روايه#في_نوفمبر

#في_نوڤمبر
الجزء الاول ..بقلم/سحر سمير ..
*في 10/مايو/2017*
*عم عوض
_و عليكم السلام
*عليك الله اديني طحنية بخمسة وجبنه بخمسة وسجلهم عندك
_هي لكن يا بتي كدا دينك كتر
*مم م معلييش يا عمي عوض انا خخلاص لقيت شغل و بسد ليك ان شاء الله بس ااصبر علي
_ صابر يا بتي صاابر ربنا يفرجا عليكي
.. شلت طحنيتي و جبنتي و مشيت ، لاقوني بتين ، وقفوني في الشارع ، وحده فيهم قالت لي : انتي مش الساكنة ف الشقه الفيها عمود الارسال؟ هزيت راسي=ايوة ، و دايرة امشي ،قالت لي سمح مالك ما بتمرقي علي الجيران ؟ قلت ليهم بجي عليكم ، بببجي علليككم .. و جري مشيت ،وانا اصلا ما بعرفهم ولا بعرف بيتهم وين ،، وحده فيهم قالت للتانيه والله ي نضال البت دي ما طبيعيه ، يا مهبوشة يا كك يا منفسنة ، اصلها ما بتجلي من التلاته ديل ، قالت ليها انحنا مالنا ومالها ي زولة كل فهمي حانه عليها زاتو كيف اهلها سايبنها تقعد براها كداا ، الله اعلم ظروف الناس شنو ..

انا وصلت البيت جدعت التوب ، ماشة اكل كداا تلفوني رن ،، طنشت اول مكالمة و ختيت الجبنة والطحنية وعندي عيشة وحته بايتات من يومين جبتهم ، تاني التلفون رن ،، مشيت سحبتو من الشاحن ،، اوووووووف اووف يا الله ياخ المرة النقناقه دي انا اسي اسوي شنو اوف كل الحجج والاعذار كملتها . توكلت علي الله ح ارد وخلاص ..
* احم ، الوووو خالة سعاد والله صحي الطيب عن ذكره
_ سحر ، من غير مقدمات ، المبلغ جاهز ؟
* ماا ممم مااما مم....
_ مممم مم شنو يا سحر دا الشهر الرابع يا بت الناس ، لمن اناي ما قدر الايجار بتأجري ليه ؟ دا اكل عيشي ، شوفي هنا قدامك اسبوع انا تجيني قروشي يا تشيلي قشك دا و تتخارجي برا البيت .... " قفلت السكة "
انا لمن غلبني ابلع ريقي ، قعدت ومسكت راسي .....

حصل في شهر نوڤمبر2016

يمة انا عايزة اعرف حاجه ، اسي الولد دا شافني وين ؟ قالت لي شوفي يا سحر اهم حاجه في الزواج خم نسابتك يا بتي و الولد دا امو نقتك واختارتك انتي من ضمن بنات الحلة ديل كلهن ، و بعدين اناي دايرة شنو ؟ جامعتك و خلصتيها و عريس زي دا النصيحه ما بنفات ، يا بتي اسمعيني هنا و فتحي لي اضانك دي سسسممح هااا ، قالوليك اكبر منك بيووم يعرف عنك بسنة هااا ، انا امك دي يا سحر لو ما متاكدة انك حتعيشي مرتاحه و تمرقينا معاك من المستنقع العايشين فيهو لينا سنين داا ، انا ما بوافق علي العرس داا ، انتي ضناي مستحيل ارميك في النار يا بت بطني ، هاا وقع ليك ؟
بعد سمعت كلام داا ، فكرتا قلت آني كدي كدي خلصت جامعه و قاعده و حتي يا كافي البلا عمري ما حبيت زي البنات لا ود جيران لا قريب لا بعيد ، البمنعني شنو ؟ اصلي استخارة و امري علي الله ، قبل اسردلكم الاحداث الحصلت معاي بعرفكم علي :
انا سحر عمري 26 سنة ، من الجزيرة كت بمش الخرطوم للجامعه ، قعدت في داخليه يعني ما عندي تفاصيل كتيرة ف الجامعه غير اني طيرة و بومة و ماشه دفر لكن بعد دا اتخرجت بتقدير جيد ، وانا الوحيده ف اخواني متعلمة ، انحنا بنمش الخرطوم وقعدت فيها اكتر من الجزيرة ، انا اكبر وحدة ف البنات ، عندي سلمي و سناء اصغر مني و عندنا سليمان دا اكبر مني مغترب سعوديه، واحمد دا جنو جكس وبنات قاعد في الخرطوم عند خالتي ، وابوي راجل كبير و شغلو كل يوم بيومو ويوم زاتو بكون مافي ،، اهاا يلا الجماعه قالو يا عرس 😳
الناس دي كلها فرحانه الا انا فرحانه لكن مقلقه ، انا الزول دا ما بعرفو ولا حتي جا شافني ولا شفتو و كان كلام الناس الكبار من اسرتو واسرتي وكدي , لامن سألت امي ، قالت لي الولد دا مغترب سعوديه زي سليمان اخوكي و ما بيقدر يجي الا بعد اسبوع ياهو يوم الحنه ، وهو قال موافق ،، قلت ليها خير يمة .. اهاا مسكوني ليكم دخان و خلطتا و شي وشويات و حاجات كل زول يجي يجلبطني من طرف ، لمن جاا قبل حنتي بيوم امي قالت لي محمد دا قالو جاا غايتو ،، في سري قلت بعد شنو خلاص العرس و حيتم اشوفو وقت اشوفو ما فرقت ، اها اليوم القالو جا فيهوو دا جا قعد مع ابوي واعمامي وخيلاني ف المضيفه وبقا مارق ، يلا جا يوم الحنه و بنات صحبات امي الجيران و الناس البيت دا محل تختي رجلك ما تلقي ، جو ناس اول مرة في حياتي اشوفهم و دلوكة و زغاريت تقول يا ليل ..
بعد ما الناس هججت ورقصت تمام ، امي قالت لي محمد دا قال داير يقعد معاك ، والله من التوتر رجفيبة مسكتني ، م عارفه زي البعرفو وخايفة اني م اعجبو او يحصل شي يكسر قلبي و قلب اهلي ، رغم اني ربنا قسم لي من الجمال المعقول ، كل شي فيني كان وسط الا شعري داا ابوي بقول لي دا ورث من اجدادنا كان طويل بزياده ، المهم ختيت طرحه فوق راسي ولفيتا مع فستاني البسيط و طلعت بخطوات واثقه ..
انا اصلا طبيعتي مبتسمة حتي لو زول اتشاكل معاي بكون مبتسمه ما برود فيني والله لكن من جواي متسامحه لدرجة انتو ما حتتخيلوهاا ،،
دخلت المضيفه كنت مدنقرة و نبهت وجود ب السلام عليكم ، وهو كان قاعد في كرسي تاني ضهرو ومدنقر في تلفونو ، رد لي السلام وهو مدنقر حتي

