و أرجعك للصفر مرتين
مرة على الجفى وياي
و مرة تقدر أمثالي .

شفتك و گلبي رجف
بساعتها الله الستر
ماصار شي بية
فجأة لگيتك شخص
جاي بمشاعر الي
كلها حقيقية
و المهم هسة خلص
لازم ضروري أقتنع
حبيت هاهية .

أنا و گلبي تره بس أنت قصتنا
تزعل ، تمل ، تختفي
نبقى على حطتنا .

تعشك ونص دينك يكمله الغريب
هو شيخرب العشك غير النصيب ؟

بطن تمره الگلب مابيه نوایه ثنين .

هاشم الگرعاوي يعاتب يگول :
ولك گلي شـ تكلفك كلمة شلونك ؟
نسيته انه الطرح حِمله
و أخذ حِملك مِن متونك
و نسيت انه الحرگ گلبه
و کحل دگاه لعيونك
متت يالگطعي مِن دونك .

منهو يفهم لو حچینه !

انا الشط الچبير الـ شايف وعايف
شجاني گبال بيرك چني ماشايف !

رَجفة أيدي شمالها و گلبي شجرالهَ
تگول فاتحلي سحر مو چن رسَالة .

مهمل صاير و ما أفكر بشي
آنه شحصلت من چنت أداري .

ما باچيلك آنه لهسة مصدوم
سودة بوجهك على آخر رسالة .

بس أنت هم ما قصرت
جبت السواد الجوه گلبك
خليته جوه عيوني .

تالي ما تالي انگطع مرسالهم
الچانوا يحبونا مدري شمالهم .

ما كسرت عيونك وگفتي وياك
من عافوك كلهم و آنه ضليت .

زرف ترچية جرحك ما يلمه خياط .

چنت أحسك أهل مو واحد غريب .

مدري نضحك
مدري نبچي
مدري نرثي
گلوبنا الما ترضى
تحچي .