‏لعل الله الذيّ حرمني الحظ مرات ومرات يخبئ لي حظ يسرُ العين و يروي الظمأ فصبراً جميل.

" ونحَنُ هكَذا ، تمَنحُنا القُوة أحادِيثُ الرفاقَ .."💛🌸

#زَكية_عاطِف

هذا الصباح ..

أنا احوج الناس الليلة اني اقرا كلامي الكتبته بي يدي دة !

....

معادلات بسيطة شديد .. ما عارفة ليه صعبة عندالناس ...

- البيحبك بيهتم بيك و الما بيهتم بيك ما بيحبك !

💛

- ما كل انتظار آخره فرج في انتظار نهايته خيبة عريضة لي آمالك ..!

💛

- خوفك و جزعك في أي علاقة دليل عدم عافية فيها ، العلاقات الكويسة مصدر أمان و طمأنينة ..!

💛


- من حق البنحبو علينا اننا مرات نشرح ليه يحبنا كيف .. بنحب شنو و بنكره شنو و شنو بيسعدنا و شنو بيتعسنا

لكن كمان بعد ما اشرح و افصل .. بكون اديتك الامتحان و اديتك الاجابات معاه

كون انك تسقط فيه ما عندها غير معنى واحد .. انت اصلا ما كنت ساعي تنجح !

💛

- مافي بني ادم نكدي .. ولا نقناق .. في العلاقة الطرف المنكّد دايما و شاكي

الزول ده ما نكدي ! الزول دة انت عجزت انك تسعده ..!

💛💛💛

العلاقات اوجدت عشان تكون سند و ضهر و محبة مضللة علينا

اوجدت عشان تكون صدق و أمان و ملجأ ..

ياما ناس قاعدين تحت سقف واحد و مطلقين بدون ورق ..

عايشين بس عشان لازم يعيشو كدة أو هم فاكرين انه لازم يعيشو كدة

ياما حبايب ما جامعم بيت واحد لكن قلب كل واحد سكن للتاني فيه !

- لو بنقدس كلمة بحبك و نعرف انها وعد و عهد .. ما اظن بنوجع بعض ابدا ...

💛

المشاعر هي أغلى ما نملك .. ما تخلوها تبقى ارخص ما نحصل عليه ..💛

هذا الصباح...

ما تبقى رقراق .. ابقى يا ضل يا شموس💛💛💛

#سلمى_المصباح

الليلة قاعدة في بيتنا جمب باب الحوش
جاني صوت زول جاري الصوت كان بعيد بس جاي في إتجاه بيتنا ، بعد ثواني كده الصوت كان ماشي يقّرب ، صوت ولد بصّرخ شديد وواضح من صوت الجري بتاعو إنو خايف ومرعوب ، قلت يمكن ولدين بتشاكلّو عادي
فجاءة الولد وقف في باب بيتنا وبضرب قوي في الباب عشان نفتح ليهو وفي نفس الوقت ببكي بصوت عالي وخايف شديد ..

قمت مخلوعة وفتحت الباب والولد كان في عمر 6/7 سنوات جاري من كلب!

الولد دخل بسرعة ودموعو عشرة عشرة ، أنا بقيت خايفة أكتر منو ، وناس البيت كمان إتخّلعو ، أبوي طلع عشان يشوف الكلب ويوصل الولد بعد ما هِدأ شوية ..

طوالي فكّرت أنا لو ما كُنت قريبة من الباب وفتحتو ليهو كان الح يحصل شنو ؟
وخاصة إنو البيت البعدينا بعد مسافة يعني ما كان ح يلحق يجري للبيت الجمبنا!
لو ما كنت جمب الباب الولد كان راح فيها!

الولد ما بنعرفو ولا هو بعرفنا لكن لجأ لينا لأنو لقانا أول ناس في وشو ، وما كان في خيار تاني غيرنا!

