‏الواحد ممتناً جداً لكل غلطه ، لكل علاقه ، لكل قصه ، زادت من الوعي بتاعنا

‏انت لمن تزعل ما بتزعل من موقف
بتزعل من الزول اللي عملو
يعني لو في زول عفصك حتتضايق عشان انت مابتعرفو في حين انو لو صحبك عفصك حتضحك وتشتمو
فلمن تلقى زول زعل منك عشان موضوع انت شايف انو ما بيستاهل اعرف انو هو ما زعل من الحاجة الانت عملتها
هو زعل لأنها جات منك انت بالتحديد

_ كيف تكون القصص كاملة؟
القصص لا تكون كاملة لكن لكل منا نقطة تستطيع إبقاء مابقلبه مضيئا و جذوة عطائه لا تخبو..

_و كيف تدوم المحبة بين كل اثنين ( ك زواجكما مثلا لعشر سنوات ماشاء الله) ؟

_ لايدوم شيء على حاله يتلون مرة بالرحمة و تارة بالود و كثيرا بالإخلاص و حسن المعشر، كان كلينا يعطي ما استطاع و يقبل من صاحبه ما منح..

ظل لسنوات يعاملني كأنها المرة الأولى، يُظهر لي ذات الإنبهار و يعطيني أقصى اهتمامه و يتصرف و كأنه يحاول أن يكسب قلبي للتو ♥..
يهزم الخصام بالود و الخوف بالأمان و ألم القلب بالتراضي ..

كل مرة كان يفعل أفضل ما يستطيع، وكنت أُقدر جهده.

و كنت كلما مد لي يد محبته أحمد الله أنني رددت سلامه في المرة الأولى.
و قبلت وده و عفوت عن خطأه كل مرة و رضيته واخترته كل يوم.

#قلبي_يحدثني_بأنك_متلفي 78
اللهم لاتفلتنا يد الطمأنينة و لايقل فينا الرضا و اليقين ♥..

#Jasmeen_Ali
🌹♥

‏نحن دائما بنعاين للسلبيات في شخصيتنا ونادر ما نعاين للإيجابيات وده البضعف حب الذات و ممكن يلعب في انه يضعف ثقتنا بنفسنا ودي م حاجه كويسه ابدا ...لازم نقدر صفاتنا السمحه و نعززها ونفتخر بيها و نحفزها عشان نستمر

أخبري قلبك كل ليلة أن الله معنا مهما كنا وحدنا،، يرى و إن اشتد الظلام، يسمع مالم ينطق بعد و يشفي هم الصدور..

كل الأمن إن لزمنا بابه و كل الضعف في هجر أوامره🌼..

يا الله لك نفسي بضعفها و قوتك، بوهنها و عزمك، بمخاوفها سيحفظها يقينك،، حسبي الله ونعم الوكيل..

#Jasmeen_Ali
🌾🌱

أخبري قلبك كل ليلة أن الله معنا مهما كنا وحدنا،، يرى و إن اشتد الظلام، يسمع مالم ينطق بعد و يشفي هم الصدور..

كل الأمن إن لزمنا بابه و كل الضعف في هجر أوامره🌼..

يا الله لك نفسي بضعفها و قوتك، بوهنها و عزمك، بمخاوفها سيحفظها يقينك،، حسبي الله ونعم الوكيل

ارتوا على بعَض
ماتجو على بعض
خليكم مع بعض ضد الظروف، ماتحاربو بعض بالظروف
مافي زول يستاهل كسرة خاطر ولا حزن ولا بكاء
مافي زول يستاهل ينوم ليلة واحدة حاسي إنو غلط وإنو كعب
ماتخلو كلمة طيبة لبكرة، يمكن مافي بكرة!

‏كل مشكلات العمل والدراسة والحياة، تصبح محدودة التأثير بوجود الحُب.. تمرّ عبورًا كأنها ما كانت، بل وتترك طيفًا أجمل.. الحب طوق النجاة في كل شيء.. يقول النفساني "رولو ماي" في كتابه "الحُب والإرادة".. "كان الحُب حلًا عظيمًا للخروج من مآزق الحياة". وهو كذلك..

- منى حوا

لو ننتبه بس شوية
تِجَاه الحاجات "الخاصة" اللي بنشاركها مع "العامة"

قبل ما نجي نشكي ونتضجر من إنو الحياة معكَّسة علينا قدر شنو .. وفي أدق التفاصيل

لو ننتَبه بس شوية
وندرك إنو "العين حق"
وإنو حقيقي ما كل الناس اللي هنا.. بتتمنى ليك الخير
أو دوام حالك الطيب مع نفسك والحوليك

النِّعَم البِنفقدها .. الأصحاب البِنفارقهم بدون أسباب منطقية
والمشاكل البتحصل لينا

ربما كان واحد من أسبابها
إنو نشرنا حاجة... بدون ما نتحصن أو نسأل ربنا يحمينا ويحفظنا ..

