لهانا.
هيثم: مدري حاكي امش ليش
علي: هيثم مش هكذا.
ساميه: اسولي سيري غرفتش وانا عد اجي على سب نشلش عند ماما وتجلسي عندها تمام.
اسيل: هاااااااي تمام.

في بيت الاب محمد
كانت ندى في غرفتها راقده دخلت نوال تدي لها الصبوح.
نوال: ندى ندو هيا تقومي تصطبحي.
ندى: يلا الان.
نوال: هوذا ها الصبوح.
ندى: عد اجي اصطبح معاكم.
نوال: يلا تمام.
وخطت وبيصطبحوا جمعه.
ندى: وينهي علياء.
نور: خرجت هي وعمر
ندى: سابر.

الساعه 12الظهر.
عند محمد.
اتصل لخاله.
طه: يا حيااا بالبزي.
محمد: الله يحييك يا خال كيف حالك.
طه: الحمدلله.
محمد: وين انت
طه: في الشركه.
محمد: حق اي فرع.
طه: فرع التحرير
محمد: عد اجي لك اللان.
وخطى محمد لعند خاله.


مسافه الطريق ووصل محمد لعند خاله
طه: كيف امك وخواتك وابنك.
محمد: الحمدلله في خير ونعمه له الحمد بس اشتي اسالك.
طه: مااهو
محمد: تذكر بيت محمد ال...... الذي سرنا عرس ابنه.
طه: ايوه مالهم.
محمد: كيفهم.
طه: الصدق ناس مؤدبين محترمين محمد وانا اصحاب ليش يبني تسال.
محمد: عد احاكيك يا خال بس بيني وبينك
طه: ايش.
محمد: اشتي واحده من بناتهم.
طه: كلهن مزوجات.
محمد: سمعت ان به واحده مطلقه.
طه: مقد قلي محمد الصدق بس يا ابني المطلقه يعلم الله للمه تطلقت.
محمد: انا سمعت انها تطلقت بسبب زوجها كان وبيعاملها معامله ماهيش سوا

طه: صح ان محمد صاحبي ومعروفين باادبهم واخلاقهم
محمد: يا خال انا الصدق مشتي اتزوج الا هي، بس يا خال اوبه الخبر يخرج بيني وبينك تمام ماقدوش وقت اصلا
طه: ولايهمك
روح محمد من العمل وروح يوسف معه.
ام محمد: حيا بيوسف كيف حالك.
يوسف: كيف حالش يا جده.
ام محمد: الحمدلله.
محمد: انا عد اطلع ابدل واخطى معي عمل
ام محمد: اتغدي اول وارجع اخطى لك.
محمد: ماشي قد تغديت انا مستعجل

في بيت ابو هيثم.
تمو يتغدوا وساميه جهزت لاسيل في شنطتها الاداه وجهزت اسيل.
ساميه: يبني هياا.
هيثم: يلا.
في الطريق.
ساميه: وقف يبني عند بقاله وانزل اشتري عصير وتفااح.
هيثم: مشو ضروري.
ساميه: عيب يبني نسير ويدنا فاضيه.
هيثم بضبح: حاااضر.
ووقف ونزل يشتري الاشياء.

في بيت الاب محمد
اتصلت لهم ساميه انها عد تجي والبنات عملين الكيك والحلا وبخرين البيت وجهزنه.
وصلوا وخطى هيثم.
وبيدق الباب وكيان واحمد فتحوا الباب.
احمد: اسيييييييل.
كيان: هيا جي العبي معانا.
ساميه: انا فدالكم ذلحينه منهو ابن نور ومنهو ابن نوال.
احمد:انا ابن نوال.
كيان:انا ابن نور.
ساميه جبركم.
اسيل:انا عد ادخل ابسر ماما وبعدا ارجع اجي العب معاكم دخلين.
ساميه:يااي يا اهل البيت.
نوال:حيااا حياا كيف انتو يا خاله.
ساميه:لكم الحياه الحمدلله.
اسيل:خاله نوالي وحظنتها.
نوال:يا حيا بقلبي..
ساميه:مابش احد.
نوال:مابش احد ادخلو.
ساميه:ندى قايمه
نوال:ايوة جالسه بغرفتها.
وطلعين لهاناك.
ساميه سلمت ع ندى وبكت وندى بكت.
الحمدلله على سلامتش يا ندى ما تشوفي شر.
ندى:الله يسلمكم ياعمه.
وجلسين يتحاكين واسيل دخلت.
اسيل:ماما وحملت لحضن امها.
وندى:اسولي قلبي كيف حالش
اسيل:الحمدلله.،يا ماما اديت لي ادااه خيرات على سب اجلس عندش.
ندى:انا فدال اسولي،يلا سيري العبي مع احمد وكيان.
اسيل:حاضر.




🖋Ala'a taraq/بقلم.

