"دائرة الأمان"

عاين يا عزيزي واتذكر كويس

في نوعين من الأصحاب

▪️في ناس بتقول ليهم أنا عايز أعمل حاجة وما لاقي ليها اسم
بيقولو ليك ارح نتلاقى ونعمل عصف ذهني طوالي

مصاريفك بتخرب نعم في القعدة دي لكن بتطلع باسم😅

▪️في ناس بتقول ليهم نفس الكلام الفوق
بيقولو ليك... هووي يا أصحى انت في السودان!!

عليك الله انت اسمك بالإنجليزي بتعرف تكتبو هسي؟
وهاهاهاهاها تقلب الشغلة ضحك وارح ياا افتح ليدو خلينا نلعب
وبرضو مصاريفك بتخرب وانت معاهم😂

لكن فكرة الحاجة أو المشروع بتطير من بالك!
وحتظل في مكانك وما حتفكر تاني وما حتجيك أفكار إبداعية ابداً

📌"في مفهوم يسمى بدائرة الأمان"

باختصار شديد كدا هم ناس :
"وجودك ضمنهم بيخليك مطمئن وواثق انك لو احتجت أي شيء حتلقاهم معاك"

لما تعيش في دائرة أمان
أفكارك بتبقى أكثر إبداعية.. بتزيد ثقتك بنفسك.. بتبقى انسان زابط

حتى نقاشاتكم في داخل الدائرة كلها بتكون زابطة

📌تعمل شنو إذا ابتليت بناس محبطة؟!

استبدلهم تدريجياً!

انت علقت مع الناس دي لأنه لقيتهم في وشك بس
ولأنك خايف ما تلقى أصدقاء تاني اتدبست!

لكن خت في بالك انه شرط أساسي لأي علاقة صحية
هو التفاهم وتشابه الاهتمامات

باختصار كدا
فتش ناس بنفس اهتماماتك
اقعد معاهم وتدريجياً ابتعد عن من يحبطك

لو عندك دائرة أمان
لو عندك صديق يقول ليك ارح مكتبة نقرأ أو نحفظ قرآن
انت في نعمة... حافظ عليها جيداً
+ناديهو هنا كسر ليهو تلج😂

وعلى الأقل خليك انت الصديق الجيد مع كل من يعرفك

📌أحياناً بعض الطرق تمشي فيها وحيداً

هنا اختار صديقك من الكتب
فخير جليس في الزمان كتاب

اختار رفيقك كويس عشان تواصل في الطريق
وأراك انت وصاحبك على القمة

#أين_الطريق
#حسام_أسعد_حسن

الشغل عايز خبرة والخبرة عايزة كورسات والكورسات عايزة فلوس والفلوس عايزة شغل والشغل عايز خبرة والخبرة عايزة كورسات والكورسات عايزة فلوس والفلوس عايزة شغل🙂.

شكراً لي كُل البقولوا لينا "ياااخي ولا يهمك" بعد كل "معليش ما بقدر أجي زي ما إتفقنا" من غير زعل، شكراً لي كُل البتصلوا مرَّه واحده بس ولو ما ردِّينا بستنونا لحدي ما نفضىٰ من غير ما يستنونا نعتذر، شكراً لي كُل "مبروك عليك" قالوها على حاجاتنا الجديدة حتى لو شايفنها ما سمحه كفاية إننا مبسوطين بيها، شكراً على إقتناعهم إنو كُل واحد فيهو المكفيهو، شكراً على إستقبالهم لينا بحفاوه حتى لو مقصرين معاهم من سنين، شكراً على سعيهم الدائم لبذل مجهود وتقديم خدمات عشان بس بحبونا من غير إنتظار رَد الجِميل،، شكراً لي الما بصدقو بدون ما يسمعوا مننا، شكراً على زعلهم على حُزننا حتى لو نحن الغلطانين من غير ما يغلطونا، شكراً على "صدقيني بكره حتروق وتحلى" حقتهم عشان بس يسندوا مع إنهم أكتر ناس عارفين إنها لا حتروق ولا حتحلى، شكراً لي البكتفو بالتفاصيل البتتقال لهم بس، الرافعين شعار "لو كان عايز يقول كان قال" ، شكراً لي الما بجبرونا نشحد ليهم طاقه فوق طاقتنا عشان نشوفهم، شكراً لي البفهموا وبقدّروا، شكراً للخُفاف اللطاف، شكراً للسَاهلين، وشكراً أكتر لي الربَّاهُم .
- ثم شكراً جداً لي نفسي لكوني منتميه ليهم .🌻💛💛

‏"ان اضع رأسي الممتلئ بالأفكار والقلق على كتفك، حتى يتلاشى قلقي ويذهب دفعة واحدة."

عزيزتي... 🌸
بعد السلام و المحبّة

ممتنة إليكِ بكل ما تحملهُ الكلمة من معنى، دائمًا ما كنتِ أصدق أصدقائي، و أكثرُهم معرفةً بي، و أكثرُهم حبًا ليّ، تواسيني في فقد، و تحاولي جاهدة تصحيح مساري عند أخطائي لا لحاجةً سوى حبًا فيَّ.

تُربت يدكِ على قلبي و كتفي حين عجز، أقسو تأتي بالعفو، و تُخبريني بأن دروس الحياة بحاجة الفهم أكثر من حفظها، أبكي تأتي بطبق فرحاً ضاحكة، أفرح تُخبريني بأن المواساة حين تأتي من الله أعمق، حتى هزائِمُنا كانت لم تُحيد عن القلب و أهتدت به، ف سلاماً عليها إينما حلت بِصدق.

