#مطعم_الكفاح

بقلم: #نمارق_دفع_الله

الجزء 14


اها صديق ومودة نزلو من المواصلات. قدام باب الجامعه. اها صديق شاف حسام واقف في باب الاستقبال بتاع الاولاد. وحسام ذاتو شافو. وشاف مودة واقفه مع صديق. جاهم سلم عليهم. وصديق عرفو قال ليهو :اعرفك دي مودة زميلتي ودفعتي في الجامعه . ويا مودة. :الولد الغتيت والظريف ده اسمو حسام. زول صحبو واخوي شديد. مودة :اتشرفت بمعرفتك والله يديم الخوة بينكم. اتفضلو. ندخل جوة. مودة :انا استاذنكم يا جماعه ماشية لبنت خالتي معاكم في نفس الكلية . بلاقيكم وقت تاني. يلا happy chance. ومشت منهم اُهْا حسام. لاحقها بي عيونو لمن مشت وفي مشيتها تقدل. وزي الغزالة. قال لي صديق ..يا بن اللذينة وكمان جبتها بترطن انجليزي. والله لقيتك داهية لكن . صديق :والله ولا داهية ولا شي. لكن كل الحكاية البنت دفعتي وصدفة انو جينا الكلية سوا وكان شارعنا واحد لذلك طلعنا مع بعض حسام :ياخ بالله عليك انا صاحبك من زمان وعارفك وحافظك اكتر من نفسي تقول لي زميلتي. هههه ياخ شوف ليك زول تاني مشيهو بي كلامك ده. اها هسه تحت تحت كدة مافي اي حاجة ..والله انا حاسي انك بتحب البنت دي. صديق :ياخ حب شنو انت والله ما جادي بس. وقعد يضحك. حسام :عارف اخوك خبرة في الحاجات دي. الحب وواضح في عيونك زي عين الشمس بس انت ما معترف بيهو. لكن اهو احسن اسكت ويا خبر بفلوس بكرة يبقي ببلاش. وزي ما قال الشاعر : وللأحباب لغة العيون افضل خطاب. صديق :حتبطل نضامة يا حسام ولا ارجع. ياخ م تزهجني. بلا حب لا كلام فارغ. حسام :بنقنق وبقول. اصلا الحقيقة مرة هه. خلاص خلاص يا صديق اسف والله. اهو كدي تعال نتونس مع الشباب ديل. دخلو جوة وعرفو علي شلتو في الجامعه وقضو وقت ظريف مع بعض. لحد بعد العصر. صديق قال ليهو يا حسام انا بعد ده حاطلع. لانو الليلة الوردية بتاعه المطعم علي هههههه حسام. :خلاص كويس يلا نطلع. انا زاتي عندي مواضيع كتيرة عايز اخلصها خلال اليوم ده ان شاء الله. اها طلعو طوالي وحسام تلفونو اتصل قال لي صديق لحظة عليك الله ارد علي اميمة دي. وقفو جمب الصراف الالي. وفجأة مودة ومعاها بنت طلعن من باب الاستقبال بتاع البنات وكان معاهم ولد صديق انتبه ليهم والدم غلى في عروقو. اها قطع ليهم الشارع وسلم عليهم تاني. مودة قالت ليهو اعرفك. دي لدن بنت خالتي. ودة الطيب ود عمها. صديق اهلا وسهلا بيكم. اها قال ليها يا مودة ممكن لحظة. مودة وقفت معاهو علي جنب كدة. قال ليها:لي بتمشي وكمان بتتونسي مع الولد ده. قالت ليهو ده قريبنا وما فيها حاجة. صديق :ما فيها حاجة بالنسبة ليك يا مودة. لكن انا فيها حاجات بالنسبة لي. اسمعي هنا ببساطة جدا. انا ما عايزك تمشي ولا تتكلمي مع اي ولد تاني لو بقربك او لا مودة :ومنو انت ان شاء الله عشان تتدخل في علاقاتي مع الناس وبي صفتك شنو لمن بتفرض علي اوامر . صديق :انا انسان عادي جدا وبسيط ورجل غيور جدا علي حاجتو اللي بتخصو. مودة :انت شكلك مجنون والله ..اسمع هنا انا ماشية يا فالح وتاني ما تنكلم معاي. وهي ماشة كدة. صديق مسكها من يدها. وقال ليها وبي صوت واضح. انا اذا كنت مجنون فالسبب انتي. وبي صفتك حاجة غالية علي شديد. وبي صفتي شنو. انا بحبك يا مودة. ايوة بحبك جدا. وما بقدر اشوفك مع غيري. فجأة الشارع ده كلو صننن. وحسام اتخلع لمن جدع التلفون من يدو. وقال بسم الله الرحمن الرحيم ده مالو فجاه كدة. هههههه. شكلو صديقي العزيز قلب عنتر بن شداد. اها مودة نططت عيونها من السمعتو. وبقت تعاين ليهو. قال ليها ما تتفاجئي. اصلا ده الحب كدة. بجي فجأة دون استئذان. وعلينا نرحب بيهو .



