‏- أنت ازاى عايش كل حياتك دى سنجل ؟
- بعمل علاقات كده بدماغى من غير ما ارتبط!

كتاب جميل اقروه♥️🍃

ياجماعه لو في زول عندو اي طفل بقرب ليهو او بعرفو عندو مشكله في اسنانو يراسلني على نفس الحساب ضروري @nooreeenooo

‏إن الله تعالى يضئ مابين المشرق والمغرب أيعجز أن يضئ قلبك الصغير؟....
صباح الخير🍃♥️

الورد اليومي

- احكي شو فيكي زعلانة ؟
- أنا ما بعرف احكي عن يلي جواتي ،
بعرف أبكي ، أبكيلك ؟ 💔

و إني احبك حبا شاهقا لا يخدشه الخصام بيننا ولاتنقضه المسافات ، لا يمسه احد ولا يعلو فوقه شيء👌💙 واني احبك امتلاكا وتملكا وكمالا وأغار عليك تعصبا و تجننا وحنانا🎀 ويستقيم قلبي في كل الامور واليك يميل😌🌼😍

شوف نفسك بـعين الشخص اللي تحبه ‏اذا حبيت نفسك بعيونه بستاهلك
‏اذا لا ابتعد
#نصيحه ❤️

استند عليك و كأنك آكثر الاشياء ثباتاً في هذا العآلم ♥️

طيب ياجماعه دايرين نلعب لعبة اي زول عندو كلام داير يقولو لي زول يرسلو لي في حسابي بشرط الزول ده يكون معانا في القناه وانا حنزل الرسالة بدون اسم وت دو يو ثنك؟😺♥️ @nooreeenooo واذا زبطت حكمل معاكم
ليه ماإتفاعلتوا ياخ ☹️💔

الآن ردد؛
"اللهُم إعتق رقبتي من النار💭.
- 5 مرات.
"اللهُم إنك عفو كريم تحب العفو فأعفُ عنا☁️".
- 5 مرات.
"اللهُم صلِّ وسلم على نبينـا مُحمد وعلى آل مُحمد🌸".
- 5 مرات.
"استغفر الله واتوبُ إليه🍂".
- 5 مرات.
"سُبحان الله وبحمده سُبحان الله العظِيم🍁".
- 5 مرات.
"لا إله إلا الله واللهُ اكبر ولا حولَ ولا قوةَ إلا بالله والحمدُلله🌴".
- 5 مرات.
ذكِر بها غيرك لتُضاعف حسناتك 🔐💕.

- ياترئ هل تشعر بي ،!

- بعيدا عن أي مبرّر إشتقت لك .

