إسلوب حيااه🌻💛

Forwarded from في ظلال القرآن💛 (SRoo)

#لا_تنسوا_قراءة_سورة_الكهف
نور ما بين الجمعتين💛

775 viewsأُمْنِيَّة., 12:46

Forwarded from إستراحة نفسية 💭 ـ (مَـريَّم الشِّيــخ🌸)

#وهم_الإنجاز_والمثالية :

- مُهم لأي بنوتَة حابة ترتقِي فِكرياً -

مُستويات النجَاح للمرأة -المُسلمة- ثلاثة :

🌸 مرحِلة الأسَاسيات :
إنك تظبِّطي علاقتك مع ربنا ونفسِك ثم أسرتِك
إنو يكون basic دِيني ممتاز ومُتزنة وعارفة ما لا يسع لأي مسلمة جهلهُ من الفِقه المتعلِّق بينا كنِساء
وعيِك بإنك أنثى وليك حقُوقك وواجباتك كأُخت وابنَه وزوجَة والأهم كأُم ومربِية للأجيال

🌸مرحِلة الإضافِيَات :
هنا إنت كإنسانَة متعلِّمة
كمهندِسة ، كطبِيبة كـسيدة أعمال أو أيِّ تخصُّص وأيِّ درجَة عِلمية إنتِ فيها..
مرحلة إنك تطوِّري نفسِك في مجالك و دورك المُجتمعي من تطوُّع في مُنظمات أو حتى لو حابة يكون عندك بزنزك الخاص

🌸مرحلة كُوني استِثنائية :
وهنا حتة كونِي مدهشة ، وكوني مكتشِفة وباحثة وكوني وكوني...إلخ
لا داعي لذِكر سافري وأتبنِّي قضايا وإتبني الفِكر الغربي الفاسد زي -النسوية والأوبن مايند والـ strong independent بطيخة-

الحاصِل في المجتمع إنو ولله الحمد حسب ما شايفة يعني إنو البنَات موش بس في مرحلة كوني استِثنائية لا ختمُو اللَّعبة ، ووصلوا المستوى الـ99 تبارك الله🤦‍♀
المُشكلة ما هنا ، المشكلة إنو في فَجوة بين المستويَات - بالذات الأول -
مع ملاحَظة إنو التاني مُهم نوعاً ما والتالِت رفاهِيات ، والأول واجِب وفي مرتبة الفرض العين!
والفجوة دي واحدة من أهم الأسباب في هشَاشة جيلنا الحالي نفسياً و فكرياً
والمُلاحَظ إنو ساهِل جداً خداعهُ بأي فِكر وبالذات الفِكر الغربي المنتشِر حالياً..
من توهَان وضياع وعبثِية وأعدمية و الهُراء دا

أختِم بإني بحب البنَات الطمُوحات جداً وبحب الإنجاز ، وحابة أعمل مية حاجة لكن في البدا الأولَى فالأولَى
إتذكرِي إنِك أُنثَى في المقَام الأول
يعنِي لُطف وعاطفة ودلع وحب وأشياءٌ أُخرى🌸
أرفعِي وعيك ، وأنجزِي وأي شئ
لكن إتذكري إنك مُسلِمة ، وإنو لازم يكُون عندِك filter ، ما تنساقي بسهولة ورا أي فكرة عجبتِك وخلاص ، ولا ترضِي هوى نفسك وخلاص..
زي ما قلنا خليكِ متوازنَة

في منصات أنصحكم بيها جداً :
🌸منصة أساور - عندهم دورتين كوني عائشة ونور إيلي و دي ناقشت قضايا مهمة منها النسوية و حللتها من جذورها ووضحت فساد المفاهيم دي في المجتمع الغربي فما بالك لمن تتطبق في مجتمعنا
🌸مركز نور و أكاديمية زاد
🌸مركر تأسيس للدراسات و النشر
🌸 منصّة قُراء .
🌸 دورة د. إياد قنيبي - عنده كم واحدة عن المرأة و رحلة اليقين وو -
🌸 م. أيمن عبد الرحيم عنده واحدة اسمها البيت المُسلم -رهيبة شديد- وواحدة عن علم النّفس مفيدة برضو

#بتصرف
#نهال_خنيجر🌸

790 viewsأُمْنِيَّة., 15:11