#سورة_البقرة ♥♥
أي واحدة عاوزة تحفظ سورة البقرة في شهر إن شاءالله بطريقة مريحة تجي البوست دا ♥♥
ارفعوا البوست عشان يظهر لناس كتار ♥

#تحدي_اكتوبر ♥♥

بسم الله نبدأ ♥
* اول شي الصور فوق فيها جدولين بطريقتين مختلفات:

🌸واحدة كل يومين 20 آية :يوم للحفظ و يوم للمراجعة.

🌸واحدة كل يوم صفحتين و كل 6 ايام يوم للمراجعة.

شوفوهم و كل واحدة تختار البرنامج المناسب معاها - و بعتذر انه الجدول اللي كل يومين 20 ايه معمول بشهر 9 لأنه دا كان تحدي الشهر لكن المهم الناس تاخد ترتيب الايام بس و الفكرة.

* تاني شي لسه باقي تقريبا 8 ايام لشهر 10 اللي هو بداية التحدي ..
البوست دا نزل اسه عشان الناس تستعد و ترتب نفسها و جدولها و خلال الأيام دي لحدي ما يجي شهر 10 مطلوب منك تعملي كم حاجه بسيطة عشان تساعدك على الحفظ.

1ـ أسمعي السورة كل يوم سواء كنتي مركزة او مشغولة - الحاجه دي بتخلي عقلك يحفظ بسرعة بعدين.

2ـ نزلي كتب او اقري مقالات عن سورة البقرة زي تفسيرها و البدائع اللغوية و غيرها - بنصح بكتابين حلوين في آخر البوست ان شاءالله.

3ـ شوفي صحبة عشان تتعاونوا و تذكروا بعض و ما تكسلوا.

4ـ نزلي تطبيقات بتساعدك على الحفظ و التسميع زي تطبيق #تحفيظ اللي بيكرر ليك الايات اللي انتي عاوزاها بعدد المرات اللي عاوزاها و فيهو خيارات شيوخ كتار .. التطبيق جميل جدا.
و في تطبيقات بتاعت تسميع زي تطبيق #تمكين او #اتلوها_صح او غيرها..
اعملوا سيرش في قوقل بلاي بالاسماء دي بالعربي و ح تلاقوها و تلاقوا تطبيقات جميلة غيرها..

5ـ اتذكروا إنه القرآن محتاج مجاهدة و انه المشقة في القلب ما في المسير فـ رتبوا قلوبكم و جاهدوا في تنقيتها ♥

* دي شوية نصايح ان شاءالله تفيدكم :
- اسمعي كتير عشان الحفظ يبقى ليك يسير
ـ صلي كل صلواتك بالآيات الجديدة اللي حفظتيها عشان تترسخ في راسك
ـ ثبتي وقت ثابت للحفظ و ما تخليهو مهما كان و يا ريت يكون في وقت مخك فيهو صافي عشان تحفظي بسرعة
ـ احرصي على الصحبة المشجع.
ـ جاهدي قلبك و وقتك و مشغولياتك لأنه كل الإنجازات ما لم تكن لله فـ ما منها فايدة.
ـ اتصدقي بنية تسهيل الحفظ و القبول و عدم الكسل
- الأيام اللي ما عليك فيها صلاة احفظي بالتلفون و بالعدم اسمعي الآيات كتير عشان ما تلاقي الحفط اتردم عليك و تكسلي
- حاولي افهمي الآيات و اتدبري فيها عشان تقدري تربطيها مع بعض و تطبقي اللي فيها.

* مقترحات الكتب :
القرآن نسخة شخصية ـ احمد خيري العمري
نظرات لغوية في القرآن الكريم
القرآن تدبر و عمل

* اذا الفكرة عجبتك فـ أنشري لمعارفك و احتسبي الأجر ♥
بعتذر للإطالة
ربنا يسهل لينا كلنا الحفظ و نتلاقى في الجنة كلنا حافظات عاملات ♥
خااالص محبتي..
منقول جزى الله كاتبه و ناشره خيرا 🌹...
#حافظات
..