في الحياة العادية ممكن يتمّثل المشهد دا بصورة مُختلفة ،
يعني لم تحصل لي حاجة وأجي أحكي ليك وإنت ما مُتعَّود علي أجي أحكي ليك ، بس لأنو الظروف ما خلّت قدامي غيرك ولجأت ليك عشان تساعدني
ما تقفل الباب في وشي!
ولو ما فتحتو كامل خليهو "مُوارِب"

وياريت بعديها ما تخليني أندم إني ياريت لو إخترت الأذى بدل ما تنقذني إنت .
ياريت تحترم وتقّدِر الموقف الكنت فيهو وخُت نفسك مكاني ولو للحظة يمكن وقتها تعذُرني!

في ناس كتيرة بترتاح لم تفضي الجواها وتكون عايزة زول يساعدها ، بس بقت خايفة عشان بقت بتلقى خُذلان كبير وبتحاول بطرق الطُرق تكتم جواها بس جواهم دا عايز يطّلِع الحاجات العندو دي ، والواحد ببقى بين خيارين أي واحد أصعب من التاني .
بس خليك عارِف
إنو الدنيا دي سدّاية و رضّاية والله .

#سُميَّة_محمد

أسعى عشان تغير حياتك وتحقق احلامك 🌻
طول ما انت قاعد مستاء مافي حاجة حتتغير براها
اخد وقتك بس ارجع تاني واصل..

‏ألطف كلام سمعتو الليلة ؛
إنت حتقعد تفرز ف الناس وتضيع عمرك !
اللي تقابله حِبه واللي ما تحبو م تكرهو، واللي م تنفعو ما تضرو واللي م تثني عليه ما تغتابو ؛ خليك ذوق ، خليك مُحَمدي ❤️".

السلام عليكم ورحمه الله وبركاته
💚🌿انشرو قناتي

الدال على الخير كفاعله 🍃🌸♥️
‏{فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا}


📮قناة محافظة منهاجها كتاب الله وسنّه نبيهِ محمّد صلّ الله عليه وسلم
🌸🌿

🦋@aitmiin

جميل.. لجمالِكُم ❤️✨

صباح الخير ♥️.

اللهم صلِّ وبارك على سيدنا محمد وعلى آله وصحبه وسلم تسليماً كثيراً 🌼.