2️⃣8️⃣البارت الثاني والثمانوون:
ساميه: يا ندى والله ان انا وعمش علي نحبش بس هو هيثم
ندى:انا مفتهنه والله.
ساميه: الله يسعدش يا قلبي ونوال دخلت لها الشاهي والكيك والحلا.
ساميه: يووه يا بناتي تسلمين مابش داعي.
وجلسين في غرفه ندى يتجابرين واسيل والعيال خارج بالحوي.
احمد: يا اسيل ليش ما تجسي عند امش.
اسيل: بابا ما يخلينيش.
كيان: يا اسيل انا سمعت تقول امي ان خاله ندو تطلقت كيف يعني
احمد: انا اقلكم بس لا تتحاكوا ااننا قلت لكم.
اسيل وكيان:تمام
احمد: يعني ابوش وامش كل واحد يجلس في بيت ما يجلسوش في بيت واحد ومايتباسروش ابدا
اسيل: ليش ماما عد ترجع للبيت.
احمد:ماشي انا سمعت ان الطلاق هكذا.
اسيل:ماااشي ماما وبابا مش مطلقين وماما امد ما تتباخر وترجع للبيت.

الساعه ٨
ساميه:خاطركن يا بناتي والله يشفيش يا ندى والله ان انتي في بالي،والله يسخر لش.
ندى:ياارب تسلمو يا خاله على الزياره.
نوال:خاطرش يا خاله.
ساميه:الله معاكن اذا احتجتين شي ولا شي امانه اتصلين.
نور:حاضر ومشيت

في السياره.
هيثم:كيفهي ندى.
ساميه:ليش يهمك امرها.
هيثم:ماشي بس سالت.
ساميه:ندى مفتهنه
وروحوا البيت.

عند ندى كانت جالسه هي واسيل.
اسيل:يا ماما اسالش سؤال.
ندى:اسالي
اسيل:يا ماما ايش معنى الطلاق
ندى:هاااه ما دراش بهذا الخبر.
اسيل:حاكاني احمد
ندى:ما قلش
اسيل:قال لي هو سمع امه تقول ان ندى تطلقت
ندى: ايش شرح لش.
اسيل:قال ان بابا يجلس في بيت وانتي في بيت وما تلتقوا خالص هو صدق يا ماما.
ندى:ابسري يا اسولي بما انش قدش داريه عد احاكيش بس توعديني تكوني تحاكيني بكل شي،لان بعض الحاجات تجي غلط تماام
اسيل:وعد لاكون احاكيش بكل شي
ندى:مثل ما قال احمد ايوه،يعني انا وبابا تطلقنا ومعد نلتقي خالص بس اسوله الحلوه تكون تجي عند ماما وتسير عند بابا صح وبابه علي وجده يحبوا اسوله يعني اسوله عد تكون سعيده
اسيل:ليش انتو تطلقتو.
ندى:انتي عد تكبري وتدري يلا الان ترقدي طيب.
اسيل: حاضر
قد الساعه ٩ندى فتحت النت وبتانتر
محمد: وووو كيف حالش.
ندى: الحمدلله وانتي كيف انت
محمد: الحمدلله ما بتفعلي.
ندى: جالسه اليوم جت عندي اسولي.
محمد: وكيف صحتش ذلحينه.
ندى: الحمدلله، لو تبسر يا محمد اليوم جلست اسيل مع عيال اختي وجلسوا يتحاكوا على الطلاق المشكله صدمتني بكلامها.
محمد: اشرحي لها وفهميها.
ندى:قد شرحت لها قالت ليش
قلت عد تكبري وتدري.
محمد:سابر.

مررررر ثلاثه اشهور وتمت العده حق ندى،وكانت تتواصل هي ومحمد يوميا ومحمد بعد ما تتم العده عد يتقدم لها
🔶العده: يعني المره لما تتطلق تجلس في بيتها ما تخرج خلال ثلاثه اشهر وما تخرج بالخالص الا للضروره.

محمد بيراسل ندى.
محمد:كيف انتي يا ندو.
ندى:حيا الحمدلله وانت كيف حالك وكيف يوسف.
محمد:الحمدلله يوسف عند امه.
ندى:جبره
محمد:ما بتفعلي.
ندى:جالسه ضابحه بين اقول تجي بنت خالي ونخرج.
محمد:قد تميتي العده.
ندى:ايوه قد لي يجي اسبوع.
محمد:هاا سابر الله يعينش