" إني أختارك ، وأختار المَشقة معك على الراحة مع غيرك ، والبُكاء معك على الضحكة مع غيرك ، ونصف حياة جانبك ولا عُمر طويل مع سِواك." 💙

صح تعبنا وصح طاقتنا كملت بس هنكمل ما عشان شئ بس عشانا، عشان احنا رسمنا أحلام من زمان وفضل لينا خطوات بسيطة ونصل فمستحيل نقيف في نهاية المسافات الفاصلة بينا وبين أحلامنا عشان تبقى واقع..
مكملين عشان أحلامنا تبقى واقع، مكملين عشان احنا بنستاهل نجرب شعور الفرح لما نصل لنهاية الطريق ونلقى أحلامنا اتحققتْ 💜

حبو بعض عشان تعمرو بعض ما عشان تغيرو بعض ..🌸
ما تصعبو المفاهيم والحياة عليكم
.

"صلح علاقتك مع الزمن!"

هل بتقدر تكون صبور ومستعجل في نفس الوقت؟!

ده البيتقال كل مرة.. ما تضيع أي لحظة والوقت كالسيف واجتهد وأجري
وبرضو خليك صبور والنتائج العظيمة بتاخد وقت.

فده شنو ده هسي؟!
يعني انا أجتهد وأسرع ولا اصبر وامشيها واحدة واحدة؟!

📌"الصورة الكاملة والقطع"

بتعرف لعبة القطع اللي بتجمع أشكال عشان تكون صورة؟

يلا في حياتك خلي عندك نوعين من الأهداف والأحلام
لو زبطت حتحل الصراع ده

▪️"الصورة الكاملة"

انك تبقى طبيب متخصص يشار إليه بالبنان
أو أمام جامع حافظ لكتاب الله
أو انسان صاحب منظمات خيرية وأعمال تطوعية
أو داعية إسلامي
أو مؤلف كتب تصل الأكثر مبيعاً
أو رجل أعمال

إنت وحلمك غايتو

دي أهداف الصورة الكبيرة
في دي خليك صبور وخليها تاخد وقتها
من 5 سنوات وانت طالع وكل ما زادت المدة بتبقى أعظم

▪️"القطع الصغيرة"

دي أجزاء من الحلم الكبير
زي انك تحفظ جزء من القرآن
تقرأ كتاب.... تشارك في بعض الأعمال التطوعية
تتفوق في امتحانات سمستر

في النوع ده هنا اجتهد واستغل وقتك كلو وخت ليك حد زمني واسعى

📌"الخطأ الشائع"

دائماً الناس بتقع في واحد من اتنين :

▪️عايزة تظبط الصورة الكبيرة مباشرة من غير قطع!
هنا بقول ليك اصبر وما تستعجل والنتائج العظيمة بتاخذ وقتها

▪️بتعامل القطعة كصورة كبيرة وهي الهدف أو الغاية
يعني أقصى حلمك انك تقرأ كتب بغض النظر عن ليه؟؟

وبتقعد في الهدف الصغير فترة طويلة وتضيع وقت في السوشيال ميديا
وليها حق تضيع لأنه الهدف الصغير ما محفز كفاية لأنه مجرد قطعة

هنا بقول ليك الوقت كالسيف ورتب نفسك وخت صورة كبيرة
واخلص هدفك الصغير ده عشان تكمل باقي القطع

📌الخلاصة:

خليك صبور للنتائج العظيمة
واجتهد بكل ما أوتيت من قوة في جمع القطع

كدا موضوع الزمن بيزبط معاك!

البوست ده داير قعدة تركيز ممكن ترجع تقرأ تاني لو ما وقعت

وبس كدا

حدد صورتك وقطعك وارسم طريقك وأراك على القمة

#أين_الطريق
#حسام_أسعد_حسن

"دائرة الأمان"

عاين يا عزيزي واتذكر كويس

في نوعين من الأصحاب

▪️في ناس بتقول ليهم أنا عايز أعمل حاجة وما لاقي ليها اسم
بيقولو ليك ارح نتلاقى ونعمل عصف ذهني طوالي

مصاريفك بتخرب نعم في القعدة دي لكن بتطلع باسم😅

▪️في ناس بتقول ليهم نفس الكلام الفوق
بيقولو ليك... هووي يا أصحى انت في السودان!!

