#فتاة_الأشباح
بقلم: دينا محمود

الجزء 18


مرام رقدت قالت تنوم شويه غمضت عيونا حست ب نفس قداما فتحت وجرت فتحت النور مالقت شي شالت نفس وختتو ياربي انا مالي الايام دي في شنو شنو البحصل لي دا خلاص بنوم والنور فاتح وفعلا خلتو فاتح ورقدت نامت سعديه جات ماره لقت النور فاتح ومرام نايمه قفلتو وطلعت شويه مرام حست في زول خانقا عايزه تكورك ماقادره ونفس البت الشافتا في السقف ومطلعه عيونا كلها ابيض وشعرا منكوش طويل اسود ومرام بتفرفر بي رجولا زي الدجاجه الدايرين يضبحوها وماسكه بي يدينا في البت الخانقاها شويه جات سعديه فتحت الباب البت اختفت فتحت النور لقت مرام دي غرقانه ومنططه عيونا وخايفه اول ما شافت امها جرت عليها وحضنتا امي ماتخليني براي كانت دايره تقتلني امها بسم الله منو الدايره تقتلك دي مرام رجعتي لي تهيئاتك دي تاني ومالك معرقه كدا يا بت شويه لمستا لقت حرارتا مرتفعه شديد مرام حرارتك عاليه يا بت مالك دقيقه اجيب كمادات واجي مرام لا امي ما تخليني براي امي انا خايفه بتجيني تخنقني سعديه بسم الله مرام اجيب بس كمادات واجي خنق شنو يا بت مرام لا بمشي معاك سعديه تمشي وين انتي عيانه كدا مرام لا ماعيانه وقامت ع حيلا اها يلا ارح سعديه مستغربه من مرام ارح سمح مشت المطبخ جابت القطعه والمويه البارده ارح غرفتك مرام لا لا ارح غرفتك انتي ما دايره غرفتي سعديه ارح غرفتي سمح اشوف نهايتك دي ومشو الغرفه ختت راسا في رجوها وقعدت تعمل ليها كمادات وشغلت قران لمن الحراره نزلت بقت تلعب ليها في شعرا لمن مرام نامت لقتا نامت زحتا براحه وعدلتا وغطتا ومرقت من الغرفه وخلت القران شغال وطلعت تشوف باقي شغلا جاء عثمان حكت ليه ويا عثمان مرام ماعاجباني يمكن زول اداها عين عثمان اها كلام امك دا شنو وهسي تقولي لي وديها لي شيخ موش سعديه ما عارفه والله لاكين ماعاجباني لمن شغلتا ليها قران حتى نامت عثمان مافي شي ان شاء الله بتكون خلعت الحادث بس اثرت عليها هسي بتبقى كويسه ومرام صحت وطلعت من الغرفه لقت ابوها وامها في الصاله اها يا مروم هسي كيف كويسه يا ابوي كدي تعالي اقعدي جنبي مرام جات قعدت جنبو بقى حاضنا وبتونس وبيضحك معاها وهي زاتا نست الحصل قضوها ونسه وضحك ويرجعو الزكريات وعثمان يكاوي في سعديه وسعديه تزعل وترجع هي زاتا تزكرو وتضحك ومرام مبسوطه بيهم وبي الونسه والضحك

يتبع ...

#فتاة_الأشباح
بقلم: دينا محمود

الجزء 19


جاء موعد النوم ومرام خايفه تمشي تنوم في غرفتا براها وخايفه تقول لي امها تجي تنوم معاها وكدا ماحتقدر تتكلم مع مهند قالت خلاص انا امشي غرفتي واتكلم مع مهند وكان حصل شي بكورك لي امي وفعلا امها وابوها دخلو غرفتم وهي دخلت غرفتا ومسكت التلفون دقت لي مهند مهند فصل ليها ورجع ليها الو سلام مروم كيف وبقيتي كيف تمام الحمد الله احسن وانت كيف وقعدو يتونسو شويه مرام شافت ليك البت في وشها وبتحدر ليها طوالي قالت بسم الله بي خلعه وجرت فتحت النور ومهند بكورك الو الو مرام يا بت وين مالك قالت مهند انا خايفه والله خايفه وزول مصدقني ماف وخايفه اكلمك وما تصدقني انت زاتك مهند في شنو قلقتي بي مالك بصدقك اتكلمي في شنو مرام قعدت تحكي انا يا مهند في شبح بطاردني وبت وقعدت توصف في شكل البت وووووو رصت ليه الحكايه كلها لحده ماظهرت ليها هسي وهي بتتكلم معاهو مهند سكت مسافه مرام مامصدقني موش انا عشان كدا ما دايره اتكلم مهند لا والله مصدقك طيب اقول ليك حاجه وتصدقيني مرام اها مهند والله انا زاتي لي قريب 3 اسابيع بتظهر لي بس الغريبه ماحصل اذتني انا وماكلمتا امي عشان ماتعمل لي قصصا دي اتوقعتا البيت حقنا يكون اتسكن قلتا اكوس لي بيت تاني ونرحل فيه انا وامي بس لاكين مدام انتي زاتك بتشوفيها وبتجيك معناتو الموضوع فيه إنا مرام انت جادي كيف يعني ياخ براي خايفه مالك خوفتني زياده طيب انت متاكد نفس البت مهند ع حسب مواصفاتك الهسي اي ويمكن وحده تانيه ماعارف ويمكن كلهم بشبهو بعض مابعرف انا غايتو اول مره اشوف لي شبح لاكين الا اعرف مرام طيب لي بتاذيني انا وانت لا مهند ماعارف والله انا بتظهر لي مسافه وبتكون بتعاين لي ومرات بتبتسم لي بقول بسم الله بتختفي مقوي قلبي ساي والله عشان ما اقلق امي مرام طيب اخير انت بتعاين ساي انا قبيل خنقتني عديل والله يا مهند قربت تقتلني لو ماجات امي داخله مهند انتي بس ماتكلمي امك هسي وحاولي لمن تجي تنومي شغلي قران ما بتظهر ليك لانو القران بطرد الشيطان والجنون والاشباح لمن اشوف حل للموضوع دا مرام خلاص كويس وبكره انا ماماشه المدرسه طبعا مهند تمام ارتاحي وتاني كان ظهرت ليك كلميني مرام حاضر وقفلت التلفون بقت تعاين في الغرفه ساي شغلت القران ومشت قفلت النور وجات اتقلبت شويه لمن نعست ونامت

يتبع ....

