#مطعم_الكفاح
بقلم: #نمارق_دفع_الله
الجزء 07
اها الاولاد طلعو من صديق وفي الشارع بضحكو ..قالو واخيرا الولد ده برااهو ريحنا من انو نعمل فيهو حاجة تانية وما حيمتحن وما حنشوف خلقتو دي .. الولد اللي جاب ليهم خبر انو صديق اتعافي وخطتهم فشلت بسسبو. الولد ده اسمو حسام. اها حسام ده ضميرو انبو شديد ..وقرر انو يمشي ويعترف لصديق بالعملوهو فيهو وبي كدة يخلص ضميرو من العذاب ..وكان بتكلم في سرو :انا لو مشيت لصديق كدة ربنا حيرضي عني واحتمال انجح في الامتحان وما اتعاقب بالعملتو ده. وما ينطبق فيني المثل ♥من حفر حفرة لاخيه وقع فيها. اها الاولاد لاحظو لي حسام سارح وغرقان في عز افكارو ..في واحد منهم طقطق ليهو ف وش. هييي سارح وين؟ حسام اتخلع ذاتو. قال ليهم لالا ولا شي. بس خايف من الامتحانات لانها قربت وانا ما قاري حاجة. كلهم قعدو يضحكو قالو ليهو كلنا في الهواء سوا ..كلنا ما قارين حاجة وهم ما عارفين انو حسام ناوي علي شنو وبفكر في شنو ..المهم انو اقنعهم. اها في نص الطريق قال ليها استاذنك شباب. عندي عمي بيتو بي جاي انا حامشي اسلم ليهو وبعد المغرب بجيكم. ودعهم ومشي ..وعلي وين رجع تاني بيت صديق ..ودق الباب ..اها سهير احتارت ف الولد جا راجع لشنو لكن ما حبت تسالو ..اها دخل لي صديق وقال ليهو والله يا صديق انا ما عارف تاني اواجهك باي وش. انا خنت الصداقة والعشرة انا ما استاهل تقول علي صديقك الوفي. انا والله الشيطان غشاني. انا اسف عليك الله سامحني. صديق كان راقد في السرير قام علي حيلو. قال ليهو مالك يا حسام بسم الله ..عايز تموت ولا شنو بتقول في كلامك ده. مالك الحاصل عليك شنو؟ حسام قال ليهو :انا عايزك تسامحني يا صديق. انا عايز ضميري يرتاح. صديق قال ليهو احكي الحاصل شنو. اها حسام بدي يحكي ليهو متذكر يومك الجيت تشرح لينا يلا اليوم داك انا والشباب عملنا ليك مادة مخدرة وبتسمم الدم عشان انت تمرض وما تمتحن. وانا والله بس اغروني الشباب وانا ما كنت عايز اتصرف كدة وفي البداية لمن سمعتهم بتكلمو جيت وناقشتهم وقلت ليهم ما صاح تعملو في الولد كدة شاكلوني وكانو حيقتلوني. قالو لي يا عبيط دي حاجة بسيطة بس بتقلل التركيز وما بتعمل حاجة تاني اتاريهو الموضوع خطير وهم غشوني وما عرفت حقيقة انو النادة دي مخدرة الا بعد انت طلعت مننا ومشيت انا دخلت المطبخ لقيت في ورقة واقعة في الارض لاحظت ليها لانو كنت شايل القلم بتاعي وانا داخل المطبخ والقلم وقع مني لمن جيت اشيلو شفت الورقة لمن قريت محتواها من برة عرفتها دي مصيبة واكيد عملوها ليك.وبرضو اتاكد لي من كدة لانو انا جيت المستشفي مع اختي ولقيت علي اخوك ولمن سالتو حكي لي الحصل عليك وانا من لحظتها ضميري تاعبني وما بقدر انوم وقررت اشيل الهم دي من قلبي واجي اكلمك وان شاء الله بعد ده تسامحني كل الكلام ده حكاهو حسام ودموعو ما وقفت لحظة من الجريان صديق قام من سريرو وجا قعد جمب حسام.حتي صديق ذاتو دموعو سالت من الحكاية قال ليهو يا حسام الاعتراف بالذنب فضيلة وانا مسامحك والله وعفا الله عما سلف وكلنا خطائون وخير الخطائون التوابون. رغم اني اتالمت جدا انكم اصحابي وعملتة فيني كدة لكن انا عازرك لاني عارف انهم ضغطوك وعارف معدنك كويس ورغم انهم غلطو في حقي لكن انا وكلت امري لله وعارف ربنا ما بضيعيني. حسام قال ليهو خلاص يا صديق ما دام انت سامحتني انا عايز اطلب منك طلب.صديق قال ليهو اتفضل. اها حسام قال ليهو تتنازل عن قرارك بانك ما حتمتحن الشهادة.صديق قال ليهو ايوة ما حامتحن وده قرار ما بتنازل منو لكن صديق قال كدة لي حسام رغم انو اعتذر ونطق الحقيقة لانو مامتطمن ليهو
يتبع....