عليك الله انت اسمك بالإنجليزي بتعرف تكتبو هسي؟
وهاهاهاهاها تقلب الشغلة ضحك وارح ياا افتح ليدو خلينا نلعب
وبرضو مصاريفك بتخرب وانت معاهم😂

لكن فكرة الحاجة أو المشروع بتطير من بالك!
وحتظل في مكانك وما حتفكر تاني وما حتجيك أفكار إبداعية ابداً

📌"في مفهوم يسمى بدائرة الأمان"

باختصار شديد كدا هم ناس :
"وجودك ضمنهم بيخليك مطمئن وواثق انك لو احتجت أي شيء حتلقاهم معاك"

لما تعيش في دائرة أمان
أفكارك بتبقى أكثر إبداعية.. بتزيد ثقتك بنفسك.. بتبقى انسان زابط

حتى نقاشاتكم في داخل الدائرة كلها بتكون زابطة

📌تعمل شنو إذا ابتليت بناس محبطة؟!

استبدلهم تدريجياً!

انت علقت مع الناس دي لأنه لقيتهم في وشك بس
ولأنك خايف ما تلقى أصدقاء تاني اتدبست!

لكن خت في بالك انه شرط أساسي لأي علاقة صحية
هو التفاهم وتشابه الاهتمامات

باختصار كدا
فتش ناس بنفس اهتماماتك
اقعد معاهم وتدريجياً ابتعد عن من يحبطك

لو عندك دائرة أمان
لو عندك صديق يقول ليك ارح مكتبة نقرأ أو نحفظ قرآن
انت في نعمة... حافظ عليها جيداً
+ناديهو هنا كسر ليهو تلج😂

وعلى الأقل خليك انت الصديق الجيد مع كل من يعرفك

📌أحياناً بعض الطرق تمشي فيها وحيداً

هنا اختار صديقك من الكتب
فخير جليس في الزمان كتاب

اختار رفيقك كويس عشان تواصل في الطريق
وأراك انت وصاحبك على القمة

#أين_الطريق
#حسام_أسعد_حسن

الشغل عايز خبرة والخبرة عايزة كورسات والكورسات عايزة فلوس والفلوس عايزة شغل والشغل عايز خبرة والخبرة عايزة كورسات والكورسات عايزة فلوس والفلوس عايزة شغل🙂.

شكراً لي كُل البقولوا لينا "ياااخي ولا يهمك" بعد كل "معليش ما بقدر أجي زي ما إتفقنا" من غير زعل، شكراً لي كُل البتصلوا مرَّه واحده بس ولو ما ردِّينا بستنونا لحدي ما نفضىٰ من غير ما يستنونا نعتذر، شكراً لي كُل "مبروك عليك" قالوها على حاجاتنا الجديدة حتى لو شايفنها ما سمحه كفاية إننا مبسوطين بيها، شكراً على إقتناعهم إنو كُل واحد فيهو المكفيهو، شكراً على إستقبالهم لينا بحفاوه حتى لو مقصرين معاهم من سنين، شكراً على سعيهم الدائم لبذل مجهود وتقديم خدمات عشان بس بحبونا من غير إنتظار رَد الجِميل،، شكراً لي الما بصدقو بدون ما يسمعوا مننا، شكراً على زعلهم على حُزننا حتى لو نحن الغلطانين من غير ما يغلطونا، شكراً على "صدقيني بكره حتروق وتحلى" حقتهم عشان بس يسندوا مع إنهم أكتر ناس عارفين إنها لا حتروق ولا حتحلى، شكراً لي البكتفو بالتفاصيل البتتقال لهم بس، الرافعين شعار "لو كان عايز يقول كان قال" ، شكراً لي الما بجبرونا نشحد ليهم طاقه فوق طاقتنا عشان نشوفهم، شكراً لي البفهموا وبقدّروا، شكراً للخُفاف اللطاف، شكراً للسَاهلين، وشكراً أكتر لي الربَّاهُم .
- ثم شكراً جداً لي نفسي لكوني منتميه ليهم .🌻💛💛

‏"ان اضع رأسي الممتلئ بالأفكار والقلق على كتفك، حتى يتلاشى قلقي ويذهب دفعة واحدة."

