" وما أصابكم من مصيبة فبما كسبت أيديكم "
أي بعض ما كسبت أيديكم .. ! ~ 🌸

• استغفروا ربكم إنه كان غفارآ

قبل أن تنام..افعل ما تيسر من المهام:
1- توضأ💜.
2- صل الوتر🌼.
3- اقرأ آية الكرسي🌸.
4- اقرأ سورة الملك🕸.
5- قل أذكار النوم🌟.
6- اعف عن الناس✨.
7- جدد التوبة💕.
8- اضبط المنبه للفجر🕔.
...
‏❤️|..»اللهم أيقظني في أحب الساعات اليك، كي أسألك فتعطيني و أستغفرك فتغفرلي أنك كنت بي بصيرا رحيماً«..
الوتر ❤️🍃

‏أجر لي ولك ..🌸

‏ - سُبحان الله ..🌸
- الحمدلله ..🌸
- لا إله إلا الله 💜🌸
- اللهُ أكبر ..🌸
- سُبحان الله و بحمدهِ ..🌸
- سُبحان الله العظيم ..🌸

تصبحو علي جنه يا رب🍃❤️

مساء الخير
ولا صباح الخير 😀
انا دعاء 🌸أدمن جديد
ربنا يوفقني وأقدم المفيد 😊

‎صباح الخير والدفء والامان للقويات الصامدات بوجه حقارة هذا الزمن ❤️☕️..🦋🍃

اللهم صباحاً جميل كـجمال وجهك✨💛

اللهُم برد على قُبور من ينتظرِون الدُعاء.💛💛

نهار مفعم بالحيوية وبالطاقه والنشاط
مليئ بالإنجاز والابتكارات ✏️
تزيده لذة رائحة القوة بنكهة القرنفل☕️ وضحكه مع الأصدقاء والأحباب😍 على شاطئ السعاده نبحر بمركب من المحبه لنرسو في أجمل جزيرة للآمال التي نرجو تحقيقها
أسعد الله نهاركم🌸

روايه #فتاه_الاشباح👇

#فتاة_الأشباح
بقلم: دينا محمود

الجزء 01


عثمان وسعديه اولاد عم اتزوجو زواج تقليدي وعادي وكان في بينم الحب والتقدير والاحترام عايشين في قريه صغيره من ضواحي المدينه حالم ميسور وكانت سعديه حامل وزيها زي حال الحريم بتجهز وتخبز للولاده اول مولود ليها ومنتظراهو بي فارغ الصبر وعثمان زيها يوم قاعدين يتونسو كدا بطنا وجعتا وقعدت تكورك عثمان الحقني شكلي حاولد عثمان قال ليها طيب دقيقه وقعد يلف في البيت ساي من الربكه وهي تكورك استوعب حتى لبس جلابتو ومشى لي جارم شال منو عربيتو وجاء ساقا المستشفى وهي لسه بتكورك وهو كان خايف عليها شديد دخلوها غرفه الولاده وعثمان بره منتظر السستر تجي تطمنو ويشيل ويدعي وماشي وجاي لمن جاتو الستتر مبروك جابو ليك بنوته زي القمر فرح وانبسط شديد اداها الفيه النصيب سالا سعديه كيف ردت تمام الحمد الله عثمان طيب ممكن ادخل اشوفا السستر لا استنى شويه بطلعوها ليك وان شاء الله بكره تطلع معاك البيت فرح وحمد ربو وشكرا شويه طلعو سعديه الغرفه عثمان طوالي مشى ليها وسلم عليها واتحمد ليها السلامه ودق لي امها وابوها والاهل كلهم يجو المستشفى وهو معاها بطمن عليها جات السستر شايله البنوته ادتا لي عثمان اول ماشالا بسم الله ماشاء الله حلاتا يا سعديه تشبهك سعديه كانت سمحه عيونا كبار ولونا فاتح وخشما صغير ملامحا حلوه سعديه كدي اديني اشوفا شالتا قالت ليه يخسي علي يا عثمان البت احلى مني وقعدو يضحكو اها حتسميها منو شبكا انا نفسي في اسم مرام سعديه امممم حلو الاسم خلاص اتفقنا مدام انت زاتك نفسك فيه شويه جو الاهل كلهم المستشفى ويباركو ويزغرتو وفرحانين وسعدين وعثمان زاتم فرحانين بي اللمه الحلوه دي وبي مرام الجاتم حتنور ليهم حياتم الا ابوه كان نفسو يجيب ولد عشان يشيل اسمو عثمان حس بيه مشى ليه يا حاج البجيبو الله كلو كويس والمره الجايه باذن الله نجيب ليك الوليد النفسك فيه حتى ابوه انبسط شويه قال ليه خير يا ولدي اهم شي انت مبسوط عثمان والله مبسوط بيها يا ابوي ومبسوط لي سعديه حتجي وحده تملا عليها البيت وتونسا اخدو قعدتم وطلعو تاني يوم الصباح اخواتا وبنات عمها لي سعديه مشو البيت حقها نظفو وزبطو عشان يستقبلو سعديه ومرام عثمان عمل اجراءات المستشفى وساق سعديه ومشو البيت

يتبع ...