اتصلت ندى لوداد وخرجين السوق تشتري لها ندى اشياء
محمد سار لعند خاله وقال له ان البنت كملت العده.
طه:يا ابني ما درااك بها ومنوين تعرفها وما دراك انها كملت العده.
محمد:واحد بيدي لي الخبر.
طه:هذا اكيد واحد منهم. وفيهم
محمد:المهم هياا ما قلتو قدك يا خال بدل ابي ايوه ولا ماشي
طه:قد سالت ليش تطلقت.
محمد:قد سالت وكله،وانا قد قلت لك بسبب زوجها
طه: هاااا يلا عسى في ذالك خير والله ان محمد مابش احلا منه وبناته بيقولو قمارى يلا عد نتصله ونقله غدوه نجي نخزن عنده.
محمد:مشتيت يا خال.
محمد في العشي روح البيت وكان يوم جمعه وخواته عند امه.
محمد:مساء الخير.
شيماء:يا مساء الانوار.
انغام:مال الحالي سالي هههه
محمد: قررررررت.
ام محمد:ماهو.
محمد:اتزوج.
شيماء:اخيرا كم قد راشيناك وانت ولااا.
ام محمد: ع بركه الله يلا تمام ابسر يابني بنت ال...... عادهي تقرب لمره اخوك حاليه وادب وكل شي.
محمد:ماشي مشتيهاش انا اشتي بنت ال............،بس يماه هوذا انا بين احاكيكم البنت عمرها ٢٣سنه وهم قبايل وادب وخالي يعرف الاب عز المعرفه وقد سرنا عندهم في عرس ابنهم بس يماه البنت مطلقه
شيماء:ماهو مطلقه اعقل يا محمد
محمد:ومافيها لاهيه مطلقه وازيدكم من الشعر بيت معاها بنت
ام محمد:يبني خليناا نختار لك واحده عزبه مابه معاها شي مش مطلقه
محمد:يمااه انا ماعد اتزوج الا هي دخلت في رااااسي
ام محمد:خير.
محمد:واذا تشتوا تبسروها عادي عد نحاكيهم
انغام:الله يوفقك
محمد:تشتو شي انا شطلع تااعب وغدوه معي عمل خيرات
ام محمد:الله معك.
محمد طلع لشقته.
ام محمد:ابسرتين اخوكن بيجنن
شيماء:خليه يماه يختار له من نفسه وبعدا نختار له ويقول هن امي وخواتي.
ام محمد:براحته.





🖋Ala'a taraq/بقلم.

3️⃣8️⃣البارت الثالث والثمانون:

بعد شهر
طبعا هيثم تزوج حبيبته بشرى

واسيل بتسير وترجع عند امها

اتصل طه لمحمد.
طه:السلام عليكم.
محمدد:حيا الله طه،وعليكم السلام كيف حالك.
طه:الحمدلله مالنا شي.
محمد:ايش اخبارك وين الناس.
طه:لا جديد،والله مشغولين وبين اقول اتصلك ولا اجي عندك ومن يوم لايوم وما بين افضئ خليها على الله بس.
محمد:الله يعينك.
طه:خلاص انا جااي غدوه نخزن جمعه،عد اجي انا والبزي محمد الذي اديته معي في عرس عمر.
محمد:حيااا بكم فوق العين والراس.
طه:تسلم الله يحفظك يلا تشتي شي ولا شي.
محمد:سلامتك

عند هيثم وبشرى.
هيثم:بشرى انا ضاابح.
بشرى:وانا ما افعلك.
هيثم طبعا مستغرب من تصرفات بشرى في حاجات خيرات
هيثم:بين اقلش انا ضابح حاكيني ضحكيني.
بشرى:مابش ما احاكيك
هيثم:الصدق انتي تغيرتي قوي.
بشرى:لا تغيرت ولا شي هذاك انا.
هيثم:سابر.
جت اسيل ودقت الغرفه.
بشرى فتحت لها الباب.
اسيل:بابا ودخلت.
بشرى:يا اسيل يا شاطره لما تكوني تجي كوني استاذني قولي ادخل مشي غرفه امش تدخلي وتخرجي براحتش مامه خلاص قد مشيت لها
اسيل:الا غرفه ماما قبل ما تكون غرفتش يا خاله بشرى.
اسيل:يا بابا اشتي اسير عند امي.
هيثم:حااضر.
بشرى:اسكه عيدي الكلام الذي قلتيه.
اسيل:انتي سمعتي خلاص ما اعيدش وخرجت
بشرى:ابسر ابسر بنتك مشاءالله لسان شكلها مثل امها.
هيثم:ومن قلش ان ندى لساان لا والله ما تجوب عليا وبعدا اسيل تدخل تخرج بالغرفه هي حر.
بشرى:وانا غرفتي ممنوع
هيثم:بشرى بطلي العناد.
اسيل نزلت لعند جدتها تقلها انها تشتي تسير عند امها.
ساميه:حاضر نحاكي بابا.
اسيل:قد حاكيته قال تمام،بس يا جده انا ما بين احبش خاله بشرى،تتحكم جت دخلت الغرفه قالت استاذن هي غرفتها.
ساميه:وانتي ما قلتي لها.
اسيل:قلت لها كانت غرفه ماما قبلش وهي ضبحت.
ساميه في نفسها "مرررره عيس"
وهيثم بدل ونزل وعد يشل اسيل عند امها.
اسيل:بابا انا عد امسي طيب.
هيثم:مشتيتي ووصل اسيل لعند ندى.
هيثم:اذا احتجتي شي حاكي جدو يتصل بي.
اسيل:الصدق ما بين احتاج شي لما اكون في بيت جدو الكل يحبوني ويدلعوني وزد ماما تشتري لي الذي بنفسي.
هيثم:هااا حالي يلا انزلي بيباااي
اسيل:مع السلامه وفتح لها الاب محمد.
اسيل:جدو كيف حالك وسلمت عليه.
الاب محمد:حيا بروحي،من اداش.
اسيل:بابا
الاب محمد:ادخلي يا روح جدو.
ودخلت لعند امها.
اسيل:ماما مااااما وطلعت

ندى:حيا يا عيون ماما وحضنتها.
اسيل:كيف حالش
ندى:الحمدلله وانتي كيف حالش.
اسيل:الحمدلله.
علياء:اسول كيفش.
اسيل:الحمدلله وانتي كيف حالش يا خاله علياء وسلمت عليها.
علياء:الحمدلله يا قلبي

في سياره هيثم كان موقف السياره على جنب وطارح راسه لورى وبيتذكر ندى وفي نفسه وخرج تلفونه وابسر صورتها حق يوم عرس عمر لما تصوروا جمعه
هيثم: وعادنا مش عاجب لي اتصور شلوك يا هيثم.