عزيزتي... 🌸
بعد السلام و المحبّة

ممتنة إليكِ بكل ما تحملهُ الكلمة من معنى، دائمًا ما كنتِ أصدق أصدقائي، و أكثرُهم معرفةً بي، و أكثرُهم حبًا ليّ، تواسيني في فقد، و تحاولي جاهدة تصحيح مساري عند أخطائي لا لحاجةً سوى حبًا فيَّ.

تُربت يدكِ على قلبي و كتفي حين عجز، أقسو تأتي بالعفو، و تُخبريني بأن دروس الحياة بحاجة الفهم أكثر من حفظها، أبكي تأتي بطبق فرحاً ضاحكة، أفرح تُخبريني بأن المواساة حين تأتي من الله أعمق، حتى هزائِمُنا كانت لم تُحيد عن القلب و أهتدت به، ف سلاماً عليها إينما حلت بِصدق.

كم أحب حديثكِ حينما تريني في مشقة بأن هذهِ دنيا و كل هذا سوف يزول، و حينما يخيفني شبح الموت تضحكي في وجهي قائلةً:

"ماذا دهاكِ زائراً سيأتي لو أراد الله للعمر أنقضاء"

و لم يصبح العمر هاجساً حينها عندما جعلتني أُدرك حقيقةَ أنه في نقصاً مع كلّ ثانية، و أتذكر جيداً عمق وصياك لي

"أذكري الله" في وجعك و في فرحك، و أحب ذاكَ الشعور الذي يجتاحني عند قولها،
"لا حول ولا قوة الا بالله"
و أقولها بإبتسامة و دمعة أحياناً هي كنزٌ من كنوزِ الجنَّة و أنتِ كنزي أنا.♥️

"و كتير الحُبّ لنفسِكَ واجباً عليك، و لا يؤذي آحد".❣️

#غادة_الروض

Friendly reminder:

قوم اعمل اللي كنت بتخطط تعمله بقالك أيام وأسابيع وشهور وسنين،

قوم شوف الـبوستات أو المقالات أو الكورسات المهمة اللي موجودة في الـ Saved ونقي منهم المهم وابدأ فيه،

إبدأ إبدأ إبدأ، بدل ما يجي الوقت اللي تبقي مُجبر غصبًا عنك وعن نفسك تقوم تعمله وساعتها بدل ما هتعمله وانت مرتاح البال هتبقي مخنوق بس مُجبر تنجز فيه.

JUST PUT IN THE WORK, JUST START.

" ما قادر/ة أقرا"

" ما عارف /ة أبدا من وين "

"راسي جايط"

" في حاجات ما فاهمها "

طيب..
المفروض انو دي الأسئلة الأكثر شيوعًا واستخدامًا للبكونو على أبواب الإمتحانات و بخشو في مرحلة التوتر والقلق المعتاد...

أولا..
أحب أطمنكم " cause this is not the end 😂💔 "of the world

ثانيًا قبل ما نبدا في موضوعنا المهم واللي هو كيف نطرد الأسئلة دي ونبدا نقرا صح ونذاكر فل الفل تعالو نعرف اسرار او خلفية خفيفة عن أهمية القراءة ودورها ف تحفيز عقولنا..

