البت البحبها♥️♥️♥️
Happy birthday ya bb♥️♥️

سنه سعيده واعوام مديده وهنيه ورضيه عليك يا رب♥️♥️

ح أديكم نصيحة مفترض تتكتب بماء الدهب ماف زول نصحني ليها بس ربنا ألهمني ليها و بحبكم و بحب ليكم الخير و عاوزة أفيدكم
يا ريت تقروا البوست دا بقلوبكم ما بعيونكم و تختوا النية من هسي إنكم ح تعملوا بيهو
النصيحة باختصار (خلي هدفك في الحياة و وظيفتك الأساسية انك تذكر الناس بالصلاة على النبي محمد صلى الله عليه و سلم عدد ما كان و عدد ما يكون و عدد الحركات و السكون) بس كدا
حتى لو أنا ما بصلي عليهو كتير ؟ حتى لو إنت ما بتصلي عليهو خالص ذكر الناس و تلقائيا ح تلقى نفسك صليت عليه
و كل شخص ذكرتو مع إخلاص النية كل اجر صلاتو جاييك لا ينقص ذلك من اجره شيء
لي الصلاة على النبي بالذات ؟ عشان هي البتغير حياة كل انسان حرفيا و الله (الصلاة على النبي في معناها الدعاء للنبي محمد و المحصلة انو الله عز و جل يصلي عليك و أنا شخصيا للان ما لاقتني عبادة جزاها إنو الخالق عز و جل يصلي على المخلوق)
و عشان تذكير الناس بالصلاة على النبي ما محتاج مجهود عظيم و لا محتاج منك تكون شيخ او داعية
و عشان كل العبادات سبحان الله بتلقى الشيطان و النفس الأمارة بتتقلها على الواحد ما عدا الصلاة على النبي خفيفة على القلب و محببة للروح
و عشان كل الناس بالفطرة بتحب النبي عليه الصلاة و السلام
و عشان نحن بالجد محتاجين للصلاة على النبي في حياتنا
زي ما ذكرت فوق لمن تصلي على النبي مرة واحدة ربنا عز و جل بصلي عليك عشر مرات
صلاتك على النبي دعاء ليهو و صلاة الله عز و جل ثناء عليك
طيب اتخيل معاي كان في ضيوف مهمين في صالونكم و ابوك زول شيخ قبيلة و عمدة و معاهو ناس كبارات و انت جيت كبيت ليهم القهوة فقام ابوك في اثناء الجلسة دي قعد يثني عليك و يشكرك مرة و اتنين و تلاتة و عشرة و مية مرة
قادر تستوعب و تتوقع كمية الخير و الطيبات ال ح تجيك بعد الثناء دا كلو ؟ طيب تفتكر بعد دا ممكن تطلب من ابوك طلب و يرفضو ؟ هو اصلا ممكن يخلي في نفسك حاجة و ما يعملا ليك من تلقاء نفسو ؟
لله المثل الأعلى يجماعة أنا ك بشر عاوز شنو تاني أكتر من انو ربنا يثني علي في الملأ الأعلى ؟؟
طيب ازيدكن من الشعر بيت واحد من الصحابة عندو ساعة مخصصها للدعاء بس كلها دعوات يدعي لنفسي بكل العاوزو
يقوم الصحابي دا يجي يقول للنبي محمد صلى الله عليه و سلم انا عاوز اجعل تلت الساعة دي صلاة عليك
يرد النبي انو كدا كويس و لو زدت كمان يكون احسن ليك
قال ليهو خلاص ح اصلي عليك نص الزمن و النص التاني يكون دعاء
قال ليهو كويس بس برضو لو زدت يكون اخير ليك
قال ليهو خلاص ح اصلي عليك التلتين و ادعو التلت قال ليهو كويس و لو زدت افضل ليك
الصحابي اتحمس و قال ليهو اذا ح اخلي ساعات الدعاء كلللللها صلاة عليك
النبي عليه الصلاة و السلام حبيبي فداه ابي و امي و روحي و دمي قاليهو لو عملت كدا ربنا ح يكفيك كل الهم العندك و يغفر ليك ذنوبك كلها
طيب دقيقة انا لو ربنا كفاني همومي كلها تاني في حاجة ح تقيف في الدنيا ؟؟ و لو غفر لي ذنوبي كلها في حاجة ح توقفني يوم القيامة ؟
الصلاة على النبي محمد صلى الله عليه و سلم معجزة بين ايدينا و نخن ما جايبين ليها خبر في صلاح حالنا و توفيقنا و البركة و الرحمة و السعادة
ما تنتظرو انكم تكونو كثيري الصلاة على النبي ابدو حتى لو بعشرة صلوات في اليوم و عودوا لسانكم عليها زيدو كل مرة شوية و استغلوا اوقات الفراغ الطريق في الشارع و المواصلات في البيت و المطبخ و اثناء ما ماسكين التلفون و نحن راقدين في السرير عاوزين ننوم نصلي و نصلي و نصلي و نذكر الناس الحولينا اثناء الونسة و علموها الاطفال و احكو للصغار و الكبار عن فضلها و اكتبوا في الفيس و الواتس و الاستوريهات و قسما بالله سعادة سعادة سعااااادة ما ليها حد
صلوا علي النبي يلا 💙
اللهم صل و سلم و زد و بارك على نبينا محمد صلى الله عليه و سلم عدد ما كان و عدد ما يكون و عدد الحركات و السكون ❤

