~
فرق الحنين من زول بريدك بى صدق "
كل ماا طرااك بالفرحة يضحك و ينشرق "
وانت الهناك لا حن قلبك لا شفق "
🌸🎵

_


ايدين بنيات الفريق
ان داهم الحلال خطر
قادرات علي شيل السلاح ❤

والرفيق ما بمنع الخيبات تجيك لكنو بجبر ليك خاطرك وبسندك ساعة النزيف 💜

جمعة مباركة للجميع ♥️
اللهم صَل وسلم على سيدنا محمد ♥️
وعلى اله وصحبه وسلم 🌙

البنات اللي عملتهم ادمن قبل كم يوم يجوني هنا
@Oslobytawasol_bot
ضروري

زمااااان كده ،
ما زمان شديد يعني ،
كنت مقتنعة و من جواي فعلا" ،
إنو سوء الفهم و عدم التفاهم ،
هم سبب أغلب المشاكل بين الناس ،
أو خسارة حقوق ،
و أشياء جميلة و علاقات سمحة ..
ف كنت من النوع الحريص ،
إنو طوااالي يوضح و يشرح و يبرر ،
هو قال أو عمل كده ليه ،
خصوصا" للناس اللي هو باقي عليهم ...!!
كنت ما بحب اتفهم غلط و اسكت ،
بغض النظر عن أهمية الموضوع ،
و مكانتي عند اللي قدامي ،
لأني كنت مهتمة أكتر بمكانتهم عندي ..
كنت بحب أمشي من أي حتة و حاجة ،
و انا واااضحة و اللي جواي منعكس برة ..
ال زعلانة منه يكون عارف ليه ،
و الفرحانة بسببه يكون عارف عشان شنو ...!!
و كان عندي صديق الله يديهو العافية ،
على قدر ما بنشبه بعض ،
على قدر ما بنختلف و ما بنتفق ..
كل ما نكون بنتناقش ولا بنتونس ،
بينقنق فيني و بيقول لي ،
ماااا تشرحي و ما تبرري ،
اتعودي أكتر تسمعيني ،
و تفهمي انا عايز أقول شنو ،
و بالضبط بقوله ليه ،
لأني عارفك و فاهمك ..
و انا طوااالي رادحة معاهو ،
و مواصلة شرح و تبرير ،
كل ما أحس إنو ما فهمني ،
و هو مواصل نقة فيني ،
و مواصلين سوا نتقبل بعض غايتو ،
على إختلافنا الكتير و مرات مرهق ده ...!!
لحدي ما أمس حصل لي موقف ،
كان الحق معاي فيهو ،
و القصة دي واضحة و ظاهرة ..
و بعد ده اتقالت لي جملة ،
من زول كبير في السن ،
فرقت معاي شديد ..
لو زول قال ليك إنو الشتلة دي شجرة ،
و انت عارفة إنها ما شجرة ،
و هو ما عايز يقتنع ،
مشيهو و اشتري رأسك ،
دي واحدة من متطلبات النضج ...!!
رغم عدم اقتناعي بإنو الحاجة دي ،
ما متطلب نضج و لا هم يحزنون ..
لكن وصلت لقناعة تانية أهم ،
إنو راحة بالي بالدنيا ،
لأني بالجد تعبت و فترت ..
و إنو التبرير ما دائما" بيتفهم توضيح ،
و في الحالة دي ممكن يضعف موقفك ،
و يخلي منظرك بييييش ،
في زمن مقاييسه اختلفت شديد ،
و الطيب الحريص فيهو بقى اسمه عوير ..
و لقيت إننا محتاجين نكبر على حاجات كتيرة ،
لأنها أصغر و أتفه ،
من إنها تاخد لحظة من زمننا ..
عشان الحياة فيها تفاصيل أخرى ضرورية ،
و ناس تانية أهم ...!!
المهم :
ال عارفك كويس ،
ما محتاج منك توضيح ..
و ال عايز يعرفك ،
ما ح يجري على أول فهم غلط ..
و كل علاقة في الدنيا دي ،
كان شغل ،
أو معرفة ،
ولا خلافهم و أكتر ..
عندها كفتين ،
يعني كسر رقبتك فيها براك ،
ما عنده معنى ..
و كان ما خسرك ليها ،
ممكن يفقدك نفسك ...!!
المهم شديد :
كبر دماغك ،
يرتاح بالك ...!!