كم أحب حديثكِ حينما تريني في مشقة بأن هذهِ دنيا و كل هذا سوف يزول، و حينما يخيفني شبح الموت تضحكي في وجهي قائلةً:

"ماذا دهاكِ زائراً سيأتي لو أراد الله للعمر أنقضاء"

و لم يصبح العمر هاجساً حينها عندما جعلتني أُدرك حقيقةَ أنه في نقصاً مع كلّ ثانية، و أتذكر جيداً عمق وصياك لي

"أذكري الله" في وجعك و في فرحك، و أحب ذاكَ الشعور الذي يجتاحني عند قولها،
"لا حول ولا قوة الا بالله"
و أقولها بإبتسامة و دمعة أحياناً هي كنزٌ من كنوزِ الجنَّة و أنتِ كنزي أنا.♥️

"و كتير الحُبّ لنفسِكَ واجباً عليك، و لا يؤذي آحد".❣️

#غادة_الروض

Friendly reminder:

قوم اعمل اللي كنت بتخطط تعمله بقالك أيام وأسابيع وشهور وسنين،

قوم شوف الـبوستات أو المقالات أو الكورسات المهمة اللي موجودة في الـ Saved ونقي منهم المهم وابدأ فيه،

إبدأ إبدأ إبدأ، بدل ما يجي الوقت اللي تبقي مُجبر غصبًا عنك وعن نفسك تقوم تعمله وساعتها بدل ما هتعمله وانت مرتاح البال هتبقي مخنوق بس مُجبر تنجز فيه.

JUST PUT IN THE WORK, JUST START.

" ما قادر/ة أقرا"

" ما عارف /ة أبدا من وين "

"راسي جايط"

" في حاجات ما فاهمها "

طيب..
المفروض انو دي الأسئلة الأكثر شيوعًا واستخدامًا للبكونو على أبواب الإمتحانات و بخشو في مرحلة التوتر والقلق المعتاد...

أولا..
أحب أطمنكم " cause this is not the end 😂💔 "of the world

ثانيًا قبل ما نبدا في موضوعنا المهم واللي هو كيف نطرد الأسئلة دي ونبدا نقرا صح ونذاكر فل الفل تعالو نعرف اسرار او خلفية خفيفة عن أهمية القراءة ودورها ف تحفيز عقولنا..

- الله عز وجل في محكم تنزيله دلانا على سر الحياة في قوله " اقرأ باسم ربك الذي خلق " ادانا المفتاح الصالح لفتح اي باب من ابواب الحياة ، الناس اذا ركزت ف الحاجة دي وتأملتها ما بتجيها عوجة تب ..✌

طيب الناس البتقول ليك "القراية هواية". !
ع فكرة هي ما هواية على قدر ما انها هداية..
ضرورة من ضروريات الحياة وزي ما قال الكاتب الشهير غراهام غرين " أحيانًا أفكر أن حياة الفرد تشكلت بواسطة الكتب أكثر مما ساهم البشر أنغسهم في تشكيل هذه الحياة "

جميل جدًا المعنى شنو سمح ؟؟

المعنى ببساطة انو الكتب هي حلقة وصل لكل الأجيال السابقة واللاحقة والقاعدين هسه ، ووسيلة النقل الأولى لكل الخبرات وكل العلوم النافعة وكل المسائل المتعلقة باستمرارية الحياة ..
الكلام ده كبير ؟؟ 😁

بس مهم لانو حيدخلنا في باب انواع القراءة واشكالها..

بتلقى الناس بتقرا في المواصلات
ف المكتبات ..
في الشارع وهم ماشين.. 🚶
في سرير بيتهم مستكينين😌

طيب هل في حاجة بتجبر زول انو يواصل في كتاب او يخلص مقال كاامل ف جلسة واحدة لو ما عندو الرغبة والشغف اللازم .. ؟؟!!!

يبقى الرغبة حاجة مهمة جدًا بس الرغبة اتمثلت في جانب معين و ده نتج عن اختيارو لنوع قراءة معين قدر من خلالو ينجذب للقراءة عمومًا ويصبح قارئ متميز.. ✨😍

- طيب خلونا نعرف بعض انماط او انواع القراءة اللي بيخلطو بينها بعض الناس وما حنتعمق كتير بصورة سريعة عشان نرمي قدام عندنا نقطة مهمة جاينها ..

أولًا : القراءة من أجل متابعة الأخبار

وطبعًا ديل ناس الجرايد والمجلات اللي عايزين يتابعو عوالم الرياضة والجريمة والموضة والشارع وغيرها من المواضيع المختلفة المحركة العالم ابتداءً من شارع بيتهم إلى الشارع الفيهو البيت الأبيض.. 😂😂✌

ثاتيًًا : القراءة من اجل المتعة والتسلية ..

ناس الروايات والقصص القصيرة والشعر وجدرايات درويش كيفكم كويسين ؟ 😂😂😘

ثالثًا: القراءة من اجل التطوير المهني ..

ايواااا بس ده الدايرنو 🔥🔥 النوع ده من انواع القراءة بندرج تحتو كذا شكل بس خلينا ناخد الحاجة المحتاجنها لموضوعنا واللي هي ..

- القراءة من اجل التحصيل الدراسي
والجانب ده طبعًا شرحو واضح جدا .. اللي هي بتكون من مرحلة الاساس الي المراحل الجامعية ." السلم الدراسي "

*سمح هل قراءة الكتب الدراسية اللي الناس حتمتحن فيها بعدين ما تعد قراءة ؟؟!!