يتبع....

#مطعم_الكفاح

بقلم: #نمارق_دفع_الله

الجزء 15


الحب يا مودة شعور مقدس. مودة :انت والله شكلك مجنون. وانا ماشة. يا الله ما تبتليني بالمجانين. لطفك يا رب. مشت وخلتو واقف لكن كلامو ما زال يرن في اضانها وحرك جواها شئ ما. ومرات الانسان بكابر وبخفي مشاعرو بالذات في الحب. اها حسام جاء. و قال ليهو :والله الليلة خلعتني خلعة ياخ بالغت معاي. ما اتعرفت عليك. والله ده شنو ده يا راجل المشاعر الجياشة دي. صديق قال ليهو :انا من اول يوم دخلت فيهو الجامعه لاقتني مودة دي ومن شفتها ارتحت ليها طوالي وكل مرة بحس في حاجة بتجذبني ليها لكن ما عارف شنو. انا بتمنى تكون معاي الوقت كلو. بتمني ما اتكلم مع غيرها ولا هي تتكلم مع غيري . بغير عليها من اي حاجة حتى نفسها حسام :لالا انت حمتك تقيلة يا فردة قوم يلا نمشي البيت. والصباح رباح بتلاقيها وبتكلمها برواقة . صديق :قالت ما جاية بكرة وحتى اذا جات فتاني ما حتتكلم معاي وشكلو نفسها اتسدت خلاص. حسام :ولا اتسدت ولا شي. انت كنت عايزها يعني تقول ليك شنو؟ ترد ليك في لحظتها وتقول ليك انا بحبك وبموت فيك وبعد شوية تمثلو فينا تركي وتجي عربية الطارة ترفعكم وترفعني معاكم ههههه. صديق :ده ما وقت هظارك ولا بياختك يلا خلاص اقفل الموضوع ده. حسام :لو علي انا قفلتو ..لكن مفتوح جواك انت. ونار الشوق مولعه. هههه. اها وطلعو مشو. المغرب خلاص اذن وصديق وصل بيتهم ..دخل اخد ليهو دوش واتوضى صلى المغرب وامو ختت ليهو الغداء. قال ليها ما عايز هسة باكل بعدين انا ماشي المطعم واحتمال اكل هناك اذا جعتا . اها ومشى طوالي استلم من علي وعلي رجع البيت. اها صديق قاعد في الكرسي كدة وشارد بافكارو. جاهو زبون قال ليهو لو سمحت. واحد طلب فول بالبيض. واحد ضان. اها صديق شال منو القروش وخصم الحساب ورجع الباقي والراجل مشي قعد في التربيزة علي بال ما الاكل يجهز اها تاني جاهو ذبون برضو عايز واحد طلب كبدة واحد سمك مشوي . اها صديق مشي وجاب للزبون الاول واحد طلب كبدة وسمك مشوي.وللزبون التاني واحد طلب فول بالبيض وواحد شية ضان وخت الاكل قدام كل واح الراجل ذاتو اتخلع. قال ليهو. لو سمحت الطلب ده ما لي انا والزبون التاني برضو قال ليهو انا ما طلبت فول ولا طلبت شية.. اها صديق مسافة حتي انتبه. قال ليهو معليش ما قاصد لخببطت في الطلبات العفو يا عم. اها قال ليهو خاتي بالك وين انت. صديق في سرو. والله انت ما عارف العلي سااي ولا كان بتعذرني. اها رجع لي كل واحد طلبو الاصلي واعتذر منهم ورجع قعد في مكانو. وبرضو رجع يفكر. يا ربي مودة هسه حتكون بتفكر فيني. حتكون متذكرة اعترافي ليها بحبي. حتحبني زي ما بحبها ولا لا؟ اها مودة بي هناك رجعت بيتهم وقاعدة مع ناس البيت كلهم في الصالون عندهم برنامج متابعينو. وهي ممحنة وسارحه هناك وبتفكر في كلام صديق. يا ربي الولد ده هسة بحبني جادي ولا بتكلم ساي لالا استحالة يكون بتكلم ساي. الحب ظاهر في عيونو. وانا احساسي عمرو ما خاب. لكن انا ما بحبو وما عندي اي شعور تجاهو. يعني اكيد الولد حيفتح معاي الموضوع تاني وتالت ورابع وما حيستسلم. وانا ما حاقدر اجرحو واكسر خاطرو وفي نفس الوقت ما بقدر اجاملو. يا ربي الهمني الصواب



يتبع...