بقلم: #نمارق_دفع_الله
الجزء 07
اها الاولاد طلعو من صديق وفي الشارع بضحكو ..قالو واخيرا الولد ده برااهو ريحنا من انو نعمل فيهو حاجة تانية وما حيمتحن وما حنشوف خلقتو دي .. الولد اللي جاب ليهم خبر انو صديق اتعافي وخطتهم فشلت بسسبو. الولد ده اسمو حسام. اها حسام ده ضميرو انبو شديد ..وقرر انو يمشي ويعترف لصديق بالعملوهو فيهو وبي كدة يخلص ضميرو من العذاب ..وكان بتكلم في سرو :انا لو مشيت لصديق كدة ربنا حيرضي عني واحتمال انجح في الامتحان وما اتعاقب بالعملتو ده. وما ينطبق فيني المثل ♥من حفر حفرة لاخيه وقع فيها. اها الاولاد لاحظو لي حسام سارح وغرقان في عز افكارو ..في واحد منهم طقطق ليهو ف وش. هييي سارح وين؟ حسام اتخلع ذاتو. قال ليهم لالا ولا شي. بس خايف من الامتحانات لانها قربت وانا ما قاري حاجة. كلهم قعدو يضحكو قالو ليهو كلنا في الهواء سوا ..كلنا ما قارين حاجة وهم ما عارفين انو حسام ناوي علي شنو وبفكر في شنو ..المهم انو اقنعهم. اها في نص الطريق قال ليها استاذنك شباب. عندي عمي بيتو بي جاي انا حامشي اسلم ليهو وبعد المغرب بجيكم. ودعهم ومشي ..وعلي وين رجع تاني بيت صديق ..ودق الباب ..اها سهير احتارت ف الولد جا راجع لشنو لكن ما حبت تسالو ..اها دخل لي صديق وقال ليهو والله يا صديق انا ما عارف تاني اواجهك باي وش. انا خنت الصداقة والعشرة انا ما استاهل تقول علي صديقك الوفي. انا والله الشيطان غشاني. انا اسف عليك الله سامحني. صديق كان راقد في السرير قام علي حيلو. قال ليهو مالك يا حسام بسم الله ..عايز تموت ولا شنو بتقول في كلامك ده. مالك الحاصل عليك شنو؟ حسام قال ليهو :انا عايزك تسامحني يا صديق. انا عايز ضميري يرتاح. صديق قال ليهو احكي الحاصل شنو. اها حسام بدي يحكي ليهو متذكر يومك الجيت تشرح لينا يلا اليوم داك انا والشباب عملنا ليك مادة مخدرة وبتسمم الدم عشان انت تمرض وما تمتحن. وانا والله بس اغروني الشباب وانا ما كنت عايز اتصرف كدة وفي البداية لمن سمعتهم بتكلمو جيت وناقشتهم وقلت ليهم ما صاح تعملو في الولد كدة شاكلوني وكانو حيقتلوني. قالو لي يا عبيط دي حاجة بسيطة بس بتقلل التركيز وما بتعمل حاجة تاني اتاريهو الموضوع خطير وهم غشوني وما عرفت حقيقة انو النادة دي مخدرة الا بعد انت طلعت مننا ومشيت انا دخلت المطبخ لقيت في ورقة واقعة في الارض لاحظت ليها لانو كنت شايل القلم بتاعي وانا داخل المطبخ والقلم وقع مني لمن جيت اشيلو شفت الورقة لمن قريت محتواها من برة عرفتها دي مصيبة واكيد عملوها ليك.وبرضو اتاكد لي من كدة لانو انا جيت المستشفي مع اختي ولقيت علي اخوك ولمن سالتو حكي لي الحصل عليك وانا من لحظتها ضميري تاعبني وما بقدر انوم وقررت اشيل الهم دي من قلبي واجي اكلمك وان شاء الله بعد ده تسامحني كل الكلام ده حكاهو حسام ودموعو ما وقفت لحظة من الجريان صديق قام من سريرو وجا قعد جمب حسام.حتي صديق ذاتو دموعو سالت من الحكاية قال ليهو يا حسام الاعتراف بالذنب فضيلة وانا مسامحك والله وعفا الله عما سلف وكلنا خطائون وخير الخطائون التوابون. رغم اني اتالمت جدا انكم اصحابي وعملتة فيني كدة لكن انا عازرك لاني عارف انهم ضغطوك وعارف معدنك كويس ورغم انهم غلطو في حقي لكن انا وكلت امري لله وعارف ربنا ما بضيعيني. حسام قال ليهو خلاص يا صديق ما دام انت سامحتني انا عايز اطلب منك طلب.صديق قال ليهو اتفضل. اها حسام قال ليهو تتنازل عن قرارك بانك ما حتمتحن الشهادة.صديق قال ليهو ايوة ما حامتحن وده قرار ما بتنازل منو لكن صديق قال كدة لي حسام رغم انو اعتذر ونطق الحقيقة لانو مامتطمن ليهو
يتبع....
#مطعم_الكفاح
بقلم: #نمارق_دفع_الله
الجزء 08
اها حسام بعد سمع رد صديق. اتاثر شديد. وقال ليهو عليك الله يا صديق ما تحسسني اني بقيت سبب دمار مستقبلك. صديق قال ليهو لالا ما تشيل هم ولو اي حاجة غلبتك او ما فهمتها تعال لي في باقي الايام دي اشرح ليك. والصراحة يا اخواننا صديق عايز يضرب عصفورين بحجر واحد. منها صديق ما يعرف انو عايز يمتحن لكن ما عايز يوريهو الحقيقة لانو لسه ما واثق فيهو ومتاكد انو حيكلم باقي الجماعة وتاني حيدبرو ليهو مصيبة. ومنها يذاكر مع حسام في نفس الوقت ويستفيد من الشرح . بالنسبة للمطعم فكرتو نجحت وشغالين فيهو عمر وعلي. .وسهير وبناتها بعملن الاكل بافضل الطرق وحبة حبة الزباين كترت في المطعم ومرات بتجيهم طلبيات مناسبات. . اها سهير لمن شافت الحكاية ماشة بسط معاهم قالت لي عبد المعطي تخلي شغلة الخياطة دي وتجي تقيف في المطعم لانو الاولاد ديل لسه صغار وما بقدرو عليهو براهم. ومرات في حاجات بتتطلب يكون معاهم زول كبير. عبد المعطي قال ليها انا الشغل ده اتعودت عليهو وبالنسبة لي زي الاكسجين البتنفسو ومن قمت صغير وانا بشتغل اسكافي ..وما بقدر اغير شغلي بي شغل تاني. سهير قالت ليهو انت امكن فهمتني غلط. انا اقصد ليك انك تخلي المكان اللي بتشتغل فيهو وتجي هنا قدام المطعم ده تشتغل وزباينك حتزيد ومنها حتتابع اولادك وشغلهم وعينك حتكون عليهم. عبد المعطي قال ليها لو كدة خلاص موافق مافي مشكلة .. يوم والوقت كان زي نصف النهار كدة سهير جاتها جارتها سلمي تتونس معاها وتشرب القهوة. سلمي قالت ليها ما شاء الله عيني باردة عليك فتحتو ليكم مطعم والرجل ماشية وجاية فيهو. سهير قالت ليها اي والله قلنا احسن نستفيد. والله يا سلمى الحياة بقت صعبة وتربية الاولاد والمسئولية وغلاة المعيشة. عشان كدة لازم المرة والراجل يعملو مع بعض ويدعمو بعض ويكونو في المرة قبل الحلوة يد واحدة. سلمي قالت ليها والله كلامك سمح بالحيل. .عليك الله فهمي الراحل الدلاهه الاسمو راجلي ده. سهير :عيب عليك يا سلمى ده راجلك وابو اولادك ما حلوة في حقو تقولي دلاهه. سلمي قالت ليها اهو قلتها وخلاص. سلمي دي يا اخواننا من النوع البزعل سريع وصعب الاعتذار منو. وحمقاء لدرجة قف ... اها اخدت قعدتها مع سهير وقالت ليها بعد ده اقوم امشي يختي عنديـشغل كتير في البيت .. سهير قدمتها وطلعت معاها لحد باب الشارع وكانت عايزة تقول ليها ان شاء الله نا نجيك في شينة ..قالت ليها ان شاء الله تاني ما تجينا. سلمى زعلت زعل واتحمقت وردت لي سهير. تاني انا كان جيتك الله يقطع رحليني ديل. والله انتي ما بتخجلي ..كان تطردينا عديل ..كان تقولي انا ما بستقبل ضيوف. وسهير تشيل وتعتذر ..والله اسفة يا سلمي. دي ذلة لسان وانا ما قاصدة والله ..عليك الله اعفي لي. سلمي قالت ليها انا ماشة بيتي وتاني القي البجيك
يتبع....