عند محمد
في العمل كان جالس بيشتغل وخاله اتصل
وقال له غدوه موعدنا
محمد: يااارب وهي توافق، بس كيف عد اقلها اني عد اتقدم لها.

عند ندى واسيل.
في العصر كانت ندى جالسه هي وبنتها بالطيرمانه.
اسيل: يا ماما لو تبسروا خاله بشرى زناطه.
ندى: ههههه كيف.
اسيل: دقيت الباب وهي فتحت وانا دخلت عند بابا قالت لي اكون استاذن هي غرفتها قلت لها غرفه ماما قبل ما تكون غرفتش وعده مواقف يامامه تتحرشني وتتفلسف عليا وبابه ولا نخس يا ماما انتي احلا منها واطيب منها
ندى: ههههه انا امش يااسوله اكيد تبسريني اطيب واحده
اسيل: قال بابا انها امي الثانيه.
ندى:ايوة كوني احترميها علاسب اذا صيحت فوقش ولا شي بابه يكون يوقف معش
اسيل: حتى جده تكرها الكل يكرهها.
ندى: هههه خلاص عيب ما تقوليش هكذا.
اسيل: وين خاله علياء.
ندى: في بيتهم.
اسيل: ضبح يا ماما.
ندى: خلينا نتصل لخاله وداد ونجابرها.
اسيل: يا ماما اتصلي لخاله نوالي وخاله نور يجين ويدين عيالهن انا ضابحه قوي.
ندى: العبي بالايباد وانا من عيوني اتصلهن.
اتصلت ندى لوداد وجلسين يتجابرين واسيل بتلعب بالايباد.
ندى: هييا وين الغايبه.
وداد: والله اختبارت في الجامعه قدش داريه غدوه اخر اختبار وعد ارجع يوم نمسي جمعه.
ندى: انتي عد تتزوجي والله معد يخليش تجي.
وداد: هههههههههههههه ما عليش الا عد اجي امسي وغصبا عنه
ندى: عد نبسر.

في العشي ندى رقدت بنتها وفتحت النت وفعلت حاله
"حتى دموعي تعاتبني ليه
‏كل مره تبكي على نفس الوجع 💔"
محمد ابسر الحاله وكتب لها.
محمد: هياا مال ندو.
ندى: ولا فيني شي.
محمد: عادش بتذكري هيثم.
ندى: ماشي والله
محمد: كان مالش.
ندى: ولا شي بس ضابحه
محمد: هيااا ماهو مااتعودناش عليش هكذا
ندى:طيب.
وندى قفلت النت ورقدت.
ومحمد جالس يراسلها وابسر ماعد بتستلمش ولا رساله ان قد غلقت النت

وفي الصبح قامت وفعلت الصبوح واصطبحوا ودخلت ندى المطبخ هي وعلياء واسيل والاب محمد خرجوا
علياء: ندى انا ضاابحه.
ندى: ليش.
علياء: اشتي اخرج كنت في بيتنا واصل اخرج مولات اسواق اماكن خيرات تزوجت وجلست

بالبيت.
ندى: هو هكذا كلنا بس انا اقلش عمر ما بيفضيش ولا عد يخرجنا.
علياء: احنا كنا نخرج بنات لوحدنا مثلا انا وخواتي ومره اخي.
ندى: حالي احنا ما نخرجش وحدنا يا اما احد معانا ولا نقول لهم نشتي بقعه ابو فلان ويشلونا ولبعدا يرجعوا لنا هكذا.
علياء: هااااا.

وقت الظهر وصل عمر من العمل.
عمر: بنااات وووووو.
علياء: ايوه.
عمر: وين ابي.
علياء:: خرج هو واسيل.
عمر: سابر.
رجع الاب محمد مع اسيل واسيل فارحه.
اسيل: يا ماما خرجنا الحديقه واكلنا سكريم واشترى لي جدو جعاله.
ندى:تسلم يا باه الله يحفظك.
الاب محمد:اسولي بنتي الصغيره صح.
عمر سحب منها الجعاله سيل هيا نفعل حفله في الجعاله.
ندى:ههههههههههههه.
اسيل:طيب.
عمر:بس اول شي نتغدئ
اسيل:حاضر.
الاب محمد:هيا قربوا لنا الغداء وانتي يا ندى تمي وبخري الديوان الخارجي عد يجو عندي ناس.
ندى:حاضر يا باه
وقربوا يتغدوا.
عمر:منهم عد يجو يا بااه.
الاب محمد: طه وابن اخته.
ندى مش هي داريه ان خال محمد اسمه طه.
المهم تمو يتغدوا وعلياء بترفع صحون الغداء وندى خطيت تبخر الديوان ورجعت سارت تغسول هي وعلياء.