‏"اقتحموا من تُحبون، لا تنتظروا رسائلهم بل راسلوهم، اتخذوا من المناسبات حُجَّة للحديث، اجبروهم على الثرثرة معكم، لا تتركوهم يُعانون الغرق وبأيديكم النجاة، لعلكم وقعتم في حب أناسٍ يمتلكون الكثير من الخجل، الكثير من الحساسية المُفرطة والخوف 🖤🙏

لقيت بت ماشة في الشارع وبتبكي
لحدي اسي ما قادر انسي منظر دموعا وملامح وشها 💔

انا شخصيا ما قادر اتخيل كيف الواحد ممكن يقسي علي اختو او بتو او مرتو لدرجة انو يشوف دموعا وما يتأثر ولا يتزلزل من جواه💔💔

انا واحد من الناس بشيل هم اذا الله رزقني ببت ، حشيل هم انو كيف تقدر تبسطها وما تخلي الحزن يقرب منها في يوم ..

بشيل هم يوم ربنا يكتب لي البت الحتقاسمني حزني وألمي قبل سعادتي وفرحي ، حشيل هم انو كيف حخليها تتخطي كل الخلافات البيناتنا بدون ما يصل الحزن لقلبها ويسكن فيه ..💔

ياااخ انت منديلها لما الزمن يقسي عليها ويجرحها ، انت نارها البتحسسها بالدفء في عز بردها وصقيعها ، انت ضهرها وسندها
تجي انت ذاتك تبكيها ، تكون سبب ألمها💔

يااخ بتقدر تتحمل دمعة واحدة نازلة من عيونا وانت عائش ؟ 💔

انا بشيل هم ...
بشيل هم لما تغيب عن اختك تلاتة أيام وتقعد تفكر في الفترة دي مزاجها حيكون كيف ؟ بتكون. مضايقة ولا مبسوطة ؟

بتحس انو لما يقولو ليك انت مسؤل عن انثي دي حمل كبييير شديد داير راجل بمعني راجل يقدر يقدر المسؤلية اللهو فيها دي ..

