‏الأجمل من الارتباط لما تلقى الشخص الانت مرتبط بيه بشجعك وبخليك تحب نفسك أكتر من مجرد اكتفاءك بحبو و بس، بخليك تتقبل كل شي فيك عيوبك قبل مزاياك، بحاول دايما يزيد من ثقتك بنفسك ويقيف معاك في الحلوة والمرة، ولأنو بشوف نفسو فيك بكون ما عندو هم غير انو يطلع احسن نسخه من نفسك

..

‏مافي"خير" ممكن الواحد يعملوا أسهل من أنو يطيب خاطر زول؛ يقيف يهظر مع واحد ماعندو أصحاب؛ يشرح لزول حاجة ما عارفها؛ يقول لكل البقابلهم  "شنو الليلة الحلاوة دي""لو محتاج حاجة وريني" " طمني عليك"الكلمة مابتكلف حاجة والله You never know how long your words will stay in someone's mind.

‏الرسائل الغير مُتوقعة جميلة جدًا ♥️♥️.

‏انك تكون محبوب بدون أي سبب و يكون ليك قبول كده دي نعمة فعلاً تستاهل الحمد . ♥️♥️

‏الأصحاب ديل نعمه ومن غيرهم بتحس انو في حاجات كتيره ناقصاك حتى لو حاولت تبين انو حياتك براك احسن 🖤🖤🖤🖤.

‏وأنت يا ملحَ زادي يا رفيفَ دمي
يا دِفْءَ وحشةَ روحي في لياليها.

‌‎وكيف أُخرِجُ قلبي من أضالِعِهِ
وكيف أُقصي عيوني عن مآفيها

..

‏تعلم المرونة في الحياة، إن أذكىٰ شيء يُمكن للإنسان أن يتعلمه هو المرونة والتقلب مع مُجريات الحياة، فشلت في طريق ابحث عن طريقٍ آخر، أُغلق في وجهك باب هناك آلاف الأبواب ابحث في غيره، اُخرج من حدودك إلىٰ أماكن جديدة. أنت لا تعلم أين تكمن قوتك حتىٰ تُجرب وتبحث، فشلك ليس نهاية العالم💛

‏المواقف الصغيرة دي عمرها ما كانت تافهة بالعكس دي بتبين كل حاجة

دعوة لحضور أول فعالية في مجتمع يونيك للتطوير حتكون بعنوان ( بداية جديدة) fresh start

ما بس إنت و ما بس أنا.. كل العالم الآن بيبحث عن بدايات جديدة يعود بيها للحياة بشكل أفضل..

وإنت كمان من حقك بداية جديدة تنعش جواك الطموح و تقدر توصل بعدها لأفضل نسخة منك في النجاح والإنجاز..

الانجاز ده ممكن يكون في مشروع بتحلم بيه... ممكن تكون وظيفة بتشبهك... ممكن تكون تطوير لمقدراتك و مهاراتك..

وده محور فعاليتنا القادمة...
..

حنقابل شخصيات قدرت تبدأ بدايات ناجحة وصلت بيها لإنجازات كبيرة و حقيقية في مجالات مختلفة داخل أكبر المؤسسات المحلية و العالمية..

الاسبيكرز حيكونو ناس مختلفين جدآ ، ما جايين ابدآ يقولو ليكم كلام تحفيزي بس، حيحكو تجربتهم الشخصيه اللي ممكن تساعدك في بدايتك وأهم الخطوات القاموا بيها وعندك فرصة التعرف عليهم و الإستفادة منهم..

حنعلن عنهم في الصفحه الايام الجايه..

وما بس حتسمع قصصهم، كمان حنسمع منك ونحاول نشوف كيف حتكون بدايتك..

وما ننسى البهجه والفرفشه 😂
الموضوع ابدآ ما محاضره او ورشه ممكن تزهج منها..
في فقرات كتيره مسابقات وبرامج ترفيهيه تعالو جاهزين بس 👐
💕

واكيد حتكون فرصة نقابل بعض على ارض الواقع و نتعرف على بعض أكتر و على مجتمع يونيك البيجمعنا...

علشان عايزنك انت كمان تكون جزء مننا، وباي حاجه مميزه فيك ولو بسيطه، حتقدر تطورها وتساعد بيها غيرك..

تاقي شلتك ، اصحابك، زوجتك، زوجك، امك، ابوك، ولدك
وتعالو..

المجتمع ده لينا كلنا، واللمه دي حتناسب ااي شخص جاي..
ونحن عايزين نستفيد من الاختلاف في اعمارنا وافكارنا وخبراتنا علشان نتطور ♥️

الايفنت حيكون يوم السبت ٥-٩
في قاعه فندق الصنوبر، حي الصفا، شارع عبيد ختم جوار طرمبه النحله.

💕من الساعه ٢ الساعه ٦ مساء
رسوم الايفنت ٥٠٠ ج..

العدد محدود جدآ، ياريت اللي حابي يرسل من بدري، علشان نحجز ليه تذكره ♥️

وعلشان دي بدايتنا سوا في ٣ اشخاص حيفوزو بتذاكر مجانيه للايفنت من البوست الرئيسي في الصفحه
بس الشروط (ركزوا كويس)
لازم تعمل لايك وشير للبوست واعمل لينا كومنت ليه عايز تجي الايفنت ده بالذات..
حيتم اختيار فائزين اللي عندهم اكبر عدد لايكات على كومنتاتهم
والفائز الاخير عشوائي. ♥️

#unique_community

للحجز رسلو واتساب على الرقم 0997787943
.

صباح الخير 💛.

الي العينين التي تقرأ الان وبعد طول غيااب عدناا من جديد سنقرع طبول أحلامناا ولو ب أعواد ثقااب 💛..