اريد أن انام لسنين طويلة ..!📇✨

روايه#مطعم_الكفاح

#مطعم_الكفاح

بقلم: #نمارق_دفع_الله

الجزء 13


نمشي علي صديق شوية في الجامعه. نعرف الحاصل معاهو ♥. صديق اتصل عليهو حسام. الو صديق كيفك. صديق :الحمد لله تمام. حسام :وينك يا مان. عليك الله تعال علينا في الكلية عندنا قعدة ظريفة كدة. صديق :حاضر يا حسام بس عندي ورشة عمل اخلصها واجيك. ماشي. حسام :طيب خير يلا سلام لبعدين . اها صديق طوالي دخل ورشة العمل بتاعتو. وخلص منها سريع. وهو طالع كدة لاقاهو في الباب ولد من دفعتو اسمو شيخ الدين سلم عليهو. صديق قال ليهو وينك الليلة م جيت يا الشيخ. فقدناك والله. الشيخ :ما تفقدو عزيز يا رب لكن والله ظروف في البيت. خليها بالنية بس. الاتنين واقفين كدة جات بنت سلمت عليهم اسمها مودة برضو دفعتهم. صديق :اللليلة نبخرك بشنو. جيتي وسلمتي علينا. الشيخ :الا نبخرها بي شطة هههه. مودة :كيف ما اسلم عليكم. ده الواجب ياخ. وانتو اخواني واصحابي ودفعتي. الشيخ :والله كويس. وانا كنت فاكرك مفترية. مودة ما مفترية ولا شي والله لكن مضغوطة والله يعلم بجي الجامعه بخلص محاضرات وبطلع سريع ووقت ما عندي. صديق :اسفين وقفناك في الشمس الحارة دي. اتفضلي الكفتيريا نشرب حاجة باردة. مودة :شكرا ليكم ما بتقصرو والله. لكن مستعجله شديد. يلا معاكم سلامة. الشيخ علي وين مستعجله كدة؟ مودة :والله ماشية لبنت خالتي في الجنوبي. صديق :طيب حلو. وانا زاتي ماشي الجنوبي. لحسام صحبي. خلاص يلا اطلعي نمشي مع بعض. طيب تمام. وودعو الشيخ وطلعو هم الاتنين اها ركبو المواصلات ويتونسو ساي. اها مودة ختت يدها في راسها صديق لاحظ ليها. مالك يا مودة مصدعة ولا شنو؟ مودة قالت ليهو :صداع بسيط ما تشيل هم. صديق :ده شكلو كلامي الكتير معاك. مودة :ابدا والله اصلا من قبيل حاسة بيهو. صديق قال ليها طيب خلاص ما تمشي. خلينا ننزل اوصلك بيتكم . وامشي اخدي راحتك هناك. مودة :لا ولا يهمك والله عاادي اصلا اتعودت علي الصداع. صديق :والله ما عارف يا مودة لكن ما بقدر استحمل اي حاجة بتوجعك. مودة :شكرا جزيلا كلك ذوق. صديق :ما تتهابلي يا بنت. نحنا واحد ما بيننا شكر وعرفان. مودة :طيب اوكي. اها تاني حسام اتصل صديق رد.عليهو يا حسام نحنا جايين في الطريق. حسام :انتو منو. مين المعاك. يا صديق. صديق اووو معليش. اقصد انا جاي في الطريق. اها في اثناء المكالمة. مودة قالت لصديق بكرة يا صديق انا ما جاية الجامعة. وحسام سمع صوت البنت بتتكلم بس ما عرفها منو لكن اتاكد انها مع صديق. في اللحظة دي قال ليهو اهاااا يا غتيت. عرفت معاك مزة. وما عايز تتكلم .. لكن كويس اصبر لي يا جزمة بعد تجي. كمان بقيت تعرف مزز الليلة ما بخليك. صديق :ههههه. والله غايتو صاحبك وقع وقعة عجيبة ياخ. خلاص يلا انا قربت عليك



يتبع....

