اهم 7 كورسات في حياتك
ليه؟! لانك ببساطة مش هاتحتاجهم في ( شغلك ) بس لأ..دا في حياتك كلها
الكورسات دي هتغير فكرك و كتير من تصرفاتك و حكمك على كل حاجة
كلها فيديوهات بسيطة و مش هتخليك تزهق
1- Communication Skills مهارات التواصل :
من هنا :- https://bit.ly/3iQQDjA
2-leadership skills :مهارات القيادة
- مش هتعرف تكون مدير ناجح غير بيه
من هنا : https://bit.ly/3iMXqL9
3-Time Management إدارة وتنظيم الوقت
ازاي تدير اليوم و الاسبوع و السنة كاملة بالخطى الثابتة
من هنا : https://bit.ly/3j0N6iN
4-Critical Thinking مهارات التفكير النقدي
إدراك أخطاء موجه لحل المشكلات
من هنا : https://bit.ly/2ZTqh9c
5-Negotiation skills مهارات التفاوض
ازاي تكسب أي نقاش بذكاء
من هنا : https://bit.ly/3iO3Jho
6- Public Speakingكورس مهارات الإلقاء
من إسمه هو الفرق بين انك تجذب الجميع في الحديث بتاعك من عدمه
من هنا : https://bit.ly/35TMLe2
7- Positive Thinking مهارات التفكير الإيجابي
أعتقد انه أهم كورس فيهم
من هنا : https://bit.ly/32Lz3HP
#منقوول ❤️

خير الأمور ملامحك...❤️🌻

لو لي أي سبب ما نجحت علاقتك بي زول ،
و ما ح نقول فشلت لأنو الموضوع عبارة عن تجربة ،
نجاحها نعمة و عدم نجاحها إختبار ح يبقيك أحسن ..
أوعك تختمي على نفسك بعبارة فاشلة ،
أو يتهيأ ليك إنك ما صالحة لأي إرتباط ..
إياك تختي اللوم عليك براك ،
ولا ثقتك في نفسك تتهز ..
لأنك كنتي في شراكة ،
مش في علاقة مع نفسك ..
نجاحها مسؤولية مشتركة مع شريكك ،
و كذلك عدم تطورها و مشيها لي قدام ...!!
.
لو لقيتي إنك ما مالية عين زولك ،
أو ما مكفياهو ولا ما مقتنع بيك ..
ده ما بالضرورة بيعني عيب فيك ،
ممكن يكون هو عينه زايغة ،
و ما بيملاها إلا التراب ..
أو إنكم بس ما متلائمين ،
و ما مناسبين لي بعض ..
و هنا لو عاينتوا بالراحة ح تلقوا إنو قرار فراقكم ،
كان أنسب شي حصل ليكم و ح تحمدوا ربنا عليهو ...!!
.
عليه أوعك تخافي من إنك تتعافي ،
أو إنك تاخدي فرصة تانية لو جاك زول مناسب ..
استفيدي من اللي فات ،
صلحي في روحك اللي انت شايفة إنو ما صاح ..
و نهاااائي ما تحاولي تغيري الحاجات السمحة فيك ،
حتى لو كانت تجربتك السابقة حسستك إنها شينة ..
خليك مقتنعة بي روحك و أبقي نفسك ،
ما تتصنعي عشان ترضي زول ..
لأنك لو ما راضية عن روحك ،
و مهما حصل ليك من تفاصيل سمحة ،
عمرك ما ح تعرفي معنى السعادة الحقيقية ...!!
.
المهم :
ما ينطبق على البنات ،
يسري على الأولاد ...!!
.
المهم شديد :
كلكم بتستاهلوا الفرح ،
و بتستحقوا الحياة ...!!

بريدك كان تميل ليا ..
وبريدك كان معاندني ...

😞💙💙

"أنصت ليها كويس!"

