#زواج_عرفي
-١٠-

صحيت بعد الضهر من تعب السفر والارهاق 😂😂 .. حسيت بي طمام ما عادي وكنت مكسلة .. جيت طالعة ..
ماما ماما ..
شادن انا بي جاي ..
ماما صباحك ورد وفل زييك يا احلا ام في الدنيا ..
قعدت تضحك قالت لي العصر قرب بعد كدا .. ابوك جاب ليك فرشة السواك امشي اتسوكي والفطور غتيتو ليك في المطبخ انا ماشة لي جارتنا بي جاي كسرت يدها ولي هسي ما مشيت ليها ..
يا ماما انتظريني اتسوك وامشي معاك ..
تمشي معاي شنو انا ما صدقته تجي تقعدي لي اقدر اطلع .. ساعة زمن وبجي الحق اخت الحلل في النار ..شالت توبا لبستو وطلعت ..
😠😠😠😠 يعني ما ممكن انا جيت اتحبس هنا ولا شنو .. مشيت اتسوكته وجيت اكلته وشربت لي عصير .. دخلته جوه بطني كانت قالبة كدا بس رقدته وجري قمته تاني مشيت المغسلة استفرغته الاكلتو كلوو .. حسيت بي دوخة وحمي رجعته رقدته .. بردته لما اتغطيت .. قمته شلته الريحة بمووووت فيها زي الادمان مرات بجيني احساس اشربها 😂😂 بقعد اتمطق عدييل لما ارشها فيني بتمسكني حالة كدا ..
ماما غابت نص ساعة وجات معاها مرا لقتني فاتحة التلفزيون وقاعدة ..
شادن قومي سلمي علي خالتك عوضية جيرانا بي الحيطة وقت عرفتك جيتي جات تسلم عليك ..
اهلييين يا خالتو ..
حمدالله علي السلامة البركة الجيتي تساعدي امك دي الشقاوة ساي بقت ما مريحاها وحابساها في البيت ..
قربت اقول ليها شنو هو البنات ديل بس الله خلقنا للبيت والنضافة والمساعدة .. احسن تسكتي يا شادن ..
ماما قالت لي سوي عصير لي خالتك .. طبعا بكره المراسيل وحكاية قومي سوي واعملي دي ..
قلت ليها حاضر ..
دخلته وبقيت بطنطن انا الجابني شنو شكلا ح تكون ايام سودا ومهببة وح اتقلب خدامة في البيت دا ..
جبت العصير ختيتو ليها اتفضلي ي خالتو ..
اها مافي عريس كدا ولا كدا يا منال نفرح بالبنية ..
عايزة اقول ليها لا ..
ماما لفحت الكلام وقالت ليها والله عادل ودخالة امي مغترب مال وهدوم اتقدم ليها .. واها منتظرنو يجي بس هسع ..
المرا قالت ليها اجييي لكن سبقونا عليها والله انا كنت دايراها لي ولدي معتصم بنفتش ليه لي عروس وانتو مننا وفينا بقيتو ..
ماما قالت ليها تقولي شنو انتو في العين والراس لكن القسمة .. كل شي قسمة ..
اتحرقته واتمليت الساعة ديك لكن بقيت كاتمة الغيظة .. هسي كان رديت المرا بتقول اني ما مربية ..
قالت لي مالك وشك مورم كدي جيتي عيانة ولا شنو ..
قلت ليها صحيت هسي من النوم ي خالتو والجو سخن هنا .. وتعب السفر..