#مطعم_الكفاح

بقلم: #نمارق_دفع_الله

الجزء 17


سهير قالت لي سلمي. حمد لله علي سلامتو مقدما وربنا يوفقو في حياتو. سلمى:والله عايزة اعرس ليهو. لان العمر ما مضمون وعلي الاقل افرح بيهو واشوف اولادو قبل الله ياخد امانتو سهير : الله يديك طول العمر وتشوفي اولادو واولاد اولادو يا رب. بي هناك صديق في الجامعة واليوم مسيخ عليهو شديد لانو مودة ما جات. دخل المحاضرة وشايف كل الناس اغراب عنو وكانو اول مرة يشوفهم. بعد المحاضرة خلصت. صديق قال لي شيخ الدين تعال عايزك في موضوع. شيخ الدين :خير يا مان في شنو؟ صديق :انت ثويبة دي مش بنت اهلك ؟ شيخ الدين :ايوة نعم. بس مالك بتسال؟ صديق :بسال لانها صحبة مودة وعلي طول معاها وانا عايزك تجيب لي رقم مودة منها. انا ما بقدر امشي اقول ليها عايز رقم مودة لانو مودة احتمال حذرتها تديني الرقم. لذلك يا صديقي العزيز اخدمني الخدمة دي. الشيخ :افووو. انا اخوك يا السارة. اجيبو ليك طوالي وهسة دي. اها في وقفتهم دي. ثويبة جات ووقفت سلمت عليهم. الشيخ قال ليها :اسمعيني. انتي صحبتك مالها اليوم ما جات الجامعة؟ ثويبة :والله مودة دي ابوها مريض عندو سرطان في الكلى واليوم جلسة الكيماوي بتاعتو عشان كدة ما جات. صديق لمن سمع كلام ثويبة عيونو اتملت دموع واتاثر لظروف حبيبتو جدا وقرر يقيف معاها ويساعدها ..لانو لو ما اثبت حبو ليها هسة ما لظن تجيهو فرصة زي دي. وتاني حاجة عايز انها تحس في زول واقف جمبها ويخفف عليها الالم شيخ الدين :طيب يا ثويبة اديني رقمها. عشان نتصل ليها. ثويبة اكتب عندك 0914595......الي اخر الرقم ..صديق حفظو سرريع في راسو ((رقم ست القلب وكدة هههه)) . اها والشيخ كتبو طوالي وثويبة مشت منهم. اها صديق مشي وحول ليهو رصيد. وجا قعد تحت شجر جوة الجامعة وضلها حلو والجو كمان هادئ وبمزاج كدة اتصل عليها تيت تيت. مودة ردت الو السلام عليكم صديق :وعليكم السلام ورحمة الله. مودة:منو معاي صديق :معاك صديق عبد المعطي. مودة :اهلا وسهلا ..مالك في شنو متصل علي؟ صديق :يا مودة يا ريت تديني فرصة اسمعيني للاخر وما تقفلي الخط ويا ريت اكون جزء لا يتجزأ من حياتك ((دي النسخة التركية طبعا هههه سودانية مااافي)) انا عارفت بي مرض الوالد الله يشفيهو ويعافيهو وحابي اقيف جمبك وما اتخلي عنك الا ربنا ياخد روحي. يا مودة انا ما بحبك وبس انا بعشقك وبتمني اعمل اي حاجة بتسعدك. انتي بس اديني فرصة اثبت ليك حبي ((اين يوجد هذا الكائن. ههه اللهم ارزقني مثله)) . مودة :والله يا صديق ما عارفه اقول ليك شنو. انا هسة حاليا مع ابوي في المستشفي وبكرة ان شاء الله بنتلاقي في الجامعة ونتناقش في الموضوع. واتوادعو. وقفل الخط. وفرح جدا صديق لانو اتاكد مودة خلاص حتديهو الاشارة الخضراء لانها لو كانت عايزة تصدو او تقفل كل الابواب في وشو ..كان شاكلتو وفصلت الخط بدون ما تسمع كلامو. وطلع مبسوط من الجامعة. يسلم علي اي زول يلاقيهو في الشارع. حتي سهير لاحظت التغيير المفاجئ دة. لكن قلب الام حس بيهو وقعدت تضحك وشكلها فاهمة وعاملة رايحة ..عايزاهو يجي يحكي ليها براهو



يتبع....

