مواقف الحياة عبارة عن اختبار يحرر شخصيتك مش يحبسها.

وقت الردود على الرسائل وتأخيرها يشبه شراب القهوة… كيف لمرءٍ أن يشربها وهي باردة؟ بعض الرسائل إذا تأخرت تفقد لذتها.

- براءة ناصر (البروع).

بنضيف على كلامه حاجة وحدة، أفضل شيء تشغل بيه وقت فراغك هو تقربك من ربي وقراءتك للقرآن.

اللهم اسألك رب العالمين تقدرني نخلي رأس أمي وبوي مرفوع ونخليهم فخورين بيا ونكونوا سبب في دعاء الناس ليهم مش عليهم

فترة هذه كلها نراقب في تصرفاتي وكلامي وكل شيء مش على خاطر نفسي بس بل على خاطر عيلتي.
خايفة يوم من الأيام نخذلهم، مش قادرة نوقف تفكير في الموضوع هذا.

واحد مفروض يحافظ على نفسه مش حتى على خاطر نفسه بس بل على خاطر امه وبوه إللي راقدين ومطمنين وفوق هذا واثقين إن ولادهم وبناتهم ما يديروا في شيء غلط يخليهم يوطوا روسهم.

رد بالكم تفقدوا الثقة هذه، اهالينا تعبوا علينا هلبا وأقل شيء يستحقوه إن نرفعوا راسهم بعلمنا وأخلاقنا.

إللي يقرملك في الناس اعرف انه مستعد يقرمك للناس.

"عليك أن تتعايش مع فكرة أنك قابل للترك، وقابل للنسيان، في كل مرة تظن أنك ثمين لأحدهم، أنت مُحاط بأشخاص مؤقتين.. فلا تتعلق."

And it's a normal thing.
مش كل الناس حتنساك وفي نفس الوقت مش الكل حيذكرك ويقعد معاك.

ضروري ما يكون في توازن في الحياة وضروري ما تتصالح مع هذا التوازن..
مش كل شيء تبيه حتحصله أو يكون خير ليك وفي نفس الوقت في حاجات تبيها وحتحصلها؛ لأنه ببساطة فيها خيرة ليك.

كل شيء كتوب، don't worry

I fell in love with your art not your face.

اللهم اسألك يا رب العالمين اني ننجح في السيم هذا ونجيب النتيجة إللي في بالي ونخش طب بشري أنا وصحباتي مع بعض يا رب.

الحمد لله رب العالمين على كل حال مهما كان.
الحمد لله رب العالمين على أبسط النعم.

ديمه احمدوا الله سبحانه وتعالى وخلي نقوللكم حقيقة والله حياتك وأنت قريب من ربك لا تقدر بثمن.
ربي رحيم غفور ويحبك ويعطي فيك في نعم الدنيا هذه كلها ومازال يعطي فيك في فرص كل يوم باش ترجعله

ربي يحب عباده هلبااااا، وسبحان الله على رغم من المعاصي إللي نديروا فيها إلا أنه ربي قاعد يعطي فينا في فرص

استغلوا هذه الفرص كويس وماضيعوهاش باللهِ.
ماضيعوش الآخرة على خاطر دنيا فانية