ولو بقيت الإتنين؟ 🙃

#ما_تنمحي••

أولوياتنا في العلاقَات أيَّاً كانت -صداقَة ، إرتبَاط ، معارِف...إلخ- بتختلف من زُول للتانِي
في مننَا من عندو الأمان أهمّ شَرط في أي علاقَة ، في البيهمهُم السَّند ، ناس أهم حاجة عندهَا التفاهُم ، وناس تانية معيارهُم الوحِيد هو الصِدق وهكذَا...
بَس مهما إختلفنا في المفاهيم دِي ، نقطة إننا نظَل مُحتفظين بشخصيتنَا الحقيقية رغم تأثيِر الطرف التاني ، دي نقطة مُهمّة جداً..
مرات بدُون ما نحس بنلقى نفسنا بقينَا نُسخة من زول معيّن ، بالتدرّيج بتبدأ إهتماماتنا تنحسِر ، حاجاتنا البتشبهنَا بتتراجَع ، تفاصِيلنا البسيطة البتميّزنا بتتلاشَى ، حاجات كتير كُنا بنحبها حنبدأ نكرهها لأنو الطرف التاني ما بيحبها ، حاجات كتيِر كنا بنكرهَا بنبدأ نتقبّلها ونخليها جزء من حياتنا لأنو الطرف التاني بيحبّها..
كلّ دا عشان نلفِت إنتباه ، نقرِّب مسافة ، نزيد من حصيلَة النقاط المشتركَة المتشابهة بيناتنَا ، نحِل خلاف...إلخ
نفسيَاً نحن بنعمل كدا عشَان خايفيِن إننا نفقِد الشخص دا ، خايفِين يملّ مننا أو ينفُر أو يحس بعدَم الإلفة معانَا
بس عمرنَا ما بنفكِّر إنو الإنسان دا ممكن كمان يملّ لأنو نحن بقينا زيُو ، خلاص مافي جديد .. أهو نحن نسخَة محدَّثة من شخصيتُو ، هواياتو هِوايتنَا ، طريقة لبسو طريقَة لبسنا ، طريقة كلامو ياها طريقة كلامنا...
هل حيستمِر معانا!
هل في إنسان في الدُنيا دي بيقدر يتحمّل يعيش للأبد مع نسخة تانيَة من نفسو!
الشعُور القوي تجاه أي إنسان تانِي ، شعُور مدمّر وخطير بطريقة لطيفَة
لأنو ما حاجة بتقدّر تتحكّم فيها ، ولأنو -ظاهرياً- بيديك مردُود محفّز وردّات فعل إيجابية من الطرف التاني بتخليك تستمِر .. بس كدا إنتَ قاعد تفقِد في هويتَك وإنت راضِي ومُبتسِم
ما حقول ليك أبعد من أي علاقَة من النوع دا ، بس خلي بالك من نفسَك ، خلي عندَك نقطة رجُوع لذاتك ، خلي عندك ثوابِت ومبادِئ راسخَة ما تكسرها أبداً عشان أي زول
وأعرِف إنو البيحبّك -أيّاً كان- ما بيطمُس شخصيتَك ، ما بيغمُر صِفاتَك .. البيحبَّك حيتقبّلك زي ما إنت بعيوبَك وبمحاسنَك ، حينصحَك ، حيوجِّهك بس ما حيضغَط عليك
في الدُنيا دي حتمرّ بناس كتيِر ، وحتحِب ناس كتيِر ، ولو حتفضل تتغيّر وتتلوّن كل مرّة عشان تكسب وِد إنسان معيّن حتلقَى نفسك في النهايَة مافِي ، حتصَل مُنهَك ومليَان صفَات ما بتمُت لحقيقتك بصِلَة ، بإختصَار هويتَك حتصبِح مشّوهة!
عشان كِدا الإختلاف رحمَة
ممكن نلاقِي ناس بتشبهنَا في حاجات كتِير ودي حاجة حلوة ما دام التشابُه كان موجُود أصلاً حتى قبل ما نتلاقى ، بس حنظلُم نفسنَا من أول لحظَة نفكّر فيها بإننا نتشبّه بزُول تاني لمجرّد إننا بنحبُو أو لأي سبب كان..
جميل لو إننا نحبّ إختلافنا عن بعَض
نضيف لي بعَض ونآخد كتير من بعَض
بس لا ننمحي ولا نفقِد ذواتنَا ، لأنو بلا شَك كتيرين جداً البحبُونا زَي ما نحنَ
#مريم_الشيخ🌸



●

‏"ثُم يعوِّضكَ الله بِما يليقُ بِقلبك".💛

https://docs.google.com/forms/d/e/1FAIpQLSeLvfDIaJI8fVDAG1vgl-G5QfJPQOdC_6MJVrd6FsYdfKAChA/viewform
قاايز ممكن تملو الإستبيان دة عشان نحن بنعمل ليكم في حاجة زابطة شديد بإذن الله💛🌻

مساء الخير عليكم♥️♥️..
ده مشروع صحبتي يخوانا بليز املو الاستبيان ده..
ويا ريت ما اي زول يملاه وخلاص عايزين اجابات دقيقه
وده بالزات عاملنو للناس المنفسنه😂♥️

#إتفقدو_أصحابكم ..💙

‏أنا لا أفَكِّرُ فيكِ كي ألقاكِ
وأقُيمُ في عَينيكِ حَفلَ هواكِ

إنِّي أفكِّرُ: أنْ أصُبَّكِ في دمِي
كي يستَمِرَّ الحبُّ رغمَ جفاكِ.

