‏قال لها : راح افضحك وانشر صورك
في الانستقرام
•
قالت : ايوا حبيبي الله يخليك ابغى لايكات
ماعاد فيه احساس 😂

إذا كان البياض نصف الجمال ف السمار الجمال كله ❤

غايتو أيام الإمتحانات حتى #سباق_الحمير في التلفزيون يعجبك 💔

لا يوجَد لديك نصفٌ آخَر ، أنت إنسان كامل .. إن الله لم يخلقنا أنصاصاً💜
#lola

‏أنا ما خسرت اصحاب .. 💭
أنا اكتشفت انهم ما كانُوا اصحاب أصلاً💔

, ياربّ نصحى على شعور الآية دي 👌،

" فَرِحِينَ بِمَا آتَاهُمُ اللَّهُ مِنْ فَضْلِهِ "!💙😍
#lola

تصبحون علي خير😴❤️



تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ (1) الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ (2) الَّذِي خَلَقَ سَبْعَ سَمَوَاتٍ طِبَاقًا مَا تَرَى فِي خَلْقِ الرَّحْمَنِ مِنْ تَفَاوُتٍ فَارْجِعِ الْبَصَرَ هَلْ تَرَى مِنْ فُطُورٍ (3) ثُمَّ ارْجِعِ الْبَصَرَ كَرَّتَيْنِ يَنْقَلِبْ إِلَيْكَ الْبَصَرُ خَاسِئًا وَهُوَ حَسِيرٌ (4) وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِلشَّيَاطِينِ وَأَعْتَدْنَا لَهُمْ عَذَابَ السَّعِيرِ (5) وَلِلَّذِينَ كَفَرُوا بِرَبِّهِمْ عَذَابُ جَهَنَّمَ وَبِئْسَ الْمَصِيرُ (6) إِذَا أُلْقُوا فِيهَا سَمِعُوا لَهَا شَهِيقًا وَهِيَ تَفُورُ (7) تَكَادُ تَمَيَّزُ مِنَ الْغَيْظِ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ (8) قَالُوا بَلَى قَدْ جَاءَنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِنْ شَيْءٍ إِنْ أَنْتُمْ إِلَّا فِي ضَلَالٍ كَبِيرٍ (9) وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ (10) فَاعْتَرَفُوا بِذَنْبِهِمْ فَسُحْقًا لِأَصْحَابِ السَّعِيرِ (11) إِنَّ الَّذِينَ يَخْشَوْنَ رَبَّهُمْ بِالْغَيْبِ لَهُمْ مَغْفِرَةٌ وَأَجْرٌ كَبِيرٌ (12) وَأَسِرُّوا قَوْلَكُمْ أَوِ اجْهَرُوا بِهِ إِنَّهُ عَلِيمٌ بِذَاتِ الصُّدُورِ (13) أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ (14) هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ (15) أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ (16) أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا فَسَتَعْلَمُونَ كَيْفَ نَذِيرِ (17) وَلَقَدْ كَذَّبَ الَّذِينَ مِنْ قَبْلِهِمْ فَكَيْفَ كَانَ نَكِيرِ (18) أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ مَا يُمْسِكُهُنَّ إِلَّا الرَّحْمَنُ إِنَّهُ بِكُلِّ شَيْءٍ بَصِيرٌ (19) أَمَّنْ هَذَا الَّذِي هُوَ جُنْدٌ لَكُمْ يَنْصُرُكُمْ مِنْ دُونِ الرَّحْمَنِ إِنِ الْكَافِرُونَ إِلَّا فِي غُرُورٍ (20) أَمَّنْ هَذَا الَّذِي يَرْزُقُكُمْ إِنْ أَمْسَكَ رِزْقَهُ بَلْ لَجُّوا فِي عُتُوٍّ وَنُفُورٍ (21) أَفَمَنْ يَمْشِي مُكِبًّا عَلَى وَجْهِهِ أَهْدَى أَمَّنْ يَمْشِي سَوِيًّا عَلَى صِرَاطٍ مُسْتَقِيمٍ (22) قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلًا مَا تَشْكُرُونَ (23) قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ (24) وَيَقُولُونَ مَتَى هَذَا الْوَعْدُ إِنْ كُنْتُمْ صَادِقِينَ (25) قُلْ إِنَّمَا الْعِلْمُ عِنْدَ اللَّهِ وَإِنَّمَا أَنَا نَذِيرٌ مُبِينٌ (26) فَلَمَّا رَأَوْهُ زُلْفَةً سِيئَتْ وُجُوهُ الَّذِينَ كَفَرُوا وَقِيلَ هَذَا الَّذِي كُنْتُمْ بِهِ تَدَّعُونَ (27) قُلْ أَرَأَيْتُمْ إِنْ أَهْلَكَنِيَ اللَّهُ وَمَنْ مَعِيَ أَوْ رَحِمَنَا فَمَنْ يُجِيرُ الْكَافِرِينَ مِنْ عَذَابٍ أَلِيمٍ (28) قُلْ هُوَ الرَّحْمَنُ آَمَنَّا بِهِ وَعَلَيْهِ تَوَكَّلْنَا فَسَتَعْلَمُونَ مَنْ هُوَ فِي ضَلَالٍ مُبِينٍ (29) قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَنْ يَأْتِيكُمْ بِمَاءٍ مَعِينٍ (30)