ما كلف نفسه يرفع راسه يعاين لي ، قعدت في اقرب كرسي ولا عاينت ليهو لان حركتو زعلتني شديد ، ساكتين ،،
و فجاه حسيت دا عدم احترام لي ، قمت علي حيلي وقلت ليهو عن اذنك ،، جيت امشي ، قالي لحظة اقعدي ، اسف بس كان عندي حاجه ف التلفون بعتذر شديد والله ، اسف وقام علي حيلو واشر لي علي مكان كنت قاعده ، قالي اتفضلي اقعد و فضل يكرر اسفو لمن قعدت ،، هنا انا من جواي اتراضيت تماماً وعذرتو ،، فضل يعاين فيني لمن خجلتا والله لمن حس بي اتوترتا ، قالي لي اسف بس سبحان الخلقك والله ، و يا ستي انا جيت ابارك لبنا واقوليك ربنا يتم لينا علي خير واشوفك لو محتاجه حاجه ، و بالمرة تشوفيني دا حقك ،، قلت ليهو لا كله تمام تسلم ، ابتسم ابتسامة كداا حركت مشاعري لاول مرة ، و صراحه وجيه الولد لمن احلاا مني ،، وفات طلع ، انا يادب نفسيتي ارتاحت ،، اهاااا جا اليوم الموعود يوم العرس ..
يومي زي يوم اي عروسه كوافير و زحمة وجوطة و قلق وتوتر ، بس من جواي كان ف شي غلط ، خصوصا لمن بلغوني بان العقد ام ، هنا انا كأن قلبي اتشق نصين ..
بس كذبت احساسي لمن وصلنا مكان العرس طبعا انا ما عندي صحبات غير بت خالتي وف الخرطوم عندها امتحانات م حضرن ،
العرس تم علي اكمل وجهه بس احساسي م اتغير ،، لمن ودعونا و اتحركنا علي وين والله م كنت عارفه .. وانحنا في العربيه
ابتدا يدردش معاي ، ويهزر وكداا ، قالي درستي شنو انتي صح امي قالت لي جامعيه،، قلت ليهو معدات طبيعه ، قالي مجال واسع وصراحه انا محظوظ بيكي و مبسوط والله اخيراً لقيت عدلي و البت الحتسعدني ، مسك يدي بكل حنان والله ، قالي انتي عارفه ان الليله مصادف عير ميلادي ،، قلت ليهو جدددد انت حددت يوم زواجنا متعمد يعني ؟ قالي لا والله ي سحر صدفه ،، قلت ليهو احلا صدفه والله و عمر مديد و بدايه سنة سعيده عليك ، قالي اكيييد سعيده بيكي ،، قلت ليهو اهااا و حتكمل كم سنه ؟ قالي تديني كم ؟
قلت ليهو اممممم م عارفه ، قالي حاولي ياخ ، لكن انتي شكلك سغنونة ، ضحكت قلت ليهوو 26 سنة ، هو فهم اني خمنت عمرو و قلت ليهو 26 سنة ، انا قصدتا عمري اناا ، قام اتخلع قالي ياخ حرام عليكي ظلمتيني عايني لوشي داا كويس معقول اكون 26 سنة كان كدا عجزت عديل ،، انا هناااااااا
ما قادرة ما قادرة اوصف ليكم احساسي ، انصدمت اتبكمتا م قدرتا ....... انتو عارفين دا معناتو شنو ؟؟؟؟؟

استككانة☕~

نتلاقا ف الجزء التاني
يتبع .......

