كتاب فاتتني صلاة
و فاصل او جزء العادات من كتاب اربعون محمد الشقيري

.قراية القرآن بتربطك بالصلاة شديييد
.الصبح مفتاح اليوم انت لو صليتو حاضر يومك كلو بيمشي صح ولو خليتو بيخرب لو جربت حتتأكد وم حتخليه إن شاء الله
.دايماً قارن نفسك بالصالحين أو الصحابة وانو هم قدر شنو بيعبدوا ربنا وبيقيموا الليل حتلقى انك بعيييد منهم وحتحاول تحصلهم
4مفروض تعرف انو انت محتاج تلاقي ربنا في يومك تشكرو ع نعمو الكتييرة أو تسألو نعم غيرها
والله يهدينا وإياكم

ادعي (اللهم اعني على ذكرك وشكرك وحسن عبادتك )

لا بارك الله في عمل تركت من أجله الصلاة 💛

كرر المقوله دي كل ما تسمع الأذان حتلقى نفسك خليت البتعمل فيهو عشان تصلي ❤

خلي صلاتك رقم واحد ✋ عشان ربنا يبارك ليك في حياتك😊

حاجات انا ختيتهم في قلبي ومترجمه عقلي عليهم اولهم قوله تعالى (فويل للمصلين *الذين هم عن صلاتهم ساهون )
انو انا ممكن امووت اسي في اللحظه دي وانا م مصليه حتكون نهاية حياتي تاركه للصلاة واتخيل شدة الموت وعزابه بلقى نفسي قومته اصلي
و تاني في جمله لاقتني بتقول (ماذا فعل الله لك حتى تكره لقائه) وهي سبب انتظامي من يوم لاقتني و تاني (تظن انك تارك للصلاة ولكن الحقيقه ان الله لم يعد يحب لقائك) كل م فكرته اكسل منها بتزكر انو ح اغضب ربنا مني م يحب لقائي والحبيب لحبيبه تواق
حاجات بسيطه انت تختهم في قلبك وعقلك حتخلينا نتمسك بصلاتنا

اول م تسمع الأذان خلي اي شي في يدك
واتذكر انو "الله أكبر من كل شيء" تلقائيا حتتعود ..
وشوف كتاب "فاتتني صلاة" حيفيدك بإذن الله ❤

واحد من الأحاديث السمحة شديد ، بتخلي الزول يتشجع شديد .. لمن النبي قال للصحابة فيما معناه لو ان نهرا بباب احدمم يغتسل منه 5 مرات كل يوم ايبقى من درنه شيئ ؟ قالوا لا ، قال فذاك مثل الصلوات الخمس 💜
جيب دفتر وقسم فيهو 6 عمدان ، الاول للتاريخ والخمسة لي الصلوات وفي كل بوم صحح الصلوات الصليتها ، قبل ما تنوم ، لو ضاعت عليك صلاة قضيها ، وقبل ما تنوم اتوضا وصلي ركعتين ، الرسول قال انه من توضأ فأحسن الوضوء ثم صلى ركعتين غفرت خطاياه وان كانت مثل زبد البحر ، ااحاجة دي حتخلي عندك شعور إيجابي شديد انك بينك وبين ربنا باب ..
واهم شي انت قرر تبدا ، اطلع من بيتكم متوضي ، اظبط منبه على قبل الاقامة بي 5 دقايق لي كل الصلوات عشان تقدر تلحق الصلاة
حقول ليك حاجة مطمئنة شديد ، امي انتظمت غي الصلاة في الجامعة ، هسي وهي عمرها فوق الخمسين قاعدة تقضي مع الفريضة 5 فروض من الفايتينها 💜 ربنا يديها العافية ويعينها 💜

صلِّ الصبح في المسجد الليلة و الله كدا ح تحس بي راحة تخليك تشتاق لصلاة الظهر عشان ترتاح تاني زي الراحة دي و بكدا ح تستمر بإذن الله
ربنا يثبتك و يهدينا

اتزكر انكك ممكن تموت فى اى لحظة واول شى بتسأل منو الصلاة واتزكر إنتظام صلاتك=إنتظام حياتك