بقلم: #نمارق_دفع_الله
الجزء 08
اها حسام بعد سمع رد صديق. اتاثر شديد. وقال ليهو عليك الله يا صديق ما تحسسني اني بقيت سبب دمار مستقبلك. صديق قال ليهو لالا ما تشيل هم ولو اي حاجة غلبتك او ما فهمتها تعال لي في باقي الايام دي اشرح ليك. والصراحة يا اخواننا صديق عايز يضرب عصفورين بحجر واحد. منها صديق ما يعرف انو عايز يمتحن لكن ما عايز يوريهو الحقيقة لانو لسه ما واثق فيهو ومتاكد انو حيكلم باقي الجماعة وتاني حيدبرو ليهو مصيبة. ومنها يذاكر مع حسام في نفس الوقت ويستفيد من الشرح . بالنسبة للمطعم فكرتو نجحت وشغالين فيهو عمر وعلي. .وسهير وبناتها بعملن الاكل بافضل الطرق وحبة حبة الزباين كترت في المطعم ومرات بتجيهم طلبيات مناسبات. . اها سهير لمن شافت الحكاية ماشة بسط معاهم قالت لي عبد المعطي تخلي شغلة الخياطة دي وتجي تقيف في المطعم لانو الاولاد ديل لسه صغار وما بقدرو عليهو براهم. ومرات في حاجات بتتطلب يكون معاهم زول كبير. عبد المعطي قال ليها انا الشغل ده اتعودت عليهو وبالنسبة لي زي الاكسجين البتنفسو ومن قمت صغير وانا بشتغل اسكافي ..وما بقدر اغير شغلي بي شغل تاني. سهير قالت ليهو انت امكن فهمتني غلط. انا اقصد ليك انك تخلي المكان اللي بتشتغل فيهو وتجي هنا قدام المطعم ده تشتغل وزباينك حتزيد ومنها حتتابع اولادك وشغلهم وعينك حتكون عليهم. عبد المعطي قال ليها لو كدة خلاص موافق مافي مشكلة .. يوم والوقت كان زي نصف النهار كدة سهير جاتها جارتها سلمي تتونس معاها وتشرب القهوة. سلمي قالت ليها ما شاء الله عيني باردة عليك فتحتو ليكم مطعم والرجل ماشية وجاية فيهو. سهير قالت ليها اي والله قلنا احسن نستفيد. والله يا سلمى الحياة بقت صعبة وتربية الاولاد والمسئولية وغلاة المعيشة. عشان كدة لازم المرة والراجل يعملو مع بعض ويدعمو بعض ويكونو في المرة قبل الحلوة يد واحدة. سلمي قالت ليها والله كلامك سمح بالحيل. .عليك الله فهمي الراحل الدلاهه الاسمو راجلي ده. سهير :عيب عليك يا سلمى ده راجلك وابو اولادك ما حلوة في حقو تقولي دلاهه. سلمي قالت ليها اهو قلتها وخلاص. سلمي دي يا اخواننا من النوع البزعل سريع وصعب الاعتذار منو. وحمقاء لدرجة قف ... اها اخدت قعدتها مع سهير وقالت ليها بعد ده اقوم امشي يختي عنديـشغل كتير في البيت .. سهير قدمتها وطلعت معاها لحد باب الشارع وكانت عايزة تقول ليها ان شاء الله نا نجيك في شينة ..قالت ليها ان شاء الله تاني ما تجينا. سلمى زعلت زعل واتحمقت وردت لي سهير. تاني انا كان جيتك الله يقطع رحليني ديل. والله انتي ما بتخجلي ..كان تطردينا عديل ..كان تقولي انا ما بستقبل ضيوف. وسهير تشيل وتعتذر ..والله اسفة يا سلمي. دي ذلة لسان وانا ما قاصدة والله ..عليك الله اعفي لي. سلمي قالت ليها انا ماشة بيتي وتاني القي البجيك
يتبع....