#فتاة_الأشباح
بقلم: دينا محمود

الجزء 20


صحت الصباح ع صوت امها مرام قومي افطري مرام صحت وفتحت عيونا اهلين امي صباح الخير سعديه صباح النور قومي وبطلي كسل وماشاء الله مشغله القران نمتي بيه ولا شنو مرام اي والله امس ماجاني نوم وحسيت بي خوف شويه شغلتو ورقدتا نمتا امها اي احسن ليك والله اصلو الكوابيس البتشوفيها دي والخوف دا مافي شي بشيلو منك غير كلام الله وصلي العشاء وارقدي نومي مابتحلمي بي كوابيس ان شاء الله سعديه قايلا الفات دا كلو كوابيس بتجي لي مرام مرام ان شاء الله يا امي يلا قومي امشي الحمام صلي وتعالي افطري حاضر يا امي ومرقت سعديه مشت المطبخ تحضر الفطور مرام خلصت وجات وقعدو يفطرو خلصو مرام قالت لي سعديه انا ماشه غرفتي ارتاح حبه سعديه خلاص تمام وانا ماشه لي جارتنا اماني دي وجايه مرام خلاص تمام ودخلت غرفتا مهند دق اها مروم اصبحتي الليله كيف مرام تمام الحمد الله اها جاتك البت تاني مرام لا شغلتا البقره ورقدتا نمتا مهند كويس وانت ماجاتك مهند ما جات لاكين حلمان بيها واتكلمتا معاها وماعارف زاتو قلتا شنو لاكين اتونسنا وقعد يضحك مرام بتتريق انت موش مهند لا والله بس بضحك في روحي شده ماخايف وخاتيها في بالي لمن حلمان بيها انتي حبيبتي ماحصل حلمتا بيك وقعد يضحك مرام غايتو عندك حركات مهند غايتو بس الحمد الله انتي يا مرام ارح نمشي لي شيخ والله مرام بري امشي براك مهند والله بفكر امشي مرام امشي والماسكك منو مهند ولا زول بس عايزك تمشي معاي انا بتجيني وتمشي انتي بتاذيك مفروض انتي التمشي يمكن ي مروم في زول سحرك لي مرام يسحرو لي شنو ياخ عليك الله وكان ع الشبح دي يا انا يا هي تاني مابخليها تاذيني مهند مات من الضحك ايوه حبيبتي الجامده دايره تعملي شنو يختي انتي هبله تلعبي مع الاشباح مرام ياود انا كنت بشوف الموت عادي جات ع الاشباح دي مهند اي ب امارت كل يوم خايفه ومابتنومي وقعد يضحك مرام ما الموت دا زاتو في البدايه كنت خايفه هسي الوضع عادي وقعدت تتكلم وانا تاني كان جاتني حامسكا واخنقا واعمل ليها وافعل ليها ومهند ساكت شويه قاطعا الحقي واقفه وراك مرام صرخت فرد صرخه واحده وعاينت وراها مالقت شي ومهند بيضحك وميت من الضحك اها قلتي حتعملي ليها شنو وبضحك مرام ماشغلتك امشي شوف شغلك زعلت منو وهو بيكاوي فيها يا خوافه زعلت قفلت الخط دق تاني مرتين ابت ترد

يتبع ...

- أنا أكتر إنسان ما بحب أنافس زول على زول ' شيلو وامشي يااخ الله ياخدك إنت وهو " 💙😌

أقترب من الله ، ويقترب منك كل شيء جميل

صباحكم توفيق وسعاده ♥️


خميس😌😂

•┈┈•• ┇⏳⚘ ┇ ••┈┈•


ـ مِن أعظم #الحـــسرات يوم القيامة، أن ترى طاعتك في ميزان غيرك، يالها من عثرة لا تقال!.

اللهم احفظ #ألسنتنا من الغيبة والنميمة!


↷

قلت ليهو: گيف أصبحت يا الجواي ؟
قال لي: أصبحت مشتاق ليك
يا النّمت بي شوقك
وحلمت ماشي عليك وگأني معشوقك
وصحيت بفگر فيگ
وخاتي العشَم فوقك💜

وللمرة الأخيرة ..
لا استّطيع الوقوف أمامكِ بثبات
وصّدقني لا أدُرك حقاً كيف يمكنُ للكائنات
احتمالَ وجودك بينها ؛
دونَ أن تقوم بما يُشبه أداء صلاةٍ إضافية
تُدعى : صلاة الشُكر عليك !
كم انا مغرمه بك ❤️

كما السيآسة ؛ أخاف الحديث عنه فيفضحني انتمآئي ♥️🎼.

عاطفه

هون علي فلست أقوي ادمعك اني عجزت عن الضنى أن ارفعك يا عاجزا يرجو معونة عاجز أقصى عطاء القلب ان أبقى معك