- الله عز وجل في محكم تنزيله دلانا على سر الحياة في قوله " اقرأ باسم ربك الذي خلق " ادانا المفتاح الصالح لفتح اي باب من ابواب الحياة ، الناس اذا ركزت ف الحاجة دي وتأملتها ما بتجيها عوجة تب ..✌

طيب الناس البتقول ليك "القراية هواية". !
ع فكرة هي ما هواية على قدر ما انها هداية..
ضرورة من ضروريات الحياة وزي ما قال الكاتب الشهير غراهام غرين " أحيانًا أفكر أن حياة الفرد تشكلت بواسطة الكتب أكثر مما ساهم البشر أنغسهم في تشكيل هذه الحياة "

جميل جدًا المعنى شنو سمح ؟؟

المعنى ببساطة انو الكتب هي حلقة وصل لكل الأجيال السابقة واللاحقة والقاعدين هسه ، ووسيلة النقل الأولى لكل الخبرات وكل العلوم النافعة وكل المسائل المتعلقة باستمرارية الحياة ..
الكلام ده كبير ؟؟ 😁

بس مهم لانو حيدخلنا في باب انواع القراءة واشكالها..

بتلقى الناس بتقرا في المواصلات
ف المكتبات ..
في الشارع وهم ماشين.. 🚶
في سرير بيتهم مستكينين😌

طيب هل في حاجة بتجبر زول انو يواصل في كتاب او يخلص مقال كاامل ف جلسة واحدة لو ما عندو الرغبة والشغف اللازم .. ؟؟!!!

يبقى الرغبة حاجة مهمة جدًا بس الرغبة اتمثلت في جانب معين و ده نتج عن اختيارو لنوع قراءة معين قدر من خلالو ينجذب للقراءة عمومًا ويصبح قارئ متميز.. ✨😍

- طيب خلونا نعرف بعض انماط او انواع القراءة اللي بيخلطو بينها بعض الناس وما حنتعمق كتير بصورة سريعة عشان نرمي قدام عندنا نقطة مهمة جاينها ..

أولًا : القراءة من أجل متابعة الأخبار

وطبعًا ديل ناس الجرايد والمجلات اللي عايزين يتابعو عوالم الرياضة والجريمة والموضة والشارع وغيرها من المواضيع المختلفة المحركة العالم ابتداءً من شارع بيتهم إلى الشارع الفيهو البيت الأبيض.. 😂😂✌

ثاتيًًا : القراءة من اجل المتعة والتسلية ..

ناس الروايات والقصص القصيرة والشعر وجدرايات درويش كيفكم كويسين ؟ 😂😂😘

ثالثًا: القراءة من اجل التطوير المهني ..

ايواااا بس ده الدايرنو 🔥🔥 النوع ده من انواع القراءة بندرج تحتو كذا شكل بس خلينا ناخد الحاجة المحتاجنها لموضوعنا واللي هي ..

- القراءة من اجل التحصيل الدراسي
والجانب ده طبعًا شرحو واضح جدا .. اللي هي بتكون من مرحلة الاساس الي المراحل الجامعية ." السلم الدراسي "

*سمح هل قراءة الكتب الدراسية اللي الناس حتمتحن فيها بعدين ما تعد قراءة ؟؟!!

يعني انا بسأل الوحدة انتي بتحبي تعملي شنو ؟
بتقول لي بقرا
جميل بتقري شنو ؟
بقرا روايات ، كتب تنمية بشرية وغيرو...

المافي زول للآن بالغلط قالت لي بقرا كتابنا بتاع التاريخ بتاع سنة تالتة والله فيهو قصص تاريخية جميلة خلاص 😂💜
او مثلًا رجعت لكتابي بتاع الأحياء لانو كنت محتاج/ة لحاجات مهمة جدًا لقيتها فيهو نسيتها 🙇..

..ليه مفهوم قراءة الكتب الدراسية ارتبط بالملل ، بالضجر ، بالإرغام ؟ الزول بس يخلص الامتحان بيجاي تاني كتبو رماها بي وييين مشت وييين الله اعلم !!