#مطعم_الكفاح
بقلم: #نمارق_دفع_الله
الجزء 09
طبعا امتحانات الشهادة السودانية بدت خلاص والحاجة الحلوة انو صديق ما واقع مع اصحابو في مركز واحد. هو في مركز وهم في مركز ..وامتحن لحد ما خلص امتحاناتو وحسام بذاكر معاهو علي طول وبدون ما بعرف انو ممتحن معاهم. والجماعه فرحانين عشان صديق ما امتحن ومرت الايام سريعة والامتحانات خلصت وبعدها جات النتيجة. وصديق ما كان عارف. لانو شغال من خلص امتحانات مع اخوانو وابوهو في المطعم وما فاضي يحك راسو .. اها في راجل عندو راديو. الراجل ده زبونهم طوالي بجيهم يفطر ويتفدى تقريبا كل الوجبات لانو زوجتو متوفية وعندو ولد واحد ومغترب ما قاعد معاهو بجي من فترة للتانية . اها الراجل ده كعادتو. بفتح الراديو بأعلي صوت. وصادف مؤتمر اعلان نتيجة الشهادة السودانية. شغاال. اها كل الناس انتبهت وركزت ف الراديو ..وزي ما قال دكتور عمر.: يوم النتايج يوم فظيع. جاء المذيع وبدأ يذيع. صديق نجح وحسام نجح. وفلان نجح ... اها طبعا صديق خلاص اتوتر واعصابو بااظت ..وما هي الا لحظة وسمع اسمو بين المتفوقين. يذاع. واحرز نسبة 95%..نسبة سمحة وكبيرة شديدة ..كااافية بانها تخلي كل الجامعات تفتح ليهو ابوابها وبدون نقاش. علي جرى سريع نادي امو واخواتو ...ووراهم انو صديق ذاعوهو بين المتفوقين ..وسهير لفحت توبها وجات جارية تزغرد من الفرحة ..ولمن بكت ..وحتي صديق من الفرحة ودموعها سجد في الارض شكر لله. كل الناس والزباين في المطعم فرحو شديد. وفي ظرف دقايق بسيطة المطعم ده اتملى ناس من كل حدب وصوب. جو يباركو التفوق الباهر لي صديق. صديق المثابر ..المكافح ..الذي اجتهد رغم ما الم به من اذى. رغم العوائق والصعوبات احرز نسبة عجز غيره عن احرازها .. نجاح صديق كان سبب في فرح الكتيرين حتى الناس اللي ما بتعرفو فرحو لنجاحو. وجوهم في البيت ناس مسئولين في الحكومة وفي وزارة التربية والتعليم. واساتذة المدرسة ..والبارد والحلاوة اللي جابوها الناس تفتح سوبر ماركت ..غير الهدايا النقدية. وبرضو جابو ليهو جهاز كمبيوتر وجوال من النوع الحديث ده. غايتو نجاحو كان حدث ..رغم ظروف ابوهو. ورغم شغلو البسيط صديق كان بفتخر بيهو. وهو رافع راسو. وبقول :. ابوي القدلة بي عزة ..وابوي زغرودة السمحات. عظمتو سر سعادتنا يقابل الصعبة بالبسمات. اصحاب صديق اتصدمو صدمة قوية لمن سمعو اسمو بين المذاعين ..اتخلعو كلهم. واحد من اصحاب صديق اتصدمو صدمة قوية لمن سمعو اسمو بين المذاعين ..اتخلعو كلهم. واحد منهم قال ليهم لالا ما بصدق اكيد ده صديق واحد تاني ..تشابه اسماء بس. حسام كان معاهم. قال ليهم انتو جنيتو ده صديق ذاااتو. ما سمعتو اسم المدرسة انتو ..لكن صديق ده لي قال لي ما عايز امتحن. لشنو كذب؟ رغم اني اصريت عليهو. المهم ما علينا. واحد منهم قال ليهم والله صح من حفر حفرة لاخيه وقع فيها اهو نحنا رسبنا ومستقبلنا ضاع. حسام قال :ما ضاع ولا شي ..اهم حاجة انتو تمشو تباركو لي صديق وتعتذرو منو عسى ولعل ربنا يوفقكم ويلطف بحالكم. زعيمهم قال ليهو انا ما ماشي وانت عشان ضمنت نفسك نجحت عايز تعمل علينا ناصح. حسام قال ليهو. :العفو ..وانا ودعتكم الله ورسوله انا دربكم ده خلاص خليتو وحامشي ابارك لي صديق وانتو اقعدو ف مكانكم ده
يتبع...
بقلم: #نمارق_دفع_الله
الجزء 09
طبعا امتحانات الشهادة السودانية بدت خلاص والحاجة الحلوة انو صديق ما واقع مع اصحابو في مركز واحد. هو في مركز وهم في مركز ..وامتحن لحد ما خلص امتحاناتو وحسام بذاكر معاهو علي طول وبدون ما بعرف انو ممتحن معاهم. والجماعه فرحانين عشان صديق ما امتحن ومرت الايام سريعة والامتحانات خلصت وبعدها جات النتيجة. وصديق ما كان عارف. لانو شغال من خلص امتحانات مع اخوانو وابوهو في المطعم وما فاضي يحك راسو .. اها في راجل عندو راديو. الراجل ده زبونهم طوالي بجيهم يفطر ويتفدى تقريبا كل الوجبات لانو زوجتو متوفية وعندو ولد واحد ومغترب ما قاعد معاهو بجي من فترة للتانية . اها الراجل ده كعادتو. بفتح الراديو بأعلي صوت. وصادف مؤتمر اعلان نتيجة الشهادة السودانية. شغاال. اها كل الناس انتبهت وركزت ف الراديو ..وزي ما قال دكتور عمر.: يوم النتايج يوم فظيع. جاء المذيع وبدأ يذيع. صديق نجح وحسام نجح. وفلان نجح ... اها طبعا صديق خلاص اتوتر واعصابو بااظت ..وما هي الا لحظة وسمع اسمو بين المتفوقين. يذاع. واحرز نسبة 95%..نسبة سمحة وكبيرة شديدة ..كااافية بانها تخلي كل الجامعات تفتح ليهو ابوابها وبدون نقاش. علي جرى سريع نادي امو واخواتو ...ووراهم انو صديق ذاعوهو بين المتفوقين ..وسهير لفحت توبها وجات جارية تزغرد من الفرحة ..ولمن بكت ..وحتي صديق من الفرحة ودموعها سجد في الارض شكر لله. كل الناس والزباين في المطعم فرحو شديد. وفي ظرف دقايق بسيطة المطعم ده اتملى ناس من كل حدب وصوب. جو يباركو التفوق الباهر لي صديق. صديق المثابر ..المكافح ..الذي اجتهد رغم ما الم به من اذى. رغم العوائق والصعوبات احرز نسبة عجز غيره عن احرازها .. نجاح صديق كان سبب في فرح الكتيرين حتى الناس اللي ما بتعرفو فرحو لنجاحو. وجوهم في البيت ناس مسئولين في الحكومة وفي وزارة التربية والتعليم. واساتذة المدرسة ..والبارد والحلاوة اللي جابوها الناس تفتح سوبر ماركت ..غير الهدايا النقدية. وبرضو جابو ليهو جهاز كمبيوتر وجوال من النوع الحديث ده. غايتو نجاحو كان حدث ..رغم ظروف ابوهو. ورغم شغلو البسيط صديق كان بفتخر بيهو. وهو رافع راسو. وبقول :. ابوي القدلة بي عزة ..وابوي زغرودة السمحات. عظمتو سر سعادتنا يقابل الصعبة بالبسمات. اصحاب صديق اتصدمو صدمة قوية لمن سمعو اسمو بين المذاعين ..اتخلعو كلهم. واحد من اصحاب صديق اتصدمو صدمة قوية لمن سمعو اسمو بين المذاعين ..اتخلعو كلهم. واحد منهم قال ليهم لالا ما بصدق اكيد ده صديق واحد تاني ..تشابه اسماء بس. حسام كان معاهم. قال ليهم انتو جنيتو ده صديق ذاااتو. ما سمعتو اسم المدرسة انتو ..لكن صديق ده لي قال لي ما عايز امتحن. لشنو كذب؟ رغم اني اصريت عليهو. المهم ما علينا. واحد منهم قال ليهم والله صح من حفر حفرة لاخيه وقع فيها اهو نحنا رسبنا ومستقبلنا ضاع. حسام قال :ما ضاع ولا شي ..اهم حاجة انتو تمشو تباركو لي صديق وتعتذرو منو عسى ولعل ربنا يوفقكم ويلطف بحالكم. زعيمهم قال ليهو انا ما ماشي وانت عشان ضمنت نفسك نجحت عايز تعمل علينا ناصح. حسام قال ليهو. :العفو ..وانا ودعتكم الله ورسوله انا دربكم ده خلاص خليتو وحامشي ابارك لي صديق وانتو اقعدو ف مكانكم ده
يتبع...