يعني انا بسأل الوحدة انتي بتحبي تعملي شنو ؟
بتقول لي بقرا
جميل بتقري شنو ؟
بقرا روايات ، كتب تنمية بشرية وغيرو...

المافي زول للآن بالغلط قالت لي بقرا كتابنا بتاع التاريخ بتاع سنة تالتة والله فيهو قصص تاريخية جميلة خلاص 😂💜
او مثلًا رجعت لكتابي بتاع الأحياء لانو كنت محتاج/ة لحاجات مهمة جدًا لقيتها فيهو نسيتها 🙇..

..ليه مفهوم قراءة الكتب الدراسية ارتبط بالملل ، بالضجر ، بالإرغام ؟ الزول بس يخلص الامتحان بيجاي تاني كتبو رماها بي وييين مشت وييين الله اعلم !!

بعرف واحد كان بستضيفونا في برنامج في الاذاعة من واحنا في الاساس لحدي ما دخلنا اولى جامعه يعني تقريبا احنا زي اصدقاء البرنامج كنا مع انو البرنامج للاطفال بس كنا بنجي ونحكي عن تطورات حياتنا ففي اخر لقاء لينا كان بتكلم مع المذيعة وقال ليها انا محتفظ بكل الكتب بتاعتي من مرحلة الاساس لحد ي الثانوي وعملت مكتبة متواضعة كده عشان احفظ فيها الكتب ولمن سالتو المذيعة ليه ؟ قال ليها انو عوضًا عن انو الكتب دي هو بحتاج ليها وبرجع يقرا منها دايما وبشوفها انها اكتر من مجرد نصوص حيمتحن فيها لاحقًا هو بلقى نفسو مع الكتب دي وبحس بيهم كرفقاء الدرب الطويل واللي كل ما يحتاجهم ف معلومة ولا يونس بيهم زمنو ما بخذلوهو ابدًا ودايما برجعوهو اقوى من ما كان عليهو.. 😣❤

هل لسه ف زول شايف انو القراءة الأكاديمية او التحصيلية ممله ؟؟

القراءة هي القراءة بكل انواعها هي عايزة منك الرغبة عشان تديك الشغف والشغف بدوورو حيخليك تفهم وتحب الحياة وتحقق ذاتك في كل الجوانب المختلفة..

- بقرا كوويس بس لما تجي الامتحانات برتبك ومعدلاتي بتنزل عشان كده بكون متخوف/ة من الدراسة..!

اقرو الكلام التحت ده وما بتجيكم عوجة تب 😍👇

* المذاكرة وما ادراك ما المذاكرة ويمكن دي الحاجة الخلّت القراءة التحصيلية محكومة بفكرة معينة عند الطلاب.. !!

فبقول ليك بكل الهدوء العلى وجه الارض ..

"Keep calm "و ما تتوترو
حتقرو وحتمتحنو

وما حتنسو القريتهو وحتطبيقو في حياتكم لقدام بإذن الله لانو سفينة القراءة ما عندها مرسى..

الخطة شنو طيب ؟؟

مركزين معاي يا الممتحنين ؟؟

بالأول:. عقلك ما تحملو كتير .

ببساطة كده كل ما ضغطت على نفسك كل ما حتطير المعلومة ، طبعا ما حتعمل جناحين وتطير 😂 ببساطة لمن تقرا لاختبار وقدامك كم يوم بس حتحفظ لكن حفظك وكلامك القريتو ده بمشي الذاكرة قصيرة المدى يعني حتقرا اليوم حتجي بعد يومين حتلقو ببح .. 😪 لانو الذاكرة القصيرة المدى بتجدد كل صباح بعد النوم ..

الحل شنوو ؟
الحل انو تقرا ع فترات متباعدة لحدي ما المعلومات تمشي الذاكرة طويلة المدى قريت الليلة تراجع بكرة العصر تراجع تاني يوم الصبح نفففس الحاجة القريتها " تكراار يعني " لحدي ما تثبت ، يعني ما تقري هسي وتجي بعد اسبوع وتقول هييي انا ما قريت الكلام ده قبل كم يوم ليه نسيتو ؟؟ وانتي تقعدي تنكشي شعرك 😂😂 ...

ثانيًا: راااااجع لزميلك ، بالضبط كده لو جاك زميلك قال ليك اشرح لي الحاجة دي ما تقول مشغول راجع ليهو طووالي ، حتى لو انت اصلا عارف المعلومة راجع ليهو تاني حتثبت عندك تاني لو عملت المستحيل ما حتنسى ..
نسبة لدراسة عملوها الباحثين للطلاب في عام 2014 قسموهم لقسمين قسم يذاكر ويراجع للطلاب المعاهم وقسم يراجعو للاختبارات لقو انو اللي ذاكرو وراجعو للطلاب هم اللي درجاتهم كانت اظبط ومعدلاتهم مرتفعة لانو حصل ليهم تكثيف في الاستيعاب والفهم عكس القسم التاني اللي ما شرحو لغيرهم..

طيب لو ما جاني زول اشرح ليهو اعمل شنو ؟

عاين ف المراية واشرحي لنفسك ..

افتح الريكورد بتاع التلفون واشرح واسمع التسجيل وقيم نفسك ..

امسك اي زول وقوليهو تعال اوريك حاجة وما تفكوو الا يكون فهم الدرس ظاابط ..✌في جماعة حيشموك لكن ولاا يهمك ارمي لقدام.. 😁👌

ثالثًا: ودي نقطة مهمة يا جماعة اختبر نفسك..

