#الرضيع_الجني
بقلم: هديل محمد

الجزء 08


ﺳﻠﻮﻯ ﻛﺎﻧﺖ ﺗﻌﺒﺎﻧﻪ ﺷﺪﻳﺪ ﻭﺣﺴﺖ ﺑﻲ ﺟﺴﻤﻬﺎ ﺑﻘﻰ ﺧﻔﻴﻒ ﺑﻌﺪ ﺍﻟﺘﻘﻠﻪ

ﺩﻳﻚ ... ﻭﻓﻲ ﻧﻔﺲ ﺍﻟﻮﻗﺖ ﻛﺎﻧﺖ ﻣﺴﺘﻐﺮﺑﻪ ﺷﺪﻳﺪ ﻣﻦ ﺳﺮﻋﻪ ﻭﻻﺩﺗﻬﺎ ...

ﺍﻣﻲ ﺟﻴﺒﻲ ﻟﻲ ﻭﻟﺪﻱ ﺍﺷﻮﻓﻮ ﻓﺠﺄﺓ ﺍﻟﻜﻬﺮﺑﺎﺀ ﺟﺎﺕ ... ﺳﻠﻮﻯ ﺷﺎﻓﺖ ﻭﻟﺪﻫﺎ

ﻭﻛﺎﻥ ﺟﻤﻴﻞ ﺷﺪﻳﺪ ﺷﺎﻟﺘﻮ ﻭﺃﻣﻬﺎ ﻗﺎﻟﺖ ﻟﻴﻬﺎ ﺭﺿﻌﻲ ...ﺑﻘﺖ ﺗﺮﺿﻊ

ﻓﻴﻬﻮ .. ﺍﻣﻲ ﻭﻟﺪﻱ ﺩﺓ ﺑﺮﺿﻊ ﺳﺮﻳﻊ ﺳﺮﻳﻊ ﺗﻌﺎﻟﻰ ﺷﻮﻓﻲ ... ﺑﻜﻮﻥ ﺟﻌﺎﻥ

ﻳﺎﺳﻠﻮﻱ ..ﺧﻠﻴﻬﻮ ﻳﺮﺿﻊ ﺳﺎﻱ ...

ﻋﺪﺕ ﺍﻟﻠﻴﻠﻪ ﺩﻳﻚ ... ﻭﺣﺎﺟﻪ ﺧﺪﻳﺠﻪ ﻛﺎﻧﺖ ﺭﺍﻗﺪﺓ ﻣﻊ ﺳﻠﻮﻯ ﻓﻲ ﻧﻔﺲ

ﺍﻟﻐﺮﻓﻪ ﻛﻞ ﻣﺮﺓ ﺗﻜﻮﻥ ﺩﺍﺋﺮﺓ ﺗﺸﻴﻞ ﺍﻟﻮﻟﺪ ﺗﺘﻜﻠﻢ ﻣﻌﺎﻫﻮ ﺍﻧﺖ ﺃﻣﻚ ﺧﻼﺹ

ﺗﺎﻧﻲ ﻻﺷﻐﻠﻪ ﻻ ﻣﺸﻐﻠﻪ ﺭﺍﺍﺍﻗﺪﺓ ﺳﺎﻱ ﻭﺷﺎﻳﻼﻙ ﺍﺷﻴﻼ ﺍﻟﺒﻼ ﺍﻥ

ﺷﺎﺀﺍﻟﻠﻪ ... ﺍﻟﺤﻘﻲﻧﻲ ﻳﺎﺳﻤﻴﻪ .. ﻣﺎﻟﻚ ﻳﺎﺧﺪﻳﺠﻪ ... ﺣﺴﻴﺖ ﺑﻲ ﻟﺴﺎﻧﻲ ﺩﺓ

ﺍﺗﺮﺑﻂ ﻣﺴﺎﻓﻪ ﻭﻣﺎﻗﺪﺭﺕ ﺍﺗﻜﻠﻢ ...ﺩﺓ ﻣﻦ ﺍﻟﺘﻌﺐ ﻳﺎﺧﺪﻳﺠﻪ ﻭﺍﻟﺨﻠﻌﻪ ﺑﺘﺎﻋﺖ

ﺳﻠﻮﻯ ﺟﻴﺒﻲ ﺍﻟﻮﻟﺪ ﻭﺍﺭﺗﺎﺣﻲ ﺷﻮﻳﻪ ...

ﻳﺎﺍﺍﻣﻲ ﻳﺎﺍﺍﻣﻲ ... ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻣﺎﻟﻚ ﻳﺎﺳﻠﻮﻱ ﺑﺘﻜﻮﺭﻛﻲ ﻧﺺ

ﺍﻟﻠﻴﻞ ﺍﻧﺘﻲ ﺃﻭﻝ ﻣﺮﺓ ﺗﻠﺪﻱ ﻭﻻ ﺷﻨﻮ ... ﻛﺪﻱ ﻭﻟﻌﻲ ﺍﻟﻨﻮﺭ ﺩﺓ ﻳﺎﺍﻣﻲ ... ﻓﻲ

ﺷﻨﻮ ﻳﺎﺳﻠﻮﻱ ...ﻭﺍﻟﻠﻪ ﻳﺎ ﺍﻣﻲ ﺑﺮﺿﻊ ﻓﻲ ﻭﻟﺪﻱ ﺩﺓ ﻛﺪﺓ ﺣﺴﻴﺖ ﺑﻴﻬﻮ ﺑﻌﺎﻳﻦ

ﻟﻲ ﻗﻮﻱ .. ﻭﺣﺴﻴﺖ ﺑﻲ ﺍﻇﺎﻓﺮ ﺑﺘﺘﺤﺴﺲ ﻭﺷﻲ ﻭﻧﻔﺲ ﺣﺎﺭ ﻛﺪﺓ ... ﺧﻠﻲ

ﻭﻫﻤﻚ ﺩﺓ ﻳﺎﺳﻠﻮﻱ ﻫﺪﺍ ﻭﻟﺪﻙ ﺑﺮﺿﻊ ﻭﻧﺎﻳﻢ ...ﺧﻼﺹ ﻳﺎ ﺍﻣﻲ ﺧﻠﻲ ﺍﻟﻨﻮﺭ

ﻓﺎﺗﺢ ﻭﺍﺭﺟﻌﻲ ﻧﻮﻣﻲ ...