وانت قاعد في بيتك بين مرتك واخواتك وبناتك بتحس نفسك بين زهور ، محتاجة تعامل برقة وحنان ورفق ولين .. محتاج تحافظ علي قلب كل واحدة فيهم وتطبطب عليه .💝

امكن نحن بنطمن للأنثي لما تكون. معانا في حتة واحدة ، عشان انا عارف نفسي بقدرها كيف ، بحترمهاكيف وعارف مكانتها عندي شنو ، بس صعب شديد اقدر تأمنها لراجل يعرف مكانتها في الزمن داا 💔

الأنثي مفترض قبل تطلب انت تعرف وتنفذ
قبل تكون نفسها تضحك ،انت تضحكها
قبل تبكي انت تلحق دموعا وتوقفها ...

يااخ حتي لو زعلت وجزنت وقلبها وجعها عاهد نفسك ، لو ما رجت زي الأول ما يهدا ليك بال ولا يجفن ليك عيون ...

والله ، من لم ينجب الفتيات فقد مات عقيما ولو كان ابا لألف رجل💗

ماذا لو كنت مندفع في حديثك بينما المستمع يتمني أن تصمت ،ماذا لو كنت ثقيلا علي من تحب؟

إنا لله وإنا إليه راجعون.. الشيخ محمد احمد الحسن فقد عظيم للامة الاسلامية ... اللهم لا تفتنا بعدهم ولا تحرمنا أجرهم 💔

اللهم تقبله قبولاً حسناً ووسع مرقده وآنسه في وحشته ونور قبره وثبته عند السؤال 🙏♥️

- في زول عارف محل شغال توصيل كتب وروايات غير بوكتينو؟


+

مستشفى بتاعت عيون شغالة في الخرطوم " ما طوارئ بس كشف نظر وكذه" 🖤.
وشكراً
@RUBAKHALID2

لمن اقوليك عندي ظروف ماضروري تكون الظروف الفي راسك يمكن عندي قيم ليدو

بالضبط كدا🍂🎻

”اللهم عليك بالمسافات، فإنها لا تُعجزك..“

Actions Always speak louder than words 🖤

قادرة افسر اي تصرف بيوحي باللطف كحاجة عظيمة و احس بالامتنان تجاه صاحبو و افضل مبسوطة كذا يوم
ماتتردد تكون لطيف وقت تقدر ❤️

‏" برغم أن قلب الإنسان يتوزع على أفراد عائلته بالتساوي، ولكن كلَّما أصاب أحدهم شيء، تداعى له سائر القلب بذلك ! ."
•

أما قبل ..
فكل هو ما دونك هباء ، لا الأيام هي الأيام ولا الصباحات في بعدك مشرقه ..
تراك خبّأت الشمس في راحتيك يومَ رحلت !
ما ضر الشمس لو خبأتها ، لو ارادت لانفلت من بين اصابعك الضي ..
لكنها آثارت كفيك و انكفأت عليك ..
لا ألومها ،، لو كنت مكانها لفعلت المثل ..
أما بعد ..
فإننا بخير ، انا و حواسي الخمس ، السمع و البصر و التذوق و الشم و اللمس ، ولكن جميعنا في افتقادك حضور ..