#فتاة_الأشباح
بقلم: دينا محمود

الجزء 02


دخلو البيت وانبسطت ب التجهيزات والحال والضيوف والجيران داخلين ومارقين وامها واخواتا معاها بتونسو والجيران بباركو بسالو فيها ان شاء الله ماتعبتي وحده من جاراتا قالت ليها كدي اديني اشوف مرام وشالتا ولعبت معاها حلاتي ربنا يحفظا سعديه تسلمي ي رب وعدا اليوم عثمان جاء البيت متاخر عشان البيت ملان حريم وكدا كانت بتبيت معاها اختها الصغيره اسمها اقبال امها واختا التانيه نوره رجعو البيت اصلا هم كلهم في فريق واحد البيت مابعيد بمشو ب الليل وبجو الصباح لحده يوم السمايه ضبحو الخروف وعزمو الناس العزومه كانت غدا وجو واكلو وانبسطو ورجعو بقو يخلوها براها بعد دا وعدت ايام وشهور ومرام كبرت وكل ماليها ملامح وشها تبقى احلى من الاول وسعديه مبسوطه بيها شديد وكل يوم تلعب معاها وتسرح ليها وعامله ليها برنامج يوم قاعده وبتلعب في مرام مرام غمضت عيونا مسافه وبقت تبكي سعديه بقت تشيل فيها وتهز وتلولي ومرام لسه في بكاها تعاين ليها لسه مغمضه عيونا خافت دقت تلفون لي امها كلمتا امها لبست توبا وجات يابتي مالك مرام مالا سعديه والله مابعرف يا امي كنا بنلعب في امانت الله فجاءه قعدت تبكي وحلفت كان تسكت امها يمكن بطنا واجعاها يمكن كدي النعمل ليها يانسون مشت عملت اليانسون وجات دايره تدخل ليها البزه مرام ابت ترضع ولسه بتكورك امها خلاص ارح بيها المستشفى سعديه سمح ادق ع عثمان اكلمو امها خلاص سريع ماتتاخري وتقلقي بيه سعديه طيب ودقت لي عثمان ي عثمان مرام دي بتبكي وماعارفاها ملا وليها هسي قريب نص ساعه وماسكتت عثمان يمكن جعانه سعديه لا لانو رافضه ترضع امي عملت ليها يانسون برضو رافضه عثمان خلاص امشي وتعالي طمنيني سعديه طيب وقفلت مشو المستشفى الدكتور فحص عليها قال ليهم مافي شي بخليها تبكي قدر دا سعديه وامها طيب مالا الدكتور ماعارف حيرتني انا زاتي شويه مرام براها سكتت وقعدت تضحك كلهم استغربو امها لي سعديه شفتي بتك المانصيحه دي اها براها سكتت وبتضحك كمان قلقت بينا ساي شكرو الدكتور وساقوها ومشو البيت امها يلا يا سعديه ارجع انا البيت اتاخرتا وانتي دقي لي عثمان طمني سعديه حاضر وختت مرام في السرير ومشت دقت لي عثمان تطمنو وجاتا لقت مرام تتضاحك براها سعديه حلاتي بتي تضحك مع الملائكه وبقت مرام ع دا الحال تبكي مايعرفو مالا وتسكت براها وتضحك امها لي سعديه يختي بتك دي مايكون سحروها سعديه لا يا امي ما اظن امها يختي العين وارده في القران كدي امشي لي شيخ يشوف ليك الحاصل سعديه طبعا ماعندها شغله لا بي شيوخ لا فقراء لا الكلام دا قالت ليها سمح ي امي بمشي بس ماهسي وبقت تماطل في امها كل يوم تقول ليها بكره وبعدو لمن مرام كبرت وتمت سنتين

يتبع ...