ﺳﻠﻮﻯ ﻓﻲ ﺍﻟﻠﻴﻠﻪ ﺩﻳﻚ ﺣﻠﻤﺖ ﺑﻲ ﺭﺍﺟﻞ ﻭﻣﺮﺓ ﺟﻮﻫﺎ ﻭﻗﺎﻟﻮ ﻟﻴﻬﺎ ﺩﺣﻠﻮﺏ

ﺍﻣﺎﻧﻪ ﻓﻲ ﺭﻗﺒﻴﺘﻚ ﻭﻛﺮﺭﻭﺭﻫﺎ ﻟﻴﻬﺎ ﻛﻢ ﻣﺮﺓ ...ﺻﺤﺖ ﺍﻟﺼﺒﺎﺡ ﻭﻣﺎ ﻛﺎﻧﺖ

ﻓﺎﻫﻤﻪ ﺣﺎﺟﻪ ... ﻛﻞ ﻳﻮﻡ ﻭﺑﺼﻮﺭﺓ ﻣﺘﻜﺮﺭﺓ ﻛﺎﻧﺖ ﺑﺘﺤﻠﻢ ﻧﻔﺲ ﺍﻟﺤﻠﻢ ... ﻳﺎ

ﺭﺑﻲ ﺩﺣﻠﻮﺏ ﺩﺓ ﺷﻨﻮ؟؟ﺷﻨﻮ ﺍﻻﺳﻢ ﺍﻟﻐﺮﻳﺐ ﺩﺓ؟؟

ﺍﻣﻲ ﺷﻮﻓﻲ ﺍﻟﺤﺎﺟﺎﺕ ﺩﻱ ﺗﺎﻣﻪ ﻭﻻ ﻓﻲ ﺷﻲ ﻧﺎﻗﺺ ﺑﻜﺮﺓ ﺍﻟﺴﻤﺎﻳﻪ ﻭﻣﺎﺩﺍﻳﺮ

ﺷﻲ ﻳﻨﻘﺺ .. ﻛﻠﻮ ﺗﻤﺎﻡ ﻳﺎﻭﻟﺪﻱ ﺍﺧﻀﺮ ﺿﺮﺍﻋﻚ ﺍﻥ ﺷﺎﺀﺍﻟﻠﻪ ...

ﺩﺧﻞ ﻣﺠﺪﻱ ﻋﻠﻰ ﺳﻠﻮﻱ ...ﺍﻫﺎ ﻳﺎﻣﺠﺪﻱ ﺣﻨﺴﻤﻲ ﺍﻟﻮﻟﺪ ﺷﻨﻮ ...ﺣﻨﺴﻤﻲ

ﻋﺎﺩﻝ ﺍﻥ ﺷﺎﺀﺍﻟﻠﻪ ﻋﻠﻰ ﺍﺑﻮﻱ ...ﺷﺎﻳﻞ ﺍﺳﻤﻮ ﺍﻥ ﺷﺎﺀﺍﻟﻠﻪ ...

ﺗﺎﻧﻲ ﻳﻮﻡ ﺍﻟﺼﺒﺎﺡ ﺟﺎ ﻣﺠﺪﻱ ﺩﺍﺧﻞ ﻟﻲ ﺳﻠﻮﻱ .. ﻣﺒﺮﻭﻭﻙ ﺍﻻﺳﻢ ...ﺍﻟﻠﻪ

ﻳﺒﺎﺭﻙ ﻓﻴﻚ ﻳﺎﻣﺠﺪﻱ ﻭﺭﺑﻨﺎ ﻳﺨﻠﻰ ﻟﻴﻨﺎ ﻋﺎﺩﻝ .... ﻻ ﻣﺎﺳﻤﻴﻨﺎﻫﻮ ﻋﺎﺩﻝ ﺳﻤﻴﺘﻮ دحلوب

ﺍﻟﺤﺼﻞ ﺷﻨﻮﻭﻭﻭﻭ ﻭﻣﺠﺪﻯ ﻏﻴﺮ ﺭﺍﻳﻮ ﻭﺳﻤﻲ ﺍﻻﺳﻢ ﺍﻟﻐﺮﻳﺐ ﺩﺓ ﺣﻨﻌﺮﻑ ﻓﻲ

ﺍﻟﺠﺰﺀ ﺍﻟﺠﺎي

يتبع....

#الرضيع_الجني
بقلم: هديل محمد

الجزء 09


ﻣﺠﺪﻯ ﻛﺎﻥ ﻛﻞ ﻳﻮﻡ ﺑﺤﻠﻢ ﻧﻔﺲ ﺣﻠﻢ ﺳﻠﻮﻱ ...ﺑﺘﺠﻴﻬﻮ ﻣﺮﺓ ﻭﺭﺍﺟﻞ ﻭﺑﻘﻮﻟﻮ

ﻟﻴﻬﻮ ﺩﺣﻠﻮﺏ ﺍﻣﺎﻧﻪ ﻓﻲ ﺭﻗﺒﺘﻚ ﻭﺍﺗﻜﺮﺭ ﺍﻟﺤﻠﻢ ﻣﻌﺎﻫﻮ ﻛﻞ ﻳﻮﻡ ﺑﺲ ﻣﺎﻛﺎﻥ

ﻓﺎﻫﻢ ﺷﻲ ....

ﻗﺒﻞ ﺍﻟﺴﻤﺎﻳﻪ ﺑﻲ ﻳﻮﻡ ﻭﺑﻌﺪ ﻣﺠﺪﻱ ﺟﻬﺰ ﺣﺎﺟﺎﺕ ﺍﻟﺴﻤﺎﻳﻪ ﻭﺍﺗﻜﻠﻢ ﻣﻊ ﺳﻠﻮﻯ

ﺍﻧﻮ ﺣﻴﺴﻤﻮﻫﻮ ﻋﺎﺩﻝ ﻣﺸﻲ ﺣﻮﺵ ﺍﻟﺼﺎﻟﻮﻥ ..ﻋﺸﺎﻥ ﺍﻧﻮﻡ ...ﻃﻠﻊ ﻟﻴﻬﻮ

ﺳﺮﻳﺮ ﻓﻲ ﺍﻟﺤﻮﺵ ﻭﺭﻗﺪ ...ﻭﺭﻯ ﺑﻴﺘﻬﻢ ﻃﻮﺍﻟﻲ ﻛﺎﻥ ﻓﻲ ﻛﻮﺷﻪ‏( ﺍﻟﻜﻮﺷﻪ

ﺍﻟﻮﻗﻊ ﻓﻴﻬﺎ ﻋﻠﻰ ﻭﺩ ﻛﻠﺜﻮﻡ ‏)

ﻋﺎﺩﻝ ﺭﻗﺪ ﻭﻗﺒﻞ ﻣﺎﻳﻐﻤﺾ ﺳﻤﺢ ﺻﻮﺕ ﺿﺠﻴﺞ ﺷﺪﻳﺪ ﺟﺎﻱ ﻣﻦ ﺍﻟﻜﻮﺷﻪ

..ﺍﻃﺎﻧﺶ ﺍﻟﺼﻮﺕ ﻭﺣﺎﻭﻝ ﺍﻧﻮﻡ ﺑﺲ ﻛﻞ ﻣﺮﺓ ﺍﻟﺼﻮﺕ ﺃﻋﻠﻰ ﻭﺳﻤﻊ ﺻﻮﺕ

ﻧﺴﻮﺍﻥ ﺑﺘﻜﻠﻤﻮ ...ﺍﻫﺎ ﺍﻻﺳﻢ ﻣﻨﻮ ﻭﺍﺣﺪﺓ ﺭﺩﺕ ﺩﺣﻠﻮﺏ ...!!