امكن وحدة من الاغلاط الكتيرة البتقعو فيها اثناء المذاكرة انو بتقرو الدرس مرة ومرتين وتلاتة من باب انو مع التكرار المعلومة حتثبت ، ع فكرة النتيجة دي وان كانت مفيدة بس هي ما فعالة خالص.. 😔💔

المعلومة بتتركز في العقل لما نختبر نفسنا اثناء الدراسة

نسبة لدراسة اجروها للطلاب في عام 2010 لقو انو دي الوسيلة الانجع لتفادي النسيان وتعزيز المعلومات في العقل

كيف يعني ؟؟

قريت حاجة معينة امشي ادي زول يسألك منها ، حل كل اوراق العمل والتمارين اللي عندها علاقة بالجزئية دي بس ، اكتب وراجع واكمل واستنتج اسئلة من عندك وجرب السوال العندك بكذا طريقة ، اتأكد تماما انو بالطريقة دي انت ما حتنسى الدرس ده ابدا وحتمشي للبعديهو بثقة اكبر بعد ما اتركزت ليك المعلومة.. بدل ما تضيع زمنك ف الحفط والتكرار ..!

رابعًا: حاجة امكن تشوفوها غريبة شوية بس لانها ارتبطت بالاسلوب والعادات البتقول ليك " اللبان داخل الفصل ممنوع "

ميين قال كده؟؟؟

مضع العلكة او اللبان اثناء المحاضرة او الحصة او اثناء حل الواجب الدراسي والمراجعة بساعدك تركز وتتخلص من كل الافكار الجانبية الممكن تشغلك اثناء تلقي المعلومة ، نسبة لدراسة اجراها كريغ جونستون الحاصل ع درجة الدكتوراة من كلية بايلور الامريكية للطب سنة 2009 اللي عملها على 108 طالب من الجنسين وقسمهم لمجموعتين مجموعة كانت بتتناول العلكة اثناء المحاضرة وحل الواجبات ومجموعة م بتتناول اللبان وبعد 14 اسبوع لقى انو المجموعة الأولى كانت معدلاتهم اكبر في الاختبارات عكس الي ما كانو بيكالو ف اللبان ، فا الناس تجرب وتشوف الحاصل شنو ما عشان قالو ليك ما تاكل لبان ف الفصل او لمن تجي تقرا معناتها بعرقل عملية الاستيعاب وبقت فكرة ثابتة عندنا لمن صدقناها..!!

آخيرًا: حاجة مهمة كمان يا جماعة هي الراحة ، المكنة الجوة راسك دي لازم تديها رست كمان.. 🙇 العقل زي العضلة العايزة تحريك بس كمان لو شديت عليها حيجيك تمزق ويمكن تقيف فما نوصلو للمرحلة دي ..!
واتذكرو انو الوقت الانسب للدراسة هو منو وانت عايز تنوم لانو اثناء النوم المعلومات بتنتقل للذاكرة طويلة المدى وانت ما بتكون عارف ، بس بالممارسة و#المراجعة بفترات #متواصلة حتحسن العلاقة بين الذاكرة القصيرة والطويلة وحتعرف تسترجع المعلومات بطريقة سلسة وبسيطة.. 💪💜

في النهاية احب اقول انو هاجس الامتحانات والمذاكرة ما ممكن نتخلص منو بس بالتأكيد بنقدر نتعامل معاهو بالطرق الأمثل ، وحتة انو نعامل الكتب الدراسية بانها كمان نوع فعال من انواع القراءة اللي بتخلق جوانا شغف ورغبة مستعرة انو نتحصل منها على اكبر قدر من المعرفة حاجة ما هينة بالجد ، مجرد التفكير في الحاجة دي بكسر كل الحواجز بينك وبين الكتاب المدرسي وعادي جدًا ممكن تركب المواصلات وتطلع كتاب الفيزياء او الدراسات وتستمتع بالقراءة منهم 💜💜✌

و#ما تنسوا

" أعقلوها وتوكلوا"
يعني اعملوا العليكم بالاول وما تقصررروا وربنا اكيد ما حيخذلكم " ❤

كلما حيرتني الحياة بشأن قلبي، فك تعقيدها القرآن 🌸..

في أمر الخشوع قصص عدة لكن أوضحها ما جاء في تفسير لفظ الخاشعين نفسه في سورة البقرة قال الله تعالى: ﴿وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ{45} الَّذِينَ يَظُنُّونَ أَنَّهُم مُّلاَقُوا رَبِّهِمْ وَأَنَّهُمْ إِلَيْهِ رَاجِعُونَ﴾،

فجاء أعظم الخشوع ماجاء مصاحباً للتفكير في الآخرة و لقاء اللّٰه و يوم الرجوع إليه و هو مؤكد،، و كأن القلب إن فكر بآخرته استقامت صلاته فاستقام عالمه 🌸...

