إسلوب حيااه🌻💛

#كسرة_روح
بقلم: تاليه محمد

الجزء 10

انا طبعا م قادره استوعب حاجه كأني في حلم حلم شنو ده كابوس مخيف حاجه كده م قادره اتصورها معقول يا لنا يحصل ليك كده ومن منو من حب حياتك ياخ انا صلاح ده بقى كل حاجه في دنيتي واخر حاجه ممكن اتوقعها انو يحصل منو كده ياخ ما قادره اصدق بس لازم اصدق لانهاالحقيقه المره ده كلو كوم وصوري القال فبركها كوم تاني خااالص طبعا ارسلن لي بعد قفلته مع انو كل صوره رسلتها لي هو كنته محجبه فيها الصور دي جات من وين كلها بي بيجامات وانا شعري نازل ولابسه قصير واحدات حقيقيات واحدات عامل ليهن حركات كده طبعا انصدمته صدمه لدرجة اني م كملته كل الصور ياخ قريب 10صور جدعته التلفون ده وبقيت ببكي بي حرررقه شديييده انجرحته جرررح مستحيل يلتئم مع مرور الوقت ياخ اتمنيت بس لو مته قبل اليوم ده ندم والم وجرح ووجع وخزلان 😭😭بس بكيت لم الله غفر لي

اتخيلته الصور ووامي لم تشوفن البحصل ليها شنو ولا سمعتي الادمرت ولا خيانتي لي أهلي يا ربي انا كان قلبي وين الوكت داك لي م عرفته نواياو من الاول معقول كنته غبيه لي الدرجه دي ولا حبو كان عاميني ياخ م قادره افكر عديل ولا ابوي لم يعرف بنتو الرباها وتعب فيها وشقى عشانها بتخونو ولا اخواتي ولا نظرة الناس لي ولا شماتتن ياخ خلااااص انا فاض بي م عارفه احكي لي منو ولا عارفه اقول شنو ولا اعمل شنو بس اليوم كلو قافله علي تلاته ايام انا م اكلته ولا بفتح لي زول بس شغاله ابكي الليل. والنهار بس ياريت لو البكاء بيخفف من الجواي او علي الاقل يقدر يحل لي المشكله اصلا ما ليها حل وم عندي زول الجأ لي ببكي بس سبحان الله في عز بكاي اتزكرته اني لازم اوكل امري لله شلته الابريق اتوضيت واول مره استشعر الوضوء ياخ كأني اول مره اتوضأ ولبسته اسدال الصلاه اول مره البسو قاعد ساي كنته بصلي بي عبايتي وطرحه وبقيت بصلي ياخ بي تأني كده عجيب كاني اصلي اول مره ياخ لم سجدته كده سبحان الله حسيت بي راحه وطمأنينه كده ماعاديه ووكلته امري لله انتهيت من الصلاة بس بقيت ببكي وبدعي انو ربنا يساعدني واوصل لي حل ياربي ماعندي غيرك يارب ساعدني سبحته وقرأت قران قمته عاديه ومن الاسبوع الفات انا م طلعته من غرفتي الا الليله حسيت عندي قوه كده م طبيعيه كل يوم امي بتسألني مالك يا بتي بقول ليها كويسه اها وانا سارحه كده اتزكرته امل صحبتي وقلته اصلا م عندي غيرها شلته التلفونين الايفون عشان فيو الصور وتلفوني القديم مشيت ليها في بيتن

سلمته علي ناس البيت وبقت تعاتب فيني يا رمه ويا سجم بقيتي ما بتسألي وبقيتي م بتطلعي وكلام كتير وانا بس ساكته قالت لي لنو مالك بقيتي ضعيفه كده ولونك ازرق ووشك بتاهت وحزين م رديت بس مسكتني من كتفي لنو بتكلم معاك احكي لم قالت لي كده انفجرته بي البكاء 😭😭😭😭😭😭😭😭 ومن غير ما تعرف ببكي لي قعدت تبكي معاي ووكتها عرفته اني اخترته صاح بس بقينا نبكي سوا وبعدها جابت لي مويه غسلتها وشي وعملت لي عصير شربته شويه كده هديت قالت لي عايني احكي لي مالك من الاول لي الاخر حكيت ليها كل حاجه واي حاجه من الاول لي الاخر طبعا كوركت فيني كوراك واتزهجت فيني وانا ولا اتكلمته معاها عارفه نفسي غلطانه طبعا

اها قالت لي جيبي التلفون النشوف الصور شافتن واحده واحده قالت لي الصور دي ملاحظه انها في بيتكم وبيتنا وناس ايمان فعلا عاينته فيهم لقيتن في واحد من البيوت دي قالت لي اصلا م بقدر يجيب صور زي دي واكيد ده زول رسلن لي وانا فعلا يادوب الكلام وقع لي فعلا يا امل انا م فكرته في الموضوع ده وبعدين الصور م دققته فيو اها بس بقينا مركزين في الصور ومن بين الصور كانت في صوره انا واقفه ورا واحد كده م بعرفو وببوس فيو في خدو طبعا وقفنا فيها ساعتين الصوره دي انا كان منو معاي لانو بدل الولد ده كانت في بت والبت زحوها وختو الولد طبعا ورانا كانت في خلفيه كده مبنى ضخم وحلو وانا اول مره اشوفو

المهم امل قالت لي عايني الصور دي اصلا في جزء منها في تلفوني وفعلا لقينا جزء منها واتزكرته انو صورتني هي وفي صور انا وياها مصورانا ....

يتبع.....

181 views15:57