#مطعم_الكفاح

بقلم: #نمارق_دفع_الله

الجزء 16



اها صديق يفكر ويفكر وما شال مودة من بالو ولا لحظة وبعد خلص قفل المطعم وحاسب الاولاد الشغالين معاهو علي اليومية .ورجع البيت. ولقي سريرو مفرش برة في الحوش. وطوالي اتجدع ورقد فيهو. امكن غمض عيونو لكن قلبو صاحي. ينوم حبة ويصحي تاني يعاين في السماء ونجمة نجمة الليل يعدو. اصبح الصباح. كالعادة صلي الصبح في الجامع ورجع لقي سهير عاملة الشاي بي اللبن المقنن والزلابيا ..اهع نادتو تعال يا صديق اشرب الشاي قال ليها :ما عندي نفس. اها قالت ليهو :هوي يا ولد انت قصتك شنو من امس. الغداء قلت م عايز وهسة الشاي برضو. في شنو يا ولدي. اها في اللحظة دي علي جاء داخل عليهم وسمع طرف الكلام .. قال ليها والله يا امي ولدك ده امس ما نام الليل كلو يتقلب وانا لاحظت ليهو. هنا صديق قال ليهو معناها انت ذاتك ما نمت هههه عمر قال ليهو انا بي سببي ممتحن والقراية متنشنة بي. لكن انت. لا تكون بتحب ونحنا ما عارفين وجري منو وصديق جري وراهو ساكيهو. وسهير تضحك عليهم. حاج عبد المعطي جاء داخل. قال ليها اولادك لقيتهم ساكين بعض في الحوش هسة عليك الله ما يخجلو. الولد الطويل العوير دة في الجامعة جارس ورا اخوهو. سهير قالت ليهو. :مهما كبرو ياها حركات الهظار بتاعه الاخوان . وعلي فكرة يا عبدو والله صديق ولدك ده ليهو كم يوم حالتو ما عاجباني. عبد المعطي :حالة شنو يا سهير. انتي عارفه شباب اليومين ديل الواحد من يدخل الجامعة ببدا يحس بالمسئولية ..زايدا دراستو زاتو بشيل ليها هم. فما تشغلي بالك الموضوع عادي. وقام مشى. اها فاطمة وهي طالعة ماشية المدرسة صديق قال ليها خليني اتقدم معاك لمن ماشة يا فاطمة طريقنا واحد وطلعو الاخ واختو مع بعض. اها فاطمة صادفت لينا في الشارع سلمت عليها وعرفتها علي صديق. واتفارقت منو في نص المسافه ومشت مع لينا المدرسة وشكلو الولد عجبهع واتكسرت من اول مرة. وبقت لاصقة في فاطمة 24ساعه. ومرات تشوف اي حاجة بتوديها بيت ناس صديق عشان تشوفو لكن ما بتلاقيهو علي طول. اها سهير لاحظت الزيارات المتكررة لي لينا. نادت فاطمة سالتها 'انتي يا بنت فصة لينا شنو الايام دي بتجيك كتير كدة. فاطمة "ابدا والله يا امي بتجي تذاكر معاي ومرات تتونس. البنت ما عندها اخوات ومعتبراني زي اختها. لكن انتي بتسالي لشنو يا امي؟ هوي اسمعي هنا. البنت دي امها صحبة سلمى وكلهم نسوان بتاعات مشاكل وتهاني دي سمعتها مشبوهه. وثم ثانيا خايفة البنت دي تعمل ليها مصيبة وتجي تلصقها في واحد من اخوانك وتشوه سمعتهم. يا بنتي المثل بقول ابعد عن الشر وغنيلو. فاطمة قالت ليها :يعني يا امي اطردها واقول ليها تاني ما تجي بيتنا. سهير :لا م تطرديها انتي خليك ساكتة انا بتصرف. بي هناك في بيت سلمي ♥. جوالها يتصل. ردت لقتو ده اشرف. اهلين شروووفي حبيبي كيفك. اشرف:اهلين امي كيف حالك. سلمي :انا تمام الحمد لله. وبي عاافية والله. اها جاي في رمضان ولا غيرت رايك والله يا امي غيرت راي. سلمي تقاطعو :سجمي خشمي يا يمة مالك غيرت رايك كر علي ما جاي ولا شنو؟ اشرف :جاي يا امي بعد اسبوع وهسة بديت في اجراءات السفر. سلمي :تجي بالسلامة يا ولدي فرحت قلبي والله. اشرف :دايما فرحانة يا امي ان شاء الله. يلا معاك سلامة برجع ليك تاني. سلمي :الله يسلمك يلا ودعتك الله. وقفلت الخط ولفحت توبها جري علي بيت ناس سهير وفي الباب صادفت لينا طالعه منهم وفاطمة مقدماها .سلمت عليهن الاتنين وفي جواها بتتسائل البنت دي الجابها هنا شنو؟ لكن ما اهتمت بالموضوع ودخلت طوالي لي سهير سلمت عليها وفكت فيها شمار انو ولدها جاي من برة



يتبع....