طبعاً من العنوان حتكون فكرت في حاجة
بس أنا ما قاصد دي!
قصدي نفسك!
هل ممكن تنصت لي نفسك؟!
انسى الكلام الفوق ده بنرجع ليهو
ركز معاي هنا!
أنا وإنت عارفين إنه عندنا مشاعر
في الكويس منها وفي البنسميهو "مشاعر سلبية"
من الأسئلة المتكررة جداً
-يا حسام!... هل ممكن اتخلص من المشاعر السلبية؟!
تتخلص منها؟!... ليه؟
انت خلقك ربنا سبحانه وتعالى
ما حيخت حاجة فيك ساي أو عبثاً
يلا عاين
المشاعر عموماً دي عبارة عن رسائل
انا لو صحبك وبنبهك كل مرة للبينفعك حتكون عايز تتخلص مني؟
📌 "المشاعر هي رسالة"
ومشكلتك الوحيدة هو طريقة تعاملك معاها بس
▪️عارف شعور الغضب؟
دي نفسك بتقول ليك :
"الزول ده انتهك قاعدة أو قيمة عندك.. بعدين كلمو براحة"
والتعامل الصحيح هو انك تهدأ وتجي تكلمو بكل هدوء
انه انا الأسلوب ده ما بينفع معاي
وده عشانك... عشان ما تخسر زول
▪️بتعرف شعور الكسل وانعدام الشغف؟
دي نفسك بتقول ليك
ابووووس اييدك ارحمني واعمل حاجة جديدة كفاية خلااص!
والتعامل الصحيح هو انك تجرب حاجات جديدة
▪️عارف شعور الخذلان؟
دي نفسك بتقول ليك ما تتعامل مع الزول ده تاني
▪️عارف شعور الحماس والتحفيز؟
الشعور البيجي بعد تقرأ بوستات حسام داك😎
دي رسالة بتقول ليك انت الآن نشييط وممكن تعمل حاجة صعبة
التعامل الصحيح تقوم فوراً تشوف مهمة مؤجلة تنجزها
📌اتعلم تنصت!
سؤال متكرر تاني
-يا حسام انا بقدر اساعد الناس وتحل مشاكلهم
بس مشاكلي انا ما بقدر!!
ساعدتهم لأنك بتنصت ليهم وبتفهم مشاعرهم
طيب أنصت لنفسك!
ركز مع مشاعرك وافهمها واقرأ عنها
حتلقاها عبارة عن رسائل بتوريك الحاجات الزابطة معاك
وتبدأ تتفاوض عشان تلقى الطريق الصح
فبس أنصت لنفسك وافهمها
براك حتلقى الطريق وسأراك على القمة
#أين_الطريق
#حسام_أسعد_حسن
و
#_قوم_امشي_اقرا

‏تفاصِيله .. تجذبُني لأهوَاه ❤️❤️ .

#سورة_البقرة ♥♥
أي واحدة عاوزة تحفظ سورة البقرة في شهر إن شاءالله بطريقة مريحة تجي البوست دا ♥♥
ارفعوا البوست عشان يظهر لناس كتار ♥

#تحدي_اكتوبر ♥♥

بسم الله نبدأ ♥
* اول شي الصور فوق فيها جدولين بطريقتين مختلفات:

🌸واحدة كل يومين 20 آية :يوم للحفظ و يوم للمراجعة.

🌸واحدة كل يوم صفحتين و كل 6 ايام يوم للمراجعة.

شوفوهم و كل واحدة تختار البرنامج المناسب معاها - و بعتذر انه الجدول اللي كل يومين 20 ايه معمول بشهر 9 لأنه دا كان تحدي الشهر لكن المهم الناس تاخد ترتيب الايام بس و الفكرة.

* تاني شي لسه باقي تقريبا 8 ايام لشهر 10 اللي هو بداية التحدي ..
البوست دا نزل اسه عشان الناس تستعد و ترتب نفسها و جدولها و خلال الأيام دي لحدي ما يجي شهر 10 مطلوب منك تعملي كم حاجه بسيطة عشان تساعدك على الحفظ.

1ـ أسمعي السورة كل يوم سواء كنتي مركزة او مشغولة - الحاجه دي بتخلي عقلك يحفظ بسرعة بعدين.

2ـ نزلي كتب او اقري مقالات عن سورة البقرة زي تفسيرها و البدائع اللغوية و غيرها - بنصح بكتابين حلوين في آخر البوست ان شاءالله.

3ـ شوفي صحبة عشان تتعاونوا و تذكروا بعض و ما تكسلوا.