#فتاة_الأشباح
بقلم: دينا محمود

الجزء 03


مرام حلاتا بقت تحبي وتجوط لي امها في البيت ومضايره شديده وامها تكورك مرام اقعدي زي الناس وتمشي تشيلا وتختا جنبها في المطبخ تغفل منها تلقاها طلعت الحوش وحايمه فيه وتتوسخ ب التراب والمويه وماخالا شي قداما ما مدخلاهو في خشما امها خلصت سريع سريع وجات رفعتا غسلت ليها وختتا في السرير في الحوش جات جارتا سلم عليكم وعليكم السلام دخلت ازيكم سعديه تمام وانتو مرام تعاين لي جارتم ساي وزحت من امها ومشت ليها جارتم هي حلاتا الليله مرام دايراني يختي شالتا وبقت تلعب معاها ومرام صاره وشها ولا ابتسمت ابتسامه وحده المره لمن اتحسست حاولت تديها لي امها مرام تبكي ومادايره تمشي منها جارتم يحليلا دايراني خلاص خليها وشايله مرام ومرام لسه بتبكي امها كانت مخوافها بكى مرام الكتير البدون سبب دا وعامله رايحه منو شويه مرام سكتت ورجعت لي امها جارتم قالت ليها خلاص استاذن انا ماشه البيت سعديه حنستا تقعد للغداء قالت ليها لا العيال بكونو مستنيني للغدا وطلعت عثمان جاء وقعدت بتخت في الاكل وهو بلعب مع مرام شويه يسمعو ليك الكواريك اتخلعو طلعو الشارع في شنو ومافي شنو قالو جارتم اتوفت طبعا سعديه انصدمت وقعد تبكي متين اتوفت هسي كانت معاي كويسه مافيها حاجه وقعدت تكورك مع نسوان الفريق في الشارع عثمان ساق مرام ودخل البيت سعديه انتبهت مرام مافي قامت تفتش ليها وتسال لمن قالو ليها مع ابوها جات البيت لقتا مع عثمان حتى اطمنت عثمان هاك امسكيها امشي انا مع الجماعه ديل نشوف الدفن وكدا سعديه سمح شالت بتها ومشت بيت العزاء جو اخوات المرحومه يبكو ويوصفو مالا الحصل شنو بتها الكبيره قالت ماعندها ولا شي كانت عند خالتو سعديه جات سوت الغدا ختتو قالت اكلو انا بستنى ابوكم رقدت في السرير خلصتا جيت اقول ليها اجيب ليك حاجه بنادي فيها امي امي مابترد قربتا منها لقيتا مغمضه عيونا قلتا نايمه ما اصحيها لمن جاء ابوي سال منها مشى ليها لقاها ميته وسعديه يحليلا اي والله كانت معاي ماكنت قايله روحي ما حاشوفا تاني ويحليلك يا ابتهال ي جارتي يا الماحصل سمعتا منك كلمه شينه ووووو قامت توصف الرجال بي هناك شالو الميت ومشو الدافنه ودفنو ورجعو بقى برنامج العزاء 3 يوم اليوم الاول بكا ووصيف والتاني والثالث ونسه وضحك واكل والميت فقد روحو خلصت ايام البكا وكل زول رجع بيتو ومرت الايام ومرام مشت وكبرت وبقى عمرها 5 سنوات

يتبع ...

#فتاة_الأشباح
بقلم: دينا محمود

الجزء 04


مرام بتلعب مع صحباتا بره في الشارع ومبسوطه تنطط ولا دوري ولا دوري انا والشكله تدور وتاني يرجعو يقولو خلاص نرتب كل وحده تلعب دورا وهم بلعبو امها نادتا عشان تجيب ليها حاجه من الجيران مرام تعالي مرام جات نعم ي امي سعديه امشي جيبي لي من ناس خالتك سعاد ملح مرام حاضر يا امي ومشت وهي بتنطط لمن وصلت لي خالتو سعاد دقت الباب قالت ليها خالتو ماما دايره ملح سعاد حاضر خشي اجيبو ليك دخلت مرام وكان في راجل سعاد في البيت نادا مرام مروم تعالي اسلم عليك سلمت عليه ازيك ي عمو سالا ماما وبابا كيف مرام كويسين يا عمو اداها حلاوه شالتا وشكرتو جات سعاد ادتا الملح قالت ليها سلمي ع امك مرام حاضر يا خالتو جات طالعه اتلفتت لي راجل سعاد وقعدت تبكي جا جاري مالك مالك اتعورتي حصل ليك شي الضربك شنو كان بحب العيال شديد والله مارزقو شويه سكتت مرام لا ياعمو مافي شي يلا انا ماشه وطلعت سعاد ي ربي مالا بتبكي راجلا ماعارف حيرتني بتكون دخلت ليها حاجه في رجلا ولا حاجه سعاد يمكن ودخلو وقفلو الباب مرام رجعت لي امها ادتا الملح وطلعت تكمل لعب مع صحباتا شويه كدا سمعو سعاد تكورك جرو ليها وناس الفريق برضو طلعو في شنو ومافي شنو قالو راجل سعاد مات يلا هي بعد دا عرفت انو البتشوفو دا اسمو الموت واتخلعت وقعدت تبكي امها تسال فيها مرام مالك مرام عمو قالو مات يا امي سعديه ماتبكي حبيبتي وبقت حاضنا مرام شويه وسكتت وعدت حياتا عادي وسعديه مامطمنه حاسه انو مرام فيها شي وماعارفه فيها شنو ومستغربه من بكاها الكتير حتى بعد ماكبرت ودخلت المدرسه وعمرها بقى 9 سنين برضو قاعده في المدرسه مع صحباتا وبكتبو والاستاذه بتشرح وهي مندمجه معاها ومع الحصه وكانت اخر حصه خلصت الاستاذه وطلعت وهي وصحباتا لمو باقي كتبم وطلعت لاقو استاذتم في الشارع مرام عاينت ليها وبتبكي صحباتا مرام مالك في شنو وهي لسه بتبكي اخدت بكيتا وسكتت صحبتا هندويه خبتتا يخسي عليك خوفتينا والله مالك ياخ بتبكي ودي ما اول مره يا مرام مرام مافي شي ياخ من انا صغيره ببكي يلا ارح جو ماشين سلمو ع الاستاذه ومشو شويه سمعو ليك صوت فرامل سياره اتلفتو كلهم لقوها دي استاذتم ضربتا حافله وهي دايره تقطع الشارع مرام بقت ترجف وخايفه ومشت لي امها وهي معرقه وبترجف امها سالتا مالك مرام يا امي استاذتنا اتوفت يا امي انا خايفه

يتبع ...

