#القلب والعقل ٢#معليش يا قلب مرات بتضعف وتبكى و تقول ياريت لو ما كنت قاسي بس صدقنى قساوتك دي هى الح تخليك تعيش مرتاح باقى حياتك كويس انك قسيت على البحبك وخليته يبعد عنك بس لي كدا يمكن اشان العقل هو الاختار وعارف انو الفراق الاحسن لى يمكن لو كان مشيت بوراء قلبى كان ح اضيع و اضيع مستقبلى كمان🙁 لانو الايام الكنت ماشه فيها بوراء قلبى ما لقيت إلا التعب والحزن والوجع و مرات بلقى فرحه ما حصلت لى 😄بس انت عارف ليه يا قلب انا سبتك و ح اقفلك لانو وجعك حااااااااااااار والله وانا ما بستحمل الصدما علشان كدا انا زمان كنت قافلاك ما بسمح إى حد يدخلك ولو حاول كنت بقنعك انو دا ما ليك ويوم ما فتحتك و خليتك تختار انجرحت ما انا من زمان كنت بحذرك من دا بس انت يا قلب ما سمعت كلامى واسع شوف النتيجه كيف استفدت حاجه لا والله ما استفدت 😭بس خلاص انا تانى ما بحن ح ارجع زي زمان قاااااااسى مافى زول يقدر عليه بس انت الحين يا قلب مجروح و جرحك لسه جديد اوع تخلى زول يقرب منك اشان ما تانى تنجرح وان شاء الله ربنا بيقف معاك وجرحك بلتإم بس عايز شويت وقت واوعك تندم على انك انت يا قلب الجرحت نفسك احسن انك جرحتها من بدري على شان ما تتعود على اي زول اصلك انت صعب ما بتدخل زول عندك بس ما عارف شنو الحصل ليك ودخلت الزول دا كيف يمكن دا هو قدرك يا قلب انك تنجرح منو💔 بس انا عندى حاجه عايزه اقولها ليك والله ربنا لمن يشيل منك حاجه اكيد للخير وانت يمكن الزول الجرحك دا لو استمر معاك ح يدمرك واحمد ربك انو بعدك منو الحمد الله يا عقل انت والله المفروض امسك فيك قوى انت البتقيف معى ف الجروح و المشاكل وكل الحاجه انا المفروض احمد ربى لليل ونهار عليك يا عقل والله انا شاكر اهتمامك و مواستك لى 😯واوعدك انى ح اكون قوى #Nafisa

مشاركه

‏❤️
‏قال ﷺ :
‏"أكثروا من الصلاة علي ليلة الجمعة ويوم الجمعة، فإن صلاتكم معروضة علي".
‏حديث صحيح.
‏❤️
‏اللهم صَل وسلم وبارك على نبينا محمد

الناس البتقرأ الرساله حقت الواتس #بالستاره ويرجعوها ولا كانو شافو حاجه 🐸انتو آكعب ناس والله 🐸💔😂

الناس ديل في ولا انا برااي،🐸🐸☝

‏أنتِ ملاكٌ نسَجهُ الله من خيوط
الشمس، وأنا بيتٌ مهجور يملؤه
ضياؤك.💜

اذا انت بالجد بتحبها خلي البنات تغاار منها ♥️.. مش تخليها هي تغاار عليك من البنات😒✋
افهمها #كويس
#بقلمي
#أمنيااه

عارف احساس تحب زول شديد😴♥✨
لدرجة انو الناس يعلقوا عليكم😴♥✨
لدرجة انو ناس بيتكم عارفيين قدر شنو انتو مرتبطين بي بعض😴♥✨
لدرجة لمن تعمل حاجة يقولوا ليك عشان فلان الفلاني😴♥✨
زول يكون عارف اقل تفاصيل حياتك ويومك😴♥✨
زول بتستشيروا في اي حاجة😴♥✨
زول عندك بكل الدنيا😴♥✨
زول في كفه والدنيا كلها في الكفة التانية😴♥✨
زول حياتك مرتبطة بيهو😴♥✨
زعلك وفرحك بسببه😴♥✨
زول بتشتاق ليهو في كل لحظة وكسر من الثانية😴♥✨
زول حتي وانت معاه بتكون مشتاق ليهو😴♥✨
زول يومك بدونه اخييير عدمو😴♥✨
زول هو نفسك بالمختصر😴♥✨

by: Esra Salih♡~
#ادمونه_جديده

روايه#كسره_روح

#كسرة_روح
بقلم: تاليه محمد

الجزء 11


اتزكرته انو في صور انا وامل مصورانا هدى وصور مصورانا ليهن ايمان

انا وياها بقينا عاملين كده 😳😱؟؟

وفي راسنا الف سؤال والف شك

امل قالت لي شوفيني في واحد من الاتنين الصور دي يا رسلتن ليو هدى او ايمان وبقينا بس مخلوعين وم مصدقين طيب دي هدى ولا ايمان ولي يرسلنهن لي عشان شنو وطيب بستفيدن شنو😳؟؟؟؟؟

