فن الإنتقاد.

مساء الخير شباب كيفكم ؟
طولنا شديد ، م عندي أي عذر غير كسلتا 😆
لكن إن شاء الله حستمر ف المقالات و حتكون نوعين قصيرة و طويلة ، ساعدوني في إختيار المواضيع ✌🏼.

في مثَل إنجليزي بيقول
‏“praise in public; criticize in private.”
بمعنى إذا حبيت تنتقد زول عن فعل معين إنتقده براهو ، أو فيما بينكم ، وإذا حبيت تشكره فأشكره قدام الناس ، لأنه الأثر البتختو في الزول لحظتها يا إما إتذكرك بالخير و دعا ليك أو ممكن يحصل العكس ، دا كلو بسبب كلمتين طلعت منك

للأسف في مجتمعنا عموماً عندنا مشكلة أنه دايماً إذا انتقدنا بنخت الزول قصادنا أو بنحسسه نحنا أفضل منه ، و في ٩٠٪؜ بالمية من المواقف بتلقى الزول البنتقدك زي القاعد ليك في حلقك بس مش يعني عايز يصلحك ، بس عايز يثبت أنه هو فاهم أكتر منك 🤷🏽‍♂️.

مافي مانع أنه الزول ينتقد لكن الأسلوب بيختلف ، في واحد عايز ينتقدك عشان يصلحك لأنه شاف غلط منك ، و في واحد عايز يغلطك لأنه شاف الصح منك ، فأي الفريقين تختار؟

ومشكلة تانية أعمامنا الكبار ، ما بيقبلوا الكلام مننا
ودايماً بلاحظ ليها ف المساجد أو كدا مرات بيبدر منهم أغلاط بسيطة نحنا بنكون عارفين الصح شنو ، لكن لما تمشي تنبهو طوالي الرد ( إنت عايز تعلمني بعد عمري دا بعملو الحاجة دي كيف ؟ 😆 ) فأنا بقيت م عارف هل نحنا بطبيعتنا كدا عموماً عارفين أي شي ؟ و لا بس دي عقدة نقص فينا !

عموماً ، كلنا بنقع في الغلط ودي طبيعة الإنسان ، بس ي عزيزي أسلوبك لما تورينا الصح شنو أول شي تتأكد أنه نصيحتك دي صحيحة ( ما طلس منك ) و تاني شي أسلوبك صلّحه عشان نحنا نتقبل الكلام ، الطرق كتيرة و أشهر تقنية هي Sandwich Technique اللي هي ببساطة بتقول أنه تقول الكلام السيء في وسط جملتين ظريفات و لطيفات
مثلاً :

( تصميمك ظريف يا حبيب و راعين للألوان الليها علاقة بالصحة بس لو ممكن تغير الخط دا لأنه ما مناسب ، و كدا تصميمك حيكون أجمل و أظرف لكن بشكل عام شغلك ممتاز 👍🏼 )

وفي طريقة تانية اللي هي ودي في الحاجات الكبيرة :
1. أول حاجة توريهو هو عمل شنو ؟.
2. تشرح ليهو الحاجة دي بسببها ممكن يحصل شنو ؟.
3. تسمع منه يمكن عنده تبرير !.
4. أطلب منه بلطف يغير الحاجة الغلط العملها.
5. أطلب منه يأكد ليك أنه عند القدرة يغيرها.
6. أديهو شي إيجابي 🙂.

وفي حاجتين لازم نراعي ليها :
1. ما تعتقد في راسك الكبير دا أنك عارف هو لشنو عمل كدا !.
2. وما تعتقد أنه هو يكون عارف أصلاً مفروض يحصل شنو !.

فلو سمحت عزيزي المُنتقد مهما كان وصفك ومنصبك الوظيفي ، راعي لمشاعر الناس، لأنها حاجة ممكن توجهو أنه هو يشتغل أو يكسر الحنك ، فدا كله راجع للكلمات البتطلع منك .

#Altayibm_Articles.

🏷هذا المسَاء
‏لو ما بذلتَ مجهُود
عشَان وَضِع بتتمنَّاه
حتبذِل أضعَافه
عشَان تتأقلَم
مع وَضِع مُش حابِيه!


︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎

"دعواتكم تتسهل علي محل ما أقْبِل "🙏♥️.

