#الرضيع_الجني
بقلم: هديل محمد

الجزء 04


ﺍﻟﺪﻛﺘﻮﺭ ﻣﺠﺮﺩ ﻣﺎﺧﺖ ﺍﻟﺠﻬﺎﺯ ﻓﻲ ﺑﻄﻦ ﺳﻠﻮﻯ ﻛﺎﻧﺖ ﻓﺎﺿﻴﺔ ...ﺗﺎﻧﻲ ﺭﺟﻊ

ﺷﺎﻑ ﺣﺎﺟﻪ ﻣﺎ ﻗﺪﺭ ﺍﻓﻬﻤﻬﺎ ﻭﻋﺎﺩ ﺍﻟﻜﺮﻩ ﻛﻢ ﻣﺮﺓ ... ﺗﺎﻧﻲ ﺷﺎﻑ ﺍﻟﺒﻴﺒﻲ

ﺟﻮﺓ ﻭﻛﺎﻥ ﺑﻌﺎﻳﻦ ﻟﻠﺪﻛﺘﻮﺭ ﻭﺻﺎﺭﻱ ﻟﻴﻬﻮ ... ﻓﺠﺄﺓ ﺳﻤﻊ ﺻﻮﺕ ﻗﺎﻝ

ﻟﻴﻬﻮ ...ﺃﺑﻌﺪ ﺍﻟﺠﻬﺎﺯ ﺩﺓ ﻭﺛﺎﻧﻲ ﻧﻬﺎﺋﻲ ﻣﺎﺗﺨﺘﻮ ﻟﻴﻬﺎ ﻓﻲ ﺑﻄﻨﻬﺎ ﻭﻻﺗﻌﺎﻳﻦ ﻟﻴﻬﺎ

... ﻭﺑﺤﺰﺭﻙ ﺍﻧﻚ ﺗﻜﻠﻤﻬﺎ ﺑﺎﻟﺸﻔﺘﻮ ﻭﺍﻟﺴﻤﻌﺘﻮ .. ﻭﺛﺎﻧﻲ ﻣﺎﺗﺨﻠﻴﻬﺎ ﺗﺠﻲ تقابلك

ﻫﻨﺎ ﺍﻟﺪﻛﺘﻮﺭ ﻗﻌﺪ ﺍﺗﻤﺘﻢ ﻭﻓﻌﻼ ﻋﻤﻞ ﺑﻲ ﻧﻔﺲ ﺍﻟﻜﻼﻡ ﺍﻟﺴﻤﻌﻮ ...

ﻭﺑﻌﺪ ﻃﻠﻌﻮ ﺍﻟﺪﻛﺘﻮﺭ ﻛﺎﻥ ﻣﺤﺘﺎﺭ ﺟﺪﺍ ﻣﻦ ﺍﻟﺤﺼﻞ ﻭﻓﻲ ﻧﻔﺲ ﺍﻟﻮﻗﺖ ﻛﺎﻥ

ﺩﺍﺋﺮ ﻟﻴﻬﻮ ﺍﺟﻮﺑﻪ

ﻋﻠﻰ ﺃﺳﺌﻠﺘﻮ ....

ﺳﻠﻮﻯ ﻛﺎﻥ ﻛﻞ ﻳﻮﻡ ﺣﻤﻠﻬﺎ ﺑﺰﻳﺪ ﻭﻛﺎﻧﺖ ﺣﺎﺳﻪ ﻧﻔﺴﻬﺎ ﺗﻌﺒﺎﻧﻪ ﺷﺪﻳﺪ ...

ﻭﺣﺎﺟﻪ ﺧﺪﻳﺠﻪ ﻣﺎﻣﻘﺼﺮﺓ ﻣﻨﻬﺎ ﻣﻦ ﺷﻐﻠﻪ ﻟﻲ ﻣﻄﺎﻋﻨﺎﺕ ﻟﻲ

ﻣﺮﺍﺳﻴﻞ .. ﻭﺳﻠﻮﻱ ﻣﻜﺘﻔﻴﻪ ﺑﺎﻟﺴﻜﺎﺕ ﻭﺍﻟﺘﻨﻔﻴﺬ ..