روايه #فتاه_الاشباح

#فتاة_الأشباح
بقلم: دينا محمود

الجزء 21


جدعت التلفون وماده بوزا وبتسب فيه ظهرت ليها البت تاني قداما مرام اتخلعت وبقت بتعاين ليها والبت تختفي من وشها تجيها في الحيطه تختفي من الحيطه تجيها في السقف مرام اتوترت واول مره تجيها ب النهار والنور فاتح غمضت عيونا مسافه وفتحتم والبت لسه في وشها البت شالت المرايه الفي توليت مرام الصغيره وجدعتا في مرام مرام ختت يدها في وشها جرحت يدها مرام قوت قلبها وقالت الا تحددو معاها بقت تكورك انتي منو وعايزه شنو والبت بس بتعاين ليها وبتحدر وشعرا طاير زي القداما مروحه بتقلب بس في عيونا ومرام تكورك بتاذيني لي انا ماعملتا ليك شي البت الشبح قربت لي مرام مرام خافت بقت تكورك يا امي يا امي البت ردت امك مافي مرام اتخلعت ولسه بتكورك طيب عايزه شنو وبقت تزح منها البت انتي عارفه انا عايزه شنو مرام ماعارفه ياخ امشي مني ياخ انا عمري كلو ما اذيت زول انتي لي بتاذيني ودايره تطلع من الغرفه والبت واقفه ليها في الباب كل ما تحاول تطلع بتدفها ومرام تقع في الارض والدم نازل من يدها الجرحه كانت كبيره ومرام تضرخ زحي مني عايزه اطلع امها فتحت باب الشارع سمعت مرام بتكورك شويه البت الشبح اختفت امها جات جاريه لقت مرام يدها مجروحه والدم مالي الغرفه والقزاز حق المرايه مكسر تحت بي خلعه في شنو مرام حضنت امها وبتبكي سعديه في شنو قلتا ليك مالك والدم دا شنو مرام ابت توريها بي الشبح البجيها قالت ليها المرايه كنت شايلاها ووقعت لي في يدي وجرحتني امها ماركزت في الكلام المرايه كيف تقع في يدها من وراء من الخلعه ماركزت وجرت بيها الشارع اقرب ركشه ومشت المستشفى خيطوها ليها 4 غرز وهي طالعه من المستشفى اتزكرت عثمان ماكلمتو طوالي دقت ليه وكلمتو وطمنتو وانو هسي هم ماشين البيت ورجعو البيت ومرام متين تلقى طريقه تكلم مهند عشان تحكي ليه الوحيد العارف بي شبح البت دي جاء عثمان مخلوع مرام مافي شي يا ابوي جرحه بسيطه ابوها كدي يدك مدتا برضو من الخلعه ما انتبه للمرايا الجرحتا دي واطمن ورجع شغلو سعديه يعني يا مرام ما اخليك انا تاني براك بقيتي زي الشافعه مرام مافي شي يا امي كل يوم يعني بنجرح الله كاتب لي كدا ودا قدر والحمد الله جات بسيطه سعديه ع قولك والحمد الله والله جات سليمه تاني بس انتبهي لي نفسك مرام حاضر امها خلاص خشي غرفتي ارتاحي ع بال ما انظف ليك غرفتك مرام حاضر يا امي دخلت غرفتا شالت الموبايل وعاينت ليها كدا وطلعت مشت غرفه امها ودقت لي مهند مهند اخيرا حنيتي علي يخسي عليك والله كنت بهظر ماتزعلي مرام ما وقتك هسي ماعارف الحصل لي شنو بعد ما قفلتا منك مهند حصل شنو مرام قعدت تحكي مهند يعني اتكلمتي معاها مرام اي وحصل وحصل وحصل وهسي جيت من المستشفى خيطوها لي 4 غرز مهند لا حول الله ما كنت متوقع تصل للدرجه دي مرام اقول ليك دايره تقتلني مهند والله يا مرام قايلك بتبالغي لاكين جد صدقتك مرام كويس الصدقتا اها انا اعمل شنو مهند ماعارف وحيرتني ب انتي عارفه انا دايره شنو مرام اي والله قالت لي كدا مهند خلاص يا زوله كدي هسي انسيها واشتغلي بس قران كان الموضوع زاد انا بمشي لي شيخ بحكي ليه مدام انتي ماماشه مرام خلاص كويس وقفلت الخط

يتبع ...

#فتاة_الأشباح
بقلم: دينا محمود

الجزء 22


قعدت تفكر في البحصل معاها دا كلو ونفسها تلقى ليه اجابه ومالاقيه مهند سافر بره الخرطوم اسبوع كدا وهي رجعت لي مدرستا بقت تشوف البت وبتطلع ليها بس بدون ما تاذيها ومهند ووين ووين حتى يتكلم معاها تلفون عشان المكان الهو فيه مافيه شبكه مره تجي ومره لا وحاسه الاسبوع دا ما بمشي عشان مهند بعيد منها بس دعكت نفسها في القرايه كتير عشان ماتفكر في مهند كتير وتقعد تبكي اول مره يغيب منها اسبوع وشبح البت لمن يجي بتحاول ماتركز معاها وتشغل قران والبت طوالي بتختفي عدا الاسبوع ومهند جاء الخرطوم وصل ع الظهر اول ما وصل طوالي جري البيت ختا شنطتو وجرى مدرسه مرام عشان يلاقيها وماكلم مرام انو جاي اول ما مرام طلعت من المدرسه شافتو قدامو انبسطت وجرت عليه سلمت وحمد الله ع السلامه جيت متين ولي ما كلمتني وقامت تضربو بي يدها في صدرو وتشاكل يخسي عليك هنتا عليك تسيبني اسبوع وقامت تردح وهو يضحك يا مجنونه خلاص احنا في الشارع ومبسوط بي شوق مرام ارح يلا نمشي الكفتريا كدا الناس كلها بقت بتعاين لينا ارح طيب ومشو الكفتريا قعدو يتونسو اها عملتا شنو هناك وان شاء الله خلصتا امورك مهند كلو التمام التمام الحمد الله مشتاق ليك بس مرام اي صاح كان جيت قبل الاسبوع مهند والله كان لقيت طريقه كان جيت انتي عارفه هسي انا جيت مشيت البيت بس ختيت الشنطه امي ماسلمتا عليها وجيتك جاري جري وتقولي لي مامشتاق وقعدو يعاتبو في بعض شويه ويحبو بعض شويه سالا اها الاشباح كيف معاك مرام ياخ ماتذكرني مهند لي تاني عملت ليك شي مرام لا بقت تجي تعاين بس وتمشي وتحدر ماعرفتا حدرتا دي يعني شنو لاكين لا بتتكلم معاي لا بتاذيني زي اول لمن بقى يوم كان ماجات لمن بفقدا مهند قعد يضحك ماجاده طبعا مرام والله جاده وحده كل يوم في وشي يوم ماتجي لازم افقدا لاكين بقيت من اشوفا بشغل قران بتمشي مهند طيب كويس مدام بطلت تاذيك خلاص يلا ارح البيت بعد دا اطمنتا عليك امشي لي امي اسلم عليها وبعدين بديك تلفون خلاص تمام وطلعو وصلت البيت عايزه تخش لقت البت الشبح واقفه في الباب اها مالا دي كمان وقفت مسافه قالت بسم الله اختفت ودخلت البيت سلمت ع امها دخلت غرفتا لقت البت في الحيطه وماسكه حبل مرام خافت سكتت وعادي بقت تتصرف زي البت مافي بس ادتا ظهرا جات البت الشبح وختت الحبل في رقبت مرام وبقت تشد ومرام بتحاول تفك منها وبقت تكورك امها جات جاريه فتحت الباب البت اختفت ولقت مرام ماسكه رقبتا شافت امها وقعدت تبكي امها جات حضنتا مالك يامرام بتكوركي في شنو مالك دايره تقلقيني عليك والله حاسه في شي في شنو مرام فاض بيها قامت تكورك يا امي في بت شبح كل يوم بتجيني وبتاذيني وووو قعدت تحكي امها بسم الله يابت شبح شنو وجني شنو انا ماقاعده معاك في البيت دا ما شفتا شي لي مرام مابعرف يا امي هي قاصداني انا والمره الفاتت المرايه لمن جرحت لي يدي هي الرمتني بيها امها اها يابت دي توهمات مرام بتكورك دايره امها تصدقا طيب يا امي ماسالتي نفسك المرايه جرحتني كيف وبي يدي بي وراء لو وقعت مني زي ماقلتا كان انجرحت بي قدام امها فكرت في الموضوع شويه بس برضو ما اقتنعت قالت لي مرام يختي انتي بتتوهمي وتشوفي حاجات غريبه ساي خلصنا من الموت جاتنا اشباح يابتي مالك دايره توجعي لي قلبي ماعندي غيرك انا وقامت تبكي مرام حنت ع امها قالت ليها خلاص يا امي يمكن بتوهم ساي يلا الاكل وينو انا جعانه ورح ناكل وساقت امها ومشت المطبخ