ممرحباا 💛
بتمنّى أنو أمورك تكون كلّها تمام يمكن متاعب الحياة بتزعِّلك او ضغط الشغل والدراسة بيتعبوك يمكن كمان في شخص سمّعك كلمة أزعجتك وسببت ليك حزن جواكِ.ع العموم مهما كان السبب ما من حق أمور تافهة تقدر تسبب ليك أذى نفسي حتى لو كان بسيط حافظ على ملامحك اللي المفروض تتأكّد أنها مليانة حلاوة والحياة بتحاول الإنتقام منك بكل الطُرق إنك أكثر جمال منها هي ح تقسى عليك وتوجّعك وتوقّعك بس عندك صبرك وإرادتك وثقتك في ربنا هم أقوى منها وهيحموك خلّيك كويس وخلي بالك على نفسك لانِك بتستاهل تكون مبسوط💛

بي ( الله كريم ) بنواصل♥️

قصة عن فضل المحافظة على أذكار الصباح والمساء.🍃

انا حبي للفنانه ام كلثوم رحمه الله عليها ولصوتها واغنياتها فات حدو والله😭♥️♥️♥️♥️♥️♥️♥️♥️♥️♥️♥️.

‏أقتل جزءك الذي
يخبرك بأنك لا تستطيع تجاوز أمراً ما ."

منحة Chevening الممولة من المملكة المتحدة 2020 - 2020 ممولة بالكامل

ياو ياو ياو

#منشن_لكل_اصحاب_يستفيدو

تفتح أبوابها اليوم باعتبارها من أقوى المنح في العالم

تفاصيل منحة المملكة المتحدة:
بداية التقديم: سيكون 3/9/2020.
مكان الدراسة: المملكة المتحدة
مستوى المقرر: درجة الماجستير
الجامعة المضيفة: الجامعات البريطانية
الطلاب المستهدفون: طلاب من خارج بريطانيا

التمويل في منحة المملكة المتحدة:
هذه المنحة ممولة بالكامل وستغطي ما يلي:
الرسوم الدراسية كاملة
راتب شهري لتغطية نفقات المعيشة
تأمين صحي
المعيشة
نفقات رحلة الذهاب والعودة.

طريقة التسجيل في منحة المملكة المتحدة:
ستكون عملية التسجيل في 2/9/2020 وتستمر لمدة شهر من تاريخها. يمكنك الآن متابعة جميع أخبار منحة Chevening الدراسية

رابط المنحة

https://english.sudanjobsbook.com/2020/08/chevening-scholarships.html

بالتوفيق للجميع

بس أنا خايف!

مافي مننا انسان في حياته ما مرّا ب فشل أو إحباط أو خذلان أو أيام صعبة بس هل دا معناه حياتك كلها كدا؟؟

هل معنى إنك فشلت ف تجربة يبقى ربنا كاتب ليك الفشل في كل التجارب ؟

في وحدة بتحكي لي كانت مخطوبة 3 سنوات ل شخص بتقول انو ف البداية كان كويس جدًا ، تعارفهم كان لفترة بسيطة و اتخطبو على طول..
طول فترة الخطوبة هي كانت حاسة انو " في شي ناقص"
كان بيعاملها بطريقة ما حلوة ، بفرض عليها رأيو في كل شي، ما بحترمها نهائي و كانت متحملة علشان بتحبه!

لحد ما أبوها اتوفى و عاشت أيام صعبة جداً هو اختفى فيها... ولما رجع بكل وقاحة قال سافر إجازة مع أصحابه؟
من لحظتها انفصلو و مسكتها عقدة من كل شي..

بعدها ب أقل من سنة قابلت شخص تاني و زي ما قالت " شايلني ف عيونو"..

كانت بتحكي و كأنها ما عاشت ولا يوم سئ..
قالت " عوضني عن فراق ابوي و بقى لي الأب و الأخ و الشريك"

واحد بيحكي انو كان شغال في شركة 8 سنوات قدّم فيها كل مجهودو و خبرته و في الأخير قالو ليو " إنت ما عملتَ شي يلا مع السلامة!"

قال انو بدأ شركتو الخاصة و الآن هي أكبر من الأولى بمراحل و الأولى حصل فيها مشكلة وإنهيار و قفّلت!

الخلاصة..

دام الخير جوانا ما تيأسو من رحمة الله.. 💛

أبدا دايما الخطوة الأولى وما عليك بالباقي ..

سواء تجارب شغل أو مغامرات أو سفر أو حتى علاقات أو اي شي انت بتخاف منو وعندك معاو تجربة سابقة !

لازم تكسر الحاجز دا وتقول انا حمشي قدام بالذات لو قلبك عايز بس لما تفكر بي منطق تلقى الحاجة ما جاية وعقلك يقعد يقول ليك لالالالا الشي دا غلط...

أنا وحدة من الناس إللي دايماً قلبي سابق عقلي و ما بعمل حاجة إلا أكون مرتاحة فيها لأنو حرام تتحرمو من لذة حاجة انتو نفسكم تجربوها بس لمجرد إنكم خايفين ..

الخوف للجبناء فقط..

لازم تجرّب مرة و اتنين و عشرة وفي كل مرة صدقوني ح تطلعو منها ناس غير اللي دخلوها..

في جملة سمعتها في فيلم بتقول

Regret is better than wondering what would've happen..

يعني الندم اخير من التساؤل عن شنو كان ممكن يحصل لو عملت الحاجة دي..

نحن بنعيش مرة وحدة بسسس... حياتنا ما بين نَفَس طالع يمكن ما يدخل ف عيشوها صح!

ما تضيعو الفُرص لأنها قد تمشي لناس ما بستاهلوها!

مساء الخير 💛🌻