رب اجعل همنا الآخرة و آتنا كل الحسنات فيها و في الدنيا التي فيها معاشنا و لاتجعل إلى النار مصيرنا 🌸..
#Jasmeen_Ali
🌸💌

مواقع هتسهل عليك حاجات كتير فـ حياتك سواء شغل او دراسة

1- مواقع بتحل المسائل الرياضية وبتوريك الحل إزاى كمان
mathway.com
symbolab.com
2- موقع بيقدملك نماذج للمحادثات الإنجليزية علشان يتحسن مستواك وكدا www.eslfast.com
3- موقع يخليك تقدر تكتب ع الصور المتحركة وتعدل حجمها ومقاسها ezgif.com
4- موقع بيخليك تقدر تستخدم الواتس بتاعك من ع الجهاز او اللاب توب web.whatsapp.com
5- الموقع دا بيخليك تقدر تبحث عن معنى أى إختصار بسهولة بما ان الإنجليزى مليان إختصارات وكداهون .. abbreviations.com
6-الموقع دا بتدخل عليه الحاجات اللى موجودة فى تلاجتك وهوا يقولك تطبخو ايه لو محتار/ة : supercook.com
7- موقع بيقيم الأفلام ولو فى مناظر كدا ولا كدا بيقولك movieguide.org
8- موقع لتقصير اللينكات غير بتاع جوجل bit.ly
9- موقع بيعلمك الرسم بطريقة إحترافية .. فيه آلاف الدروس من رسومات كرتونية .. لرسوم واقعية drawspace.com
10- عايز تعمل cv سواء بالعربى أو الإنجليزى .. الموقع دا بيساعدك تعمله بسهولة cakeresume.com
11- موقع بيحول ملفات الـ word لـ pdf بسهولة smallpdf.com/ar/word-to-pdf
12- موقع فيه ألعاب تفتكر بيها الكلمات الإنجليزى internetpolyglot.com
13- الناس اللى بيستخدمو تويتر وعاوزين تحفظو فيديوهات من عليه colonthree downloadtwittervideo.com
14- موقع لتصميم اللوجوهات logogarden.com
15- موقع للكتب العربى .. بيقيمها ويكتب نبذة عنها abjjad.com
16- موقع بيخليك تستخرج النصوص من الصور onlineocr.net

لو حد لو حد يعرف تطبيق او موقع كويس يكتب فكومنت

شير ومنشن لاي حد محتاج البوست دا
#ساعد_هتلاقي_إللي_يساعدك 💙
----------------------------------------------------------------------------
إزاي تكتب CV ؟! 🤔
bit.ly/2KJlBgO
الفرق بين CV - resume - cover letter
bit.ly/2UkECdS
بوست مهم جدا لاي حد بيدور علي شغل
bit.ly/2FSkYgD
ازاي تشتغل فريلانسر
bit.ly/2PaVFJE

وتضحكي للزماآن الجاآي ، وتتفجر مساآمك ضي!🌼 💖

‏لا يستطيعُ الحُبُّ حُكمَ عواطفي
أبدًا أنا .. وأنا الذي أُنهيهِ
وإذا حبيبٌ صارَ يُهمِلُ عامداً
في سلّةٍ من قُبحهِ أُلقيهِ
وأعودُ مسروراً بغير تحسُّرٍ
لو كانَ قلبي فيهِ لا أبكيهِ

على فكرة، عادي جدًا و بتحصَل إنك تحظي بدراسة عالية، و زواج مُمتاز، و كاريير مُمتاز و رزق واسع، و ذُرية صالحة شعرهم مسبسب و رقيقي القلب و الصوت، و بيت كبير فيه شجر و ورد، و عائلة مُحبة كبيرة، و تعيش في وطن ( طاهر ) و يكون عندك أحدث ما وصل إليه عِلم البشر.

و تعيش سعيد بردو، و لسانك لهِج بذكر و حمد الله، و تكون إبتلاءاتك قليلة.

عادي و الله، دي إسمها عافية :))

لما النبي دخل على الرجل يعَوُدُه، فسأله النبي عن مصابه، فقال الرجل كنتُ قد دعوتُ الله إن كان لي عذابٌ في الآخرة، فليُعجّل لي به في الدنيا، فتعجّب النبي و صاح : أولَا سألته العافية!

و في أخرى، سمعَ النبي رجلًا يقول: اللهم إني أسألُك الصبر..
فقال النبي: سألت الله البلاءَ، فأسأله العافية.

يعني، الأصل إن المؤمن تكون حياته عفيّة، و يكون هو نفسه عفيّ و سالم في نفسه و سربُه..
مش حنية الضهر و الرقبة دي، و جذب البلوى من كل جنب و الولولة.

والشرط هنا: الذين آمنوا، ولم يلبسوا إيمانهم بظلمٍ
اولائك لهم الأمن..وهم مُهتدون

أوَلا سألته العافية؟

إذا سألتم فاسألوا الفردوس

" لا تتمنّوا لقاء العدو، فإذا لقيتمُوه.. فاثبتوا! "
" بلى، من أسلم وجهه لله، و هو محسنٌ.. فله اجره عند ربه، ولا خوفُ عليهم.. و لا هم يحزنون"
" هل جزاءُ الإحسان إلا الإحسان"
" أحسنوا، إن الله يحب المحسنين
#أثر
#نمضي_ويبقي_الأثر

- من الحب 💛..

سِت الدار بتكتب تلغراف للزين ود حامد
من نوري والزين في البندر ، قصة الحب الكانو عايشنها وفرقتهم مشاغل الحياة ، خلا ولادو وأرضو وزرعو وشتلاتو وحملانو ومشى الخرطوم
منيتو زيادة رزق وعيشة هنيئة كريمة ، لكن زي ما قالتلو ست الدار :
"ما الحيكومة الضاقت دمك..
محل ما تقبل ياها قُبالك " ..
ورغم الماسي العاشها في المصنع والسجن وبيت العذابة فضل يحبها ،
وهي رغم الأحزان فضلت تحبو وترسل وتقول :
"..زيني ..الزين
فرحانابك يا أحزان..
فرح النار بي لوح الزان" ..
شوفو كمية الحب في البيت دا..