محمد رجع من العمل بحينه واتغداء طلع لبس بسرعه لبس ثوب لونه بيج فاتح والكوت لونه بني غامق والشال لونه بيج ومنقش ببني وتعطر
وخرج من البيت واتصور جنب السياره وهو لابس النظاره والصماطه في راسه وفعل الصوره حاله ومشي بيت خاله.
وصل شل خاله ومشيو بيت محمد

الاب محمد:حياا الله بكم وارحبوو.
طه:الله يحييك يا محمد كيف حالك.
الاب محمد:الحمدلله وسلم على محمد.
عمر:حياا بكم ادخلو.
محمد ابسر اسيل وهي بتلعب بالحوي وابتسم.
محمد خطي لعندها
محمد: ايش اسمش يا حلوه.
اسيل: اسمي اسيل
محمد: هااااا وحبها وقال بينه وبين نفسه ماشاء الله هذه البنت عاد ماالام ودخل
الاب محمد بيقول لمحمد: هذه حفيدتي
محمد: مشاءالله الله يحفظها.
وجلسوا بخزنوا محمد وعمر تعرفوا على بعض اكثر وجلسوا يخزنوا جمعه ويتحاكوا ويضحكو.
والاب محمد وطه بيتحاكوا
لساعه ٧ونص العشي.
طه: يا محمد احنا جينا انا والبزي نتقدم.
عمر استغرب: هاااا.
طه: احنا جينا نطلب يد بنتكم للبزي محمد
الاب محمد: معد بش كلهن مزوجات.
طه: احنا سمعنا ان به واحده مطلقه.
عمر: ما دراكم.
محمد: واحد من الاصحاب دلني لعندكم وسالنا عليكم وطلع عمي محمد صاحب خالي طه.
الاب محمد: ابسر يبني بنتي عادها بعد صدمه من زوجها بس مدري ما اقلك الا كل خير.
محمد: يا عم وانا مستعد اريع لها لما تتحسن نفسيتها

طه: يا محمد واشتي اقلك حاجه محمد مطلق مرته
الاب محمد: خير عد نبسر.
طه: يلا خاطركم ها منتظرين خبر
الاب محمد: الله معاكم.





🖋Ala'a taraq/بقلم.

4️⃣8️⃣االبارت الرابع والثمانون:
بعد ما مشي طه وابن اخته جلسو يتحاكو عمر والاب محمد بهذا الموضوع.
الاب محمد: اولا ندى عد ترضي ولا ماشي
عمر: لا نستعجلش يا باه اول خلينا نسال ليش طلق مرته ونزيد نسال عليهم وبعدا سهل.
الاب محمد: والله مانا داري يا عمر.
عمر: الصدق والله انه باين رجال ابن ناس ومحترم بس نزيد نبسر.
الاب محمد تنهد وهز راسه بمعنى تمام.
نزلت ندى وابسرت ان معد بش احد.
ندى: مساءالخير.
الاب محمد: يا مساءالنور.
ندى: من جاء عندكم
الاب محمد: طه وابن اخته.
ندى: هااااا يوووه من نسي شاله
عمر: يووه هذا محمد.
ندى: لفه عندك لما يجي المره الثانيه ولا اذا التقيتو.
الاب محمد: يلا عد اقوم اطلع الغرفه وانتي يا ندى افعلي العشاء وتعشوا مشتيش شابع.
ندى: حاضر يا باه.
وطلع الاب محمد وكانت جالسه هي وعمر.
ندى: يووووو يا عمر كيف انت قوم عند مرتك ودخلت انت وياها خزنوا جمعه بالطيرمانه.
عمر: ما عليش انتي
انا وياها سادين.
ندى: براحتكم.
وعمر قام وهي بدات تكنس الديوان وتقشعه وابسرت الشال
ندى: يوو منك يا عمر احنا قلنا تشل الشال وجت تشله وشم العطر بينفح.
ندى: مشاءالله شم العطر حالي شمته وعطفته وطرحته فوق المكتبه وتمت تكنس وطلعت تعشي بنتها ورقدتها وجلست ممدده وفتحت النت.
وتقلب الحالات وابسرت صوره محمد.
ندى: هههههههه مشاءالله من صدق حجاب وياسين وزد طلع قمري اكثر لما تصمط وردت على الحاله: مشاءالله، وزد لما تصمطت وقعت حالي قوووي.
محمد رد عليها: صدق.
ندى: ايوه.
محمد:تسلمي عيونش الحاليات كيف انتي وما اخباركم.
ندى: لا جديد وضبح وكله..
محمد: ندى كم قد لش من يوم ماتطلقتي.
ندى: ٨اشهر.
محمد: هااا وعادش بتذكري هيثم.
ندى: ماشي والله.
محمد: هااا خلاص لعد ازيد احاكيش منه وبعدا تزعلي.
ندى: وليش ازعل المهم تطلقت وخلاص.
محمد:الله يسعدش مع ابن الحلال الذي عد ترتاحي معه
ندى: مشتيش اتزوج والله تعبت قد فيني عقده من الرجال.
محمد:هههه ماشي مش كل الرجال مثل هيثم.
ندى: والله معد نفسي شي الا بنتي وبس.
محمد:معذر من خير
وجلسوا يتحاكوا ومحمد بدا يقنع ندى انها ضروري تكمل حياتها.
ندى:خير،يلا تصبح على خير
محمد:تلاقيه ♥
محمد كان جالس بيفكر بندى لو ما ترضى

