هكي كان يومي بإختصار.

دائماً خلي محيطك ناس ترتاح معاها وناس تفهم عليك، ما تحاولش تضغط على نفسك باش تناسب قروب مايناسبكش

الفجر🤍

وكأنه فاقوا بعد غفلة.

وأخيراً.

وكأنه الموضوع تطلب فيضان وجرحى وفوق من 11 ألف جثة.

حاجات مفروض كانت تصير من قبل مش بعد طاح الفأس في الراس.

رحم الله من رحلوا لدارٍ أفضل مِن دارنا وطابوا في جنة الفردوس نعيمًا، اللهم ارحم جميع موتانا وموتى المسلمين رحمةً واسعة واغفرلهم يا ربّ.

Go to sleep weird people, or wait until the fajr then sleep✨

"البعض منكم يعيش في بيئة أصغر منه بكثير، هل بيئتك كبيرة كفاية للشخص الذي تخطط أن تكونه؟
هل بيئتك كبيرة كفاية للأهداف التي تخطط لتحقيقها؟
هل بيئتك كبيرة كفاية للأحلام التي تخطط لملاحقتها؟
كيف تبدو بيئتك؟
لأنها في معظم الأحيان ليست كبيرة بما فيه الكفاية لك!"

بنحكي موقف صار في تاريخ الكورة

نهائي دوري أبطال أوروبا بين يونايتد وبايرن، 90 دقيقة من وقت المبارة بايرن رابحين فيها 1 شيء.
المهم..
الحكم كولينا حسب ثلاثة دقايق ويت وقت بدل ضايع

بعد التسعين الحارس متع يونايتد بيتر شمايكل المعروف قدم لين وصل منطقة جزاء البارين

تخيلوا حتى الحارس اللي يدافع على المرمى ولا مهاجم، الفريق كله يهاجم باش ينقدوا أنفسهم في آخر ثلاثة دقايق، ومبارة هذه كانت آخر مبارة لبيتر شمايكل وكان يبي يطلع منها منتصر

المهم.. فيرغسون في وثائقي class 92 أعتقد قال في اللحظة هذه دماغه ما كانش في الملعب، خلاص فضل 180 ثانية بس والمباراة تم ويونايتد خاسرين والكأس إللي قطعوا طريق طويلة على خاطره حيشوفه لحظة التتويج لكن مش حيقربوه.

فجأة الملعب كله سكت، لحظة صمت لوهلة فقط، بعدين بدي الملعب كله يعيط، الملعب كله ولا أحمر، الكل منصدم.

إللي صار..
دايفيد بيكهام لعب ركنيه وركز على شمايكل أطول واحد في منطقة الجزاء والكورة تقعد تمشي من لاعب لثاني لحد ما توصل لرايان ويعطيها لتيدي ويسجل جول

تخيلوا في آخر ثلاثة دقايق يونايتد عدلوا قدام بايرن، الملعب كله يعيطوا

المهم..
طبعا بحكم صار تعادل مفروض ينتقلوا لي أشواط إضافية، لكن اللي صار كالآتي:
مساعد المدرب قال للمدرب قاله إحني نزلنا مهاجمين هلبااا باش نجيبوا جول، توا ضروري نرجعوا ونخططوا كيف بنديروا في الاشواط الإضافية

كلهم متوقعين يخشوا أشواط إضافية موضوع مافيشي نقاش، لكن ديفيد بيكهام لعب ركنيه ثانية في آخر ثواني في المبارة من نهائي دوري أبطال أوروبا والكورة توصل لتيدي شرينجهام مرة ثانية إللي نزل بديل أصلاً مش اساسي

والكورة تنتقل من راس تيدي ل اولي جونار سولشار ويسجل جول ثاني

مافي حد مصدق، 90 دقيقة بايرن رابحين وضامنين الفوز، لكن في آخر ثلاث دقايق بس يونايتد سجلوا جولين وقاموا الدوري

إللي نوصله:

بدايتك في أي شيء مش دليل على نجاحك ولا فشلك

وقت أنت تبي تقدر تقلب النتيجة حتى في الوقت اللي أنت تعتقد أنك هزمت.

You still have a chance to become what you want