المشكله ما هنا المشكله كل يوم بلقى منو مكالمه وما برد مرات بلقى رساله تهديد الزمن ما من صالحك ولازم تنفزي او استني الجاييك

اها طبعا طلعته من امل واتواعدنا تجيني بكره ونفتش لي حل 😔

رجعته البيت وانا بس بفكر واشيل واخت واقلب في الاحداث عسى ولعلا القى لي حل او طرف خيط او اي حاجه بس توصلني لي الحقيقه وطبعا خايفه من بكره وخوفي الشديد من صلاح وخباثتو

رسل لي رساله اسمعي انا صبرته كتير ودي اخر رساله مني ليك جيتيني بالرد اهلا وسهلا م جيتي استني الفضيحه والله فضيحه بي جلاجل تكون ابوك ارسل لي وهو كمان في غربه م تنسي ولا امك ياحليلها الممكن تروح فيها هي براها عيانه ومرسل لي ده 😂😂😂😂😂😌😝

انا طبعا خفته. وبقيت ببكي بس

رسلته لي طيب بتستفيد شنو انت (انا طبعا دايره اجرجرو في الكلام وابين لي اني قويه عشان اصل لي حاجه حتى لو صغيره )

قال لي ههههههههاي ياخ استفادتي كبيره خليك منها

لكن احلف ليك يا لنو لو حققتي لي الفي بالي بريحك راحه شديده وامسحن قدامك واوعدك اني اتقدم ليك طوالي ونعرس

في. نفسي قته ده متخلف ولا غبي ولا مالو ده

ممم انت بس خليني افكر بعدين عرضك م بتعوض شويه كده الزول هدا حسيت بيو

قال لي قدامك يوم واحد بس وبعد بكره من الصباح نتلاقى في المكان البتحددي وتديني رايك قلته لي تمام يازول قفلنا علي كده

بس بقيت بكره نفسي كراهيه لاني انا الوصلته نفسي لي الطريق ده واصلا استاهل كل حاج بتحصل مشيت لي امل وقلته ليها عايني نجيب هدى وايمان سوا ونجرجرن في الكلام ونشيل تلفوناتن نفتشها عشان نعرف الصور عند منو

قالت لي تمام يا زوله اتصلت عليهن الاتنين وبعدربع ساعه جن بيت ناس أمل وبقينا نفتح في المواضيع وضحك وونسه وشمارات عشان م يحسن بي شي

ايمان دي كانت اغلب الوكت هاديه وسارحه هدى عكسها

اها هدى قعدت تسأل فيني يابت مالك بقيتي ضعيفونه كده وكئيبه قلته ليها كنته عيانه شويه قالت لي سلامتك وكده اها في نص الونسه غمزته لي امل 😉نظام نبدأ الخطه امل قالت لي ايمان ايمي اديني تلفونك احول منو الماسينجر عشان اتمسح مني طبعا ارتبكت شديد وقالت ليها ااا تلفوني ما شاحن فيو 5بس وعرقت كده اتاكدنا من الموضوع قالت ليها م مشكله بشحنو ليك بي هناك مسافة يشحن انا بعمل لينا حاجه خفيفه ناكلها شويه اطمنت ايمان وادتو ليها طلعت امل وبقينا نتونس وانا طبعا بالي في مكان تاني خااالص واتاكدته تماما انها ايمان بس كنته مستغربه ايمان لي تعمل كده وتستفيد شنو طيب

