‏يعلن فندق رواق عن حاجته عن

1- موظفة استقبال تكون عندها خبرة في الانجليزي
العمل موظفه استقبال في الفندق

2- ايضا ١٥ عامله نظافه

الدوام والراتب يحدد عند اللقاء

رقم التواصل 0910008850

الموقع جامعه افريقيا - المركز الاسلامي

اللهمَّ صلِّ على محمَّد وعلى آل محمَد، كما صليتَ على إبراهيم وعلى آل إبراهيم، إنَّك حميدٌ مجيد. اللهمَّ بارِك على محمَّد وعلى آل محمَّد، كما باركتَ على إبراهيم وعلى آل إبراهيم، إنَّك حميدٌ مجيد .

صبااحكم خيير ❤
اتصدقوا كتيييير ولو جنيه في اليوم :" قليل دائم خير من كثير منقطع " ... اذا عندكم مشكلة او لا ، دايماً الصدقة بتسهل حياتكم وتحل ليكم كل المشاكل: " فأما من أعطى وأتقى * وصدّق بالحسنى * فسنيسره لليسرى " ❤

يوم سعيد وجميل عليكم ❤😘

في نهايه السنه بشكر ربنا علي كل النعم اللي بينعم عليها ليا ، وبشكره علي نعمه الستر ، وبالنسبه اللي حواليا مش حابه اشكر حد الا نفسي ، لإني شوفت كتير وعديت كتير وكل حمل تقيل علي قلبي خففته لوحدي وبنفسي ، بشكر نفسي لإني بعرف اتجاوز ، بقف بطولي في اي حاجه وعمري ما استنيت حد ، ولو فيه نسبه صغيره من الشكر ، هشكرها للناس اللي خرجت من حياتي ، لإنهم سابوا مكان لناس احق بالمكانه دي ، واخيراً والأهم بشكر ربنا علي كل حاجه حلوه ⁦⁦🙇🏻‍♀️⁩💛💛💛💛💛

۔ ان شاء الله السنة الجایة في التاریخ دا 🌸
حنکون في المکان اللي بنتمناه ، بنعمل الحاجة اللي بنحبها ، و ووصلنا للشي اللي بنستحقه ، و مع الناس اللي بنحبهم و ملیانین خیر وعافية وسعادة 💛..

اللهم یوماً نحکي فیه عن سعادتنا 🌸.

‏كل سنة والواحد أحسن من القبلها.. عارف قيمة نفسو.. محقق أحلامو.. كانس كل القرف من دنيتو، وحياتو أنضف، أروق، وأهدي. 🌼💛

Happy new year ❤️❤️

‏افضل شي ممكن تعمله في السنه الجديده انك تبطل تكسب الناس و تبدا تكسب نفسك لانه حبك لنفسك هو الحينفعك وثقتك في نفسك هي الحتطلعك من مشاكلك في الوقت البتحس فيهو انك محتاج زول انت مامحتاج زول انت عايز زول يقويك .. عشان كده خليك قوي عشان ماتحتاج لزول
دي نصيحتي الوحيده ليكم.❤️

‏زول فات وخلاك اوعي تنتظرو يرجع ليك تاني .
زول استغني عنك امشي خليهو ما تديهم فرصة ثانية عشان يستغلوك خلاص كفاية اعتزار للمرة الأولي اكتفينا ما تديهم فرصة يدوسوك تاني ويرجعوا ليك وقت فرحك انت اقوي من كُل حاجة ، بتقدر تتخطاهم عادي ، ما تخليهم يكونوا ليك عائق 💛.

‏ما تنتظر زول يقول ليك ارح انا معاك ، خليهم دائماً يلقوك قدام .
الدنيا حُب وسلام .

All alone I watch you watch her
Like she’s the only girl you’ve ever seen
You don’t care u never did
You don’t give a damn about me
Yeah all alone I watch you watch her
She’s the only thing you’ve ever seen
How is it you never notice
That you are slowly killing me... 💔

ك نصيحه كنز ✨:
عايز كل البتتمناه يتحقق ليك ؟
*اعمل خير كتير .. خلي قلبك ابيض واتمنى الخير لكل الناس .. ابعد من الافكار السلبيه وخليك متيقن انو كل شي بتتمناه بتلقاه ايا كان ..
وبعدها طبق كلامي ده ياعزيزي :
امسك ورقه وقلم ..اكتب كل شي بتتمناه ونفسك تحققو "ياريت ماتشطحو شدديد ..بعني ماممكن انت طالب تقول عايز بيت مثلا !حبه حبه على نفسك ياخطير " ..
قول مثلا عايز تلفون كده كده كده "بالتفصيل"
اشتغل في المكان الفلاني بمرتب كذا ..
اعمل وافعل و ... الخ ..