قالت لي اي والله امك قالت لي جيتو ستة صباحا ..
غايتو النسوان ديل اي شي بحبن يعلقن ويتدخلن فيه دا البزهجني وبكرهني حياتي ..
قمته دخلته جوه لانو الونسة ما عجبتني ..
النبي يا منال شوفي لي عريس من بنات اهلكم ديل ولا صاحبات شادن بنية تكون حليونة كدي..
والله القي ليك ما اقصر منك .. شادن دي ما عندها صاحبات هنا يادوبا جات ..
خليها تطلع علي الفريق مليان بنيات تتعرف عليهن .
سمح ان شاءالله بجيبا لما اجي عليكن ..
اها ما بستغي النمشي علي البيت ..
ماما جاتني جوه ..
قلت ليها هسي يا ماما في داعي توري الناس دي كلها بالاسمو عادل دا ..
قالت لي مالو يابتي فرحانة ليك وعايزاك تعرسي واشيل اولادك في يدي ..
يا ماما بس مستعجلة علي لشنو هسي وبعدين انا قاعدة شهرين وراجعة مصر تاني استلم شهادتي واشوف لي شغل هناك ..
طق ماما ضربت يدها علي صدرها وشهقت وووب سجم خشمي انتي بتقولي في شنو اوعي ناصر يسمعك تقولي كدا .. قرايتك دي هناك براها ورانا الويل عايزة يضبحك المرة دي ..
يعني شنو ي ماما مستقبلي يقيف لحدي هنا ويتدمر .. زي ما مشيت المرة الاولي عن طريق بابا .. المرة دي ح امشي برضو وماف زول حا يمنعني ..
يا شادن الله يهديك ما تعملي لي مشاكل مع اخوك كفاية الفضايح البعملا لينا هو .. عرسي وامشي مع راجلك تاني ماف زول بسألك ..
والبضمن شنو انو ما يكون زي ناصر؟ كان صاحبو اكيد ح يكونو شبهينا واتلاقينا ...
كدي العني الشيطان وكلها يومين يجو البيت قالو .. امس جا من السفر ..
شنو وانتي من وين عرفتي ..
اتصلت بي امو الليلة وكلمتني قالت لي جايينكم زيارة ..
قلت ليها قالو زيارة ..
قالت لي بتعرفي شنو انتي حاجات النسوان دي بنعرفا .. المرا جايبة الولد يشوفك وهي ذاتا تشوفك .. انتي بس اتلحلحي لي كدا واقشري كويس .. وقت انا كنت قدرك عليم الله الرجال جاريين وراي .. بري منكن بنات الزمن دا ما زيينا ..
في سري قلت ليها ما عارفة ساي انتي ما خالين لينا ولد ما مصاحبنو وشغالين القرف بي وراكم ..
فجأة بطني قامت علي تاني قمته جري استفرغته ..
ماما اتخلعت مالك في شنو ..
قلت ليها دا شكلو الجو والاكل الاكلتو ما نفعو معاي بطني واجعاني ..
قالت لي النضرب لي ابوك يجي يوديك الدكتور ..
قلت ليها بخلعة 😮😮 لالا دكتور شنو عندي حبوب هسي ببلع منها ببقي كويسة مغص عادي دا ..
قالت لي ما تبلعي ساي يضروك الحبوب دي كعبة احسن النوديك لي الدكتور ..
قلت ليها يا ماما كويسة انا معقول امشي عشان شوية مغص .. بع