طلعنا سوا انا وايمان وهدى رجعته البيت ونسيت اسأل امل من انها شافت الصور ولا لأ وطبعا انجرحته شديد وانخزلته من ايمان لي يا ايمان تعملي كده ياخ انتي اعز صديقاتي بس لو اعرف السبب والليل كلو ما نمته بس بفكر في ايمان وصلاح وما عندي اي حلل وبكره موعدي مع صلاح يفضحني او يدمرني م نمته اتقلب بس اها قلته مادام ما جاييني نوم اصلي لي ركعتين صليت وسبحته كده وبس قعدته ادعي يارب ماعندي غيرك في الدنيا دي يارب انا عارفه نفسي غلطانه وانت غفور رحيم يارب ما تعاقبني بالقسوه دي ما بتحمل انا يارب تدلني لي الطريق المستقيم يارب تحل لي المشكله دي

واتاكدته تماما انو ربنا بيختبرني

الواطه صبحت وانا خلاص خايفه مووووت م عارفه اعمل شنو اتصل علي قال نتلاقى في شارع النيل ياعسل وان شاء الله بس تكوني فكرتي كويس في الكلام القلتو ليك قلته لي اكيد ياخ وما بخزلك وما عندي اصلا حل غير كده

☹اعمل شنو مافي حل غير كده لانو لو الصور دي اتنشرت ابوي وامو ح يروحو فيها بعد الشر عليهم 😔😔

يتبع.....

#كسرة_روح
بقلم: تاليه محمد

الجزء 12


وصلته المكان وانا مكسووره من جوه وحزينه وقراري كنته خايفه منو موووت اها لقيتو قاعد ويتبسم وفرحان اها بالجد اشمئزيت منو وكرهتو وقعدته الوم في نفسي واشاكل فيها ياخ انتي حبيتي ده 😔خساره

اها قلته لي نركب المركب عشان نتكلم بي مزاج قال لي كده تعجبيني لم بقينا في نص البحر قال لي زي م قلته ليك والله العظيم يا لنو الصور اصلا في زاكرتين في الموبايل وفي اللابتوب بتاعي ومانسختهن في اي مكان غير الذاكرتين ديل قلته لي واعرف كيف قعد يحلف وكده المهم اتاكدته انو صادق وطبعا فتح الفون وراني ليهن والابتوب كمان جابو معاو

وانا بس اتبسم لي واقول لي بس توعدني انك تمسحن بعد يحصل ال ح يحصل قال لي اي طيب قلته لي ممكن اشوف الفي اللاب قال لي جدا يا حبيبتي شلتو وقاعده اشوف فيهن وهو في رجلي

قته لي طيب انت عجبتك اي صوره بي غمزه كده😉

الولد ده فرح فرح ما طبيعي قعد يفتش في التلفون ووراني ليها قلته لي كدي اشوفه في يدي اداني ليها وبي حركه سريعه اللابتوب والفون رميتن في البحر 😂😂😂😂😂😂😂

وهو طوالي قام علي حيلو وقعد يكورك قرررب يقع وراهن لو ما مسكوهو الولد ده ما باقي لي الا يبكي ويصرخ وانا ولا فتحته خشمي اكان لم نزلنا مسكني ليك من يدي ورفع يدو داير يضربني مسكته يدو وقلته لي ما عاش ولا كان البمد يدو علي يا سجم ههههه لقيتك غبي لكن وقايلني زيك قايل نفسك بتكسرني وبتدمرني لا معليش ما انا البكسرني واحد زيك وما انا البغلط معاك ياخ قوم لفففف وبالنسبه لي الكرور الرسلتن ليك عندي معاها تصرف تاني

وقعد يكورك ياخ انا دافع فيهن ملايين ياخ انا اتجرسته عشان اجيبن لكن استني بس يا لنا لو ما ادبتك ما ابقى اسمي صلاح وشغال يكورك ويكسر

ولا اشتغلته بيو عاينته لي من فوق لي تحت ومشيت

ياخ انا ارتحته راحه سبحان الله هم وانزاح من علي قلبي الحمدلله يااارب الحمدلله واخيرا اتحلت المشكله

يخسي عليكم مفتكرني ح احقق لي الفي بالو 😠عواليق انتو ولا شنو

رجعته لنو القديمه ما عندي شغله بي زول وجبته ليك الطبله وطبلته قلبي بيها للأبد وجدعته المفتاح

طبعا اماني قررته م اسالها نهائيا امل قامت بي الواجب وشاكلتها وهي جات لحدي عندي واعتزرت لي وانا سامحتها

اها امي بقت كل يومين عيانه وابوي من الزمن داك ما عارفين عنو حاجه

يتبع....