اقل من 18 سنة ، اتجاوز الجزء دااا لو سمحت ، دا 🔞

#في_نوڤمبر ، الجزء الثاني ،، بقلم/سحر سمير

ما قادرة ما قادرة اوصف ليكم احساسي ، انصدمت اتبكمتا م قدرتا ....... انتو عارفين دا معناتو شنو ؟؟؟؟؟
دااا معناتو انو محمد دا اصغر مني، يا اما الزول دا بهزر ، كتمتا و وشي قلب و سكتا منو خلااااص ، خلااااااص حتكلم اقول شنوو ،، طيب قلت في سري معقول ما سأل ابوي ولا اي زول ولا امه ما سألت امي ، طيب لمن عقد مش في بطاقتي وفيها تاريخ ميلادي ، معقول ما شافا ، وحاتكم انا الدموع دي وصلت رموشي وبقاوي فيهااا ،، هو لاحظ لي قالي كل دا تفكييييير ، ي زوله المهم الصحه والعافيه الاعمار دي مجرد عداد ، ساي ، ارتحتا وحات الله ارتحت بس انا زاتي من جواي نفسي دي ما قابله الموضوع دا انا كبنت م حقبل راجلي يكون اصغر مني ، م جاتني راحه ابدااا والله م عرفت اتصرف كل القلت ليهو ربنا يمتعك بالصحه ويطول عمرك ،، سكت ،لمن وصلنا كان بيت كدا نضيف و حلو شكلو مؤقت وبكرة بنسافر الخرطوم والباقي ف علم الغيب ، نزلنا فتح الباب و دخلنا ، كنا بملابس الجرتق ،، التوتر ظاهر فيني واظنو لاحظ الحاجه دي بس اكيد حيفهم اني مقلقه بسبب حاجه تانيه كلنا عارفنها 🌚 ، المهم دخل حاجاتنا و قالي لي غيري و تعالي عسان ناكل ، قلت ليهو ما باكل بعد 12 اكل انت ، قالي ولا انا بس جعان ، قلت ليهو هنياّ ، الغرف بي وين ولا اخش كيف ؟ قالي اخر غرفه من هناا ،،
مشيت شلت غياري واطول حاجه عندي ، استحميت لبستهاا ، ورقدتا من الارهاق اتخيلو صحيت الصباح الساعه 9،
اتخلعتا وهو مافي ججمبي ، مشيت استحميت وصليت طلعت افتش البيت دا كلووو ما لقيتو ، والجوعه كاتلاني م عندي حل غير انتظره ، اهااا فجاه سمعت االباب من جاا داخل قال لي اوووه الناس النوامة ، خاشي و محمل اكياس ، اتحرجتا والله من نومتي ، قلت ليهو صباح الخير ، قالي صباح النور ، قالي يلا انحنا ياداب نحصل ناكل ونقوم نجهز بعد دا نمش الخرطوم ، قلت ليهو تمام ، اهاا قعدنا اكلنا و لملمت مكان الاكل ، قالي لي خلي الجدله و الحاجات الامك مؤجراها هنا هم بجو يشيلوها ، قلت ليهو تمام ، اها مشيت لبست لي كدا بنطلون ومعاهو شي كدي لبعد الركبه ولفيت طرحتي ، عاين لي بأستغراب م فهمتا نظرتو ، اهاا اتحركنا و وطول السكة تلفونو دا ما نزل من يدو حتي م اتونس معاي الا مرات مرات ، وصلنا الفندق هلكانين ، وصلين قريب المغربيات ، برضو رقدنا الاتنين نمنا ما صحينا الا تاني يوم العصر ، هو صحا قبلي ، قالي يلا يلا نلف الخرطوم دي كعب داير والليله عندي شلتي عازمننا ، اجهزي ،، مشيت لبست لي اسكرت دبل كلوش وبلوزة كداا ،، برضو اداني النظرة ديك ، قالي لي صراحه يا سحر انتي كل حاجه فيكي سمحه يعني بسسس ،،، قلتلو كمل ، قالي لبسك بلدي و بعدين انتي عروس اللبسي كداا وشعرك دا للان انا راجلك دا ما شفتوو ، قلت ليهو بس انا محجبه ولبسي كداا ، قالي لمن جيتي الفندق شفتي وحدة مبهدله كدا زيك ، نططتا عيوني قلت ليهو مبهدله ، اهاا بس انا كداا مبهدله و ما حغير نفسي بالغلط عشان ارضيك ما عاجبك نقعد بلاهو الطلوع ،، طبعا اتصدم من طريقتي ردي انا اصلا من موضوع العمر داك م مرتاحه و واقفه علي الهبشه ،، اها قالي اسف اللبسي البريحك بس بلاش اللبسه دي حاسي اني ماشي مع خاله و بعدين انحنا لسه صغار و انتي حلاتك حرام تدسي الحلاة دي ،، و ما عارفه حصل ليهو شنو ، وابتداا يقرب علي ، انا يا بنات اي نعم اتعلمت ودرست بس غشيمة ، كنت دايماً بعيده عن اساسيات الحياه ، عندي قناعه ان كل شي حلاوتو في وقتو بس اكتشفت اني كنت غلطانه شديد ،، بقيت اقوليهو انت مالك نفسك دا قايم كداا و عينو بس في صدري ، قلت ليهوو محمد زح كداا انت مجنون ولا شنو ،، وهو زي الاطرش
( اقل من 18 سنة اتجاوز الجزئيه دي)
بس بقيت انا ببعدد، وانتو عارفين غرف الفنادق ضيقه كيف بس دي كانت واسعه بس وقتها حسيت انها كوز صلصه ،، انا لمن بقيت ابكي و بس شابكاهو ابعد عني ، اخر المطاف السرير كان وراي و لذاني ، وجا واقع كتفني بقوتو ، وانا من الخلعه لمن حيلي مات ، بقيت ساكته و سكوتي خلاهو فهم انه استسلام او تبادل مني ، بس ما خلاا فيني حته سليمة ،كل حته في جسمي كان فيخا كدمة م عدا وشي بالجد عنف اذاني نفساً ، وخصوصا بعد حصل الموضوع دااك و مسكت فيني هستيريه ان الدم دا من اثر العنف ، يمكن م تصدقو وحدة في عمري ما عندها اي معلومات بس والله زي م بقوليكم كداا ،، بعدها بقيت شايفاهو عشرة عشرة و متألمة الم م عادي ، قالي لي الموضوع بسيط م مستاهل دا كلوو ولو ما قاويتيني م كان حصل ليك كداا و بضحك فيني ، انا اقسم بالله قربت اجدعو بشي و اشق ليهو راسو نصين بس قلت ف سري اروق ، قالي يلا ي مرتي بعد دا نمرق ، قلت ليها م قادرة ، قالي بطلي دلع عشان م اجي اعيدو تان