دين انا عاي

لكن العروس كان ما اتحبست بي الدخان تبقي ما عروس 😠..
اتدخن كيف وانا يادوب حامل في الشهر الاول ..
بيتنا بقي نادي بس النسوان داخلات طالعات يعرفن الحاصل من ماما .. دخلته غرفتي وقفلت الباب لاني بكره الاسئلة الكتيرة ..
الايام عدت سريع وما كان في اي اتصال من عادل وانا نسيت موضوع الشريحة نهائي بالاحداث الحصلت دي وما رجعته لي اصحابي في مصر اتواصل معاهم واطمنهم وكنت مشتاقة ليهم كتير خصوصا توحة واشرف ..
عادل ولا كلف نفسو يتصل بي يقول لي محتاجة شنو وهو عارف انو في حنة وكوفير ..
قلت لي ماما عادل اتصل وقال لي اطلع عشان موديني الكوفير ارسم حنة ..
فرحت الام شفتها في عيونها بس من جواي كنت مكسورة شديد ..
معليش لاني كذبت عليك يا ماما وشلت قروشك بتاعة فستان الخطوبة مشيت لي كوفير اسعارو معقولة كدا حننوني واجرت منهم توب البسو والمكياج اتفقت بعملو براي استأذنتهم البس عندهم ويجي يسوقني .. دا كلو تحاشيا لي كلام الناس وافرح ماما لانها ما كانت رضيانة اعرس سريع سريع كدا ..
رجعت البيت وكنت فرحانة نص فرحة بس زغرودة ماما فرحتني كمان لما شافت حنتي ..
من التعب نمته علي طول ما صحيت الا تاني يوم وبين الحلم والحقيقة الليلة عقدي ..
من الصباح ماما قلبت البيت نضافة وريحة البخور والفرش الجديد .. جو اهلنا القراب قراب ..
اكلت شي علي السريع عشان اذوغ من الناس وامشي الكوفير بدري جهزته كل مكياجاتي وحاجاتي في الشنطة وكلمته ماما اني ح اشيل تلفونها وطلعته ..
في الشارع اتصلت بي عادل بس ما رد علي ..
اتصلت مرتين وتلاتة واربعة .. خفته يكون نطه ولا حاجة وبقت يدي في قلبي ..
في النهاية رسلت ليه رسالة اسم الكوفير ال حا يجي يسوقني منو بعد العقد ..
دخلته الكوفير وكان تعاملهم راقي معاي اتونسته ونسة ظريفة مع اشبينة جات مع أختها العروس نستني لحظات التوتر والخوف الكنت فيها ..
دقيقة دقيقة هسي نحن من قبيل بنتونس ولا اتعارفنا دخلنا شمال في بعض علي طول ..
قعدته اضحك وقلت ليها الونسة معاك حلوة والصراحة انتي بتدخلي القلب سريع 😊😊
انا اسمي شادن إمام
وانا اسمي عُلا الفاضل الليلة عرس اختي وانتي يا مزة 😉
ضحكته علي كلمتها دي لانها زكرتني توحة بتقولا لي طوالي ..
قالت لي مالك ضحكتي بالجد انتي مزة وعسل منقط كمان ..
قلت ليها لالا بس زكرتيني بي صاحبتي في مصر بتقول لي الكلمة دي ..
اخدتنا الونسة وتقريبا نص تفاصيلنا حكيناها لي بعض وما قصرت معاي نهائي مكيجتني ولبستني التوب زي كأني اختها 😢.. الزمن مر لما نسينا روحنا .. وقت عاينت للساعة اتخلعته لقيتا اتنين ونص.. ونطيت زيادة مع رنة التلفون ..
عادل 😮 كنت خايفة ارد واسمع خبر ما حلو ..
ا الوو
جاي عليك وقت اعمل ليك مسكول تطلعي وقفل بدون يسمع حتي ردي شنو ..
انتظرته عشرة دقايق وزي ما قال لي .. بس قبل اطلع سجلت رقم عُلا واتواعدنا نتواصل .. زغردو لي وطلعوني بره احرجني شديد وقت وقف جمب باب العربية وما جاني .. عُلا تقول حست بي ساقتني من يدي وهمست لي مالو راجلك دا ثقيل كدا ولا شكلو متوتر زيادة .. فتحت لي الباب وركبته وودعتهم بي يدي ..
ماف حد اتكلم مع التاني.. كان سايق براه وما معاه اي زول تقول ماشين جنازة ..
وصلنا ودق بوري والزغاريد قامت ..
جاتني ماما اول زول حضنتني وقالتت لي الف مبرووووك حبيبتي بيت مال وعيال يارب .. دموعي نزلو عرفته انهم عقدو لي وهو ما اتصل ولا قال لي شي ..
شادن الف مبرووووك يا زوجة اخوي العسل وسلمت علي بي حنية ..
الله يبارك فيك يا فاتن ..
فاتن: راجلك الثقيل دا حلف ما يسوقنا نتصور معاكم 😠😠 تقول ما عرسو الليلة صاري وزهجان كدا انتو متشاكلين ولا شنو الاتنين قالبين خلقتكم ..
لالا بس متوترين ساي..
فاتن: يابت توتر شنو دا الليلة يومك اتدلعي ساي فيه وجرتني من يدي قعدتني في الكنبة ومشت جابت اخوها جاراه قعدتو جمبي ..
دق دق قلبي كان بدق ..
فاتن: هيي شنو ابتسمو نحن م في بيت بكا والله .. عايزة اصوركم صورة حلوة ..
الاتنين كنا مكشرين ..
فاتن جات ومسكت يدي ودخلتها في يد عادل .. تقول قرصتو عقرب جرا يدو بي قوة مني قدام الناس ونهر فاتن ..
الله دي شنو حركات الاطفال دي يافاتن ما قلت ليك ما عايز اتصور ما بتفهمي انتي ..
زعلته لي فاتن شديد وحسيت بي احراجها ودمعتها قربت تنزل ..
بقت الناس تعاين لينا وهو طلع علي طول ..
معليش ي فتونة الليلة عادل اعصابو بايظة شديد ما تزعلي منو ..
هسي بحس بي غلطو وبجيك يراضيك هو بحبك كتييير والله ..
فاتن: ما زعلانة منو ولا حاجة
قعدنا نتونس وجو بعد شوية الرجال قالو بعد كدا العريس ماشي طلعو العروس ..
بقيت مخنوقة ما عايزة امشي من عذاب لي عذاب اشد .. بس غصبا عني .. طلعوني بالزغاريد ركب