#مطعم_الكفاح
بقلم: #نمارق_دفع_الله
الجزء 10
اها حسام جاء لي صديق بارك ليهو وشكلو الموقف الحصل بينهم بي سببو علاقتهم زادت ترابط اكتر. ودايما في علاقات لمن يحصل فيها توتر. ولا الطرفين يختلفو مع بعض. لمن المعزة في القلب تكون صادقة والخوة تكون لله في الله وما خوة مصلحة بترجع تاني واقوي من الاول مهما عصف بيها الزمن. وعلي طول بجيهو. وطبعا قدمو للجامعة. وشالوهم جامعخ واحدة لكن تخصصهم مختلف. صديق شالوهو هندسة معمار. وحسام شالوهو علوم حاسوب. كلياتهم في مجمع واحد وبتلاقو بين المحاضرة والتانية. دي ببساطة العلاقة بين حسام وصديق. كدي نمشي علي بنات عمنا عبد المعطي شوية . فاطمة الكبيرة في البنات. وبتقرا في اولى ثانوي يا داب. بنت هاادية شديد. ومرات عندها شوية كسل كدة. لكن في قرايتها النشاط مابفارقها نهائيا. بتقرا في مدرشة ثانوية نموذجية. وصاحبت ليها بنات. منهم اللي كانو معاها من الاساس وفي بنات جدد من مدرسة تانية. واحدة من صحباتها اسمها لينا. بنت مسلطة لدرجة ومفتحة. وتاني صحبتها اسمها هديل. دي مسكينة والكلب ياكل عشاها. لو دقوها ما بتتكلم ولا بتشاكل. هديل دي مقربة من فاطمة شديد . يوم واثناء فترة الفطور. لينا قالت لي هديل امشي الفصل عليك الله افتحي شنتطي تلقي فيها قروش جيبيها نشتري بيها تحلية هديل قامت طوالي مشت الفصل. وفعلا فتحت الشنطة. ولمن عايزة تشيل القروش في ظرف بتاع جواب وقع من جيب الشنطة وهديل شافتو وخافت. رجعتو في مكانو سريع وطلعت. في نفس اليوم كان في تفتيش مفاجئ للفصول ..وجا دور الفصل بتاع ناس فطومة. فتشو كل الشنط ولينا ما كانت عاملة حسابها اها الاستاذة لقت الجواب في شنطة لينا ..وساقتها الاستاذة ودتها للمديرة والجواب كان كلو عبارة عن غراميات . اها قالو ليها تجيبي ولي امرك. وطبعا ابوها متوفي. وامها متزوجة راجل تاني وما شغاله بيها. وده كلو بسبب التفكك الاسري. الام والاب يتطلقو واي واحد منهم يتزوج للمرة الثانية والاولاد يبقو ضحية للطلاق ده. وممكن يسلكو طريق كعب ويتشردو ..ولذلك ابغض الحلال الي الله الطلاق. اها لينا طلعت من المدرسة ومفتكرة الموضوع يعدي ببساطة ..في الشارع لقت ولد كدة قالت ليهو يا اخ انا طردوني من المدرسة. عشان مشكلة بسيطة وانا ابوي متوفي وما عندي زول. فرجاءا ممكن تمشي معاي المدرسة وتحل المشكلة. الولد ذاتو احتار في البنت دي لكن اتوكل علي الله ودخل معاها المدرسة. . بعد سلم علي المديرة قال ليها :انا ولي امر الطالبة لينا. وانا بعتزر عن المشكلة البسيطة الحصلت وان شاء الله م تحصل حاجة تاني. والولد ما مدرك حجم الكارثة ولا عارف قصة الجواب والمديرة حست انو ما عارف حاجة ..لانو ختت احتمال انو لينا م حكت الحقيقة كاملة. فقامت قالت ليهو :كيف مشكلة بسيطة. البنت لمن تشيل جواب وهي في عمر وطور مراهقة والجواب كلو غراميات وفارغ في فارغ دي حاجة بسيطة في نظرك ..وطوالي جدعت ليهو الجواب في وشو. الولد شال الجواب قراهووو كلووو. لمن عيونو اتقلبت شرار. اها قام من الكرسي وتاااخ ادي لينا كف. وقال للمديرة والله انا البنت دي ولا بعرفها ولا شي. لاقتني في الشارع وقالت لي تعال معاي المدرسة عندي مشكلة بسيطة وانا فاعل خير بس. ويلا ما عايز بلاوي ولا مشاكل. وطلع خلاها مولعة
يتبع....