يتبع....

#فتاة_الأشباح
بقلم: دينا محمود

الجزء 23


بتاكل وبتفكر هي حتقعد كدا لي متين لمن البت تقتلا وامها ما مصدقاها انا لازم اكلم مهند يمشي لي الشيخ ويشوف البحصل دا وراسا جايط وامها برضو مامركزه معاها وبتفكر ي ربي كلام مرام دا صح صحي بتجيها جنيه ولا شبح وبقت تفكر في المرايه الانكسرت دي وبتفكر في كلام مرام قاعدين مع بعض بس بالم الاتنين ما مع بعض كل وحده شارده بتفكر براها مرام خلصت وقالت لي امها ماشه الغرفه ودخلت اول شي شغلت قران وقعدت مسكت التلفون دقت لي مهند مهند اشتقتي لي صح مرام اي شديد لاكين يا مهند عايزه اطلبك طلب مهند عيوني ليك اطلبي مرام عايزاك تمشي للشيخ مهند في شنو مرام حكت ليه مهند اها عشان كدا مشغلا القران مرام اي مهند خلاص مامشكله انا بكره بحاول امشي انتي ماتخافي مرام والله كنت ماخايفه ب الذات بعد ما خلت تاذيني لاكين هسي بقيت اخاف يوم مايصبح علي صباح واموت واخليك وامي وابوي وحيفقدوني وقعدت تتكلم كلام كلو حزن وموت مهند لمن قعد يبكي خلاص كفايه ماتتكلمي مافي شي بيحصل ان شاء الله انا بتصرف ولا بكره هسي بمشي اشوف لي شيخ لاكين ي مرام كان طلب يشوفك كيف مرام ماعندي مشكله بمشي مدام حيخلصني منها ومن التوتر المعيشاني فيه دا مهند واهلك حتقولي ليهم شنو مرام ماعارفه والله كدي انت امشي وشوف هو بقول ليك شنو انت مش لسه بتجيك مهند اي مرام خلاص امشي واحكي ليه عني انا برضو وكان طلب يشوفني انا بتصرف مهند خلاص تمام وقفل وبقى يتونس مع امو امو طبعا جنها شيوخ كان عيت ساي بتقول سحروها وتمشي لي شيخ قروشا كلها مضيعاها في الشيوخ امي انتي مابتعرفي ليك شيخ كدا كويس من شيوخك الكتار ديل امو سجمي مالك حاسي بي شنو شيخ لي انا اصلا من زمان قلتا فيك حاجه مهند امي ما لي انا كدي روقي واحد صاحبي عيان وحاسي بي نفسو ماطبيعي قال داير شيخ يقراء ليه قلتا ليه كدي اسال ليك من احسن شيخ واكلمك بس عشان كدا سالتك امو اي بعرف شيخ موسى دا احسن شيخ بعالج مهند ودا وين وبياخد كم وكدي كلميني عنو انتي حصل اتعاملتي معاهو امو اي مشيت ليه لاكين ما كتير لانو طوالي مزحوم والناس كتيره عندو الا تاخد موعد قبل ماتمشي مهند خلاص تمام اديني رقمو عشان صاحبي دا مستنيني ادتو الرقم والعنوان وطلع طوالي مشى ليهو لاقاهو الزول البحجز ليه وماسك مواعيدو حجز عندو قال لي مهند الا بعد اسبوع مهند حاول من هنا من هنا مافي طريقه تلاقي الا بعد اسبوع مهند قال ليه اتوكل واحجز وفعلا حجز بعد اسبوع وطلع دق لي مرام وراها قالت ليه مافي وقت ابدر مهند مافي والله حنستو قال ماف مرام خلاص خير بصبر الاسبوع دا نشوف نهايتا مهند اي اصبري هسي بعدي وبس خليك طوالي مشغله القران انتي مرام حاضر

يتبع ...