بعرف واحد كان بستضيفونا في برنامج في الاذاعة من واحنا في الاساس لحدي ما دخلنا اولى جامعه يعني تقريبا احنا زي اصدقاء البرنامج كنا مع انو البرنامج للاطفال بس كنا بنجي ونحكي عن تطورات حياتنا ففي اخر لقاء لينا كان بتكلم مع المذيعة وقال ليها انا محتفظ بكل الكتب بتاعتي من مرحلة الاساس لحد ي الثانوي وعملت مكتبة متواضعة كده عشان احفظ فيها الكتب ولمن سالتو المذيعة ليه ؟ قال ليها انو عوضًا عن انو الكتب دي هو بحتاج ليها وبرجع يقرا منها دايما وبشوفها انها اكتر من مجرد نصوص حيمتحن فيها لاحقًا هو بلقى نفسو مع الكتب دي وبحس بيهم كرفقاء الدرب الطويل واللي كل ما يحتاجهم ف معلومة ولا يونس بيهم زمنو ما بخذلوهو ابدًا ودايما برجعوهو اقوى من ما كان عليهو.. 😣❤

هل لسه ف زول شايف انو القراءة الأكاديمية او التحصيلية ممله ؟؟

القراءة هي القراءة بكل انواعها هي عايزة منك الرغبة عشان تديك الشغف والشغف بدوورو حيخليك تفهم وتحب الحياة وتحقق ذاتك في كل الجوانب المختلفة..

- بقرا كوويس بس لما تجي الامتحانات برتبك ومعدلاتي بتنزل عشان كده بكون متخوف/ة من الدراسة..!

اقرو الكلام التحت ده وما بتجيكم عوجة تب 😍👇

* المذاكرة وما ادراك ما المذاكرة ويمكن دي الحاجة الخلّت القراءة التحصيلية محكومة بفكرة معينة عند الطلاب.. !!

فبقول ليك بكل الهدوء العلى وجه الارض ..

"Keep calm "و ما تتوترو
حتقرو وحتمتحنو

وما حتنسو القريتهو وحتطبيقو في حياتكم لقدام بإذن الله لانو سفينة القراءة ما عندها مرسى..

الخطة شنو طيب ؟؟

مركزين معاي يا الممتحنين ؟؟

بالأول:. عقلك ما تحملو كتير .

ببساطة كده كل ما ضغطت على نفسك كل ما حتطير المعلومة ، طبعا ما حتعمل جناحين وتطير 😂 ببساطة لمن تقرا لاختبار وقدامك كم يوم بس حتحفظ لكن حفظك وكلامك القريتو ده بمشي الذاكرة قصيرة المدى يعني حتقرا اليوم حتجي بعد يومين حتلقو ببح .. 😪 لانو الذاكرة القصيرة المدى بتجدد كل صباح بعد النوم ..

الحل شنوو ؟
الحل انو تقرا ع فترات متباعدة لحدي ما المعلومات تمشي الذاكرة طويلة المدى قريت الليلة تراجع بكرة العصر تراجع تاني يوم الصبح نفففس الحاجة القريتها " تكراار يعني " لحدي ما تثبت ، يعني ما تقري هسي وتجي بعد اسبوع وتقول هييي انا ما قريت الكلام ده قبل كم يوم ليه نسيتو ؟؟ وانتي تقعدي تنكشي شعرك 😂😂 ...

ثانيًا: راااااجع لزميلك ، بالضبط كده لو جاك زميلك قال ليك اشرح لي الحاجة دي ما تقول مشغول راجع ليهو طووالي ، حتى لو انت اصلا عارف المعلومة راجع ليهو تاني حتثبت عندك تاني لو عملت المستحيل ما حتنسى ..
نسبة لدراسة عملوها الباحثين للطلاب في عام 2014 قسموهم لقسمين قسم يذاكر ويراجع للطلاب المعاهم وقسم يراجعو للاختبارات لقو انو اللي ذاكرو وراجعو للطلاب هم اللي درجاتهم كانت اظبط ومعدلاتهم مرتفعة لانو حصل ليهم تكثيف في الاستيعاب والفهم عكس القسم التاني اللي ما شرحو لغيرهم..

طيب لو ما جاني زول اشرح ليهو اعمل شنو ؟

عاين ف المراية واشرحي لنفسك ..

افتح الريكورد بتاع التلفون واشرح واسمع التسجيل وقيم نفسك ..

