منحة Chevening الممولة من المملكة المتحدة 2020 - 2020 ممولة بالكامل

ياو ياو ياو

#منشن_لكل_اصحاب_يستفيدو

تفتح أبوابها اليوم باعتبارها من أقوى المنح في العالم

تفاصيل منحة المملكة المتحدة:
بداية التقديم: سيكون 3/9/2020.
مكان الدراسة: المملكة المتحدة
مستوى المقرر: درجة الماجستير
الجامعة المضيفة: الجامعات البريطانية
الطلاب المستهدفون: طلاب من خارج بريطانيا

التمويل في منحة المملكة المتحدة:
هذه المنحة ممولة بالكامل وستغطي ما يلي:
الرسوم الدراسية كاملة
راتب شهري لتغطية نفقات المعيشة
تأمين صحي
المعيشة
نفقات رحلة الذهاب والعودة.

طريقة التسجيل في منحة المملكة المتحدة:
ستكون عملية التسجيل في 2/9/2020 وتستمر لمدة شهر من تاريخها. يمكنك الآن متابعة جميع أخبار منحة Chevening الدراسية

رابط المنحة

https://english.sudanjobsbook.com/2020/08/chevening-scholarships.html

بالتوفيق للجميع

بس أنا خايف!

مافي مننا انسان في حياته ما مرّا ب فشل أو إحباط أو خذلان أو أيام صعبة بس هل دا معناه حياتك كلها كدا؟؟

هل معنى إنك فشلت ف تجربة يبقى ربنا كاتب ليك الفشل في كل التجارب ؟

في وحدة بتحكي لي كانت مخطوبة 3 سنوات ل شخص بتقول انو ف البداية كان كويس جدًا ، تعارفهم كان لفترة بسيطة و اتخطبو على طول..
طول فترة الخطوبة هي كانت حاسة انو " في شي ناقص"
كان بيعاملها بطريقة ما حلوة ، بفرض عليها رأيو في كل شي، ما بحترمها نهائي و كانت متحملة علشان بتحبه!

لحد ما أبوها اتوفى و عاشت أيام صعبة جداً هو اختفى فيها... ولما رجع بكل وقاحة قال سافر إجازة مع أصحابه؟
من لحظتها انفصلو و مسكتها عقدة من كل شي..

بعدها ب أقل من سنة قابلت شخص تاني و زي ما قالت " شايلني ف عيونو"..

كانت بتحكي و كأنها ما عاشت ولا يوم سئ..
قالت " عوضني عن فراق ابوي و بقى لي الأب و الأخ و الشريك"

واحد بيحكي انو كان شغال في شركة 8 سنوات قدّم فيها كل مجهودو و خبرته و في الأخير قالو ليو " إنت ما عملتَ شي يلا مع السلامة!"

قال انو بدأ شركتو الخاصة و الآن هي أكبر من الأولى بمراحل و الأولى حصل فيها مشكلة وإنهيار و قفّلت!

الخلاصة..

دام الخير جوانا ما تيأسو من رحمة الله.. 💛

أبدا دايما الخطوة الأولى وما عليك بالباقي ..

سواء تجارب شغل أو مغامرات أو سفر أو حتى علاقات أو اي شي انت بتخاف منو وعندك معاو تجربة سابقة !

لازم تكسر الحاجز دا وتقول انا حمشي قدام بالذات لو قلبك عايز بس لما تفكر بي منطق تلقى الحاجة ما جاية وعقلك يقعد يقول ليك لالالالا الشي دا غلط...

أنا وحدة من الناس إللي دايماً قلبي سابق عقلي و ما بعمل حاجة إلا أكون مرتاحة فيها لأنو حرام تتحرمو من لذة حاجة انتو نفسكم تجربوها بس لمجرد إنكم خايفين ..

الخوف للجبناء فقط..

لازم تجرّب مرة و اتنين و عشرة وفي كل مرة صدقوني ح تطلعو منها ناس غير اللي دخلوها..

في جملة سمعتها في فيلم بتقول

Regret is better than wondering what would've happen..

يعني الندم اخير من التساؤل عن شنو كان ممكن يحصل لو عملت الحاجة دي..

نحن بنعيش مرة وحدة بسسس... حياتنا ما بين نَفَس طالع يمكن ما يدخل ف عيشوها صح!

ما تضيعو الفُرص لأنها قد تمشي لناس ما بستاهلوها!