*ديل بعتبارهم نوايا ..غمض عيونك وكررهم جواك وانت بتنوي انهم يتحققو في السنه دي ، انا نويت انو يكون عندي تلفون ايفون كده كده .. ونويت كده ... الخ ..
بعدها ؟
طبق ورقتك دي وخليك عندك يقين انو في السنه لازم يحصل ويتحقق كل الطلبتو ..
سواء بعد يوم
او نهايه السنه
او نصها
او اي شي .. ماتتحمس ..ماتتحمس ..ماتتحمس ولا تنتظر بهبل ..
انسى العملتو والكتبتو وبراااهووو بجييك ..
وشكرا ♥️
#lena

واحدة من القِيم اللي لي يوم الدين
ح أكون مُمتنة لي أبوي إنو علّمني ليها
هي إني كلما أكون مضطرة .. أسأل ربنا وما اسأل الحاجة من زول
_يا صفيّة بتي
لو اضطريتي اسألي ربنا وما تسألي زول
=في أي حاجة يا أبوي؟
_في كل حاجة يا صفية!

وقد كان!

قبل فترة طويلة
كان عندنا ايفنت
وكنت ح ألاقي فيه ناس لي زمن طويل ما لاقيتهم
فبقيت واقفة قدام دولابي محتارة ألبس شنو
حرفيًا كل عباياتي بقت مُكررة وماف شي ممكن أمشي بيه!
قفَلت معاي فوق تحت ومشيت تاني يوم الجامعة عادي ..
الإيفنت باقي ليه يومين
بس قلت ياخي الله بدبِّرها
طلعت من المحاضرة وإذا بي اتفاجأ إنو بنات دُفعتي عاملين لي "حفلة عيد ميلاد مفاجأة"
لما فتحت الهدية لقيتها (عباية _شنطة _سبورت)!!
مشيت الايفنت أحلى مُنقبة فُلّة ولّا إيه 😂💃
وسبحان الله بتدبير ربنا وبدون ما أكون خاتة في الحسبان أي شي من ده يحصل
علمًا بي انو أصلًا عيد ميلادي زمنو كان فات .. وما أتوقعت حدث زي ده.. تفاصيلو تكون كده!
وما جاء في بالي غير جملة أبوي :
" لو اضطريتي اسألي ربنا وما تسألي زول"

موقِف تاني؟
مشيت الجامعة وشايلة مبلغ أكتر من مصروفي
فصرفت كتير وبدون ما أحِس
في طريق رجعتي
قعدت أحسب لقيت باقي لي أقل من حق المواصلات وأنا يا أركب ركشة للبيت أو أمشي كداري لمسافة طويلة!

عاينت جاي جاي!
قلت ياخ اتوكلي بس وبعدين كدّريها!
ركبت الحافلة
ولما جيت أدفع للكمساري
الود الجنبي قال ليه اتنين وأشّر عليّ
قال لي خلّي عنك!
بقيت مستغربة في شنو يعني
شكرتو وسكتت!

نزلت بعدها وركبت ركشة لغاية البِيت وأنا طول الطريق بفكّر في ربنا وتدبيرو للأمُور !

يعني من وين الزول الجنبي ده عرف انو قروشي ناقصة!
من وين عرف إني زهجانة وكسلانة من مشوار الكداري بعدين!
من وين بعرفني أصلًا

في مقولة لأحد العلماء بقول فيها
"إذا كانت لكَ حاجةٌ عند مخلوقٍ فابدأ بِالخالِق"!

ربنا ما بِمد ليك يدو ويساعدك
لكن
بسخِّر ليك خلقو بطريقة تخلّيك تستغرب وتقول يا الله!

من يوم أبوي قال ليّ كده ولغاية اليوم وللأبد
أنا ما شايلة هم!
حقيقي ؛
ربنا بِدهشني كل مرة
مواقف بسيطة
بسيطة لكِن أثرها قوي وبخلّيك واثق وزايِد يقين
إنو اللّه فِي!
شايفك
حاسي بيك
بساعدك
أيًا كان ..
أيًا كانت علاقتك معاه
بتعبدو ولا بتعصيهو
مُقصر في حقو ولّا بتجاهد عشان ترضيهو
الله فِي
وقادر بس بي دعوة صادقة مِنّك
يقول للدنيا كلها
اقيفي قُصاد حاجة عبدي فلان

على قدر ما شفت كعب في الدنيا دي
على قدر ما ربنا كان بملا طريقي بي مواقف بسيطة زي دي تخلّيني أعيد ترتيب روحي واتعدِل وأتعلّم الشُكر على النعمة ووجودها

أنا ما عندي شي في الدنيا دي بتقوّى بيه غير
"الدُّعاءُ سِلاحُ المؤمن"

زميلنا بقول
"أنا واقف لي ربنا ورا الباب لامِن يفتح لي"

صبُر وإصرار أكتر من كِده كيف!