#مطعم_الكفاح

بقلم: #نمارق_دفع_الله

الجزء 18


في يوم من الايام وفاطمة راجعة من المدرسة ومعاها هديل وهم لافين بي لفة كدة بس شافو عربية لافة بي نفس اللفة بتاعتهم ..وفاطمة خافت شديد. وبقت تلاوز للعربية لحد ما صدمتها ..ووقعت في الارض وهديل بدت تصرخ. في اللحظة دي العربية وقفت. نزل منها ولد كدة يكون عمرو زي 28سنة طويل حلاتو وملامحو اصيلة نيلية. رفع فطومة في العربية وجري علي المستشفى فتح بلاغ تحت اورنيك 8جنائي ودخلوها الدكاترة سريع اسعفوها. والحمد لله طلعت رضوخ بسيطة وكسر في اليد اليسرى. واتصلو لناس بيتهم وحضرو في المستشفي سريع. سهير تكورك وتسكلب. كر علي يا بنتي الحصل عليك شنو. ووب علي عين ووقعت عليك . وصديق وعمر يسكتو ويصبرو فيها. عبد المعطي قال ليها :يا سهير ده قدر ومكتوب الا شيلي الصبر واتحزمي في الحارة. وهم بتكلمو كدة الدكتور طلع وقال ليهم. وين اهل المصابه. عبد المعطي قال ليهو انا ابوها. ودي امها واقفه معاي. اها الدكتور :كل الحصل رضوخ بسيطة في الظهر وعشان نتاكد اكتر انو مافي شي خطير. عملنا صور مقطعية للراس ومنطقة الحوض بتظهر بعد ساعتين. وبالنسبة للكسر. فحاجة بسيطة بتاخد مدة وتشفي. وللاطمنان اكتر. ننتظر الصورة تطلع ونقرر علي اساسها .. الدكتور مشي منهم. وجاهم الولد اللي ضرب فاطمة بالعربية ووقف سلم عليهم وعبد المعطي وسهير عرفوهو لانو ده اشرف ولد سلمي جارتهم. المهم مرت الايام وقفلو الموضوع وعم عبد المعطي قال البت بنتي والولد ولدي ما عايز اي قضية وعفا الله عما سلف. والضربة دي كانت سبب لحاجة تانية ربنا مقدر انها تطلع ويسر ليها الاسباب وحنفهم الحكمة من الحادث في الحلقة القادمة. اها مودة دي عندها صحبتها اسمها يسرا حكت ليها باءحساس صديق تجاهها. وانو منتظر منها رد ومنتظر يتكلم ويتناقش معاها يسرا :هوي يا مودة عايزة الجد ولا ود عمو مودة :اكيد عايزة الجد يسرا :اسمعيني هوي. بلا حب بلا جوطة الولد ده لا بحبك لا شي وثم ثانيا حتي لو كان بحبك حيعمل ليك شنو يعني. الولد ده لسه قدامو مستقبل. حتخرج متين ويشتغل ويقدر يفتح بيت ويعيشك عيشة الملوك. يا بنتي خليك عملية وانجزي اقرب واحد جادي يجيك عرسيهو طوالي ولا تتلفتي. مودة :والله يا يسرا انا ما بحبو وما عندي شعور تجاههو سوي الاحترام وما بنظر ليهو غير انو زميل دراسة وبس. يسرا :خلاص عندي ليك فكرة مودة :فكرة شنو؟ ؟ يسرا :بما انك ما عندك شعور تجاهو. فليش ما تحسسيهو بانك بتحبيهو. ياخ عيشي وقتك وبس ..وبعدين فكيهو عكس الهواء منها تعرفي اذا بحبك جد ومنها تتسلي وتلقي اللي بيهتم بيك مودة :انتي يا يسرا بتنقضي نفسك بي نفسك كيف يعني اختبرو اذا بحبني او لا وفي نفس الوقت انا ما عندي ليهو شي. وما حارتبط بيهو ده اسمو يا يسرا لعب بالمشاعر ودي ما من اخلاقي يسرا :ما تعملي لي فيها مثالية بالله. البنات دي كلها بتحب واحد واتنين وتلاتة مودة قاطعتها :هو حب ولا قطع غيار. لالا والله انا م بعمل حاجة زي دي. ما بقول ليهو بحبك بالكذب وفي نفس الوقت ما بقدر اجرحو. والله ما عارفه اعمل شنو يسرا :خلاص خليك كدة *انا العلي عملتو ووريتك تعملي شنو. مودة :فوضت امري لله. واكيد لو الموضوع فيهو خير ربنا بسهلو لي والعكس صحيح



يتبع....