مساء الخير 💛🌻

"بنا ما بنا من الهَزائم رُغم أننا لم نرى يوماً حرب.. "
نجُوبُ حَفايا الأَقدُم حول خاصرةِ الأيام مُجبرون على السّير وإن تمّلكنا الوجع ،مُشرعون لإنتشال خيباتنا المُفتَرشة على حواف الفِكر ..

نُلقي اللوم على أيسر صدرنا على منْ حَولنا وعلى العالم أجمع ،ويا لها من حيلة قاطبة ..
نلوزُ بالفِرارِ من هَفواتِنا المُفخّخةِ بالندم، كمن فقد ذَاكرته مُنتصف القِصة..
نُحاول جَاهدين النجاةَ من ضَيمِ أيامنا ومعاذ الله أن يتركنا خائفين ضآلين ..

يُبدلُ الهَمَ حبًا
والتيهَ ودًا
والخوفَ لينًا
يتجلى النورُ من بين الألم ويشعُ أملاً ، كضوء القمر يفتح المنافذ المغلقة من عهود ، يُلملم شتات أرواحنا ، يهدينا الطريق المستقيم غير المُتعّرِج .

#سُميَّة_محمد

‏لعل الله الذيّ حرمني الحظ مرات ومرات يخبئ لي حظ يسرُ العين و يروي الظمأ فصبراً جميل.

" ونحَنُ هكَذا ، تمَنحُنا القُوة أحادِيثُ الرفاقَ .."💛🌸

#زَكية_عاطِف

هذا الصباح ..

أنا احوج الناس الليلة اني اقرا كلامي الكتبته بي يدي دة !

....

معادلات بسيطة شديد .. ما عارفة ليه صعبة عندالناس ...

- البيحبك بيهتم بيك و الما بيهتم بيك ما بيحبك !

💛

- ما كل انتظار آخره فرج في انتظار نهايته خيبة عريضة لي آمالك ..!

💛

- خوفك و جزعك في أي علاقة دليل عدم عافية فيها ، العلاقات الكويسة مصدر أمان و طمأنينة ..!

💛


- من حق البنحبو علينا اننا مرات نشرح ليه يحبنا كيف .. بنحب شنو و بنكره شنو و شنو بيسعدنا و شنو بيتعسنا

لكن كمان بعد ما اشرح و افصل .. بكون اديتك الامتحان و اديتك الاجابات معاه

كون انك تسقط فيه ما عندها غير معنى واحد .. انت اصلا ما كنت ساعي تنجح !

💛

- مافي بني ادم نكدي .. ولا نقناق .. في العلاقة الطرف المنكّد دايما و شاكي

الزول ده ما نكدي ! الزول دة انت عجزت انك تسعده ..!

💛💛💛

العلاقات اوجدت عشان تكون سند و ضهر و محبة مضللة علينا

اوجدت عشان تكون صدق و أمان و ملجأ ..

ياما ناس قاعدين تحت سقف واحد و مطلقين بدون ورق ..

عايشين بس عشان لازم يعيشو كدة أو هم فاكرين انه لازم يعيشو كدة

ياما حبايب ما جامعم بيت واحد لكن قلب كل واحد سكن للتاني فيه !

- لو بنقدس كلمة بحبك و نعرف انها وعد و عهد .. ما اظن بنوجع بعض ابدا ...

💛

المشاعر هي أغلى ما نملك .. ما تخلوها تبقى ارخص ما نحصل عليه ..💛

هذا الصباح...

ما تبقى رقراق .. ابقى يا ضل يا شموس💛💛💛

#سلمى_المصباح

الليلة قاعدة في بيتنا جمب باب الحوش
جاني صوت زول جاري الصوت كان بعيد بس جاي في إتجاه بيتنا ، بعد ثواني كده الصوت كان ماشي يقّرب ، صوت ولد بصّرخ شديد وواضح من صوت الجري بتاعو إنو خايف ومرعوب ، قلت يمكن ولدين بتشاكلّو عادي
فجاءة الولد وقف في باب بيتنا وبضرب قوي في الباب عشان نفتح ليهو وفي نفس الوقت ببكي بصوت عالي وخايف شديد ..

قمت مخلوعة وفتحت الباب والولد كان في عمر 6/7 سنوات جاري من كلب!