وربنا يهديك دائما ويثبتك

انت عارف المفروض من مكانك د طوالي تقوم تصلي ركعتين وتنتظم في صلاتك فروض علي نوافل علي قيام علي كلو عارف ليه؟
لانو ربنا بحبك ربنا لو م بحبك م كان أصلا فكرت أو ضميرك انبك علي ترك الصلاه فاااا تعمل ليك لي كل فرض منبه قبل 6 دقايق كدا عشان تلحق الصف الاول ولا حنرضى بالقليل ؟ لا طبعا
د بالنسبه لي كل الصلوات م عدا الضهر والصبح المنيه يكون أبدر عشان السنن القبليه طبعا لو صليت السنن الرواتب حيبنى ليك بيت ف الجنه😁 ولازم تقرا قران وتقرا الاذكار عشان تقفلا الشيطان ف وشو
بعد كم يوم حتلقى نفسك مرتاح ومبسوط وماف زهج
صلي لحدي م تصل مرحلة الخشوع والراحه في الصلاه
اللهم ارزقنا الخشوع في الصلاه ياخ⁦❤️⁩
المهم الموضوع د عزيمه يعني م ف زول حيجي يشيلك يوديك المسجد واوعك تصلي في البيت المسجد ثم المسجد حيلاقوك ناس متين بقيت تصلي طننننش ف الموضوع ساهل ادعي ربنا انو يحببك في الصلاه ويخليك تصلي ولو قال للموضوع د كن م حتفوت صلاه ⁦❤️⁩

إتذكر إنها كلمة المرور لي باقي الأسئله في العبور إلي الجنه
بالدارجي دا سؤال لا يمكن أن تتخطاه الملائكة

إمتحان مكشوف
إستغل دي بس وربنا قاصد عباده يبخروا وينجحوا
واستحلفك بالله تدعوا لي معاك بالثبات

"والذين هم عن صلاتهم ساهون" ف تفسير للايه دي قالوا من رحمه ربنا بعبادو قال عن صلاتهم وليس في صلاتهم..... بس حاول انك تتخيل معاي القبر... الحفره الصغيره الضيقه المظلمه دي ماااف زول ح يكون معاك مهما كان بعزك وح تتحاسب ع الصغيره والكبيره اتخيل معاي حجم الملائكة" غلاظ شداد لايعصون الله ما امرهم ويفعلون ما يؤمرون" حاجه تقشعر الابدان وانك ح تقابل الخالق... حتى الانبياء بخافوا من عظمه اليوم دا وحاول تتذكر جهنم انت شان تصلها ساي مسيره ٧٠ عام وبعد دا قارن كل شي بالجنه وبالراحه واهم شي فيها النبي صلى الله عليه وسلم 💜وربنا يهدينا اجمعين

الأفضل أن تسارع في الخيرات من صلاة وصوم وتتزوج باكرآ أفضل من التأخير كن في ( the safe side ) !

منشورك مصداقاً للآية ((وذكر فإن الذكرى تنفع المؤمنين.. الذكرى وليس التعريف.

صعب أنصحك وانا ما ملتزم بالاوقات.. لكن النصيحة في انك تدعي ربنا يسهلها عليك.. كلنا ندخل الجنة برحمة الله وليس بأعمالنا..

بنزع نفسي نزع للمسجد، بتوفق واحيانا لا.. وبحدث نفسي الف مرة اني أصلي في البيت، ولا في المكتب..

يمكن أصلي وفي بالي حاجة أقوم أرجع ليها.. لكن من أكمل الصلاة.. وأقعد ما أقدر اقوم.. اتلفت واعاين في الناس وفي السقف.. ممكن ما أقول حاجة.. ولا أسبح ولا اصلي ولا أسوي حاجة نص ساعة كاملة.. لكن بكون متأكد اني قاعد في مكاني لسا لأني لاقي راحة ما حلقاها في أي مكان تاني ..

مرات الا الحارس يجي يقول لي خلاص حنقفل المسجد.

