ما تخاف من خسارة زول لأنو العالم دا فيهو سبعة مليار نسمة
خاف من خسارة نفسك لانو انت تحديداً ما عندك غيرا
@ahmed_tarig

‏كُل حد هتحس بالأمان معاه هتحبه ايًا كان نوع الحُب دا بس مش كل حد هتحبه هيقدر يحسسك بالأمان .

صباح الخير جداً 💜 .. رسالة اليوم قالها احمد طارق ان شاء الله تكونوا وعيتوها💜 بتمنى ليكم يوم جميل 💜

لا شئ .. اعيدك غريباً كما كنت ..
،،

‏-إن الله تعالى وضع كُل تلك التعقيدات والمصائب ليس ليؤذيك حاشاه
‏ بل لأنك خُلقت ضعيفاً
‏وَخُلِقَ الْإِنسَانُ ضَعِيفًا
‏يُريدك الله تعالى أن تلجأ إليه
‏ يُريدك أقوى يُريدك صلباً لا تكسرك مصاعبُ الدنيا الفانية♥️.

منك بديت رحله هواااي♥️.

سراً :
في کل وقت إحمدي الله ، تخیلي بین حدیث و آخر تحمدینه ، و قد سَمِعَ اللّٰه لِمن حَمِدَه سیسمعك و یستجیب🌸.

وكأن اللون الاصفر يحكي بأن الحياة تحب السعادة والتفاؤل🌼💛.

النّاس لُطفاء بحَجم المَصلحة!
لا تتعمّق ؛ ستتأذَّى💛

ما بتَقدَر تورِّي زول كيف يحبَّك
ولا بتقدَّر تقول ليهو يحبَّك أكتَر
لكِن..
بتقدَّر إنتَ تحِبو أقَلّ!
أفتكِر إنه this is fair enough
#سلمى_المصباح💛🌸



●

وحدِي أُدرِك
أنّ جسَد الفاجِعَة
أوسَع مِن
جُلبَاب النصُوص🌸



●

اليُوم البِمُر عليك وإنتَ ما إتطورتَ فيهو ولو بمقدَار سَنت ، ولا فتشتَ فيهو عن حاجه فِي مجَالك أو هدفَك ، ولا إتقربتَ فيهو من ربَّك شِبر
دا يُوم إتحسَّر عليهو طوالِي..
لأنو بالجَّد رَاح!🗓🍂



●

‏الاهتمام ..الف باء العلاقات !! أيا كان نوع العلاقة و منهجها ..

الما عندو ليك اهتمام ما عارفة ممكن يكون عنده ليك شنو !!!!

‏الصبر على اذى المحبوب ! الما بصبر عليك ما بحبك .. و البحبك بصبر عليك شديد ..و الما عارف كدة .. ما عارف حاجة على الاطلاق ..

