‏لما يجيك زول يتكلم معاك و يحاول يخفف عنك ، حاسب على طريقة كلامك وبطل اختصار وبرود، بإمكانك تقول ليهو م حقدر اتكلم، م تعمل فيها إنك متضايق شديد لدرجة انك تغير طريقة كلامك أو تسفهو ، على الاقل قدّر حتة إنّو جا وخلى كل شي عشان يسندك ، بعد م حاول يقيف معاك م تحسسو كأنو م عمل ليك شيء.

‏من الذوق إنك ما تختبر صبر الناس.. و قدرتهم على التحمل..
عشان الزول ممكن يتحملك مرة و اتنين.. لكن لما تتمادى..
قدرة تحملهم ح تقل..
فما تجبرهم بي سخافتك يتخلوا عن لطفهم معاك..
أبقى لطيف عشان تُعامل بلطف..

قالت:-
لما يقول لي منفسن وزهجان ببقي اتكلم معاه ريكوردات وبقعد اتعاور ليه لحد م يروق وينسي الزعل كلو.💛

وحدة تانية قالت:-
هو بسافر بعيد مني ومن اولادو فبقي ثابت بتنشن ويزهج كل اسبوع هو صاح غصبا عننا وعنو بس نعمل شنو ف الوضع دا!؟بقيت اسجل ليهو فيديوهات انا واولادي وبس يزهج برسلهم ليه شوية وبروق.💛

واحدة قالت:-
أخوي لما إختلف مع خطيبتو وإنفصلو بقا كائن أنطوائي ومابحب يطلع ولاحتي ف الحوش م بيقعد طوالي جيت من بيتي قعدت معاهم فترة وبقيت بعمل وسعي عشان اطلعو من الحالة دي ف البداية م كان بستجيب بس شوية شوية رجع احسن من اول.💛

واحدة بتحكي: -
أنا وحيدة أبوي أمي إتوفت من أنا صغيرة وأبوي دا كل الطلعت بيه من الدنيا دي عشت معاهو كل لحظاتي الحلوة ماحسسني بالفراغ حق الام والاخوان كان ببقي لي أم بالصباح وهو بجهزني للمدرسة وبسرحني وبعمل لي الساندوتش، كان أخو لما اجي ويلعب معاي وبيحضر معاي برامجي المفضلة، كان أخت لما كبرت وماعرفت أواجه الحياة بيجيني وأحكي ليهو كل شي لما كبرت وجا وقت أني إتزوج حالتو إتغيرت لدرجة قربت أخلي العرس وأفضل طول عمري جنبو عدا علي شهر وأنا بعيدة عنو جيت لقيتو متغير شديد وأبدا دا م أبوي البعرفو وقتها الحياة دي ورتني قدر شنو نحن بنكون حلوين ومنورين جنب البنحبهم قررت ماأمش وأخليهو ينطفئ سكنت معاه وخليهم يقولو راجلا قاعد في بيت أبوها أنا أبوي دا عندي بالدنيا 💛

واحد بيحكي:-
أمي من لما إتوفي أبوي الله يرحمو ويغفر ليه بقت في حالة سكون دايما نادرا م تتكلم أو حتي تستجيب لو إتكلمت معاها البيت مسخ لي بدونا خاصة إني الوحيد أخواني ماهنا وكتير بحس بالوحدة ونفسي لو أجي أرقد في حضنا وأشكي بس هي حالا أصعب مني فكرت كتير مالقيت حل غير إني أطلع بيها من الجو الكئيب دا إتشاورت مع أخواني وسفرناها عمرة وبعد جات حسيت إنو الحياة رجعت لي والله 💛

واحد بقول:-
ماح اقول عنها منفسنة بس هي بالجد كدا 😹 بتحيرني بنكون حلوين وقاعدين ف امان الله فجأة بتقفل معاها بس هي كدا وانا عايزا كدا فبقيت متعود عليها وبس تنفسن بعمل البيطلع بيدي عشان م اخليها في الحالة دي مرات بسيب الشغل والاقيها ونغير جو احيانا بتصل عليها واونسا واخلق مواضيع من ماف لحد م بقت مابتنفسن كتير💛

في واحد تاني قال:-
أختي دايما بتشكي مننا هو بصراحة نحن كترناها عليها متخيلين بت واحدة عايشة بين 5أولاد اليوم كلو طالعة ونازلة شغاله هو عادي بس بقت تشمع كل المواضيع البتزعلا فينا 😹 ومعاها حق مرة اتفقت مع اخواني نخليها ترتاح بعد طلعت الجامعة نضفنا البيت وكوينا وعملنا عصير وطلبنا غداء وعملنا كيك ماطلع ظابط بس لما شافت الحاجات دي بقت تبكي وتحضن فينا بالصف من يوم شفت الفرحة دي ف عيونا انا من دون باقي اخواني واظبة علي عادة اني اساعدا وم اخليها زعلانة وابقي ليها زي الاخت الكانت بتتمناها 💛

