إسلوب حيااه🌻💛

#الحقيقة_المرة
بقلم: الاء الياس

الجزء 05

مشيت كلمت امي بي مصعب انو جاي بكرة ومعاهو اهلو .. قامت قالت لي مااافي ليك عرس قبل اختك الأكبر منك تعرس ووريتك انا .. قلت ليها كيف يعني ي امي م فيهاا حاجة وكل وحدة بي قسمتها واختي قسمتها م ح تفووتهااا والعريس بجيها برضو .. قالت ي بت انا ورييتك مافي ليك عرس يعني مااااف ليك .. مشيت خليتها وانا زعلانة ضربت لي مصعب وريتوو الحصل .... قال لي كييف يعني وهااج كدا .. قلت ليهو والله انا زاتي م عارفة اعمل شنوو اصلا دي حركات امي وم بتحب تفرح ليي وم حصل شفتها فرحت ولا حسيت فيها احساس الأمومة وقلت ليهو بالجد انا تعبت ي مصعب م قادرة استحمل العيشة ديي 😓💔 وبقيت ببكي ليهو ف الخط مساااافة وهو بقول لي م تبكي عليك م بتحمل اشوفك كداا وكل شي ح يتصلح .. قلت ليهو يتصلح كييف وبي ياتو طرييقة 😔 ؟؟ قال لي خليها ع الله .. قمت قلت ليهو خلاص اقفل برجع ليك بعدين المهم قفلنا الخط .

جوني اخواتي بقو يقولو لي جااييك عريس قلتي لينا ههههه والله ماشاء الله وبقو يستفزو فيني وشكلهم عايزين مشاكل .. قمت قلت ليهم احسن ليكم تطلعو من راسي الساعة دي ومشيت خليتهم .. قالو لي يعني ح تعملي شنو يعني (وانا ماشة من جمبهم) طلعت وخليتهم الأوضة .

لاقيت امي ف وشي قالت لي : الواحد بدل يتصبح بي خير يتصبح بي وشك الكريه داا اعوز بالله جايبة لينا النحس .. انا طوالي م قدرت اسكت ع كلامها قلت ليها لييه انتي بتعامليني كدا ؟ .. انا عملت ليك شنو ف الدنيا دي زنبي شنوو .. بنفذ ليك كل طلباتك بعمل ليك اي شي الوحيدة البساعدك ف البيت ودايما بدعي ليك ف صلاتي .. وبتعامليني كعب .. ورغم دا كلو انا بحترمك انا م نسيت انو انتي امي زي م انتي نسيتي انا بتك .. قامت ضحكت وقالت لي هههههااي منو قال انو انتي بتي ؟؟ قلت ليها كيف يعنيي ؟؟ قالت لي عديييل كدا انتي م بتي 😃ولا بعررفك✋ كل الحكاية انو امك زماااان ماتت وعمرك كان سنة وابوك عرسني كان عندي بت وحدة وولد من راجل تاني .. وجبت منو الاصغر منك دي يعني ديل بناتي وولدي من شحمي ولحمي😌 وانتي مااا بتي 😂😂😂😂 فهمتييي؟؟ (بس انا بعد كلام دا بقيت بحس نفسي ف خياااال وبالجد انصدمتا شديييد وم قادرة استوعب الحاصل 💔💔 .. ) ودموعي جرت وقلت ليها انا كنت عارفة انو مستحيييل ام بتعمل كدا ف بتها وتعاملها بالطريقة البشعة دي وقلت ليها انا م فارق معاي شي بالعكس انبسطت اكتر وبحمد ربي انو انتي م اميي وخسارة مني زاتو اقول ليك ي امي .. لكن لو كنتي اتعاملتي معاي زي م بتعاملي بناتك كنت ح تستحقي مني اقول ليك اميي حتى لو م امي الحقيقية .. وقلت ليها انتي وحدة زرة من الإنسانية والرحمة م عندك وم عايزة اكتر كلامي معااااك✋ بس ح اقول ليك خليتك لي الله☝ وحسبي الله ونعم الوكيل فييك .. ومشيت خليتها ودخلت الأوضة وقفلتها علي وبقيت ببكيي وببكيييي طلعت صورة ابوي من الدولاب وبقيت بعاين ليهوو وحضنت الصورة علي شدييييد وبكييييت وشغالة اقول ليهو ي ابوي انا اشتقت لييك ي ابوي تعال انا محتاجة ليك يااا ابوي ليه مشيت خليتني برااي امي مشت خلتني وانت كمان تمشي تخلييني ؟

انت م عارف ي ابوي انا اسي بقيت كيف من غييرك حاجة مكسورة ومجروووحة وحياتي عبارة عن كومة حزن .. يااااا ابوووي 😭😭 وااي انا .. ييتيمة لا ام ولا ابوو 💔 ياا ابوي تعاال وريني امي عاملة كيف وصفها لي بتشبهني ولا لا .. واي ي قلبي واي ياا ابوي وكر علي ي ابووي المن غيرك م بسوى شيي .. وكل م اعاين لي صورة ابوي وهو مبتسم ببكي زيااادة .. ختيت الصورة وقشيت دموعي واستغفرت .. وجبت شنطة كبيرة دخلت فيها هدومي وحاجاتي وصور ابوي وماشة من البيت ولبست لي عباية وفتحت باب الاوضة وطلعت لقيت مرت ابوي وبناتها وولدها .. قالو لي ماشة وين ان شاء الله .. م رديت ليهم وطوالي مشيت جاني احمد قال لي طايرة وين انا مش بتكلم معاك وانا وشي مليان دموع .. قلت ليهو انا ماشة من بيتكم وانا م اختك وانت م اخوووي .. وم حسيتك اخوي نهاي ف يوم من الأياام .. وانا م بعيش ف بيت مافيهو حنية ولا رافة تعاملكم كلو عنف م عافية ليكم حقي لي يوم القيااامة وقلت ليهو زح من قدامي قال لي والله م بتمرقي من البيت دا ان بقيتي شنو داك .. قلت ليهو وانا م قاعدة ف البيت دااا وبقيت بكورك فيهو م قااعدة يعني م قاااعدة وزح من قداامي .. قام اداني كف وقال لي امشي جوة 💔 .. بعد الكف دا انا جريت غرفة ابوي وبقيت بفتش وبفتش (لأنو ابوي كان عندو مسدس خااتيهو ) وبفتش فيهو .. وهم برا م عارفيني بعمل ف شنو .. بس لقيت المسدس ف درج السرير تحت وشلتو وجيتهم برا و عمرت المسدس ع احمد ..

يتبع.......

196 views12:58

إسلوب حيااه🌻💛 via @like

رأيكم في روايه الحقيقه المره

188 views13:01