اقيفوا ورا الباب
لمّن يفتح ليكم ♥️

وشُكرًا
وعَفوًا

#صفِيّة_مُصطفى

مطلوب شباب من الجنسين للعمل بجناح لعدد من الشركات بمعرض الخرطوم بارض المعارض ببري. مدة المعرض من يوم 20 لى يوم 28 يناير 2020 بدوام صباحي ومسائي
المطلوبات:
1- التفرغ التام خلال فترة المعرض المذكوره اعلاه.
2- العمل خلال الفترة الصباحية او المسائية.
3- مهارات تواصل جيدة.
4- اللباقة الجيدة و الهندام.
5- يفضل السكن بالخرطوم في المناطق المجاوره لأرض المعارض ببري.

آخر موعد لاستلام الطلبات يوم الأثنين الموافق 6 يناير 2020 الساعة الثانية ظهراً وسوف تجري المعاينات يوم الثلاثاء 7 يناير التاسعة صباحاً.

علي الراغبين من الجنسين إرسال البيانات الشخصية + رقم الهاتف + صورة شخصية حديثة أن وجد على البريد الالكتروني
spoton.sudan@gmail.com
واتساب 0900192222
للاستفسار يمكن التواصل عبر الرقم 0900190000

‏شركة تطلب موظفات في منطقة الرياض

1- استقبال وخدمة عملاء
2- بائعات

نوع الوظيفة: دوام كامل
الراتب: يحدد بعد المقابلة
لديها خبرة في استخدام الحاسب الآلي
الأولية لمن تجيد اللغة الانجليزية

أ. كنان
*واتس أب فقط*

0501429859

‏1- مشرف انتاج خط حلويات.
2- مشرف ضبط الجودة ، تخصص بسكويت.
3- مسئول خدمات ونظافة عامة.

خبرة أربعة سنوات في ذات الوظيفة مع إلمام تام بجميع متطلبات الوظيفة.
القدرة على تحمل ضغط العمل مع الانسجام التام مع فريق العمل بالمؤسسة .
قوة الشخصية مع تحمل مسئوليات الوظيفة بكفاءة واقتدار .
‏الانضباط في مواعيد العمل .
السكن بمدينة الخرطوم بحري .

التقديم للوظائف:
ترسل السيرة الذاتية فقط ، بصيغة ورد word أو PDF، مع كتابة اسم الوظيفة في عنوان الرسالة

يتم التقديم عبر البريد الإلكتروني :
hrsudan2050@gmail.com

اخر موعد للتقديم هو يوم الخميس الموافق 9 يناير 2020 م .

‏مطلوب محاسب لمراجعة حسابات مطاعم و محلات تجارية بمدينة بورتوسودان

للاستفسار نرجو الاتصال على
٠٩٩٩٧٤٦٩٩٩

يسري هذا العرض حتى ٢٠٢٠/١/٣

مرقت على المطر حفيان
لقيتك و الرزاز مدخل
و ناديتك اقيفي معاي
نشيل كتف الغُنا الميّل
و نتخيل ♥️