في اليوم الثاني في وقت الظهر اتصلت نوال لندى.
ندى: الوو.
نوال: كيف انتي.
ندى: الحمدلله وانتي.
نوال: ندى البسي يلا احنا عد نمر لش
ندى: ليش مابه.
نوال: اتصل انس وقال ان نرمين بالمستشفى بتولد وعد تولد عمليه قالت الدكتوره.
ندى: يلا الان دقايق وغلقت السماعه.
ندى: علياء علياء انا فدالش تمي العمل عد تمر لي نوال ونخطى المستشفى نرمين بتولد واسيل قووئ انتبهي لها
علياء: طيب وبشروني لما تولد.
ندى: حاظر وطلعت تلبس ونزلت.
ندى: علوش واذا جاء ابي وسال عليا قولي له خرجت هي ونوال لان ابن نوال عد يجي هانا تمام
علياء: من عيوني.
ونوال جت وطرحت ابنها ومشيت هي وندى.
علياء: اسول احمد جو ادخلو اتغدوا وارجعوا ادخلو تفرجوا التلفزيون.
اسيل: حاضر.

في المستشفى
كانت ندى قد وصلت للمستشفى ونرمين بغرفه الولاده.
نوال: يارب سهل لها ياارب.
ندى: اهدئي ونور اتصلتي بها.
نوال: نور مريضه خليها بس نبشرها بشاره
ندى: مالكن يا خواتي هكذا.
المهم خرجت الممرضه هي والجاهل وناولت ندى الجاهل.
نوال: نرمين ايحين عد تخرج
الممرضه: الان.
وانس كان ما بحد هوو كان بيعامل.
وندى دخلت الغرفه هي وبنت نرمين ونوال جلست لما خرجوا نرمين وخطت هي وياها.
نرمين مقد فاقتش.
انس طلع وابسر ندى وفي يدها الجاهل وفرح
ندى: الف مبرووك تتربى بعزك يا انس انت ونرمين.
انس: الله يبارك فيش يا ندى، اسكه اديها وجلس يحبها.

في بيت الاب محمد
اسيل واحمد تمو يتغدوا وجلسوا يتفرجوا التلفزيون لما رقدو، وعمر عند البنات في المستشفى والاب محمد جاء من خارج.
الاب محمد: يا ندى يا ندى.
علياء: ماهو يا بااه محمد ندى ما بحد.
الاب محمد: وينهي.
علياء: خرجت هي ونوال.
الاب محمد: هاا سابر.

عند محمد.
محمد: اااح قولوا ندى عتوافق ولا ماشي ياارب انها توافق.

في المستشفى نرمين فاقت وباركت لها ندى ونوال وعمر.
عمر: مبرووك يا نسب تتربى بعزك انشاءالله.
انس: الله يبارك.
ندى: ما ذلحينه دور علياء.
عمر.. ضحك.
نوال جلست عند نرمين وندى روحت مع عمر.
في البيت
علياء: هيا مه ما ادت.
ندى: بنت.
علياء: يلا مبروووك.
ندى غمزت لها: عقبال لش.
علياء:ان شاءالله
ندى: وين ابي والعيال.
علياء: في الغرفه جالسين.
ندى دخلت لعندهم.
اسيل: ماما.
الاب محمد: وين كنتوا.
ندى: احنا ما نشتيش يا باه نفجعكم كنا بالمستشفى نرمين ادت وادت بنت.
الاب محمد: ولا تحاكوني.
ندى؛والله كنا نشتي نقلكم ونوال عندها لا تقلقوا غدوه وسرتو.
الاب محمد: خير.
ندى: قد تعشيتو يا باه.
الاب محمد: ايوه عشتنا علياء واسيل واحمد ورقدو.
ندى: سابر وشلت بنتها واحمد للغرفه حقها وخلتهم يرقدوا فوق السرير وهي فرشت لها في ا