ﻭﺍﻟﻠﻪ ﻳﺎﻣﺠﺪﻱ ﻣﺎﻋﺎﺭﻓﻪ ﺍﻟﻤﺮﺓ ﺩﻱ ﺣﺎﺳﻪ ﻧﻔﺴﺔ ﺗﻌﺒﺎﻧﻪ ﺗﻌﺒﺎﻧﻪ ﺷﺪﻳﺪ

..ﻭﺑﺤﺲ ﻧﻔﺴﻲ ﺷﺎﻳﻠﻪ ﺻﺨﺮﺓ ﻋﺪﻳﻞ ﺟﻮﺓ ﺑﻄﻨﻲ ... ﻣﺎﺗﻘﻠﻘﻲ ﻳﺎﺳﻠﻮﻱ

ﺍﻟﺪﻛﺘﻮﺭ ﻗﺎﻝ ﻃﺒﻴﻌﻲ .. ﺗﻜﻮﻧﻲ ﺍﻟﻤﺮﺓ ﺩﻱ ﺟﺎﻳﺒﻪ ﻟﻴﻨﺎ ﻭﻟﺪ ﻻﻧﻮ ﺍﻟﻤﺮﺓ ﺍﻟﻔﺎﺗﺖ

ﺑﻲ ﺭﻭﻧﻖ ﻣﺎﻛﻨﺘﻲ ﻛﺪﺓ ..ﻭﺑﻌﺪﻳﻦ ﺩﺓ ﺩﻟﻊ ﻣﻨﻚ ﺳﺎﻱ .. ﻭﻗﻌﺪﻭﺍ ﺍﺿﺤﻜﻮ ..

ﺳﻠﻮﻯ ﻗﺎﻟﺖ ﻛﻼﻡ ﻣﺠﺪﻱ ﺻﺤﻲ ﻣﻤﻜﻦ ﺩﺓ ﺣﻤﻞ ﺍﻟﻮﻟﺪ ﺑﻜﻮﻥ ﻛﺪﺓ .. ﺑﺲ

ﻛﺎﻧﺖ ﻣﺴﺘﻐﺮﺑﻪ ﻟﻴﻪ ﺍﻟﺪﻛﺘﻮﺭ ﻗﺎﻝ ﻛﺪﺓ ﻣﻊ ﺍﻧﻮ ﻓﻲ ﺍﻟﺸﻬﻮﺭ ﺍﻻﺧﻴﺮﺓ

ﺍﻟﻤﺘﺎﺑﻌﻪ ﻣﺮﺍﺕ ﺑﺘﻜﻮﻥ ﻣﺮﺗﻴﻦ ﻓﻲ ﺍﻟﺸﻬﺮ .. ﻭﻛﺎﻧﺖ ﻣﺤﺘﺎﺭﺓ ..

ﻳﺎﻣﺠﺪﻱ ﺃﻧﺎ ﻣﺎﻣﻘﺘﻨﻌﻪ ﺑﻲ ﻛﻼﻡ ﺍﻟﺪﻛﺘﻮﺭ ﺩﺓ .. ﻫﺴﻲ ﺍﻧﺎ ﻳﺪﻭﺏ ﺩﺧﻠﺖ

ﺍﻟﺴﺎﺑﻊ ...ﻻﺣﺪﺩ ﻟﻲ ﻧﻮﻉ ﺍﻟﻮﻻﺩﺓ ﺷﻨﻮ ﻭﻻ ﺍﻱ ﺷﻲ ... ﺑﻴﻦ ﻳﻮﻡ ﻭﻟﻴﻠﻪ ﻓﻲ

ﺍﻟﺤﻤﻞ ﺩﺓ ﺑﺘﺤﺼﻞ ﺣﺎﺟﺎﺕ ﻣﺎﻣﻤﻜﻦ ﻛﻼﻡ ﺍﻟﺪﻛﺘﻮﺭ ﺩﺓ ﻋﺸﺎﻥ ﻛﺪﺓ ﻭﺭﺡ ﻧﻘﺎﺑﻞ اخصائي تاني

يتبع....

#الرضيع_الجني
بقلم: هديل محمد

الجزء 05


ﻣﺠﺪﻯ ﻭﺍﻓﻖ ﻋﻠﻰ ﻛﻼﻡ ﺳﻠﻮﻯ ...ﻭﺧﺼﻮﺻﺎ ﺍﻧﻮ ﺷﺎﻳﻔﻬﺎ ﺗﻌﺒﺎﻧﻪ ﺷﺪﻳﺪ

ﻭﺑﻄﻨﻬﺎ ﻛﺒﺮﺕ ﺷﺪﻳﺪ ﻭﺷﻜﻠﻬﺎ ﺍﺗﻐﻴﺮ ﺷﺪﻳﺪ ﻣﻦ ﺣﻤﻠﻬﺎ ﺍﻷﻭﻝ ...

ﻣﺠﺪﻯ ﻃﻠﻊ ﻋﻠﻰ ﺍﻟﺸﻐﻞ ﻭﻗﺎﻝ ﻟﻲ ﺳﻠﻮﻯ ﺍﻥ ﺷﺎﺀﺍﻟﻠﻪ ﺍﻟﻤﺴﺎ ﻧﻤﺸﻲ ﻧﻘﺎﺑﻞ

ﺍﺧﺼﺎﺋﻲ ﺗﺎﻧﻲ ﻭﻧﻄﻤﺌﻦ ..