والشوووق عند ست الدار وصل بعييد شديد..
لمن رسلت وقالتلو:
"..الشوق خلا شديرة الجوف محروق..
راجي مطيرة الزين ود حامد.."

وفضل الزين يحبها يقولها :
"ست الدار يا مرتي.. وخيتي.. وأمي.. وأم كل الناس..
أنا ياني الزين أب حالاً زين " 💛..

#صفاء

_كل ما يتقدم لي راجل لما يشوفني بغير رايو! وكل ما اطلع للناس بسمع كلامهم ومنادتهم لي ب"ام نخرة".. "وشك كلو نخرة".... اتصالحت مع الحكاية لحدي ما جا أتقدم لي واحد وبفضل الله ما غير رايو بعد ما شافني.. بس كلام الناس كتر شديد شديد.. "هو أعمى!!.. بنات حوا كملن!!.. اكيد كاتباهو!!.. الخ الخ" لحدي ما دخلت في أزمة نفسية حادة جدا..
السؤال هل أنا خلقت" نخرتي "كدا؟!

_كنت بعرج في مشيتي.. رجلي اليسار كان فيها قصور شوية! لما امشي في الشارع الشفع بقلدوا مشيتي وبضحكوا!.. في المدرسة بتكرر نفس السيناريو يوميا.. مافي زول يناديني بأسمي. كلهم بقول لي" الأعرج".. لحدي ما قعدت في البيت وبطلت امشي مدرسة خالص!
السؤال هل اخترت اكون أعرج؟!

_الله رزقني بطفل مصاب بمتلازمة دوان.. وكان بحب الأطفال جدا.. بس المجتمع كان ليهو رأي تاني.. مرة طلعت وسوقتو معاي.. مرينا بمرة سايقه طفل قريب لعمرو ومعاها واحدة تانيه... فولدي مجرد ما شاف الطفل جرا مد يدو ليهو بابتسامة.. الحصل انها جرت ولدها وزحت يد ولدي منو!.. والأدهى صاحبتها المعاها قالت لي "إذا بليتم فاستتروا"
السؤال هل أنا خلقتو كدا؟!

_كنت طويله شديد! طول شاذ.. فلما بمشي المدرسة البنات بقولوا لي ما تمشي معانا!.. فبمشي براي وبرجع براي ودايما بكون براي.. لحدي ما بقيت انطوائية وفضلت اني اقعد في البيت!!
هل أنا اخترت اكون بالطول دا؟!

_لما كنت صغيرة حصل حريق في بيتنا فقدت على اثرو امي وانا اتشوه وشي من ناحية اليمين.. من انا صغيرة الأطفال بجروا مني!.. المشكلة أهاليهم بجاروهم في الكلام وبقولو ليهم انو انا فعلا وحش!... اتنقبت من صغيره.. ما كان عندي علاقات بالمرة.. اتواصلت مع واحد فترة وجا أتقدم لي رغم انو عارف المشكلة بس أمو رفضت وقالت "اموت ولا أقبل بالمسخ دا في بيتي"
هل أنا اخترت يحصل كدا؟!!

ولسه القصص كتيره! كلها ملمومة تحت مصطلح "التنمر"و"الطعمجة" واللي هو في الإسلام اسمو "السخرية" .. ويمكن اي زول فينا يعاني من نقطة معينه بتتعالى السنة الناس عليهو فيها..!ودايما بفضل لاحقو سؤال هل أنا اخترت كدا؟

____
"يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَٰئِكَ هُمُ الظَّالِمُونَ (11)

في أسباب نزول الآية دي ذكر أنس بن مالك رضي الله انو نزلت في زوجات الرسول صلى الله عليه وسلم لما كانوا "يعيرن ام سلمة بالقصر"
وطبعا في أسباب نزول كتير ممكن تبحثوا عنها لمزيد من العلم..

المهم النهي بقى وااضح وقاطع ومؤيد بنص من القرآن!فليه يبني آدم بتخالف وبتمشي على هواك؟!
احساس الكسرة البتسيبو في نفس غيرك ما ح يتغفر ليك ب"والله بس انا كنت عايز اضحك؟!.. ولا في عذر تاني ح ينفعك والله!... بعدين تعال هنا.. ناسي عيوبك انت؟ خلاص اتكملت واكتملت وبتفتش لنقص غيرك!!.. ليه السطحية دي يا انسان!

خليني اقول ليك حاجة.. في دراسة غربية بتقول انو المتنمر بتنمر لاشباع نقص فيهو من باب اتغدا بيهم قبل ما يتعشوا بي!!... الشاهد في الأمر انو في نقص فيك فياريت تتلهي بأنك تكملوا.. طبعا ما بقصد نقص الخلقة وإنما الأخلاق.. ودا طبعا اصعب وابشع من الاول...

في حديث بقول "من سار بين الناس جابرا للخواطر ادركه الله في جوف المخاطر"... وليك أن تتخيل العكس!!... اتخيل كم خاطر كسرتو بطعمجتك وتنمرك دا؟ اتخيلت.. قوم استغفر يلا وجاهد نفسك وما تدي للشيطان فرقة!... واتخيل كم زول انت قادر تجبر بخاطرو بكلمة لطيفة واتخيل الخير الح يجيك!! اتخيلت فيلا كب على لسانك عسل وخليك لطيف على طول

دقيقة ما انتهينا كمان في حديث "من كان يؤمن بالله واليوم الآخر فليقل خيرا او ليصمت "... عمم الحديث دا وشيلو منهج.. ما قدرت تقول حاجة سمحة اسكت عليك الله وكفى الله المؤمنين شر القتال!