الخُلاصة..
ما أي شي.. نشاركو مع أي زول
خلُّو تفاصيلكم ليكم .. خلُّو حياتكم ليكم
عشان تدوم!

واتذكرو تتحصَّنو .. واذكرو ربنا لما تشوفو حاجة سمحة عند غيركم ♥️

وشُكرًا
وعفوًا

#صفِيّة_مُصطفى

بادر بالألتفات ولو مجاملة انا وقلبي نقف علي طرف بابك ...💙

شوفوا .!!

نحنا م محتاجين نثبت حاجة لي زول ، لا وجهه نظر لا كلام ولا نبرر موقف ، نحنا عارفين نقاط قوتنا وين وضعفنا ، انكاستنا وجرستنا م محتاجين نبرر لاي انسان لانهم م خاضوا تجربتنا ولا عاشوا نفس الظروف ولو حصلت فقدرت تحمل اي انسان بتختلف عن التاني ...

انت م مجبر تقعد تحكي وترص وتعيد لي عملت وعشان شنو وعشان منو مهما كان الموضوع !!

انت محتاج تبرر لي نفسك وتعرف لي وين ومتين لي نفسك وبس سمح ؟؟؟

وبس💙

#نون ...

ماينفع ف وقت الزعل تمنع الأشياء ال علاقتكم مبنيه عليها ، ماينفع تتعامل مع الطرف التاني عكس طريقتك معاه في لحظات الصفا ، اظِهر زعلك بس ماتظهر قسوتك ، ماينفع تتعامل بطريقة العقاب لأن ف أغلب الوقت كل طرف فيكم ح يكون شايف انو ما غلطان ف بكدا العقاب ما ح يبقى غير وسيله مؤذيه ، انتوا بتبقوا مُحتاجين حِلول ، الزعل فتره وبيروح بس الطرف التاني ح يفضل خايف منك ، عشان ما حينسى انو في فترة الزعل أنت سلبت منو الأمان .

Reema Abbase

وما تسمع كلام زول بقول ليك (ما بتقدر) ، و أبعِد من البكسّر مجاديفك و بحبطك 🌸..

كل واحد فينا أدرى بي نفسو و قُدرتها ، عارف مميزاتو و عيوبو ، قادر يخت أهدافه بين عينيه و يسعى يحقّقها ..

ولو زول حاول يوقّفك ، وقّفو و واصل في حلمك و اوصلو ..

صحبتي نوت تنزل ماجستير ، ناس كُتار (أحبطوها) قالو ليها انتي كنتي بتشيلي ملاحق في الجامعة قايلة روحك بتقدري تحضّري 💔..

في الأول كلامهم كسرها و بدت تنسى الموضوع ، و بعدها قوّت نفسها و زادت عزيمتها و سجّلت في الماجستير ..

اجتهدت و تعبت و ماشاء الله تبارك الله بقت بتجيب أعلى معدل في الدفعة و كمّلت بالسلامة الحمدلله 😍..

و نحنا ؟ حنعافِر لمن نصل أحلامنا بإذن الله 💪♥..

يا البتقرو في كلامي : ربنا يجبر خاطركم و يوفقكم و يسهّل أمركم و ينوّر قلوبكم ، و يعدل طريقكم و يفتحها عليكم محل ما تقبّلو 🌸..

#تيسير_الصادق

اهم 7 كورسات في حياتك
ليه؟! لانك ببساطة مش هاتحتاجهم في ( شغلك ) بس لأ..دا في حياتك كلها
الكورسات دي هتغير فكرك و كتير من تصرفاتك و حكمك على كل حاجة
كلها فيديوهات بسيطة و مش هتخليك تزهق
1- Communication Skills مهارات التواصل :
من هنا :- https://bit.ly/3iQQDjA
2-leadership skills :مهارات القيادة
- مش هتعرف تكون مدير ناجح غير بيه
من هنا : https://bit.ly/3iMXqL9
3-Time Management إدارة وتنظيم الوقت
ازاي تدير اليوم و الاسبوع و السنة كاملة بالخطى الثابتة
من هنا : https://bit.ly/3j0N6iN
4-Critical Thinking مهارات التفكير النقدي
إدراك أخطاء موجه لحل المشكلات
من هنا : https://bit.ly/2ZTqh9c
5-Negotiation skills مهارات التفاوض
ازاي تكسب أي نقاش بذكاء
من هنا : https://bit.ly/3iO3Jho
6- Public Speakingكورس مهارات الإلقاء
من إسمه هو الفرق بين انك تجذب الجميع في الحديث بتاعك من عدمه
من هنا : https://bit.ly/35TMLe2
7- Positive Thinking مهارات التفكير الإيجابي
أعتقد انه أهم كورس فيهم
من هنا : https://bit.ly/32Lz3HP
#منقوول ❤️