#فتاة_الأشباح
بقلم: دينا محمود

الجزء 05


سعديه يامرام قولي بسم الله كدي وخشي ساقت مرام ومرام بترجف ماقادره تمشي زاتو قعدتا في السرير ومشت جابت ليها كبايه مويه هاك اشربي مرام يا امي ماقادره امسكا زاتو سعديه شربتا شويه وقعدت جنبها بتهدي فيها شويه هدت سالتا يا امي انتي البموت بمشي وين امها بمشي عند ربنا فوق مرام يعني مابمشي حته كعبه امها لا بطلع عند ربنا واستاذتك هسي عند ربنا مرام سكتت وامها مستغربه في بتها سالتا انتي يا مرام الاستاذه ماتت في المدرسه الليله مرام اي يا امي واحنا طالعين هي ضربنا حافله قدامنا امها لا حول ولا قوه الا بلله يوما تم خلاص مرام كيف يوما تم سعديه عايني ي مرام احنا كلنا حيجي يوم ونموت بس مافي زول بعرف بموت متين مرام يعني يا امي انتي مابتعرفي انا ممكن اموت متين سعديه لا لا الله بس البعرف وان شاء االله طويلت عمر يا بتي مرام اخدت ليها صنه بس يا امي انا بعرف الزول بموت متين امها يابتي دا كلام شنو استغفري انتي زاتك صغيره ماحتفهمي لي هسي وبعدين الله بس البعلم ب الغيب ماتقولي كدا الله بزعل منك وبوديك النار مرام بس والله يا امي انا بعرف سعديه سجمي يا بت انتي حادث استاذتك عشان كان قدامك خلعك ختت يدها في جبهت مرام لقت مرام مسخنه خافت الحمه تضرب ليها في راسا سكتتا ورقدتا ومشت جابت كمادات وبتعمل ليها وراسا شاطب من كلام مرام وماعايزه تسالا هي لي قالت كدا واصلا براها من زمان شاكه مرام فيها حاجه مرام بتعاين لي امها وكل ماتفتح خشما امها تسكتا لحده مانزلت الحمه سعديه يلا ي مرام امشي غيري هدومك ع بال ما اسوي ليك الغدا تتغدي مرام حاضر ي امي مشت غيرت هدوما وجات قعدت مع امها والاتنين ساكتين مرام عارفه نفسها كان اتكلمت امها حتسكتا وسعديه خايفه تسال مرام وبتحاول تطمن في نفسها اكلو وخلصو مرام قالت ماشه تنوم ودخلت امها شالت العده ودخلت المطبخ واليوم كلو مقلقه مستنيه عثمان متين يجي عشان توري مرام صحت واستحمت وقعدت تزاكر شويه عثمان جاء سعديه حضرت ليه الاكل وب العاده بياكلو في الصاله المره دي شالت الاكل ودخلت غرفه النوم عشان مرام ماتسمع استغرب المره دي الليله مالا سالا دايره ترجعي ايام العرس ولا شنو وقعد يضحك سعديه عرس شنو ياخ تعال كدي ودخلت وقفلت الباب يا عثمان انا قلبي ماكلني حاسه مرام دي فيها حاجه عثمان طوالي رفع يدو مالا سعديه مابعرف الليله قعدت تسال فيني يا امي البموت بمشي وين وكدا عثمان موت موت شنو لي مالا كلمتو بي الاستاذه اتوفت قداما ضربتا حافله عثمان اها عشان كدا بتكون خافت بس الموضوع ماخطير سعديه لا خطير لانو قالت لي يا امي انتي بتعرفي انا بموت متين قلتا ليها لا قالت هي بتعرف طوالي شغلتا ب الكلام قلتا ليها مافي زول بعرف ب الغيب غير ربنا لقيتا محمومه خفتا من كلاما عثمان ياخ البت صغيره وفي عمرا دا دايرين يعرفو اي حاجه وبقولو اي شي ماتشتغلي بيها لمن تكبر براها حتعرف اي حاجه انتي ماتجوطي رايك وخليني الناكل كدي امشي جيبي مويه سعديه حاضر مشت ومامرتاحه لي كلام عثمان معنو مقنع شويه تاني قالت يمكن كلامو صح انا بتوهم

يتبع ...