#فتاة_الأشباح
بقلم: دينا محمود

الجزء 25

مهند طيب ومرام كيف وضعها الشيخ انت بس حاول ابعد عنها طول فتره علاجك دا ووريها ب الحاصل وهي حتتفهم ومرام زاتو لو لقت طريقه جاتني يكون احسن لانو مدام بتشوفا حتى وانت مامتواصل معاها الموضوع فيه حاجه هاك البخور دا اتبخر بيه واتمسح ب الزيت دا واشرب من المويه دي وادي معاك مرام وزي ماقلتا ليك حاول قدر الامكان تبعد منها مهند حاضر واداهو موعد للجلسه الجايه بعد اسبوعين من الليله مهند قال ليه طيب اذا حصل اي جديد ولا تطور ممكن اتصل عليك الشيخ قال ليه اي طلع ومامصدق الحصل دا كلو معقولا دا كلو حقيقه وفي حاجه اسمها عاشقه ووقت بت تعشقني تطلع جني ومرام وراسو جاط شويه اتذكر مرام طوالي فتح التلفون عايز يتصل تاني وقف قال طيب انا احكي ليها دا كلو كيف اقول ليها شنو اوصل ليها المعلومه كيف اتشجع واتصل عليها من اول جرس ردت مالك اتاخرتا ياخ اها الحصل معاك شنو الشيخ قال ليك شنو وبقت تسال و تسال مهند كدي طيب اسكتي حبه اديني فرصه اتكلم مرام طيب اها اتكلم مهند والله ماعارف اقول ليك شنو ب الظبط بس الموضوع طويل شديد وصراحه ب التلفون مابتحكي انا لازم اقابلك مرام ياخ انت عارف انا هسي مابقدر اطلع انت اتكلم هنا مهند والله ي مرام هنا ماحاعرف اتكلم يا تشوفي طريقه هسي تطلعي يا تخلي بكره بعد المدرسه مرام لا لا مابقدر استنى لي بكره خلاص كدي بشوف امي وقفلت مشت لي امها يا امي عايزه اطلع السوق امها سوق شنو هسي يا بت خلي بكره الكلام دا كان المغرب مرام يا امي اتزكرتا حاجات مهمه لي المدرسه بكره والاستاذه قالت يجيبوها امها مايتنفع لي بكره الوقت اتاخر وعارفه ابوك مابحب مرقت الليل دا مرام مافي طريقه يا امي ومابتاخر امها خلاص النمشي معاك عشان ابوك ما يشاكلك مرام لا يا امي مافي داعي انتي قلتي رجولك واجعاك امها لا مامشكله نمشي بي ركشه مرام لقت مافي طريقه تطلع براها وعشان ما تطلع كذابه جنب امها قالت ليها طيب ارح ودقت تلفون لي مهند ورتو انو ماحتقدر تطلع وبكره بعد المدرسه بتفاهمو وقفلت مشت مع امها السوق اخدت ليها كم حاجه وجات امها هسي طالعه من البيت في الوقت المتاخر دا عشان ديل بس مرام اي يا امي امها سمح خلاص ارح البيت ومشو البيت ومرام مقلقه ومتين بكره يجي عشان تعرف الحصل مع مهند وقدر ما دقت ليه عشان تاخد منو اي كلمه بس تتطمن بيها مهند حلف جاء ابوها اتعشو ودخلت غرفتا ترقد عشان بكره تشوف الحاصل والبت تمشي وتجي ومرام نست انو ما شغلت القران وبالا مامعاها الا لمن الشبح قربت من مرام مرام اتزكرت القظران طوالي داستو شغلتو البت اختفت اتقلبت شويه خايفه من البت ودايره تعرف الحصل بعد مسافه رقدت نامت

يتبع ...

#فتاة_الأشباح
بقلم: دينا محمود

الجزء 26


صحت الصباح ومشت مدرستا وبالا مامع الاستاذه نهائي بس متين الاستاذه تخلص والحصص كلها تخلص عشان تلاقي مهند وفعلا خلصت الحصص وطلعت جرت جري عشان تلاقي مهند لقت مهند لسه ماجاء اتزهجت وبقت تطنطن مالو ماجاء هسي دا وقتو ياخ انا عايزه اعرف الحصل شنو وووو وهي بتتكلم مع نفسها مهند جاء ولا سلمت عليك طوالي بقت تشاكل فيه خلصتي انت مستفز ب المناسبه وين انت من قبيل معليش كان عندي شغل قلتا اخلص مره وحده واجيك ووشو بأس كدا سالتو مالك مامطني كدي ارح الكفتريا احكي لي طيب ارح ووصلو الكفتريا ومرام دايره تعرف الحصل ومهند ماعارف يوصل ليها المعلومه كيف قام قال ي مرام انتي عارفه انا بحبك شديد وبخاف عليك شديد وعشان كدا انا لازم ابعد عنك مرام بي خلعه نعم كيف يعني تبعد مني انت عارفني مابقدر اعيش بدونك وقامت تتبكى واهون عليك ولي وعشان شنو قصرتا معاك في شي مهند يابت اهدي شويه حتعرفي لي بعد ما احكي ليك مقابلتي مع الشيخ وقعد يحكي ويرص ليها ب الحصل ليه كلو وبي الكلام القالو الشيخ ومرام مخلوعه وبس يا ستي دا كل الحصل عرفتي لي نبعد من بعض وعندي احساس الحادث داك حق السياره هي الدفتك عشان تخلص منك مرام طيب انا مابقدر مهند معليش عشان نقدر نكمل لي قدام ونعيش عمرنا كلو مع بعض فتره وبتعدي وانتي حاولي اتصرفي عشان تمشي للشيخ برضو مرام راسا جاط وعرفت الحاصل كلو قالت طيب ماممكن حتى اتواصل معاك ب التلفون مهند لا الا اذا حاجه ضروريه وانا بقول ليك الكلام دا وقلبي بتقطع والله ماعارف بقدر ابعد لاكين عشان ما تتاذي والله انا بخاف عليك من الهواء الطاير مرام خلاص خير بس انت لازم كل ماتمشي للشيخ توريني البحصل مهند خلاص بكلم الشيخ وبسالو وماعندك اي مشكله وانتي اذا دبرتي نفسك ولقيتي طريقه تمشي للشيخ كلميني اححز ليك مرام حاضر وودعو بعض وببكو زي الماحيتلاقو تاني وكل زول مشى بيتو البت الجنيه حاولت تاني في نفس اليوم تاذي مرام عشان لاقت مهند بس مرام ما ادتا فرصه وشغلت القران ومرام بقت تفكر تمشي للشيخ كيف وتكلم اهلا ولا لا وخايفه يزعلو كان عرفو ب علاقتا مع مهند وووووو... قالت تشوف البحصل مع مهند شنو وجلستو بعد اسبوعين زاتو وبعدين تقرر

يتبع .....

