الورد اليومي👇

‏حباً بـ محمد، ورغبةً بالأجر، صلِّ عليه عشرا .

‏” يارب قُلوبنا بين يديك ، أكسوها بطمأنينة وسلام لا نضيق بعدهُ أبدا “🌿.

الفرح ياداب غشانآ
وطل يا فرح #الأماسي ❤️
#يا_نغم 🎶

وطنک كتف صاحب هميم شايل همومک ووجعتک ..🎶♡

خليگ فاكر بس ..!👌

البلقى غيرک ..☝️ بنسى خيرک ..💔✋

ولمحت فيک راحت المشاوير البعيدة .. ولفحت النسمہ الحنينہ الجايہ من جوف المضيق ..♡🎶

الصداقة بين غريبين :
تبدأ أحياناً بكلمة، بلفتة حانية، بلحظة صراحة نادرة .. في اللحظة التي تليها يُصبح الغريب صديقاً !

‏"امِش ،
يعدل عليك الله
طريقك لا غُلب لا آه
لا نسمع مريكبك تاه
وسط لجة زمن جهجاه"..

إلي آحدهم: افتعل معها حديثآ ، فربما هي مكسره فيك🌿😍

لا أحد يُشفى من الخذلان !
حتى وإن قابلت أشخاص يستحقون الثقة ، يبقى صوت بداخلك يهمس " غدآ سينتهي كل شئ " هذا الصوت الذي لا يسمعه ولا يشعر به أحد غيرك !💔

انزل ليكم روايه #مطعم_الكفاح

روايه #مطعم_الكفاح 👇

#مطعم_الكفاح

بقلم: #نمارق_دفع_الله

الجزء 01


مدخل

... في روايتي هذه ..سيخط قلمي الكثير....سوف اتحيز الي ادم ..السوداني .. مشاكله وهمومه ..قضاياه وطرحها وتقديم الحلول ..الارشادات ..والنصائح اللازمة ... المراة والرجل يكملان بعضهما البعض. المراة خلقت من ضلع اعوج. .وهو ضلع الرجل. وحتي يستقيم ذلك الاعوجاج ..لابد ان يكون الرجل مع المراة يدا واحدة. يعملان من اجل مستقبلهما..ويواجهان صعوبات الحياه مع بعض .. في روايتي هذه ساسلط الضؤ علي الكثير. مما يعانيه ادم السوداني. ادم. الاب. ادم الاخ. العم والابن ..الزوج والخال ...كل فئات ادم العمرية ..ساحيطها اهتمااما في روايتي .. مشاكل كثيرة سوف اطرحها من خلال الحلقات. مشاكل. عديدة ..منها .. العطاله .. والمخدرات. المسكرات بكل انواعها وكل ما يذهب العقل. اصحاب السؤ .. الابتعاد عن السلوك القويم .. ساشرح الكثير

.......♥♥♥♥........