ي ،، من قال كداا لبست لي درس ضيق بس م شديد مخطط ابيض بي اسود و لبست عالي و طقمت بالاحمر ، عشان بس م اعند و يأذيني تاني ، حتي اول مرة ما احجب الطرحه ،، اهاا من شافني فتح خشمو ، قالي ايوة كداا اقدر اتباهي بيكي قدام اصحابي ،، سكت
طلعناا وحقيقي تعبانه شديد م حاسه بالحولي و منفسنه لدرجة م تتخيلوها دا وحش ، انا خايفه ح انوم تاني كيف ، اهاا جانا ملاكي لحد باب الفندق ، ونزل سلم علينا سلام حار ، و ما مد يدو سلم لي من بعيد بكل احترام حتي عيونو ف الارض ، ة قالي مبروك ي عروس تتهنو يا رب ،، و قالينا اركبو ارح الجماعه مستنين ،، ركبنا و م عارفه ليه كنت منبهرة بشخصيه صحبو دا ،كدا محترم وكلامو بأدب وموزون م بيستخدم مصطلحات ' الراندوك ' عكس محمد ، قاليهو زوجتك دي ماشاء الله هاديه بس ي رب تستاهلاا ، قاليهو مالي ناقصني شنوو ، وقعدو يضحكو ، لمن وصلنا كانو قاعدين زي في طاوله كل واحد جاري معاهو مرتو ما عدا اتنين الجابنا و واحد تاني اسمو حمدتو م بعرف كان دلع ولا اسم ، سلمنا عليهم كلهم وكلهم كانو بعاينو لي زي البتفحصوني كداا ونظرات م قدرتا افهما لاني م اختلطت بناس كميه ، ناسي محدودين ، اهاا ف اللحظة دي اتصلت علي مروة لو تتزكروها صحبتي وبت خالتي بتقرا هنا ف الخرطوم زي م وريتكم ، اطمنت علي بس حست من صوتي ف حاجه وانا اختصرتها ،، اها جابو العشا اتعشيناا ، و بدو يتونسوو ،، وحدة من الحريم ديل جرت كرسيها وجات جمبي و قربت من اضاني ، قالت لي خليكي طبيعيه ظاهر فيك ،، بخلعه ومن غير م احس بصوت عالي ، قلت ليها ظاهر فيني شنو ؟ّ
قالت لي وطي صوتك ، عاينت ليها ، قالت لي اناي فاهماني خليكي عاديه دا حال اي عروس ، عاينت ليها وسكت وزحيت منهاا ،، فجااه اتفاجانا بي ناس داخلين علينا وجايطين و اولهم بنت شايله تورته وداخله علينا و وراها شباب و كلهم بصوت واحد Happy Birthday to mohamed , happy birth to You ,, وكلهم من الخلعه قامو الا انا لاصقه في الكرسي و مخلوعه ، والهدايا والتهاني ، قام جا جمبي صاحب محمد الجابنا بالعربيه اسمو ' بكري ' قالي ي عروس امشي جمب راجلك م شايفه المزز ديل ، انا اصلا فاصله والجات داخله بالتورته دي سلمت سلام حار و هديتا ظاهر عليها فخمة شديد ، انا بس مخلوعه ودايرة استوعب ، بعدها قعدوو ،وانا كنت جنب محمد ، قطعو الكيكة و الونسه بدت الكل بتونس الا انا بسمع فيهم و ساكته ، والله تعبانه بس دايرة امشي وكان مشيت زاتو خايفه ، بس حمدتو داا سألو قاليهو اها دي الشمعه الكم ، ضحك محمد قاليهو شباب ي زول ، ردت البت ديك قالت ليهو هوووي الرجال اكعب مننا ما بيحبو يقولو عمرهم لكن انحنا عادي بنقول ، واحد قاليهاا عكستيها والله انا اسي 29 كو كروو البمنع شنوو ، بس انتي تقدري تقولي عمرك ، قالت ليهو 23 سنة و فتحت الشنطة وجدعت ليهو البطاقه ، قالت لي شان م تقول بصغر في نفسي ، بس للاسف النقاش ما وقف هناا ، فجاه سالتني قالت لي وانتي ي عروس شكلك صغيرة والله عمرك كم ؟ ولا زي ناس كدا ما بقولو ،، قلت ليها العمر دا واحد ، انا عمري 26 سنة
و يا ريتني ما قلتاااا ،، محمد عاين لي قالي بطلي هزار البت جاده معاكي ، قلت ليهو 26 اهزر في شنوو ،، بس وعينكم م تشوف الا النور والله ي بنات ، دفر الكرسي بوراهو لمن وقع ، قالي كيف يعني 26 ، جا بكري مسكو من يدو قاليهو محمد في شنو ي زول براحة ، وانا دموعي سالن والكل مخلوع في محمد ، قاليهو انت ما سامعا قالت شنو ؟ قاليهو قالت شنو يعني بنات بتونسو انت مالك ، بس جا علي ومسكني من طرحتي لمن وقعا ف الارض والله قالي قولي انك بتهزري ، قوولي قووولي ويلذ فيني بقوتو ، الا مسكوهو مني وانا بس ببكي ، و بقا يكورك فيني قدام الناس ، يعني انا متزوج وحدة اكبر مني بسنة ولا اتنين زاتو ، حسبي الله فيكي و في اهلك ، دبسوني فيك يا عجوز ،اناا،،، اووووووف
اوووف ،حسبي الله فيكي ، تلقي بايرة
ما صدقتي تلقي عريس مغترب يطلعك من الوسخ الكنتي فيهووو، تفي عليكي الله ينعلك ، الله ينعلك ................

في ختام الجزء دااا ، وقفت حروفي عن التعبير ، حقيقي ،، كل الحقولو ليكم ، نتلاقا ف الجزء التالت ان شاء المولى عز وجل
'سحر سمير' استككانة🍹~

يتبع ..........