روايه#فتاه_الاشباح

#فتاة_الأشباح
بقلم: دينا محمود

الجزء 06



وعدت شهور ومرام في حالتا وبقت لمن يحصل ليها موقف زي دا مابتحكي لي امها لانو امها ماحتصدقا بقت كاتماها جواها وامها لسه مقلقه ومرت السنين ومرام كبرت ودخلت الثانوي وعرفت اي حاجه بقت تخش في النت وتعرف العندها دا شي طبيعي ولا لا وتسال في صحباتا بس مابتوري انو دي نفسها العندها الكلام دا لا بتقول بعرف وحده او قريت عن وحده وكدا وعرفت انو مرات سبحان الله بتحصل الله يخلق زول وعندو الحاجه دي انو يشوف الموت وقلبها كان قوي وبقت تتحمل وبقى موضوع انو تشوف زول حيموت عادي ولسه في بكاها بس بقت تحاول تتضاير شويه وتبكي عشان مايشوفوها ويحسو بيها بقت تستغلها استغلال حلو لو شافت زول حيموت بتعرفو ولا لا بتمشي تقول ليه اتشهد بستغربو دي مالا في البسمع الكلام وبتقنعو وبتشهد وبموت طوالي وفي البكابر ومابقولا يقول دي مجنونه ماعندها موضوع واصلا ربنا مارايد ليه يقولا وبقت عايشه حياتا كدا يوم امها نادتا مرام البسي ورح نمشي لي بيت جيرانا قالو الليله خطوبه رهام بتها مرام ماشاء الله والله سعديه عقبال ما افرح بيك يا مروم مرام بي خجل لسه بدري على يا امي يلا امشي البس سريع واجيك مشت مرام لبست واتزبطتت وجات لي امها يلا ارح طلعو مشو للجيران سلام وعليكم السلام مبروك وربنا يتمم ليك ع خير وقعدت مع الحريم تجهز اخوات العروس ساقو مرام وودوها للعروس سلمت عليها وباركت ليها وقعدت تتونس معاها ورهام فرحانه ومبسوطه بي عريسا كانت بتحبو 5 سنين والليله جاي يتقدم ليها يعني صبرت ونالت وبتحكي في قصتا لي مرام ومرام مندمجه ومبسوطه ليها جات سعديه داخله سلمت ع العروس وبتبارك ليها مرام شافت موت رهام وزعلت لانو ي دوب رهام فرحانه بي خطوبتا لسه عريسا ماجاء شافا بي فستانا الحلو دا بس ع قول امها يوما دا ومرام مافي يدها تعمل اي حاجه زحت منهم وبكت قدرتا و جات جنب رهام والله يا رهام ماشاء الله طالعه سمحه اتحصني واتشهدي رهام شكرا حبيبتي عيونك السمحه ومبسوطه مرام جد والله بس كدي هسي اتحصني واتشهدي وكانت مصره سعديه استغربت ع اصرار مرام تحصين عرفناهو للعين التشهيد لي فعلا رهام اتحصنت واتشهدت سعديه مرقت ورهام ماحبت تشوف الموقف طوالي طلعت وراء امها وبقت قاعده وصانه وكئيبه امها تسال فيها مرام مافي شي حاسه بس بطني واجعاني شويه البنات في الغرفه قعدو يكوركو الحقو رهام الحقو رهام كلهم جرو الا مرام نادو ابوها جرى بيها المستشفى الدكتور قال انتو جبتوها ميته اصلا ورجعت مرام البيت ومافتحت خشما سعديه يا الله متين تخلص من العزاء عشان تتكلم مع مرام وفعلت خلصت وجات جري لي بتها مرام تعالي وحضنتا شديد مرام في شنو يا امي سعديه مرام والله انا خايفه وخايفه عليك مرام مالك يا امي سعديه مرام انتي لي قلتي لي رهام اتحصني واتشهدي مرام سكتت قالت امي دي اصلا من زمان مامصدقاني مافي داعي يا امي ولا شي عشان بي الجد طلعت حلوه وجميله خفتا يسحروها والعين وارده يا امي والله يرحمه البت امها اي تتحصن عشان العين لاكين لي تتشهد يا مرام مرام عادي يا امي التشهد حلو ماكعب امها بقت تبكي مرام عليك الله وريني قلبي والله واجعني في شنو انتي صحي بتشوفي الموت

يتبع ...