#مطعم_الكفاح

بقلم: #نمارق_دفع_الله

الجزء 19



مرت الايام وفطومة طلعوها من المستشفي بيتهم. وزيارات اشرف اتوالت عليهم وطوالي بجيها يطمأن علي حالها ولمن يغيب ما يجي فطومة بتكون قلقانة ويومها ناقص. اها يوم كالعادة من الصباح طالع عشان يمشي علي بيت عم عبد المعطي سلمي امو قبضتو في باب الشارع. اها علي وين يا ابو الشوش. اشرف :والله يا امي ماشي اطمئن علي البنت الضربتها دي. سلمى:هوي يا ولد البنت بقت نصييبحة وتجري زي الحصان مالك ومالها. والله شايفاك سويت الدرب ساساقه لكن. كل يوم جاري بيت الناس. خلاص بعد ده كفا. واعقل اقعد ف الارض دي. وعلى فكرة انا زاتي خلاص قررت اعرس ليك اشرف :تعرسي لي شنو يا امي. لسة والله ما عايز اعرس هسة. سلمى:هوي ها على كيفك هو. انا لقيت ليك بنت اصيلة وبنت بلد وبتحترمني زي امها وحتحبك وتصونك في غربتك يا ولدي. اشرف:لكن يا امي انا لا شفتها ولا بعرفها اوافق بيها كيف؟ سلمى :ومنو القال انك ما حتشوفها وما حتتعرف عليها. بكرة مش الجمعه. حنعزمها هي واهلها شاي المغرب ومنها تقعد وتتونس معاها. اشرف :والله يا امي انا ما عارف اقول ليك شنو؟ لكن انا قلبي اتفتح لانسانه تانية وحاسس نفسي حاقدر اعيش معاها هي وبس. سلمى:انا اديت الناس كلمة وكلمت ام البنت. عايز تكسر كلمتي مالك. وثم ثانيا بلا قلبك انفتح بلا اتقفل. خليك مع اختياري واختيار قلبك ده خليهو ساي غير يوجعك ما حتستفيد حاجة. اشرف :حاضر يا امي. الله يكتب الفيهو الخير. خلاص استاذنك انا حامشي بيت عم عبد الفتاح ومنهم حاطلع لجماعه اصحابي. وبجي العصر. يلا السلام عليكم. اها اشرف طلع بي جاي وسلمي شالت التلفون وطوالي اتصلت لمنوو؟ اتصلت لتهاني والدة لينا. عشان تبشرها انها فتحت الموضوع مع ولدها وهو وافق مبدئيا كدة. تهاني لمن سمعت كلام سلمى طارت من الفرح ولو ما خافت سلمي تفكر انها مستعجلة وخفيفة كان زعردت لكن كتمتها. وسلمى طبعا عزمتها هي ولينا انو يشرفوهم بكرة المغرب في البيت. اها تهاني بعد قفلت الخط نادت لينا. تعالي يا لينا اجري يا بنتي. عاد جبت ليك خبر السرور لينا جات جارية. مالك يا ماما في شنو؟ تهاني :طاقه القدر واتفتحت لينا يا عسل لينا :طاقة شنو. وده كلام شنو البتقولي فيهو يا ماما. تهاني :ببساطة كدة في عريس لقطة طالبك للزواج وبكرة عازميننا اهلو المغرب وحنلبي دعوتهم اكيد لينا :عريس منو يا امي ومنو القال انا عايزة اعرس. تهاني :هوي يا بنتي تعرسي او ما تعرسي ده ما قرار بتتخذيهو انتي. عايزة اعرس ليك انا امك دي وباءرادتي عشان اطلعك من ذمتي. يا امي انا ما عايزة اعرس. ويلا انا طالعه وحامشي لفاطمة ازورها واجي. وطلعت وقفلت باب الشارع وراها وخلت امها واقفه في نص الحوش وتنادي ولينا ولا اشتغلت بيها. وسبحان الله اشرف ولينا الاتنين كل واحد ماشي يشوف حبيبو ماشين بيت الحب. بيت عم عبد الفتاح لكن كلو حب من طرف واحد. لينا بتحب صديق وصديق بحب مودة. اما اشرف بحب فاطمة ودي شكلها بتحب حسام صاحب صديق. وكل الجماعه داخلين في حلقة تسمى دوامة الحب. وتلك الدوامة التي تدخل في متاهة ليس لها اخر وبعد ده كلو ما معروف القسمة والنصيب وين. تحب انسان وتتعلق بيهو وهو كمان يعشقك ويموت عليك. لكن يجي النصيب ويحدد حنكمل حياتنا مع منو. انت تريد وانا اريد والله يفعل ما يريد. ما علينا في الحياة الا الرضا بالمقسوم لانو عبادة. ولانو رضا بحكم ربنا. فالصبر لا ياتي الا بالفرج



يتبع....