سهير امراة في منتصف الثلاثينات ..وزوجها عبد المعطي. في نهاية الاربعينات من عمره ... يعمل اسكافيا ((يخيط الاحذية) ). لهم من الابناء. ثلاثة اولاد ...ومن البنات. اثنتين. الاولاد ...صديق وعمر وعلي .. والبنات فاطمة وخديجة .... عم عبد المعطي. كالعادة يصحي الصباح يصلي الصبح حاضر واولادو التلاتة بسوقهم معاهو الجامع ما فيهم زول بصلي في البيت ....وبعد الصلاه ..بيحضرو الدرس اليومي ..الدرس الديني. بدرسهم ليهو الشيخ .علي طول .. صديق الكبير عمرو 16سنة وعلي 12وعمر الصغير ده. بكون زي 8سنة كدة .. والبنات فاطمة عمرها زي 14سنة وخديجة عمرها زي 10سنة .. عم عبد المعطي بعد يرجع من الجامع ..يشرب الشاي مع اولادو ..ويتوكل علي مكان شغلو. والاولاد علي مدارسهم .. عبد المنعم وصل مكان عملو واللي هو ..مظله متهاكلة من الخيش والكراتين تتحرك هنا وهناك بفعل الهواء. اها قاعد وبخيط ليهو في شباشب ...جوهو بنتين كدة. قعدو في كرسين خاتيهم عم عبد المعطي للزباين .. واحدة ف البنات ديل. قالت ليهو لو سمحت يا عمو الشوز بتاعتي اتقطعن ممكن تخيطها لي ..طبعا الكلام كان بفلهمة ونياصة شديدة ..وتصنع ((وما حلو البنت تتكلم كدة. ياااخي اتكلمي عديل شنو لوية اللسان فينا. وتعطشي الجيم ..وتسقي الخاء ..ما بتشوفي شكلك وانتي بتعجني في الكلام ..لسانك ده اطلقييهو عدييل...رجاء االتصنع ما حلوو ..وحلاااتك وانتي بسيطة ومتواضعة ..)). اها عبد المعطي شال الجزمة بتاعه البنت ..وبدا يخيط فيها ... واثناء ما بخيط قال ليها ..بتقري وين انتي ..؟قالت ليهو وانت مالك بتسال ...اشتغل شغلك. قال ليها انا اسف يا بنتي ..والله ما قصدي حاجة ..انا علي فكرة اولادي في عمرك كدة ..والكبير ممتحن للجامعه ..قلت اسالك بس واستفسر من الجامعات واعرفها. اها البت لوت خشمها وغيرت ملامح وشها بالله بقي ف ثواني زي خريطة العالم.ههههههههههههه. وطبعا يا اخواننا دي عفوية الشعب السوداني وطيبتهم الزاااايدة ..والطيبة الزايدة مرات بتدخل صاحبها في مشاكل. واحراج مع الناس اللي م بتحب الاسئلة والكلام الكتير ..وصدق المثل ..طيبتي مصيبتي. مرات كتيرة. بتلقي السوداني بتونس معاك وحتي لو شافك لاول مرة ..ويحكي ليك عن احوالو وظروفو ..وحتي ف المواصلات. لو سالت سؤال. من مكان انت نازل فيهو ...المواصلات كللها بتجاوبك ... وديل اهلي ...ديل اهلي البقيف في الدارة وسط الدارة واتنبر واقول لي الدنيا ديل اهلي



يتبع....

#مطعم_الكفاح

بقلم: #نمارق_دفع_الله

الجزء 02


