أنت أكيد لما تتصرف تصرف مش راضي عليه، مش حتكون سعيد لما الناس تحكم عليك من خلال تصرف هذا بس، على الرغم من أنك نادم عليه!

لهذا دائماً حب لأخيك ما تحب لنفسك.
لو شفت تصرف غلط مش شخص حاول تنصحه وتساعده أو أقل شيء ادعيله بالهداية.

مش ضروري تمشي لكل شخص وتهدرز بيه وتقول هذا دار وفعل وتسبه؛ لأنه راه كلنا معرضين لجميع المواقف في الحياة لكن الحمد لله رب العالمين ساترها علينا.

+ there's something else.

ديمه قبل أي فعل اديره أو كلام بتقوله، اقلبه على نفسك، شوف نفسك هل حترضاه على روحك ولا لا وبعدها تصرف زي ما تبي.

الفجر. 🤍

لو تركز شوية حتلقى أن هلبا "واجد" خطوات ضاعت بسبب "التردد"!
حاجات خسرتها رغم أهميتها بسبب التردد؛ فى حسم الإحتفاظ بيها أو أن تاخد قرار فيها، خصوصا علاقاتك مع من حولك أو دراستك أو خدمة معينة أو شخص كريم شاريك، وحاجات قاعدة مستمرة رغم عدم جدواها و مليهاش اثر واضح، وضررها؛ بسبب التردد في التخلص منها، أو التردد في الحفاظ عليها أو أن تدير خطوة في الاتجاه الصحيح...
المتردد ملعون بالخوف، و القلق و صدق من قال "من اعتاد على الصدمات ظن أن الطمنئنية كمين و فخ" ، والتردد؛ حبس داخلنا حلم أو هدف أو كتم مشاعرنا المفطورين عليها أو بقرارنا يالي فيه مصلحتنا حسب ما يتبين لينا و واضح قدام عينا ....

كلنا أساتذة في التفكير بس لما نوصلوا لمرلحة التنفيذ نضعف و نعجز!
عارفين الصح وين، وإن المكان هذا فيه راحتنا، وإن فلان وجوده مؤذي، وإن عِلان حياتنا مش حتكون مِثالية إلا بيه وبعدين؟!
مناخدوس خطوة! الحياة تبي شجاعة "باالفعل" و النية "بالطريقة" و السعي "الدعاء" و أن نوقفوا في يوم معين ناخدوا فيه القرار قدام نفسنا و نعلم بيه أصحاب المصلحة أو المنتفعين بيه، سعادتك قرارة تاخده بتوفيق الله ليك.

- أحمد بلال.

" The frequency "

‏"غالباً المبالغة بالأشخاص تجعلك تندم بالنهاية."

استغلوا يوم عرفة كويس، ادعوا فيه بكل شيء تبوه وتتمنوه وادعوا لأحبابكم وكان تقدروا النت فوتوه، اليوم كله مشوه أدعية وصلاة وقراءة القرآن والأذكار.

هو يوم واحد فقط في العام، أعتقد تقدر تفضي روحك فيه. 🤍

عيدكم مبارك، أعاده الله علينا وعليكم وعلى الأمة الإسلامية باليمن والخير والبركات.. 🤍

نفس العنوان بس محتوى يختلف شوية.

تقبل نفسك وشكلك زي ماهو، مش أنت اللي اخترت كيف يكون شكلك وملامحك وجسمك وما إلى ذلك.

ف رد بالك تفقد ثقتك بنفسك بسبب أراء بعض الناس السطحيين إللي مش واصلتلهم فكرة إن الله سبحانه وتعالى خلقنا كلنا في أحسن صورة ف مايجيش يتم انتقاد شكل انسان ويقولوله أنت شين أو أنت سمين، ضعيف، طويل أو قصير.
أسمر أو أبيض.

ف بالنهاية مافيش فرق بيننا إلا بالتقوى.

أنتَ أو أنتِ قنينين زي ما إنتم حالياً، مش مضطرين تبرروا أي شيء لأي شخص وكذلك مش ضروري نهائي أي شخص تقابلوه ينعجب بيكم؛ لأنه الشيء هذا مش حيغير من حقيقة إن الله سبحانه وتعالى خلقك في أحسن وأجمل هيئة ممكنة.

الموضوع ممكن البعض يشوفه تافه بس للأسف في ناس حرفياً تفقد في ثقتها بنفسها وتتضايق بسبب موضوع زي هذا.

أحياناً قلوبنا لا تحِنُّ إلى أشخاصٍ فقط بل يمكن أن تشتاق إلى مشاعر، ذكريات، مواقف، مواسم، ليالي وأيام أو حتى أعوام وتتمنى أن تكررها مرة أخرى هروباً من حاضرها المؤلم.

"شهود الفجر يُذهب أثر المعاصي من القلب كما يُذهب الفجر ظلمة الليل".