"أدعوا لي الله يرضى علي وعليكم 🥺❤️.
الناس تدعي لبعض" 🌸.

‏"الشيء المؤكَّد دائمًا، أنني انهض."

الحسن البصرى قال " احبوا هوناً و ابغضوا هوناً فقد افرط قوم فى حب قوم فهلكوا" 💙

كان عليك ان تبقى بجانبى عندما هزمتنى الاشياء.

لا تختبروا أحبابكم في صدق محبتهم
ولكن اقبلوا منهم ما يُظهرون واسعدوا به، وستُظهر الأيام صدق بعضهم..
فقرِّبهم واجعلهم خاصة أهلك بعد أهلك،

وستفضح الأيام نفسها دعاوىٰ غيرهم فلا تكرههم ولا تبعدهم، بل ابذل لهم من وجهك ولسانك ومالك بقدر طاقتك، وفوّض أمر القلوب إلى خالقها ومقلبها!

‏ومن ثم عدنا غرباء مجدداً.

في حال كنا في خِصام بعيدين كل البُعد عن بعضنا و أصبحت كل الأمور معقدة لديك و الحزن إعترى قلبك، لا تتردد في الإتصال بي حتى و إن كان في ساعة متأخرة من الليل، لا تتردد في اللجوء إلي بغض النظر عن ما يحدث بيننا.. أنا معك و أشعر بك في كُل الأحوال، و أحبّك رغم كل شيء.

‏عندما لا تعرف اين تذهب، اتجه نحوي.

أؤمِنُ بأنَّ الحُبَّ شيءٌ قُدِسِيُّ المنالِ، وأنّه ثمّة جانبٌ شهِيّ في بقاءِ المرءِ "سِنجلًا"، ومع تعجُّب الكثيرين مِن غيرِ الداخلين في دائرةِ الهوىٰ فإنّني سأُصرِّحُ بأنّ قلبك عزيز؛ إيّاك أنْ تركُله إلىٰ كُلِّ مَن همهم "أُحِبُّك"، لا تسعىٰ إلى علاقةٍ عاطفيّة؛ بل إلى تجرُبةٍ تتخطىٰ القلب والجسد حيثُ الارتباط الرُّوحي سيجعلُ كُلَّ ما دونَه في غايةِ التفاهة.

اِجْعل غايتكَ في الحُبِّ السكينة، ولا تفتح بابكَ إلّا مَن يستحِقُ مُبالغتك بِه؛ جبّارٌ للخواطِر، طيِّبٌ، جديُّ الذهنِ، حسنُ الخُلقِ، مُضيء يُسكِرُّ توهجُ رُّوحِه الشَّمس، تحوِّلُ ثقافتُه واطلاعُه الأُفقَ إلىٰ نهرٍ مِن الاِدهاشِ، يشُدّكَ عطفُه ويجعلكَ تتمحوَّر حوله بخشوعِ مُؤمِن، يخافُ اللّٰه عالمٌ بأمورِ دينهِ ودُنياه، يُصادِقُ دواخِلكَ فتستريحُ علىٰ كلِماتِه، فيزولُ قلقكَ، وينهزِمُ خوفكَ، وتشعرُ بدفئهِ ولو كان بعيدًا.

لا تُفسِّر ما سبق بأنّني أنصحُكَ بالبحثِ عن شخصٍ مثالي؛ لأنّ مُجاراته ستتطلُّب مِنكَ جُهدًا خارقًا، أُريدُكَ أنْ تتوقُ إلى أنْ يكون مساحةٍ هادئةِ تشعرُّ فيها بالحُريةِ والأمان، شخصٌ تستمتِعُ في مُرافقتِه، يُلقِي النِكات، ويرتكِبُ حماقاتٍ لا حدود لها، يتسابِقُ الأملُ مِن طرفِ مبسمِه، وتنجلي الصورُ المُنمقةُ أمام عفويّته، لا أُريدُ أنْ تستهويكَ اللقاءات الكثيرة، ولا التحدُّث طول اليوم؛ فلا يُشترط أنْ يكون مَن تُحِب جُلَّ المشهد؛ بل أنْ يُشكِّل الجُزء الحقيقي فِيه.

-وعلى العمومِ:
لا تُسلِّم قلبكَ إلىٰ لمَن يُمكِنك أنْ تصدُقَ لهُ: "كُنتُ أعْرِفُ الاِطمئنان كَكلمة إلى أنْ أضاف إليّها مجيئكَ المعنى".