ﻣﺠﺪﻯ ﻃﻮﺍﻟﻲ ﻗﺎﻡ ﺑﻌﺪ ﺳﻤﻊ ﺍﻻﺳﻢ ﺍﻟﻜﺎﻥ ﺑﺤﻠﻢ ﺑﻴﻬﻮ ... ﻭﻋﺎﻳﻦ ﺑﺎﻟﺤﻴﻄﻪ

ﺷﺎﻑ ﻧﺴﻮﺍﻥ ﻛﺘﺎﺍﺍﺭ ﻓﻲ ﺍﻟﻜﻮﺷﻪ ﻭﻓﻲ ﻣﺮﺓ ﺭﺍﻗﺪﺓ ﻓﻲ ﺍﻟﺴﺮﻳﺮ ﻭﺟﻨﺒﻬﺎ ﻛﻠﺐ

ﺻﻐﻴﺮ ﺑﺘﺮﺿﻊ ﻓﻴﻬﻮ ...

ﺩﻗﻖ ﻓﻲ ﻣﻼﻣﺢ ﺍﻟﻤﺮﺓ ﻟﻘﺎﻫﺎ ﺑﺘﺸﺒﻪ ﺳﻠﻮﻱ ... ﺍﻧﺪﻫﺶ ﺷﺪﻳﺪ ﻭﻃﻠﻊ ﺑﺮﺓ

ﺍﺗﺄﻛﺪ ...ﻟﻘﺎﻫﺎ ﻓﻌﻼ ﺑﺘﺸﺒﻪ ﺳﻠﻮﻱ ﺷﺪﻳﺪ ﻟﺤﺪﻱ ﻣﺎﻓﻜﺮ ﺃﻧﻬﺎ ﻣﻤﻜﻦ ﺗﻜﻮﻥ

ﺳﻠﻮﻯ ﻭﻗﺮﺏ ﻣﻨﻬﺎ .. ﺍﻋﺘﺮﺿﻮ ﺷﺎﺭﻋﻮ ﻣﺮﺓ ﻭﺭﺍﺟﻞ ﻧﻔﺲ،ﺍﻟﻜﺎﻥ ﺑﺸﻮﻓﻬﻢ ﻓﻲ

ﺍﻟﺤﻠﻢ ... ﺳﻤﻴﻬﻮ ﺩﺣﻠﻮﺏ ﺳﻤﻴﻬﻮ ﺩﺣﻠﻮﺏ ..ﻭﺍﻷﺻﻮﺍﺕ ﺍﺗﻌﺎﻟﺖ ﺩﺣﻠﻮﺏ ﺩﺣﻠﻮﺏ

ﺩﺣﻠﻮﺏ ... ﻣﺠﺪﻯ ﻟﻤﺎ ﺳﺪﺩ ﺍﺿﻨﻴﻬﻮ ﻣﻦ ﺍﻻﺻﻮﺍﺕ ﺍﻟﻌﺎﻟﻴﻪ ﺍﻟﺒﺘﻘﻮﻝ

ﺩﺣﻠﻮﺏ .... ﺑﺲ ﺍﺗﺸﺠﻊ ﻭﺳﺎﻟﻬﻢ ﺩﺣﻠﻮﺏ ﺩﺓ ﺷﻨﻮ؟؟ ﻭﻟﻴﻪ ﺍﺳﻤﻲ ﻭﻟﺪﻱ

ﻛﺪﺓ؟؟ ﻭﻋﻼﻗﺘﻜﻢ ﺑﻴﻬﻮ ﺷﻨﻮ ؟؟ﻭﺍﻧﺘﻮ ﻣﻨﻮ؟ﻗﺒﻞ ﻣﺎﺟﺪﻱ ﺃﻟﻘﻰ ﺭﺩ ﻋﻠﻰ

ﺃﺳﺌﻠﺘﻮ ﻗﺎﻃﻌﻮ ﺍﻟﺮﺍﺟﻞ ... ﻫﻮ ﺍﺳﻢ ﻭﺍﻧﺖ ﻣﺎﺧﺴﺮﺍﻥ ﺷﻲ ... ﺑﺲ ﻟﻮ ﻋﺎﺭﺿﺖ

ﺃﻫﻠﻚ ﻛﻠﻬﻢ ﺣﻴﻀﻴﻌﻮ ﻭﺣﻴﺠﻨﻮ ..ﻧﺤﻦ ﻣﺎﺩﺍﻳﺮﻳﻦ ﻣﻨﻚ ﺣﺎﺟﻪ ﻏﻴﺮ ﺍﻧﻚ ﺗﺴﻤﻰ

ﺩﺣﻠﻮﺏ ... ﻭﻟﻮ ﻣﺎﺳﻤﻌﺖ ﻛﻼﻣﻨﺎ ﺍﺗﺤﻤﻞ ﺍﻟﺠﺎﻳﻴﻚ ..ﻭﻧﺤﻦ ﺣﺰﺭﻧﺎﻙ .. ﻭﻣﺎﺗﻜﻠﻢ

ﺯﻭﻝ ﺑﺎﻟﺸﻔﺘﻮ ﺩﺓ ..

ﻓﺠﺄﻩ ﺟﺎ ﺟﺎﺭ ﻣﺠﺪﻱ ﺍﺳﻤﻮ ﺧﺎﻟﺪ ...ﻣﺠﺪﻯ ﻣﺎﻟﻚ ﻭﺍﻗﻒ ﻓﻲ ﻧﺺ ﺍﻟﻜﻮﺷﻪ

ﻭﺑﺘﺘﻜﻠﻢ ﺑﺮﺍﻙ ...ﺍﻫﻼ ﺧﺎﻟﺪ ﻻ ﺑﺲ ﺟﻴﺖ ﻛﺸﺤﺖ ﻟﻲ ﻭﺳﺦ ﻭﻛﻨﺖ ﺑﻘﻮﻝ ﻧﺎﺱ

ﺍﻟﺒﻴﺖ ﺑﺠﻴﺒﻮ ﺍﻟﻮﺳﺦ ﺩﺓ ﻛﻠﻮ ﻣﻦ ﻭﺑﻦ

ﻛﻞ ﻳﻮﻡ ...

ﺭﺟﻊ ﻣﺠﺪﻱ ﻭﻛﺎﻥ ﺧﺎﻳﻒ ﺷﺪﻳﺪ ﻣﻦ ﺍﻟﺤﺼﻞ ﻟﻴﻬﻮ ...ﻭﺧﺎﻳﻒ ﺃﻛﺜﺮ ﻋﻠﻰ

ﺍﻫﻠﻮ ...

يتبع.....

#الرضيع_الجني
بقلم: هديل محمد

الجزء 10


ﺳﻠﻮﻯ ﺍﺳﺘﻐﺮﺑﺖ ﺷﺪﻳﺪ ﻟﻤﺎ ﺳﻤﻌﺖ ﻣﺠﺪﻱ ﻗﺎﻝ ﺍﻻﺳﻢ ﺍﻟﺒﺘﺤﻠﻢ ﺑﻴﻬﻮ ... ﻓﻲ

ﺍﻟﻠﺤﻈﺔ ﺩﻳﻚ ﻣﺎﻧﺎﻗﺸﺘﻮ ﺭﻏﻢ ﻏﺮﺍﺑﻪ ﺍﻻﺳﻢ ....