4ـ نزلي تطبيقات بتساعدك على الحفظ و التسميع زي تطبيق #تحفيظ اللي بيكرر ليك الايات اللي انتي عاوزاها بعدد المرات اللي عاوزاها و فيهو خيارات شيوخ كتار .. التطبيق جميل جدا.
و في تطبيقات بتاعت تسميع زي تطبيق #تمكين او #اتلوها_صح او غيرها..
اعملوا سيرش في قوقل بلاي بالاسماء دي بالعربي و ح تلاقوها و تلاقوا تطبيقات جميلة غيرها..

5ـ اتذكروا إنه القرآن محتاج مجاهدة و انه المشقة في القلب ما في المسير فـ رتبوا قلوبكم و جاهدوا في تنقيتها ♥

* دي شوية نصايح ان شاءالله تفيدكم :
- اسمعي كتير عشان الحفظ يبقى ليك يسير
ـ صلي كل صلواتك بالآيات الجديدة اللي حفظتيها عشان تترسخ في راسك
ـ ثبتي وقت ثابت للحفظ و ما تخليهو مهما كان و يا ريت يكون في وقت مخك فيهو صافي عشان تحفظي بسرعة
ـ احرصي على الصحبة المشجع.
ـ جاهدي قلبك و وقتك و مشغولياتك لأنه كل الإنجازات ما لم تكن لله فـ ما منها فايدة.
ـ اتصدقي بنية تسهيل الحفظ و القبول و عدم الكسل
- الأيام اللي ما عليك فيها صلاة احفظي بالتلفون و بالعدم اسمعي الآيات كتير عشان ما تلاقي الحفط اتردم عليك و تكسلي
- حاولي افهمي الآيات و اتدبري فيها عشان تقدري تربطيها مع بعض و تطبقي اللي فيها.

* مقترحات الكتب :
القرآن نسخة شخصية ـ احمد خيري العمري
نظرات لغوية في القرآن الكريم
القرآن تدبر و عمل

* اذا الفكرة عجبتك فـ أنشري لمعارفك و احتسبي الأجر ♥
بعتذر للإطالة
ربنا يسهل لينا كلنا الحفظ و نتلاقى في الجنة كلنا حافظات عاملات ♥
خااالص محبتي..
منقول جزى الله كاتبه و ناشره خيرا 🌹...
#حافظات
..

" إني أختارك ، وأختار المَشقة معك على الراحة مع غيرك ، والبُكاء معك على الضحكة مع غيرك ، ونصف حياة جانبك ولا عُمر طويل مع سِواك." 💙

صح تعبنا وصح طاقتنا كملت بس هنكمل ما عشان شئ بس عشانا، عشان احنا رسمنا أحلام من زمان وفضل لينا خطوات بسيطة ونصل فمستحيل نقيف في نهاية المسافات الفاصلة بينا وبين أحلامنا عشان تبقى واقع..
مكملين عشان أحلامنا تبقى واقع، مكملين عشان احنا بنستاهل نجرب شعور الفرح لما نصل لنهاية الطريق ونلقى أحلامنا اتحققتْ 💜

حبو بعض عشان تعمرو بعض ما عشان تغيرو بعض ..🌸
ما تصعبو المفاهيم والحياة عليكم
.

"صلح علاقتك مع الزمن!"

هل بتقدر تكون صبور ومستعجل في نفس الوقت؟!

ده البيتقال كل مرة.. ما تضيع أي لحظة والوقت كالسيف واجتهد وأجري
وبرضو خليك صبور والنتائج العظيمة بتاخد وقت.

فده شنو ده هسي؟!
يعني انا أجتهد وأسرع ولا اصبر وامشيها واحدة واحدة؟!