لارض. وفتحت النت وابسرت رساله من محمد حق صباح الخير.
ندى: مساء الخير كيف حالك.
وقامت تعطف الاداه حقها لقد الساعه ١١وفتحت النت وهو متصل ورد عليها.
محمد: الحمدلله وانتي كيف انتي وينش اليوم مختفيه.
ندى: الحمدلله فى المستشفى اختي ولدت.
محمد: هااا فجعتيني لما قلتي المستشفى، بس الف الف مبرووك.
ندى: الله يبارك.
محمد: ما ادت.
ندى: بنت.
محمد: ان شاءالله توقع تشبهش
ندى: ههههههه
محمد: ندى احاكيش حاجه.
ندى: ايش.
محمد: انا مقرر اتزوج بس يا ندى انا خايف البنت الذي اشتيها ترفض.
ندى: يعني انت بتحب واحده.
محمد: ايوه.
ندى: انشاءالله انها توافق مادام انك بتحبها الله يوفقك يا محمد.
محمد: يااارب.
ندى: هااا اوبه ما تعزمنيش
محمد: هههههههههه انشاءالله انتي اول الحاضرين.
ندى: هههههههههههه.
محمد: ليش ما ترقدي
ندى: ماقدرتش يا محمد اسيل وابن اختي فوق السرير وانا فرشت لي في الارض ما قدرتش ارقد متعوده فوق السرير .
محمد: عادش بتدلعي افضل الرقده رقده الارض.
ندى: انا داريه بس ما بين اقدرش.
محمد: افرضي تزوجتي للبلاد.
ندى: بطل يا محمد تفول عليا مشني متزوجه واذا تزوجت مثلا معد اتزوج الا لصنعاء على سب اكون ابسر بنتي.
محمد: ههههههههه انشاءالله.
ندى: يلا خاطرك سير ارقد على سب غدوه تسير تصلي جمعه مش ترقد.
محمد: هههه تمام الله معش.

محمد في نفسه "حراام انها بنت تغسل القلب"

في الصبح قامت ندى بحينه وفعلت الصبوح وصبحتهم على سب عد يسيروا المستشفى كلهم يبسروا نرمين.
وندى حممت بنتها وبدلت لها ومشطت لها ورجع ابن نوال وجهزتهم وتجهزت وخطيوا كلهم.
في السياره.
ندى: احمد بين احاكيك من الان تسير هاناك تجنن يا ويلك والله لاحاكي امك وانت داري.
احمد: حاضر.
وصلو المستشفى
ودخلو لعند نرمين وسلموا عليها.
الاب محمد: الحمدلله على سلامتش يا بنتي وتتربى بعزش
علياء: مبروك يا نرمين تتربى بعزش
وزوج نرمين كان ما بحد.
نرمين: الله يسلمك يا بااه، الله يبارك فيش يا علوش وعقبال لش.
عمر: قد هو وقت ولا عاده.
ندى: هههههههه قده وقت.
وعلياء خزيت.
احمد واسيل بيبسروا بنت نرمين.
اسيل: يا ماما ما احلاها، ادي لي اخت.
ندى : وهذي هي اختش يا اسولي.
اسيل: ماشي اشتي اخت من بطن ماما.
الاب محمد: انشاءالله.
ندى ابسرت لعند ابوها
ندى: عد اخرج اتصل بنور اتطمن عليها.
خرجت ندى تتصل لنور..
نور: حيا.
ندى: صباحش
نور:صباح الفل
ندى:هيا كيف قدش
نور:والله انني تااعبه قوي زكمه وحمى خليها على الله
ندى: هياا مابلا تشتحطي معانا ولاد.
نور: قد حاكتني امس نوال المهم اذا تباخرت عد اجي.
ندى: سابر تشتي شي ولا. شي.
نور: ماشي سلامتش.
ودخلت الغرفه.
ندى: ابااه عد تسيروا تصلوا.
الاب محمد: ايوه.
ندى: عمر انا وعلياء نشتي نسير السوق بساعتنا امد ما تصلو وارجعوا لنا.
عمر: ذلحينه وقت صلاه.
ندى: هيا معد نتاخرش نشتي نشتري اشياء ضروريه.
الاب محمد: يلا تمام
ندى: نوالي اوبهي للجهال.
وخطيوا طرحوهن في السوق وساروا يصلو.
ندى بتشتري بعض الاشياء واشترت بالونات وزينه المواليد وثيمات واشياء وبعد ماتمو يصلو شلو البنات من السوق ومشيو للمستشفى.
ندى: عد اطلع ادي العيال ونخطى.
عمر: في سااع.
وطلعت تدي اسيل واحمد ونزلت ومشيوا.
في الطريق.
احمد: جدو شلونا مطعم.
اسيل: اسيل ايوه يا جدو.
ندى: مش اليوم مره ثانيه.
الاب محمد: عمر ابسر لنا مطعم نتغدا به عد توصلين وتفعلين غداء ومدري ماهو قد احنا عد نتغدا بمطعم....




🖋Ala'a taraq/بقلم.

5️⃣8️⃣البـارت الخامس والثمانون:
وخطيوا تغدوا في المطعم ورجعوا البيت.
ندى اتصلت لوداد على سب تجي وتساعدهن.
جت
وندى دخلت غرفه نرمين هي وعلياء ووداد وزينينها وخلين الجهال يشبوا البالونات
عمر بالعشي جاء وابسر البالونات والزينه والثيمات ومدري ماهو.
عمر: مااهو هذا للخباله ياسعم ان احنا في عيد ميلاد.
ندى: انت ما دراك اصلا.
عمر: والله ما به داعي للهباله هذي.
ندى: ماعليك انت اخطى لك.
الاب محمد: ما بتفعلين يا بناتي.
عمر: مقصدهن يتعبين يدورين لهن مهره
ندى: يا بااه الله يحفظكم ذلحينه لابه ولاد يزينوا له بالثيمات والبالونات والزينه.
الاب محمد: مقد ابسرتش هكذا الا ذلحينه.
ندى: هههههه هي موضه يا اباه
الاب محمد: يلا تموضو لكم.
وتمين الساعه ٧.
ندى: اااف والتعب.
وداد: قوي.
ندى:انا عد ادخل ابدل وارقد والله اني تااعبه اليوم.
وداد: وانا والكل.
علياء: وانا اجلس لوحدي مثل الصياد.
وداد: وينهو عمر.
علياء: علمي علمش.
ندى: خلاص جي اجلسي عندي بالغرفه لما يجي الفندم.
علياء: ههههههه.