#مطعم_الكفاح

بقلم: #نمارق_دفع_الله

الجزء 20

لينا وصلت لي فاطمة وقاعدة تتونس وتضحك معاها وسهير مغيوظة منها لكن ما قادرة تطردها لانو الناس بتجيهم عشان تكفر لي فاطمة وفي جواها بتقول السترة والفضيحة متباريات.هسة لو رميت لي كلمة لبنت الناس دي. اللوم حيلبسني من ساسي لي راسي. اها عملت العصير ونادت خديجة الصغيرة. تعالي يا خدوج وخديجة قاعدة في التلفزيون ولا همها وامها تنادي وتنادي. اها قامت سهير وشالت العصير لي صحبات فاطمة المعاها ورجعت المطبخ عندها حلة في النار. وهي قاعدة كدة جاها عبد المعطي((عفوا في الحلقة 1كتبتو عبد الفتاح وفي حلقة تانية برضو عبد المجيد تقريبا لخبطت في الاسماء هههه ..وخير الاسماء ما حمد وعبد) ). اها قال ليها اشرف ده جاي يشوف فاطمة امشي كلميها خليها تلبس عباية ولا توب. سهير نفضت يدها ودخلت لي فاطمة في البرندة وهديل ولينا قاعدات. قالت ليها يا فطومة اشرف ده جاي يشوفك. ختي ليك حاجة في راسك ده وطلعت قالت لي عبدو خليهو يتفضل. اها اشرف وصديق الاتنين واقفين في باب البرندة بالطرف. اشرف قال يا ساتر وصفق. فاطمة بي صوت حنين كدة اتفضل يا البرة. اشرف جا داخل وصديق معاهو طبعا دخلو سلمو علي البنات وقعدو زي خمسة دقايق وطلعو. بعد طلعو لينا قالت :ووب يا فطووومة عااد الضربك ده. بس دماااار عديل ملاك نازل علي الارض. والله لو ما كنت بحب واحد تاني كان ثبتتو طوالي. لكن تقولي شنو القلب وما يريد فاطمة قالت ليها :انتي تعالي هنا يختي بتحبي منو ؟ لينا :البحبو انتي بتعرفيهو حق المعرفة ويوميا بتشوفيهو ..وبرضو بتحبيهو زي ما انا بحبو. فاطمة في اللحظة دي نططت عيونها وخافت من جواها انو يكون المقصود اشرف هديل نطت ليهم في نص الونسة --يا فطوم لينا دي ما عايزة تورينا خايفة اننا نحسدها او نخطفو منها وفي اثناء الونسة صديق جاء راجع تاني ووقف برة في الباب ..قال ليها يا فاطمة هاك التلفون ده في زول عايزك فاطمة عايزة تقوم. لينا قالت ليها :لالا اخدي راحتك م تتحركي. انا بجيبو. وطلعت برة شالت التلفون من صديق وهي بتبحلق فيهو لمن خجلت الولد دنقر في الارض ومشي. ادت فاطمة التلفون. الو :السلام عليكم. حسام :وعليكم السلام ورحمة الله. كيفك يا فاطمة. ان شاء الله اتحسنتي. فاطمة :والله كويسة الحمد لله حسام :خلاص بطلي استهبال بعد ده وقومي عشان امتحاناتك قربت. انتي نسيتي انو السنة الجاية ممتحنة الشهادة وعايزين نسمعك في الاذاعه. طبعا حسام غاظها وهاظرها وضحكها كعادتو. وفي النهاية ودعها وقفل الخط. وهي لسه خاتة التلفون في اضانها وسارحة هناك وبتقول والله الولد ده بحبو عشان خفة دمو وظرافتو دي لينا قالت لي هديل :اقرصيني في يدي ي هدولة. انتي سمعتي الانا سمعتو. هديل :ااي سمعت يختي. كدي دقيقه تخليها تكمل سرحتها دي فجاة وهم قاعدين كدة سمعو صوت كواريك ولمن طلعو برة شافو النار والدخان يكتم النفس ولمن وصلو لقريب خشم الباب. كان الدخان كثييف لدرجة ما قدرو يشوفو الحاصل شنو.



يتبع...