ﻧﺴﻮﺍﻥ ﺍﻟﺴﻤﺎﻳﻪ ﺟﻮ ﻭﺃﻱ ﻭﺍﺣﺪﺓ ﺗﺴﺄﻝ ﻣﻦ ﺍﻻﺳﻢ ... ﺍﺟﻲ ﺩﺣﻠﻮﺏ ﺩﺓ ﺷﻨﻮ

ﻭﺍﺗﻐﺎﻣﺰﻭ ﻭﺍﺗﻬﺎﻣﺰﻭ ...

ﻃﺒﻌﺎ ﺑﻲ ﺟﺎﻱ ﺣﺎﺟﻪ ﺧﺪﻳﺠﻪ ﺍﺳﺘﻐﻠﺖ ﺍﻟﻔﺮﺻﻪ ﻭﺑﻘﺖ ﺗﺠﺪﻉ ﻓﻲ

ﻛﻼﻣﻬﺎ ... ﺑﺮﻱ ﻧﺤﻦ ﻧﺎﺱ ﺍﻟﻌﺎﺻﻤﻪ ﻣﺎ ﻋﻨﺪﻧﺎ ﺍﺳﺎﻣﻲ ﺯﻱ ﺩﻱ ﺗﻠﻘﺎﻫﻮ ﺩﺓ ﺟﺪ

ﻟﻴﻬﺎ ﻗﺪﻳﻢ ﺍﺳﻤﻮ ﻛﺪﺓ ...

ﺇﻱ ﻣﺮﺓ ﺿﺤﻜﺖ ﻓﻲ ﺍﻻﺳﻢ ﺍﻭﻗﻄﻌﺖ ﻓﻲ ﺳﻠﻮﻱ ﻳﺎﺍﺗﻜﺸﺢ ﻓﻴﻬﺎ ﺷﺎﻱ ﻳﺎﻣﻼﺡ

ﻳﺎﻭﻗﻌﺖ .. ﺃﻣﺎ ﺣﺎﺟﻪ ﺧﺪﻳﺠﻪ ﺍﺗﻜﺴﺮﺕ ﻛﺒﺎﻳﻪ ﺷﺎﻱ ﻭﻃﺎﺭ ﻟﻴﻬﺎ ﺍﻟﺮﺍﻳﺶ ﻓﻲ

ﻋﻴﻨﻬﺎ ... ﻟﺤﺪﻱ ﻣﺎﻭﺩﻭﻫﺎ ﺍﻟﺪﻛﺘﻮﺭ ...

ﻋﺪﺕ ﺍﻷﻳﺎﻡ ﻭﺩﺣﻠﻮﺏ ﺛﻢ ﺃﺭﺑﻌﻴﻦ ﻳﻮﻡ ...

ﺍﻣﻲ ﻋﺎﻳﻨﻲ ﻟﻲ ﺩﺣﻠﻮﺏ ﺩﺓ ﺑﺮﺍﻫﻮ ﻣﺎﺷﻪ ﺍﻟﺤﻤﺎﻡ ﻭﺃﻣﻲ ﺧﺪﻳﺠﻪ ﻧﺎﻳﻤﻪ ...ﺃﻧﺎ

ﺷﻐﺎﻟﻪ ﻓﻲ ﺍﻟﻤﻄﺒﺦ ﻃﺎﻟﻤﺎ ﺧﺪﻳﺠﻪ ﺟﻮﺓ ﻣﺎﺑﺘﺠﻴﻬﻮ ﺷﻲ ... ﺳﻠﻮﻯ ﻣﺸﺖ

ﺍﻟﺤﻤﺎﻡ ...ﺳﻤﻌﺖ ﻛﻮﺍﺭﻳﻚ ﺧﺪﻳﺠﻪ ﺟﻮ ﺟﺎﺭﻳﻦ .... ﻣﺎﻟﻚ ﻓﻲ ﺷﻨﻮ ﻳﺎﺣﺎﺟﻪ

ﺧﺪﻳﺠﻪ ... ﻟﻘﻮﻫﺎ ﺑﺘﺮﺟﻒ ﻭﺟﺴﻤﻬﺎ ﻛﻠﻮ ﻧﺎﺯﻝ ﻣﻮﻳﻪ ...ﻭﻣﺎﻗﺎﺩﺭﺓ ﺗﺘﻜﻠﻢ ﻭﺑﺘﺎﺷﺮ

ﻟﻴﻬﻢ ﻋﻠﻰ ﺩﺣﻠﻮﺏ ...ﺩﺣﻠﻮﺏ ﻭﻟﺪﻱ ﻣﺎﻟﻮ . ﺳﻠﻮﻯ ﺟﺮﺕ ﻋﻠﻴﻬﻮ ... ﻟﻘﺘﻮ ﻧﺎﻳﻢ

ﺯﻱ ﻣﺎﺧﻠﺘﻮ ...

ﺧﺪﻳﺠﻪ ﻣﺎﻟﻚ ﻛﺪﻱ ﺍﺣﻜﻲ ﺍﻟﺤﺎﺻﻞ ﺷﻨﻮ ...ﺃﻧﺎ ﻛﻨﺖ ﺑﻴﻦ ﻧﺎﻳﻤﻪ ﻭﺻﺎﺣﻴﻪ ﺷﻔﺖ

ﻟﻲ ﻛﻠﺐ ﺍﺳﻮﺩ ﺻﻐﻴﺮ ﺭﺍﻗﺪ ﻓﻲ ﺍﻟﺴﺮﻳﺮ ... ﻭﻓﻲ ﻛﻠﺒﻴﻦ ﺳﻮﺩ ﻛﺒﺎﺭ ﻭﺍﻗﻔﻴﻦ

ﺟﻨﺐ ﺍﻟﺴﺮﻳﺮ ... ﻭﻟﻤﺎ ﺻﺮﺧﺖ ﺍﻧﺘﻮ ﺟﻴﺘﻮ ﻭﺛﺎﻧﻲ ﻣﺎﺷﻔﺘﻬﻢ ...ﺩﺓ ﺑﻜﻮﻥ ﻛﺎﺑﻮﺱ

ﺳﺎﻱ ﻳﺎﺧﺪﻳﺠﻪ .. ﻭﻳﻦ ﺍﻟﻜﻼﺏ ﺩﻱ ﻭﻧﺤﻦ ﻗﺎﻓﻠﻴﻦ ﺑﺎﺏ ﺍﻟﺸﺎﺭﻉ ...

ﺳﻠﻮﻯ ﺷﺎﻟﺖ ﺩﺣﻠﻮﺏ ﻭﻛﺎﻧﺖ ﺧﺎﻳﻔﻪ ﻋﻠﻴﻬﻮ ﺷﺪﻳﺪ ﻭﻛﺎﻧﺖ ﻛﻞ ﻣﺎﺗﺸﻴﻠﻮ

ﺑﺘﺤﺲ ﺑﺮﺍﺣﻪ ﻧﻔﺴﻴﺔ ﻋﺠﻴﺒﻪ ... ﺑﺲ ﻛﺎﻧﺖ ﻣﺼﺮﺓ ﺗﻘﻮﻝ ﻟﻲ ﺍﻣﻬﺎ ﻭﻟﺪﻱ ﺩﺓ

ﻛﻠﻮ ﻣﺮﺓ ﺍﺭﺿﻌﻮ ﺑﻌﺎﻳﻦ ﻟﻲ ﺷﺪﻳﺪ ﻓﻲ ﻋﻴﻮﻧﻲ ..ﻭﺃﻣﻬﺎ ﺑﺘﻘﻮﻝ ﻟﻴﻬﺎ ﻋﺎﺩﻱ

ﻋﺎﺩﻱ ﺍﻧﺘﻲ ﺃﻭﻝ ﻣﺮﺓ ﺗﻠﺪﻱ ﻳﻌﻨﻲ ..