‏العرس ما قسمة و نصيب .. القسمة و النصيب بالجد .. هي الريدة
اتخيل لي نحن ما بندرك قدر شنو نحن بشر .. و ضعيفين للغاية .. و لا نملك لأنفسنا دي اي شي .. الا لما نحب زول
بنعرف انه كل غرورنا ..و اعتزازنا بنفسنا .. و تهيؤاتنا البالية اننا مسيطرين و قادرين و مالكين زمام امورنا .
‏بتنهار كدة و تبقى فتات .. قصاد زول واحد جد بنريده
حاجة لا بتتفسر لا بتقدر تديها قياس و حجم لا بتقدر تستوعبا ولا تشرحا للناس ذاته
و نبقى بس متخبطين ..ما بين زعلانين من روحنا دي البتحب بدون ما نقدر نثبتا
و ما بين زعلانين عليها و مشفقين
و مابين مغيوظين عديل كدة من نفسنا الضعيفة دي
‏الماعندها اي ارادة في تختار منو و تحب منو و ليه و كيف
لو كان الطرف الآخر مبادلك الاحساس فقد ملكت الدنيا و ما فيها
و لكن انا هنا تحديدا بتكلم عن الناس الممكن نعيش و نموت و ما يكونو عارفين اننا حبيناهم
كنا رهن اشارة منهم مقابلها مستعدين نوهب حياتنا دي بي كل الفيها و الما فيها
‏و ماقدرنا نقول بريدك ولاقدرنا نبطل ريدة
ولا قدرنا نحب ناس غيرم حبونا و دارونا و ما كان عندنا ليهم مشاعر للاسف
ماهو مابايدك ولا اي شي
ويبقى من كل الكلام دة اننااستكشفنا جوانا مشاعر و مساحات و اماكن جوا روحنا ما كنا قايلنها في و خضنا تجارب عززت من قيمتنا ومن قيمة الحياة في عينينا
‏يكفي نصحا على امل اليوم دة ممكن يجيبه لينا
و يبقى افضل كلام اتقال قالو الكاشف
باسم الحب بقدم ليك حياتى
حياتى ومعاها العاطفه الجميله
عليك يا حب تحياتى عليك اوقفت غاياتى
لحبى اضحى بى حياتى
احب الحب وايامو وذكرياتو واحلامو
وما يوحيه الهامو
حيات الحب اسميها السعاده بكل معانيها
‏اقيم ليلاى اغنيها
روح يا ليل تعال يا ليل تعال يا ليل وروح يا ليل

❤❤❤

على اي حال العرس دة اي زول ممكن يعرس اي زول ..

القسمة الحقيقية .. هي قسمة الريد !!

فضفض للزول الصح عشان م تضايق مرتين

اي ابقوا اختاروا صح بس عشان تقدر تصبر على الظروف و النفسيات ما تصبر على زول قاصد يأذيك بحجة انك بتحبه لازم تصبر عليه.. ف نقطه الواحد لمن يوصلها بقول كفايه و يفتح الله على الحب..

‏الطريق لو باظ في نصه مش ضروري تكمله
واللي مش قادر ترصه هده تاني واعدله
كل خيط ممكن تقصه بس تمسك أوله ..

عمرو حسن

‏كتب المتطوع حذيفة النعيم :
من اغرب القصص اللاقتني في شغلنا الطوعي ، قصة تحيرك والله :
في مرا كدا كل ما ارفع حالة بتضرب لي وتتبرع ب الف جنيه ، الفين وكداا
استمرت معاي فترة طويلة شديد ، وكنت بعرف اسمها بس ومسجل رقمها ، عمرها ما يقارب ال 50 كداا .
‏فبقت بتحبني شديد وبتثق فيني لاكبر درجة 💓
لحدي ما يجي اليوم الكان الرفعت فيهو حالة لاطفال في المدرسة محتاجين شنط ولبس مدرسي ورسوم ، فضربت لي وقالت لي في شنط وملابس ومبلغ مالي تعال شيلهم

مشيت وكان اول يوم الاقيها بعد تعامل استمرا لشهور
فمشيت وبقت توصف لي في المكان ، خش يمين ،
‏خش شمال وكدااا..
المهم البيوت ، ظاهر عليها البؤس ،وواضح انو سكانهم فقراء 💔
بس كنت بستغرب ، كيف المرا دي بتقدر تنفق المبالغ دي وهي ساكنة في حي فقير كدا ؟

المهم وصلت ، مسجد ، قالت لي : خش المسجد وامشي طوالي
خشيت يا مؤمن وتعال شووف المفاجاة

بنات كتاار ، عمرهم بين ال10 سنة
‏لحدي 15 سنة ، محجبات ، وفيهم منقبات 💓

ماشاء الله الاحترام والادب والوقار ظاهر فيهم ، وانا في باب الحوش لما شفت بنات كتار رجعت ورا وقفلت الباب