- لما اتعرف عليك صدفه ونبقى أصحاب وشويه شويه علاقتي معاك تكبر وتقوى وأبدا افضفض ليك وأحكي ليك مشاكلي تبدا مكالماتي تكتر معاك وطوالي ماعطاك مكالمات ومسجات والواتس ويومي ما يكمل بدونك وبسألك كيفك في اليوم 100 مره عشان القى سبب بس يخليني اتونس معاك وأحكي ليك عن أسرار حياتي وأقربك لي كل يوم اكتر وضحك وهظار ونكات بايخه عشان بس اشوف أبتسامتك كل الحاجات دي بتوحي ليك بي شنو ؟؟ إني إنسان سغيل وماعندي دم ؟؟
لا والله ولا واحد ما عندو موضوع وما صدق لقتك عشان ابرمج بيك ؟؟؟!!
لا دا بيحصل لاني بريدك بي قلب ابيض لاني لقيت الراحه معاك شفت ولقيت حاجات فيك في كل الناس الحولي ما لقيتها 💔 منطقي جدا عشان الحاجه دي تستمر صدقك معاي وصراحتك وقلبك الأبيض هم المحتاج ليهم انا الفكره اساسا ما اتبنت على مصلحه ولا تقضيه وقت والسلام
الفكره تبادل في الإحساس "اهتمام ،ثقه،روح طيبه بينا 👌💙

*صل على النبي ﷺ*

وَ مَرَّرَهَا لَعَلَّ بَابَا مُغْلَقٌ يُفَتِحُ لَكَ🕊

#‏اكثروا حديثكم مع الله، و لا تكثروا# الحديث مع غيره...🌸💚

#يلعن ابو المسافات لبعدتك عن #قلبي💚

#عيشُـو بقلـب أبيـض فليـس علـىء #الدُنيـاء بقـاء....🍃💚

ربّ هَب لِي مِن خَيالي واقِعاً..🍃🌸💚

آنــاا مشـكلــتـي مـابعـرف رد ع الـكلام الحـلــوو 🐸✋

مـرة وحـده قـالتـلـي تـشـرفـت بمـعـرفـتـك .. 😌❤
قلتـلا انـا اشـرف منـك ومــن عـيـلـتك كلا 😊😂😂😂🌸💚

الصديق #الحقيقي هو الذي #تتشاجر معه #يومياً ! وتصابون انت وهو #بفقدان الذاكرة في #اليوم التالي 💙🌸."

روايه #كيدهن_عظيم

#كيدهن_عظيم
بقلم: غير معروف

الجزء 01



انا اسمي رنا عمري 26 سنه عندي أخ واخت اخوي عمره 30 سنه كبير البيت وأختي عمرها 22 آخر العنقود😍 بحبها جدا وقريبة لي شديد وكمان اخوي قريب لينا شديد امي الله يديها العافية ربتنا علي كده كانت دايما تقول لينا لازم تكونو حنينين علي بعض لازم تكونو سند بعض عشان ما بتلقو ناس يحبوكم زي ما ح تحبو بعض وممكن تعوضو أي شي إلا الأخ وفعلا بقينا مترابطين شديد اختي اسمها رانيا واخوي رامي ..رامي قرأ صيدلة واشتغل بدري الحمدلله وفتح كم صيدلية واشتري عربيه واشتري عربية يعني الحمدلله ساعد نفسه بنفسه وكان بشتغل غير الصيدلة وربنا وفقه الحمدلله أنا قريت طب وقبل ما اتخرج اتزوجت ود عمي (اسمه طارق عمره 33 سنه مهندس معماري) طارق عنده 5 أخوات (مني .سلوى. رؤي.زينب .سحر) كلهم أكبر مني ألا سحر أكبر منها انا بسنه. انا ساكنة مع نسابتي بس البيت مفصول فصل بحت يعني زي الجيران. .طارق حنين شديد وبحبني جدا وانا كمان بحبه شديد ..وشغال كويس الحمدلله وموفر لي كل شي ..عمي وابوي اتوفو بدري ابوي انا اتوفي قبل ما رانيا تتولد امي كانت حامل بيها يادوب الشهور الأولى وعمي اتوفي قبل ابوي بفترة طويلة وطارق ما عنده إخوان ولد واحد والخمسة بنات وهو في النص وطارق كافح ومسك بيتهم لحدي ما عرس لي سلوى و زينب وكان بقرا وشغال واصلا هم وضعهم كويس أبوه كان عنده أملاك ساعدته شوية في المسؤولية. ونحنا برضو نفس الشي بس الفرق امي طبيبه برضو واشتغلت بعد ابوي و ربتنا وابوي كان طبيب برضو الله يرحمه. ..رانيا بتقرا هندسة اتصالات وفي آخر سنه هسي. ..انا اتخرجت وعملت الامتياز وهسي لي 4 سنه متزوجة بس لسه ما جبت اولاد😔 طارق صابر وراضي ودايما بصبرني علي الموضوع ده وعملنا كل الفحوصات اللازمة والحمد لله سليمة