#مطعم_الكفاح

بقلم: #نمارق_دفع_الله

الجزء 21


الحريق ده كان في المطعم. مطعم الكفاح. اللي تعبت فيهو اسرة عبد المعطي كلها. اي فرد في الاسرة كان ليهو الدور في قيام المطعم وشهرتو. مطعمهم اللي كان مصدر دخلهم بعد مهنة ابوهم اللي ما بتغطي احتياجاتهم لكن صابرين وشاكرين ربهم. السبب في الحريق. تسرب الغاز. مما ادي اللي احتراق المطعم بالكامل. وكان جواهو علي وعمر لكن الزباين ساعدوهم وانقذوهم واتصلو بالمطافي اللي كالعادة بتجي بعد النار تقضي علي الاخر واليابس. زيها وزي الشرطة البتجي بعد الجريمة تحصل وتنتهي ومرات تروح الادلة. زيها وزينا لمن نقيف في الصفوف منتظرين في المصالح الحكومية ..وده حال البلد. ربنا يصلحو. حريق المطعم كان كارثة للاسرة كلها وحتي الزباين حزنو شديد. وطبعا عمكم عبد المعطي ..اصابو حرق طفيف في يدو. لكن مع الادوية البلدية. حالتو اتحسنت. وزي ما بقول المثل. الرجال مواقف. يلا اشرف وقف معاهم وقفة لا تنسى في مصيبتهم ..وجاء لي عم عبدو وقال ليهو انا عايز اشاركك. وما تفتكر اللي حاقولو ليك ده مساعدة مني او حاجة تانية .. انا بس عايز ارجع الاتهدم من اول وجديد عايز ابنيهو. والخسائر كلها علي. نوقف المطعم من جديد وانتو بي شغلكم وجهدكم وانا بي قروشي. والربح بالنص اها رايك شنو؟ عم عبد المعطي قال ليهو :الله يسوي الفيها الخير كلامك كويس ..وبدآ في اجراءت الصيانة الكاملة واشتري كل الادوات والاواني اللازمة للمطعم. وطبعا سلمي لمن عرفت جاطت جوطة شديدة في اشرف. وقالت ليهو :انت عايز تكمل قروشك مع الناس. انا علمتك تبقي فاعل خير لكن كمان ما علمتك تدي قروشك للغاشي والماشي. اشرف ده يا اخواننا نوع الاولاد البالهم طووويل حبل بس ((تعالو شوفو اخونا واحد هههه احممممق لدرجة وبزعل من اقل شي) ) وسلمي كلامها ما بتخليهو لكن ما بناقشها ولا بسالها بس ما بقول . ليها غير حاضر ونعم . ولسة مصرة علي موضوع عرسو من لينا. لكن بعد الحاح وتمثيل واستخدام كل الوسائل قدر يقنعها بانو لينا دي ما البنت اللي هو عايزها. وانو عايز فاطمة وبرضو ما وافقت عليها الا بعد تعب .. مرت الايام والمطعم ازدهر من اول وجديد. وفتحو منو فروع كتيرة في مناطق عديدة. وبي مرور الايام والازمان بتتغير حاجات كتيرة. مودة طبعا ابوها اتوفي الله يرحمو ويرحم موتانا. وصديق وقف جمبها واثبت ليها حبو. وطبعا اتخرجو من الجامعه واشتغلو في شركة هندسية استشارية كدة. وبالفاتحة في بيت الحلال ربنا توج حبهم. واتزوجو .. وناس عمر وعلي برضو علي وشك تخرج. والاتنين واحد دخل كلية الشرطة واحد دخل كلية الطب. والبنات فاطمة اتزوجت اشرف. وخديجة برضو خطبها شيخ الدين صاحب صديق. وحسام اتزوج هديل صاحبة فطومة. ولينا سمعت انو خطبها واحد من الحلة واتزوجت ولا لا ما متاكدة .. بالكفاح والعمل يدا بيد نحو الغد. الراجل والمرة بيقدرو انهم يربو اولادهم مهما صعبت الحياة وضاقت وسيلة المعيشة. بالحب والود بتتفتح ابواب مقفولة. الاسرة لمن تتعاون مع بعض بتقدر تتخطي كل المشاكل. بتقدر تكون اسرة ناجحة. لمن وسيلة المعيشة تكون حلال دي حاجة مهمه وحلوة جدا بغض النظر هي شنو. والصح ما نخجل او نستعر من مهنة الوالد او الوالدة. لانهم ولولانا نحنا م تعبو للدرجة دي وكانو مرتاحين. لكن في سبيل راحتنا بيعملو اي شي





....... الـنـهـايـة .......

الورد اليومي👇

أوليس الابتعآد عن شخص خوفاً من
الوقوع في حبّه هو ذآته حُب؟ "♥️

أنا لستُ شخصاً سيئاً ،
أنا شخص جيد حدثت له
أمورٌ سيئة.🥀"

ويشهد الله على ‏أن كل شيء
- حتى العلاقات . .
لم تكن يومًا بالمدّة وإنما بالعمق !

- أي رجل يقول لك أنه يفهم
النساء تمامًا ..
هذا مغفل ،
لأنهن مخلوقات غير قابلة للفهم !

- كان يخون ذات الشعر الأسود مع الشقراء
فعندما سألوه لماذا لا تخبرها بأن تغير لون شعرها للأشقر
قال : حتى لا تنجرح مشاعرها و تظنني لا أحب لونه
.
ما ألطف الرجال ❤️🙂

يقول احدهم : ‏فقدت الثقة في النساء من أيام الإبتدائي، حين قلت لزميلتي في الصف أنني أحبها فأخبرت المعلمه بذلك .. 🌚💔

“فلا وِصَال لمن بالوصل قد بَخلوا
ومن تناسى فإنّا قد نسيناهُ.” 💙

بكامل ارادتي ؛
لم أعد أريد أن أعني لأحد شيئاً ،
أريد سلاماً داخلياً فقط .

مسامحين كُل اللي أذوكم؟💛