إسلوب حيااه🌻💛

Forwarded from 👑.كراكيب | Karakeb.👑 (بيبااا 🖤🥀)

حتى لو بتحب تنعزل، انت محتاج شخص تقوله أنك هتنعزل .

- اعظم ما قاله : " الدحيح " .. ❤️

97 viewsأُمنيااآه💭, 20:34

Forwarded from 𓋜..معــزّة (زوزا💙)

_ الأولاد نامو؟
= قبيل ؛ انتي لهسي بتقري؟
_ اعمل شنو متوترة شديد من يوم بكرة خايفة افشل بعد التعب دا كلو 💔😔
= اذا كنت انا م خايف وواثق فيكي جدا ومن هسي اشتريت حلاوة الدكتوراة يا دكتورة 🌚 انتي تخافي كيف بس؟
_ م عارفة والله م عارفة 💔😿
= طيب اديني الكتاب دا وحاسألك اشوف استعدادك كيف؟
_ 😹 وانت حتفهم شنو بس؟ بعدين الوقت أتأخر وانت اكيد تعبان امش نوم
_ لو سمحتي ي دكتورة جاوبي ع الاسئلة من سكات ✋🏿😹
مسك المرجع وبقا يحاول يلقى ليو أسئلة و يسألني كل م اجاوب صح يصفق براحة ويصفر 😹 شال مني كل التوتر وكمية الثقة والفخر الشفتهم ف عيونو اغنوني عن مية رسالة دكتوراة 😔💙 من ضمن الأسئلة فواحد م عرفتو ففتحت اللابتوب وبقيت براجع في الجزئية بتاعتو ؛ اتذكرتها والتفت عليو عاوزة اجاوب لقيتو خت المرجع ف الطاولة ونام عليه 😹💙 معقولة الانسان دا بحبني قدر كدا عملت شنو يالله عشان تكافئني بواحد ذيو . بقيت بعاين فيو واتذكر اخر مرة اتكلمت مع واحد المفروض انو بحبني 💔🙂
_ انا عاوز اتم العرس ف اقرب فرصة ؛ حبيبتي بقت خطيبتي وحتبقي مرتي ان شاء الله
= اي ان شاءلله هانت كلها سنتين واتخرج م فضل كتير 💙
_ سنتين ليه؟؟ وبعدين الدخل التخرج شنو ف زواجنا
=انت عارف انو لو م تخرجت م حعمل عرس اتفقنا ع كدا من زمان
_ حتستفيدي شنو انتي من الشهادة دي 😐 بكرة نتزوج وتقعدي ف بيتك معززة مكرمة م ف داعي ناجل عشان تخريج تمي قرايتك من بيتك
= م ينفع انا مدايرة اتخرج وخلاص لازم بنسبة كويسة تسهل لي الماستر و...
_ماستر؟؟؟ وم تقولي لي عاوزة تشتغلي كمان 😏
=طبعا حاشتغل ، ف شنو انت مالك ماخد الموضوع بشدة كدا؟🌚
_ عايني شهادة وحدك تتخرجي بس شغل م ف ودي حاجة م فيها نقاش وشوفي ي بت الناس يانا ي قرايتك دي .
قفل الخط و خلاني ببكي وبفكر بلجد اخلي قرايتي واتنازل عن كل احلامي عشانو م انا بحبو 💔🙂 مسحت دموعي وقمت صليت ركعتين وجيت فتحت الواتس عاوزة ارسل ليو اراضيو لقيت رسالة من وحدة صحبتي كانت كل فترة بترسل لينا رسائل برودكاست جماعية كدا فيها ( من يحبك حقاً لن يخيرك بين امرين هو أحدهما؛ لن يضع نفسه في منافسة بين اي شئ او شخص اخر فهو يعلم انك ستختاره دوماً دوناً عن كل شئ ) قريتها وفكرت انو فعلا هو عارف اني حاختاره فعشان كدا قرر يختني قدام الامر الواقع وخيرني بينو وبين مستقبلي وأحلامي وقرايتي التعبو فيها اهلي قبلي ومنتظرين يشوفو بتهم ناجحة ومبسوطة ف حياتها 🙂 حظرت رقمو وم حاولت حتى اتكلم معاو رجعت ليو الدبلة مع امي الجاتني وهي بتقول لي ( خطيبك قال المرا البتكسر كلمتو من هسي كتر خيرها الجات من ربنا وبعدت منو💔) اتخيلو بحمد ربنا انو بعدني منو 💔😔 بعدها ركزت مع قرايتي وبس رفضت اي عريس لحدي اشتغلت وبديت احضر ماستر اتقدم لي ود عمي الرفضتو قبل كدا عشان الإنسان الكنت مرتبطة بيو وبعد زن من اهلي وافقت ؛ واهو الليلة قدامي الشخص البشجعني دايما انجح واتفوق العمرو ما اشتكى من شغلي المرات بياخدني منو ومن البيت والاولاد والقاه شغل دور الام والاب بوراي البيفتخر بي بين كل المجتمعات ويحكي عن انجازاتي الشايف اني انسانة عظيمة قادرة افتح بيت وابني مستقبل ودايماًٍ بذكرني بكدا 💙. م قدرت امسك دمعتي لحظتها وهو صحى ولقاني ببكي
_ بتي البكاية 😹 لو م عرفتيو م مشكلة رايك شنو نراجعو سوا واسمع ليك لحدي تحفظي؟
= لا خلاص عرفت الإجابة ؛ عادل؟؟؟
_ عيونو ، رغم انو عيونو راحت من النعاس 😹
= انت ليه كويس كدا 😿
_ عشان انتي عاوزة تشوفيني كدا ، انا م كويس ولا كامل بس الحب هو البخليك تشوف زولك كويس ذي م انا هسي شايف انك احسن وحدة ف الكون ي ست هواي 💙.
الانسان البكسر مجاديفك و يقول ليك " المرا لو قرت قانون مصيرها الكانون 💔🙂 " م تربطي نفسك بيو ولا تنتظري منو رجا ؛ مستقبلك دا اهم حاجة انتي م اتخلقتي عشان تخدميو لو عندك اي فكرة ف راسك ل مشروع او قراية او حتى هواية بتحبيها وناوية تكبريها ووتستفيدي منها فارتبطي بانسان يساعدك يقدر احلاامك وطموحك ويفتخر بانو شريكة حياتو انسانة ناجحة 💙✨ .
إن لمن الحب ما يصنعُ لنا أجنحة نُحلق بها الى عنان السماء ، نجد فيمن نُحب المعين و الرفيق في احلكِ الطرق حتى نصل الى وجهتنا 💙 طاقة هو تمتدُ من قلوبنا الى ارجاء أرواحنا ولا يكون ضعفاً ابداً.
#nina_osman

115 viewsأُمنيااآه💭, 20:37