ﺍﻟﻴﻮﻡ ﺩﺍﻙ ﻛﺎﻥ ﺍﻟﻔﻄﻮﺭ ﺑﻲ ﺳﻤﻚ ... ﺳﻠﻮﻯ ﻧﻮﻣﺖ ﺩﺣﻠﻮﺏ ﺟﻮﺓ ﻓﻲ ﺍﻟﺴﺮﻳﺮ

ﺍﻟﺒﺘﺮﻗﺪ ﻓﻴﻬﻮ ﻭﺟﺎﺕ ﻓﻄﺮﺕ ﺑﺮﺓ ﻭﺷﺮﺑﺖ ﺍﻟﺸﺎﻱ ..ﻭﺍﺧﺪﻭ ﻭﻧﺴﺘﻬﻢ ..

. ﻛﺪﻱ ﺃﻗﻮﻡ ﺍﺷﻮﻑ ﻭﻟﺪﻱ ﻃﻮﻟﺖ ﻣﻨﻮ .... ﺩﺧﻠﺖ ﺳﻠﻮﻯ ﻟﻘﺖ ﺩﺣﻠﻮﺏ ﻓﻲ

ﺍﻟﺴﺮﻳﺮ ﻣﺎﻑ ﻗﺒﻞ ﺗﻜﻮﺭﻙ ﻟﻘﺘﻮ ﺭﺍﻗﺪ ﻓﻲ ﺍﻟﺴﺮﻳﺮ ﺍﻟﺜﺎﻧﻲ ﻭﻧﺎﻳﻢ ﺍﺳﺘﻐﺮﺑﺖ

ﺃﻭﻝ .. ﻭﺛﺎﻧﻲ ﻗﺎﻟﺖ ﻣﻤﻜﻦ ﺍﻛﻮﻥ ﻧﺴﻴﺖ ﻭﺭﻗﺪﺗﻮ ﻫﻨﺎ ...ﺷﺎﻟﺘﻮ ﻋﺸﺎﻥ ﺗﺮﺿﻌﻮ

ﻟﻘﺖ ﺭﻳﺤﺖ ﻧﻔﺴﻮ ﺳﻤﻚ ﺳﻤﻚ .... ﻧﺎﺩﺕ ﻋﻠﻰ ﺍﻣﻬﺎ ..ﻭﻭﺭﺗﻬﺎ ..ﺃﻣﻬﺎ ﻗﺎﻟﺖ

ﻟﻴﻬﺎ ﺍﻧﺘﻲ ﻣﻮﺵ ﺍﻛﻠﺘﻲ ﺳﻤﻚ ﺑﻜﻮﻥ ﺟﺎﻫﻮ ﻓﻲ ﺍﻟﻠﺒﻦ ﻋﺸﺎﻥ ﻛﺪﺓ ... ﺳﻠﻮﻯ

ﻛﺎﻧﺖ ﻣﺎﻣﻘﺘﻨﻌﻪ ﺑﻲ ﻛﻼﻡ ﺍﻣﻬﺎ ﺑﺲ ﻣﺸﺘﻬﺎ ... ﻭﻓﻲ ﻧﻔﺲ ﺍﻟﻮﻗﺖ ﻛﺎﻧﺖ

ﺣﺎﺳﻪ ﻓﻲ ﺷﻲ ﻣﺎﻃﺒﻴﻌﻲ ... ﺑﺲ ﻣﺎ ﻛﺎﻧﺖ ﺧﺎﻳﻔﻪ ﻣﻦ ﺩﺣﻠﻮﺏ ﻻﻧﻮ

ﻭﻟﺪﻫﺎ ...

ﺳﻤﻴﻪ ﺭﺟﻌﺖ ﺍﻟﺒﻠﺪ ... ﻭﺭﺟﻌﺖ ﺍﻟﺤﻴﺎﻩ ﻟﻄﺒﻴﻌﺘﻬﺎ . ... ﻭﺳﻠﻮﻱ ﺭﺟﻌﺖ ﻟﺸﻐﻞ

ﺍﻟﺒﻴﺖ ... ﺣﺎﺟﻪ ﺧﺪﻳﺠﻪ ﺑﻘﺖ ﻛﻞ ﻣﺮﺓ ﺗﺘﻜﻠﻢ ﻣﻊ ﺳﻠﻮﻱ ﺃﻭ ﺗﻨﺒﺰﻫﺎ ﺑﺘﺤﺼﻞ

ﻟﻴﻬﺎ ﺣﺎﺟﻪ .. ﻓﻀﻠﺖ ﺃﻧﻬﺎ ﺗﻤﺴﻚ ﺧﺸﻤﻬﺎ ﻋﻠﻴﻬﺎ ﺑﺲ ﻣﺮﺍﺕ ﻣﺮﺍﺕ ﻛﺪﺓ ﺑﺘﻘﻮﻡ

ﻋﻠﻴﻬﺎ ...

ﻣﺠﺪﻯ ﻣﺎﺷﺎﺀ ﺍﻟﻠﻪ ﺍﺗﻮﻓﻖ ﺷﺪﻳﺪ ﻓﻲ ﺷﻐﻠﻮ ﻭﺍﻟﻘﺮﻭﺵ ﺟﺮﺕ ﻓﻲ ﻳﺪﻭ

ﻭﻭﺿﻌﻬﻢ ﺍﻟﻤﺎﺩﻱ ﺑﻘﻰ ﻛﻮﻳﺲ ﺷﺪﻳﺪ ... ﻭﻓﻲ ﻳﻮﻡ ﻛﺎﻥ ﻣﺠﺪﻱ ﺻﺎﺭﻑ ﻗﺮﻭﺵ

ﻛﺜﻴﺮﺓ ﻭﻟﻘﻲ ﺍﻟﺒﻨﻚ ﻗﻔﻞ ﻗﺎﻝ ﺧﻼﺹ ﺍﺷﻴﻠﻦ ﻣﻌﺎﻱ ﺍﻟﺒﻴﺖ ﻭﺑﻜﺮﺓ ﺍﻥ ﺷﺎﺀﺍﻟﻠﻪ

ﺑﺪﺭﻱ ﺍﻭﺩﻳﻬﻦ ﺍﻟﺒﻨﻚ ... ﻓﻲ ﻭﺍﺣﺪ ﻛﺎﻥ ﻣﺮﺍﻗﺒﻮ ﺷﺪﻳﺪ ﻭﻣﺸﻰ ﻭﺭﺍﻫﻮ ﻟﺤﺪﻱ

ﻣﺎﻋﺮﻑ ﺍﻟﺒﻴﺖ ..