ﺭﺟﻊ ﻣﺠﺪﻱ .. ﺳﻠﻮﻯ ﺟﻬﺰﺕ ﺍﻟﻐﺪﺍﺀ ﻭﻗﻌﺪﻭﺍ ﻛﻠﻬﻢ ﺍﺗﻐﺪﻭ .. ﺳﻠﻮﻯ ﺃﻛﻠﺖ بسيط وقامت.

ﻭﺍﻟﻠﻪ ﻳﺎﻣﻲ ﺳﻠﻮﻯ ﺩﻱ ﺷﺎﻳﻔﻬﺎ ﺗﻌﺒﺎﻧﻪ ﻭﺍﻟﺪﻛﺘﻮﺭ ﺍﻟﻤﺘﺎﺑﻌﻪ ﻣﻌﺎﻫﻮ ﻗﺎﻝ

ﻣﺎﻧﻘﺎﺑﻞ ﺗﺎﻧﻲ ... ﺑﺲ ﻫﻲ ﺗﻌﺒﺎﻧﻪ ﺷﺪﻳﺪ ﻭﻣﺎﺍﻗﺘﻨﻌﺖ ﺑﻲ ﻛﻼﻣﻮ .. ﺃﻧﺎ ﻗﻠﺖ

ﻧﺸﻮﻑ ﺃﺧﺼﺎﺋﻲ ﺗﺎﻧﻲ ﻋﺸﺎﻥ ﻧﻄﻤﺌﻦ ...ﺧﻴﺮ ﻣﺎ ﻓﻌﻠﺖ ﻳﺎﻭﻟﺪﻱ .. ﻗﺎﻡ ﻣﺠﺪﻱ

ﻭﺩﺧﻞ ﻋﻠﻰ ﺳﻠﻮﻯ ﻋﺸﺎﻥ ﺗﺠﻬﺰ ..

ﺣﺎﺟﻪ ﺧﺪﻳﺠﻪ ﺑﻌﺪ ﻗﺎﻡ ﻣﺠﺪﻱ ... ﺍﻟﺒﺖ ﺩﻱ ﺍﻧﺎ ﻣﺎ ﻗﻠﺖ ﻟﻴﻜﻢ ﻣﺪﻟﻌﻪ

ﺳﺎﻱ ... ﺍﻟﻮﻟﺪ ﺷﻘﻴﺎﻥ ﻳﻮﻣﻮ ﻛﻠﻮ ﺍﻟﻘﻂ ﻓﻰ ﺍﻟﻘﺮﻭﺵ ﻭﺗﺠﻲ ﺗﻜﻠﻤﻦ ﻟﻴﻬﻮ ﺑﻲ

ﺩﻛﺎﺗﺮﺓ ﻭﻛﻼﻡ ﻓﺎﺭﻍ ...ﻧﺤﻦ ﻓﻲ ﺯﻣﻨﺎ ﺩﻛﺘﻮﺭ ﺩﺓ ﻧﻬﺎﺋﻲ ﻣﺎﻋﻨﺪﻧﺎ .

ﻃﻠﻌﻮﺍ ﻣﺠﺪﻱ ﻭﺳﻠﻮﻱ ﻭﻣﺸﻮ ﻟﻲ ﺃﺧﺼﺎﺋﻲ ﺗﺎﻧﻲ ﻭﺍﻧﺘﻈﺮﻭ ﻟﺤﺪﻱ ﻣﺎﻧﻤﺮﺗﻬﻢ

ﺟﺎﺕ ﻭﺩﺧﻠﻮﺍ ﻋﻠﻰ ﺍﻟﺪﻛﺘﻮﺭ ... ﺳﻠﻮﻯ ﻭﺭﺗﻮ ﺃﻧﻬﺎ ﻛﺎﻧﺖ ﻣﻘﺎﺑﻠﻪ ﻣﻊ ﺩﻛﺘﻮﺭ

ﻭﺃﻧﻮ ﻗﺎﻝ ﻟﻴﻬﺎ ﺗﺎﻧﻲ ﻣﺎ ﺗﺠﻲ ﺃﻣﺸﻲ ﺍﻟﻤﺴﺘﺸﻔﻰ ...ﻣﺠﺮﺩ ﻣﺎﺍﺟﻴﻚ

ﻭﺟﻊ ... ﻭﺃﻧﻬﺎ ﺗﻌﺒﺎﻧﻪ ﺷﺪﻳﺪ ﻭﺣﺎﺳﻪ ﺑﻄﻨﻬﺎ ﺗﻘﻴﻠﻪ ...ﺍﻟﺪﻛﺘﻮﺭ ﺑﻌﺪ ﻛﻢ ﺳﺆﺍﻝ

..ﻗﺎﻝ ﻟﻴﻬﺎ ﻧﻌﻤﻞ ﻣﻮﺟﺎﺕ ﻭﻧﻄﻤﻴﻦ ﻋﻠﻰ ﺍﻟﺠﻨﻴﻦ .. ﺍﻟﺪﻛﺘﻮﺭ ﻋﻤﻞ ﺍﻟﻤﻮﺟﺎﺕ ...

