إسلوب حيااه🌻💛

‏لقد كان نصيبنا من الكلام الجميل يأتي ف وسط الرسائل الجماعية

713 viewsأُمنيااآه💭, 21:18

بعرف لي واحد عنده حركة زابطة خلاص، عرفتها منو قبل فترة و بالجد عندها أثر جميل في الحياة 💙
بعمل شنو ؟
قبل رمضان بجيب ليهو ورقة و بكتب فيها كل الحاجات البتمناها سواءًا في الدنيا او في الاخرة، بعمل عصف ذهني شديد عشان يكتب اي شئ !
و كل يوم في رمضان قبل الفطور بدقائق كدة بجيب الورقة دي و بتذكر الحاجات و بدعي ربنا عشان يحققها ليهو كلها بنية أن للصائم عند فطره دعوة لا تُرد.
و كل يوم و التاني بعد رمضان/أثناء رمضان بتتحقق ليهو جزء من الحاجات دي لدرجة تخليهو مبسوط انه دعا ربنا و عمل الحاجة دي .. و لسه مواصل فيها -ماشاء الله تبارك الله عليهو- .. لدرجة أن أصبح يتلذذ بالآمر لذة عجيبة و ينصح بيهو كل البعرفهم 😇
فيا صاحب الهم .. يا صاحب الْحُزْن .. يا صاحب الفقد الجلل .. يا طالب المعالي .. يا من سئم الحياة .. يا من ضاع في دهاليز الوجود .. يا من ضلّ الطريق .. يا صاحب الشكوى .. و غيرهم ..
إني أدعوك لتُجرب شيئاً فريداً جميلاً ..
شيئاً سرعان ما ستتذوق حلاوته ..
شيئاً يقود للطمأنينة و السكون ..
إنه :
الدعاء الحسُن💙
إنه ذلك الدعاء اللحوح الذي تُظهر فيه مسكنتك و ضعفك و تذللك و خضوعك لخالقك مظهراً و كلمات ..
ذلك الدعاء الذي توقن في أن الله سيستجيبه لك حُسن ظنٍ منك .. لأنك تعلم يقيناً ذلك الحديث القدسي الذي يقول فيه الرحمن سبحانه "أنا عند ظن عبدي بي ؛ فليظن بي ما يشاء .. " 😇
هو ذلك الدعاء الذي تستشعر فيه منزلة الاحسان؛ أنَّ الله يراك و يسمعك و هو قريب منك سبحانه .. فتتفاءل و ينبسط قلبك ..
رمضان فرصة جميلة ان شاء الله عشان تقدر تعيش المعاني دي و تجربها و تستمتع بيها..
تقوم اسي تجيب ورقة و قلم و تكتب كل الحاجات النفسك فيها دنيا و اخرة، و ما تخلي حاجة ..
بعداك يا عزيزي كل يوم في رمضان و قبل الفطور تقعد براااك في مكان ما بشوفك فيهو زول و تدعي ربنا بتذلل و خضوع و خشوع و تلذذ و إحسان ..
كُن على يقين بأن الله على كل شئ قدير .. تذلل له و تضرع .. تباكى ان لم تستطع ان تبكي .. احكي ليهو بالعامية .. ما تخجل من شئ .. فضفض لربك سبحانه و تعالى .. و تذكر جيداً :
إن من أنعم سابقاً قادرٌ سبحانه على أن يُنعِم لاحقاً *(شرح ليها في اول كومنت)💚
كدي اتذكر معاي هل حصل دعيت ربنا دعوووة كااااااربة كدة و كترت منها شديييييد و كنت مضطر للموضوع شديييييد و انت بتدعو كل مرة بتحس انك قربت لموضوعك و دموووعك ماشة في انهماااار و بعد كل مرة تنتهي بتحس برااااحة نفسية جميلة كدة ؟
يلا لو ما حصل !!
بالجد حياتك ما عندها معنى :-/
دايرين نعيش .. دايرين نحب ربنا ..
دايرين ندعو لدرجة تخلينا كل ما تحصل لينا حاجة ندعو ربنا و يكون دعائنا سبب راحة لينا سواء الدعاء استجيب ام لا !؟
يا شباب ربنا ما محتاج واسطة و لا دمغة و لا وقت و لا مكان محدد ولا أمشي و تعال و حركات زي دي

رمضان مباركٌ علينا جميعاً ؛ هلَّا تقربنا لربنا و دعوناه بقلبٍ محسن الظن به سبحانه ؟

ربنا يوفقنا توفيقاً يجعلنا نشهد به محض فضله و صفي منته ؛ فنزداد به لله حباً و بحبه نزداد منه قرباً ..
و ربنا يرزقنا الفردوس الأعلى بلا حساب و لا سابقة عذاب و معنا جميع الصحب و الأحباب...
و شنووو يا ريييييت ياااا رييييت ياااا ريت ..
ترفع جضومك بدون يدينك ؛ يعني إبتســـم 😄😄😄
فالابتسامة تُزينك و تُجملك ..
و احستبها عند الله فهي سنة 💙

جزيتم خيـــراً .. و دمتم في رعاية الله 😇

#منقول_بحب💙
#دعواتكم

63 viewsأُمنيااآه💭, 22:22