الشافعي قال
وجدت صمتي متجرا فلزمته... إذا لم أكن رابحا فلست بخاسرا

الرافعي قال "أحق الأشياء بالضبط والقهر "العين واللسان" وهل يكب الناس على وجوههم في النار سوى ألسنتهم!!
متخيل تصلي وتصوم وتقرأ قرآن وتلقى نفسك على وشك والنار برضو!! عشان لسانك الطويل دا.. فقصو قبل يقصك!
النبي صلى الله عليه وسلم قال شنو" ليس المؤمن بطعان ولا لعان ولا فاحش ولا بذئ "... والبذاءة دي قبح اللسان ولو كان صادقا!
____..
فعليك الله ارتقى بنفسك كدا واشتغل بأنك تتم نواقصك البتقدر عليها... وإذا تميت نقص الأخلاق دا بتكون عبرت❤️

الرافعي قال
ولم ارى في عيوب الناس عيبا
كنقص القادرين على الكمال

فبس اشغل لسانك بالذكر وعقلك بالعلم النافع وقلبك املاهو بالإيمان أفضل ليك اولا ولينا تانيا!

#معا_لمجتمع_معافى

نص راحتك في رضاك باللي ربنا كاتبه .. ونصها التاني في إيمانك انه أكيد هيعوضك ❤️.

فخ "مشكلتي!"

"انا مشكلتي انه...... الخ"

العبارة دي متكررة بصورة مبالغ فيها
ولو كنت بتقولها كتير ركز معاي!!

▪️"الصفات تعتبر شي نسبي"

أي زول عنده مجموعة من الصفات والعادات
كلنا عارفين كدا كويس

لكن كيف بنحدد الصفة دي من العيوب ولا المميزات؟!
شنو البيحدد الصفة اللي ممكن تعتبر مشكلة؟

📌في صفات أخلاقية "متعلقة بالتعامل"

دي الإسلام وضحها بشكل كويس
وحدد الصفات السيئة زي الكذب وغيرها من صفات المنافقين
وبرضو حدد الصفات الكويسة وفضلها

فلو قلت "انا مشكلتي إني بكذب"
عندك حق دي مشكلة ضخمة لازم تحلها ولو ما حليتها ربنا حيحاسبك

لحدي هنا تمام؟
قول لي تمام عشان أواصل

طيب يلا عاين
في نوع تاني من الصفات:

📌"الصفات الشخصية"

الصفات دي نسبية
بتعتبر عيب أو ميزة على حسب ختيتها وين
وما تحاول انك تغيرها لأنك حتضيع وقت ساي
غير المكان بس واستخدم الصفات الزابطة في مكانها

أوريك كيف

▪️انا "حسام" انسان بيفكر كتييييير
وما بيعرف يتصرف تحت ضغط أو حالة طارئة

ممكن اعتبرها مشكلة واقعد أصلح فيها واتدرب واغلط كتيير
غالبا حاخد وقت طوييييل وحتكاسل واحبط وما اقدر اعمل حاجة

أو ممكن اشوف لي شغل بيحتاج تفكير كتير بس🙂
التخطيط... التدريس.. أي شي بيعتمد على التحليل والدراسة والشرح "كتابة المحتوى"

ده مثال عشان الصورة توضح!

اي صفة عندها مكان كويس ومكان ما كويس
فما تعتبرها هي المشكلة
وما تضيع وقتك تصلح في العيوب لأنها ما بتنتهي!
تجنب ضررها فقط وقلل منها
لكن ركز على نقاط القوة وفتشها كويس

-انا مشكلتي بس اني بتكلم كتير ويذكر تفاصيل!

وين المشكلة؟
اتعامل مع ناس بتحب التفاصيل بس

-انا عندي رسالة عايز اوصلها بس مشكلتي ما بعرف اكتب!

سجل ريكورد واجتهد في النشر.. أو خلي زول يكتب ليك

في ناس بتألف كتب كاملة بالطريقة دي
بيجيبو كاتب بيسمو "ghostwriter" وبيكتب ليهم اللي هم بيقولو

فبس ما تلجأ طوالي لعبارة انه في مشكلة!

ممكن الحاجة الوحيدة الحتكون مشكلة بالجد
انك ما عارف نفسك كويس وما عارف نقاط ضعفك وقوتك

اقعد بي رواقة واعرفها
وركز على نقاط القوة لأنها هي الحتوديك لي قدام
لأنه ماف زمن صراحة تقعد تصلح كل العيوب

وبس كدا

#حسام_أسعد_حسن

واللهِ ما لازِم تكون مُثير للدهشة..
كونَك شخص عادي في زمن ملان بالزِّيف
ده في حد ذاتو.. شي مُبهِر وجميل!