#مطعم_الكفاح

بقلم: #نمارق_دفع_الله

الجزء 14


اها صديق ومودة نزلو من المواصلات. قدام باب الجامعه. اها صديق شاف حسام واقف في باب الاستقبال بتاع الاولاد. وحسام ذاتو شافو. وشاف مودة واقفه مع صديق. جاهم سلم عليهم. وصديق عرفو قال ليهو :اعرفك دي مودة زميلتي ودفعتي في الجامعه . ويا مودة. :الولد الغتيت والظريف ده اسمو حسام. زول صحبو واخوي شديد. مودة :اتشرفت بمعرفتك والله يديم الخوة بينكم. اتفضلو. ندخل جوة. مودة :انا استاذنكم يا جماعه ماشية لبنت خالتي معاكم في نفس الكلية . بلاقيكم وقت تاني. يلا happy chance. ومشت منهم اُهْا حسام. لاحقها بي عيونو لمن مشت وفي مشيتها تقدل. وزي الغزالة. قال لي صديق ..يا بن اللذينة وكمان جبتها بترطن انجليزي. والله لقيتك داهية لكن . صديق :والله ولا داهية ولا شي. لكن كل الحكاية البنت دفعتي وصدفة انو جينا الكلية سوا وكان شارعنا واحد لذلك طلعنا مع بعض حسام :ياخ بالله عليك انا صاحبك من زمان وعارفك وحافظك اكتر من نفسي تقول لي زميلتي. هههه ياخ شوف ليك زول تاني مشيهو بي كلامك ده. اها هسه تحت تحت كدة مافي اي حاجة ..والله انا حاسي انك بتحب البنت دي. صديق :ياخ حب شنو انت والله ما جادي بس. وقعد يضحك. حسام :عارف اخوك خبرة في الحاجات دي. الحب وواضح في عيونك زي عين الشمس بس انت ما معترف بيهو. لكن اهو احسن اسكت ويا خبر بفلوس بكرة يبقي ببلاش. وزي ما قال الشاعر : وللأحباب لغة العيون افضل خطاب. صديق :حتبطل نضامة يا حسام ولا ارجع. ياخ م تزهجني. بلا حب لا كلام فارغ. حسام :بنقنق وبقول. اصلا الحقيقة مرة هه. خلاص خلاص يا صديق اسف والله. اهو كدي تعال نتونس مع الشباب ديل. دخلو جوة وعرفو علي شلتو في الجامعه وقضو وقت ظريف مع بعض. لحد بعد العصر. صديق قال ليهو يا حسام انا بعد ده حاطلع. لانو الليلة الوردية بتاعه المطعم علي هههههه حسام. :خلاص كويس يلا نطلع. انا زاتي عندي مواضيع كتيرة عايز اخلصها خلال اليوم ده ان شاء الله. اها طلعو طوالي وحسام تلفونو اتصل قال لي صديق لحظة عليك الله ارد علي اميمة دي. وقفو جمب الصراف الالي. وفجأة مودة ومعاها بنت طلعن من باب الاستقبال بتاع البنات وكان معاهم ولد صديق انتبه ليهم والدم غلى في عروقو. اها قطع ليهم الشارع وسلم عليهم تاني. مودة قالت ليهو اعرفك. دي لدن بنت خالتي. ودة الطيب ود عمها. صديق اهلا وسهلا بيكم. اها قال ليها يا مودة ممكن لحظة. مودة وقفت معاهو علي جنب كدة. قال ليها:لي بتمشي وكمان بتتونسي مع الولد ده. قالت ليهو ده قريبنا وما فيها حاجة. صديق :ما فيها حاجة بالنسبة ليك يا مودة. لكن انا فيها حاجات بالنسبة لي. اسمعي هنا ببساطة جدا. انا ما عايزك تمشي ولا تتكلمي مع اي ولد تاني لو بقربك او لا مودة :ومنو انت ان شاء الله عشان تتدخل في علاقاتي مع الناس وبي صفتك شنو لمن بتفرض علي اوامر . صديق :انا انسان عادي جدا وبسيط ورجل غيور جدا علي حاجتو اللي بتخصو. مودة :انت شكلك مجنون والله ..اسمع هنا انا ماشية يا فالح وتاني ما تنكلم معاي. وهي ماشة كدة. صديق مسكها من يدها. وقال ليها وبي صوت واضح. انا اذا كنت مجنون فالسبب انتي. وبي صفتك حاجة غالية علي شديد. وبي صفتي شنو. انا بحبك يا مودة. ايوة بحبك جدا. وما بقدر اشوفك مع غيري. فجأة الشارع ده كلو صننن. وحسام اتخلع لمن جدع التلفون من يدو. وقال بسم الله الرحمن الرحيم ده مالو فجاه كدة. هههههه. شكلو صديقي العزيز قلب عنتر بن شداد. اها مودة نططت عيونها من السمعتو. وبقت تعاين ليهو. قال ليها ما تتفاجئي. اصلا ده الحب كدة. بجي فجأة دون استئذان. وعلينا نرحب بيهو .



يتبع....