ما طلبنا من بعضنا غير التفهم لاحتياجنا ...
التفهم لاحتياجات الآخر هو احسن حاجه نقدمها ليه ، الاحتياجات المنطوقه و غير المنطوقه بس غير المنطوقه دي ليفل تاني من التفهم حاجه بعيده شديد ..
البيفهم الكلام البتقولو و رغباتك البتشرحا ، ما قصر معاك !
حاجه ما مرتبطه بي شكل علاقه واحده ، كل العلاقات قائمه على ال understanding ده ..
الحب ما كفايه ..كتير بنحب و ما نقدر و نظلم الحب بي كلامنا ..
نصر نتملك المحبوب ، و مش نتملكه و بس بل و نعيد هيكلته و بناءه وفقا للمواصفات و المقاييس بتاعتنا ..
نهدم هنا و نصلح هنا و نلتق هنا و نعمل زول بيناسبنا تماما !!
ناسيين تماما انك كيان قائم بذاتك و ما اخترت تتغير ، و لربما اجبرت قدام سيل الابتزاز العاطفي بتاع الحب ديه ، انك تكون زي ما مطلوب منك ، ما زي ما انت عايز !!
قصتيين ح احكيهم ، الاولى لصديق بتو حتدخل الجامعه و جابت نتيجه كبيره شديد تدخلا جامعه كبيره و عريقه لكن في مدينه تانيه و والدتا زي كل الامهات من حبها و خوفا عليها اتفقت معاه و مع البت انو لا ، تدخل جامعه كويسه في حتتنا دي و خلاص ، بعد فتره هو طالع مشوار بته قالت ليه عايزه اطلع معاك ..
المهم بكت و حنسته انه يا بابا ده مستقبلي و انا دايره الجامعه دي عشان كده و كده و انا والله واعيه لي كل شي !
و قد كان مشّى كلام بته و خلاها تمشي الجامعه البعيده اللي هي عايزاها و قال انه ما ممكن يحطم رغبات بته عشان هم خايفين عليها ..
بي بساطه قدر احتياجاتا !!!!
لو كل اب قدر احتيجات اولاده و اتفهم ، انا متاكده في ناس محطمين كتير كانت حياتم الليله حتكون مختلفه .
صديق تاني زوجته انجبت طفلين الفارق بينهم سنه ، و شغاله في الدوامه بتاعت لبس و اكل و غير لي مده طويله جدا ، و اي ام عارفه قدر شنو الحاجه دي مستحيله و هم في غربه ، و حصل انه هيا في يوم انهارت و بكت و بس بقت ما قادره تتكلم من البكا انها تعبانه و منهكه و بعيده من اهلها و ما قادره على العيال ...
طبعا ده انهيار لحظي و تفريغ شحنات سالبه ، كل العملو زوجها شال الاولاد و مرق الحديقه و جابم راجعين و جاب ليها تذكره و حجز فندق جميل في مدينه تاااانيه لمده اسبوع
قاليها امشي ارتاحي و انسينا عديل كده اقعدي اسبوع و انا باخد بالي من العيال ، انتي غيري جو و فضي ذهنك ...
اتفهم احتياجا !! بدون نقاش بدون نقه ، بدون انا مقصر معاك في شنو ..
هي فعليا ما مشت ، لكن انا متاكده انه الموقف و تفاعله معاه خلفو جواها اثر كبير و جميل ...
التفهّم ، كان ممكن اقول الفهم ، لكن الشده اللي على الهاء دي شده المجهود اللي مبذول من اجل الفهم !!
هو اقصى ما نقدمه من حب ، نتفهم احتياجات الزول البنحبه و لو كان احتياجه اننا نبعد عنه ..
شكرا ❤️
#سلمى__المصباح

دُنيَا بالحِنِّية تمشِي🌸

#رسالة_سعادة💛
فكرة اسراء مكاوي :
فكرت إني أعمل مبادرة تدعم الجانب النفسي لمرضى الكورونا وهي مبادرة إيجابية يعني لو بتعرف اي مريض مصاب بالكورونا ياريت تتواصل معاي عشان نسعدو ونخفف عليهو يعني ونجبر بخاطرو 💛
انا عن نفسي ح اكون ملزمة بتوصيل رسالة سعادة لي اي مريض 💛
ممكن كلنا نكون معاهم وندعمهم 💛
رسالة ما بتاخد من زمنك اكتر من ٣٠ ثانية أو دقيقة بالكتير قادرة إنها تحسس أخواننا وأخواتنا وأباءنا وأماتنا مرضى الفيروس اللعين إنهم مابراهم في مواجهتو 💛

وانو الشعب السوداني كلو بيقيف معاهم في محنتهم وبيشد من أزرهم وبيتمنى ليهم عاجل الشفاء وتمام الصحة والعافية وانهم يرجعوا في وسطنا ناشرين الإيجابية والأمل والتفاؤل 💛