الولد دخل بسرعة ودموعو عشرة عشرة ، أنا بقيت خايفة أكتر منو ، وناس البيت كمان إتخّلعو ، أبوي طلع عشان يشوف الكلب ويوصل الولد بعد ما هِدأ شوية ..

طوالي فكّرت أنا لو ما كُنت قريبة من الباب وفتحتو ليهو كان الح يحصل شنو ؟
وخاصة إنو البيت البعدينا بعد مسافة يعني ما كان ح يلحق يجري للبيت الجمبنا!
لو ما كنت جمب الباب الولد كان راح فيها!

الولد ما بنعرفو ولا هو بعرفنا لكن لجأ لينا لأنو لقانا أول ناس في وشو ، وما كان في خيار تاني غيرنا!

في الحياة العادية ممكن يتمّثل المشهد دا بصورة مُختلفة ،
يعني لم تحصل لي حاجة وأجي أحكي ليك وإنت ما مُتعَّود علي أجي أحكي ليك ، بس لأنو الظروف ما خلّت قدامي غيرك ولجأت ليك عشان تساعدني
ما تقفل الباب في وشي!
ولو ما فتحتو كامل خليهو "مُوارِب"

وياريت بعديها ما تخليني أندم إني ياريت لو إخترت الأذى بدل ما تنقذني إنت .
ياريت تحترم وتقّدِر الموقف الكنت فيهو وخُت نفسك مكاني ولو للحظة يمكن وقتها تعذُرني!

في ناس كتيرة بترتاح لم تفضي الجواها وتكون عايزة زول يساعدها ، بس بقت خايفة عشان بقت بتلقى خُذلان كبير وبتحاول بطرق الطُرق تكتم جواها بس جواهم دا عايز يطّلِع الحاجات العندو دي ، والواحد ببقى بين خيارين أي واحد أصعب من التاني .
بس خليك عارِف
إنو الدنيا دي سدّاية و رضّاية والله .

#سُميَّة_محمد

أسعى عشان تغير حياتك وتحقق احلامك 🌻
طول ما انت قاعد مستاء مافي حاجة حتتغير براها
اخد وقتك بس ارجع تاني واصل..

‏ألطف كلام سمعتو الليلة ؛
إنت حتقعد تفرز ف الناس وتضيع عمرك !
اللي تقابله حِبه واللي ما تحبو م تكرهو، واللي م تنفعو ما تضرو واللي م تثني عليه ما تغتابو ؛ خليك ذوق ، خليك مُحَمدي ❤️".

السلام عليكم ورحمه الله وبركاته
💚🌿انشرو قناتي

الدال على الخير كفاعله 🍃🌸♥️
‏{فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا}


📮قناة محافظة منهاجها كتاب الله وسنّه نبيهِ محمّد صلّ الله عليه وسلم
🌸🌿

🦋@aitmiin

جميل.. لجمالِكُم ❤️✨

صباح الخير ♥️.

اللهم صلِّ وبارك على سيدنا محمد وعلى آله وصحبه وسلم تسليماً كثيراً 🌼.