ﻭﺍﻟﻤﺮﺓ ﺩﻱ ﻣﺎﻛﻦ ﻓﻲ ﺷﻲ ...ﻗﺎﻝ ﻟﻴﻬﺎ ﻭﺿﻌﻮ ﻃﺒﻴﻌﻲ ﻭﺣﺘﺠﻴﺒﻲ ﻭﻟﺪ ﺍﻥ

ﺷﺎﺀﺍﻟﻠﻪ ﻟﻜﻦ ﺍﻟﺠﻨﻴﻦ ﻧﺎﺯﻝ ﺷﺪﻳﺪ ﻭﺗﻌﻤﻞ ﺣﺴﺎﺏ ﺃﻧﻬﺎ ﻣﺠﺮﺩ ﻣﺎﺗﺪﺧﻞ ﺍﻟﺘﺎﺳﻊ حتلد

ﺳﻠﻮﻯ ﻳﺪﻭﺏ ﺍﻃﻤﺄﻧﺖ ﻭﻃﻠﻌﺖ ﻣﻦ ﺍﻟﺪﻛﺘﻮﺭ ﻭﻛﺎﻧﺖ ﻣﺒﺴﻮﻃﺔ ﺑﻲ ﺍﻧﻬﺎ

ﺣﺘﺠﻴﺐ ﻭﻟﺪ ......

يتبع....

#الرضيع_الجني
بقلم: هديل محمد

الجزء 06


ﻧﺮﺟﻊ ﻟﻲ ﻋﻠﻰ ﻭﺩ ﺣﺎﺟﻪ ﻛﻠﺘﻮﻡ ﺟﺎﺭﺕ ﻧﺎﺱ ﺳﻠﻮﻯ ...

ﺍﺗﻜﺮﺭﺕ ﻋﻠﻴﻬﻮ ﺍﻟﺤﺎﻟﻪ ﺑﺘﺎﻋﺖ ﺍﻟﺼﺮﺍﺥ ﻭﺍﻟﺼﺪﺍﻉ ﻣﺠﺮﺩ ﻣﺎ ﺍﺳﻤﻊ ﻗﺮﺃﻥ ﻭﺍﻃﻮﺭ

ﺍﻟﻮﺿﻊ ﺷﺪﻳﺪ ... ﻟﺪﺭﺟﻪ ﺍﻧﻮ ﺑﻘﻰ ﻣﺎﺑﺼﻠﻲ ﻭﻣﺠﺮﺩ ﻣﺎ ﺍﺳﻤﻊ ﺍﻻﺫﺍﻥ ﺍﺳﺪﺩ اضنينو

ﺣﺎﺟﻪ ﻛﻠﺜﻮﻡ ﻣﺸﺖ ﻟﺸﻴﺦ ﺑﺘﻌﺮﻓﻮ ﻭﻭﺭﺗﻮ ﺑﻲ ﺣﺎﻟﻪ ﻋﻠﻰ ... ﻭﺟﺎ ﻣﻌﺎﻫﺎ

ﺍﻟﺒﻴﺖ ...ﻭﻣﺠﺮﺩ ﻣﺎﺑﺪﺍ ﺍﻗﺮﺃ ﻗﺮﺁﻥ .. ﻋﻠﻰ ﺍﺗﻐﻴﺮ ﺷﺪﻳﺪ ﻭﺑﻌﺪ ﺧﻠﺺ ﺍﻟﺮﻗﻴﻪ

ﻋﻠﻰ ﻧﺎﻡ ...ﻃﻠﻊ ﺍﻟﺸﻴﺦ ﻣﻊ ﻛﻠﺜﻮﻡ ﻭﻗﺎﻝ ﻟﻴﻬﺎ ﻭﻟﺪﻙ ﺩﺓ ﻣﺘﻠﺒﺴﻮ ﺟﻦ

ﻭﻣﺤﺘﺎﺝ ﻛﻢ ﺟﻠﺴﻪ ﻭﺃﻥ ﺷﺎﺀﺍﻟﻠﻪ ﺑﺒﻘﻰ ﻛﻮﻳﺲ ... ﺣﺎﺟﻪ ﻛﻠﺜﻮﻡ ﺍﻧﺼﺪﻣﺖ

ﺷﺪﻳﺪ ﻟﻤﺎ ﺳﻤﻌﺖ ﺍﻟﻜﻼﻡ ﻭﺑﻘﺖ ﺗﻘﻮﻝ ﻣﺘﻴﻦ ﻭﻭﻳﻦ .. ﻛﺮ ﻋﻠﻲ ﻳﺎﻭﻟﺪﻱ ﺩﻱ

ﻋﻴﻦ ﺑﺲ ﻭﺍﺻﺎﺑﺘﻚ ﻋﺸﺎﻥ ﻣﺘﻔﻮﻕ ﻓﻲ ﻗﺮﺍﻳﺘﻚ ...