#في_نوڤمبر
الجزء الثالث ، بقلم/سحر سمير

اووووووف
اوووف ،حسبي الله فيكي ، تلقي بايرة
ما صدقتي تلقي عريس مغترب يطلعك من الوسخ الكنتي فيهووو، تفي عليكي الله ينعلك ، الله ينعلك ياخ ، بس بقا يكةرك في بكري ، ياخ فكني يا زول فك يدي ،، و منظر الموجودين بالجد كان في منتهي البشاعه طبعا كل اتنين مسكو اضنين بعض و قطيعه ما عدا البت الكانت سبب في السوال اللي هي جات داخله بالكيكة اسمها ( سارة )
جرت وراهو وبتقةليهو محمد انتظرني ي محمد اقيف يا زول هدي ،، و انا حالي لا حول منه ولا قوة ، الراجل المفروض يستر عرضه اليوم عمل حاجات ما قادرة استوعبا ما زلت واقفه بدون طرحه و شعري و صدري براا ، كمية الالم والله والله ما بتنحكي ، اسوأ يوم في حياتي ، بس وقعت ف الواطه قدام الناس و قعدتا ومسكت راسي و مسكتني هستيرية ضحك ما طبيعيه ، بقيت اقول ، ااااخ يا كسرة قلبك يا امي اااخ يا امي يا العرستي لي وكنتي قايله اني عرست راجل يريحني و يتقي الله فيني ، ااااخ يا امي اااخ الله ما شفتي بتك ما شفتي الحصل لي وحيده ، امشي وين ولا اجي وين بس انا بقيت ببكي و زول كلف خاطرو يجيني مافي ، غير بكري ، جاا قعد علي رجولو و حاول يقومني و بقيت بدفر فيهو جاتني نفسيه من زول يقرب علي بخاف و برجف بس ببكي و اقول يارب يارب يا ريت لو خلقتني تراب ولا اني عشت اليوم دا يا الله ، بكري قال لي سحر وحدي الله ، و ببكي و امعط في شعري ما واعيه دخلت ف حاله ما يعلم بيها الا الله ، و دا مسكين يقول لي سحر وحدي ربك الحمدلله اهلك عايشين و بصحة وانتي بخير و كسرة النفس ربنا بيجبراا ، البوصل شنو للمرحله دي ياما عرسان في ليلة زواجهم حصل طلاق عديل ، وحدة قالت ليهو هي ناقصه يا بكري دا كلام تهدي بيها ، قاليها دي الحقيقه و الضعف ما حبوابو لازم تواجه الواقع عشان تقدر تعيش و يمكن بعد داا ربك يقدر و يرجعو دي لحظة شيطان ، والله انا من سمعتو بقول اننا نرجع ، انا بقيت بصرخ باعلا حسي بقول في شنو ما عارفه بس والله دخلت ف حاله صدمة م معروفه حتوصلني لحد وين ، بس بكري دا يسكت فيني واتلمو فيني يقوموني و رغم اني رقيقه لكن كنت بقاويهم زي الابسني شيطان لمن بكري دا لطشني كف قال لي مجنونة انتي عايزة تفقدي عقلك ، حتي يادوب فهمت الحاصل ، كتمتا ،، قوموني ساقتني المرة الاتكلمت معاي ديك ركبوني عربيه بكري ، اث و شغل قران في العربيه اقسم بالله خت يدو الزول دا علي جبهتي وقعد يرقي لي ، و يقراااا ، لدرجة نمته ف العربيه و بعدها اتحركنا ، وصل الفندق واتصل علي محمد قاليهو انا تحت ، المهم خلاني نايمة ف العربيه بس شبه واعيه باتصالو و كلامو ، محند نزل ليهو فتحت عيني لقيتهم واقفين في ناصيه و بتناقشو ومتنرفزين ، انا بطني وجعتني م كان عندي حل غير اطلع الغرفه ، مشيت و الفلاش بتاع الاسانصير والمفتاح مع محمد والنسخه في الاستقبال ، مشيت الاستقبال قلت ليهم انا رجعت من بيت اهلنا و م لقيت محمد محتاجه اطلع الغرفه ، طلع معاي واحد فتح لي و طلعني ، فتحت الباب حق الغرفه ودخلت بس للاسف لقيت الغرفه فيها ساره اااي ساررة ولابسه رووب و تحتو قميص نوم انا اخجل اللبسو ، من شافتني عملت فيها مخلوعه ، انا نهائي م اتصدمتا بس كنت حاسه من الوهله الاولي اي نعم ما للدرجة دي بس محمد مات في نظري، م اتكلمت معاها ، فتحت شنطه طلعت لي عبايه و قميص و دخلت الحمام ، لبستا و والله ولا سألتها ولا فتحت خشمي معاها ،، شلت شنطة يدي و جيت امرق قالت لي علي فكرة انا الاولي وزوجة محمد ،، م كنت حرد و كملت طريقي ، و تاني اتلفت عليها و قلت ليها : لو معتبرك بت ناس كان جاهر بيك ، لكن برام ماشه في درب مضلم، اي انتي الاولي سراً وانا التانيه جهراً
اتأملي فيهاا ، و بقايا صيد الذئاب لا تأكله سوى الكلاب ، قلت ليها #جر وبعد مشيت اتلفت عليها تاني ، قلت ليها : كرشك طالع برااا ... ومشيت و خليت وشها دا جاب ستين لوون ،،
نزلتا تحت اتصلت علي مروة ، الكلام دا كان 10 بليل ، قلت ليها انا جاياكي اسي ، قالت لي مالك في شنو ؟ قلت ليها رسلي العنوان ف رساله ،، فعلاّ رسلتوو .. مشيت علي عربيه بكري لقيتو ماف ، عاينت لقيتهم لسه بتناقشو .. مشيت عليهم وماف زول منتبه ، لمن قربت منهم ،، سمعت بكري بقوليهو ، حرام عليك دي كمان بنت ناس و ليها اهل و غريبه هناا انت ليه بتعمل كداا واصلو م كنت قايلك انسان سطحي كدااا ، محمد قاليهو انا ما دايرة وحطلقاا يا بكري ،، جيت بأبتسامة قلت ليهو يا ريت ما تتاخر ولا اقوليك اسي دا ارمي علي اليمين ، اتخلع و بكزي زاتو اتخلع خلاني ف العربيه و فجاه غيرتا و كأني زوله تانيه ،، محمد ابتدا يتمتم ، قلت ليهو مالك خايف ؟ طلقني وريني رجالتك ، قالي احترمي نفسك انا راجل غصب عنك ، قعدت اضحك قلت ليهو راجل الا كان علي نفسك لكن م علي اناا ، و شنبك داا خاتي في وشك برواز ، بس بصوت عالي قالي سسسحر الزمي ادبك ، قربتا منو ومديت ليهو صباعي ، قلت ليهوو اووووووع تجيب سيرة الاداب عشان انت ما عندك ذرة ادب ولا تربيه