يوم قعدت من الشغل عشان تعبانة شوية قلت بدل اقعد براي امشي لي نسيبتي واونسها وفعلا كلمت طارق ومشيت طبعا مني و رؤي و سحر ما متزوجات وقاعدين وعلاقتي بيهم محدودة نوعا ما إلا سحر شوية قريبة مني عشان فرق العمر بيني وبينها ما كتير ..وقعدت معاهم واتونسنا وجبنا حاجات الجبنه وقعدنا نعملها😍 نسيبتي بتحب الجبنه بطقوسها واتونسنا وضحكنا بعد شربنا كنت قايمة من الكرسي قلت ااااه مني قالت لي مالك حمل ومافي 😢😢😢 الكلمة طعنتني بس ما رديت عليها واستاذنت وطلعت بيتي لقيت رامي وقف عربيته و داير يخبط الباب سلمت عليه ودخلنا وحكيت ليه قال لي اوعك تهتمي بصغائر الأمور دي ولا تحكي لي طارق بالحاجة دي بس ارمي ورا ضهرك وعيشي يا اختي واخدنا ونستنا لحدي ما طارق جا.....

يتبع....

#كيدهن_عظيم
بقلم: غير معروف

الجزء 02


طارق جا واتونسنا مع بعض وختيت الغداء واتغدينا ونحنا بنتغدي جات سحر وقعدت معانا اتغدت. .سحر معجبة بشخصية رامي اخوي ودايما بتشكر فيه 😂 النصيحة اخوي يعجب عجب شديد راسي ورايق وقوام وطول وعرض وسماحة ماشاء الله 😍 الله يحفظه لينا ....ونحنا بناكل سحر قالت لي طارق شفت اختك الليله بالغت مع رنا كلنا بقينا كده😳😳 قمت قرصتها قلت ليه قصدها في الجبنة قالت إلا اعملها ليهم انا طارق بقي يضحك وقال ليها انتو لسه بتضيفو فيها ما خلاص قدمت😂😂 ضحكنا وواصلنا بعد قمنا اتصادفنا انا وطارق في الماسورة قال لي لو ما رويتيني مني عملت شنو والله ازعل منك 😂😂 ومشي خلاني سحر قعدت غسلت لي العدة وانا كنت بعمل في الشاي رامي جاني جوة قال لي أنا ماشي عشان ما اتاخر علي امي ورانيا قلت ليه اشرب الشاي وامشي وقلت ليه طارق حس انه في شي وأصر يعرف قال لي وريه واتفقي معاه الموضوع ينتهي بيناتكم قلت ليه تمام وطلع رامي. ..وفعلا بعداك في لحظة صفاء نهيت الموضوع مع طارق واتفقنا انه ينتهي هنا قبله. ..قلت لي طارق بكرة بمشي ناس امي قال لي خير لكن مافي مبيت بعد الشغل بجي اسوقك قلت ليه تمام ..الصباح بعد طارق طلع كنت بغسل في الحوش سمعت مني بتقول لأمها بصوت عالي. ..شكله كده الأميرة لسه نايمة. ..برضو طنشت بعد لبست دخلت أصبح عليهم مني سلمت علي وقالت لي مالك ما طلعتي مع طارق قلت ليها عشان اتاخرت وماشة ناس امي ..قالت لي سلمي عليها ودخلت جوة. .انا طلعت مشيت البيت لقيت امي براها وعيانة ضربت لرامي عشان يجي قال لي أنه الصباح كانت كويسة وانا سبقته ووديتها المستشفي واتضح انه عندها جلطة ورقدوها طوالي وكلمت طارق جاني في المستشفي. .وقال لي خليكي مع أمك ورجع هو ..تلفوني ضرب لقيته رقم غريب رديت صوت مره قالت لي طارق ده ما بخليه ليك لأنك وحدة عاقر 😳😳😳

يتبع.....