ﺑﻌﺪ ﻋﺪﺓ ﺟﻠﺴﺎﺕ ﻣﻦ ﺍﻟﻌﻼﺝ ..ﺍﻟﺸﻴﺦ ﻗﺎﻝ ﻟﻲ ﻛﻠﺜﻮﻡ ... ﺍﻥ ﺷﺎﺀﺍﻟﻠﻪ ﺑﻜﺮﺓ

ﺣﺘﻜﻮﻥ ﺁﺧﺮ ﺟﻠﺴﻪ ﻟﻌﻼﺝ ﻋﻠﻰ ... ﻭﻭﺭﺍﻫﺎ ﺍﻧﻮ ﻣﺘﻠﺒﺴﻮ ﺭﺍﺟﻞ ﻭﻣﺮﺓ ..ﻭﺑﻜﺮﺓ

ﺍﻥ ﺷﺎﺀﺍﻟﻠﻪ ﺑﺤﺮﻗﻬﻢ ﻧﻬﺎﺋﻲ ﻷﻧﻬﻢ ﻋﻨﻴﺪﻳﻦ ﻭﺭﻓﻀﻮ ﺍﻃﻠﻌﻮ ...

ﻋﻠﻰ ﻣﺮﺓ ﻭﻫﻮ ﺭﺍﺟﻊ ﻣﻦ ﺍﻟﺠﺎﻣﻌﻪ ﺯﻣﺎﻥ ﻭﺍﻟﻮﻗﺖ ﻛﺎﻥ ﻣﻐﺮﺏ ﺟﺎ ﻣﺎﺷﻲ

ﺑﻲ ﻛﻮﺷﻪ ﻭﻛﺎﻥ ﻣﺮﻛﺐ ﺳﻤﺎﻋﺎﺗﻮ ﻭﺑﺴﻤﻊ ﻓﻲ ﺍﻏﺎﻧﻲ ﻓﺠﺄﺓ ﺍﺗﻌﺘﺮ ﻭﻭﻗﻊ

... ﻓﻲ ﺍﻟﻠﺤﻈﺔ ﺩﻳﻚ ﺍﺗﻠﺒﺴﻮ ﺟﻨﻰ ﻭﻣﺮﺗﻮ .. ﻣﺮﺗﻮ ﻛﺎﻧﺖ ﺣﺎﻣﻞ ... ﻭﺑﻌﺪ

ﻗﺮﺍﻳﺖ ﺍﻟﺸﻴﺦ ﺗﻌﺒﻮ ﺷﺪﻳﺪ ﻭﺭﺍﺟﻠﻬﺎ ﻗﺮﺏ ﺍﻣﻮﺕ ﻭﺣﻠﻔﻮ ﺍﻻﺗﻨﻴﻦ ﻣﺎﺍﺳﻠﻤﻮ

ﻭﻓﻀﻠﻮ ﺍﻣﻮﺗﻮ ﻭﻻ ﺍﺳﻠﻤﻮ .. ﺑﺲ ﻣﺮﺗﻮ ﻛﺎﻧﺖ ﺧﺎﻳﻔﻪ ﻋﻠﻰ ﺟﻨﻴﻨﻬﺎ ﻭﺍﺗﻔﻘﺖ

ﻫﻲ ﻭﺯﻭﺟﻬﺎ ﺍﻧﻮ ﻳﻨﻘﻠﻮ ﺭﻭﺣﻮ ﻓﻲ ﺭﺣﻢ ﺃﻗﺮﺏ ﻣﺮﺓ ﺣﺎﻣﻞ ... ﻭﻛﺎﻧﺖ ﺳﻠﻮﻯ

ﻭﺟﻨﻴﻨﻬﺎ ﻫﻲ ﺃﻗﺮﺏ ﻧﺎﺱ ﻟﻴﻬﻢ .. ﻭﻓﻌﻼ ﻧﻔﺬﻭ ﺍﻻﺗﻔﻘﻮ ﻋﻠﻴﻬﻮ ...