ولا اخلاق ، بكري دا بقا سكتم بكتم بس بعاين ويقولينا وطو صوتكم الناس ف الشارع ، بس محمد مد يدو داير يضربني ، قلت ليهو ابقا ود ابوك واسمك محمد وراجل من ضهر راجل مد يدك تاني اقسم بالله يا محمد اكسراا واعلقا ليك في رقبتك دلايه قسسسم بالله يمين م يقع الارض ،، بكري قالي لي سحر م صح الكلام داا ، قلت ليهو يعني صح العملو معاي ي بكري اسكت انت م عارف حاجه انا الجواي كتير دا بدل يخجل علي دمووو ،،
و زولكم زانو اتصدم فيني ، يا بنات دايرة اقوليكم حاجه ، دايماً اتعلمو من وجعكم ما تخلي الوجعه والصدمة تضعفك استقليهاا لصالحك خليخا تقويك ، مافي بنت ضعيفه و ما بتقدر تسوي حاجه ، انحنا بطبعناا اذا ختينا شي في راسنا بنسويهو ، فكري كداا في مواقف حياتك الفاتت اتزكري حاجه انتي ختيتيها ف راسك و وصلتي ليها بأرادتك و حتعرفي قد ايه كلامي دا صح ومنطقي ..
اهاا درت ضهري ودايرة امشي
اتزكرت سارة قلت ليهو صح شيلتك فوق وفي كم قميص كداا خلي سارة تلبسهم ليك غايتوو الكرشة مشكله ، لكن يلااا م مشكله بطلعو حلوين فيهااا ،
انصدم انا عرفت موضوع سارة دا كيف ومتين وبكري بقوليهو محمد دا كلام شنوو و نا بيرد ، قلت ليهو طبعاا ما حيرد ّبس بوريك اناا ، الاستاذ عامل علاقه ولا متزوجا م بعرف ،، مشيت علي شارع الظلط الساعه جات قريب 11 ، جاني بكري كتر خيرو قالي سحر الزمن متاخر حتمشي وين ، قلت ليهو الله في سماهو وانا في ارضو ، قالي ونعم بالله بس الزمن متاخر ، طلعت التلفون واديتو ليهو قلت ليهو العنوان دا قريب من هناا ؟
قالي ساعه الا ربع من هنا ،، قلت ليهو توصلني ؟ قالي اركبي ،، و وحاتكم محمد ولافكر يسالني ماشه وين وعارفني م عندي زول هنا واهلي ف البلد وحتي خالتي الهنا م بقدر امشي عليها وانا عروس وكلام الناس م بنتهي ، فاا اخدت قرار جووااي ..في سرد التفاصيل بتعرفوو ..
اتحركنا وطول الطريق ساكتين ، بقيت اهبش ف الراديوو طبزتاا ، قالي لحظة بشغلو ليكي ، شغلو علي القران ، لمن وصلناا ، اتصلت بمروة جاتني ، و مستغربه دا منو المعاي داا ، حسيت بكري شايل همي ، قالي حتعملي شنو ؟ قلت ليهو م تشيل همي بتفرج و شكراا ليك كتير والله ي بكري م عارفه اجازيك كيف ما قصرتا معاي ، قالي سحر م منتظر شكر ف النهايه انتي ااااا .... وسكت
قلت ليهوو ربنا بهونه يلا اتوكل انت عشان الزمن ، قالي طيب ف امان الله ومشاا ..
اها استلمتني مروة بس م اتكلمت كتير لانو حست بي ما تمام ، يلا دخلنا ف الداخليه زي شقه مشتركة مع بنات وكداا و م ف سرير زياده ف رقدتا جمبهاا ..
قمنا الصباح ، قبل حتي احكي ليها وانا ف الحمام سمعت البنات بنقنو ، انحنا نلقصين ضيق دي كمان جابت لينا وحدة زياده و الاكل وكل حاجه علي قدرنا ياداب مكفيانا ، وحدة ردت عليها قالت ليهاا ي زوله نكلم المسؤله تمرقا هي ومروة ،، انا هنااا اتألمتا شديد و الله ، و طلعت زي الما سمعت حاجه ، وحسيت مروة شايله الهم حتي الفطور ما فطرت عشان انا افطرر ،،
قلت ليهاا حاسه بيكي و عارفه ،،
بس جات المشرفه ولا الزوله المسؤله دي خاشه بالله عامله زي مديرة المدرسه ، جات وجهت كلاما لي مروة ، قالت ليها يعني انتي يا مروة ما عارفه تعليمات السكن داا ، طبعا مروة دي زولة الله و مسكينه شديد ، قالت ليها لا عارفاها كويس بس لو جاتك بت هالتك واختك ف وقت متاخر من الليل في بلد غريبه و ما بتعرف غيرك و احتاجت ليكي ، حتخليها ف الشارع يعني ؟ و ثم تانياً هي عملت ليكم شنو ولا ضايقتكم في شنوو ، شالت سرير وحدة فيكم ؟
قللت من فطوركم بحاجه ؟ ضايقتكم ف الحمام ؟ ،، بالله يا استاذة ما تبقو ناس ضاغطين وكل واحد يفرض سلطتو ، الظروف م معروفه يمكن ربنا يختكم في موقفا دي ، فاا عشان كداا اعملو خير ، عسان تلقوو ، قدام ،، انا بسمع وانا مبتسمة زي م وريتكم م برود مني بس انا كنت عارفه دا حيحصل وعمري م حكون سبب في مشكله لمروة ،، خليتهم سكتوو ،، قامت قالت لي ، لو سمحتي شروط السكن ما متحمله شخص اضافي و امشي اطلعي براااا ، و مدت صباعا اتجاه الباب ، مرو نطت قالت ليها تمشي وين يعني ، قالت ليها بهرشه ان شاءالله تمش السماء الاحمر ما شغلتي بيها ، بنات يجو انصاص الليالي ، ديل بنات شنو غير بنات ليل ،، و بس عينكم م تشوف الا النور و والله مروة ما عملت اي فرامل و طرااااااااخ بي كف واحد جابتا واطة ..............( بقلم/سحر سمير)

استككانة🍟🍹~
نتلاقاا في الجزء الاخير ❤
يتبع ..... لو في توقعات ارح انا اصلا متابعه تعليقاتكم ❤❤