#كيدهن_عظيم
بقلم: غير معروف

الجزء 03


قفلت التلفون وحسيت انه الدنيا لااااافة في رأسي وقربت أقع رامي حس بي وجاء مسكني قال لي مالك حكيت ليه وما رد علي بس بقي يعاين فيني قال لي مالك يا رنا عيونك مالها اتخلعت وقلت ليه مالها قال لي محمرة شديد قال لي تعالي تعالي وقعدني في كرسي ومشي يجيب موية في الوقت ده كان رانيا جات من الجامعة ولقتني قاعدة واصلا كانت مخلوعة بعد رامي كلمها بقت تقول لي امي وينها امي مالها وانتي مالك عيونك كده و رامي وينه قلت ليه قولي بسم الله اقعدي امي في العناية عندها جلطة واتفقعت بالبكي جا رامي إداني الموية وقد جنب رانيا ومسكها بقي يهدي فيها في اللحظة دي حسيت انه عندنا سند 😊 انبسطت شديد وتاني ما حسيت بي شي ...صحيت فجأة لقيت روحي في بيت امي وفي سريري وجنبي رانيا وبتبكي وعيونها وارمة قمت فجأة وقلت ليها امي وينها قالت لي امي في المستشفي قلت ليها وليه جبتوني هنا قالت لي عشان ترتاحي قلت ليها وبتبكي مالك قالت لي من خوفي عليك طيب رامي وينه في اللحظة دي رامي دخل وعيونه واااارمة ومحمممرة طوالي قلبي اتقبض قلت ليهم لو ما وديتوني لأمي هسي والله اعمل ليكم مصيبة جا رامي قعد جنبي قال لي كدي اهدي قلت ليه امي وين قال لي امي مع ربها يا رنا وبقيت اكورك واتصدمت وبرضو ما حسيت بنفسي تاني وصحيت فجأه لقيت نسيبتي وطارق واخواته واخواني انا كلهم جنبي في مستشفي بقيت ابكي رامي قال لي عليك الله يا رنا كفاية عليك الله اهدي وطارق كان ماسكني وببكي قلت ليه امي راحت يا طارق قال لي حال الدنيا يا رنا ولازم نقبل بعدها عرفت انه امي تمت 3يوم ودوني البيت وبقينا قاعدين في العزا شفت كل الناس جوني إلا مني أخت طارق استغربت لكن نسيت الموضوع ورانيا كانت مصدومة شديد. ..بعد امي تمت الأربعين اكتشفت انه انا حامل ودي كانت فرررررحة ما بعدها فرحة لمن كنت حاسة انه الموضوع كذب كذب😂 طارق كان ح يطير من الفرح و رانيا و رامي برضو انبسطو شديد وطارق قال لي تاني ماااافي حركة ودلع شديد واتذكرت امي واتمنيت تكون عايشة وتحضر وتشاركني فرحتي 😓الحمدلله على كل حال بعد يومين صحيت بالليل فجأة عشان حسيت بحاجة نازلة مني ولمن قمت لقيت روحي بنزف 😑. ..

يتبع....