ﺑﺎﻟﻠﻴﻞ ﻗﺮﺭ ﺍﻧﻮ ﺍﺟﻲ ﺍﻟﺒﻴﺖ ﻭﺍﺳﺮﻕ ﺍﻟﻘﺮﻭﺵ‏( ﻭﺍﺭﻳﺘﻮ ﻛﺎﻥ ﻣﺎﻗﺮﺭ

ﻛﺪﺓ ‏) ... ﻓﻌﻼ ﺟﺎ ﻭﺩﺧﻞ ﺍﻟﺒﻴﺖ ﻭﺑﻘﻲ ﺍﻓﺘﺶ ﻟﺤﺪﻱ ﻣﺎ ﻭﺻﻞ ﻏﺮﻓﻪ ﻧﺎﺱ

ﻣﺠﺪﻱ ... ﺩﺧﻞ ﺑﺮﺍﺣﻪ ... ﻛﺎﻥ ﺷﺎﻳﻞ ﺑﻄﺎﺭﻳﺔ ﻟﻘﺎﻫﻢ ﻛﻠﻬﻢ ﻧﺎﺋﻤﻴﻦ ...ﻭﺑﺪﺍ ﺍﻓﺘﺢ

ﻓﻲ ﺍﻟﺪﻭﺍﻟﻴﺐ ﻭﺍﻓﺘﺶ ... ﻓﺠﺄﻩ ﺣﺴﻪ ﺑﻲ ﺷﻲ ﻧﻔﺴﻮ ﺣﺎﺭ ﻭﺭﺍﻫﻮ .. ﺍﺗﻠﻔﺖ

ﻟﻘﻰ ﻛﻠﺐ ﻛﺒﻴﻴﻴﺮ ﺭﺍﻗﺪ ﻓﻲ ﺍﻟﺴﺮﻳﺮ ﺟﻨﺐ ﺳﻠﻮﻱ ﻭﻋﻴﻮﻧﻮ ﺣﻤﺮ ﺷﺪﻳﺪ ﻧﺰﻝ

ﻭﺟﺎﻱ ﻋﻠﻴﻬﻮ ...ﺍﻟﺤﺮﺍﻣﻲ ﺑﻘﻰ ﺍﻛﻮﺭﻙ ﻟﺤﺪﻱ ﻣﺎﺻﺤﻮ ﻭﻣﺠﺪﻯ ﻓﺘﺢ ﺍﻟﻨﻮﺭ

..ﺍﻟﺤﺮﺍﻣﻲ ﻭﺍﻗﻒ ﻭﻣﻦ ﻣﻜﺎﻧﻮ ﻣﺎﺍﺗﺤﺮﻙ ﻟﻤﺎ ﺍﻟﻨﻮﺭ ﻓﺘﺢ ﺩﺣﻠﻮﺏ ﻛﺎﻥ ﻧﺎﻳﻢ

ﺟﻨﺐ ﺳﻠﻮﻱ ...

ﺍﻟﺤﺮﺍﻣﻲ ﻗﺎﻟﻮ ﻣﻦ ﺍﻟﻮﻗﺖ ﺩﺍﻙ ﺑﻘﻰ ﻣﺠﻨﻮﻥ ﻭﻛﻞ ﻣﺮﺓ ﺍﺟﻲ ﺟﻨﺐ ﺑﻴﺖ

ﻣﺠﺪﻱ ﺃﻭ ﺍﺷﻮﻓﻮ ﺳﺎﻱ ﺍﻗﻌﺪ ﺍﻛﻮﺭﻙ ....

ﻳﺎﺭﻳﺖ ﻟﻮ ﻛﻞ ﺣﺮﺍﻣﻲ ﻳﺤﺼﻞ ﻣﻌﺎﻫﻮ ﻛﺪﺓ ﻋﺸﺎﻥ ﺍﻟﺤﺮﺍﻣﻴﻪ ﺍﺗﺎﺩﺑﻮ

يتبع....

#الرضيع_الجني
بقلم: هديل محمد

الجزء 11


ﻣﺮﺕ ﺍﻻﻳﺎﻡ ﻭﺍﻟﺸﻬﻮﺭ .. ﻭﺩﺣﻠﻮﺏ ﻛﺒﺮ ...ﻭﻛﻞ ﻳﻮﻡ ﺳﻠﻮﻱ ﺑﺘﻼﺣﻆ ﻋﻠﻰ

ﺩﺣﻠﻮﺏ ﺣﺎﺟﺎﺕ ﻏﺮﻳﺒﻪ ...ﺃﻭﻝ ﺷﻲ ﻃﻠﻊ ﺳﻨﻮﻧﻮ ﺑﺪﺭﻱ ﻭﻗﻌﺪ ﺑﺪﺭﻱ ﻟﻤﺎ ﺗﻢ

ﺳﻨﻪ ﻛﺎﻥ ﻣﺎﺷﻲ ﻭﺑﺘﻜﻠﻢ ....

ﺳﻠﻮﻯ ﻻﺣﻈﺖ ﺍﻧﻮ ﺩﺣﻠﻮﺏ ﻃﻮﺍﻟﻲ ﺑﻜﻮﻥ ﻗﺎﻋﺪ ﻓﻲ ﺍﻟﺒﻴﺖ ﻭﻣﻘﺒﻞ ﻋﻠﻰ ﺟﻬﺔ

ﺍﻟﻜﻮﺷﻪ ﻭﺣﺘﻰ ﻟﻮ ﻃﻠﻊ ﺍﻟﺸﺎﺭﻉ ﺃﻗﺮﺏ ﻣﺤﻞ ﺑﻠﻘﻮﻫﻮ ﻗﺎﻋﺪ ﻓﻲ

ﺍﻟﻜﻮﺷﻪ ... ﺍﺳﺘﻐﺮﺏﺕ ﺷﺪﻳﺪ ﻣﻦ ﺍﻟﺤﺎﺟﻪ ﺩﻱ ...ﻭﻻﺣﻈﺖ ﺑﺮﺿﻮ ﻟﻮ ﺩﺣﻠﻮﺏ

ﺳﻤﻊ ﺍﻻﺫﺍﻥ ﻃﻮﺍﻟﻲ ﺑﺠﻲ ﺟﺎﺭﻱ ﻟﻴﻬﺎ ﻭﺑﺤﻀﻨﻬﺎ ﻭﺑﻜﻮﻥ ﺧﺎﻳﻒ ﺷﺪﻳﺪ ....