📌"الصورة الكاملة والقطع"

بتعرف لعبة القطع اللي بتجمع أشكال عشان تكون صورة؟

يلا في حياتك خلي عندك نوعين من الأهداف والأحلام
لو زبطت حتحل الصراع ده

▪️"الصورة الكاملة"

انك تبقى طبيب متخصص يشار إليه بالبنان
أو أمام جامع حافظ لكتاب الله
أو انسان صاحب منظمات خيرية وأعمال تطوعية
أو داعية إسلامي
أو مؤلف كتب تصل الأكثر مبيعاً
أو رجل أعمال

إنت وحلمك غايتو

دي أهداف الصورة الكبيرة
في دي خليك صبور وخليها تاخد وقتها
من 5 سنوات وانت طالع وكل ما زادت المدة بتبقى أعظم

▪️"القطع الصغيرة"

دي أجزاء من الحلم الكبير
زي انك تحفظ جزء من القرآن
تقرأ كتاب.... تشارك في بعض الأعمال التطوعية
تتفوق في امتحانات سمستر

في النوع ده هنا اجتهد واستغل وقتك كلو وخت ليك حد زمني واسعى

📌"الخطأ الشائع"

دائماً الناس بتقع في واحد من اتنين :

▪️عايزة تظبط الصورة الكبيرة مباشرة من غير قطع!
هنا بقول ليك اصبر وما تستعجل والنتائج العظيمة بتاخذ وقتها

▪️بتعامل القطعة كصورة كبيرة وهي الهدف أو الغاية
يعني أقصى حلمك انك تقرأ كتب بغض النظر عن ليه؟؟

وبتقعد في الهدف الصغير فترة طويلة وتضيع وقت في السوشيال ميديا
وليها حق تضيع لأنه الهدف الصغير ما محفز كفاية لأنه مجرد قطعة

هنا بقول ليك الوقت كالسيف ورتب نفسك وخت صورة كبيرة
واخلص هدفك الصغير ده عشان تكمل باقي القطع

📌الخلاصة:

خليك صبور للنتائج العظيمة
واجتهد بكل ما أوتيت من قوة في جمع القطع

كدا موضوع الزمن بيزبط معاك!

البوست ده داير قعدة تركيز ممكن ترجع تقرأ تاني لو ما وقعت

وبس كدا

حدد صورتك وقطعك وارسم طريقك وأراك على القمة

#أين_الطريق
#حسام_أسعد_حسن

"دائرة الأمان"

عاين يا عزيزي واتذكر كويس

في نوعين من الأصحاب

▪️في ناس بتقول ليهم أنا عايز أعمل حاجة وما لاقي ليها اسم
بيقولو ليك ارح نتلاقى ونعمل عصف ذهني طوالي

مصاريفك بتخرب نعم في القعدة دي لكن بتطلع باسم😅

▪️في ناس بتقول ليهم نفس الكلام الفوق
بيقولو ليك... هووي يا أصحى انت في السودان!!

عليك الله انت اسمك بالإنجليزي بتعرف تكتبو هسي؟
وهاهاهاهاها تقلب الشغلة ضحك وارح ياا افتح ليدو خلينا نلعب
وبرضو مصاريفك بتخرب وانت معاهم😂

لكن فكرة الحاجة أو المشروع بتطير من بالك!
وحتظل في مكانك وما حتفكر تاني وما حتجيك أفكار إبداعية ابداً

📌"في مفهوم يسمى بدائرة الأمان"

باختصار شديد كدا هم ناس :
"وجودك ضمنهم بيخليك مطمئن وواثق انك لو احتجت أي شيء حتلقاهم معاك"

لما تعيش في دائرة أمان
أفكارك بتبقى أكثر إبداعية.. بتزيد ثقتك بنفسك.. بتبقى انسان زابط

حتى نقاشاتكم في داخل الدائرة كلها بتكون زابطة

📌تعمل شنو إذا ابتليت بناس محبطة؟!

استبدلهم تدريجياً!

انت علقت مع الناس دي لأنه لقيتهم في وشك بس
ولأنك خايف ما تلقى أصدقاء تاني اتدبست!

لكن خت في بالك انه شرط أساسي لأي علاقة صحية
هو التفاهم وتشابه الاهتمامات

باختصار كدا
فتش ناس بنفس اهتماماتك
اقعد معاهم وتدريجياً ابتعد عن من يحبطك

لو عندك دائرة أمان
لو عندك صديق يقول ليك ارح مكتبة نقرأ أو نحفظ قرآن
انت في نعمة... حافظ عليها جيداً
+ناديهو هنا كسر ليهو تلج😂

وعلى الأقل خليك انت الصديق الجيد مع كل من يعرفك

📌أحياناً بعض الطرق تمشي فيها وحيداً

هنا اختار صديقك من الكتب
فخير جليس في الزمان كتاب

اختار رفيقك كويس عشان تواصل في الطريق
وأراك انت وصاحبك على القمة

#أين_الطريق
#حسام_أسعد_حسن

الشغل عايز خبرة والخبرة عايزة كورسات والكورسات عايزة فلوس والفلوس عايزة شغل والشغل عايز خبرة والخبرة عايزة كورسات والكورسات عايزة فلوس والفلوس عايزة شغل🙂.