#فتاة_الأشباح
بقلم: دينا محمود

الجزء 24


وفعلا مرام بقت مشغله القران 24 ساعه عشان ماتشوفا وفعلا ماشافتا لاكين مجرد ما تشغل القران بتجيها ناطه وبقت في القلق دا وامها متابعه وبتعاين لي مرام ساي وزي الاتاكدت انو مرام مابتكذب بس ماجات واتكلمت معاها وعدى الاسبوع ومرام ومهند مستنينو ب فارق الصبر وجاء الموعد مهند مشى للشيخ كان قدامو كم زول بقى منتظر ومرام كل شويه تتصل يقول ليها لسه لمن جاء موعدو قال لي مرام خلاص حاخش بعد ما اطلع بكلمك وقفل ودخل للشيخ في الغرفه الغرفه لمن تخشها براها تخوف والبخور وشبه مظلمه والشيخ شايل سبحتو ويهز في نفسو مهند دخل سلام عليكم الشيخ وعليكم السلام اتفضل ي ولدي احكي مالك مهند قعد وقعد يحكي ليه بي البت وبتطلع ليه وبتجيه في الاحلام وحابي وحده اسمها مرام برضو بتجيها بس بتاذيها وحكى ليه الكلام كلووووو الشيخ قال ليه خير خير هسي انا بعرف ليك موضوعا كلو مهند حتعرف كيف الشيخ اداهو عين مهند حس بي سؤالو غبي قام سكت قال لي مهند معاك منو مهند ولا زول الشيخ خلاص دقيقه انادي واحد من العندي عشان داير اقراء ليك اذا في شي لازم زول يمسكك مهند عايش في توتر وخوف والشيخ خوفو زياده قرب يقول ليه خلاص ما داير اتزكر مرام القاعده حارساهو ومستنيه متين يجي يطمنا وهو دايرا تتعالج سكت جاء الراجل قعد جنبو وبدا الشيخ يقراء والجنيه اضانا خفيفه ماطول الشيخ بدا يقراء مهند قام يبكي ويرجف كلو الشيخ قال للراجل رقدو رقدو وبقى ماسك مهند شديد والشيخ بكمل قرايه وشويه البت قامت تكورك اسكت اسكت بي صوت مهند طبعا والشيخ اطلعي وهي لا مابطلع مهند طبعا هنا فقد الوعي والبت الشبح هي البتتكلم مع الشيخ مهند ماجايب خبر للدنيا والشيخ والجنيه بتكلمو تطلعي مابطلع سالا انتي الدخلك فيه شنو قالت ليه هو الجاني وانا مابطلع منو وانا بحبو واي زول يقرب منو حاذيهو زي مرام وحاقتلا وووووو والشيخ يضرب فيها ويقول ليها اطلعي وهي رافضه تطلع الشيخ كدا عرف الدايرو وعرف انو الموضوع حيطول لانو الجنيه طلعت عاشقه مهند ودايره وقت حتى تتعالج خلى مهند راقد وبقى يرش فيه بي المويه القاري فيها لمن مهند فاق طبعا ماعارف الحصل شنو منطط عيونو وبسال في الشيخ في شنو انا اخر حاجه حسيت بيها كنت ببكي تاني ماعارف شي الشيخ قال ليه اي فعلا لانو الجنيه الراكباك اتفاعلت معاي بسرعه ما اخدت وقت مهند يعني جد جد هي راكباني جنيه انا بشوفا بس لاكين ماقايلا فيني الشيخ الا بتشوفا وراكباك في ناس بشوفو بس وناس لا بس بتكون فيهم وناس زيك الاتنين قام سال مهند قبل فتره حصل مشيت في مويه وسخانه ولا نطيتا مهند قعد يتزكر قال ليه لا ابد الشيخ كدي اتاكد مهند اي والله صح لاكين مامشيت انا وقعتا بي وشي عديل الشيخ بس من اليوم داك هي دخلت فيك وطبعا دي جنيه او شبح عاشق مهند كيف الشيخ يعني بتحبك وحتاذى اي زول يقرب منك عشان كدا بتاذى مرام الانت بتحبها وطول ما انت بعيد من مرام هي ما حتاذي مرام مهند طبعا راسو جاط ومافاهم شي وحسى الكلام دا كلو كبير كبير راسو ما داير يستوعبو وزي الفلم الهندي نفسو يغمض عيونو ويفتح يلقى الكلام دا كلو حلم ساي وفعلا غمض مسافه وفتح لقى الشيخ لسه قدامو وبتكلم قال للشيخ طيب هسي انا اعمل شنو حاكون كدا ولا كيف انا مافاهم الشيخ قال ليه حتاخد معاي كم جلسه عشان انا اقدر اطلعا منك لانو العاشق مابطلع بسهوله وممكن تاذيك انت زاتك لو فكرتا تخطي خطوه لي مرام يعني خطوبه عرس اي حاجه وممكن تقتل مرام مهند وتقتلني انا الشيخ لا انت مابتقتلك بتقتل مرام انت بتاذيك حتكون ما طبيعي زي المجنون هسي كويس انك جيتني هسي في البدايه وان شاء الله حتتعالج

يتبع ...