- في ودائعك يَ الله قلب ككَل
من فقد غالي عليه كن معه وقوي
قلبه واجبر كسره اللهم ارحم كل
من انتقل الى رحمتك"💜⚜.،

-‏ ربي ارحم وجهاً بشوشاً فقدناه
‏وصدراً رحباً ضاقت بنا الدنيا بعده💜✨.

- ‏يالله اذا التفت الساق بالساق فارحم بي فانت ارحم الراحمين💚🕊

‏- اللهم ارحم واغفر من سبقونا إليك اللهم أجمعنا بهم في جنات النعيم💜✨.

.- ‏اللهم ارحم من هبّت نسائم ذِكرهُم على قلوبنا بعد أن توارت أجسادهم عن أعيننا، اللهم ارضَ عنهم واغفر لهم وارحمهم.

#أجر ؟،🌿💕'
‏- سُبحان الله و بحمده .
- سُبحان الله العظيم .
- استغفر الله و أتوب إليه .
- لا حول و لا قوة إلا بالله .
- اللهُم صلِ على نبينا محمد .

تصبحو علي خير يا رب❤️
نتلاقي بكره ان شاء الله

صباح الحب عليكم💕

وقت تحب بصدق م تكلم زول ..
لانه الحب جماله انه يكون بينك و بين حبيبك ..😉
لأن تدخل بعض الناس ممكن ينهي قصة حب جميله..😞

‏وانا صغيرة كنت #مخططة
إذا ضربني ابوي #اوقف وأقول ليهو:
تضرب #بتك☹
وثم نتأثر و #نحضن بعض!