#كسرة_روح
بقلم: تاليه محمد

الجزء 13


اها امي بقت كل يومين عيانه وابوي من الزمن داك م عارفين عنو حاجه😔

اخواني دايما بيسألو منو وانا وامي بس بنقول مشغول ونحنا المشغولين بي ازلتفكير فيو ياربي عامل كيف ياربي عزرو شنو حالتنا بقت صعبه لغاية في يوم امي طلبت من عمي عوض انو يمشي يفتش علي في قطر عوض ده احنه واحد علينا لانو كان صاحب ابوي قبل م يكون اخوهو قال ليها والله م عارف اتصرف كيف بس عندي اصحابي في قطر بكلمن ان شاء الله يعرفو عنو شي واتواعدنا انا وامي انو ما نقول لي اخواني م عارفين عنو شي 😔

وامي عامله عاديه لكن انا حاسه بيها بتتقطع من جوه وبس م بتظهر لينا

اها في يوم العصريه قاعدين انا وامي واخواني نتونس طبعا اي واحد بقول امنياتو شنو

امي قالت لي علا اها بدور تبقي شنو لما تكبري علا قالت دايره ابقا استاذه ايمن قعد يضحك قال ليها تقري اولاد عدن 😝عدن قالت ليهم منو القاليكم اولادي ح اقريهم هنا ح نقريهم انا وها. ابوهم اصلا م ح نسكن هنا ح نستقر في ايطاليا اتلخبطت طبعا وغيرت الموضوع انا طبعا ركزته معاها شديد بس م بينته ليها

سالته ايمن وانت قال لي انا رائد فضاء 🐸

وعدن انا ح ابقى طبيبه جراحه 😉

سكتنا علي كده انا قمته عملته لي شاي وشربنا بي مزااج

اها بالليل كده امي اتضايقت وزي الكتمت نفس كده ونحن م عارفين نتصرف كيف

انا جريت جيرانا كلمتهم ونقلناها بي العربيه والدكتور قال محتاجه عمليه قلب سريعه ومستعجله بي 50مليون لازم بكره تتعمل وانا وقعععت علي زي الصدمه امي عندها قلب 😱😱😱😱😱😱😱

كيف. الكلام ده ومن بتين قال طوول وامك عارفه بس م بتهتم بي صحته وانا خلااااص ما فيني حيل حسيت كرعي ديل انشلن وراسي ده بقى قدر كده لي يا امي بتتحملي الوجع براكي لي م بتتكلمي وفي ليلي داك مسحته دموعي قلته يا بت ده م وقت البكاء ده وقت العمل اتصلته علي عمي عوض وحكيت لي الحصل وجيت راجعه البيت اطمنته علي اخواني وكلمته بت جيرانا تقعد معاهم وهي م قصرت بقيت افكر في القروش انا القاهن وين وكيف اقدر ادبر 50مليون بين يوم وليله مشينا انا وعمي عوض دمان ابوي الماجرو لي واحد اصلا م عندنا غيرو وقلنا ح نبيعو طبعا اعتزرنا لي الماجرو وقلنا لي ظروف وكده وطلع ود حلال كده وقال لينا م مشكله انا بعرف احمد ده حق المعرفه وهو صحبي واخوي ومادام انتو محتاجين لي المبلغ انا بديكم لي طبعا انا فرحتتته شديييد

بس عوض عمي قال ليو المبلغ كبير ونحنا م بنقدر نرجعو هسي وكيف نضمن انك م تضايقنا قال لينا اطمنو من الناحيه دي

ووعدنا بكره نستلم القروش والحمدلله المبلغ اتدبر رجعنا المستشفى وانا من ما شفته امي بقيت ببكي بس 😭😭😭😭😭😭ياخ ربنا يقومك بي السلامه يا امي

امي قالت لي انا م اظن اقوم منها يا بتي انا طوالي سكتها بعد الشر عليك ان شاء الله انا ويجعل يومي قبل يومك

قالت لي م تقولي كده يا بتي وكلنا ماشيين عليو

لكن يا لنا يا بتي ابقي عشره علي روحك وعلي اخوانك ابقي ليهم ام وابو واخت وخاله وعمه وصاحبه

امي عليييك الله حرااام عليكي ما تقولي كده وانا بقيت ببكي شدييييد

معليش يا بتي حملتك مسؤلية كبيره لكن بتقدري يا لنا وان شاء الله ح تقدري يا بتي عافيه منك ورضيانه عليكي دنيا واخره والله يقويكي يا بتي الله يقويكي

واشهد ان لا اله الا الله واشهد ان محمدا رسول الله

يتبع....