حاج عبد المعطي بعد خلص للبنات شغلهم. ومشن منو ..قال سبحان الله. انا هسه غلطت في شنو؟لمن البنت دي ترد لي كدة. المهم ما علينا. اهو ده حال الدنيا كدة. يوميا الواحد بلاقي اشكال وانواع من الناس. الا الصبر بس .. اها خلص شغلو وشال حاجاتو ومشى بيتو. لقي الولد صديق الكبير ده قاعد قدام البيت ومفرش ليهو فرشة ومعاهو كم ولد كدة شكلهم غريبين ما من الحي. اها عبد المعطي سلم عليهم ودخل جوة وفي راسو تساؤلات كتيرة ..يا ربي الاولاد ديل منو؟ اول مرة اشوفهم ..اهاا سلم علي ناس البيت. وجابو ليهو موية شرب ..سهير قالت ليهو ده سريرك مفرش تعال مدد رجلينك ديل شكلك هلكان من الشغل ... قال ليها يا حليلك يا الغالية والله حسيتي بي. قالت ليهو لو ما حسيت بيك انا. منو اللي حيحس بيك؟ . اها. وقعدو يضحكو هم الاتنين. سالها قال ليها الاولاد ديل منو؟البرة ديل .. قالت ليهو ديل زملاء صديق في المدرسة. قالو جايين يذاكرة معاهو ..عارف يا حاج الاولاد ممتحنين الشهادة وضروري يجتهدو كويس. علي الاقل يدخلو جامعات كويسة ويعوضونا تعبنا وشقاوتنا .. قال ليها الله يوفقهم. اها عمر وعلي وين؟ ؟قالت ليهو والله في ميدان الكورة عندهم تدريب. والبنات جوة ..بيذاكرن ... اها قامت ختت ليهو الغداء وعملت ليهو القهوة ..واخد ليهو غفوة كدة. سهير دخلت المطبخ جوة تواصل شغلها. اها صديق واصحابو عاملين فيها بيذاكرو. واحد فيهم اسمو علاء الدين صاحبهم برضو. اها علاء ده طلع ليهو كيس سفة ((تمباك)).وسف منو .قال ليهو هاكم العايز يسف يسف طوالي ..الكيس ليكم .. اها صديق قال ليهو. يا علاء من متين انت بقيت تسف كمان؟ علاء قال ليهو بسف وبسجر كمان. يااا ماان دي الرجاله هنا يااخ. الواحد يعدل مزاجو. عشان يقرا بنفس .هاك سف والله بتريح راسك احسن ليك ...صديق قال ليهو اسف يا فردة انا ما بسف وما بحب الحاجات دي. سف انت براك. اها الباقين شالو الكيس بتاع السفة واي واحد عدل مزاجو .. وشغالين يذاكرو. ويا عالم اي واحد بالو وين ..وهم قصدا جوو لي صديق عشان يشغلوهو من قرايتو .لانو مجتهد شديد وهم الحاجة دي غايظاهم شديد. .وما خفي كان اعظم. ما معروف الاولاد ديل حيعملو ليهو شنو فيما بعد .. اولاد عبد المعطي الاتنين ..خلاص اجزو من المدارس. وهم الاتنين شالو المهنة والخبرة من ابوهم. وبعرفو يخيطو ويلمعو الاحذية ..مرات بمشو معاهو الشغل ومرات لمن يمرض بشتغلو في مكانو ..اها ..يوم علي من الصباح بعد صلي الصبح مع ابوهو واخوانو في الجامع ..شرب الشاي وبراحة طلع ..ما معروف مشي وين. ولحد بعد المغرب ما جا. وخلاص ناس البيت قلقو عليهو شديد ..وطلعو يفتشو فيهو