قال:-
هي صحبتي شديد وانا م بقدر اشوفا زعلانة والله فلما تنفسن وتزهج انا مابعرف اطمن لو م طلعتها من المود دا بخلي كل الفي يدي وببقي شغلي الشاغل افرحا احيانا بتصل عليها اونسا ومرات بلاقيها نتونس وتغير جو لحد م تنسي النفسنة واهدأ 💛

الخلاصة يخوانا نحن مالينا غير بعض إحتوو بعض الناس للناس اخوك، اختك،امك،ابوك،خطيبك،حتي البيست داك بنحتاج لبعض النفسنة والزهج والمود العلي طول خربان للاسف الاسيف بقت جزو من واقعنا 😔 نسيب مكابرة ونبطل نعمل فيها مافارق معانا لانو بالجد نحن م قدر كدا ،الواحد بحاول يتماسك بس مابقي عندنا طاقة للتماسك، عشان كدا خليكم قريبين من بعض ،ساعدو بعض، ابقو حتة أمان لزول، خلو ليهو مساحة يعرف يرتاح فيها وهو معاكم، كل زول لازم يكون عندو زول بلجأ ليه وبس يبقا معاه يرجع أحسن من أول، زول يحتويك ويطبطب عليك، يخفف عنك،يزكرك تعمل الصاح من الغلط،زول يتذكرك ويدسك بين دعواتو، وأبقو عافية 💛

#نوودين_ملجأكم_الآمن_فأهربو_اليه_يا_بيستات 💛

اذكار الصباح♥️.

‏أستغفر الله العظيمَ الذي لا إله إلا هو الحيَّ القيومَ وأتوب إليه💛

‏صباح الـ :على قيد قربك انا بألف خير ♥️ 🕊.

​​اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ​​ ..💛")

..

‏اللهم صَلَّيْ وَسَلَّم على حَبِيبنا مُحَمَّد ﷺ ❤️.

‏الحمد لله على حال اصابنا من غير حول منا ولا قوة❤️

صدقه جاريه لفقيدتي حنان عثمان💛
كُن من الذاكرين 🌸.
- سُبحان الله ❄.
- الحمدلله🍃 .
- لا إله إلا الله🌿 .
- اللهُ أكبر🍁 .
- سُبحان الله و بحمدهِ 🍥.
- سُبحان الله العظيم 🌱.
- استغفر الله و أتوبُ إليهِ💎 .
- لا حول و لا قوة إلا بالله💟 .
- اللهُم صلِ على نبينا محمد 💕.
- لا اله الا انتَ سبحانك💗.
اني كنت من الظالمين🌱.
- حسبي الله لا اله الا هو 🌿.
عليه توكلت وهو رب العرش العظيم★

‏"الحمدلله الذي أرضاني بنفسي وبكُل أمر مُقدر لي ، الحمدلله حين أضحك وحين أحزن ، الحمدلله في كُل حين"❤.

"واعلم أن الدنيا
‏ستكسرك كسراً موجعاً يليقُ بها
‏والناس سيخذلونك خذلاناً يليق بهم
‏فاصبر‌ ولا تجزع
‏فالجبار سيجبرك جبراً يليق به
‏وليغلبنَّ جبره كسرك
‏ولتصلحنَّ رحمته حزنك
‏فاستندْ بظهرك المائل على باب صراطه المستقيم
‏واترك ما أهمّك في يد رحمنٍ رحيم
‏والسلامُ

لك مِني ما أراهُ مِنك..

هذه المرة بدأ الألم في عقلي، أظنُ أن قلبي قد تلف...

"على أمل أن تمُر هذه الأيام بسلام."💛

‏" أنا أؤمن بأن قطعة الخبز التي نرفعها من الشارع و نقبلها ثم نضعها جانبًا خوفًا من أقدام الناس ، هي النعمة التي سترد إلينا يومًا ما♥."

مَن لا يَقبلك مُخطِئاً ؛ لَن يَقبلك أبداً!💛

...

‏يُقبِلُ الفلّاح بالمنجل، تتساءل السنابل:
أليس هذا هو الرجل نفسه الذي كان
يسقينا ويُغنّي!..

اهديتا خاتم حق حديد
تحلف حبيبتي تقول دهب
وفي العادة جيبي ملان نبق
تحلف حبيبتي تقول عنب ..
شفتو الحبيبة دي سمحة كيف ؟ ♥️♥️