#كسرة_روح
بقلم: تاليه محمد

الجزء 14


امييي امييي امييي اصحي يمه عليييك الله قومي ما تخليني براي امي ما بقدر اعيش من دونك انا يا امي انا م بقدر عليهن اولادك ديل انا نفسي م قادره اهتمه بيها امي عليييك الله م تهظر معاي ده م وكت هظارك يمه والله تاني م ازعلك والله ما اتشاكل مع عدن ان شاء الله تكتلني انا م بهبشه تاني

امي انتي مش قلتي دايره تشوفيني دكتوره خلاص والله ادخل طب والله الهندسه خليته وما بفتح ليك موضوعه تاني امي انتي مش قلتي بتحضري عرسي امي انتي م بتكزبي لي ياخ تفوتيني في نص الطريق امي ياخ مش قلتي ح تشيلي بتي وتدلعيها امي مش قلتي م حا اخليك تتألمي يالنا لي طيب المتيني امي قومي امي لي سبتيني في نص الطريق قومي ياخ حرام عليكي وعمبي يبكي شديد قمته علي حيلي ومسكته عمي من يدو عمي عوض عاين لي امي مالها م بترد علي عاين ليها قول ليها تعالي ياخ وهو انهار من البكاء وقال لي امك ماتت يا لنو امك ماتتت

والكلمه دي بس بقت تتردد لي ماتت ماتت وبعدها م حسيت بي حاجه وما شفته حاجه وما صحيت الا رابع يوم واتضح انو جاني انهيار عصبي من اثر الصدمه😔

ياخ فتحته وانا في المستشفى ولقيت عمي عوض في وشي من غير ما اتكلم كنته ببكي بي هستيرياااا شديده لغايةما يدوني مهدئ واستمريت بالحاله دي قريب الاسبوعين والحمد لله بقيت اسوأ رجعته البيت وكل ركن في البيت بزكرني بيها كل حاجه في البيت بتزكرني ليها بس بقيت اعاين في كل حاجه وابكي هديت شويه اشوف عدن اختي وهي بتبكي وعلا وادهم كمان علا سالتني لنو ماما وينا وانتي كنتي وين ياخ البيت من غيركم مسييخ حبوبه قالت لي ماما مشت الجنه والجنه حلووه بس انا عايزه امشي ليها بس م قادره اتكلم ولا قادره اتنفس حسيت قلبي مواجعني شديييييد الم ما عادي ضميته علي وبقينا مبكي كلنا سوا ومرت الايام باااهته جدا وما عندها طعم الليله زي بكره وبكره زي امس والناس داخلين وطالعين و بس مره شهر وكانو سنين كلو حززن

والحمدلله بقيت عاديه من برا بس من جوه قلبي بيتقطععع واخيرا اتزكرته وصية امي لي

مشيت اتوضيت وصليت وبقيت في المصلايه ابكي وادعي يارب تقدرني علي المسؤليه دي يارب تقدرني عليها 😔

واتحملته مسؤولية اخواني وانا طفله ومفروض يتحملو مسؤليتي وبشوف نفسي في كل شي مقصره ومعاهم اااخ من المسؤوليه التقيله علي الما بقدر اتحملها عمري 16 سنه وبقيت ام لي مراهقه عدن وطفلين علا وايمن

بقيت ليهم ام حنان ودفا وامان واب ادب واخلاق

لكن دايما بحس بي تقصيري

طبعا حبوبه وعمو عوض قعدو معانا عشان يساعدوني اقصد يغلبوني زياده 😂😂

بالنسبه لي علا كان طبعها حلو شديد وبتحبني ودايما معاي

اما ايمن شويه كده عصبي وشايف نفسو هو راجل البيت اوامر ونواهي وبرفع صوتو علي شوفو الشافع ده 😳

عدن اصعب واحده ما دايراني اقرب عليها ولا دايراني اهتم بيها قالت هي كبيره وبتهتم بي نفسها ودايما جارحاني بي الكلام 😭😭بس ما انا لنو القديمه عشان اشاكلها بتزكر نصيحة امي لي بسكت ليها بس وبدعي ربنا يهديها بس الحمدلله كانت بتخاف من حبوبه

اها طبعا اتععودته ع الوضع ده مع انو صععب شديد

مرت سنه كامله ع وفاة امي وكانت كانها دهوور طويله ومؤلمه من جهه فاقداها شديد ومن جهه المسؤليه صعبه علي ولا كمان ابوي الما عارفين عنو شي 😔

يتبع......