#كيدهن_عظيم
بقلم: غير معروف

الجزء 04


لقيت روحي بنزف وصحيت طارق وقام مخلوع ومشيت المستشفي واسعفوني واتضح فيما بعد أنه إجهاض 😔😔😔 قدر الله وماشاء فعل الحمدلله دخلت في نفسيات وكنت متأثرة جدا جدا لاني فرحت شديد وفرحتي جات بعد 4 سنين من الانتظار جات رانيا قعدت معاي في بيتي وكانت شايلاني شيل ما قصرت معاي وكمان طارق الله يديه العافية ما قصر وصبر رامي كان بجي كل يوم ويرجع مننا بعد العصر أو المغرب الحمدلله خففو عني كتير وما حسسوني بالمي الحمدلله واخوات طارق جوني وسحر برضو ساعدت رانيا في شغل البيت وطلبات طارق ومني بعد جيت من المستشفى كوركت لي بالحيطة وقالت لي ربنا يعوضك وتاني ما شفتها ونسيبتي جاتني كم مرة ما قصرت .... يوم رانيا قالت راجعة قلت ليها خليكي واصريت عليها تقعد وكلمت رامي وفعلا قعدت نفس اليوم جانا ضيف من أهل أم طارق تقريبا ود خالته لي طارق لكن زي ما بقولو ناسنا باللفة😂 وجاني في بيتي وقعد ورانيا ضيفته اسمو محمود عمرو بكون 35 تقريبا ما متزوج وشغال في بلدهم بس جا زيارة الخرطوم أثناء قعدته طارق جا ورحب بيه وقعدو يتونسو بعدها مشي لام طارق ...انا كنت محتاجة لحاجات للبيت وكده كلمت طارق وقال لي نمشي رانيا قالت ما ماشة قالت لي خليني انوم. .وفعلا طلعنا انا وطارق بعد وصلنا البيت لقيت رانيا بتبكي وقافلة الغرفة عليها في اللحظة دي جات زينب ومعاها مني قالو لي اختك وحدة ما محترمة كيف تقول لمحمود تعال لي البيت فاضي😲😲😲 انا راسي شطب وبقيت شايفة طشاش مستحيل رانيا تعمل كده لو هي قالت عملت كده ما بصدق قلت ليهم شوفو الغلط وين رانيا مستحيل تعمل كده لمن قلت كده رانيا مسكتني من نصي وبقت تبكي باعلي حسها طارق طلع مشي بيتهم لقي محمود مافي سأل أمه قالت ليه خجلتونا مه ضيفنا وهسي هو فات .طارق قال ليها لو صحي هي قالت ليه كده ليه مشي وليه رانيا قافلة الغرفة عليها قالت ليه دي حركات نسوان منها. .طارق جا وقال لمني وزينب اتفضلو امشو لحدي ما نحل الموضوع ده ...رانيا قالت لي وديني البيت يا رنا وديني لرامي ولا اضربي ليه خليه يجي. .ضربت لرامي وقلت ليه تعال قال لي اصلا انا قريب منكم وبعد جا ولي رانيا بتبكي مسكها وبقي يسأل فيها في شنو قالت ليه بنات عمك ضربوني وشاكلوني وانا ما عملت شي قبل ما تتم كلامها رامي طلع وخبط الباب ومشي بيت ناس طارق انا وطارق لحقناه لقيناه بكورك فيهم وقال ليهم لو ما عيب أمد يدي علي مرة والله كان عفصتكم هنا والله تاني تحصل حاجة منكم لاخواتي ما تلومو إلا نفسكم وطلع ولا عاين فينا ولا سمع ردهم وساق رانيا وطلع وقفته قال لي لو عايزانا تعالي بيت أمك وابوك وشوفينا تاني مافي حاجة اسمها مبيت معاك. .ومشو انا بقيت ابكي قلت لطارق ليه اخواتك يعملو فينا كده قال لي في سر لازم يتعرف لازم اشوف محمود مشي وين لو حتي امشي ليه محله

تلفوني ضرب لقيت ده رامي قال لي ليه ما حكيتي لي قصة محمود ده قلت ليه انت ما اديت زول فرصة عشان احكي انت غضبت واتكلمت ولا حتي رديت علي طارق. قال لي قولي لطارق زولك ده اقرأ عليه الفاتحة وقفل. ...



يتبع.....

#كيدهن_عظيم
بقلم: غير معروف

الجزء 05



كلمت طارق انه رامي زعلان شديد وحالف ما يخلي ود أهلك في حاله قال لي أنا قبليه ما ح اخليه إلا اعرف الحقيقة شنو في الموضوع ده ..انا دخلت بيتي وطارق طلع قلت ليه قدمني معاك امشي اطمن علي رانيا قال لي خير ..وصلني بيتنا دخلت لقيت رامي راقد وبدمع ورانيا نايمة قعدت جنبه قلت ليه كدي اهدي طارق هسي مسافر عشان يشوف الموضوع ده وانا ما ح اخلي رانيا براها قال لي ليه يحصل كده يا رنا انا ميت عشان أخواتي يحصل فيهم كده والله لو ما حريم أخوات راجلك ديل ما كان راعيت لي أنهم بنات عمي ولا شي حريقة فيهم😖😖 هديته ومشيت عملت ليه عصير وقعدت ونسته لمن ضحك حتي شوية ارتحت رانيا صحت جات جنبي وحضنتني قالت لي والله مظلومة يا رنا قلت ليها بدون ما تقولي انا عارفة وقلت ليها كدي احكي لي الحصل شنو (قالت لي بعد طلعتي انتي وطارق سحر كوركت ليك طلعت ليها قلت ليها انك طلعتي السوق مع طارق قالت لي خلاص بعد تجي خليها تكورك لي قلت ليها خير بعد شوية الباب دق لمن فتحت لقيته محمود قلت ليه طارق مافي قال لي ااي عارف عايز اتونس معاك قلت ليه لالا معليش وقاويته لمن قفلت الباب بالمفتاح وكوركت لسحر جاتني مني قلت ليها تعالي لي أنا خايفة جات هي ومعاها زينب وأول ما فتحت الباب ضربوني وقالو لي ما بتخجلي تقولي للراجل اتفضل نتونس والبيت فاضي لمن انكرت الحاجة دي ضربوني تاني وطلعو ) انا زعلت شديد لمن بكيت قلت ليها ربنا بظهر الحق بس اصبري واحتسبي وضربت لطارق حكيت ليه ووريته اني ح ارجع البيت بعد ترجع انت ...قعدت مع رانيا ورامي ومسكت البيت ورانيا نزلت الجامعة تاني يوم