امسك اي زول وقوليهو تعال اوريك حاجة وما تفكوو الا يكون فهم الدرس ظاابط ..✌في جماعة حيشموك لكن ولاا يهمك ارمي لقدام.. 😁👌

ثالثًا: ودي نقطة مهمة يا جماعة اختبر نفسك..

امكن وحدة من الاغلاط الكتيرة البتقعو فيها اثناء المذاكرة انو بتقرو الدرس مرة ومرتين وتلاتة من باب انو مع التكرار المعلومة حتثبت ، ع فكرة النتيجة دي وان كانت مفيدة بس هي ما فعالة خالص.. 😔💔

المعلومة بتتركز في العقل لما نختبر نفسنا اثناء الدراسة

نسبة لدراسة اجروها للطلاب في عام 2010 لقو انو دي الوسيلة الانجع لتفادي النسيان وتعزيز المعلومات في العقل

كيف يعني ؟؟

قريت حاجة معينة امشي ادي زول يسألك منها ، حل كل اوراق العمل والتمارين اللي عندها علاقة بالجزئية دي بس ، اكتب وراجع واكمل واستنتج اسئلة من عندك وجرب السوال العندك بكذا طريقة ، اتأكد تماما انو بالطريقة دي انت ما حتنسى الدرس ده ابدا وحتمشي للبعديهو بثقة اكبر بعد ما اتركزت ليك المعلومة.. بدل ما تضيع زمنك ف الحفط والتكرار ..!

رابعًا: حاجة امكن تشوفوها غريبة شوية بس لانها ارتبطت بالاسلوب والعادات البتقول ليك " اللبان داخل الفصل ممنوع "

ميين قال كده؟؟؟

مضع العلكة او اللبان اثناء المحاضرة او الحصة او اثناء حل الواجب الدراسي والمراجعة بساعدك تركز وتتخلص من كل الافكار الجانبية الممكن تشغلك اثناء تلقي المعلومة ، نسبة لدراسة اجراها كريغ جونستون الحاصل ع درجة الدكتوراة من كلية بايلور الامريكية للطب سنة 2009 اللي عملها على 108 طالب من الجنسين وقسمهم لمجموعتين مجموعة كانت بتتناول العلكة اثناء المحاضرة وحل الواجبات ومجموعة م بتتناول اللبان وبعد 14 اسبوع لقى انو المجموعة الأولى كانت معدلاتهم اكبر في الاختبارات عكس الي ما كانو بيكالو ف اللبان ، فا الناس تجرب وتشوف الحاصل شنو ما عشان قالو ليك ما تاكل لبان ف الفصل او لمن تجي تقرا معناتها بعرقل عملية الاستيعاب وبقت فكرة ثابتة عندنا لمن صدقناها..!!

آخيرًا: حاجة مهمة كمان يا جماعة هي الراحة ، المكنة الجوة راسك دي لازم تديها رست كمان.. 🙇 العقل زي العضلة العايزة تحريك بس كمان لو شديت عليها حيجيك تمزق ويمكن تقيف فما نوصلو للمرحلة دي ..!
واتذكرو انو الوقت الانسب للدراسة هو منو وانت عايز تنوم لانو اثناء النوم المعلومات بتنتقل للذاكرة طويلة المدى وانت ما بتكون عارف ، بس بالممارسة و#المراجعة بفترات #متواصلة حتحسن العلاقة بين الذاكرة القصيرة والطويلة وحتعرف تسترجع المعلومات بطريقة سلسة وبسيطة.. 💪💜

في النهاية احب اقول انو هاجس الامتحانات والمذاكرة ما ممكن نتخلص منو بس بالتأكيد بنقدر نتعامل معاهو بالطرق الأمثل ، وحتة انو نعامل الكتب الدراسية بانها كمان نوع فعال من انواع القراءة اللي بتخلق جوانا شغف ورغبة مستعرة انو نتحصل منها على اكبر قدر من المعرفة حاجة ما هينة بالجد ، مجرد التفكير في الحاجة دي بكسر كل الحواجز بينك وبين الكتاب المدرسي وعادي جدًا ممكن تركب المواصلات وتطلع كتاب الفيزياء او الدراسات وتستمتع بالقراءة منهم 💜💜✌

و#ما تنسوا

" أعقلوها وتوكلوا"
يعني اعملوا العليكم بالاول وما تقصررروا وربنا اكيد ما حيخذلكم " ❤

كلما حيرتني الحياة بشأن قلبي، فك تعقيدها القرآن 🌸..