#مطعم_الكفاح

بقلم: #نمارق_دفع_الله

الجزء 15


الحب يا مودة شعور مقدس. مودة :انت والله شكلك مجنون. وانا ماشة. يا الله ما تبتليني بالمجانين. لطفك يا رب. مشت وخلتو واقف لكن كلامو ما زال يرن في اضانها وحرك جواها شئ ما. ومرات الانسان بكابر وبخفي مشاعرو بالذات في الحب. اها حسام جاء. و قال ليهو :والله الليلة خلعتني خلعة ياخ بالغت معاي. ما اتعرفت عليك. والله ده شنو ده يا راجل المشاعر الجياشة دي. صديق قال ليهو :انا من اول يوم دخلت فيهو الجامعه لاقتني مودة دي ومن شفتها ارتحت ليها طوالي وكل مرة بحس في حاجة بتجذبني ليها لكن ما عارف شنو. انا بتمنى تكون معاي الوقت كلو. بتمني ما اتكلم مع غيرها ولا هي تتكلم مع غيري . بغير عليها من اي حاجة حتى نفسها حسام :لالا انت حمتك تقيلة يا فردة قوم يلا نمشي البيت. والصباح رباح بتلاقيها وبتكلمها برواقة . صديق :قالت ما جاية بكرة وحتى اذا جات فتاني ما حتتكلم معاي وشكلو نفسها اتسدت خلاص. حسام :ولا اتسدت ولا شي. انت كنت عايزها يعني تقول ليك شنو؟ ترد ليك في لحظتها وتقول ليك انا بحبك وبموت فيك وبعد شوية تمثلو فينا تركي وتجي عربية الطارة ترفعكم وترفعني معاكم ههههه. صديق :ده ما وقت هظارك ولا بياختك يلا خلاص اقفل الموضوع ده. حسام :لو علي انا قفلتو ..لكن مفتوح جواك انت. ونار الشوق مولعه. هههه. اها وطلعو مشو. المغرب خلاص اذن وصديق وصل بيتهم ..دخل اخد ليهو دوش واتوضى صلى المغرب وامو ختت ليهو الغداء. قال ليها ما عايز هسة باكل بعدين انا ماشي المطعم واحتمال اكل هناك اذا جعتا . اها ومشى طوالي استلم من علي وعلي رجع البيت. اها صديق قاعد في الكرسي كدة وشارد بافكارو. جاهو زبون قال ليهو لو سمحت. واحد طلب فول بالبيض. واحد ضان. اها صديق شال منو القروش وخصم الحساب ورجع الباقي والراجل مشي قعد في التربيزة علي بال ما الاكل يجهز اها تاني جاهو ذبون برضو عايز واحد طلب كبدة واحد سمك مشوي . اها صديق مشي وجاب للزبون الاول واحد طلب كبدة وسمك مشوي.وللزبون التاني واحد طلب فول بالبيض وواحد شية ضان وخت الاكل قدام كل واح الراجل ذاتو اتخلع. قال ليهو. لو سمحت الطلب ده ما لي انا والزبون التاني برضو قال ليهو انا ما طلبت فول ولا طلبت شية.. اها صديق مسافة حتي انتبه. قال ليهو معليش ما قاصد لخببطت في الطلبات العفو يا عم. اها قال ليهو خاتي بالك وين انت. صديق في سرو. والله انت ما عارف العلي سااي ولا كان بتعذرني. اها رجع لي كل واحد طلبو الاصلي واعتذر منهم ورجع قعد في مكانو. وبرضو رجع يفكر. يا ربي مودة هسه حتكون بتفكر فيني. حتكون متذكرة اعترافي ليها بحبي. حتحبني زي ما بحبها ولا لا؟ اها مودة بي هناك رجعت بيتهم وقاعدة مع ناس البيت كلهم في الصالون عندهم برنامج متابعينو. وهي ممحنة وسارحه هناك وبتفكر في كلام صديق. يا ربي الولد ده هسة بحبني جادي ولا بتكلم ساي لالا استحالة يكون بتكلم ساي. الحب ظاهر في عيونو. وانا احساسي عمرو ما خاب. لكن انا ما بحبو وما عندي اي شعور تجاهو. يعني اكيد الولد حيفتح معاي الموضوع تاني وتالت ورابع وما حيستسلم. وانا ما حاقدر اجرحو واكسر خاطرو وفي نفس الوقت ما بقدر اجاملو. يا ربي الهمني الصواب



يتبع...