نفس اليوم رامي قال لي عايزك في موضوع عملت عصير وقعدنا في السطوح قال لي في زميله لي ارتبطت بيها وعايز اعمل الموضوع رسمي وعايزك تقابليها براك وتقيميها وتعرفيها لأنه لو ما عجبتك وارتحتي ليها بخليها طوالي😂😂بقينا نضحك وواصلنا ونستنا واتفقنا انه اجيه في الصيدلية واشوفها واتفق معاها اقابلها. ..حكيت لي رانيا قالت لي خلاص بمشي معاك اشوفها ومن هناك بمشي الجامعة قلت ليها خير تاني يوم بعد رامي طلع طلعنا انا و رانيا بعد وصلنا وشفناها انا غايتو ما بحلقت زي رانيا😂😂😂😂 واصلت ودخلت ورانيا لسه مبحلقة. ..وأنا بقيت شغالة اللهم بااااااارك😍😍😍 بت يعني تعقدك أنك بت😂 يا يمي سماحة واكتر حاجة جذبتني انها محجبة ولابسة عباية ووشها نضيف ولا مكياجايه مافي😂😂😂 (حلوة مكياجايه دي صح😂😂😂😜) المهم سلمنا عليها الصوت رقيييق وسمييييح كدي😂 اتونسنا علي الواقف كده واتفقنا نتلاقي متين ووين رجعنا البيت ورانيا مشت الجامعة وانا بقيت منتظرة رامي بفارغ الصبر عشان أعلق ليه😋😋😂😂 اول ما جا قلت ليه لكن لقيتك ما هين قال لي شفتي كيف قمت قلت ليه لكن كده ح تجيبو أولاد شينين بسماحتكم سوا😂😂😂 ضحكنا واتونسنا وبقي يحكي لي عنها وعن تصرفاتها الشدته وعن أخلاقها وكده ماشاء الله زولة بت رجال صحي. .وقال لي طلبت كم مرة الاقيها برة رفضت قالت لي بس حدنا صيدليتنا دي😂😂 قلت ليه خلاص نشوف موضوع رانيا ده ونمشي نعمل عقد طوالي 😂😂😂😂

طارق اتصل علي وقال لي الزول ده خبره مافي ولا ريحته ماف😂😂😂 قلت ليه والحل قال لي والله إلا يطير بجيبه بجيبه قلت ليه خلاص ارجع وخلي الموضوع ده الزمن بحله. .....وقال لي ده أكبر دليل علي أنه عارف روحه غلطان. .المهم طارق جا واعتذر لرامي وقال ليه اصلا نحنا الموضوع ده ما حنعديه بالساهل رامي قال ليه حذر اخواتك يبعدو من أخواتي وحتي مرتك دي ما عندهم بيها شغله. قال ليه أخواتي انا بتصرف معاهم. الحمد رامي هدي شوية والأيام عدت ورانيا اتخرجت والشي الاسمو محمود ده ما ظهر وطارق ورامي سافرو سوا برضو ما ليه أثر. ..فص ملح وداب علي قول إخوانا المصريين😂 المهم انا ظهر لي حمل تاني اللهم لك الحمد 😍😍😍😍 والمرة دي ما كنت بتحرك حركة خالص لحدي ما تميت الحمدلله ونفست في بيت امي ورانيا ماااااقصرت معاي جبت بنوته وسميتها علي امي الله يرحمها (شذي) وكانت فرحة لا توصف بالنسبة للحولي كلهم إلا أخوات طارق 😑 بس جاتني نسيبتي وسحر. ...

يتبع.....