ولو بقيت الإتنين؟ 🙃

#ما_تنمحي••

أولوياتنا في العلاقَات أيَّاً كانت -صداقَة ، إرتبَاط ، معارِف...إلخ- بتختلف من زُول للتانِي
في مننَا من عندو الأمان أهمّ شَرط في أي علاقَة ، في البيهمهُم السَّند ، ناس أهم حاجة عندهَا التفاهُم ، وناس تانية معيارهُم الوحِيد هو الصِدق وهكذَا...
بَس مهما إختلفنا في المفاهيم دِي ، نقطة إننا نظَل مُحتفظين بشخصيتنَا الحقيقية رغم تأثيِر الطرف التاني ، دي نقطة مُهمّة جداً..
مرات بدُون ما نحس بنلقى نفسنا بقينَا نُسخة من زول معيّن ، بالتدرّيج بتبدأ إهتماماتنا تنحسِر ، حاجاتنا البتشبهنَا بتتراجَع ، تفاصِيلنا البسيطة البتميّزنا بتتلاشَى ، حاجات كتير كُنا بنحبها حنبدأ نكرهها لأنو الطرف التاني ما بيحبها ، حاجات كتيِر كنا بنكرهَا بنبدأ نتقبّلها ونخليها جزء من حياتنا لأنو الطرف التاني بيحبّها..
كلّ دا عشان نلفِت إنتباه ، نقرِّب مسافة ، نزيد من حصيلَة النقاط المشتركَة المتشابهة بيناتنَا ، نحِل خلاف...إلخ
نفسيَاً نحن بنعمل كدا عشَان خايفيِن إننا نفقِد الشخص دا ، خايفِين يملّ مننا أو ينفُر أو يحس بعدَم الإلفة معانَا
بس عمرنَا ما بنفكِّر إنو الإنسان دا ممكن كمان يملّ لأنو نحن بقينا زيُو ، خلاص مافي جديد .. أهو نحن نسخَة محدَّثة من شخصيتُو ، هواياتو هِوايتنَا ، طريقة لبسو طريقَة لبسنا ، طريقة كلامو ياها طريقة كلامنا...
هل حيستمِر معانا!
هل في إنسان في الدُنيا دي بيقدر يتحمّل يعيش للأبد مع نسخة تانيَة من نفسو!
الشعُور القوي تجاه أي إنسان تانِي ، شعُور مدمّر وخطير بطريقة لطيفَة
لأنو ما حاجة بتقدّر تتحكّم فيها ، ولأنو -ظاهرياً- بيديك مردُود محفّز وردّات فعل إيجابية من الطرف التاني بتخليك تستمِر .. بس كدا إنتَ قاعد تفقِد في هويتَك وإنت راضِي ومُبتسِم
ما حقول ليك أبعد من أي علاقَة من النوع دا ، بس خلي بالك من نفسَك ، خلي عندَك نقطة رجُوع لذاتك ، خلي عندك ثوابِت ومبادِئ راسخَة ما تكسرها أبداً عشان أي زول
وأعرِف إنو البيحبّك -أيّاً كان- ما بيطمُس شخصيتَك ، ما بيغمُر صِفاتَك .. البيحبَّك حيتقبّلك زي ما إنت بعيوبَك وبمحاسنَك ، حينصحَك ، حيوجِّهك بس ما حيضغَط عليك
في الدُنيا دي حتمرّ بناس كتيِر ، وحتحِب ناس كتيِر ، ولو حتفضل تتغيّر وتتلوّن كل مرّة عشان تكسب وِد إنسان معيّن حتلقَى نفسك في النهايَة مافِي ، حتصَل مُنهَك ومليَان صفَات ما بتمُت لحقيقتك بصِلَة ، بإختصَار هويتَك حتصبِح مشّوهة!
عشان كِدا الإختلاف رحمَة
ممكن نلاقِي ناس بتشبهنَا في حاجات كتِير ودي حاجة حلوة ما دام التشابُه كان موجُود أصلاً حتى قبل ما نتلاقى ، بس حنظلُم نفسنَا من أول لحظَة نفكّر فيها بإننا نتشبّه بزُول تاني لمجرّد إننا بنحبُو أو لأي سبب كان..
جميل لو إننا نحبّ إختلافنا عن بعَض
نضيف لي بعَض ونآخد كتير من بعَض
بس لا ننمحي ولا نفقِد ذواتنَا ، لأنو بلا شَك كتيرين جداً البحبُونا زَي ما نحنَ
#مريم_الشيخ🌸



●

‏"ثُم يعوِّضكَ الله بِما يليقُ بِقلبك".💛

https://docs.google.com/forms/d/e/1FAIpQLSeLvfDIaJI8fVDAG1vgl-G5QfJPQOdC_6MJVrd6FsYdfKAChA/viewform
قاايز ممكن تملو الإستبيان دة عشان نحن بنعمل ليكم في حاجة زابطة شديد بإذن الله💛🌻

مساء الخير عليكم♥️♥️..
ده مشروع صحبتي يخوانا بليز املو الاستبيان ده..
ويا ريت ما اي زول يملاه وخلاص عايزين اجابات دقيقه
وده بالزات عاملنو للناس المنفسنه😂♥️

#إتفقدو_أصحابكم ..💙

‏أنا لا أفَكِّرُ فيكِ كي ألقاكِ
وأقُيمُ في عَينيكِ حَفلَ هواكِ

إنِّي أفكِّرُ: أنْ أصُبَّكِ في دمِي
كي يستَمِرَّ الحبُّ رغمَ جفاكِ.

‏وظيفه في شركة حلويات اسطنبول
الانفال شارع المشتل
مطلوب انثى
السكن بالقرب من مكان العمل
التفرغ
يوجد دوام مسائي و ترحيل الي المنزل

للتواصل :

0961574776

واتساب