#كسرة_روح
بقلم: تاليه محمد

الجزء 15


مرت الايام وعدن تصرفاتها اتغيرت ياخ بقت مهتمه بي نفسها زياده عن اللزوم وفرحانه اليوم كلو م زي عوايده لم استغربته ياربي البت ماله

بس اوعى يكووون 😱😱😱😱😱😱😱😱😱😱

معقوله عدن بتحب 😳😳😧😧

كيف يعني عدونه اختي بتحب الشافعه دي

اي فعلا انا لم كنته ..كنته زيها كده والله وكبرتي يا عدن

وااي يا عدن حب شنو الجبتي لي 😔الحب الكسرني ودمرني وخلاني اكره الاولاد جبتي من وين يا عدن واي انا منك

بس بقيت بفكر البت دي بتحب منو وهل هو عارف انها بتحبو ولو عارف هوو كمان بحبها ولا غاشي عليها زي م كان غشاني ....

افكاري بقت تمشي وتجي وبالي انشغل بي الموضوع ده

ياربي انا اتصرف كيف

اااخ يا امي ياريت لو موجوده عشان تدليني لي الطريق الصاح ياريت يا ابوي لو موجود عشان تساعدني في تربيتهم انا لسه صغيره وما بعرف اتصرف كيف امي ويا ابوي الليله بتكم عدن كبرت وبقت تحب😞

يارب بس م ينكسر قلبك يا اختي

اها فكرته اول حاجه اعمله اعرف عدن دي بتحب منو ؟؟

بقيت بس مراغبه تصرفاتها من غير م تحس وبرضو م عرفته شي

قلته خلاص اخليها للايام طبعا امل وايمان وهدى م انقطعو مني كل يوم بجوني في البيت بنقعظ نتونس ونحكي كل حاجه عن بعض طبعا ايمان بقت معاي عاديه بس انا بقيت م بثق فيها شديد وما حسستها واتجاوزنا الحكايه وم عارفه هي لي عملت كده وم دايره اعرف والدكان حقنا بقا شغال فل وحالنا ميسور

يلا بقيت منظمه وقتي نضافه وطبيخ وبراجع ليهم دروسهم وبحاول بي كل طريقه اني اكون صديقتهم قبل اختن

طبعا بقيت اتقرب من عدن بي كل الوسايل بس عشان تثق فيني وتحكي بس هي ولا شغاله بي

في يوم من الايام كنا قاعدين برا في الشجره العصر كده انا وعدن ايمن وعلا اتغدو ونامو اها جاء داخل علينا عمي عمر المن يوم البكاء ما شفنا خلقتو 😒

سلم علينا وقال لي عدن ادخلي جوه داير اتكلم مع اختك براهه

دخلت

وانا طبعا طوالي خفته وقلبي قعد يدق

قال لي كيف يا لنا

تمام الحمدلله

اها يا بتي انتي لسه صغيره وما بتقدري علي المسؤليه دي

والله ياعمي الحمدلله وربنا يقدرني

الحمدلله بس انا شايف تشوفي حياتك وتستقري وتتزوجي عشان تلقي ليك راجل يشيل معاك المسؤليه دي ابوك الله اعلم مشه وين لي هسي اتلقي يكون اتزوج وعندو اولاد

قلته لي اولا انا لسه صغيره ع الزواج تاني حاجه انا م بسمح ليك تتكلم عن ابوي كده

قال لي تسمحي ولا لأ ياهه الحقيقه الما منها مفر

عايني لي هنا خالد ولدي ده بدورك وانا بما اني ولي امرك بعد ابوك الطافش ده قررته اعقد ليك علي الاسبوع الجايي وما دايرين لينا عرس وجوطه ولخمه نعقد ليك بعد صلاة الجمعه والدخله في نفس اليوم

انا طبعا انصدمته شديد ووقفته علي حيلي وقلته لي اسمعني انا م بسمح ليك تغصبني علي حاجه انا م عايزاها وخالد ولدك ده اكان اخر راجل في الدنيا دي انا م بعرسو الصايع الضايع المقطع ده والله ياهو الفضل بتين بتهتم بي عشان تعرف مصلحتي وين ياخ انت سلام ما بتجي تسلم علينا اخواني لو لاقيتن في الشارع م بتعرفن ولا خلاص عشان امي ماتت وابوي م عارفه لي طريقه جايي تتحكم فيني قايلني ضعيفه وبسكت ليك عليك الله امش شوف شغلتك وين

