إسلوب حيااه🌻💛

#فتاة_الأشباح
بقلم: دينا محمود

الجزء 32

مهند ومرام خايفين من الحيحصل ومتوقعين اي حاجه كعبه تحصل في نفس اليوم ومرام يدها في قلبها عدى اليوم وماحصل شي واليوم البعدو ماحصل شي سعديه اها حصل شي مرام لا سعديه انا ماكلمتك مابحصل شي ادت مرام تلفونا مرام دقت لي مهند مهند حصل ليك شي مهند لا وانتي برضو لا مهند يمكن كلام امك دا صح واحنا كبرنا الموضوع ساي مرام ان شاء الله يكون صح وانبسطو ورجعو يحنكو في بعض زي اول وبقو كل يوم بتصلو وبتونسو ونسو الشيخ واطمنو من موضوع البت يوم مهند وهو نايم فجاءه صحى وقعد يكورك مادايره مادايره خلاص ماداير اعرس وبكورك امو جات جاريه مهند مالك سجمي في شنو وهو لسه بكورك واتململ في السرير وخاتي يدو في وشو مرام ما دايره خلاص امو طبعا القصص دي بتعرفا كويس طوالي جري للشيخ وصادف ودتو شيخ موسى شيخ موسى اول ما شافو مهند مالو امو انت بتعرفو الشيخ اي كان بتعالج معاي وليه اسبوع ماجاني اتوقعتا يحصل كدا مالو امو كيف كان بتعالج عندك لي مالو احكي لي انا امو طبعا الشيخ قعد يحكي ليها وامو بتسمع مخلوعه دا كلو وهي ماعارفه مسكو ورقدو قعد يقرا اطلعي الليله ما بخلي الا اجننو قلتا ليه ماتعرس وتخليني مشى لي مرام وخلاني وامو قاعده ومخلوعه بتسمع عرفت انو الجنيه عاشقه ولدا وماحتخلي الا هو يسيب مرام طوالي طلعت من الشيخ ودت مهند البيت ومشت لي سعديه تكورك وتجوط بتك دايره تجنن ولدي واحنا بتكم ما دايرنها وخطوبه فسخناها وبتكم خليها عندكم مرام سمعت الكواريك جات جاريه في شنو يا خالتي حكت ليها ب الحصل لي مهند وكلمتا البت ماحتخلي ولا ترجعو لي عقلو الا يسيبك وقعدت تبكي وتحنس في مرام ونزلت لي مرام تحت رجوله بتترجاها تسيب مهند مرام تبكي خلاص يا خالتي ماتعملي كدا انا مهند ما دايراهو بس هو يبقى كويس وسعديه بتعاين ليهم وعرفت انو الكلام صحي معناتو بس عايزه تتاكد قالت لي ام مهند ممكن امشي معاك اطمن ع مهند امو سكتت سعديه والله ما حاطول ووعد انا وبتي نقطع علاقتنا بيكم بس عايزه اطمن وفعلا مشت مع ام مهند وشافت مهند والحاله العليه حنت عليه وقعدت تبكي ورجعت لي مرام اعفي لي يابتي انا كتت قايلا دا كلو كلام فاضي وجهل بس ي دوب عرفتا انو الزول ما يستهون ب الجنون والشيوخ والاشباح والكلام دا النبي اعفي لي يا بتي مرام مامشكله يا امي كلو نصيب وقطعت اخبارا من مهند ومهند كل مره بودو للشيخ لمن بقى كويس بس لسه راكباهو البت مرام جارتم مصره تعرسا لي ود اختا مرام زهجت من السودان ومن الحاصل فيه ومن القرايه ووافقت عشان تبعد من مهند ومن السودان نهائي كان مهند يتعالج

وفعلا عملو ليها العرس في السودان وراجلا زاتو ماجاء رسلوها ليه طرد استقبلا في المطار حاولت تتاقلم معاهو ماقدرت ومهند سمع بيها عرست فقد الامل وحاول انتحر كم مره وبلحقوه وكل ما يحاول يخطب البت ماتخليه وتجننو لمن الناس كلها عرفت بيه وكل مايقول دايره وحده اهلا يرفضو ولسه مواصل مع الشيخ في النهايه البت قالت ماحتطلع والا مهند يعرسا مهند قنع خلاص وقرر يعرس الجنيه وفعلا عرسا بس مافي زول عارف بي عرسو بيها غير امو وبقى عايش حياة زوجيه طبيعيه معاهو لمن جايب منها بت وطبعا مافي زول بشوفا لا هي لا بتو غيرو بكونو قاعدين كلهم مع امو بقول ليها امي نادي البت دي من الحوش ويتكلم مع مرتو عادي وامو بس تعاين لمن جنت وودوها تجاني الماحي مهند بقى يزورا كل فتره وفتره لحده ما اتوفت مرام حملت وجابت ولد وسمتو مهند واتاقلمت مع راجلا لقتو زول طيب وحبوب ومايستاهل منها غير كل خير سعديه لي هسي ندمانه ع العملتو في مهند وبتها بس ارتاحت حبه لمن عرفت بتها سمت ولدا مهند وهي مبسوطه مع راجلا

......الـنـهـايـة .......

137 viewsradiologist 🌺🎵, 09:42

إسلوب حيااه🌻💛 via @like

رأيكم في الروايه

133 viewsradiologist 🌺🎵, 09:43