I hate the fact that I get attached to things even tho I know they have to end

كتاباتي وكراساتي والشناطي متاعي قاعدات لتوا

متعلقة بيهم هلبااااااا

لما كنت صغيرة

بالك لما كنت صف رابع أو خامس

المهم في العمر هذا كان عندي صندوق

ملقطه فيه كل شيء عجبني في حياتي

وداساته

تخيلوا لدرجة مرة عندي عمتي كنت نحبها هلبااا وقبل لا تسافر كانت قاعدة عندنا المهم اليوم يلي بتسافر فيه نضت معاها الصبح وتيت معاها كل شيء تحتاجه وكانت عندها توكة نستها عندنا

التوكة هذه عليها شكل وردة خديت الوردة بروحها وحطيتها في الصندوق وكنت كل ما نستاحشها نمشي للوردة هاديكا

ولما راح الصندوق يلي فيه كل شيء حرفياً قعدت نبكي قريب بالك أسبوع

ولتوا فيا العادة هذه

نلقط في الحاجات يلي تذكرني بموقف معين أو يوم معين

عندي شنطة فيها حاجات وذكريات جميلة جدا، الشنطة هذه حتى لما سافرت رفعتها معاي

نحب حاجاتي يقعدوا معاي

وحي حي كان مانلقاهمش بنفس الترتيب يلي في راسي

تركبني حالة نفسية

وهذا باش نحب الورق

أكثر شيء يحتفظ بالذكريات هو الورق

نحب المذكرات بشكل غريب، عندي حد يهديني مذكرة كأنه جابلي الدنيا كلها