باللهِ لحظة إدراك

إحني الليبيين ما لينا غير بعض، ياريت نوقفوا قتل وشتم بعض.

شرق وغرب وشمال وجنوب كلنا تحت مسمى واحد وفي أرض وحدة "ليبيا"

ليلة ثقيلة على القلب.

4:00

Btw

أنت مش مطلوب منك تتأثر وتبكي ولا تقول قلبي متقطع وما إلى ذلك.

المهم مش في التأثر، المهم الشخص يعرف حجم المصيبة ويحاول يساعد أقل شيء بالدعاء.

وفي بعض البشر يساعدوا بصمتهم.

shuting up is much better than saying some shitty words

لاحول ولا قوة إلَاّ بالله العلي العظيم

"اللّهم بأسمائك الحسنى، وصفاتك العُلى، نسألك أن تتوب علينا توبةً لا تغضب علينا بعدها أبداً، اللّهم يا راحِم ضَعف المستضعفين، ويا جابرَ كَسر المنكسرين، يا مجيب دعوة المضطرين، نسألك أن تصلح أحوالنا، اللّهم لا تَرُدَّنا بعد توبتنا خائبين، ولا من رحمتك مَطرودين، وتقبّل منّا إنّك أنت السميع العليم يا رب العالمين".

⁣💌 وصلتك رسالة جديدة
⏱ وقت الرسالة: 2023/09/13 - 12:39:48 AM
----
في لحظة
أقرب من حبل الوريد؟
الدنيا غرتنا وركبنا مع الموجة وكل حد غارق في مشاغله
بعدنا عن الدين وعن كل شي يخصه وكل مرة الإسلام يتلاشى في المسلمين
مش رح نقول الكفار ليهم رب كريم الفئة هذيكا

(المسلمين )
الدين تلاشى وبدي عند البعض والأغلب والاكككثر أسم بس
انشغلنا وخدتنا الدنيا بالملذات وعلى رأسهم النت
أكثر جيل مظلوم أكثر جيل ضايع أكثر جيل باعد على دينه
شفتوا؟؟؟
مانبيش نتكلم على أي دولة
دولتنا وبلادنا شفتوها؟؟؟
درنة
(ربما ضارة نافعة )ركز على العبارة هاذي
تقول وين النافعة في الموضوع!
صح ناس ماتت والأمر كارثي
لكن في من كان غارق في الشهوات وهايم في نعيم الدنيا
أكبر مثال الطالب الجامعي مثلا
اكبر همه إمتحانه يفوت على خير ويصفي وينجح
لا ولو ماتحصلناش على درجة كويسة نوعا ما ننقهروا ونبكوا احياناا
عندنا أكبر همنا
لكن قصة درنة اهني توعيككك تقولك يافلانة نووووضي نوووووضي وين غاطسة في الدنيا الفانية تقولك تخايلي روحك في مكانهم
اهني انت تراجعي نفسك
رح تحمدي ربك على أنه وقضك من الغفلة
بجديات ياريت ياريت ياريت الكل يخدم على آخرته
الوجيج يلي اديري فيه يافلانة ويافلان ابعد عليه ياخوتي ياعباد الله يامسلمين يا أمة محمد عليه الصلاة والسلام
أرجوكم أرجوكم لطفاً ابعدوا على الشهوات خافوا الله خافوا الله صونوا نفسكم
في لحظة ربي ياخد أمانته وتمشي
كلام كان في خاطري وحبيت نقوله وكان حايس هلبا وداخل في بعضه لكن شاركت بيه


السؤال لو كان دانيال للغرب وربي خدي امانتك يا فلان ويافلانة جاهز تقابل ربك؟
----

✅ بوت صارحني الأساسي : @SY8Bot 🤖

"كل ما تألف وجود نعمة تذكر أن غيرك يتمناها"

سامحوا وحبوا بعضكم، الدنيا فانـية وكُلنا راحلون…
اللهم حُسن الخاتمـة.