خير الأمور ملامحك...❤️🌻

لو لي أي سبب ما نجحت علاقتك بي زول ،
و ما ح نقول فشلت لأنو الموضوع عبارة عن تجربة ،
نجاحها نعمة و عدم نجاحها إختبار ح يبقيك أحسن ..
أوعك تختمي على نفسك بعبارة فاشلة ،
أو يتهيأ ليك إنك ما صالحة لأي إرتباط ..
إياك تختي اللوم عليك براك ،
ولا ثقتك في نفسك تتهز ..
لأنك كنتي في شراكة ،
مش في علاقة مع نفسك ..
نجاحها مسؤولية مشتركة مع شريكك ،
و كذلك عدم تطورها و مشيها لي قدام ...!!
.
لو لقيتي إنك ما مالية عين زولك ،
أو ما مكفياهو ولا ما مقتنع بيك ..
ده ما بالضرورة بيعني عيب فيك ،
ممكن يكون هو عينه زايغة ،
و ما بيملاها إلا التراب ..
أو إنكم بس ما متلائمين ،
و ما مناسبين لي بعض ..
و هنا لو عاينتوا بالراحة ح تلقوا إنو قرار فراقكم ،
كان أنسب شي حصل ليكم و ح تحمدوا ربنا عليهو ...!!
.
عليه أوعك تخافي من إنك تتعافي ،
أو إنك تاخدي فرصة تانية لو جاك زول مناسب ..
استفيدي من اللي فات ،
صلحي في روحك اللي انت شايفة إنو ما صاح ..
و نهاااائي ما تحاولي تغيري الحاجات السمحة فيك ،
حتى لو كانت تجربتك السابقة حسستك إنها شينة ..
خليك مقتنعة بي روحك و أبقي نفسك ،
ما تتصنعي عشان ترضي زول ..
لأنك لو ما راضية عن روحك ،
و مهما حصل ليك من تفاصيل سمحة ،
عمرك ما ح تعرفي معنى السعادة الحقيقية ...!!
.
المهم :
ما ينطبق على البنات ،
يسري على الأولاد ...!!
.
المهم شديد :
كلكم بتستاهلوا الفرح ،
و بتستحقوا الحياة ...!!

بريدك كان تميل ليا ..
وبريدك كان معاندني ...

😞💙💙

"أنصت ليها كويس!"

طبعاً من العنوان حتكون فكرت في حاجة
بس أنا ما قاصد دي!
قصدي نفسك!
هل ممكن تنصت لي نفسك؟!
انسى الكلام الفوق ده بنرجع ليهو
ركز معاي هنا!
أنا وإنت عارفين إنه عندنا مشاعر
في الكويس منها وفي البنسميهو "مشاعر سلبية"
من الأسئلة المتكررة جداً
-يا حسام!... هل ممكن اتخلص من المشاعر السلبية؟!
تتخلص منها؟!... ليه؟
انت خلقك ربنا سبحانه وتعالى
ما حيخت حاجة فيك ساي أو عبثاً
يلا عاين
المشاعر عموماً دي عبارة عن رسائل
انا لو صحبك وبنبهك كل مرة للبينفعك حتكون عايز تتخلص مني؟
📌 "المشاعر هي رسالة"
ومشكلتك الوحيدة هو طريقة تعاملك معاها بس
▪️عارف شعور الغضب؟
دي نفسك بتقول ليك :
"الزول ده انتهك قاعدة أو قيمة عندك.. بعدين كلمو براحة"
والتعامل الصحيح هو انك تهدأ وتجي تكلمو بكل هدوء
انه انا الأسلوب ده ما بينفع معاي
وده عشانك... عشان ما تخسر زول
▪️بتعرف شعور الكسل وانعدام الشغف؟
دي نفسك بتقول ليك
ابووووس اييدك ارحمني واعمل حاجة جديدة كفاية خلااص!
والتعامل الصحيح هو انك تجرب حاجات جديدة
▪️عارف شعور الخذلان؟
دي نفسك بتقول ليك ما تتعامل مع الزول ده تاني
▪️عارف شعور الحماس والتحفيز؟
الشعور البيجي بعد تقرأ بوستات حسام داك😎
دي رسالة بتقول ليك انت الآن نشييط وممكن تعمل حاجة صعبة
التعامل الصحيح تقوم فوراً تشوف مهمة مؤجلة تنجزها
📌اتعلم تنصت!
سؤال متكرر تاني
-يا حسام انا بقدر اساعد الناس وتحل مشاكلهم
بس مشاكلي انا ما بقدر!!
ساعدتهم لأنك بتنصت ليهم وبتفهم مشاعرهم
طيب أنصت لنفسك!
ركز مع مشاعرك وافهمها واقرأ عنها
حتلقاها عبارة عن رسائل بتوريك الحاجات الزابطة معاك
وتبدأ تتفاوض عشان تلقى الطريق الصح
فبس أنصت لنفسك وافهمها
براك حتلقى الطريق وسأراك على القمة
#أين_الطريق
#حسام_أسعد_حسن
و
#_قوم_امشي_اقرا

‏تفاصِيله .. تجذبُني لأهوَاه ❤️❤️ .