دي انا بعدين😂😂😂😂😂

😂😂😂 اقرأ اسمي بين السطوووور 😭💔

أنا الوريث الوحيد لحزن العائلة
لذا حين أحببتكِ
أردتُكِ أن تعلمّيني
كيف أستثمره وأبني من خلاله المشاريع
وكيف أوسّعهُ ليصبح شركة مهمة في هذه البلاد
أريد ان أتعلم منك الكثير
وأشياء لم اكن أعرفها
فيما انا
سأعلمكِ أشياء كثيرة عن الحزن
كيف تبكين دون أن يلاحظ أحد أبنائك بذلك
وكيف تذرفين الدموع
دون أن يأثر ذلك
على المساحيق ، والكحل الذي وضعتي في قلبي ♥️.

بُكاء الليّل:

"بُكرة تجمعني الصِلات بعزيزاً أصطفيهو" 🖤

ادعو لسنيرنا بالرحمة ولاصحابه ولي جامعة بحري كلها ربنا يصبرها 💔💔💔

له الرحمة والمغفرة والعتق من النار
ادعو ليه بجماعه🙏♥️

السلام عليكم ورحمة الله


عندنا بس اسره واحده تاني وبالجد ظروفهم كعبه الحمدلله بالجد محتاجيين لمدة ايديكم
شارك بالعندك وكلو مكتوب عند ربنا ان شاء الله
@zoola44

في الواقع الحالي، ما يكاد في شاب اتجاوز ال١٦ سنة و ما جا في باله فكرة إنه يا ريت لو يموت و ينتهي كل ده..
كتير جداً مننا عايشين درجات متفاوتة من الأزمات النفسية و حالات إكتئاب بمستويات مختلفة و الأغلب عنده نظرة سوداوية للمستقبل و ما مرتاحين من أوضاعهم الحالية..
مشاكل أسرية متراكمة تخليك تكره البيت و الأسرة و تندم على كونك جزء من المنظومة دي أصلاً..
تواصل معدوم بين الأخوان أحياناً و قد يصل لي خلاف و انقطاع كامل..
أزمة الارتباط اللي كلنا متجاهلنها باسلوب ساخر.. بين ولد بضحك على كونه سنجل و بت بتضحك على كونه صاحباتها كلهم ارتبطوا و الإتنين عايشين في دوامة من الأفكار المدسوسة في ظلام الليل.. و حكايات ال Overthinking قبل النوم..
الطالب التائه بين بيئة دراسية قاسية مفروض تنجح و تتفوق فيها رغم إنك عارف كل يوم بتبذل مجهود مضاعف عشان بس تقدر تلقى مواصلات و تحضر المحاضرة..
منهارين من أزمة البحث عن عمل و عمرنا البزيد كل يوم و نحن لسة ما بدينا نكوّن نفسنا، و حتى الشغال بسابق الزمن عشان يقدر يوفر في ظل أوضاع إقتصادية خانقة بتخليهو يسرح كل يوم و هو بعاين من شباك الحافلة و غالباً ينسى محطته أصلاً..
أصحاب علاقتنا بيهم بتمشي بين مد و جزر.. لا قادر تتعامل مع عتابهم و لا قادرين يفهموا ضيقك..
كل الحاجات دي كان طبيعي تكون داعم ليك و تقدر تتجاوز بيها العقبات.. بس للأسف أغلبنا لقاها هي نفسها عقبات..
البيت، الإرتباط، الوضع المادي، القراية، و الأصحاب..
لو ذكرتهم لي أي زول بي تجريد ح يقول ليك ديل فاكهة الحياة..
بس أسأل نفسك هسي..
بالتأكيد واحدة منهم بتشكل جزء كبير من حالة الأرق اليومية البتصيبك..
ح نكون بنكذب على نفسنا لو إفترضنا إنه العناصر دي ما مؤثرة علينا و ما مشوهة تفكيرنا و تركيزنا و مشاعرنا.. لحدي ما نتحول تدريجياً لركام ثقيل من السواد مليانيين بي تخمة الضيق و الإرهاق في الشعور و الحزن..
بس الما عارفنه إنه ده الواقع.. من بداية الخليقة و لحدي اليوم ده الواقع..
اللي مر بيهو كل جيل سابق.. ده الواقع البخلي أبوك يتعامل معاك بحرص و عدائية أحياناً ما قادر تبررهم..
دي الحياة القال عنها تعالى :"لَقَدْ خَلَقْنَا الْإِنسَانَ فِي كَبَدٍ"..
حاجة مهمة جداً لازم نعرفها هي إننا ما ح نلقى واقع نموذجي و حياة مثالية زي ما متخيلين..
الدنيا مبنية على المشقة و الإجتهاد.. و كل التجارب المؤذية و المرهقة البتمر بيها في حياتك دي.. هي البتصنع منك إنسان أقوى.. كل الخسارات و المصاعب البتمر بيك في حياتك بتتجمع في شكل حكمة.. تتوكأ عليها باقي عمرك.. كل تجربة برغم مرارتها إلا أنها بتساهم في زيادة صلابتنا و بتدينا قدرة نواصل بيها..
بس خلينا دايماً متمسكين بي القرب من ربنا و خلي يقينك كبير أنه وحده نجاتنا من كل مصيبة..
حاول كل فترة ترتب حياتك و أولوياتك.. أعرف متين مفروض تكون معطاء.. و متين مفروض تكون أناني.. متين مفروض تساعد و متين مفروض ما تعصر على نفسك أكتر من كدة..
و ما تستسلم لعثراتك و لي ضيقك.. و قاوم قدر قدرتك.. و أرجع لي ربنا كتير..