رسالتك قد يكون ليها عظيم الأثر عليهو تسندو وتمسح على جبينو 💛

+249969356216

249906181797


#رسالة_سعادة 💛
#سوا_بنقدر 💛

‏"من المروءة ومن غيرِ المحبَّب الردُّ على من بعث إليك برسالةٍ مطوّلة أرادك لها وكلمةٍ مسهبة خصّك بها بردٍّ قصير مبتور فاتر، أو "رمز تعبيري" بارد خاوٍ من المعنى خالٍ من المشاعر، فإن في ذلك كسرًا للنفوس وحطْمًا للخواطر، وهو مجلبةٌ لسيّئ الظنون، ومدعاةٌ إلى الإعراض عنك والزهد بك".

#ح_أتزوج

صاحبة أختِي (في الثانوي) اللي كانت مضرب مثل في المدرسة في أخلاقها و دينها ، يلقاها أخوها الصغير منتحرة في بيتهم بعد عرفت إنو أمها إتسجنت نسبةً لتورُطها في ديون بعد إنفصالها من زوجها ، والحالة النفسية اللي دخل فيها أخوها بسبب الصدمة

الوجع اللي بنشوفه في عيون أصاحبنا و معارفنا بعد سنين بسِيطة من زواجهم ، بعد ما كانت عيونهم بتلمع حُب و فرح أيامهم الأولى


زمِيلة أخوي بالجامعة اللي جاني بوش مخطوف يقول لي انو شافها صدفة في الشارع بشكل و تصرفات (مدمن) ، وإنو كيف يتصرفوا ويساعدوها ، وبعد أيام قليلة يكلمني بوفاتها بجرعة زائدة ، و أهلها ما كانوا عارفين عن إدمانها شئ


البنت الصغيرة اللي جابوها لينا في حالة وضُوع (حمل سفاح) وملامح الحزن ، اليأس ، الفضيحة ، الخوف والطريقة الهستيرية اللي كانت بتردد بيها (حيقتلوني) ، و اللي ما عارفين إيش كان مصيرها أو مصير المسكين اللي في بطنها ، رغم انها كانت من عائلة محترمة!


عشرات الأطفال اللي حوالينا واللي بعانوا من اضطرابات نفسية ، فقط ذنبهم إنهم لقوا نفسهم بين أم ما بتعرف من التربية غير الصراخ ، و أب التربية عنده ضرب
أم نكدية و أب عصبي .. أم غير منصتة و أب مشغول ، أم غير واعية وأب ما شايف إنو الزواج والتربِية مُحتاجة وعي وتعلُّم

الفشل الدراسي و الإجتماعي ، الآمال اللي إتحطمت ، العقائد والإيمانيات اللي لحقتها عدوى التشكيك ، الإبداعات اللي ماتت ، الشخصيات العظيمة اللي كان ح يكون ليها أثر في المجتمع بس إنطفت
فقط عشان في اتنين قرروا ياخدوا أمر الزواج ببسَاطة ، بناءً على "سبهلليلة" الإعجاب و الإنبهار الأولي ، وعمى الحب المستعجل ، اتنين ما فكروا إنو تنازلاتهم واختياراتهُم الخطأ ، و خطواتهم الغير مدروسة وتوقعاتهم الحالِمة للزواج ما بس حتحكم على سعادتهم هم بالإعدام ، وإنما حيدفعوا تمنها أطفال ماليهم ذنب

فعشان كده ، لرُبما الروابط التحت دي تكون أعظم عِيدية نقدمها لبعضنا و لأطفالنا..
الدورات و المحاضرات دي من بين عشرات الدورات في النت ، بس حاولنا نجمع بين القاعدة العلمية (تربوية نفسية) والأساس الإيماني