#فتاة_الأشباح
بقلم: دينا محمود

الجزء 07


مرام متوتره وماعارفه تقول لي امها ولا لا مرام يا امي انتي بتصدقيني لو كلمتك سعديه قلبها وجعا زياده اها قولي اي بصدقك احكي انتي وقعتي قلبي مرام اي يا امي بشوف وكلمتك زمان قلتي لي بتوهم وانا ماحبيت اتكلم معاك تاني في الموضوع دا سعديه راسه جاط وبقت ماعارفه تقول شنو سكتت مسافه ودا الكانت خايفه منو من زمان اخدت نفس عميق اها يا مرام كدي قولي لي بتشوفي كيف ومن متين بتشوفي مرام يعني صدقتيني يا امي سعديه اي صدقتك قولي مرام من لمن عمو سعد راجل خالتو سعاد اتوفى انا عرفتا بشوف الموت لانو بقولو مات ولمن كبرتا وعرفتا اكتر سعديه بتسمع ومامصدقه ومامستوعبه المرام بتقول فيه دا منططه عيونا ومرام مواصله بتتكلم ويا امي استاذتنا وجارتنا و رهام وناس كتاااار يا امي حتى بكون مابعرفم بس بلاقيهم مره في الشارع ولا اي حته حتى بقيت اخلي يتشهد سعديه طيب ي مرام بتعرفي كيف حيموت مرام بقعد اعاين ليه مسافه وابكي وبعدها بتوفى سعديه اتزكرت جارتا الجاتا لمن مرام كانت صغيره وجارتا اتوفت عرفت مرام مابتكذب واتزكرت مرام لمن بتقول لي رهام اتشهدي بطنها طمت وراسا لف وحست نفسها عايزه ترجع وقفت مرام ختت يدها في خشم مرام يعني اقيفي وجرت ع الحمام بقت تبكي وطلعت الفي بطنا كلو مرام قلقت عليها جرت حصلتا وتدق في الباب امي انتي كويسه امي الحصل ليك شنو اكلم ابوي يجي وامها في عالم تاني وما دايره ترد وبتفكر في بتها والكلام البتقول فيه وراسا شاطب شويه مرام بقت تبكي كلو مني انا انا ما كان اكلمك وانا وانا وبتبكي امها خافت عليها غسلت وشها وطلعت ليها وحضنتا شديد اا ي مرام ماتقولي كدا ومافي حاجه والله بس خايفه عليك ي مرام وانتي حاولتي تقولي لي وانا طلعتك كذابه ومافهمتك وخليتك عايشه في الخوف دا براك مرام لا ي امي ما غلطي انتي وانا والله ماخايفه وبقيت عايشه مع وضعي دا عادي والله وماتقلقي علي هم بتكلمو جاء عثمان داخل ماشاء الله الليله مالكم متلابدين كدا في شنو سعديه مسحت دموعا وسكتت مرام لا مافي شي بس بنبكي ع رهام يحليلا ي داب عروس عثمان اي والله الله يرحما سعديه خش اسوي ليك شي تاكلو عثمان طيب ومسكت مرام من يدها ودخلت المطبخ قالت ليها اوعى تكلمي زول ولا حتى ابوك سامعه مرام لي سعديه بس بعدين بوريك هسي امشي زاكري في غرفتك مرام حاضر ودخلت غرفتا

يتبع ...

#فتاة_الأشباح
بقلم: دينا محمود

الجزء 08


سعديه ختت الاكل وبتفكر تقول لي عثمان ولا لا في النهايه قررت ماتقول عشان ماتقلقو وهي بتتصرف وعدت ايام وشهور ومرام كل فتره تجي تحكي لي امها عن واحد اتوفى وامها لسه مقلقه قررت تمشي لي امها حبوبه مرام وتحكي ليها وفعلا مشت لي امها وسلمت ع اقبال ونوره اخواتا واتونست معاهم شويه امها حست بيها ماطبيعيه وفي حاجه عايزه تقولا قالت ليها تعالي ي سعديه عايزاك في موضوع ودخلو الغرفه سعديه مالك ي امي امها ابدا بس شايفاك ما ع بعضك وزي الفي شي مالك في شنو عثمان مزعلك ولا مرام فيها حاجه سعديه لا مافي شي امها بتكذبي علي جد مالك سعديه فكتا بكيا واي يا امي بتي حتضيع مني وحضنت امها امها بسم الله ي بت مالك حتضيع كيف يابت قومي فهميني الحاصل شنو سعديه قامت تحكي وترص لي امها وامها مخلوعه زي البتحلم سعديه خلصت اها انا اعمل شنو امها ماقادره تتكلم ومخلوعه من الكلام مرام حفيدتا السمحه البريئه كدا وبتفكر سعديه يا امي انا زاتي لمن حكت لي كنت زيك وانا والله تعبتا وفترتا وخايفه عليها والله عثمان ابيت اكلمو امها خلاص خليني افكر شويه سعديه طيب انا بمشي البيت ولمن تصلي لي حل وريني امها كويس وطلعت امها بتفكر تعمل شنو تعمل شنو وبقت خايفه من مرام زاتا وعدت ايام وسعديه منتظره امها ترد لسه ماردت يوم الباب دق مرام فتحت الباب اهلين حبوبه وحضنتا ام سعديه طوالي زحتا اهلين مروم وين ماما مرام حست في شي بس واصلت ضحكتا اتفضلي جوه يا امي حبوبه جات سعديه جات طالعه اهلين يمه اقعدي امها لا لا ماشه مشوار ارح معاي سعديه مشوار شنو هسي كدي اقعدي ريحي امها لا لا انتي البسي توبك سريع وارح سعديه استغربت من كلام امها مشت لبست سريع وطلعت في الطريق مالك يا امي ماشه وين قالت ليها ارح للشيخ نشوف حل لي مرام والله ي سعديه من بعد الكلام القلتي لي انا زاتي بقيت اخاف من مرام الليله سلام زي الناس ماقدرتا اسلم عليها سعديه دا كلام شنو يا امي اي الموضوع بخوف لاكين ما لي درجه تخافي من مرام زاتا والشيخ حيعمل لينا شنو لا لا اصلي ماماشه هسي انا راجعه البيت امها يا بت يمكن بتك دي مدينها عين ولا فيها جني ولا ماسينها انتي طاوعيني وارح سعديه حلفت كان تمشي قطعتو مع امها قالت ليها ي امي مشي ماماشه واعتبريني ماقلتا ليك اي حاجه وشيخ تاني ماتجيبي لي سيرتو بتي مافيها حاجه وهاجت في امها زعلت من كلاما كيف تخاف من بت بتها خلت امها في نص الطريق ورجعت البيت زعلانه مرام مالك يمه لا مافي شي مرام ماحبت تكترو معاها عرفت انو اتشكلت مع حبوبتا لانو حبوبتا سلاما زاتو كان ماحلو لي مرام وعدت سنه ومرام لسه في حالا والحكاوي البتحكيها لي امها لحده يوم