ته العربية واتل

فته اعاين لي ماما وبابا واخر حضن منهم مسكت فيهم شديد ما كنت ماشة ..
اختفو ورجعت قعدته عديل في الكرسي وكالعادة ساكتين لما وصلنا الشقة بتاعتو .. مد لي المفتاح قال لي اطلعي براك انا ماشي مشوار ..
ما بقدر افتح خشمي معاه من سكات شلتو ونزل

زة لي شريحة اشتغل بيها هنا واتواصل بيها مع اصحابي..
بكلم ليك ابوك اجيب ليك واحدة لما يجي ..
بعد دخلته الغرفة تاني جيت طالعة يا ماما يا ماما..
اها في شنو
انتي الود اسمو عادل منو ..
قالت لي عادل عبدالله.. ما هسي ما قلتي ما طايقاه وضحكت علي ..
اصلي ما طايقاه ما تفهمي غلط ساي قلت احتمال اسم ابوه شين ما اقع ساي ودخلته ..
فتحت اللابتوب اتصلته بالشبكة ودخلت الفيس كتبته الاسم جوني عادل عبدالله كتااااار 😂😂😂 ما عرفته ياتو عادل فيهم .. يبقي مجبورة انتظرهم يجو واستفسر منو اشوفو عامل كيف .. كان ما طفشتك ياعادل ما ابقي شادن ..
عدت يومين وماما ما باقي ليها الا تطلع تعزم الناس وتقول ليهم عرسي عدييل😠😠 الليلة من الصباح مشت فتشت ليها شغالة وجات قلبت البيت دا كلو ..
كح كح كح يا ماما والله حرام عليك خنقتيني دا كلو عشان ضيوف جايين ..
انتي اسكتي بدل تقومي تساعديني محشورة لي جوه تتونس بالواتس اليوم كلو ..
تعالي هنا وريني عايزة تلبسي شنو ..
عايزة البس عباية اصلي دخلت الاسلام من الليلة ..😌😌😌
الساعة ماما تجرني من اضاني .. امشي قدامي ..
اي اي يا ماما بتقطعي لي اضااني 😢😢 اسكتي وامشي قدامي .. كرب فتحت الدولاب وجدع جدع طلعت نص الفساتين وقفت غزت يديها في وسطها واختارت لي فستان كحلي بي دهبي جدعتو لي قالت لي صلحي مكوتو والبسيه .. واكوي شعرك دا ملفلفاه لي كعكات كدا .. اتلحلحي لي يابت ما تهردي فشفاشي بت واحدة وعايزة تجلطيني ..
😂😂😂 ياماما العايز اعرس منو مش انا .. انا متنازلة ما عاااايزة ما عايزة ..<br>
سمح يا شادن خلاص انستري لي اليوم دا ..
مر الوقت والمغرب جا .. لبسته الفستان معاه شبط دهبي .. قعدته في التوليت طلعته مكياجاتي اتمكيج .. فجأة سمعته تيت تيت .. جاتني امي شكلهم جو انتي لي هسي ما انتهيتي .. خلاص يا ماما انتهيت قربته .. طلعت خلتني وسريع سريع عملت شوية مكياج وطلعت لي خصل وتش تش اتريحته وختيت الطرحة في راسي وقعدته ..