ﺭﺟﻊ ﺍﻟﺸﻴﺦ ﺗﺎﻧﻲ ﻳﻮﻡ ﻭﺑﺪﺃ ﻳﻘﺮﺃ ﻋﻠﻴﻬﻢ ﺑﻨﻴﻪ ﺍﻟﺤﺮﻕ ﻭﻓﻌﻼ ﺍﻻﺗﻨﻴﻦ ﺍﺗﺤﺮﻗﻮ

ﻭﻋﻠﻰ ﺑﻘﻰ ﻛﻮﻳﺲ ﺍﻟﺤﻤﺪﻟﻠﻪ ....

ﻭﻣﻦ ﺍﻟﻴﻮﻡ ﺩﺍﻙ ﻭﺳﻠﻮﻱ ﺑﻘﺖ ﺗﺤﺲ ﺑﺎﻟﺘﻘﻞ ﻓﻲ ﺑﻄﻨﻬﺎ ﻻﻧﻮ ﺟﻨﻴﻨﻬﺎ ﺍﺗﻠﺒﺴﺘﻮ روح جني

ﺑﺲ ﺷﻨﻮ ﺍﻟﺤﻴﺤﺼﻞ ﻟﻲ ﺳﻠﻮﻱ ﺑﻌﺪ ﻛﺪﺓ ..؟؟

يتبع....

رأيكم في الروايه

💙تعبت من عناء الدنيا ؟

دائما قول : اللهم اجعل همي الآخره .

💛للمحافظة على الصلاه ؟

دائما قولي : اللهم اجعلني مقيم الصلاة ومن ذريتي ربنا وتقبل دعاء ✨

❤تحسين انك وحيده ؟
دائما قولي : ربي هب لي من لدنك سلطان نصيرا .

‏كيف لك أن تحّزن
و سمّاء ربك مفتوحه لك حينمّا تشاء..🌸💚

_ربما يغلِق الله الأبواب ليُرشدك لبآبَه الذي لا يُغلق.

" اللهُم إنّ كان بيني وبين المُوت مسافة قصيرة فلا تمكُنه مني إلا وأنا ساجد لك "

النصيب يصيب💔، والدنيآ تآخذ مآ تجيب💔😓..

سيحبك .. آلاف غيري وستستلمين بريد الشوق لكنك .. لن تجدي بعدي رجلا يهواك بهذا الصدق لن تجدي أبداً لا في الغرب ولا في الشرق !
 #نزار_قباني

فيه نوع من الإكتئاب اسمه " نفسك تشوف زول وما قادر " !🌚💔

Dear cruch :
ﻧﺰﺍﺭ ﻗﺒﺎﻧﻲ ﻳﺴﻠﻢ ﻋﻠﻴﻚ ﻭﻳﻘﻮﻝ ﻟﻚ ‏(ﺑﻌﺾ ﺍﻟﻬﻮﻯ ﻻ ﻳﻘﺒﻞ ﺍﻟﺘﺄﺟﻴﻼ ‏)
... ﺗﻠﺤﻠﺢ 🙂🌚

قلتَ ليها :

أنا جد بالدارجي ما بعرف
قالت ما بتعرف لمتين ?
ختتني وحاتك في حته
بقيت شايفا اتنين اتنين
سكتَّ وعاينت ، وفكرت
وقلتَ بعد ما ابتسمَت زين
بعد اللمعة الجوة عيونك
وبسمتِك الحابسانا سنين
وسمارك الخالطينو بسمنه
وسكر وحبة لوز ، ما طين
حسّبتها جاي جاي ، ياخ ما أظن أكتب
دارجي -رانِّي- ليوم الدين
..
لِذا أرتقِبُ الليلَ فأرنو
نحو الفُصحى ، ثُمَّ أبين
شوقٌ ، زاد ضجيج الجوفِ
وما بالخارج غير أنين
سمرائي ، ما الحل لمن نزلت
في القلبِ عليهِ جيوشُ حنين
الصبرُ تنائى ، من قلقي
فليس هنالك ثمَّ معين
سوى أملٍ -كسناكِ- يلوحُ
فيُهدي ضالًا .. ثُمَّ يبين
أهواك ، سأُكملُ قصَّتنا
وبها سأُتَمِّمُ نصفَ الدين
..
الحمد لله إتخارجت
..
#عبدالرحمن_الفاتح