جاتني طالعة المرا ذاتا وقالت لي اتفضل اتفضل
المهم. خشيت ما يقارب المية بت قاعدات
غرف مليانة بنات يقرو قرأن ،ومكتب مكيف
‏ومفروش وعجيب ماشاء الله..
قالت لي : طبعا عارفاك يا حذيفة يا ولدي بتكون راسك اتملي ، وبتحاول تفسر الجوطة دي كلهااا
وبقت تحكي لي وقالت لي :

انا يا حذيفة دكتورة ، اشتغلت في مستشفيات كتيرة ، ابراهيم مالك ورويال كير وكم مستشفي

لما اتخرجت من الجامعة ما كنت خاتمة القرأن ،
‏وبقيت بكون قاعدة في المستشفي فترات النبطشية والدوام بحفظ قران
وكان في معهد جنب المستشفي
فالحمدلله في سنتين ختمة القرأن
وبقيت بقرا في كتب التفسير والصحيحين

وخلصتهم ، وجيت المكان دا لحالة وصفوها لي ، مرا مسكينة وكانت مريضة
فلما جيتها قالت لي يا دكتورة :
‏مرضي هين بتعالج ، لكن اولادي ما قرو وبناتي ما قرو ، والحي دا كلو فقراء ما بقدرو يدرسو اولادهم وما عندنا مدرسة ونفسنا بس اولادنا وبناتنا يتعلمو ويحفظو القرأن 💔

سبحان الله هي مريضة وهمها في اطفالها
ما قالت عايزة مصدر دخل ولا اكل ولا شراب

قالت عايزة. تعليم وهكذا تبني الامم
‏المهم يا حذيفة يا ولدي ، سألتهم كيف ممكن اساعدكم ، قالت لي في غرفة في المسجد
فاضية مكسرة هي لكن شوية قروش بصلحنها

والدكتورة دي بدت فيها شغل 😍
بالمختصر المفيد :
عملتها معهد لتحفيظ القرأن والان فيها ما يقارب ال خمسة او ستة غرف وسكسبندات كتار ، وماشاء الله مكتب للاستاذات والشيخات
‏الشغالات معاها
وخرجت اكتر من 40 بت خاتمة للقرأن الكريم
وحاليا عايزة تعمل المعهد مدرسة قرأنية
وتدرج المواد العلمية مع القرأن والتفسير
وتخرج كل سنة 40 حافظ للقرأن
قادرين تتخيلو انو الدكتورة دي قالت لي بالحرف الواحد :
انا خليت الطب خلاص وما دايرة ارجع المستشفيات هنا مرتاحة شديد
‏مع بناتي وقرأني دااا
يااخي انا زهلت وبقيت ما قادر اصدق والله
قلت ليها انا ممكن اقدم ليكم شنو ؟
ناقصين شنو ممكن اوفرو ليكم ؟
قالت لي انا من زمان كنت بفتش لرقمو شيخ وائل عشيري بس ما لقيتو
وسبحان الله انا كان عندي موعد في اليوم التاني مع شيخ وائل وحكيت ليه
واتفقنا نسجل ليهم زيارة
‏صراحة ما كنت متخيل ابدا انو في الزمن دا لسة نساء بالشكل دا ✨
نساء بقدرن يصلحو امة كاملة
وجا في بالي احد الامة لما حكي
انو امو كانت بتسخن ليهو الموية من البرد وهو صغير
عشان يمشي المسجد الصبح ويحفظ القرأن

عرفتا تماما انو المجتمع نساء ، واذا عايز تدمر امة دمر نسائها
وعرفتا ليه
‏الغرب بستهدف بناتنا بالذات
ملابس فاضحة ، وفجور وتحرر واوهام
تخلي كل همها في الدنيا علاقة حب ولبسة تلبسها

عارفين لما تنتهي من نساء اليوم ، انت بتنتهي من الجيل الجااي كلوو

لانهم هم البربو الجيل الجاي

بالمناسبة بت الدكتورة دي كانت ممتحنة ، الشهادة ، واحرزت 94% في النسبة

‏"وفجأة يتبدل الحال، ربَّك قادر ♥️"

سافرت ليك قاصدك وطن😔♥️♥️.