ممكن تزلك و تهينك لصالحك و من الكسر تحولي لقوة و تستغلي كل حاجة لصالحك ، و بالجد ربنا بيعوضنا من ورا كل وجعه و قهر فرح كبير بنتظرنا ، يمكن انا ربنا دخل محمد حياتي عشان بسببو انا اقدر ابني حياتي و اسعد اهلي واقيف معاهم ، وسبحان مسبب الاسباب ، ربنا خت في يدي مصدر رزق عمري م اتخيلت اني ممكن اسويها و متاكدة قبل زواجي من محمد ، ولا كان حيخطر ف بالي اني اشتغل و كنت حكسل نفسي ان لو عملتا مثلا سمن مافي زول بشتري و ما حينجح و حقعد احبط في نفسي و حالنا عمرو م كان حيتغير ،، انا حالياً ممتنة و شاكرة رب العالمين ان بعد كل ضعف بيزرع جوانا القوة ، بعد كل كسر بيزرع جوانا الثقه ،، اتعلمتا كتير و استفدت كتير من الحصل لي ، و الاحلا و الاجمل من كل دا ان لمن زول يعرف قيمتك وربنا يخلي الدنيا تلف و يجيب ليكي زمن معين ويديكي الفرصه انك تاخدي حقك ،
و فعلا دا الحصل لي ،،،،
في يوم جمعه كنته في البلد الكلام دا العصر ، مفرشين سرايرنا وجبنتنا و ونستنا ، الباب خبط و كانت ام محمد ،، دخلت سلمت و محمد برا ف الشارع ،، اتفاحات بامه بتقول لي امشي علي المضيفه محمد داير يتكلم معاكي ،، قلت ليها محمد منو ؟ تاني قلت ليها اهااا خير ؟ قالت لي امشي ، قلت ليها تمام ، استاذنت من امي وابوي و مشيت و الكلام دا في حضور ابوي ، لبست توبي و مشيت لقيتو واقف و طبعا ابوي ما طايقو لاني حكيت ليهم كل الحصل منه ، انا قعدت و قلت ليهو اتفضل اقعد من احترامنا للضيف ما بنخلي يقيف ، (و دا ضرب بالبارد انه انسان م محترم) .. قالي لا ما حقعد بس جيت اعتزر منك ، قلت ليهو الاعتزار حيسوي شنو ؟ قالي يمكن يجبر خاطرك ، قلت ليهو رب العالمين سبحانه و تعالى هو جبار الخواطر ، و جبر بخاطري حمدلله ، تاني عندك شي ؟
قالي اديني فرصه نرجع واعوضك والله انا انسان م كعب ، قعدت اضحك قلت ليهو ولو كنت كعب كان عملت شنوو ؟ اقوليك شي ي محمد انا عندي ولي ، و حخلي كلام رجال ، قلت ليهو اتفضل ي ابوي رد علي طلب محمد ، قالي لا بي ردي المرة الفاتت ظلمتك ، قلت ليهو بس متاكدة المرة دي ما حتظلمني ، اديهو قولك يابا ،، قاليهو ما عندي ليك بنت ، وكان خلصت خلي الباب متاكا نشم الهواااا ،، قلت ليهو سمعتت صح ،، و مشيت بهناك تمينا جبنتنا و ونستنااا ...
و بعدها سليمان اخوي رجع بعد قرارت السعوديه و سبحان الله ربنا رحعو و مصدر رزقو كان فاتح و بقا شريك معانا ، و شغلنا ماش ف زياده بفضل رب العالمين ،، بعدها باسبوع راجعه البلد يوم الخميس اتفاجاتا بي رجال وناس في صالونااا ، دخلت بي باب الحريم ،، الا اتفاجأ انه بكري واهلو ف الصالون وجا طلبني للزواج ، رغم اني عارفه بكري بس م استعجلت في قراري ابداا و بعد شهر اديتو موافقتي ، و اتخطبنا مبدئياً و حمدلله علاقتنا ماشة كل يوم للاقوى و م حصل احتجتو ومالقيتو بالجد من اول وهله كان راجل معاي ، والحمدلله الذي بنعمته تتم الصالحات ....... و زواجنا في نوفمبر 2017 باذن الله .. وارجع اقوليكم / وكتر خير العترة العدلت ميلة روحنا وخلت شكل المشية عديلة..

❤ امسكو في عترتكم قوي ، و اقيفو ألف،، و ابقو الصمووود

تمت❤(بقلم سحر سمير)

نتلاقااا في روايه جديده باذن الله و لسه الباب مفتوح الحابين يشاركوني بقصصهم ، و دعم هواة الكتابة والتأليف ، كمان الباب مفتوح ليكم ،، دمتم بحب ❤