‏وظيفه في شركة حلويات اسطنبول
الانفال شارع المشتل
مطلوب انثى
السكن بالقرب من مكان العمل
التفرغ
يوجد دوام مسائي و ترحيل الي المنزل

للتواصل :

0961574776

واتساب

س سؤال : انا يا محمذ دايرة اتغير، او داير اطلع اجمل نسخة ففيني واكون انسانة غير فكيف اقدر اعمل كدا لاني حاولت وفشلت؟

ج جواب : كونك تكوني دايرة تتغيري، او تعملي تحديث لنفسك وتكوني نسخه افضل من نفسك ده شي حلو جدا 💙

_ بس ده ما بكفي " ده ما حايخليك تتغيري ولا حايساعدك كتير لان الرغبة مش كل حاجة"!

_ فكبداية انتي لازم تحددي دايرة تغيري شنو؟ او معايير النسخه الافضل بالنسبة ليك شنو؟ " لان كلمة تغيير وكلمة نسخه افضل ديل كلمات فضفاضة فلمن تقولي دايره تعمليهم ما حاتقدري تعمليهم ما لم تحددي"

_ فانتي شخصية مركبة ومكونة من الاف الصفات والعادات " فعلشان كدا لمن تكوني دايرة تتغيري يبقي لزاما عليك تحددي دايرة تغيري شنو بالضبط"

اضرب ليك مثال :

_ الليله لمن تجي وتقولي دايرة تتغيري ما حاتقدري تتغيري " وده مش علشان انتي ماعندك الارادة بالعكس ده علشان انتي ما حددتي دايرة تغيري شنو في شخصيتك دي ...!"

فهل دايرة تغيري : " علاقتك بربنا وتحسينها اكتر _ ولا دايرة ترفعي من ثقتك بنفسك _ ولا دايرة تغيري علاقاتك مع اهلك وصحابك _ ولا دايرة تتخلصي من عادة سيئة زي الكذب او العادة السرية او او . الخ"

فانتي لمن تحددي دايرة تغيري شنو حاتقدري تغيريه اما لم ما تحددي دايرة تغيري شنو فماحاتقدري تغيري حاجة؛ وده لان انتي حاتكوني ملخومة بالف عادة وصفة دايرة تغيريهم سواء دايرة تكتسبيهم او تتخلصي منهم فده بيعمل ليك تشتت وبيستنذف طاقتك قبل ما تبدي ..

المثال :

الليله لو قلتي دايرة اقرا ما بتقري عارفة ليه " لانك ماحددتي دايرة تقري شنو فلمن تجي تقري حاتلقي روحك كل دقيقة بتختار في كتاب مختلف، وكل ما تمسكي كتاب حاتخليه علشان تقدري اللي بعديه"

بس لمن تحددي دايرة تقري اي كتاب " هنا بتقدري تقري حتي لو حاتقري 10 صفحات بس حاتلقي روحك قريتي لانك ببساطة حددتي الكتاب اللي دايرة تقريه فكذلك الوضع مع التغيير"

👈🏼 اما بالنسبة لرغبتك في انك تكوني شخص احسن من ذاتك فده شي جميل ..

بس داير اسالك؟ الشخصية اللي دايرة تكونيها شنو؟ هل عارفة صفاتها؟ او هل عارفة عاداتها؟ ولا هل عارفاها كيف بتتصرف؟

وشخصيتك الحالية دي مالها؟ عيبها شنو؟ والناقصها شنو؟ ومحتاجة تعديل وين؟

فاذا مالقيتي اجابات للاسئلة الفوق دي ما حاتقدري تغيري شخصيتك بالكامل لانك ببساطة مش عارفة الشخصية اللي دايرة تكونيها " وعاملة زي بتاع الطيارة السائق ليه طيارة في الجو بس مش عارف فيها جاز ولا لا، ولا عارف هو ماشي وين، ولا عارف حاينزل وين فحايظل دائر ودائر كدا في الجو لغايه ما الطيارة تقع وجازها يخلص ويموت"

👈🏼 فالحل يا آنسة يا عزيزة انتي .. 💙

• انك تحددي في البداية الحاجة اللي دايرة تغيريها شنو في نفسك " كذبك _ سلوكك _ خوفك شنو بالضبط" ..