في أمر الخشوع قصص عدة لكن أوضحها ما جاء في تفسير لفظ الخاشعين نفسه في سورة البقرة قال الله تعالى: ﴿وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ{45} الَّذِينَ يَظُنُّونَ أَنَّهُم مُّلاَقُوا رَبِّهِمْ وَأَنَّهُمْ إِلَيْهِ رَاجِعُونَ﴾،

فجاء أعظم الخشوع ماجاء مصاحباً للتفكير في الآخرة و لقاء اللّٰه و يوم الرجوع إليه و هو مؤكد،، و كأن القلب إن فكر بآخرته استقامت صلاته فاستقام عالمه 🌸...

رب اجعل همنا الآخرة و آتنا كل الحسنات فيها و في الدنيا التي فيها معاشنا و لاتجعل إلى النار مصيرنا 🌸..
#Jasmeen_Ali
🌸💌

مواقع هتسهل عليك حاجات كتير فـ حياتك سواء شغل او دراسة

1- مواقع بتحل المسائل الرياضية وبتوريك الحل إزاى كمان
mathway.com
symbolab.com
2- موقع بيقدملك نماذج للمحادثات الإنجليزية علشان يتحسن مستواك وكدا www.eslfast.com
3- موقع يخليك تقدر تكتب ع الصور المتحركة وتعدل حجمها ومقاسها ezgif.com
4- موقع بيخليك تقدر تستخدم الواتس بتاعك من ع الجهاز او اللاب توب web.whatsapp.com
5- الموقع دا بيخليك تقدر تبحث عن معنى أى إختصار بسهولة بما ان الإنجليزى مليان إختصارات وكداهون .. abbreviations.com
6-الموقع دا بتدخل عليه الحاجات اللى موجودة فى تلاجتك وهوا يقولك تطبخو ايه لو محتار/ة : supercook.com
7- موقع بيقيم الأفلام ولو فى مناظر كدا ولا كدا بيقولك movieguide.org
8- موقع لتقصير اللينكات غير بتاع جوجل bit.ly
9- موقع بيعلمك الرسم بطريقة إحترافية .. فيه آلاف الدروس من رسومات كرتونية .. لرسوم واقعية drawspace.com
10- عايز تعمل cv سواء بالعربى أو الإنجليزى .. الموقع دا بيساعدك تعمله بسهولة cakeresume.com
11- موقع بيحول ملفات الـ word لـ pdf بسهولة smallpdf.com/ar/word-to-pdf
12- موقع فيه ألعاب تفتكر بيها الكلمات الإنجليزى internetpolyglot.com
13- الناس اللى بيستخدمو تويتر وعاوزين تحفظو فيديوهات من عليه colonthree downloadtwittervideo.com
14- موقع لتصميم اللوجوهات logogarden.com
15- موقع للكتب العربى .. بيقيمها ويكتب نبذة عنها abjjad.com
16- موقع بيخليك تستخرج النصوص من الصور onlineocr.net

لو حد لو حد يعرف تطبيق او موقع كويس يكتب فكومنت

شير ومنشن لاي حد محتاج البوست دا
#ساعد_هتلاقي_إللي_يساعدك 💙
----------------------------------------------------------------------------
إزاي تكتب CV ؟! 🤔
bit.ly/2KJlBgO
الفرق بين CV - resume - cover letter
bit.ly/2UkECdS
بوست مهم جدا لاي حد بيدور علي شغل
bit.ly/2FSkYgD
ازاي تشتغل فريلانسر
bit.ly/2PaVFJE

وتضحكي للزماآن الجاآي ، وتتفجر مساآمك ضي!🌼 💖