بس ما كان بديني #فرصة😑
هجماتو #سريعة الله #يحفظو😂✋

لو تسألني عن الخوف ؟
اقول ليك : امي لمن تقول لي انا ما دايمه ليك العمر كلو 😿💔

صباحكم عافيه يلا حنزل حلقات الروايه (قلبي في ورطه)🍃

أمنيااآه 🌺🎵:
#قلبي_في_ورطة
حلقة 4
لقيت الرقم الضارب لي غريب وما بعرفه رديت قال لي الو مرام ازيك معاك دكتور سوار بلاي تقول ضربتني كهرباء😂😂😂 مرحب مرحب بيك دكتور كيف احوالك قال لي متاسف جدا اني ضربت في وقت زي ده بس والله انتبهت للزمن بعد ما دخل كم جرس وقلت احسن تردي واوريك والله متاسف قلت ليه ولا يهمك انا صاحيه والرقم غريب واستغربت عشان كده اصريت ارد😂😂😂 قال لي معليش بس اليوم فقدتك ما تكوني عيانة ولا كده قلت ليه ابدا والله بس سافرت امبارح كوستي عندنا مناسبة ونسيت اكلمك معليش بس لاني استاذنت من صبري عشان كده ما اتذكرت الموضوع قال لي ولايهمك وكان كده خلاص ربنا يرجعك بالسلامة إن شاء الله وتصبحي علي خير قلت ليه الله يسلمك بس جبت رقمي من وين قال لي شلته من بتاعت الاستقبال ايوااا تمام تسلم كتير علي السؤال ولو ما قال مع السلامة اظني كان سألته منو أكانت معاك دي😂😂😂 لكن تقلت شوية الحمدلله رؤي قالت لي انسي أنسي يختي😂 كنا مفكرين ننوم كانت الساعه 2 وشوية جا داخل رامي😏😏😏 قال لينا وانا اقول بيتنا مضلم مالو ما رديت ورؤى قالت ليه انت لاقي قال لي ازيك يا هناية قلت ليه هناااية؟ ؟ ؟ ؟ اسمي مرام بقي يضحك قال لي عليك الله بالجد اسمك مرام تشرفنا قلت لي رؤي اطفي النور ولا بقوم امشي قال لي انتي مالك يا بت حمقاء كده وقالها بنرفزة وانا نرفزته ضايقتني وقربت ابكي قلت ليه لو سمحت ما تتكلم معاي كده بأي صفه انت بتتكلم معاي بالأسلوب ده قال لي وانتي بياتو صفه بايته في بيتنا بقيت ابكي وطلعت من البيت و رؤي لحقتني وابيت ارجع ومشت واتشاكلت معاه وشاكلها وجاتني قالت لي يا ترجعي معاي يا ما بنوم قلت ليها كيف يعني ارجع بعد كلامه كده قالت لي ده مابيته ده بيت خالتي وكيتا ليه ارحكي وردي ليه ما تخليك عبيطة فعلا مشيت معاه وكنت جاهزة بالرد بعد دخلنا قال لي جيتي تاني قلت ليه ااي جيت وبجي وقت ما عايزة وانا جيت هنا بعد استاذنت من صاحب البيت ودخلت وهو بقي يضحك ونمنا والصباح مشينا اشتغلنا في بيت المناسبة شوية ولملمنا معاهم ولاقيت زفت رامي ده كم مرة ويتبسم كل مرة وانا ما فاضل إلا اضربو امي قالت لي بعد كده نرجع قلت ليها مش مفروض بكرة قالت لي ااي لكن أفضل نمشي الليله ورحمة وافقت وفعلا بالمساء رجعنا وصلنا زي 1 صباحا تقريبا تاني يوم الصباح القومه غلبتني وقلت اصلا انا مستاذنة يومين وكلمت نومي وصحيت مع وقت الفطور وفطرنا انا وأمي بعد الفطور جاتني رؤي عينها واقعة قالت لي تعبانه ياخ 😂 قلت ليها شكلك ما نمتي كويس قالت لي ااي صحيت بدري وما قدرت انوم تاني قالت لي رأيك شنو نمشي البحر العصر عايزة احكي ليك موضوع قلت ليها خير قالت لي نتمشي ونمشي مزن بيتش اتفقنا وفعلا العصر لبست ومشيت ليها وطلعنا وفي الطريق قالت لي في زول في الشغل متلحني ونا عارفة اعمل شنو وأنه هو زول كويس لكن مترددة قلت ليها هو كلامه شنو قالت لي قال لي لو اديتيني نور أخضر بس بتقدم ليك طوالي (طبعا رؤي يتيمه أب من صغيرة) ومفكرة اصارح امي قلت ليها كدي استخيري اول قالت لي عايزاك بكرة تلاقيه وتشوفيه عشان كده تعالي لي الشركة واتصرفي قلت ليها بحاول دخلنا مزن واشوف لي عربية سوار الماااابتغباني اجي ده شنو الجابو هنا واتاكدت من نمرة العربية طبعا زولتكم حتى النمرة حفظتها😂 بعد شوية اشوفو هو زاااااتو وشايل طفلة وفتح شال من العربية حاجة وشافني. ......يتبع