الورد اليومي
سوره#ال_عمران👇

روايه #الرضيع_الجني 👇

#الرضيع_الجني
بقلم: هديل محمد

الجزء 07


ﻣﺮﺕ ﺍﻻﻳﺎﻡ ﻭﺍﻟﺸﻬﻮﺭ ﻭﺳﻠﻮﻱ ﻛﺎﻧﺖ ﺑﺘﻌﺎﻧﻲ ﺷﺪﻳﺪ ﻣﻦ ﺍﻟﺘﻘﻠﻪ .. ﻭﻣﻦ ﺷﻐﻠﻪ

ﺍﻟﺒﻴﺖ ﻭﻣﻦ ﻣﻀﺎﻳﻘﺖ ﺣﺎﺟﻪ ﺧﺪﻳﺠﻪ ...ﻭﺑﺎﻗﻲ ﺃﺳﺒﻮﻉ ﻭﺳﻠﻮﻱ ﺗﺪﺧﻞ التاسع

ﺳﻤﻴﻪ ﺩﻱ ﺍﻡ ﺳﻠﻮﻯ ﺟﺎﺕ ﻣﻦ ﺍﻟﺒﻠﺪ ﻋﺸﺎﻥ ﺗﻨﻔﺲ ﺑﺘﻬﺎ ...ﻷﻧﻬﺎ ﻛﺎﻧﻌﺎﺭﻓﻪ

ﻛﻮﻳﺲ ﺣﺎﺟﻪ ﺧﺪﻳﺠﻪ ﺑﺘﻌﺎﻣﻠﻬﺎ ﻛﻴﻒ ﻭﻫﻲ ﺍﻟﻜﺎﻧﺖ ﺑﺘﻘﻮﻝ ﻟﻲ ﺳﻠﻮﻯ ﺗﺴﻜﺖ

ﻭﺍﺻﻠﻮ ﻣﺎﺗﺴﻤﻌﻬﺎ ﻛﻠﻤﻪ ﺷﻴﻨﻪ ...

ﺍﻟﺪﻧﻴﺎ ﻛﺎﻧﺖ ﺧﺮﻳﻒ .. ﻭﻗﻄﻮﻋﺎﺕ ﺍﻟﻜﻬﺮﺑﺎﺀ ﻛﺎﻧﺖ ﻛﺜﻴﺮﺓ ﺷﺪﻳﺪ ..