-مع الكثيرِ مِن الحُبِّ والشوق♥️
#ريان_ناجي

مشيت عشان مش لازم انا اللي احاول كل مرة.

‏إلى أيّ درجة بلغ الحُب في قلب فريدا كاهلو حتّى قالت :
‏"إذا كان يمكنني إعطائك شيء في هذه الحياة، كنت سأمنحك القُدرة على رؤية نفسك بعيني."

ح أقول تاني (ما تعرس .. ما تعرسي)

ما تعرس وحدة صغيرة وتقول إنك ح تربيها على إيدك "من كتر لفك ودورانك طبعا"
العرس ما تبني ولا تربية ولا وضع نهاية آمنة للصياعة واللف والدوران
ما تعرسي لمجرد إنك عايزة تلبسي فستان الزفاف وبغض النظر عن الشخص ألي ح يكون واقف جنبك.. إنتي كده بتعرسي هيكل بشري خارجي.. ممكن تتفاجئي ب الجواه بعد كده

ما تعرسي لمجرد إنك عايزة تطلعي من بيت أهلك وتحسي بحريتك وتشمي نفسك.. إختاري إنتي ماشة وين ومع منو الأول..

ما تعرس لمجرد إنو سنك كبر ومعظم زمايلك وأصحابك عرسوا.. الحكاية ما كمالة عدد .. العرس علاقة إنسانية ما عندها أي علاقة بالسن..

ما تعرس وإنت ناوي تقعد مرتك من الشغل وتحبسها في البيت وتقطع عنها الهواء والموية وتدسها وتخفيها عن الحياة.. ده ما بفرق أي شئ عن وأد البنات في الجاهلية ظلم.. وجور ودفن ما بعده دفن..

ما تعرس لمجرد إن فلانة عجبك جسمها وفلانة عجبك شكلها .. وفلانة تقاسيمها حلوة وخسارة تضيع منك..

ما تعرسي وانتي متصورة إنو راجلك هو المخلص والمنقذ ومحقق الأحلام.. أحلامك دي إنتي البتصنعيها بنفسك .. وإنتي البتجري وراها.. وإنتي البتحققيها.. هو فقط رفيق في الرحلة

ما تعرسي واحد فيه حاجات ما عاجباك وتقولي ح أغيره بعد العرس.. نحن ما بنعرس عشان نغير بعض.. ما بنعرس عشان نعالج بعض.. ما بنعرس عشان نربي بعض ...
الي إتربى إتربى خلاص ف بيته وبيت أهله
الطبع يا ساااااااه
الطبع يغلب التطبع.. دايماً ختوها في راسكم وخلوها قاعدة في كل تعاملاتكم ...
وختوا مليون خط من البداية.. عشان حياتكم تكون مريحة ...

#شروق_عثمان

أنت بتهون على اي زول، فحاول انو نفسك ما تهون عليك، بمشو كلهم وبتفضل أنت ونفسك، فخلي بالك من روحك شديد.

نادر شديد أتطرق لمواضيع العلاقات
لأسباب كتيرة بغض النظر عنها
حا أحاول أتكلم عن نقاط بسيطة

يلا جر كرسيك وتعال
يلا نبدأ.. 💙

نحن كبني آدمين إتخلقنا جنسين " حروم ورججل" "نساء ورجال" لغير الناطقين بها،
إتخلقنا متباينين في حاجات كتيرة شديد
وإحتياجات الواحد منهم بتختلف عن إحتياجات الواحدة مننا إختلاف كبير
بس برضو يعني بنشترك في حاجات كتيرة
أولها وأهمها هو إحتياجنا لبعض
والإحتياج دا بتدخل جواهو صور كتيرة
بتحتاج لسند، لدعم" نوع معين من الدعم"، لوجود زول حولك مهتم بتفاصيلك البسيطة
وكضاب البنكر الإحتياج دا
وإلا يراجع طبيب نفسي، لأنه دي طبيعة جُبلنا بيها
وفطرة سليمة شديد

الما سليم بقى
هو إستخدامنا الغلط لحتة الإحتياج دي
واللعب والفوضى البحصلوا في بعض أو معظم العلاقات البنشوفها
وبنسمع قصصها كل يوم وفي كل مكان