#فتاة_الأشباح
بقلم: دينا محمود

الجزء 28


مرام اتفهمت الموضوع والشيخ اقنعا وعشان خاطر مهند وكدا وافقت وفعلا بقت مابتتكلم مع مهند نهائي وواصلت في جلساتا مع الشيخ وماشه كويس وبقت مابتشوف موت والبت برضو ووين ووين حتى تشوفا لحده ماجات اخر جلسه مع الشيخ وقت ما يطلعو البت منها وفعلا الشيخ قعد يقراء وهي تكورك وتفرفر وماسكنها مرتين شغالات مع الشيخ وبرضو بضرب فيها وجاب ولاعه جنب اصبعا الصغير تشاها شويه لحده ماطلعت البت الحمد الله كدا مرام بقت كويسه وصحت والشيخ بشرا البت طلعت وهي اتعالجت وانبسطت شديد سالت مهند طمنا ماشي كويس في العلاج لانو كانت مامتواصله معاهو شكرتو وطلعت مبسوطه عايزه تدق تبشر مهند وماقادره خايفه البت تاذيهو غشت المحل بتاع الحلويات واخدت باسطه وجاتو وجات البيت تغني امها ماشاء الله الليله مبسوطه ان شاء الله ديما لاكين الباسطك شنو ابسطيني معاك مرام ولا شي بت كنت مع صحبتي واحنا معاها قالو خطبا ود خالتا مغترب بس انبسطا ليها وعشان كدا جبتا معاي حاجات حلوه تستاهلك يا غاليه وبترقص وتغني وباست امها ختت الحاجات والا ترقصي معاي يا امي انا مبسوطه لي صحبتي مسكت يدين امها وقعدت ترقص معاها وامها ميته من الضحك وفي نفس الوقت مبسوطه لي بسطه بتها وهم برقصو جاء ابوها جرت عليه باستو وحمد الله ع السلامه ارح ارقص معانا ابوها يضحك شاربه شنو الليله مرام شاربه عصير منغا ارح ارقص وبقت ماسكه امها وابوها ويرقصو ويضحكو ومشت سوت شاي بي لبن وختت الباسطه والجاتو وقعدو ياكلو ويتونسو ويضحكو جاء وقت النوم وهي مبسوطه الليله حتنوم ب مزاح مشت لي غرفتا هذبتا وغيرت الملايات والستاره والفرشه وبخرت الغرفه وغيرت نظام السرير والتوليت وامها تعاين ليها وتضحك والله انتي الليله مانصيحه الله يديم عليك الضحكه ي رب ورقدت مرام ونامت مبسوطه ومرتاحه تاني لا في بت لا في موت ي دوب حست نفسها بت طبيعيه وقعدت ب الحال دا شهرين وامورا ظابطه الموترا بس ماعارفه شي عن مهند الا جاها اتصال من صاحب مهند قال ليها انا صاحب مهند وقال لي اطمنك عليه وكدا انبسطت شديد كدا ي دوب فرحتا تمت وامها وابوها مبسوطين منها شديد يوم جاتا امها مرام مرام اي يا امي تعالي دايراك طيب ي امي

يتبع ....

#فتاة_الأشباح
بقلم: دينا محمود

الجزء 27



عدو الاسبوعين ومرام حاولت قدر الامكان ماتتواصل مع مهند وفعلا البت بقت مابتاذيها ووين ووين تظهر ليها عرفت انو كلام مهند والشيخ كلو صح والليله موعد مهند مع الشيخ ومهند وعدا يمشي ويجي يوريها وفعلا مهند مشى للشيخ وبقى يقراء ليه والبت تكورك ويدق فيها اطلعي بي اصبع رجلو اليسارالصغير وهي حالفه وتكورك مابطلع قلتا ليك مابطلع ويضرب في مهند طبعا مهند ماحيحس بي الضرب حتحس بيه هي قالت انا كان طلعتا بطلع بي عينو الشيخ لا تطلعي بي اصبع رجلو اليسار الصغير قعد يضرب الشيخ ويتكلم معاها وهي لسه رافضه وقف قرايه وقعد شويه صحى مهند مهند اول ماصحى حسى جسمو كلو مكسر عاين لقى محمر واثار ضرب فيه الشيخ عرفو قال ليه انا كنت بضرب فيها عشان تطلع وانت ماكنت حاسي معليش حيوجعك الالم شويه مهند ي دوب فهم قال للشيخ مامشكله اها الحصل شنو الشيخ والله زي ماهي ابت وقالت الا تطلع بي عينك وكان طلعت بي عينك بتخربا ليك بحاول اطلع فيها بي صباع رجلك الصغير شكلك حتاخد معاي فتره واحتمال في الاسبوع جلستين مهند لي مافي امل تطلع الشيخ والله العاشقه دي اصعب شي ما بتطلع ب سهوله هاك الحاجات دي استعملا برضو سالو اديت مرام حاجاتا مهند لا حول الله نسيت والله الشيخ مامشكله خلاص خليها تجيني وانا بديها مهند خير طيب ممكن ادق ليها الليله احكي ليها الحصل الشيخ طيب معنو حتاحاول تاذيها برضو بس خلي مرام تعمل حسابا مهند خلاص تمام وطلع من الشيخ ماقادر يمشي دق لي مرام الو مروم وحشتيني مرام وانت كمان والله اخبارك وعامل شنو وووو اها الحصل معاك شنو حكا ليها وقال ليها ي مرام الموضوع مطول حاولي اتصرفي تجي للشيخ قال ضروري مرام طيب انت عارف الايام الجايه شغاله امتحانات خلاص نهايت السنه مهند ماعارف بس كل ما جيتي بدري احسن والشيخ قال ليك انتبهي من الشبح عشان حتاذيك لانو الليله اتكلمتا معاك مرام مامشكله المهم انت حاول طمني ب البحصل معاك اول ب اول حاضر وقفل الخط وفعلا البت حاولت تاذي مرام وجرحتا بي السكين في رقبتا الجرحه كانت بسيطه واتعالجت منها ومهند كل مايمشي للشيخ بجي يطمن مرام ومرام اليوم كلو بتعمل حسابا من البت عشان ماتغدر بيها وقررت ماتمشي للشيخ الا بعد الامتحانات وفعلا جات الامتحانات ومرام كانت مركزه مع الامتحانات شديد ومهند كل 3 ايام عند الشيخ ولسه الحال زي ماهو ومرام خلصت امتحاناتا ونجحت ودقت لي مهند بشرتو مهند انبسط منها قال ليها بعد دا تشوفي طريقه تجي للشيخ بس وفعلا مرام بقت تتعزر لي امها انو ماشه لي صحباتا وبقت تمشي مع مهند للشيخ وحكت للشيخ انها بتشوف الموت برضو الشيخ رقدا وقعد يقرا ليها وبرضو طلعت البت وبتتكلم ومهند هنا كان حاضر اول مره يشوف البت الشبح بتتكلم وعرف انو هو زاتو لمن يكون بقرو ليك بكون زي مرام الشيخ خلص قرايه وصحصح مرام مرام اها خير يا شيخ طمني الشيخ طمنا قال ليها ان شاء الله علاجك معاي مابطول كان طول 4 جلسات بس وتاني ماحتشوفي البت ولا الموت مرام ومهند انبسطو سالتو طيب ومهند قال ليها مهند حياخد وقت والله واهم شي عشان علاجك يتم ع خير تبعي من مهند وتاني تجي براك ماتجي مع مهند

يتبع ...