• بعد تحددي العادة الدايرة التغيريها يبقي طوالي تشتغلي عليها " بانك تبدي تقللي منها بالتدريج يعني لو بتمارسي العادة السرية يوميا يبقي في الاسبوع الاول قللي يوم، ولاسبوع التاني يومين، والتالت 3 ايام لغايه ما تصلي للمرحلة البتقدري فيها ماتمارسي لمدة اسبوع ..

• افضل طريقة لتغيير عادة كعبة هو العمل علي عادة جديدة " يعني في مثال العادة السرية اللي في النقطة الفوق مش طلبت منك تقللي يوم كل اسبوع وكل اسبوع بتزيدي اليوم ده يلا في الايام المش حاتمارسي فيها حاتحاولي تعملي حاجة سمحه وكويسة بتديك شعور افضل وممتع زي شعور العادة، يعني تتكلمي مع صديق او ترسمي او تكتبي او تقري قرءان، او تقري كتاب معين، او تتعلمي طبخة او او .. الخ

• لازم تعرفي ان التغييير محتاج وقت فما تستعجلي للنتائج وماتلومي نفسك اذا فشلتي لان الفشل شي وارد بس بعد كل فشل وكل سقوط اعرفي الاسباب وماتقعي فيها تاني خالص 💙

• اخر حاجة الصبر بس 💙🌸

👈🏼 اما لنسبة لانك دايرة تكوني شخصية احسن فيبقي لازم تعرفي ..

ان الشخصية الاحسن بتتكون من اجزاء والاجزاء دي ياها " عاداتك _ وتصرفاتك _ وسلوكك _ وافكارك _ ومشاعرك"

فعلشان تبقي شخصية احسن لازم تعدلي من ...

• افكارك لازم تخلي افكازك بتتوافق مع الشخصية الدايرة تكونيها " فانتي مش دايرة تكوني مميزة يبقي فكري زي تفكير البنت اللي مميزة"

• تصرفاتك مش دايرة تصرفاتك تتغير وتبقي غير " يبقي اتصرفي زي تصرفات الشخصية الانتي دايرة تكونيها بس اهم شي شخصيتك تكون خاصة بيك مش تقلدي زول معين ولا تقارني نفسك مع حدا معين"

• سلوكك خلي حركاتك وسلوكياتك بتتوافق مع الشخصية الانتي دايرة تكونيها " فما ممكن تقولي دايرة ابقي بنت هادئة وانتي يوميا بتجوطي في اي زول!، ولا ممكن تقولي دايرة ابقي شخصية قراءة وبتحب القراءة وانتي ما بتفتحي كتاب اصلا"

• مشاعرك ومشاعرك دي بتخليها تنضج عن طريق القراءة والخبرات " فكل ماتقري كتاب مشاعرك بترتقي نتيجة لارتقاء افكارك، وكل ما تتعرضي لخبرات مؤلمة او جميلة في الحياة افكارك حاتتغير وبالتالي مشاعرك برضو" فاذا مشاعرك مرتبطة بافكارك 💙

• عاداتك

مش دايرة تكوني زولة نشيطة ومش كسولة خالص يبقي لازم تخلي عاداتك بتتوافق مع الحاجة دي " فماممكن تكون رغبتك انك دايرة تكون نشيطة وبتصحي الساعة 10 " فلازم عاداتك تكون متوافقة مع شخصيتك اللي دايراها .

واخرا وليس اخيرا ..

لازم تصبري ثم تصبري ثم تصبري " لان مافيش تغير بتم بين يوم وليله، ولا بين اسبوع او شهر، لانك هنا دايرة تغيري اغلب صفاتك فاكيد ده محتاج زمن فلازم تكوني صبورة وصدقيني حاتحسي بالتحسن بعد كل اسبوع"

_ ايضا لازم تعرفي " مدام دايرة تكوني نسخه افضل من نفسك ما تنتظري حاجة تحصل علشان تخليك كدا، بالعكس ابدي من هسي وعيشي زي شخصيتك الدايرة تكوني زيها وتلقائيا مع الزمن حاتلقي روحك بقيتي زيها ما واحد"


#Mohamed_Omer
#Yes_You_Can 💪 #مشكلة_وحل

..