عند هيثم وبشرى.
بشرى: هيثم اشتي زلط.
هيثم: ليش.
بشرى: اشتيها
هيثم: حاضر، كم تشتي.
بشرى: والله اشتي اخرج السوق اشتري لي بعض الاشياء بوالط وشنط وعطورات وادوات تجميل.
هيثم: مشاءالله وعد تشتري هولاء كلهن.
بشرى: قدك داري بالنسوان ما يشتين.
هيثم: الصدق اول مره ابسر واحده تشتي شهريا هولاء الاشياء وعادها حريوة
بشرى: ليش ندى ما كانتش تطلبك وتشتري هكذا.
هيثم: ماشي اذا اديت لها انا عد تشل ما اديت لهاش ابوها بيدي لها
بس انا الذي اعرف ندى ما كانتش كل شهر ضروري بالطو وشنطه وجزمه وعطر ومدري ماهو.
بشرى: لا تنسااااش انا غير ندى، ندى انسانه عاديه اما انا لا.
هيثم: لا ندى انسانه متواضعه ومشي مبذره.
بشرى: ناهي احنا وندى هذي.
هيثم: يا بشرى، ليش كنت اصدقش لما كنت اغثي ندى.
بشرى: ليش هذي اجمل خطه وانا انا وانت مع بعض.
هيثم: انا نادم اني طلقتها.
بشرى: ايش قصدك انك ما تشتيني
هيثم شل نفسه وخرج.

بشرى: طز فيك ورور.
جاء يقلي نااادم حين طلقها

عند البنات كانين جالسات والاب محمد كان في غرفته وعمر كان خارج
عمر: مساء الخير.
ندى: يا مساء الفل.
عمر: وين الجهال وابي
ندى: راقدين،ابي في غرفته
الاب محمد سمع صوت عمر وخرج.
الاب محمد:وين انت يبني لذلحينه الساعه ١٠ونص
عمر:عند الاصحاب.
الاب محمد: سابر، ندى الحقيني للغرفه.
وندى لحقت ابوها.
الاب محمد: عادش غاثيه ع هيثم
ندى: ماشي يا باه انا مشنا غاثيه علييه اصلا او عشان اني تطلقت لا واللة بالعكس افتهنت وانما انا اقتهرت ع بنتي واقتهرت ع سنيني الي ضاعت معه
الاب محمد: مثلا لو جاء لش نصيب سابر
ندى: مشتيش يابااه والله ان قد فيني عقده من الرجال.
الاب محمد: يا بنتي اذا
ندى: مشتيش يا بااه على سب ابسر بنتي وتكون تجي وتسير وتمسي عندي اذا تزوجت هيثم معد يخليهاش.
الاب محمد: الا عد يخليها، وبعدا احنا قلنا مثلا واذا جاء لش طبعا احنا عد نستشيرش وانا يابنتي ماشتي اموت وانتي عادش بغيرر زواجه صح البيت بيت ابوكن في اي وقت للساليه والغاثيه لكن يابنتي الزوج ثاااني

ندى: خير يلا تصبحوا على خير يا بااه ودخلت غرفته وفتحت الطاقه وكان الجو حالي وندى بتذكر هيثم وكيف كان يعاملها ودموعها ينزلين لا شعوريا.
ندى: ليش انا بين ابكي على واحد ما يستاهلنيش ومسحت دموعها وشلت تلفونها وجالسه وفعلت حاله
"ويظنون انك تستطيع تجاوز الاشياء وكأنها لم تحدث لكن واللة لاشي مر علينا سهلا بكل مره تخسف ارواحنا الارض واللة وحده الاعلم كيف كلفنا ذاك الصمود""
محمد ابسر الحاله ورد.
محمد: ندددددددددى.
ندى: ايوه.
محمد: صلي على النبي.
ندى: تصبح على خير يا محمد اليوم مالي نفس اتحاكا بشي
محمد: براحتش.
وغلقت النت وجلست تبكي وداد كانت راقده عند ندى قامت وابسرت ندى تبكي
وداد:خيرمالش.
ندى:ولا شي.
وداد:اسكه ارقدي.
ندى:طيب
وجلست تبكي وتتذكر كل شي لما رقدت.

عند محمد
محمد: يعلم الله مالها ندى، بس والله انها بتذكر هيثم الله يشله وقال يااااااااااارب وفقني بندى.





🖋Ala'a taraq/بقلم