سامعة صوت نسوان ازييك يا منال الله يسلمك الله يبارك فيك .. الله يسلمك .. اتفضلو اتفضل .. حصلت صنة كدا شوية اسمع صوت ماما يا شادن شادن شادن ..
ماما دي كان ما خطبوني الليلة دي بتموت ..😠
جيت طالعة .. السلام عليكم وسلمت عليهم كانو مرتين ومعاهم بت في عمرنا كدا تكون .. درسوني دراسة النسوان .. قعدته شوية وقمته دخلته المطبخ العصير جاهز كبيتو في الكبايات .. جا ناصر شال للرجال وجبت للنسوان .. عدت نص الساعة عملت االشاي وكنت مرهقة جد وراسي دايخ وما طايقة نفسي بقيت زهجته ..
البت المعاهم قامت جات قعدت جمبي .. ما صدقته قلت ليها تدخلي معاي غرفتي .. قالت لي طوالي انا ما بحب ونسة النسوان دي ..
دخلنا قالت لي انا اسمي فاتن درسته اعلام اتخرجته هسي ..
قلت ليها انا كمان يادوب خريجة درسته سياحة في مصر ..
عليك الله حظك ياخ طلعتي بره البلد الفقر دي ..
😂😂😂 قلت ليها يازولة شكلها كاتمة معاك..
قالت لي اسكتي بس شديد كمان..
عدي الوقت سريع والصراحة حبيت فاتن وشكلنا ح نبقي صحبة لانها تتحب وتدخل القلب .
وقت جو طالعين .. بابا جا قدمنا لي عادل وابوه واخوه .. سلمنا علي الابو والاخو .بابا قال دا عادل سلم علي خالتك يابني ..
عيني وقعت في عينو لما قلبي عمل شح .. لما طلعو حسيت بيه مركز معاي .. فاتن قرصتني في بطن يدي ابسطي يا بت شكلو السنارة غمزت 😂😂
قلت ليها سنارة شنو؟
قالت لي اول مرة اشوف اخوي بعاين لي بت بالطريقة دي .. استعدي معناها الاسبوع الجاي خطوبتك ..
قلبي بقي بدق دق دق دق من الخوف ياربي انا اعمل شنو اتصرف كيف دي نهايتي شكلها .. بقيت خلاص سارحة وبفكر في الاجهاض ...
يتبع
بـ✒فاطمة قسم الله

" #رأيتها و حالها #يشكو الهُزال ، فسألتها من #تعشقين..؟
من ذا الذي #جرح الفؤاد و #مزقه
من ذا الذي #قطع الزيارة و #الوصال
و أذاب #جفنك في #الليالي و #أرقه ،
من ذا الذي خان #الوفاء بلا #سؤال...
هجر #الحبيب و دمع #عينك أغدقه ."☹️💙".

هل لديك حبيبة صديقة
وتحادثها دائما💙
ام انك وحيد 💔..؟

.


" لا تخبر احدا ً بمعاصيك لسببين
اولا ً ليست مجالا ً للفخر ،
ثانياً البشر لا ينسون وإن تبت .!
-

-يورغي بويكا

.



‏"إن الموهبة في حاجة إلى حب .. إنها في حاجة أن تُفهم."

دوستويفسكی

.



سأظل أناضل لاسترجاع الوطن لانه حقي وماضيّ ومستقبلي الوحيد… لأن لي فيه شجرة وغيمة وظل وشمس تتوقد وغيوم تمطر الخصب… وجذور تستعصي على القلع.