#فتاة_الأشباح
بقلم: دينا محمود

الجزء 29


اها يا امي جيتك اي تعالي دايراك يا بتي ماشاء الله كبرتي والله ي مرام وبقيتي عروسه مرام ابتسمت امممم خشي في الموضوع يا امي مالك والله ي مرام نفسي اشوفك عروسه مرام ان شاء الله ي امي لاكين بدري لسه باقي الجامعه امها ياخ جامعه شنو مرام والله يا امي نفسي اكمل واقراء واجيب شهادتي واشتغل بيها امها والله شكلك ماحتعملي الكلام دا كلو مرام لي امي بتقولي كدا امها عشان جارتنا فطين قالت دايراك لي ود اختا مغترب في السعوديه مرام هنا زي الصبت فيها مطره شنو لا لا يا امي انا دايره اكمل جامعتي ومادايره عرس هسي وووو قعدت تنق امها بكلمو ليك يمكن يخليك تكملي مرام لا لا لا تكلمي ولا شي ما دايراهو يا امي بس امها كيف يعني ما دايراهو مرام بقت ماعارفه تقول لي امها شنو بس يا امي دايره امها لا اديني سبب مقنع اقول ليهم رفضت عشان شنو مرام يا امي هسي ما وقتو خلاص خليني افكر وجرت غرفتا ماعارفه تعمل شنو كيف يعني توافق ع المغترب وتخلي مهند حب حياتا وتقول لي امها مادايره العريس عشان شنو لا لا انا لازم ادق لي مهند اكلمو والبحصل يحصل وفعلا شالت التلفون ودقت لي مهند مهند عاين ابى يرد دق لي صاحبو قال ليه شوف مرام دايره شنو وفعلا صاحبو دق الو مرام كيف معليش مهند قال ماحيقدر يرد كلميني دايره شي مرام لا لازم اتكلم معاهو هو قول ليه مرام قالت ليك الموضوع فيه يا حياه يا موت صاحبو مشى كلم مهند مهند قلق ادق يشوف الحاصل ولا مايدق قام دق سلم عليها فتحتو بيت بكى تبكي وهو يسال فيها مرام مالك قلبي انقبض في شنو وهي الحقني يا مهند مهند يابت في شنو ب كواريك مهند انا جاني عريس وامي مصره عليه وانا ماعارفه اعمل شنو ولا اقول ليها شنو مهند طيب كدي اهدي هسي انتي هو العريس من وين مرام هسي دا وقت سؤالك بقول ليك دايرين يعرسو لي امي قالت لي كان ما جبتي سبب مقنع لي رفضك بعرسو ليك مهند خلاص وريها انك بتحبيني واحكي ليها الحاصل كلو مرام انت ماجادي اول شي امي مابتأمن ب الشيوخ ديل نهائي وحتطلعني كذابه واحتمال تضغط علي وتعرسني ليه غصب مهند مابحصل دا ان شاء الله انا زاتي قربتا اتعالج كدي انتي كلميها ولا ادق ليها انا اكلما قالت ليه لا اخير مني خلاص بكلما وقفلت منو مسحت دموعا ومشت لي امها يا امي انا بحب لي واحد ودايره اعرسو هو بس

تبع ...

#فتاة_الأشباح
بقلم: دينا محمود

الجزء 30


امها سكتت وبقت تعاين مرام حست في كف حيجيها امها كدي عيدي قلتي شنو قلتا ليك يا امي انا بحب لي واحد وعايزه اعرسو هو بس امها ابتسمت وقعدت تضحك مرام استغربت امي دي مالا امها مروم والله كبرتي وبقيتي تحبي وتخبي عن امك يخسي عليك كدي تعالي اقعدي جنبي ووريني دا منو وحبيتي متين وين مرم انبسطت وارتاحت لي كلام امها وقعدت ترص وتحكي من بدايه ما اتعرفت ع مهند وطبعا ما ورتا بي الشبح والبت والشيخ وامها يخسي عليك دا كلو من وراي كان تكلميني وانا الكنت واثقه فيك وقلتا بتي مابتعمل شي من وراي ولو كلمتيني انا يعني كنت حاعترض ب العكس كنت حاشجعك لانو كان نفسي اعرس عن حب واهلي ما ساعدوني وقلتا كان الله اداني بت حاخليها تحب وتعرس حبيبا مرام امها ريحتا شديد ب كلاما دا سالتا طيب اها هو منو واهلو منو وناوي يجي متين مرام قعدت تحكي عنو وعن اهلو امها طيب كويس واها جاينا متين يتقدم مايكون بلعب مرام لا والله ي امي جادي ودايرني بس ي امي عندنا مشكله امها خير مشكله شنو مرام قعدت تحكي ليها ب البت الشبح وطلعت عاشقه وبتاذيني وانها مشت للشيخ واتعالجت وباقي مهند وحاليا الشيخ باعدم من بعض وكدا سعديه تاني ي مرام موضوع الاشباح دا وانتي كيف تمشي لي شيخ وتصدقي الحاجات دي والبدفع ليك القروش حقتو منو مرام مهند يا امي امها جاطت فيها وكورك وانقلب 180 درجه ما سعديه الكانت هسي بتتكلم مع بتها وبتشجعا في الحب وانها تعرس حبيبا ودي خرافات وكلام فاضي وتوهمات منكم والشيخ بس داير قروش ساي وانا اتشكلتا مع امي بسبب الشيخ دا تجي انتي براك تمشي ليه وقعدت تجوط اديني رقم مهند مرام دايره بيه شنو امها ماشغلتك بس جيبي الرقم مرام ادتا الرقم شالت التلفون ودقت ليه الو سلام عليكم انا ام مرام ومرام حكت لي اي حاجه انا عايزه الاقيك ممكن مرام مستغربه من امها وعايزه تلاقي مهند لي مهند حاضر يا خاله وين سعديه تعال البيت مش بتعرفو مهند معليش يا خالتي مابقدر والله ومرام بتكون شرحت ليك وانا خايف عليها من البت ممكن نتلاقى في اي مكان تاني سعديه خلاص تمام معنو الكلام دا كلو ما داخل راسي بس في حديقه جنب البيت ب وراء عارفه اي بس خلاص لاقيني هناك وقفلت

يتبع ...