ﻣﺠﺪﻯ ﺭﺟﻊ ﻣﻦ ﺍﻟﺸﻐﻞ .. ﻭﻛﺎﻥ ﺩﺣﻠﻮﺏ ﻭﺍﻗﻒ ﻓﻲ ﺍﻟﺤﻮﺵ ﺑﺮﺍﻫﻮ ﻟﻤﺎ ﺩﺧﻞ

ﻭﻧﺎﺩﻱ ﻋﻠﻴﻬﻮ ﺍﺑﻲ ﻳﺘﻠﻔﺖ ...ﻭﺷﻜﻠﻮ ﻛﺎﻥ ﺑﺘﻜﻠﻢ ﻣﻊ ﺯﻭﻝ ﻭﻛﺎﻥ ﺑﺒﻜﻲ .. ﻭﺃﻭﻝ

ﻣﻦ ﺍﺑﻮﻫﻮ ﻧﺎﺩﻱ ﻋﻠﻴﻬﻮ ﺟﺮﻯ ﻟﻲ ﺳﻠﻮﻱ ... ﻭﺑﻘﻲ ﺃﺑﻜﻲ ﻭﺃﻗﻮﻝ ﻟﻴﻬﺎ ﻣﺎﻣﺎ

ﺃﻧﺎ ﺧﺎﻳﻒ ... ﺍﻧﺎ ﺑﺮﻳﺪﻙ ﻳﺎ ﻣﺎﻣﺎ ... ﺍﻧﺎ ﻣﺎﺑﺨﻠﻴﻚ ﻳﺎﻣﺎﻣﺎ ... ﺳﻠﻮﻯ ﺣﻀﻨﺘﻮ

ﻭﻗﺎﻟﺖ ﻟﻴﻬﻮ ﻣﺎ ﺗﺨﺎﻑ ﻭﻫﺪﺗﻮ ﻟﺤﺪﻱ ﻣﺎﻧﺎﻡٌ

ﻛﺎﻥ ﺩﻳﻞ ﺃﻫﻞ ﺩﺣﻠﻮﺏ ﺃﻟﻔﻲ ﺍﻟﻜﻮﺷﻪ ﻭﻛﺎﻥ ﺑﻘﻮﻟﻮ ﻟﻴﻬﻮ ﺑﻌﺪ ﻛﺪﺓ ﺍﺭﺟﻊ ﻟﻴﻨﺎ

ﺧﻼﺹ ﻭﺧﻠﻲ ﺍﻻﻧﺴﻴﻴﻦ ... ﻭﻟﻤﺎ ﺭﻓﺾ ﺧﻮﻓﻮﻫﻮ ﻭﻗﺎﻟﻮﻟﻴﻪ ﺃﻧﻬﻢ ﻣﺎﺣﻴﺨﻠﻮﻫﻮ

... ﻭﺣﻴﺄﺫﻭ ﺍﻣﻮ ﻭﺍﺑﻮﻫﻮ ..

ﺭﻭﻧﻖ ﻛﺎﻧﺖ ﺑﺘﻘﺮﺍ ﻓﻲ ﺍﻟﺮﻭﺿﻪ ... ﺍﻟﺮﻭﺿﻪ ﻛﺎﻧﺖ ﻗﺮﻳﺒﻪ ﻣﻦ ﺍﻟﺒﻴﺖ ﻣﺠﺪﻱ

ﺍﻟﺼﺒﺎﺡ ﺑﻮﺩﻳﻬﺎ ﻭﺍﺧﺮ ﺍﻟﻴﻮﻡ ﺑﺘﺮﺟﻊ ﺑﺮﺍﻫﺎ ... ﻭﻫﻲ ﺭﺍﺟﻌﻪ ﻣﻦ ﺍﻟﺮﻭﺿﻪ ... ﻟﻤﺎ

ﻗﺮﺑﺖ ﻣﻦ ﺍﻟﺒﻴﺖ ﻭﺍﻟﻜﻮﺷﻪ ﺍﻻﺻﻼ ﺟﻨﺐ ﺍﻟﺒﻴﺖ ... ﻗﻌﺪﺕ ﺗﻜﻮﺭﻙ

ﻭﻭﻗﻌﺖ ... ﺟﺎ ﺩﺣﻠﻮﺏ ﺟﺎﺭﻱ ﻟﻲ ﺍﻣﻮ ﻭﻭﺭﺍﻫﺎ ﺍﻧﻮ ﺭﻭﻧﻖ ﻭﺍﻗﻌﻪ ﻓﻲ

ﺍﻟﺸﺎﺭﻉ ... ﺳﻠﻮﻯ ﺟﺎﺕ ﺟﺎﺭﻳﻪ ﻭﺷﺎﻟﺘﻬﺎ .. ﺭﺷﺘﻬﺎ ﺑﻲ ﻣﻮﻳﻪ ﻭﻟﻤﺎ

ﻓﺎﻗﺖ ...ﺳﺄﻟﺘﻬﺎ ﺑﺲ ﺭﻭﻧﻖ ﻛﺎﻧﺖ ﺑﺘﺒﻜﻲ ﻭﺗﺮﺟﻒ ﻭﻣﺎﺣﻜﺖ ﻭﻻ ﺷﻲ ﺍﻻ ﺗﺎﻧﻲ

ﻳﻮﻡ ...

ﺭﻭﻧﻖ ﺣﺒﻴﺒﺘﻲ ﻣﺎﻟﻚ ﺷﻔﺘﻲ ﺷﻨﻮ ....ﺍﻧﺎ ﻳﺎ ﻣﺎﻣﺎ ﻛﻨﺖ ﺭﺍﺟﻌﻪ ﻣﻦ ﺍﻟﺮﻭﺿﻪ

ﻭﻟﻤﺎ ﻗﺮﺑﺖ ﻣﻦ ﺍﻟﺒﻴﺖ ﺟﺎﺗﻨﻲ ﻣﺮﺓ ﻛﺎﻧﺖ ﺷﻴﻨﻪ ﺷﺪﻳﺪﺓ ﻳﺎﻣﺎﺍﻣﺎ ﻛﺎﻧﺖ

ﻣﺎﺑﺘﺴﺮﺡ ﺷﻌﺮﻫﺎ ﻭﻻ ﺑﺘﻀﻔﺮ ﺍﺻﺎﺑﻌﻬﺎ ﻭﻣﺎ ﻛﺎﻧﺖ ﺑﺘﺴﺘﺤﻤﻲ ﻛﺎﻧﺖ ﺑﺘﻘﻮﻝ

ﻟﻲ ﺣﺎﺍﻗﺘﻠﻚ ﻭﺍﻗﺘﻞ ﻛﻞ ﻧﺎﺱ ﺑﻴﺘﻜﻢ ﻓﺠﺄﻩ ﻛﺪﺓ ﻳﺎ ﻣﺎﻣﺎ ﺟﺎ ﻛﻠﺐ ﺻﻐﻴﺮﻭﻧﻲ

ﺑﻘﻰ ﺍﻋﻀﻲ ﻓﻲ ﺍﻟﻤﺮﺓ ﻭﺍﺗﺸﺎﻛﻞ ﻣﻌﺎﻫﺎ ﻭﺍﻧﺎ ﺧﻔﺖ ﺷﺪﻳﺪ ﻳﺎ ﻣﺎﻣﺎ ﻭﺁﺧﺮ

ﺣﺎﺟﻪ ﺷﻔﺘﻬﺎ ﺍﻟﻤﺮﺓ ﺿﺮﺑﺖ ﺍﻟﻜﻠﺐ ﺑﺎﻟﺴﻜﻴﻦ ﻓﻲ ﺿﻬﺮﻭ ....

