وداساته

تخيلوا لدرجة مرة عندي عمتي كنت نحبها هلبااا وقبل لا تسافر كانت قاعدة عندنا المهم اليوم يلي بتسافر فيه نضت معاها الصبح وتيت معاها كل شيء تحتاجه وكانت عندها توكة نستها عندنا

التوكة هذه عليها شكل وردة خديت الوردة بروحها وحطيتها في الصندوق وكنت كل ما نستاحشها نمشي للوردة هاديكا

ولما راح الصندوق يلي فيه كل شيء حرفياً قعدت نبكي قريب بالك أسبوع

ولتوا فيا العادة هذه

نلقط في الحاجات يلي تذكرني بموقف معين أو يوم معين

عندي شنطة فيها حاجات وذكريات جميلة جدا، الشنطة هذه حتى لما سافرت رفعتها معاي

نحب حاجاتي يقعدوا معاي

وحي حي كان مانلقاهمش بنفس الترتيب يلي في راسي

تركبني حالة نفسية

وهذا باش نحب الورق

أكثر شيء يحتفظ بالذكريات هو الورق

نحب المذكرات بشكل غريب، عندي حد يهديني مذكرة كأنه جابلي الدنيا كلها

مرة بنت تقرأ معاي جابتلي مذكرة، يخي ممكن قعدت سعيدة بيها السنة كلها

أول مرة نهدرز في القناة وأنا مرتاحة

It's good to be heard

أحمد شوقي:

"قف دون رأيك في الحياة مجاهدًا
إن الحياة عقيدةٌ وجهاد"

"دَقاتُ قَلبِ المَرءِ قائِلَة لَهُ إِنّ الحَياةَ دَقائِق وَثَواني
فَإرفَع لِنَفسِكَ بَعدَ مَوتِكَ ذِكرَها فَالذِكرُ لِلإِنسانِ عُمرٌ ثاني."