بقلم: #نمارق_دفع_الله
الجزء 10
اها حسام جاء لي صديق بارك ليهو وشكلو الموقف الحصل بينهم بي سببو علاقتهم زادت ترابط اكتر. ودايما في علاقات لمن يحصل فيها توتر. ولا الطرفين يختلفو مع بعض. لمن المعزة في القلب تكون صادقة والخوة تكون لله في الله وما خوة مصلحة بترجع تاني واقوي من الاول مهما عصف بيها الزمن. وعلي طول بجيهو. وطبعا قدمو للجامعة. وشالوهم جامعخ واحدة لكن تخصصهم مختلف. صديق شالوهو هندسة معمار. وحسام شالوهو علوم حاسوب. كلياتهم في مجمع واحد وبتلاقو بين المحاضرة والتانية. دي ببساطة العلاقة بين حسام وصديق. كدي نمشي علي بنات عمنا عبد المعطي شوية . فاطمة الكبيرة في البنات. وبتقرا في اولى ثانوي يا داب. بنت هاادية شديد. ومرات عندها شوية كسل كدة. لكن في قرايتها النشاط مابفارقها نهائيا. بتقرا في مدرشة ثانوية نموذجية. وصاحبت ليها بنات. منهم اللي كانو معاها من الاساس وفي بنات جدد من مدرسة تانية. واحدة من صحباتها اسمها لينا. بنت مسلطة لدرجة ومفتحة. وتاني صحبتها اسمها هديل. دي مسكينة والكلب ياكل عشاها. لو دقوها ما بتتكلم ولا بتشاكل. هديل دي مقربة من فاطمة شديد . يوم واثناء فترة الفطور. لينا قالت لي هديل امشي الفصل عليك الله افتحي شنتطي تلقي فيها قروش جيبيها نشتري بيها تحلية هديل قامت طوالي مشت الفصل. وفعلا فتحت الشنطة. ولمن عايزة تشيل القروش في ظرف بتاع جواب وقع من جيب الشنطة وهديل شافتو وخافت. رجعتو في مكانو سريع وطلعت. في نفس اليوم كان في تفتيش مفاجئ للفصول ..وجا دور الفصل بتاع ناس فطومة. فتشو كل الشنط ولينا ما كانت عاملة حسابها اها الاستاذة لقت الجواب في شنطة لينا ..وساقتها الاستاذة ودتها للمديرة والجواب كان كلو عبارة عن غراميات . اها قالو ليها تجيبي ولي امرك. وطبعا ابوها متوفي. وامها متزوجة راجل تاني وما شغاله بيها. وده كلو بسبب التفكك الاسري. الام والاب يتطلقو واي واحد منهم يتزوج للمرة الثانية والاولاد يبقو ضحية للطلاق ده. وممكن يسلكو طريق كعب ويتشردو ..ولذلك ابغض الحلال الي الله الطلاق. اها لينا طلعت من المدرسة ومفتكرة الموضوع يعدي ببساطة ..في الشارع لقت ولد كدة قالت ليهو يا اخ انا طردوني من المدرسة. عشان مشكلة بسيطة وانا ابوي متوفي وما عندي زول. فرجاءا ممكن تمشي معاي المدرسة وتحل المشكلة. الولد ذاتو احتار في البنت دي لكن اتوكل علي الله ودخل معاها المدرسة. . بعد سلم علي المديرة قال ليها :انا ولي امر الطالبة لينا. وانا بعتزر عن المشكلة البسيطة الحصلت وان شاء الله م تحصل حاجة تاني. والولد ما مدرك حجم الكارثة ولا عارف قصة الجواب والمديرة حست انو ما عارف حاجة ..لانو ختت احتمال انو لينا م حكت الحقيقة كاملة. فقامت قالت ليهو :كيف مشكلة بسيطة. البنت لمن تشيل جواب وهي في عمر وطور مراهقة والجواب كلو غراميات وفارغ في فارغ دي حاجة بسيطة في نظرك ..وطوالي جدعت ليهو الجواب في وشو. الولد شال الجواب قراهووو كلووو. لمن عيونو اتقلبت شرار. اها قام من الكرسي وتاااخ ادي لينا كف. وقال للمديرة والله انا البنت دي ولا بعرفها ولا شي. لاقتني في الشارع وقالت لي تعال معاي المدرسة عندي مشكلة بسيطة وانا فاعل خير بس. ويلا ما عايز بلاوي ولا مشاكل. وطلع خلاها مولعة
يتبع....
#مطعم_الكفاح
بقلم: #نمارق_دفع_الله
الجزء 11
اها الولد طلع مشى ولينا اتقدت بالبكاء. المديرة قالت ليها قلة ادب واحتيال كمان. والله ده اخرك يا زمن. في استاذة لغة عربية متفلسفة جدا. قالت : هذا زمانك يا مهازل فأمرحي. اها المديرة. قالت ليها انا قلت ليك جيبي ولي امرك. تجيبي لي راجل من الشارع والله ما سبقك عليها زول. انتي يا لينا سمعة سيئة للمدرسة ومن اليوم ما عندك قراية هنا .. انتي مفصولة من المدرسة دي . وانا حارفع تقرير سؤ سير وسلوك لادارة التربية والتعليم. نحنا ما ظلمناك ..انتي ظلمتي نفسك. اديناك فرصة عشان نصلح الغلط مع بعض وعشان ولي امرك يكون عارف نحنا مراقبين البنات وبنوريهم الصح من الغلط ..نحنا عندنا بنات زيك ..وبنخاف عليك زيهم. لكن انتي يا لينا زدتي الطينة بلة. عشان كدة انتي مفصولة من المدرسة . لينا طلعت من مكتب المديرة ودخلت الفصل شالت شنطتها وطلعت. فاطمة لحقتها جمب الباب. مالك يا لينا في شنو؟ لي راجعة. لينا قالت ليها المديرة فصلتني من المدرسة. وطوالي جرت طلعت وخلت فاطمة واقفه متجمدة مكانها. مشت البيت لقت امها قاعدة ومعاها نسوان. شكلو عندهم لمة قهوة ..والبخور والفشار وحاجات عجيبة ..اها عيونها لمن اتورمت من البكاء. دخلت سلمت علي النسوان ودخلت غرفتها. امها جات.داخلة عليها لقتها بتبكي. قالت ليها مالك في شنو؟ قالت ليها الحصل كلو في المدرسة وما كذبت في كلمة. امها قالت ليها ولا تشيلي هم يا لينا. ويعني شنو لو لاقيتي ولد وناديتيهو يدخل معاك علي اساس انو ولي امرك. ويعني شنو لو رسلتي جواب. اول ولا اخر بنت. والله مديرتكم دي شكلها خرفت علي الاخر. مرة متعقدة ومسلطة. الله يريحنا منها. ((والله صح امهات اخر زمن. البنت تغلط بدل يوروها غلط ويحذروها وتتعاقب ولو عقاب بسيط عشان ما تكرر الغلط تاني وتبقي نتيجة اغلاطها خصما علي حساب اهلها وسمعتهم. ما صح الام تقيف مع البنت او الولد في الغلط. التنبيه والتحذير واجب كل ام. لانها بتكون 24ساعه مع اولادها ولصيقة بيهن وفاهماهم جدا. لكن في امهات الواحدة خبر اولادها م بتكون جايباهو. وغير الحوامة من بيت لي بيت ما عندها شغلة. غايتو الله يصلح الحال) ). المهم والدة لينا قالت ليها ما تخافي. انا بكرة دي برجعك المدرسة وحتشوفي. وكان ما رجعتك ما ابقي امك. قومي ادخلي اخدي ليك دوش وتعالي اكلي ليك حاجة واحضري مسلسلك البتحبيهو واخدي راحتك علي الاخر. والصباح عندي كلام تاني مع مديرتك الفقرية دي. قالت ليها الكلام ده وطلعت لي النسوان في الصالون. الصباح بي خيرو بي شرو. اصبح ..انتي يا والدة لينا الفحي توبك وسوقي لينا ووين علي المدرسة ..وفي الطريق كانت بتحذر فيها. قالت ليها اي حاجة اقولها ليك تقولي نعم وحاضر فاهمة وتعايني بي عينك وما تخافي انا معاك. اها وصلت المدرسة ودخلت للمديرة وسلمت عليها. قالت ليها والله يا استاذة انا اول شي اسفة جدا علي التصرف الاتصرفتو لينا. غلط كبير لمن ترسل جواب لي ولد. وانا لمن جاتني البيت وقالت فصلتيها عشان عملت كدة. ضربتها ضرب وما قصرت لانو دي قلة ادب زايده عن حدها ..لكن يا استاذة في حتة انو جابت ولد دي برضو غلطت. اوريك غلطت لشنو؟ لينا الولد الجابتو ده بكون ود عمها اخو ابوها طوالي. وكان عايز يتزوجها وانا رفضت لانو دي اسرة مشاكل واعمام لينا ديل زمان اكلو حقها في الميراث بعد ابوها مات وشاكلوني وطردوني من البيت ..وهي من غباءها لاقتو ف الشارع وجابتو ..وهو ما صدق عشان ينتقم منها ضربها كف قدامكم وطلع ونكرها. ودة رد فعل عادي ليهو وانا عارفاهم عايزين يدمرو مستقبل بنتي ..وكبت ليها دمعتين تلاتة كدة
يتبع.....