ﺳﻠﻮﻯ ﺧﺎﻓﺖ ﺷﺪﻳﺪ ﻋﻠﻰ ﺭﻭﻧﻖ ﻭﻋﺮﻓﺖ ﺍﻧﻮ ﺍﻟﺒﺤﺼﻞ ﺩﺓ ﻣﺎﺷﻲ ﻃﺒﻴﻌﻲ

... ﺷﺎﻟﺖ ﺩﺣﻠﻮﺏ ﻭﺩﺧﻠﻮ ﻏﺮﻓﺘﻬﻢ ...

ﺍﺗﺼﻞ ﻣﺠﺪﻱ ﻋﻠﻰ ﺳﻠﻮﻱ ﻭﺭﺍﻫﺎ ﺍﻧﻮ ﺟﺎﺗﻮ ﺳﻔﺮﺓ ﻣﻔﺎﺟﺌﺔ ﻭﺣﻴﻐﻴﺐ

ﺍﺳﺒﻮﻉ ..ﻭﺃﻧﻬﺎ ﺗﺨﻠﻲ ﺑﺎﻟﻬﺎ ﻣﻦ ﺭﻭﻧﻖ ﻭﺩﺣﻠﻮﺏ ... ﺳﻠﻮﻯ ﻗﺎﻟﺖ ﻣﺎﺑﺘﻜﻠﻤﻮ

ﻫﺴﻲ ﻋﺸﺎﻥ ﻣﺎﺍﻗﻠﻖ ... ﻗﺎﻟﺖ ﻟﻴﻬﻮ ﻣﺠﺪﻱ ﺑﻌﺪ ﺗﺮﺟﻊ ﺩﺍﺋﺮﺓ ﺍﺗﻜﻠﻢ ﻣﻌﺎﻙ

ﻓﻲ ﻣﻮﺿﻮﻉ ...ﻭﻫﻨﺎﻙ ﻣﺠﺪﻱ ﺑﺮﺿﻮ ﻣﻘﺮﺭ ﺍﻧﻮ ﻳﺤﻜﻰ ﻟﻴﻬﺎ ﺍﻟﺸﺎﻓﻮ ﻗﺒﻞ

ﺍﻟﺴﻤﺎﻳﻪ ﻓﻲ ﺍﻟﻜﻮﺷﺔ ... ﺧﻴﺮ ﺍﻥ ﺷﺎﺀﺍﻟﻠﻪ ﺑﻌﺪ ﺍﺭﺟﻊ ... ﻭﺩﻋﻮ ﺑﻌﺾ ﺑﻌﺪ

ﺍﻟﺪﻋﻮﺍﺕ ...

ﺭﻭﻧﻖ ﺍﻟﻴﻮﻡ ﺩﺍﻙ ﻣﺎﻣﺸﺖ ﻟﻠﺮﻭﺿﻪ ﻷﻧﻬﺎ ﻛﺎﻧﺖ ﺧﺎﻳﻔﻪ ... ﻟﻌﺒﻮ ﻫﻲ

ﻭﺩﺣﻠﻮﺏ ...ﻭﻓﻄﺮﻭ ...

ﻳﻼ ﻳﺎﺍﻭﻻﺩ ﺑﻌﺪ ﻛﺪﺓ ﺍﻟﺤﻤﺎﻡ .. ﺳﻠﻮﻯ ﺣﻤﻤﺖ ﺭﻭﻧﻖ .. ﻭﻗﺎﻟﺖ ﻟﻴﻬﺎ ﺍﻧﺘﻈﺮﻳﻨﻲ

ﻓﻲ ﺍﻟﻐﺮﻓﻪ ﺍﺣﻤﻢ ﺩﺣﻠﻮﺏ ... ﻟﻤﺎ ﺟﺎﺕ ﺗﺤﻤﻤﻮ ﻟﻘﺘﻮ ﻣﺠﺮﻭﺡ ﺟﺮﺡ ﻛﺒﻴﺮ ﻓﻲ

ﺿﻬﺮﻭ ﻟﻤﺎ ﺍﺗﺨﻠﻌﺖ ﺩﺓ ﺷﻨﻮﻥ؟؟ ﺍﻟﻀﺮﺑﻚ ﺷﻨﻮ؟ ... ﻣﺎﻣﺎ ﻗﺒﻴﻞ ﻭﻗﻌﺖ ﻟﻤﺎ

ﺟﻴﺖ ﺟﺎﺭﻱ ﺍﻛﻠﻤﻚ ﺑﻲ ﺭﻭﻧﻖ ...

ﺳﻠﻮﻯ ﺳﻜﺘﺖ ﻭﺣﻀﻨﺖ ﺩﺣﻠﻮﺏ ﻋﻠﻴﻬﺎ ... ﻭﺧﺼﻮﺻﺎ ﻛﻞ ﻳﻮﻡ ﺑﺘﺸﻮﻑ ﺣﺎﺟﻪ

ﻏﺮﻳﺒﻪ ..ﻭﺑﺎﻟﺬﺍﺕ ﺍﻟﺤﺼﻞ ﺍﻟﻴﻮﻡ ....

ﺍﻟﻌﺼﺮ ﻛﺪﺓ ﺩﺣﻠﻮﺏ ﻭﺭﻭﻧﻖ ﺑﻠﻌﺒﻮ ﺑﺮﺓ ﻓﻲ ﺍﻟﺸﺎﺭﻉ ﺟﻨﺐ ﺍﻟﺒﺎﺏ ..... ﻓﺠﺄﻩ

ﺟﺎﺕ ﺭﻭﻧﻖ ﺗﻜﻮﺭﻙ ....

ﻣﺎﻣﺎ ﻣﺎﻣﺎ ﺩﺣﻠﻮﺏ ﺟﻮ ﻛﻠﺒﻴﻦ ﻛﺒﺎﺭ ﻭﺷﻴﻨﻴﻦ ﻭﺷﺎﻟﻮ ﻭﺟﺮﻭ ..

يتبع....

رأيكم في الروايه

‏ماذا لَو أنّ الشخصَ الذي تركتهُ ينامُ حزينا،ً مات💔!!

أحببتُك بِـ عاطِفة سَبعين أم 💜..

بكِ ومعُكِ ؛ أدركتُ أنكِ لذة الحياَة 💜🎵

هو الحبّ ، يأتي ويذهبُ كالبرق والصاعقة

-


وُمَا ذنْبَ الحُبَ ، عنِدمَا يِقَع بيِنَ إمِرأةَ عنَيِدةَ وُرجَلُ ذوُ كِبْرِيَاءْ !

الجنون مع من تُحب ، لذّه .

الاهتمام ما مجرد اسئلة يومية ، او رسائل تفقد !

ما " كيفك ، وجديدك ، والحاصل معاك .. "

هو متابعه " التفاصيل " البشوفوها الناس تافه جداً في حياة بعض ..

عندما اتصلتُ بك و قررتُ السكوت ، و عندما شاركتني كذلك الأمر ، صدقني ، كان هذا إحدى أهمّ حواراتنا و أهم مكالماتنا .💜

:

‏لماذا هو؟
‏-لأنه يشبه إسناد رأسك على نافذة سيارة.. في طريق طويل، في ليله باارده❤️🎼

امسكي بيدي يأمي..💙
فقد هدني التعب...!

في مواقف مرة جداً في حياتنا..🐾
..
بس بتحصل عشان تقول ليك..:
"أها كداا اتأكدت!!!