أمنيااآه 🌺🎵:
#قلبي_في_ورطة
حلقة 5

استغربت شديد انه سوار هنا وكمان شايل طفلة بس ده البرهان الأكيد علي أنه متزوج😂 وحلااااتي يا ناس شافني وجا علينا وقال لي مرام ازيك وسلم علي رؤي قال لي ماشاء الله جيتي متين قلت ليه أمس بالليل لكن عشان ماخدة إذن يومين قلت الليله ارتاح قال لي ايوااا لالا تمام كيف أخبار الجيتو منهم قلت ليه كويسين الحمد لله لاعبت الطفلة الشايلها بتشبه سوار شديد 😂😂😂 قال لي اتفضلو معانا معاي الأسرة الكريمة قلنا ليه شكرا ليك نحنا جايين نشوف بس البحر وراجعين طوالي قال لينا خلاص وروني وبوصلكم قلنا ليه لالا المسافة قريبة بنتمشي قال لينا م مشكلة بس ادوني خبر .وفارقنا رؤي قالت لي يا عويرة كان تقولي كويس عشان نشوف مرته قلت ليها اسكتي قلبي محروق😂 النصيحة حسيت بغيرة حيرتني انا زاتي ليه اتضايق كده والزول ده يادوب أسبوع ما تماه من عرفته ليه كده يا مرام😑 شكلك لسه مراهقة وعاملة زي الطفلة البتتشربك في حاجة وما بترتاح إلا يدوها ليها في النهاية فسرت انه ده مجرد إعجاب بالشخصية وحصل لي انبهار😂 وعملت رايحة رؤي قالت لي بتفكري في شنو قلت ليها انسي انسي ارح قبل المغرب ما يخش ونحنا طالعين هو كان طالع بالعربية وكان معاه مرة راكبة قدام شايلة الطفلة ومره كبيرة ورا والمرة القدام رهيييييييييييبة مرة تعقدك انك مرة من السماحة والنضافة😂احييي بس عملنا فيها ما شايفنهم ضرب لينا بوري وقال لينا اتفضلو والمرة كمان مرحب بيكم اتفضلو قلنا ليهم شكرا نحنا قريبين وسلمنا عليهم وطلعنا وهم مشو واموووووت واعرف حكاية سوار دي شنو المهم اتونسنا شوية لحدي نا وصلنا البيت واتفارقنا تاني الصباح لبستا وطلعت ومشيت الزلط لقيت سوار واقف وأول ما شافني نزل وسلم علي قال لي لو ما جيتي كان جيتك انا 😦😳😳 ده شنو الجابو هنا قال لي اركبي اركبي بعد ركبت وما اتكلمت اصلا من الخلعة قال لي مالك قلت ليه انت كنت في أم درمان ولا شنو قال لي ابدا والله انا جيتك مخصوص حسيت أني عايز اجيكي واشوفك قبل ما تجي ياخواني ده شنو الحاصل ده😂😂😂 قلت ليه شكرا قال لي عفوا ومعاها ضحكة😂 قلت اتشجع وأقول ليه بتك حلوة وكده وبعداك بالتدريج بعرف الباقي قلت ليه ماشاء الله بتك حلاتها ربنا يحفظها سكت مسافة ومسح في شعره وقال لي آمين يارب العالمين اسمها حور قال لي حور دي عيوووني بتمنى يا مرام اشوفها كبيرة وقدرك كده😂😂😂 بس خلاص تم التأكيد واااي يا نار قلبي😂 قلت ليه ربنا يفرحك بيها إن شاء الله آمين يارب تسلمي عقبال نشوف بنوتك كمان .