❇️غسان كنفاني, 

ما فيها شي .. لو سألت الناس من أسباب تغيرهم عليك ، لو سعيت بصدق واهتمام انك تفهم.
حتى وانت فاهم او حاسس ، أسأل و برئ ذمتك ، الما قالوهو ليك بلسانهم ما تعتبرو واقع !
إذا ربنا العليم بكل شئ ، سأل إبليس :
( ما منعك أن تسجد؟ )
و لما قال ليهو الاسباب ، و معاها ( انظرني ) .. ربنا سبحانه وتعالى قال له ( إنك من المنظرين ).
نحنا شنو؟ وكبرياءنا شنو الماسكين فيهو قوي عشان من فوق نحكم على دواخل الناس بدون إحاطة و دراية بظروفهم و المدسوس في قلوبهم..؟
الما قال ليك ظرفو و نواياهو بلسانو ، ما تقول الفيهو اتعرفت ..!
#دوشكا

فى العلاقات عموما ًما تفتش على الزول العارف البسعدك فبعملو ، فتش على اللى عارف البيضايقك فبتجنبو وخت خطوط كتير هنا !
نقطة انتهى.

سامعك من زمآن شاكي الشتات والفرقة
مآلك لما جيت طولتا قآطع المرقة؟

بغريك بالسلام رغم الدروب مفترقة
تتلفت ورآك حتى السلام بالسرقة!
💜🎶

.


وعلى نياتهم يرزقون
تخيل حجم نقائي الذي جاء بك لي !❤

.


اﻹنسان المشبع بالتجارب السيئة يفقد حسن النية رغما عنه 💁

وخرجتُ من كُل المعارك هكذا
وخرجت من كل القصائد
لستَ أملك غير قلب مُنكسر

- روضة الحاج

الرجل في أسمى حالات الحُب، يُحبُّ بقلبٍ شديد التأثر، يحصي الساعات، يختلقُ الأعذار، يستفيضُ في الأمانيّ، يفرطُ في الإهتمام، يغنّي، يرقص، ويحدّث عن محبوبه الرفاق بوجهٍ مشرقٍ وعينين ذائبتين..ويكادُ وجههُ يتورّدُ حين يُسألُ عنها..
فالرجلُ في أسمى حالات الحبّ يحبُّ بقلبِ أنثى.

Mohammed Doshka


#مسألة_مبدأ

بالامس كانت المره الاولي التي انظر فيها الي عينيه مباشرة وعن مسافة لاباس بها
لا أعلم ماحدث لي وقتها كل ما اعرفه هو انني ذهبت الي عالم اخر عالم الجمال والسحر فلعينيه لمعه تسحر وتجعلك تفقد عقلك في ثواني 💔
الا انني استجمعت قواي وشتت نظري بعيد عن تلك العدسات السود والمقلتين الواسعتين ولكن قلبي بالتاكيد كان ملتفتا 🌸💜
و عن عينيه ف علي قلبي السلام ❤
لم أر اجمل منهما في حياتي ؛ لا ادري ربما ايضا لانهما عينى ملهمي لذلك جعلتني اجن بها هكذا 😍❤


#عزيزي عينيك والله جميلة 💜


#بقلمي

#mayada

_ للناس المرتبطين 💘
الفاكرين علاقتهم ح تستمر ع طول 💞
انتو قايلين الاغاني الحزينة دي عملوها لي منو مآ ليكم😂😂😂🐸❌👋 😂

انك تعمل "اسكرين" لزول وترسلو ليهو بالغلط ده تالت اكبر وجع بعد الولاده والحريق 😂💔

في ذاتنا، تحت جلودنا ، في أكثر بُقع أرواحنا خصوصية ، هناك حتماً آخرون .. لسنا وحدنا

💛

شوراعنا ينقصها الحب والفن، ينقصها العازفون والناس المبتسمة، ينقصها أناس لا يتدخلون في شؤون غيرهم، شوراعنا بشعة! 💔