رزقنا الله و إياكم القدرة و الرضا على تجاوز البلاء و الهم..

#علي_عباس

أغسطس - 2019

⭕️ تسجيل 161 تعافي جديدة
ليبلغ إجمالي الإصابات 4346
إجمالي الوفيات 195
إجمالي التعافي 749

جوّا كُل واحدة مِنّنا سؤال ..
ما عارفة كيف تقوله .. أو كيف يتحلّا!
بس ماف أسئلة من غير إجابة!

كل شهر ..
كل واحدة فينا بتنقطع عن الصلاة فلنفترِض لمدة أسبوع
أسبوع من دون صلاة .. وبتكون حياتنا متلخبطة وجايطة..
زهج وضيق ونكد!

بعد الأسبوع يعدِّي
بنلقى إننا بنجاهِد من أوّل وجديد عشان نرجع نصلّي
ما قادرين نصحى الصبح .. ولا قادرين نصلي الظهر في وقتو وبنتذكر العصر قريب وقت المغرب وهكذا
دوّامة من التِّيه .. ولغاية ما خلاص نتعوّد على مواقِيت الصلاة
بنلقى الشهر خلص ونرجع تاني لنفس الدوّامة

الحل شنو؟
طالما دي مشكلة بِنعاني منها أغلبنا كـ بنات
فصدّقيني ده في حد ذاتو اختبار لينا..
وربّنا سبحانه وتعالى عايز يشوف مدى حِرصنا وجِهادنا
﴿أَحَسِبَ النّاسُ أَن يُترَكوا أَن يَقولوا آمَنّا وَهُم لا يُفتَنونَ﴾

طيِّب ..
المشكلة كلها في الانقطاع .. ومعروف الرجوع بعد الانقطاع في كل شي بكون صعب ومحتاج بناء عادة من أول وجديد
فالحل إننا ما ننقطع!
و ده كيف ممكن يكون؟!

مبدئيًا...
أوّل ما تسمعِي صوت الأذان
أمشِي اتوضّي ..
الوضوء نُور .. وراحة!
اتوضّي - ما فيها شي-
وأمشي استقبلي القِبلة .. وأقعدي صلّي على النَّبِي
الزمن ما بِين الأذان والإقامة عبارة عن رُبع ساعة
خلّيك بتصلي على الرسول صلى الله عليه وسلم
وشوفي البركة اللي ممكن تحِل عليك بالصلاة عليه!

تاني ممكن تعملي شنو؟
وِرد القُرآن .. ما تخلِّيهو برضو
عشان الرجوع بعد زمن ببقى لينا قاسِي ومن الساهِل إننا نكسر الحنك
فما تخلي وردك من القرآن .. وخلّي في تلفونك دايمًا تطبيق المصحف بحيث إنك تقدري تقري في أي مكان ومتى ما عايزة!