بقلم: #نمارق_دفع_الله
الجزء 11
اها الولد طلع مشى ولينا اتقدت بالبكاء. المديرة قالت ليها قلة ادب واحتيال كمان. والله ده اخرك يا زمن. في استاذة لغة عربية متفلسفة جدا. قالت : هذا زمانك يا مهازل فأمرحي. اها المديرة. قالت ليها انا قلت ليك جيبي ولي امرك. تجيبي لي راجل من الشارع والله ما سبقك عليها زول. انتي يا لينا سمعة سيئة للمدرسة ومن اليوم ما عندك قراية هنا .. انتي مفصولة من المدرسة دي . وانا حارفع تقرير سؤ سير وسلوك لادارة التربية والتعليم. نحنا ما ظلمناك ..انتي ظلمتي نفسك. اديناك فرصة عشان نصلح الغلط مع بعض وعشان ولي امرك يكون عارف نحنا مراقبين البنات وبنوريهم الصح من الغلط ..نحنا عندنا بنات زيك ..وبنخاف عليك زيهم. لكن انتي يا لينا زدتي الطينة بلة. عشان كدة انتي مفصولة من المدرسة . لينا طلعت من مكتب المديرة ودخلت الفصل شالت شنطتها وطلعت. فاطمة لحقتها جمب الباب. مالك يا لينا في شنو؟ لي راجعة. لينا قالت ليها المديرة فصلتني من المدرسة. وطوالي جرت طلعت وخلت فاطمة واقفه متجمدة مكانها. مشت البيت لقت امها قاعدة ومعاها نسوان. شكلو عندهم لمة قهوة ..والبخور والفشار وحاجات عجيبة ..اها عيونها لمن اتورمت من البكاء. دخلت سلمت علي النسوان ودخلت غرفتها. امها جات.داخلة عليها لقتها بتبكي. قالت ليها مالك في شنو؟ قالت ليها الحصل كلو في المدرسة وما كذبت في كلمة. امها قالت ليها ولا تشيلي هم يا لينا. ويعني شنو لو لاقيتي ولد وناديتيهو يدخل معاك علي اساس انو ولي امرك. ويعني شنو لو رسلتي جواب. اول ولا اخر بنت. والله مديرتكم دي شكلها خرفت علي الاخر. مرة متعقدة ومسلطة. الله يريحنا منها. ((والله صح امهات اخر زمن. البنت تغلط بدل يوروها غلط ويحذروها وتتعاقب ولو عقاب بسيط عشان ما تكرر الغلط تاني وتبقي نتيجة اغلاطها خصما علي حساب اهلها وسمعتهم. ما صح الام تقيف مع البنت او الولد في الغلط. التنبيه والتحذير واجب كل ام. لانها بتكون 24ساعه مع اولادها ولصيقة بيهن وفاهماهم جدا. لكن في امهات الواحدة خبر اولادها م بتكون جايباهو. وغير الحوامة من بيت لي بيت ما عندها شغلة. غايتو الله يصلح الحال) ). المهم والدة لينا قالت ليها ما تخافي. انا بكرة دي برجعك المدرسة وحتشوفي. وكان ما رجعتك ما ابقي امك. قومي ادخلي اخدي ليك دوش وتعالي اكلي ليك حاجة واحضري مسلسلك البتحبيهو واخدي راحتك علي الاخر. والصباح عندي كلام تاني مع مديرتك الفقرية دي. قالت ليها الكلام ده وطلعت لي النسوان في الصالون. الصباح بي خيرو بي شرو. اصبح ..انتي يا والدة لينا الفحي توبك وسوقي لينا ووين علي المدرسة ..وفي الطريق كانت بتحذر فيها. قالت ليها اي حاجة اقولها ليك تقولي نعم وحاضر فاهمة وتعايني بي عينك وما تخافي انا معاك. اها وصلت المدرسة ودخلت للمديرة وسلمت عليها. قالت ليها والله يا استاذة انا اول شي اسفة جدا علي التصرف الاتصرفتو لينا. غلط كبير لمن ترسل جواب لي ولد. وانا لمن جاتني البيت وقالت فصلتيها عشان عملت كدة. ضربتها ضرب وما قصرت لانو دي قلة ادب زايده عن حدها ..لكن يا استاذة في حتة انو جابت ولد دي برضو غلطت. اوريك غلطت لشنو؟ لينا الولد الجابتو ده بكون ود عمها اخو ابوها طوالي. وكان عايز يتزوجها وانا رفضت لانو دي اسرة مشاكل واعمام لينا ديل زمان اكلو حقها في الميراث بعد ابوها مات وشاكلوني وطردوني من البيت ..وهي من غباءها لاقتو ف الشارع وجابتو ..وهو ما صدق عشان ينتقم منها ضربها كف قدامكم وطلع ونكرها. ودة رد فعل عادي ليهو وانا عارفاهم عايزين يدمرو مستقبل بنتي ..وكبت ليها دمعتين تلاتة كدة
يتبع.....