أبقو زي ما اِنتو طيبين بالفِطرة .. لا أكتر لا أقل ♥️

#صفِيّة_مُصطفى

الحنية طبع ما كلفة 💗

كنت قاعد مع واحد في عرس بتو ، وخلاص العرس إنتهي وقاعدين نتونس ✨

وأنا أشيل وأعاين للزول دا .. ونفسي أسألو كم سؤال .. لما جا وسلم علي وقعد جنبي لقيت فرصة وقلت ليه :
يا عم ممكن سؤال ؟
أتصلح في قعدتو وقال لي إتفضل

قلت ليه إنت أديت الراجل دا بتك ساي؟

بقي بضحك وهو فهم. كلامي قصدي شنو ✨

قال لي كيف ؟

قلت ليه يعني .. انا خايف ما أعرس لبتي .. يعني بتي الكل يوم بصبح بيها وتصبح بي
بين يوم وليلة أفقدها وأديها ليهو ساي كدا وأنا ألقي شنو ؟

بقي يضحك شدييد وقال لي الله يرزقك ببت تحبك زي حبك للبنات يا حذيفة .. أي يا ولدي الدنيا حتبقي مسيخة .. وحتفقد جزو منك ..بس برضو حتفرح لفرحتها هي🌸

قمت منو وأنا محتار جد جد والله ... وجواي صوت بقول أديه بتي وأقعد أشتاق ليها وعشان أشوفها أقعد أيام وبتاع .. ما بتخارج معاي والله😂

الإحساس الجواي دا صادق جدا والله .. ولازم أشوف لي طريقة أعالج بيها الموضوع دا😂

الخليفة الرشيد ..كان ماشي مع زوجتو
فهي شايلة خاتم الزوج بتاعهم ..وفجاة وقع منها في البئر ....
الخليفة طلع خاتمو كمان وجدعو في البئر
فسألتو ليه جدعتو في البئر ؟

قال ليها عشان ما خاتمك يحس بالوحشة براه فحيكون خاتمي معاه✨🌸

قادرين تتخيلو إحساس زوجتو بحنية قلبو وحبو ليها دا 💓

قادرين تتخيلو إبتسامتها لما تتذكر إنو في زول بحبها للدرجة دي وعايش عشان يسعدها 🌼💓💓💓

أخواتي لما أزعل منهم في حاجة ... وأرفض ارضي ليهم الواحدة بتبكي قدامي وبتجيب دموع .. وبعدها ما بقدر أتاملك نفسي ..خلاص يا عولاقة .. ما تبكي ..قلنا خلاص وأمسح دموعها ..يا طيرة خلاص والله ما زعلان ..وبقعد أتجرس ..وفجاة الواحدة تضحك وأنا اضحك ✨💖

عشان هم عارفين نقطة ضعفي كويس وفي كل مرة بطبقو نفس الطريقة وبرضو برضي😂

الزول السعيد في الدنيا دي .. ربنا يرزقو بقلب لين وحنين يحبو ويخاف عليه✨🌸 قلب يطبطب عليه في عز زحمة الحياة بالتعب النحن فيه 💓
قلب يتذكرك في أجمل لحظات فرحو ..وأكتر لحظات حزنو 🌼

قلب هين لين ..يكون فيه حديث النبي صل الله عليه وسلم :

من كان سهلا هينآ ، لينآ دخل الجنة🌸💙
وبسس يعني 💗

امس فوتا صلاة العصر لاسباب شغل وكدااا ، بعدها طلعت الدكان ومضايق سرعة سرعة وزي كل مرة تفقد فيها البوصلة وقلبك يبدا يقسي ويتعلق بالدنيا ، ربنا بجبر بخاطرك بموقف يرجعك تاني زي أول ...

قبل ما اشيل حاجاتي جا واحد عايز قماش بتاع كفن 💔 قلت ليه البركة فيكم ، دنقر وقال لي البركة في الجميع ويبدو عليه علامات الألم والوجع ...💔

سيد الدكان بقيس في الكفن بالمتر ، قماش ابيض نضييف ، ما مهم خامتو ولا سعرو في الوقت دااك ، المهم انو بقضي ولا لا ..

قال ليهو امس الزول دا مشا السوق وزار اهلو كلهم وكان شديييد بس تعب شوية وبعدها اتوفي .....

انا متاكد خلا وراهو أحلام كتيرة ، أهداف كان نفسو يحققها ، كلام عايز يقولو لزول وما لحق

والأهم من دا كلو ، إنو ما تجيك اللحظة دي وحالتك زي حالتي ، فوتا صلاة عشان امر دنيوي ، او سهيت او غفلة عن تذكرة الاخرة والقبر وخروج الروح والدفن والطوب والتراب ومنكر ونكير وأصواتهم الزي الرعد ويا إما جنة يا إما ناار 💔

الحاجة المرعبة إنو في صلاة حتكون صلاتك الأخيرة ، في لقمة حتكون لقمتك الاخيرة في ضحكة حتكون ضحكتك الأخيرة وفي لقاء مع الحبائب حيكون لقاءك الأخير ...

مرتك ، اولادك ، ممتلكاتك الأفنيت عمرك في جمعها وإمكن ما راعيت حق الله فيها ...وهل هي حلال ام حرام ......

تعرف ، لو جابو زول من المقابر وقالو ليه نديك كل العالم دا دهب وتبقي ملك وتعيش قدر حياتك دي تاني ولا نديك أجر كلمة واحدة وهي سبحان الله ، حيختار سبحان الله ويموت بس ، ليه ؟

لأنو عرف وشاف ، وعرف الأية البتقول:
(وما الحياة الدنيا إلا متاع الغرور ..)

انت عارف الحاجة المؤلمة وين ؟؟

انو حجيك الموت فجاة وانت ما عارف ولسة في حاجات ما خلصتها وصلوات ما صليتها وبوستات كعبة ما مسحتها واغاني ما حذفتها من بروفايلك وكم يوم صيام ما قضيتهم والخ. ....

حيجبك وحتشوف والسعيد من اتعظ بغيره وعمل لأجله. ...