إحساس التردد وعدم الأمان
الأسئلة الكتيرة البسألها واحد من الطرفين لنفسه؟
ياربي هو دايرني؟
يا الله بفكر فيني كيف؟
فترة وحا تعدي ولا بصورة جادة؟

الشعور بالحيرة كعب شديد والإنشغال بالتفكير المتعب
اللي ما منه فايدة ولا ثمار
وياهم غنوا وقالوا " حيّرت قلبي معاك"
دي كارثة بالمناسبة
بس نحن مستهونين بيها شديد
كونك تخت زول في حتة رمادية ما حاجة كويسة خالص
خالص خالص خالص

لذاااا لا بد من الوضوح والصراحة
الصراحة من الطرفين
بعد التحية والسلام
كيفك يا بت الناس، أنا دايرك على سنة الله ورسوله
والموضوع ببقى ماشي بخطوات واضحة وثابتة
تم، خير وبركة
ما تم، خيره في غيره
نقفل الباب ونلملم عدة الضيوف "مجازًا"
ونعيش وي كأن شيئَا لم يحدث

ما نتعلق ما نتعلق ما نتعلق
لأنه التعلق أسوأ شعور ممكن يتملك الواحد بعد شعور إنه ربنا ما راضي عنك

كتير كتير لاقتكم قصص أو ممكن تكون حصلت معاكم إنتوا ذاتكم
خلاصة حلها السطور الفوق دي
بس الكلام ساهل والتطبيق صعب صح؟!
آآي صح
حا نكذب كمان؟
بس الطريق الآمن للتطبيق
هو في تلاتة خطوات :
تقعد مع نفسك وتصارحها، تستعين بربنا كااامل الإستعانة، وتبدا تطبق طوالي وشيل الصبر وشيل معاك شوية برود 😁

رفيدة الفادني

محبتي التي تعلمون.. 💙

وبالرغم من كل شيء
‏أحب الحياة!

‏وأدرك نعمة أن يمنح الله
‏قلبي المزيد من الضوء
‏حتى يرى
‏ويمنح روحي المزيد من العزم
‏حتى يجدد
‏رغبتها في الحياة!

‏أحب معافرتي
‏كي أواصلَ صبري
‏تساميَّ عما كرهتُ
‏وصمتي
‏انهزامي لينتصر الآخرون
‏رضاي بما قسم الله لي
‏ويقيني
‏بأني على سفرٍ
‏ولذا
‏دائماً
‏سأحب الحياة!💜

روضة الحاج

مساء الخير عليك..
عارف انو ربنا ما ح ينْسى ليكَ كُلّ لحظة إنت سعيتَ فيها لسعادةِ زول وأنتَ المخنوق من حُزنك، وما ح ينْسى خطوتك لجبرِ قلوب النّاس؟ ..

كانت تختبئ في عينه من هم الدنيا ومن فيها..
تلجأ اليه عندما يشتد عليها الحِصار ،.يغلبها الضيق ، تُخرج هاتفها وتُرسِل " العالم ضيّق للغاية ، هل أجد عندك براح " ..
وبعد دقيقة تسمَع نغمة إتصالِه فيُزاح نصف الهَم.. يُجيب بذات الحِس الفُكاهي ويدندن " تعال لو سُدّت الأبواب ، تعال أسكن مسارب الدَم " ..
تُجيب بحِسها المُنهَك..
هل لك أن تحادثني حتى أغفو ، لا أريد الحديث ، أريد سماع صوتك وحَسب..
يبدأ الحديث..
يحكي لها عن طفولته ، وعن أول مرة يلتقي بعينيها ، وأول راتِب ، وأول سفرة مع الأصدقاء ويختم الحديث " هذا كُله تقتل روعته أُحبك واحدة منكِ " ..
تبتسِم..
يُكمل " اللهم الا قلبها ، اللهُم الا قلبها ، بسم الذي لايضُر مع إسمه شيئ في الأرض ولا في السماء " ..
غلبها النعاس فغَفت
أغلق الهاتِف كأب يحمل هم صغيرته التي تَبكي من فرط ازدحام التفاصيل..
تستيقظ صباحاً ..
وقد تبخرت همومها كأن لم تكُن يوماً
أمسكت بهاتِفها وأرسلت
" الحمدلله الذي وهبني إياكَ قبل أن أشقى " 💙
#رغد_عبدالرحمن