قلت ليه آمين يارب العالمين وصلنا الشغل واليوم كان ملان شكلو سمعته طيبة لأنه ناس الرياض شكلو سمعوا بي جيته في عيادة صبري وانكشحو وحجزو كلهم سوار 😂😂 الشغل كام تقيل وانتهينا متأخر حتي الفطور ما مشينا قام سوار قال لي لو سمحتي اطلعي لي سلمي (بتاعت الاستقبال) قولى ليها وفقي ساعة ونرجع تاني قلت ليه تمام كلمتها واتذكرت اني مفروض امشي لي رؤي قلت ليه ممكن استاذن ساعة قال لي رأيك شنو نفطر واوديك محل دايرة ونجي قلت ليه تمام انا اصلا ماشة لي رؤي صحبتي محل شغلها قال لي خلاص كلميها وانا عازمكم ضربت ليها وقلت ليها انا جاية عليك فطرتي قالت لي يادوب بفطر قلت ليها وقفي عازماك قالت لي قولي والله😂😂 قلت ليها جاي معاي سوار قالت لي تمام في الطريق ونحنا ماشين سوار قال لي عمرك كم يا مرام قلت ليه 23 بقي يضحك بصوت عالي قال لي عليك الله بالحد قلت ليه والله العظيم 23 قال لي أنا عارف انك صغيرة لكن كمان ما 23 قلت ليه ليك الحرية تصدق أو لا قال لي زعلتي ولا شنو بهظر والله😂 قال لي أنا ختيت ليك 25 26 أقل شي حلاتك والله قلت ليه شكرا سألني عندي إخوان قلت ليه انا وحيدة قال لي ربنا يحفظك وحيدة زي حور انتي قلت ليه ربنا يرزقك تاني قال لي آمين وبرضو بعد مسافة ومسح في شعره جنس شي مالو الراجل ده🙄 وصلنا ل رؤي واستاذنته امشي اناديها ودخلت ليها قالت لي تعالي اعرفك عليه ومشينا سلمنا عليه وقال لي رؤي مكرهانا بي سيرتك وضحكنا😂😂😂 صراحة الراجل مهذب وجذاب اسمه علي ومهندم وشيك كده قعدنا اتونسنا شوية وفجأة اتذكرت سوار قلت لي رؤي سوار تحت ارح وطلعنا ومشينا البيت السوري وكان فطور معتبر😂😂😂 واتونسنا وضحكنا. وأنا كنت مبسووطة لكن في حاحةجواي ما قادرة افهمها ومشاعري داخلة في بعض. مشينا وصلنا رؤي ونحنا مشينا ووصلنا العيادة ولقينا في العيادة نفس المرة الامبارح في العربية ومعاها حور 😳😳😳😳😳😳😳 ...يتبع