‏دي بالجد حتكون أهم تغريدة حتقروها الليلة.
اقروها بليز!
إتخيل تكون ماشي عرس في الحلة الجديدة وانت ما حصل مشيت الحلة الجديدة قبل كدا.. لبست وركبت عربيتك وقررت تتحرك بدون ما تعرف بيمشو ليها بي وين وركبت الزلط على أمل انه بالصدفة تصل محل ما ماشي
تفتكروا حتصلو العرس؟
يتبع👇🏽
‏كل سنة إحنا بنحدد هدف انه عايزين نحققه فيها.
زي العرس دا والبيحصل إنه بننوي بس وعلى أمل إنها تتحقق و بنكون محطوظين لو قدرنا نحقق هدفنا أو نحافظ عليهو لي كم شهر بس خليك من السنة كلها.
المشكلة عندنا في التخطيط وكتير مننا مستخسر يقعد مع روحه نص ساعة يحدد أهدافه ويخطط ليها.
‏وأنا أولكم عشان كدا قررت أنه السنة دي أضغط على روحي واخطط من بدري.. اتفرجت ٥٠٠ فيديو وقريت كم مقال عن التخطيط للسنة الجديدة لكن لقيتهم كلامهم كتير وعايزين دفاتر معينة ومسطرة وقلم والوان وكلام كتير.. المهم عارفكم كسلانين 😂 عشان كدا حاحاول ألخص الكلام دا كله في الثريد دا..
‏أول خطوة.. اقعدوا مع روحكم كدا الليلة ان شاء الله نص ساعة براكم كدا.. جيبوا ورقة وقلم او في الnotes وفكروا في ٢٠١٩ دي..
أنجزتوا شنو فخورين بيهو واكتبوا قائمة بالحاجات دي..
الإنجازات قد تكون في حياتك العملية، الإكاديمية، الشخصية علاقتك اتحسنت مع زول معين، لقيت زولك/زولتك ❤️❤️
‏روحانية: بقيت تصلي، تقرا قرآن او اي شي فخور بيهو..
انجازات صحية في ستايل حياتك واخر شي انجازات شخصية، تطوير في نفسك عادات كويسة، اي شي تاني..
بعدين في خانة تانية نكتب أي فشل حصل لينا في ٢٠١٩ وسبب لينا عائق او حزن، ومع كل فشل فكر في اسباب ليهو وكيف ممكن تتفادى الحاجات دي في ٢٠٢٠.
‏بعد كدا حنكتب أهداف ٢٠٢٠ براها لكن لازم تكون بي شروط.. كتير منكم عارفين يعني شنو
S.M.A.R.T وللماعارفين سمارت دي شروط الأهداف الحنعملها.. انها تكون محددة ما حاجة عايمة بدل تقول عايز اضعف تقول عايز انزل ٢٠ كيلو..
تكون قابلة للقياس مثلاً كل اسبوع ممكن توزن نفسك وتعرف الفرق.
‏تكون قابلة للتحقيق في السنة دي وما عندك شي بتعارض معاها.. وتكون واقعية يعني ما تسرح بي نفسك وتقول عايز تلعب في برشلونة.. دي اهداف ما طموحات في فرق.
وآخر شي انها تكون مربوطة بي زمن معين.. يعني عايز اضعف ٢٠ كيلو في ٤ شهور..
عايزة اقرا ٤٠ كتاب في ٦ شهور.. عايز انجح البتاع شهر ٤ وكدا
‏يلا وزعوا الأهداف على جميع النواحي الروحانية الصحية الاكاديمية والعملية والشخصية وما تكتبوا اكتر من ١٠ أهداف بالكتيييير..
‏بعد كدا حنجي لي مرحلة التخطيط.. وكيف حنقيس مدى التزامنا بالخطة..
يعني لو هدفنا الصحي انه نضعف معناها عندي هدف يومي اني اتريض وهدف يومي اني آكل اكل صحي وهدف يومي اني اتفادى حاجات معينة.. هدف روحاني اني اقرا قرآن كل يوم.. عايز انجح في امتحان معناها كل يوم عايز اقرا ساعتين والخ..
‏بعد ما نقسم اهدافنا لي حاجات يومية بتنطبق عليها الشروط حنجي للقياس في حاجة إسمها habit tracker ودي عبارة عن ورقة بتكتب فيها الحاجة العايز تعملها وتحدد اليوم وتجي كل يوم بالليل تعمل صح قدامها بس.. ختها جبن سريرك في المراية في الحمام في الباب وخت جنبها قلم وكل نهاية يوم اعمل صح..
‏دا برجعنا لي نقطة انه كل ما نعمل صح كم مرة بنكون مشتجعين اننا نحافظ على سلسلة النجاحات دي وما نفط يوم.. أرجعوا لي ملخص كتاب العادات الذرية حيفيد شديد في النقاط دي..
‏وأخيرا وليس آخرا لازم نعمل check points كل شهر نشوف مدى التزامنا، نشوف انجازاتنا والنتايج الوصلنا ليها.. عشان نتشجع نكمل او نزيد الهمة شوية..
‏عارف الموضوع قد يكون تقيل عليكم لكن التخطيط مهم شديد وكلنا جربنا الطريقة بتاعت النية ساي وما نجحت السنة دي جربو كلامي دا من باب التجربة بس وخلو التغيير يبدا منكم انتو.. ٢٠٢٠ و ٢٠١٩ هم نفس عدد الأيام مافي جديد لكن التغيير منك.. اقيف مع نفسك وصدقيني انت بتستاهل تقعد مع روحك نص ساعة
‏تخطط ليها ودي مفترض تكون اولوية وما رفاهية.. عشان تحقق اي هدف انت عايزه.. المهم انا حاسي اني اتكلمت كتير والكلام ما مرتب شديد فأعفوا لي لكن بتمنى تكونو فهمتو الرصة شنو..