#في_نوڤمبر
/ الجزء الاخير / بقلم سحر سمير
......
و بس عينكم م تشوف الا النور و والله مروة ما عملت اي فرامل و طرااااااااخ بي كف واحد جابتا واطه ، انا م عرفت اسوي شنوو قلت ليها مروة دا شنووو ، والبنات جو جارين علي مشرفتهم رفعوها ، مروة قالت ليها انحنا بنات ناس محترمات ماف داعي تغلطي تخلي الواحد يعمل تصرف غصب عنه ، م اتكلمت ديك بس متاكدة ختت مروة في راسا ، المهم انا لبست و شلت شنطتي قلت ليها يلا ودعتكم الله ، مروة قالت لي لحظة ، هي كمان لبست وجات معاي ، قلت ليها ماشه وين انتي ، المهم مروة عندها معرفه بي خالة صحبتا كلمتا و اجرت لي الشقه الاسي قاعده فيها دي و بقت تطل علي و طبعا قعدت فيها اكتر من شهر، وعايشه علي السلف و الايجار اتردم علي ،، اسي انا حكيت ليكم الحقل معاي من سنه في نوفمبر بعد زواجي انا رفضت ارجع اهلي مخيبه امالهم و قررت لازم اعمل ليهم حاجه ،، حاليا في مايو 2016
بعد اتصلت بي يت الشقه ودايرة حقها شلت الهم خصوصا انها حددت لي المدة اسبوع ، اكلت الجبنه والطحنيه الشلتهم من الدكان و لبست عبايتي وطلعت ، في محل حلويات كان امس مشيت ليهم اني اشتغل معاهم ومواعيدي الليله ياهو مشيت عليهم ، كان شغلتي نضافه مع ان الشغل دا كلو بقدر عليهو قلت م مشكله اتحمل رغم الاهانه و التوجيهات الكانت بتلاقيني ، لكن كنت صابرة فوق طاقتي اشتغلت شهرين سددت ديني ، و شلت جزو من الراتب بقيت بشتري من اللباني لبن اعملو روب ومنه سمن و جبنة ، الحاجات زي انحنا من قمنا لقينا حبوباتنا بعملوهاا ، و كنت بوزعا و ما كل الدكاكين بشيلو مني ، المهم كنت مقضيه اموري كداا ، لحد ماف يوم جاني اتصال من بكري ،، و قعد يلوم فيني انتي وين واهلك و ما عارفه شنو ، قلت ليهو جبت رقمي من وين ؟ بحكم اني غيرت شريحتي ،، قالي مشيت الداخليه الوصلتك ليها واصريت علي مروة تديني الرقم ، قلت ليهو انا بخير ي بكري ، قالي واهلك يا سحر ، قلت ليهو بكري دي حاجه تخصني ، قالي قاعده عندك شنو بت براها تعيش كدا دا كلام شنوو ، قلت ليهو دا خياري وانا عارفه نفسي بسوي في شنوو ، قالي خلاص لازم نتلاقا ، حاولتا اتملص منو بكذا طريقه م قدرتاا ،، قلت ليهو بكرة بعد دوامي ،، فعلاا لاقيتو انا نسيت شكلو عديل سبحان الله ، اتكلم معاي نفس الكلام ان اهلي و كداا من ما اتزوجت م بيعرفو عني شي ،، قلت ليهو انا عايزة اصلح ةصعي وحاليا ماشه كويس فترة بسيطه وبرجع البلد ، قالي بس ف حاجه انتي ما حسبتي حسابا ، قلت ليهو شنو ؟ قالي بعد خلافكم باسبوع محمد رسل ورقة طلاقك لاهلك يعني اهلك عارفين ،، مسكت راسي وقعدت و انا الكنت خايفه عليهم وكنت حابه احكي ليهم بطريقتي ، بالجد محمد دا ابشع انسان عرفتو بكرهو لدرجة ما تتخيلوها ، لدرجة بعد بعدت كنت بصلي ليل و نهار اني ما اطلع حامل منه و حمدلله ربنا استجاب لي دعاي ،، اها الكلام جاب الكلام و بكري عرف حاجات الالبان البسويها و لقيت انه شغال علي مصنع بس بتاع جبنة مضفرة بقيت زي الغريق البتعلق بي قشه ، بس سكتاا ولقيتو هو طلب مني اشتغل بمجهودي و ما اعتبرا مساعداا سواء سمن ولا جبن عاديه ولا روب بمجهودي و تنزل السوق عادي باسم المصنع ،، طبعا اتحمست و اجتهدت اكتر بكتير لدرجة الليل م كنتت بنوموو وانا بشتغل والله مرت علي ايام م عارفه احكيها ليكم كيف ، بالجد عرفت قيمة القرش الحلال و قدر ايه ابوي دا تعب عليناا ، قيمتا الحاجه دي شديد ،،
بقيت ف البيت اعمل شغلي و في واحد بجي بشيلهم من قدام البيت و يوصلهم المصنع و الناقص بتمو لي ،، في الفترة دي ما اكذب عليكم نشأت بينا علاقه حب جميله انا وبكري بس ماف زول فينا صرح للتاني بس من خلال التعامل الحسن والاخلاق ،، مرت الايام و وضعي مادياً بفا فوق الممتاز و خشيت صناديق وجمعت قروش كويسه ، و رجعت بلدناا ،، م عارفه احكي ليكم كيف ، لهفت امي علي واخواني وابوي ، رغم زعلهم مني انبوني شديد بس والله لو كانو عرفو حجم الوجع الكان جواي م كانو لاموني وكانو عذروني ، بس بقيت مكرسة حياتي لاهلي و شغلي واني اساعدهم ، حتي سليمان اخوي م بيقصر بس انا الشلت الجزء الاكبر من الحمل دا ، صلحت وضعنا في المعقول ، و بعدها بكري فتح محل فرع تاني و انا كنت شريكتو بالمادة و العمل و كنت ايام الاسبوع ف الخرطوم و خميس وجمعه ف البلد وارجع السبت وهكذاا ، رغم ان امي اعترضت علي الوضع دا بس كنت مرتاحا و شاغله نفسي ، عشان مافي وحدة تسالني من محمد انا م بعرف عنو حاجه من وقتها ، بس امو كل م تشوفني تعتذر لي و تبكي ، و تلوم نفسها ، اااي هي ام برضو و ما عليها لووم واصلي ما شلت جواي ضغينه نوحها ،، و لمن وضعنا اتصلح
جاني بكري في يوم كنت ف المحل قالي مرتاحه ؟ قلت ليهو تمام الراحه حمدلله ، قالي دا العاجبني فيكي انك طموحه و مافي بنت بتتحمل كل دا و مسؤليه رجال ، قلت ليهو الزمن بيجبر بس م حسيت اني تعبت انا بنيت نفسي بكل حب و محل الكسر عملتو جبر ،، و دا الدايرة اقولو ليكم يا بنات ، انكم تستغلوو حاجاتكم الشينه و المواقفه ال

رأيكم في الروايه

يأتي بها الله ، إن الله لطيف خبير

رددها عشر ♥️

َ





في اولاد ولا بنات تلقي ابوهم ملاك في شكل انسان وهم زباله .. يلا ديل بنطبق عليهم المثل السوداني : (النار بتلد الرماد) زيي كده #امثال_سودانيه





َ

َ





"كان عشقتا أعشق قمر؛ وكان سرقتا أسرق جمل" #أمثال_سودانية





َ

َ





الأبرة ما بتشيل خيطين والقلب مابيسع اتنين #أمثال_سودانية





َ

• ﴿ ؏ــن حُزنڪ ؟ 💭🌿 ﴾
• ﴿ هناڪ صلاۿﮧ 🌸💛
• ﴿ ؏ــن ضيقتڪ الفُجائيۿﮧ ؟ 💜🌎
• ﴿ هناڪ قرآن 🌕☁️
• ﴿ ؏ــن أمنياتڪ المستقبليۿﮧ ؟ 💛✨
• ﴿ هناك د؏ــاء 🌸🐚
• ﴿ ؏ــن النـ؏ـيم الأبدي ؟ 🌻🦋
• ﴿ هناڪ جنّۿﮧ 🌹✨💫

هو الذي يؤدي الي #تقدم البلاد ونهضتها 😐
ممايؤدي الي نهضة #البلاد وتقدمها 🌚👻🔪

لمن تجي تألف في #الامتحان وانت

ماناقش حنانك 😂💔ديل ناس #الرباط الأيام دي=d

يا جماعه اي زول فيكم بعرف ليو مريض عندو سكري وما قادر انو يشتري الدواء بتاعو تكلمو ب انو يوم11/14 توزيع الادويه مجانا ل مرضي السكري في الحديقه الدوليه من الساعه 7 صباحا للعصر
والعايز يعمل فحص برضو موجود
والعايز ادويه برضو موجوده
منقول من شباب النجده
شير في الخير

ﻭَ ﻝِ ﻳﺸﻬَﺪ مًسـآئي ; ﺏِ ﺃﻧﻲ ﺍُﺣِﺒﻚ ,, ﻭَ ﺃﻛﺮﻩ ﻏﻴﺂﺑﻚ ,, ﻭَ ﺁﻏَﺂﺭ ﻣِﻦ ﻛُﻞْ ﻣَﺂ ﺣﻮﻟﻚ !

وماذا يعني انك لم تعد الصديق المفضل لصديقك المفضل ؟.