ما هو عقاب تارك الصلاة عن جابر بن عبد الله رضي الله عنهما قال:" من لم يصلّ فهو كافر "، رواه ابن عبد البر في التمهيد، وهذه هي عقوبة من ترك الصّلاة بشكلّ قطعيّ وتامّ، ولكنّ الإنسان الذي يصليها مع تكاسل في أدائها، أو يقوم بتأخيرها عن وقتها، فقد توعّده الله سبحانه وتعالى بالويل فقال:" فويل للمصلين الذين هم عن صلاتهم ساهون "، الماعون/5. وأوّل ما يحاسب عنه العبد في يوم القيامة هو الصّلاة، كما قال الرّسول صلّى الله عليه وسلّم:" أوّل ما يحاسب عليه العبد الصّلاة، فإن صلحت فقد أفلح وأنجح، وإن فسدت فقد خاب وخسر "، رواه الترمذي وحسّنه، وأبو داود والنّسائي، وإنّ النّبي - صلّى الله عليه وسلّم - ليعرف أفراد أمّته يوم القيامة بالغرّة والتحجيل، وذلك من أثر الوضوء، قال رسول الله صلّى الله عليه وسلّم:" إنّ أمّتي يدعون يوم القيامة غرّاً محجّلين من أثر الوضوء "، رواه البخاري ومسلم. ويعدّ ترك الصّلاة من المعاصي الكبيرة، وهذه المعاصي تعمل على أن ينسى الإنسان نفسه، كما قال الإمام ابن القيّم:" فإذا نسي نفسه أهملها وأفسدها، وقال أيضا: ومن عقوباتها أنّها: تزيل النّعم الحاضرة وتقطع النّعم الواصلة، فتزيل الحاصل وتمنع الواصل، فإنّ نعم الله ما حفظ موجودها بمثل طاعته، ولا استجلب مفقودها بمثل طاعته، فإنّ ما عند الله لا ينال إلا بطاعته.. ومن عقوبة المعاصي أيضاً: سقوط الجاه والمنزلة والكرامة عند الله، وعند خلقه، فإن أكرم الخلق عند الله أتقاهم، وأقربهم منه منزلةً أطوعهم له، وعلى قدر طاعة العبد تكون له منزلة عنده، فإذا عصاه وخالف أمره سقط من عينه، فأسقطه من قلوب عباده. ومن العقوبات التي تلحق تارك الصلاة: سوء الخاتمة، والمعيشة الضنك، لعموم قوله تعالى:" ومن أعرض عن ذكري فإنّ له معيشةً ضنكا ونحشره يوم القيامة أعمى "، طه/124

البنظم صلاتو بتنظم حياتو 💙

انا بقيت اول م اسمع الاذان اصلي عشان تاني م اكسل ولا يحصل شي ويشغلني عشان اعوض الصلوات ال كنت باخرها وبفوتها ودي حاجه خلتني اكون راضيه ععن نفسي جدا بقيت مهما اكون بعمل في حاجه واسمع الاذان بحس بيها تافهه قدام اني اقوم واصلي صلاتي في وقتها..

المنبه اكتب فيهو ايات تخليك تقوم بدون ما تفكر

العن الشيطان و اقرا الناس وقت كل صلاة ٣ مرات و شوف السبب الخلاك ما تنتظم شنو و احسن ليك تتعود على الجامع كدا ما حتفوت صلاة و بعدين اتذكر يوم القيامه حتتحاسب و ماف ليك اي طريقه تهرب حتتعذب بالنار و انت شايف نار الدنيا حاره كيف و نار القيامه احر من دي

عايز أصلي وبقطع

ج/ عود نفسك أن لا تخرج من الحمام إلا متوضئًا، ولا تكون إلا على وضوء...

ثم متى جاء وقت الصلاة وخطرت في بالك قم وصل ولا تفكر كثيرًا

وتذكر ستُدعى إلى السجود يوم القيامة... فمن كان ساجدًا في الدنيا سجد يومئذ... ومن لا فلا...

{يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلاَ يَسْتَطِيعُونَ}
{وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ}

السلام عليكم
مساء الخير .. اعضاء اسلوب حياه .. صح احنا الفتره الفاتت انشغلنا وبقينا ما بننشر كتير .. بس عندنا ظروف شويه شاغلانا

عموماً
عايزه ادمن لي القناه مؤقتاً لحد ما نرجع بقوه .. زول يكون قادر يمسك القناه وعارف منشورات القناه كيف والحاجات اللي مفروض تتنشر كيف .. ويكون فاضي ويقدر ينشر ويعمل فقرات وكده
لو اي زول شايف نفسو قادر علي كده يجيني خاص
@MOON_FAB
#امنيااه