أمنيااآه 🌺🎵:
#قلبي_في_ورطة
حلقة 6

شفت المرة واتخلعت واتلعثمت وجسمي برد قلت ح تحصل مشكلة الليله وهو بكل برود ازيك يا سوسن خير وشال البت وبقي يبوس فيها ويضحكها وعرفنا بي بعض وهي ابتسمت لي وبقت تعاين لي وقالت لي تشرفنا يا مرام قلت ليها لي الشرف انا ودخلت العيادة جوة وخليتهم برا بعد شوية جا دخل بالبت وقال لي مالك ما اتونستي مع سوسن سوسن دي عسل ياخ ظريفة ولطيفه اتمني تتصاحبو😂😂😂 أجي يا البرقش صحبويه كمان الله يستر ما تدخل تديني بوكس في رأسي قال لي وهو ملخوم وبطلع في حاجة من درج المكتب سوسن شكلها ماشه ناس امي وأظن عندهم مشوار سوق وبقي يضحك اديها القروش دي واجيكي وطلع وجو داخلين سوا قالت لي مرام مع السلامة أتمنى الاقيك تاني وطلعت وانا خلاص ح اتشقي من الزعل تمينا الشغل وطلعنا لكن اصريت اركب المواصلات وفعلا ركبت المواصلات وفي راسي الف سؤال ليه رد فعله كان بارد كده وهي زاتها كانت عادية جدا يلا ما علينا مشيت البيت متأخرة برضو لقيت رؤي مع امي وقعدت اتونست معاهم شوية ودخلت غيرتا و رؤي ختت لي أكل وجاتني جوة قلت ليها انا شبعااانة من اكله قبيل بقينا نضحك قالت لي لكن سوار ده يختي حكايته شنو قلت ليها والله ما عارفة وانا شكلي بحبه وحكيت لي الحصل قالت لي شي غريب والله قلت ليها سيبك علي والله ماشاء الله عليه اديه فرصة يمكن يثبت نفسه قالت لي ده كلامك قلت ليها ااي لكن حاولي اعرفيه اكتر واكتر عشان ما تندمي علي شي قلت ليها خير قالت لي تمام يا حلوة 😂😂 وطلعت وانا النوم غلبني من التفكير تلفوني ضرب وكان ده سوار رديت عليه طوالي 😂😂 قال لي مشتاقين والله 😍 قلت ليه انت مستهبل قال لي ابدا والله والله اشتقت ليك شكلي كده ح اتعلق بيك والله أجي يا إخواني زول يفهمني 😂😂😂 قلت ليه عجيب قال لي والله يا مرام انا حاسي اني بعرفك من زمان وارتحت ليك شديد اتمني نكون احلي أصدقاء قلت ليه جدا مافي مشكلة واتونسنا كتير وقفل وانا نمت مبسوطة الصباح لبست واتشيكت وكنت مزززة طبعا مبسوطة وكده😂قلت امشي احكي لي رؤي حتي اطلع دقيت الباب فتحت لي خالتو رحمة ولقيتهم بشربو في الشاي رؤي عندها أخ واحد عايش في الإمارات وبجيهم مرة مرة لقيت الكبابي تلاته قلت ليهم محمود جا ولا شنو بعد شوية جا طالع رامي😳😳😳 قال لي ازيك قلت ليه أهلا قال لي في زول بجي للناس بدري كده واتفتحت فيه قلت ليه ده بيت أبوك وانت مالك واقف في حلقي وانا زاتي لو عارفة انه انت هنا ما كان جيت أم رؤي قالت لي ليه كده يا مرام ده بيتنا ما بيته رؤي قالت ليها والله يا أمي انا ما عارفة رامي مالو قاصدها من مشينا كوستي وطلعت زعلانه ومشيت الشغل وانا مزاجي انقلب 100 درجة دخلت العيادة بدون أسلم علي الناس لقيت سوار ما جا لكن بعد نص ساعة دخل وسلم علي قال لي ضربت ليك ما رديتي علي ليه قلت ليه التلفون صامت معليش قال لي أنا كنت منتظرك ف شارع بيتكم 😳😳 قلت ليه والله آسفة وسكت قال لي مالك الحاصل شنو حكيت ليه القصة كلها لحدي الحصل الليلة الصباح قال لي خليك ريلاكس شوفي الدنيا دي لو ما بقيتي فيها باردة ما بتمشي معاك واتجاوزي ودي أمور هايفة اعملي رايحة كلامه شوية بردني قال لي للأسف الليلة ما ح اقدر أفطر معاك ح امشي بيتنا عشان نسيبي جاي البيت وقالو ح ينتظروني. انت كمان مالك بتحرق فيتي😂😂😂قلت ليه تمام انبسط واشتغلت شوية وهو نزل وانا نزلت الكافتيرتيا وفجأة شفت رامي جنبي وجا قعد جنبي قال لي ممكن اقعد قلت ليه لو قعدت انا ح أقوم قال لي عليك الله اسمعيني شوية وكان مهذب😂😂😂قلت نعم في شنو جاي تتم اهانتك هنا قال لي والله جاي اعتذر قعد وقال لي مرام انا بحبك😳😳😳😳😳😳.....يتبع