يتبع ...

#فتاة_الأشباح
بقلم: دينا محمود

الجزء 10


رجعت مرام وسعديه زعلانين عثمان جاء وراهم في شنو امك مالا والدخل مرام شنو سعديه تبكي عثمان كدا هسي بطلي لي بكا في شنو وهي منهاره وبي كواريك مافي شي امي بس زعلانه ع موت اقبال عثمان لا لا في شي مرام وريني انتي مرام ماعارفه يا ابوي فجاءه لقيتا بتقول لي انتي السبب بقى جايط وماعارف في شنو مسك سعديه سعديه عليك الله قولي في شنو سعديه قعدت تحكي ليه انو مرام بتشوف الموت وهي خافت مشت لي امها وكلمتا وووووو وعثمان منطط عيونو مرام مخلوعه امها عملت دا كلو وما كلمتا لي عثمان كان واقف قعد ومخلوع ويعاين لي مرام ناداها تعالي ي مرام انتي كلام امك دا صحي مرام اي ي ابوي عثمان طيب في حاجه تاني غير بتشوفي الموت مرام زي شنو ابوها اي حاجه حلم كوابيس بتحصل حاجه بتكوني شايفاها اي شي مرام لا بس يمكن احلام ماحلوه ابوها زي شنو مرام ياهو كدا زول حيموت وطالب مساعدتي وكدا يعني ماشي غريب زي البحصل لي في الحقيقه عثمان هز راسو خلاص مامشكله كدي خليني مع امك شويه مرام دخلت عثمان لي سعديه لي ما كلمتيني طيب سعديه قلتا ما اقلقك عليها بس لاكين الموضوع دا طول وكتر عثمان ولي تحكي لي امك ياخ سعديه مالقيت حل غير كدا لي في شنو عثمان مافي شي بس هسي امك متخيله انو مرام القتلت بتها سعديه اي ماتشتغل بيها خليها تروق وانا برجع ليها تاني اتكلم معاها برواقه وعدت ايام والعزاء خلص وجارات سعديه كل شويه يجوها يحكو ليها بي الكلام البتقولو امها ويسالوها صحي بتك بتشوف الموت ومنعو بناتم انو يمشو مع مرام بقو متشائمين منها وخايفين ع بناتم منها والموضوع كبر وكل ما يحصل وفاه بقولو بس دي مرام فاهمين المعلومه غلط مفتكرين مرام لمن تعاين لي زول بتقتلو ما فاهمين انو كلو بيد ربنا وانو ربنا عايز امانتو في اليوم دا حتى البموت ليها زول بعيد بتقول برضو مرام وسعديه قدر ما حاولت في امها امها حلفت وابوها اخد موقف برضو وقطعو معاها وناس الفريق شايلين حسهم وقطعو معاهم بقو مسمين مرام الشبح كل ما تطلع من البيت بنادوها الشبح بقت تتعقد من الناس ومن الاسم وندمت انها ورت امها لانو لو ما ورتا زول كان حيعرفا ماف وكان حتعيش حياتا عادي وخلت المدرسه وبقت من البيت مابتطلع وحالتم ما بتسر زول اهلا مقاطعنها حتى اهل راجلا مقاطعنها عثمان جاء البيت لقاهم الاتنين حالتم صعبه سعديه يا عثمان دا ما حال احنا زاتو زهجنا من الوضع دا ومن الناس ومن تعاملم عثمان والله عارف حتى انا شغلي ما زي اول اي زول بجي يشتري يقولو ليه دا ابو الشبح ماتشتري منه وقفلت معاي خلاص سعديه طيب نعمل شنو البت اتعقدت من الناس بقت المدرسه مابتمشي من البيت مابتطلع عثمان خلاص احنا نسافر سعديه وين عثمان ارح الخرطوم هناك زول بعرفنا ماف سعديه لاكين الخرطوم دي احنا مابنقدر عليها ومصاريفا كتيره وبيت ماعندنا ننزل فيه قال ليها بتتسهل ان شاء الله ابيع البيت والدكان ونسافر قالت ليه خير وفعلا لملمو عفشم وباعو البيت والدكان وسافرو الخرطوم

يتبع ...