يتبع...

#مطعم_الكفاح

بقلم: #نمارق_دفع_الله

الجزء 03


ْعلُيَ اتْارَيَُهوَ جْابّ ادِوَاتْ بّتْاْعُه ٌخيَاطِةِ وَْعلُبّةِ وَرَنَيَشِ..وقرر يساعد ابوهو رغم صغر سنه. .وما كلم ناس البيت لانهم حيمنعوهو .. اها مشي وحايم في السوق ..ومافي شغل مشي علي اتجاه كبري توتي. قال احتمال القي لي زول المع ليهو جزمتو. واكسب لي قرش قرشين. اها لقي ليهو صخرة كدة اتجاه البحر قعد فيها ..جوهو بنتين شكلهم بيدرسو في واحدة من الجامعات المشهورة ديل ..اها سلمو عليهو ..واحدة منهم ..واسمها نجلاء قالت ليهو لو سمحت يا ولد. انا شبطي اتقطع ممكن تخيطو لي. قال ليها طوالي بخيطو ليك ..وشال الشبط منها وبدا يخيط ..طبعا علي ده اكتر واحد في اخوانو. شال المهنة من ابوهو وعرفها جدا. اها نجلاء سالتو. انت من وين؟ .قال ليها انا من السودان من ولاية .......ده اصلي لكن ساكنين الخرطوم انا وناس بيتنا ..ساكنين الشنقيطي ..قالت ليهو ما شاء الله تمام عليك ..لكن انت لسه صغير علي المهنة دي .. علي قال ليها :نعم صغير عمرا ..لكن الحمد لله ربنا منحني عقل افكر بيهو ..ويا اخت مرات في اولاد كباار الواحد للان ابوهو بصرف عليهو وقاعد عاطل في البيت وبامكانو يطلع يشتغل اي حاجة لكن ما بحاول يتعب نفسو ولا يكافح ولا يشتغل. . نجلاء بقت محتارة وتعاين للولد ..الصغير ده بقول كلام منطقي كيف. اها قالت ليهو انت بتقرا؟ قال ليهو نعم بقرا. وحاليا خلصت السنة السادسة في الاساس وبعد سنة حاكون ممتحن شهادة الاساس. نجلاء قالت ليهو ربنا يوفقك ويسدد خطاك .اها خيط الشبط واداهو ليها ..قالت ليهو حقك كم يا اخوي. قال ليها ما بنختلف. انا بشيل منك جنيه واحد لانك انتي طالبة ..ولانك انت بنت. واهلك تعبانين فيك اكيد. ولانو انا عندي اخوات وبتمني اقيف معاهم اصرف عليهم عشان اريح ابوي واشيل عنو المسئولية. اها نجلاء ادتو خمسة جنيه .. قالت ليهو دي خمسة وخلي الباقي معاك. قال ليها لا ..انا حقي جنيه واحد. ما خمسة ..انا حاجة ما حقتي ما بشيلها ..وما تنسي انك بنت واحتياجاتك كتيرة ..هسه الخمسة دي بتركبك المواصلات. وبتحول ليك رصيد ووممكن تشتري منها مناديل ..انا ما عايز احس انك استحسنتي فيني. انا عايز اكافح وربنا بقسم الارزاق لعبادو وما بظلم زول. اها نجلاء دي دمووعها لمن جرت اتاثرت جدا بكلام علي في عز الدموع. قال ليها لي انتي بتبكي. ؟ قالت ليهو انا ببكي عشان الزيك بشيل علبة ورنيش ويحوم بيها او صندوف مناديل او بمسح السيارات .وبعض الناس ما بتحترمو وتستحقرو.عشان الزيك مستقبلو زاهر وحيكون ليهو شأن عظيم يوما ما. علي قال ليها شكرا جزيلا ليك ..كلامك ده اداني دافع وحفزني جدا ..وطبعا رجع ليها باقي قروشها واي زول مشي لحال سبيلو ((في حياتنا اليومية دايما بنصادف علي وامثالو. .اللي بخيط احذية. اللي بببيع مناديل في تقاطع المرور ..اولاد مكافحين بالجد. مرات ظروف الحياة بتضغط الواحد لذلك بشتغل اي شغل حلال يعول منه اهل بيتو. وفي ناس بتستحقرهم وما بتحترمهم نهائيا ..لكن الدنيا دوارة ..سداااية ورضاية ...وربنا ما شقالو حنكا ضيعو. واهلنا بقولو الزارعا الله في الحجر لا بد تقوم ...الشغل ما عييب ..عيب العطالة وقعاد البيت وعمود الكهرباء واللساتك ..عيب الولد يكون طويل وعريض وقاعد وجع قلب للناس. وابوهو بصرف عليهو وهو ولا همو يشرب وياكل وينوم النهار كلو. ويا عالم ..بكون بتابع شلليات فارغة ولا لا ..اغلب الاولاد ..تسالو من عطالتو يقول ليك السبب حال البلد المايل؟ .ما هو حال البلد ده حتتابعو كده يعني لمن يتصلح ..اطلع شق طريقك ..ابقي عتالي او.بيع ليمون ونعناع



يتبع....