أمنيااآه 🌺🎵:
#قلبي_في_ورطة
حلقة 7
انا بقيت اضحك بصوت عالي وقلت ليه ده مكيدة من مكايدك مش جيب العندك واخلص عشان ما أغلط فيك تعال هنا انت في زول محرشك فيني ولا انا عشان م عندي إخوان قال لي والله العظيم بحبك وملكتي قلبي من أول لحظة بس لمن لقيتك ليئمة 😂 قلت ابقي شوية عنيف لكن قايل المووضوع ح يكون هظار وناخد وندي مع بعض قلت ليه يا زول اختاني وامشي من محل جيت قال لي والله العظيم جيت من كوستي عشان الاقيك واعترف ليك والله يا مرام انا معجب بيك ونفسي تحبيني والليلة دي تديني رد قلت ليه عايز رد قال لي ايوا قلت ليه اتفضل اطلع برا وامشي من هنا قال لي بحبك يا مرام عاينت في عيوني حسيت انه ح يبكي قربت احن عليه😂😂 قويت قلبي وقلت ليه تعرف انك ممثل ممتاز قال خليكي عارفة انا ما ح ارجع كوستي إلا تحبيني وانا في وانتي في قلت ليه طيب امشي من هنا في اللحظه دي سوار ظهر وجا قال لي مرام لو سمحتي ورانا شغل قلت ليه بس أفطر قال لي ماشايف انك بتفطري انتي بتتونسي رامي قال ليه معليش انا شوية عطلتها وماشي هسي وطلع مشي قال لي لو سمحتي افطري والحقيني ونبرته كان قوية شديد واستغربت جدا طبعا رامي قال كلام كتير جدا لكن ما ركزت معاه واخدنا زمن طويل وكان ببرر في أفعاله معاي واستغربت زول يحب في أيام دي كيف تاني اتذكرت حبي لي سوار😂😂😂😂 قلت ده انا حبيته من أول وهلة😂 المهم كملت فطوري وطلعت العيادة لقيت سوار صاري وشو قلت ليه كيف كان الفطور يا سوار قال لي دكتور من فضلك😲😳😨😨😨 حسيت بي جسمي تقل وعرقت فجأه من الأسلوب ده قلت ليه خير آسفة جدا يا دكتور وواصلنا اليوم شغل بدون ما يسألني ولا أسأله ونحنا طالعين قال لي بكرة انا احتمال ما أجي يا دكتورة😳 لكن لو بقي اكيد بديك تلفون أو برسل ليك رسالة قلت ليه تمام وطلعت طوالي وركبت بعد ركبت لقيته واقف جنب عربيته بعاين لي عملت رايحة وقبلت اصلا العربية كانت واقفة والكمساري بكورك😂 العربية اتحركت وفي العربية بدون أشعر بقيت ابكي ووصلت بيتنا طوالي مشيت لي رؤي وفتح لي رامي🙄 دي شنو المصيبة دي قلت ليه لو سمحت نادي لي رؤي قال لي خشي جوة قلت ليه لالا ناديها لي وفعلا ناداها وقلت ليها ارحكي البيت عايزاك لفحت توب أمها وطلعت معاي مشينا البيت ومسكتها وبقيت ابكي لمن اتخلعت 😢😢😢😭😭 قالت لي مرام بسم الله في شنو رامي عمل معاك حاجة قمت حكيت ليها بالحصل وقلت ليها مادام هو اصلا جادي كده ليه في البداية كان خالي البساط أحمدي قالت لي مرام ما تعملي غبية شكلو غار من رامي قلت ليها بينه وبينه شنو عشان يغير وبعدين دي معرفة متين لمن تبقي في غيرة كده كأني بعرفه وبحبه قالت لي بيني وبينك ما حبيته قلت ليها قومي اطلعي انتي كمان تعقدي لي في الأمور قالت لي أنا في حاجة ما حكيتها ليك عشان حسيت بيك مياله لي سوار يا مرام رامي قبل ما يجي ضرب لي وقال لي جاي عشان يتكلم معاك لأنه معجب بيك قلت ليها رامي ده انا بكرهو ولا دايرة اشوف خلقته قالت لي اهدي وقومي نطلع السطوح فوق ونتكلم قلت ليها ارح امي قالت لينا اعمل ليكم شاي قلت ليها لالا ارتاحي نحنا بنعمله وعملناه وشلناه وطلعنا فوق واتكلمنا لمن الساعة 12 جات ونمنا قبلنا في السطوح عندنا سراير بي مراتبهم بس صلحناهم ونزلنا المراتب من طرف السرير ورقدنا أم رؤي دايما لمن رؤي تكون معاي وتتاخر بتعرفها بايته خلاص 😂😂 الصباح صحيت بتلفون سوار......يتبع

البينك وبينو عيش وملح
بكرة يلقى واحد عندو #شاورما

ويبيعك أنت وملحك🌚.