إللي يقرملك في الناس اعرف انه مستعد يقرمك للناس.

"عليك أن تتعايش مع فكرة أنك قابل للترك، وقابل للنسيان، في كل مرة تظن أنك ثمين لأحدهم، أنت مُحاط بأشخاص مؤقتين.. فلا تتعلق."

And it's a normal thing.
مش كل الناس حتنساك وفي نفس الوقت مش الكل حيذكرك ويقعد معاك.

ضروري ما يكون في توازن في الحياة وضروري ما تتصالح مع هذا التوازن..
مش كل شيء تبيه حتحصله أو يكون خير ليك وفي نفس الوقت في حاجات تبيها وحتحصلها؛ لأنه ببساطة فيها خيرة ليك.

كل شيء كتوب، don't worry

I fell in love with your art not your face.

اللهم اسألك يا رب العالمين اني ننجح في السيم هذا ونجيب النتيجة إللي في بالي ونخش طب بشري أنا وصحباتي مع بعض يا رب.

الحمد لله رب العالمين على كل حال مهما كان.
الحمد لله رب العالمين على أبسط النعم.

ديمه احمدوا الله سبحانه وتعالى وخلي نقوللكم حقيقة والله حياتك وأنت قريب من ربك لا تقدر بثمن.
ربي رحيم غفور ويحبك ويعطي فيك في نعم الدنيا هذه كلها ومازال يعطي فيك في فرص كل يوم باش ترجعله

ربي يحب عباده هلبااااا، وسبحان الله على رغم من المعاصي إللي نديروا فيها إلا أنه ربي قاعد يعطي فينا في فرص

استغلوا هذه الفرص كويس وماضيعوهاش باللهِ.
ماضيعوش الآخرة على خاطر دنيا فانية

كانت بداخلي بذرة تفاؤل، ولكن يبدو أنّ أحد المارة قد قام بسحقها.

فقط أخبرني بما أريد، حتّى وإنْ كان كذبًا، فأنت لا تعلم بأنّ ذلك يُثبط الصراعات التي بداخلي!

فكرة إن في شخص في حياتك واعي بأضرار الإكتئاب، وميهزاش بيه ويقدره هذا كفيل بأنك تحمد ربي ع وجوده
فما بالك الشخص هذا تكون ماما..🤍

لكل شخص نصيبه من الدنيا، ومش حيموت لين يأخد نصيبه كله..
ببساطة لأنه هو المكتوب.

لهذا ماتتوترش وماتخافش من المستقبل، خليك مركز على الحاضر متاعك واسعى واجتهد على إللي تبيه والنتيجة في يد الله سبحانه وتعالى كلها تساخير منه.

أصلاً وقت تركز على الحاضر وتحاول تجمله أنت هكي حتحتفظ بماضي جميل وتبي لنفسك مستقبل أجمل.

كل شئ كاتبه الله سبحانه وتعالى خير لينا مهما كان..

في موضوع نبي ندوي فيه وحاسة نفسي دويت فيه قبل هكي بس معاس مذكرة الحق، ما علينا في الإعادة استفادة.