#مطعم_الكفاح

بقلم: #نمارق_دفع_الله

الجزء 04


علي رجع البيت ..ولقاهم قلقانين عليهو ..وامو دي خلاص كانت حتنشق من البكاء. كلهم قبضوهو. يا ولد كنت وين؟ مشيت وين؟لشنو اتاخرت؟ ومع منو كنت؟ وتتوالي الاسئلة لي علي. هههه اها علي قال ليهم انا كنت شغال. سهير :سجم خشمي يا ولد شغال وين؟ قال ليها يا امي انا اشتغلت نفس مهنة ابوي قالت ليهو ..:يا ولدي انت لسه صغير. شن عرفك بالخياطة والتلميع. قال ليها :يا امي انا اتعلمت من ابوي. وبما اني بعرف واصلا مؤجز وما عندي موضوع قلت احسن استفيد من زمني واشوف لي شغل اساعد ابوي .واتعلم لي وللزمن ♥. ابوهو قال ليهو ..الله يوفقك يا علي ..لكن انا ما شكيت ولا قلت تعبان علي قال ليهو :انت مفتكرني ما حاسي بيك وبي تعبك. لا يا ابوي انا لو كبرت ما بخليك تشتغل تاني.. ابوهو ضحك عليهو. قال ليهو خلاص ..ما عندك مانع. اها سهير قالت ليهو يا عبد المعطي والله انا زاتي عندي فكرة وان شاء الله توافق بيها. قال ليها احكي". اها سهير قالت ليهو والله الصراحة انا مليت من قعاد البيت وعايزة اعمل حاجة املأ بيها فراغي. انا مفكرة نعمل مظلة قدام البيت هنا ونفتحها زي مطعم بتاع اكل وانت طبعا عارف بيتنا في موقع استراتيجي ..وقريب من السوق والمدارس برضو ..وكدة ممكن نستفيد. قال ليها انا ما موافق .ــ. عايزة الناس تقول علينا شنو؟ يقولو انا مقصر معاكم ولا مجوعكم لمن تفتحو مطعم. قالت ليهو لا ما كدة وثم ثانيا الناس ما عندها دخل فينا ومن تبع كلام الناس مات هما. الناس لو لا قدر الله حصلت لينا حاجة بتقيف معانا .. لو مرضنا الناس بتعالجنا؟ ياهو بتلقى قرشنا وبنفعنا. والزمن ده ايزول بعاين لمصلحتو وين؟ . وانت يا عبد المعطي مفتكرني انا يعني اللي حاقعد برة واحرس المطعم ؟. انا وبناتك حنطبخ الاكل كلو وجميع الاصناف واولادك الاتنين هو الحيقيفو فيهو. واحد يشوف طلبات الزباين والتاني يمسك الحسابات. ونحنا ما حنخسر حاجة زيتنا في بيتنا. اها حتوافق تاني ولا لا؟ ؟ قال ليها خلاص خير يا ستي. وفعلا مرت الايام وفاطمة امتحنت شهادة الاساس واحرزت نسبة كبيرة جدا فرحت كل الناس وحتي كرموها ناس المدرسة. وتاني بقت مؤجزة وقاعدة في البيت. يلا سهير قالت علي وعمر هم اللي حيتولو المهمة لانو صديق ممتحن الشهادة السودانية ومنتظرين انو يخلص حتي ينزلوهو شغل مع اخوانو . يوم ورا يوم وامتحانات الشهادة السودانية علي الابواب. وصديق كاسر كسر جد في القراية. واصحابو الما نافعين ديل. كل مرة بقولو ليهو نحنا طوالي بنجيك في بيتكم نذاكر معاك ..تاني انت تجينا وقالو ليهو كدة قصدا عشان ينفذو خطتهم. اها قال لي امو انا ماشي لجماعه اصحابي اذاكر معاهم. قالت ليهو لا ما بتمشي اي مكان نهائيا انت ممتحن ومفترض باقي الايام دي تركز علي الحاجات المهمة ما تقعد تزاول لي هنا وهناك ...يا ولدي قراية الشلليات دي ما نافعة وانا خايفة عليك وعلي مستقبلك.. والاولاد البجوك هنا ديل والله قلبي ما متطمن ليهم اصلا. قال ليها يا امي ما تخافي علي. انا ما صغير وبعرف ادافع عن نفسي وبرضو احافظ عليها ..والاولاد حيعملو لي شنو مثلا؟ قال ليهو ما تنسي بيت الشعر البقول. ان القرين الي المقارن ينسب. يا ولدي انا امك وقلبي بحس والله ..انا غايتو ما عايزاك تطلع. ولا سمع كلام امو ... وفعلا الحذر لا ينجي من القدر ..والمكتوب علي الجبين لاااازم تشوفو العين. اها صديق مشي لاصحابو. وهم فرحو جدا لمن جااهم اها حيعملو معاهو شنو. الله يستر عليك يا صديق



يتبع....