الكَنتة كُلّها .. إنّك تفضلي منبّهة نفسك على أوقات الصلاة عشان ما تتكاسَلي وتبقى ليك حاجة صعبة
الفكرة في إنّك تكوني عارفة مواقِيت الصلاة وما تدِّي روحك فرصة لِي نسيانها عشان بعدين الرجوع ما يبقى ليك صعب

وآخر حاجة
عشان التِينشن والتّوتر .. اتذكّري دايمًا إنو ربنا قال :
"ألَا بِذِكرِ اللَّهِ تطمَئِنُ القُلُوب"

ربّنا يطمِّن قلبِك .. ويعِينك .. ويرزُقِك الفردوس الأعلى،، أنتِ ومن تُحِبِّين .. آمِين ♥️

وشُكرًا
وعفوًا

#صفية_مصطفى

مشاهدة "كيف تصلح جدول نومك بعد رمضان 🌙 | افضل طريقتين✌🏽" على YouTube
https://youtu.be/lpYxMoxz3yA

‏لم تكونو في اي نوع علاقة اعرفو ان الدوام لله واستمتعو باللحظه مع الشخص بدون تخطيط للمدى البعيد كل الناس دي مصيرها تسافر او تبعد او تتغيير او تلقى غيرك اتقبلو الفكرة دي وابعدو من القلق اتجاه الخسارة والفقدان، اتمسك بس اعرف ان الخيط حجي يوم ويترخي وحول تركيزك وطاقتك لنفسك ومستقبلك‏طبعاً ما كل العلاقات بتنتهي بديهيات يعني ، لكن ان اكملنا كان بها وان انقطعنا لا عزاء في الفراق ايام جميله وعدت ❤️

#بنجازفها
_ أصحابك انت البتختارهم، حياتك انت البتقرر لي وين تمشي، واهدافك انت البتحددها، مقدراتك انت البتعرفها، الجواك حيكون جواك انت و بس💙
خليك عارف انو السر موجود جواك
يعني عايز تتغير ، عايز تنجز ، عايز تعمل اي حاجه ، ماف غيرك حيقدر يعملها ليك .
ممكن بعد دا خلاص تقوم وتخلي كلمه بتتجازف و تبدلها بي #بجازفها 💕
كلنا مرينا بي مشاكل وانكسارات و ضيعنا زمنا في حاجات ما تستاهل، خلاص كفايه بعد دا ولازم بالجد نجازفها و ننجز ، عملت الهاشتاق دا عشانكم عشان تحكوا الحاجات الكسرتكم وكيف جازفتوها و تخلي غيرنا يستفيد منها ، عشان برضو تحكوا الحاجات القلتوا عليها اه بتتجازف ولسه ما اتجازفت واحنا نجازفها ليك💙
يلا كلكم نجازفها😴💕✌
شاركوا بي مواقفكم هنا وانا حاكتبها علي شكل قصه وانزلها
https://t.me/ALLOoz

فكره حلوه.. الناس تشارك♥️

انا خلاص كبرت ووعيت مفروض اكون سيريس في حياتي واكافح لي مستقبلي
انا بعد 30 ثانيه
Baby shark do do do baby shark do do do baby shark do do do baby shark🙂💔

‏اسؤ جريمة عملتها في حق نفسي هي إني ضيعت وقت كبير جداً في التعايش مع أوضاع أنا م قابلها لمجرد إني متخيل أن مافي بدائل أو لأني خايف من البدائل ، اسف لنفسي اني اجبرتها تعمل حاجه م عايزاها

‏الايام دي ما توري الناس مواعيد نومك بتين عشان لمن تسفههم يقولوا مشى نام.

‏" من اجمل انواع الرزق ان يهبك الله من يهون عليك الدنيا ولا تهون عليه ابدا ."

‏من مدة قصيرة بدأت الأخذ بنصيحة لعمر بن الخطاب رضي الله عنه يقول فيها : " عاملوا الناس بما يظهرونه لكم والله يتولى مافي صدورهم" لا أدقّق في قول ، ولا أنبش في فعل ، ولا أخوض في تفصيل ، والأمر مريح والفرق واضح.

‏إن الله يعلم أنّك التزمت الصمت ورضيت في وقتٍ لم يكن فيه الرضا عليك سهلاً ، سيجزيك ويجبرك .