شكراً لي كُل البقولوا لينا "ياااخي ولا يهمك" بعد كل "معليش ما بقدر أجي زي ما إتفقنا" من غير زعل، شكراً لي كُل البتصلوا مرَّه واحده بس ولو ما ردِّينا بستنونا لحدي ما نفضىٰ من غير ما يستنونا نعتذر، شكراً لي كُل "مبروك عليك" قالوها على حاجاتنا الجديدة حتى لو شايفنها ما سمحه كفاية إننا مبسوطين بيها، شكراً على إقتناعهم إنو كُل واحد فيهو المكفيهو، شكراً على إستقبالهم لينا بحفاوه حتى لو مقصرين معاهم من سنين، شكراً على سعيهم الدائم لبذل مجهود وتقديم خدمات عشان بس بحبونا من غير إنتظار رَد الجِميل،، شكراً لي الما بصدقو بدون ما يسمعوا مننا، شكراً على زعلهم على حُزننا حتى لو نحن الغلطانين من غير ما يغلطونا، شكراً على "صدقيني بكره حتروق وتحلى" حقتهم عشان بس يسندوا مع إنهم أكتر ناس عارفين إنها لا حتروق ولا حتحلى، شكراً لي البكتفو بالتفاصيل البتتقال لهم بس، الرافعين شعار "لو كان عايز يقول كان قال" ، شكراً لي الما بجبرونا نشحد ليهم طاقه فوق طاقتنا عشان نشوفهم، شكراً لي البفهموا وبقدّروا، شكراً للخُفاف اللطاف، شكراً للسَاهلين، وشكراً أكتر لي الربَّاهُم .
- ثم شكراً جداً لي نفسي لكوني منتميه ليهم .🌻💛💛

‏"ان اضع رأسي الممتلئ بالأفكار والقلق على كتفك، حتى يتلاشى قلقي ويذهب دفعة واحدة."

عزيزتي... 🌸
بعد السلام و المحبّة

ممتنة إليكِ بكل ما تحملهُ الكلمة من معنى، دائمًا ما كنتِ أصدق أصدقائي، و أكثرُهم معرفةً بي، و أكثرُهم حبًا ليّ، تواسيني في فقد، و تحاولي جاهدة تصحيح مساري عند أخطائي لا لحاجةً سوى حبًا فيَّ.

تُربت يدكِ على قلبي و كتفي حين عجز، أقسو تأتي بالعفو، و تُخبريني بأن دروس الحياة بحاجة الفهم أكثر من حفظها، أبكي تأتي بطبق فرحاً ضاحكة، أفرح تُخبريني بأن المواساة حين تأتي من الله أعمق، حتى هزائِمُنا كانت لم تُحيد عن القلب و أهتدت به، ف سلاماً عليها إينما حلت بِصدق.

كم أحب حديثكِ حينما تريني في مشقة بأن هذهِ دنيا و كل هذا سوف يزول، و حينما يخيفني شبح الموت تضحكي في وجهي قائلةً:

"ماذا دهاكِ زائراً سيأتي لو أراد الله للعمر أنقضاء"

و لم يصبح العمر هاجساً حينها عندما جعلتني أُدرك حقيقةَ أنه في نقصاً مع كلّ ثانية، و أتذكر جيداً عمق وصياك لي

"أذكري الله" في وجعك و في فرحك، و أحب ذاكَ الشعور الذي يجتاحني عند قولها،
"لا حول ولا قوة الا بالله"
و أقولها بإبتسامة و دمعة أحياناً هي كنزٌ من كنوزِ الجنَّة و أنتِ كنزي أنا.♥️

"و كتير الحُبّ لنفسِكَ واجباً عليك، و لا يؤذي آحد".❣️

#غادة_الروض