#مطعم_الكفاح

بقلم: #نمارق_دفع_الله

الجزء 05


اها صديق بعد طلع. سهير تدعي ..يا رب تحفظو وتوفقو. اها مشي ووصل للجماعه وسلم عليهم. لقاهم قااعدين وخاتين كتبهم ومذكراتهم ومنتظرينو. قعد وبدا معاهم الشرح ..اها جابو ليهو كباية شاي. بحسن نية شربها وشغال يشرح معاهم ..فجاة حس راسو لاافي وتقييل والصداع حيكسرو. قال ليهم والله يا اخواني ما بقدر اواصل شرح معاكم انا حاسي نفسي ما تمام. حارجع البيت ونواصل وقت تاني ان شاء الله. اها قالو ليهو اقعد يا مان ارتاح هنا وبعد تحس نفسك كويس امشي بيتكم ..قال ليهم لا حامشي. وطلع منهم ..بعد ما طلع ..قعدو يضحكو. هههههههه. في واحد فيهم قال ليهم عامل لينا فيها حفيد نيوتن. هه واحد تاني قال خليهو نشوفو بكرة حينجح كيف في الامتحان ..ههه نط واحد منهم قال ليهو هو ذاتو ما حيلحق يمتحن وفقعوها ضحك. اها صديق وصل البيت امو من شافتو ملامحو ما طبيعة ومسك بطنو وقعد يتلوي من الالم ..امو فكت الكواريك ..وووب علي مالك في شنو يا صديق؟ ؟ اجري اجري يا عبدو شوف ولدك. اها شالوهو وع المستشفي جري. الدكتور فحص ليهو. وقال يدخلوهو عملية مستعجلة لانو دمو كلو اتسمم والا يغيرو ليهو الدم. اها الدكاترة باشرو اجراءات العملية ودخلوهو. والعملية اتعملت ونجحت. الدكتور طلع وطمنهم قال ليهم الحمد لله انكم اسعفتوهو سريع والا كان مات. عبد المعطي قال ليهو مالو ولدي عندو شنو؟ الدكتور قال ليهو ولدك اخد جرعة او مادة مخدرة سامة جدا ..بتعاطوهو شباب الزمن ديل. والجرعه لمن تكون زايدة بتؤدي بالحياة طوالي .. اها عبد المعطي قال ليهو انا ولدي ما بتعاطي حاجة. وانا مربيهو كويس جدا وعارف اخلاقو وسلوكياتو. الدكتور قال ليهو انا مقدر موقفك يا حاج. لكن ما تنسي انو تحليل الدم اثبت لينا تعاطيهو مادة مخدرة. ولو انا ما بعرفكم ..كان بلغت الشرطة لكن عارفك انت راجل مسكين وما قدر تلتلة الشرطة. المهم حياخد معانا يومين في المستشفي وبعدها ممكن تطلعوهو ..لكن انتبهو ليهو كويس وخلو بالكم منو. ومشي علي كدة .. اها عبد المعطي قال لسهير ارجعي البيت لانو البنات براهن. سوقي معاك علي وعمر ديل والصباح رباح خلوني انا مع صديق. اها سهير قالت ليهو انا من هنا ما بتحرك واخلي ولدي قال ليها يا سهير الله يخليك امشي ..البيت واسمعي الكلام ..بناتك حتخليهن لمنو .. والولد كلها يومين ويطلع ما تشيلي هم ..وان شاء الله حنحل المشكلة. انا واثق انو صديق ده ما اتعاطي حاجة غير بفعل فاعل. ولدي وانا عارفو. سهير قالت ليهو والله انا زاتي شاكة في كدة صديق ده طلع طبيعي الصباح من البيت ومشي لاصحابو ديل. ورجع منهم حالتو حاله اكيد هم اللي ورا السبب .. وطبعا يا اخواننا مفترض تتابعو اولادكم وتعرفو اصحابهم كويس. لانو صحبة الاولاد بالذات بتاثر جدا ..لذلك انتبهو ليهم كويس. وضروري تعرفو اخلاق اصحابهم وتربيتهم وسلوكهم ..لانو في اولاد كعبين شديد. الواحد يتعاطي كل الانواع المخدرة. والسجائر والتمباك والمسكرات كلها ووومكن برضو اصحابهم يتاثرو بيهم والما بتاثر بيهم بقولو ليهو ود ماما وانت ما راجل. مفتكرين الرجولة بالسجارة والمسكرات وقلة الاخلاق . والمصيبة الواحد تسالو يقول عندي مشاكل وما قادر عليها. لذلك بشرب اي حاجة تنسيني الهم. وما عارف انو كدة بخلق مشكلة جديدة ليهو...اها مرت الايام وصديق طلعوهو بيتهم وبلغ كمال الصحة وامو حرمتو الطلعة من البيت الا يوم الامتحان ..ومجتهد شديد



يتبع...