#فتاة_الأشباح
بقلم: دينا محمود

الجزء 09


جات امها واقبال ونوره يسلمو عليهم دخلو وقعدو اتونسو سالو من مرام وين سعديه بتلبس هسي بتجي وفعلا مرام جات سلمت ع خالاتا وحبوبتم وقعدت تتونس فجاءه شافت الموت في خالتا اقبال طوالي قالت ليهم عن اذنكم ودخلت الحمام وقعدت تبكي مسحت دموعا وطلعت قبل ماتصلم قالت اخليها تتشهد ولا لا اكلم امي ولا اعمل شنو حاره خالتي واخت امي العيله كلها حتزعل وتبكي وتنصدم تاني قالت انا كان كلمتا امي ممكن تكرهني لانو دي اختا انا احاول اكون عادي وفعلا رجعت تتونس عادي شويه دق الباب مشت فتحت الباب لقتا صحبتا سلمت عليها وطلبت منها كتابا حق الرياضيات عشان كتابا ضايع مشت جابت الكتاب وجات بتحنس فيها تقعد صحبتا ابت وهي دايرها تطول معاها عشان لمن خالاتا تموت مايختوها السبب وسعديه تكورك مرام ماتخليها تمشي دخليها شويه سمعت حبوبتا بتكورك سجمي سجمي بتي جيبي مويه سريع جات جاريه مرام خالتا كانت بتاكل في كيكه و خنقت سعديه جابت المويه بحاولو يشربو فيها مافي طريقه طوالي رقدت وطلعت الروح سبحان الله الكيكه بقت ليها سبب ويوما تم بقو يكوركو ويسكلبو ومرام بتبكي قدرتا حاسه بي الذب ب الذات المره دي ماعارفه لي يمكن عشان ما كلمت امها وخالتا وحبوبتا عشان يودعوها ويمكن عشان ما شهدتا بقت تبكي وجات مسكت يد خالتا حبوبتا طوالي زحي منها انتي القتلتيها ابعدي منها ما تلمسيها كلو منك مرام بتبكي ومصدومه وسعديه بتعاين لي امها ومخلوعه يا امي دا كلام شنو مرام ماليها ذنب دا قضاء الله وقدره احنا مالينا يد فيه امها لا بتك القتلتا انا عارفاها من قبيل تعاين ليها وقامت تهضرب مرام وسعديه سابو البكا بقو يتفرجو فيها ونوره مستغربه من كلام امها وبتحاول تهدي فيها امي دا كلام شنو مرام الدخلا شنو يا امي هسي انتي مصدومه عشان بتك وتبكي لا لا انا عارفه بقول شنو دقي لي ابوك يجينا نطلع من البيت النحس دا وفعلا نوره دقت جاء ابوها ساقو جنازتم وطلعو وهم طالعين عثمان جاء كان كلمتو مرام بي انو خالتا اقبال اتوفت في بيتم لا حول الله حصل شنو يا جماعه ام سعديه اسال بتك عثمان بتي مالا والدخلا شنو سعديه قالت ليه هسي امي مصدومه ارح شوف عربيه نمشي معاهم امها والله ما بترفعي رجلك من هنا ومن هسي انا لا امك لا بعرفك وماعندك اخوات انتي كفايه اخدتو اقبال مابخليكم تاخدو نوره بتك الشوم دي ومادايره منك عزاء ابو سعديه في شنو ي جماعه عيب الكلام دا كدي اول النمشي ندفن البت عيب الكلام البتعملو دا سعديه والله يا ابوي ابوها قال ليها بعدين بنشوف وشالو اقبال وطلعو مشو غسلوها ودفنوها وفتحو البكا في البيت سعديه ماسمعت كلام امها جات العزاء هي ومرام امها من شافتم قامت تكورك ديل طلعوهم من هنا ما اشوف وشهم كفايه قتلو لي اقبال انا عارفاهم دايرين يشيلو مني نوره وحاضنا نوره عليها والناس مستغربه دي بتقول في شنو ابو سعديه سمع الكلام في الصيوان بره جاء داخل ساق سعديه ومرام قال ليهم والله ماعارف عملتو شنو وانتو السبب كيف لاكين كدي خلو ايام العزاء تنتهي وبتكلم معاكم امك هسي تعبانه مادايره خلاص ارجعي بيتكم وبعد يومين انا بجيك في البيت افهم منك سعديه بتبكي وزعلانه لي امها تعاملا كدا ومرام براها متحسسه وزادت زياده

يتبع ...