#مطعم_الكفاح
بقلم: #نمارق_دفع_الله
الجزء 12
اها المديرة بعد سمعت كلام والدة لينا .. قالت ليها خلاص حصل خير. والموضوع انا حاعالجو معاك كأم بتخاف علي بنتها ومستقبلها .والحمد لله انا التقرير ما وديتو مكتب التعليم والا الموضوع كان حيطلع من يدي وما بنقدر نتصرف. اها والدة لينا شكرتهع جدا. وقالت ليها هسه لينا دي تتعاقب علي قصة الجواب ده. ومن الان فصاعدا يدي في يدكم وما بتعمل غلط زي ده ان شاء الله ..وطلعت بعد ضمنت انو مشكلة بنتها اتحلت. وعلي وين مشت *علي بيت ناس سلمى جارة سهير سلمت عليها. وقعدت اها سلمي قامت تجيب واجب الضيافة ..وتهاني بقت تنظر في البيت فوق وتحت وتعاين للديكور والمفارش والحال ((ودي حركة ما حلوة يا اخواننا الزول لمن يمشي ضيف للبيت ناس مفترض ما يعاين او يغض البصر لانو دي اسرار بيوت ودينيا كدة ما صح)). اها سلمي جات داخلة وشايلة صينية العصير. ختتها في تربيزة قدامها. وقالت ليها اتفضلي يا تهاني . تهاني :ما تعبي نفس قدر ده. سلمي :تعبك راحة يختي.والحر حارة احسن ليك بردي حبة. اها والونسة مدورة .لكن تهاني هدفها من الزيارة مصلحة او بالاحرى عايزة تناسب سلمي. وفي نفسها بتفكر. انا لو عرست لينا بنتي دي لي اشرف ولد سلمى حارتاح من تعب السنين والشقاوة والراجل الكريه ده. الناس غنيانين وقروشهم النار ما تاكلها. عاد لو لينا عرست اشرف ده يوم الهنا والمنى. اها تهاني قطعت تفكيرها. اها يا سلمي اشرف كيف عليك الله واخبارو شنو؟ سلمي :كويس الحمد لله قبل شوية كان بتكلم معاي. تهاني :اها ما جاب ليك سيرة عرس. ههههه عايزين نفرح بيهو والله. تهاني :والله لسه ما فكر في الموضوع وحتى اذا فكر فأكيد حيختار بي نفسو. شباب الزمن ده ما زينا براهم بختارو العايزين يكملو حياتهم معاها لانهم بكونو مخططين مع بعض. تهاني :والله ..عااد احسن ليهو. لكن برضو اذا اخترتي ليهو انتي مالك. بتلقي والله بنات الحلال راقدات. سلمي :والله حتي كان اخترت ليهو. الحكاية دي قسمة ونصيب والاقدار ذاتها ما معروفة. تهاني :ونعم بالله. لكن يا سلمي والله بقيت اخاف ولينا بنتي دي يتيمة وفي ذمتي وعايزة استرها واعرس ليها لو لقيت ولد حلال هدي ورضي زي اشرف ولدك والله ابقي اسعد انسانة في الدنيا. سلمى: ان شاء الله وزي ما قلت ليك كل شي قسمة ونصيب. لكن هل اشرف ده بفكر في لينا ولا عايز منو بالضبط دي ما بنعرفها الا لي قدام
يتبع....
بقلم: #نمارق_دفع_الله
الجزء 12
اها المديرة بعد سمعت كلام والدة لينا .. قالت ليها خلاص حصل خير. والموضوع انا حاعالجو معاك كأم بتخاف علي بنتها ومستقبلها .والحمد لله انا التقرير ما وديتو مكتب التعليم والا الموضوع كان حيطلع من يدي وما بنقدر نتصرف. اها والدة لينا شكرتهع جدا. وقالت ليها هسه لينا دي تتعاقب علي قصة الجواب ده. ومن الان فصاعدا يدي في يدكم وما بتعمل غلط زي ده ان شاء الله ..وطلعت بعد ضمنت انو مشكلة بنتها اتحلت. وعلي وين مشت *علي بيت ناس سلمى جارة سهير سلمت عليها. وقعدت اها سلمي قامت تجيب واجب الضيافة ..وتهاني بقت تنظر في البيت فوق وتحت وتعاين للديكور والمفارش والحال ((ودي حركة ما حلوة يا اخواننا الزول لمن يمشي ضيف للبيت ناس مفترض ما يعاين او يغض البصر لانو دي اسرار بيوت ودينيا كدة ما صح)). اها سلمي جات داخلة وشايلة صينية العصير. ختتها في تربيزة قدامها. وقالت ليها اتفضلي يا تهاني . تهاني :ما تعبي نفس قدر ده. سلمي :تعبك راحة يختي.والحر حارة احسن ليك بردي حبة. اها والونسة مدورة .لكن تهاني هدفها من الزيارة مصلحة او بالاحرى عايزة تناسب سلمي. وفي نفسها بتفكر. انا لو عرست لينا بنتي دي لي اشرف ولد سلمى حارتاح من تعب السنين والشقاوة والراجل الكريه ده. الناس غنيانين وقروشهم النار ما تاكلها. عاد لو لينا عرست اشرف ده يوم الهنا والمنى. اها تهاني قطعت تفكيرها. اها يا سلمي اشرف كيف عليك الله واخبارو شنو؟ سلمي :كويس الحمد لله قبل شوية كان بتكلم معاي. تهاني :اها ما جاب ليك سيرة عرس. ههههه عايزين نفرح بيهو والله. تهاني :والله لسه ما فكر في الموضوع وحتى اذا فكر فأكيد حيختار بي نفسو. شباب الزمن ده ما زينا براهم بختارو العايزين يكملو حياتهم معاها لانهم بكونو مخططين مع بعض. تهاني :والله ..عااد احسن ليهو. لكن برضو اذا اخترتي ليهو انتي مالك. بتلقي والله بنات الحلال راقدات. سلمي :والله حتي كان اخترت ليهو. الحكاية دي قسمة ونصيب والاقدار ذاتها ما معروفة. تهاني :ونعم بالله. لكن يا سلمي والله بقيت اخاف ولينا بنتي دي يتيمة وفي ذمتي وعايزة استرها واعرس ليها لو لقيت ولد حلال هدي ورضي زي اشرف ولدك والله ابقي اسعد انسانة في الدنيا. سلمى: ان شاء الله وزي ما قلت ليك كل شي قسمة ونصيب. لكن هل اشرف ده بفكر في لينا ولا عايز منو بالضبط دي ما بنعرفها الا لي قدام
يتبع....
Forwarded from ~•| 12:00 |•~ (Yasora Mergany)