1- سلسلة (ح أتزوج)/د.أيمن الشيخ ،
في الأول كان الواحد حزين إنو ما لقى محتوى سوداني ، بس قبل يومين وبعد كتابة البوست لمينا في البرنامج الجمييييل ده ، مبادرة سودانية بأسلوب جميل ومقاطع بسيطة ولغة سهلة ، و سمّينا عليها البوست فخراً و حُبّاً
https://www.youtube.com/playlist?list=PLbeP53QmxLqgKn6TS331Ko39OtHCqnt-Q&feature=share

2- محاضرة (زوج/زوجة في مخيلتي)، د.عبدالرحمن ذاكر الهاشمي ، و الاثنين اللي تحت برضو هو المتحدث
https://youtu.be/rHMXumeHcyA?list=PL4FWvkJ4yLYe_-oUgeQz3jefwFZ4gNa2O

3- (فقه "سيكولوجية" الحب و الزواج)
https://youtu.be/_Y6V7Xd0Nus?list=PLvGpI5t1gJ8RqZPWJi6ybKr4MAIvZ_k6w
ً
(ألف باء الحياة) فيها باقي الفيديوهات اللي بتتعلق بمواضيع الزواج و التربية ، صعب ننسخها كلها
https://www.youtube.com/playlist?list=PLvGpI5t1gJ8RqZPWJi6ybKr4MAIvZ_k6w&feature=share

3- سلسلة(الدورة التأهيلية للحياة الزوجية)/ د.محمد خير الشعال
صراحة يخليك تحب اللبنانيين زيادة أحيانا بدّي عالراس وبقصِف الجباه بس سلسلة قيّمة جداً
https://www.youtube.com/playlist?list=PLMPqxr1nu2Zev1kdVu7VqZpJuXVT65Z-f&feature=share


4- محاضرة (دليل المقبلين على الزواج)/د.جاسم المطوع
الدكتور عنده موقع باسم (دكتور خطوبة) ومحاضراته في أمور الزواج كثيييرة و مفيدة ، بس المحاضرة دي من أجملهم،
https://youtu.be/xYVG9aPjqFA

5- محاضرة (تعرف على شرِيك حياتك)/ د.ميسرة الطاهر ، كلامه عفوي و تحسه والد بنصح في عياله
https://youtu.be/7s_1G2ulecw?list=PLUVbRHMTS0HgcDDfuSNUyh0tNKDF1ujox

6- محاضرة (البحث عن الذات في الزواج)/د.إيّاد قنيبي ، كلامه عميييق ، أي شئ بمسكه ما بتمل منه ، حتنزل حلقات تتمة للموضوع بس تابعوا قناته ، هي تبع سلسلة المرأة بس موجهة للطرفين
https://youtu.be/gg58EV89J4k

7- محاضرة (دروس و عِبر في تربية الأبناء)/د.إيّاد قنيبي
يا ريت تبدوا بيها قبل أي رابط في الروابط دي كلها
https://youtu.be/4aTDEqGKo8U

8- محاضرة (كيف تصبح مربياً إيجابياً وفق المنهج الإسلامي) /د.مصطفى أبو السعد ، حيخليكم تحبوا التربِية ، و أرجعوا بعدها لبرنامجه (كما ربّياني)
https://youtu.be/mzjl9Z3tQMI

9- سلسلة (تربية الأبناء)/د.محمد خير الشعال
https://www.youtube.com/playlist?list=PLMPqxr1nu2Zc_vfl_Kinxm2sJwUMjRucs&feature=share

10- (رخصة قيادة الحياة الأسرية)/منصة زادي
المقاطع قصيرة وأحياناً مُختصرة جِداً بس شاملة لكل المواضيع، الإسلوب جامد شوية بس المحتوى قيّم جداً ، لو ما عندكم تلغرام موجودة على اليوتيوب
@rokhsathayat

- بالمقلوب :
الطبيعِي إنو أنا كبِنت مثلً أبدأ بكيفية إختيار الزَّوج بعدين أتشمشر لمُحاضرات إختيار الزَّوجة ولاحقاً التربية
#يتبع👇