إسلوب حيااه🌻💛

Forwarded from 🌤Apricity أبريسِتي (tofy)

أريد أن أكون كل الأشياء التي تصنع ضحكتك وكل الطرق التي تؤدي إلى قلبك الذي أحب.

798 viewsأُمْنِيَّة., 19:06

كلنا سمعنا عن الـ Overthinking أو "الإفراط في التفكير"..
ودا اللي هو غالباً بيكون بالليل

عايز أتكلم أكتر عن تكوين العلاقة مع زول عنده المشكلة دي، أياً كان نوع العلاقة صداقة أو زواج أو حتى علاقة عاطفية..
ما مهم..

مبدئياً الشخص العندو Overthinking راسو ما بتوقف عن التفكير حتى وهو نايم وبيتعذب جداً بسبب الحاجه دي طول اليوم.
بيفكر في أمور جادة جداً وعادةً سلبية في كل وقت حتى وهو بيتفرج على فيلم في السينما، حتى وهو بيستحم وبياكل، حتى وهو بيصلي.
راسو بيكون شغال 24 ساعه وما بيقيف، لو ربنا أداك نعمة إنك تدخل الـNothing box شوية وتسرح في اللاشيء، فهو فعلاً ما بيعرف شو يعني نوثينج بوكس.. عمرو ما جرب إنو مخو ما يلف زي المكنة.. ومن كتر تسارع الأفكار في مخو بيحس كأنو في زول ماسك مطرقة وبيدق مسامير في دماغو.. والله جد.

بيكون دايماً مضطرب وقلقان في علاقاته وإفراط التفكير بيخليه يسأل نفسه طول الوقت.. أنا غلطت في شي؟
ياربي أصحابي بيحبوني؟ ياربي حبيبي بيحبني؟ كان المفروض أقول كدا ولا ما مفروض؟ هو كان متعود يتصل علي.. ليه بقى ما بتصل؟ أكيد أنا عملت شي غلط؟
وهكذا... إلى أن تقوم الساعة..
لو شفت رسالتو وما رديت عليو بصبر شويه وبيستحمل، بس بعد شوية الأفكار بتتمكن منو ويقعد يسأل نفسه : في مشكلة؟
ممكن يوصل بيو التفكير لو اتأخرت عليو كم يوم أو اتغيرت معاو في المعاملة كم يوم إنو يفكر إنك خلاص ما عايز تعرفو تاني!

شايفين إنه دا دلع؟ لا والله دا مرض

تخيل مدى ألمه وهو بيترجم تصرفاتك إنك ما بتحبه وما عايز تعرفه تاني؟! أنت بتفكر انو زول قاعد بس علشان ينكد على الناس و يزن أو بيتدلع أو مقموص لما بيقعد يقول ليك.. ليه ما بترد علي؟ كنت وين؟ بتصل عليك من أمس مشيت وين وخلاص لقيت ناس تانين ونسيتني! ، أو يتصل كتير.

لكن هو بالحقيقة محتاج جملة واحدة بس تريحو عشان يعرف يرتاح وينوم بسلام... لأنك عادي ممكن تبقى قاعد في بيتكم بتتفرج على فيلم أو نايم (ودا طبعاً ما ذنبك وماف زول بقدر يلومك وأنت اكيد ما مقصر في أي شي)

بس هو ببقى حرفياً عايش ساعات سوداء مستنيك تظهر وتطمنو إنو كل أفكارو المجنونة هي ما ليها أي أساس من الصحة..
وما تفكر أبداً انو هو يقدر يتحكم في الحاجة دي بسهولة.
الموضوع صعب جداً .. هو ما بيقدر يمنع نفسو إنه يفكر أو يتصرف بالطريقه دي وبيلوم نفسو طول الليل والنهار و طول الوقت بيكون حاسس بالذنب وحاسس إنه تقيل جداً على أصحابو و أحبابو.

مافي غير سيناريوهين مع الشخص دا :
يا ما ح تقدر تتعامل معاه وما ح تقدر تفهمو و حيحس طول الوقت إنو تقيل و زنان ومع الوقت الإحساس دا حيوجعه فحيبعد عنك وعلى قدر ألمو وتحملو وحبو ومعزتو ليك.. على قدر ما ما ح يصمد معاك أكتر.. 💔

يا إما تعرف مفتاحو و تكسبو خصوصاً إنو النوعية دي من الأشخاص بيقدّر جداً الناس البيفهموه وبيتعاملوا مع مشكلتو لأنهم فعلا قليلين..
مفتاح الشخص دا هو كلمة واحدة "الأمان"..
كل المحتاجو إنو يحس بالأمان كل ما تجيهو فكره سلبية كبيرة و إنت مع الوقت بتعرف السيناريوهات البتخليو يفكر بالطريقه دي شنو؟
لما بيقول ليك اشتقت لي؟ لما يقعد يزن كتير!
لما يتصل كتير أو يسألك إنت زعلان مني؟
لما يسألك وينك مختفي؟ لما بيقول ليك إنت متغير معاي في شنو؟
لما بيقول ليك تتذكر زمان كنت بتعمل الحاجه دي واسي بقيت ما بتعملا..
هي جمل معناها إنو متهدد وقلقان ومضطرب وما محتاج شي أكتر من جملتين تلاتة إيجابيات وهو ح يبقى تمام.. ما محتاج أكتر من مكالمة... رسالة.. أغنية لطيفة...
ساعات بيبقى كل المحتاجو إنك حتى تعمل ليو لايك..

شفتو اللايك الما عندو أي معنى دا؟ ممكن يشيل من راسو فكرة سلبية مجنناهو ويقول لنفسو: " لا لا هو ما زعلان مني ولا حاجة ده عامل لي لايك قبل شويه ..معناه أنا في بالو"

للدرجه دي !❤️

الصورة دي معبّره جدًا وطلعت مني كمية كلام ماليهو نهاية

الحل لانو المشكله عامه
#منقول

#تعديل اغلب الناس اضافة انو الموضوع ما ليه علاقة بالتفكير الزائد ، بالعكس الموضوع عندو علاقة وثيقة بس لانو كان في تحديد في جانب العلاقات وبفتكر السبب في كدا دي من اكتر الحاجات المؤثرة واكيد التفكير الزائد اعمق واكتر من كدا بكتير وبرضو عندو علاقة بالنضج العاطفي والانفعالي .

1.37K viewsأُمْنِيَّة., 19:28