ﻳﺎ ﺍﻣﻲ ﻭﺍﻟﻠﻪ ﺍﻧﺎ ﺗﻌﺒﺎﻧﻪ ﺷﺪﻳﺪ ﻭﺣﺎﺳﻪ ﺟﺴﻤﻲ ﺩﺓ ﻛﻠﻮ ﺑﻜﺐ ﻣﻮﻳﻪ ﻣﻦ

ﺍﻟﻌﺮﻕ ...ﺍﺻﺒﺮﻱ ﻳﺎﺑﺘﻲ ﺍﻟﻠﻴﻠﻪ ﺩﺧﻠﺘﻲ ﺍﻟﺘﺎﺳﻊ ﺑﻌﺪ ﻛﺪﺓ ﻫﺎﻧﺖ ...ﻭﺑﻌﺪﻳﻦ ﻣﻊ

ﻛﻬﺮﺑﺘﻜﻢ ﺍﻟﻜﻞ ﺩﻗﻴﻘﻪ ﺗﻘﻄﻊ ﺩﻱ ﻣﺎﻋﻨﺪﻙ ﺷﻤﻌﻪ ﻫﻨﺎ ﻳﺎﺑﺘﻲ ...ﺗﻠﻘﻴﻬﺎ ﻫﻨﺎﻙ

ﻳﺎﺍﻣﻲ ... ﺳﻤﻴﻪ ﻭﻟﻌﺖ ﺍﻟﺸﻤﻌﻪ .. ﺳﻠﻮﻯ ﺳﻜﺘﺖ ﻣﺴﺎﻓﻪ ... ﻣﺎﻟﻚ ﻳﺎﺑﺘﻲ

... ﺍﻣﻲ ﺃﻣﻲ ﺑﻄﻨﻲ ﺑﻄﻨﻲ ﺷﻜﻠﻲ ﺧﻼﺹ .. ﺷﻜﻠﻲ ﺧﻼﺹ .. ﻭﺳﻠﻮﻱ ﺑﻘﺖ

ﺗﻜﻮﺭﻙ ... ﺍﺟﻲ ﻳﺎﺑﺘﻴﺺ ﺃﻗﺒﻞ ﻭﻳﻦ ﺭﺍﺟﻠﻚ ﻟﺴﻪ ﻣﺎﺭﺟﻊ ... ﻛﺮ ﻋﻠﻲ ﺳﺠﻤﻲ

ﻳﺎﺑﺘﻲ ... ﺳﻤﻴﻪ ﺟﺮﺕ ﻟﺤﺎﺟﻪ ﺧﺪﻳﺠﻪ ﺗﻜﻠﻤﻬﺎ ... ﺣﺎﺟﻪ ﺧﺪﻳﺠﻪ ﻗﺎﻟﺖ ﻟﻴﻬﺎ

ﺃﻣﺸﻲ ﻟﻲ ﺩﺍﻳﻪ ﺳﺎﻛﻨﻪ ﺟﻨﺒﻬﻢ .. ﻭﺷﻴﻠﻲ ﻣﻌﺎﻙ ﺍﻟﺒﻄﺎﺭﻳﻪ .. ﻃﻠﻌﺖ ﺳﻤﻴﻪ وجري علي الدايه

ﺑﻲ ﻫﻨﺎﻙ ﺳﻠﻮﻯ ﺍﻟﻮﺟﻊ ﺯﺍﺩ ﺷﺪﻳﺪ ﻋﻠﻴﻬﺎ ﻭﺍﻟﻬﻮﺍ ﻃﻔﺎ ﺍﻟﺸﻤﻌﻪ ﻭﺑﻘﺖ ﺗﻜﻮﺭﻙ شديد

ﻫﺴﻲ ﺩﻱ ﻣﻮﺍﻋﻴﺪ ﻟﻴﻚ ﺗﻠﺪﻱ ﻓﻴﻬﺎ .. ﺍﻟﻨﻬﺎﺭ ﻣﺎﻟﻮ ﻭﻻ ﺑﺲ ﺩﺍﺋﺮﺓ ﺗﻌﺬﺑﻲ

ﻭﺗﺘﻠﺘﻠﻲ ﺍﻟﻨﺎﺱ ..ﻃﺒﻌﺎ ﺩﻱ ﺣﺎﺟﻪ ﺧﺪﻳﺠﻪ ﺑﺘﻘﻮﻝ ﻛﺪﺓ ﻭﻣﺎﺷﻪ ﻋﻠﻰ ﻏﺮﻓﻪ

ﺳﻠﻮﻯ ﻟﻤﺎ ﻗﺮﺑﺖ ﻓﺠﺄﺓ ﺗﺴﻤﻊ ﻟﻴﻚ ﺻﺮﺍﺥ ﻃﻔﻞ ... ﺣﺎﺟﻪ ﺧﺪﻳﺠﻪ ﻣﻦ ﺍﻟﺨﻠﻌﻪ

ﺟﺎﺕ ﻭﺍﻗﻌﻪ ﻛﺴﺮﺕ ﺭﺟﻠﻬﺎ‏( ﻭﻟﺴﻪ ﺍﻟﺠﺎﺳﻢ ﺍﻛﺜﺮ ‏) ...

ﺳﻠﻮﻯ ﻭﻟﺪﺕ ﺑﺮﺍﻫﺎ ﻗﺒﻞ ﺃﻣﻬﺎ ﺗﺮﺟﻊ ﻣﻊ ﺍﻟﺪﺍﻳﻪ ... ﻟﻤﺎ ﺟﺎﺕ ﺍﻟﺪﺍﻳﻪ ﻭﺳﻤﻴﻪ

ﺍﻟﻜﻼﺏ ﻛﺎﻧﺖ ﻛﺘﻴﺮﺓ ﻓﻲ ﺍﻟﺸﺎﺭﻉ ﻭﺑﺘﻨﺒﺢ ﺷﺪﻳﺪ ﺣﻤﺘﻬﻢ ﺍﻟﺪﺧﻠﻪ ﺑﻌﺪ ﺻﻌﻮﺑﻪ

ﺣﺘﻰ ﻗﺪﺭﻭﺍ ﺍﺩﺧﻠﻮ ... ﻛﻠﻬﻢ ﺍﺳﺘﻐﺮﺑﻮ ﻣﻦ ﺳﺮﻋﻪ ﻭﻻﺩﺗﻬﺎ ... ﺷﺎﻟﻮ ﺍﻟﻄﻔﻞ

ﻭﻧﻀﻔﻮ ... ﻛﺎﻥ ﻃﻔﻞ ﺟﻤﻴﻞ ﺷﺪﻳﺪ ..

ﻣﺠﺪﻯ ﺟﺎ ﻛﺎﻥ ﻣﺨﻠﻮﻉ ﺷﺪﻳﺪ ﻻﻧﻮ ﻟﻤﺎ ﻃﻠﻊ ﻣﺎﻛﺎﻥ ﻓﻲ ﺷﻲ .. ﺷﺎﻝ ﺣﺎﺟﻪ

ﺧﺪﻳﺠﻪ ﻭﺩﺍﻫﺎ ﺟﺒﺮﻭ ﻟﻴﻬﺎ ﺭﺟﻠﻬﺎ ﻭﺭﺟﻊ ﺍﻟﺒﻴﺖ ..ﺷﺎﻝ ﻭﻟﺪﻭ ﺿﻤﺎﻫﻮ

ﻋﻠﻴﻬﻮ .. ﺑﺲ ﺣﺴﻪ ﺍﺣﺴﺎﺱ ﻏﺮﻳﺐ .

يتبع....