بس اشوف صاااااج كفتني لما وقعته في الارض ومسكني من يدي وقال لي لسانك الطويل ده بعرف اقصو ليك يا بت الكلب وولدي الصايع الضايع ده ح يعرسك بكره بي بلح في الجامع والنسمع حسك تاني وانا كلامي مافي منو اتنين وتفه لي في وشي وطلع

وانا بس انهررررته من البكاء وجيت عدن حضنتني عليها وبقينا نبكي سوا قالت لي ما ح اخلي يعمل الفي راسو وبوعدك يا لنو اذا كنا م معانا زول فرب العباد معانا زحيت منها استغفرته وغسلته وشي ودخلته الاوضه بس تاني قعدته ابكي بي هستيريا شديده واتزكرته امي لو كانت قاعده كانت اكيد ح توقفو عن حدو وياريت لو مشيت معاك يا امي لي خليتيني لي الالم والوجع لي يا امي اتخليتي عني

تعال يا ابوي شوف اخوك قال شنو 😭😭😭😭😭😭😭

حبوبه وعمو عوض جو وعدن حكت ليهم لانها سمعت كل شي وجاء عمو عوض رفعني من الارض وضماني عليو وقال لي طول ما انا عايش ما حا اخلي زول يلمس شعره منك ياخ انتي بتي الما ولدتها 😔ياخ حسيت بي راحه وطميئنينه لما ضماني عليو وبس رقدني في السرير وبعدها نمته

حبوبه لقتني نايمه بس قعدت تبكي لم شافت حالتي

قعدو يتناقشو عمو عوض وحبوبه في الموضوع وطلعو قالو ماشيين لي في بيتن هو قايل البت هامله ولا م عندها ضهر مشو شاكلوهو وحبوبه قالت لي علي جثتي العرس ده ويا عمر يا ولدي انا م عافيه منك لمن اموت وطلعت ومن اليوم داك الموضوع انتهى والحمدلله بقيت عاديه اها طبعا عدن بقت قريبه لي شديد ادق التفاصيل بتحكيها لي وبتشاورني في كل حاجه وانا كمان م مقصره منها طبعا طلعت الولد البتحبو اسمو هاشم وهو ود جيرانه بس طلع بحب لي واحده تانيه وهي زعلت شويه واتناست الموضوع وانا حكيت ليها تجربتي مع الحب

اها في يوم كانت الساعه تسعه مساء في زول كان في الباب ومشه عمو عوض فتح لي ولم جاء

داخل انا لم اتخلعته ابوي انت جيت 😧😍

جرييت علي وحضنتو وبقينا نبكي انا وهو بكاء شديييييد قريب ساعه انا م فكيتو وقال لي معليش يا لنو ما حا اسيبكم تاني سامحيني يا بنتي قلته لي رجعتك دي بي الدنيا طبعا قال لينا كنته مسجون طول المده الفاتت دي في قروش انا م سرقتهم سرقن صاحبي وشيلني التهمه والحمدلله ربنا كشف الحقيقه في الاخر ويومي السمعته بي امكم ماتت انا قربته الحقه من الحزن والكاء الكتير لكن الحمدلله

طبعا بعد رجع ابوي بقينا زي الاول واحسن قدر يعوضنا عن الالم والعشناهو في بعدو وقدر يعوضنا عن امنا والحمدلله انا رجعته لي دراستي وامتحنته تالته وجبته درجه عاليه شديد وهسي بقرا في جامعة السودان هندسه طبيه

واتعلمته انو الكسر بيألم الزول بس كمان ع قدر الالم بدي قوه وعرفته كمان ربنا م بحمل الزول اكتتر من طاقتو

وصدقت ايات الرحمن (لا يكلف الله نفسا الا وسعها )

وكل حاجه بتحصل للانسان مهما تكون صعبه وحاره فهي بتكون لي خير وربنا بيعوضو احسن منها



........ الـنـهـايـة ........

رأيكم في روايه#كسره_روح

الحمدلله على نعممة العين المليانه ، وتربية الشبع
والاصل الطيب ، والنيه الصافيه
والنفس السويه والضمير الحي
وعزة النفس والرضا بلمكتوب
الحمدلله ❤