‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ

#أجر ؟،🌿💕'
‏- سُبحان الله و بحمده .
- سُبحان الله العظيم .
- استغفر الله و أتوب إليه .
- لا حول و لا قوة إلا بالله .
- اللهُم صلِ على نبينا محمد .

‏صباح الخير للأمنيّات العالقة بالقلب، وللفرح الذي يشعّ من صدورنا كلّما تحققت أمنيّة ❤️

الورد اليومي👇

_


{ هُوَ اللَّهُ الَّذِي لَا إِلَٰهَ إِلَّا هُوَ ۖ عَالِمُ الْغَيْبِ وَالشَّهَادَةِ ۖ هُوَ الرَّحْمَٰنُ الرَّحِيمُ (22) هُوَ اللَّهُ الَّذِي لَا إِلَٰهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ ۚ سُبْحَانَ اللَّهِ عَمَّا يُشْرِكُونَ (23)هُوَ اللَّهُ الْخَالِقُ الْبَارِئُ الْمُصَوِّرُ ۖ لَهُ الْأَسْمَاءُ الْحُسْنَىٰ ۚ يُسَبِّحُ لَهُ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ (24) }😴💜💜."

امبارح غمضت عيوني عشان اتخيلك 😍
شالتني نومة 🌚💔
لكن الليلة ان شااء الله
حنكون جادين 😂🐸💔

_ احببتك بقلب يتيم.!
_فأمآ اليتيم فلا تقهر " ☹️💜🎵

" ثم قست قلوبكم من بعد ذلك ، فهي #كالحجارة أو أشد قسوة " ..🍁
#سورة_البقرة

#بيت_الخراب17
بقلمي ✒ رانية محمد أحمد

.طيب انا عملت شنو بالضبط و فجأة الخط قفل ......طارق طوالي جاهم في البيت و قال إلا يقابلها و جات قابلتو و قالت ليهو بس طلقني امها قالت ليها بسم الله عين العدو مالك يا بتي بتقولي كدا .......حسين قال ليهو انا حسيت انك عملت ليها حاجة من اول لحظة جاتنا فيها .......والله يا جماعة انا ما فاهم حاجة خلوها تفهمكم انا عملت شنو انا كمان عايز افهم ........كرهتك ياخ ما عايزاك خلاص طلقني بس .......و دخلت خنساء جوة و هي بتبكي .......امها قالت ليهو يا ولدي دي فترة الحمل اساسا كدا ......... عاين لي امها بي استغراب ...... قالت ليهو اقعد النفهمك .......قعد قالت ليهو اساسا النسوان ديل عنهن الوحم اصناف و اشكال حالة نفسية و في نسوان في الوحم بكرهو ازواجهم و في البتزيد ريدتهم و في الما بتاثرو اساسا بس شكلو خنساء كرهتك بي سبب الوحم اصبر عليها يا ولدي ......طارق بقى ما فاهم اي شي و قال ليهم خلاص بجي بعد تهدأ شوية .......طلع مستاء و بقى يفكر ليه اتغيرت كدا خنساء الحصل شنو معقول يكون الوحم حسب كلام خالتي ......وقف في الطريق و بدأ يبحث في الانترنت يكمن يلقى حاجة تطمنو .......فعلا لقى تجارب كتيرة طمنتو جدا و بقى مبسوط و قال ما مشكلة بصبر عليها فترة و تعدي ......و لما اتصل بيها المرة التانية و فتحت ليهو موضوع الطلاق قال ليها جدا بطلقك موافق بس بي شرط .......اها شنو الشرط ......بطلق بعد تلدي .....لالا يا طارق طلقني في اسرع وقت ممكن .......انا قلت ليك شرطي بطلقك و بديك ورقتك بس تلدي اول و بعدين في الاسلام ما صاح الطلاق أثناء الحمل فاهدي و ما تضايقي......في النهاية استسلمت خنساء لي كلام طارق و سكتت .......

ديما جاها الشيخ تاني بعد كم يوم و سلم عليها قال ليها انا جيتك انتي مخصوص .......قعد أسأل فيها عن صحتها و احواليها و اخيرا قال ليها فكرتي في كلامي ......قالت ليهو ايوة فكرت ......اها قولي .......قالت ليهو فعلا كلام ما منطقي لانو في ظلمة كتير في العالم مافي زول اكتشف جرائمهم لحدي ما ماتو بدون عقاب .......ما منطقية صاح في البغتصبو الاطفال و يرموهم في البحر او يدفنوهم و مافي زول يعرف ليهم طريق .....لو ما ربنا موجود و الدين كان العالم عاس في فساد فظيع القوي ياكل الضعيف ........ديما سكتت و هي بتسمع فيهو و هو بوضح ليها ......قالت ليهو طيب يا شيخ ما جاوبتني علي سؤالي .......اي سؤال.......انت قلت ربنا اذا احب عبد ابتلاه طيب.....ايوااا ربنا بحبك يا ديما و بحبك جدا لانو المرض دا كفارة للذنوب اولا و غير كدا انتي لو ما مرضتي بالمرض دا ما كان عرفتي ربنا ولا عرفتي الآخرة ........بس طيب الناس البعرفو ربنا و قريبين منو برضو بجيهم مرض .......اي زول ممكن يجيبو المرض و برضو ربنا لي حكمة خلاهو يمرض المرض دا ......و ربنا قلتي اذا كره زول ......بخليهو علي عماهو ما بلفت نظروا .....( و نستدرجهم من حيث لا يعلمون ) صدق الله العظيم .......أسوأ شئ الزول ربنا ما يبتليه و يكون بعيد كل البعد و يخليهو يعمل العايزو و يرتكب المنكرات و الفواحش بدون عقاب ولا حساب و بدون عدد حتي ياتيه الموت فجأة و بغتة و ما يقدر يتوب عن الفات و ولا يقدر يرجع لي ربنا و تزهق انفسهم و هم كافرون .......ديما لما الشيخ اتكلم معاها اتيقنت. فرحت و اتبسطت و بقت عايزة تقرب من ربنا اكتر لانها حست انو ربنا بحبها فعلا لو ما بحبها ما جاها المرض دا و عرفت الحقائق و عرفت طريق ربنا .......

دلال و طارق متابعين مع ديما و داليا و امهم كل المستجدات و ديما نفسياتها على اتصلحت شديد و بقت متطمانة انو ربنا حيشفيها عاجلا ام اجلا.......و حبت خالد جدا لي وقفتو معاها في أسوأ حالاتها و ما سابها لحظة .......خالد نفسو محتار انو بعمل كدا ليه و هو في الحقيقة شخص طائش و بتاع بنات يحب دي و يسيب دي و حب داليا و كان عايزها بس ديما احساسو بيها مختلف حس انها جزو لا يتجزأ منو من قلبو و ما عارف سر اندفاعو و خوفو عليها رغم انو كا ن فاكر انو الطفل هو القرب يينهم بس بعد اجهضت الطفل البربطو بيها سر غريب بس سر حلو و قوي و بتمنى انو يدوم ......

بعد فترة الشاذلي اطمن على بنتو تماما و قالو ليهو باقي ليها جلستين بس و ترجع السودان .......جوهو في السوبر ماركت بتاعو كمية من الناس و هو همو كلو و تزكيزو مع النسوان يحاول يمسك يد دي و يحاول يهبش دي ......في الأخير فتح الدرج حقو و طلع الحبة كالعادة ......بلعها و بقى منتظرة الفرصة و الفريسة المناسبة و دايما فرايسو بتكون صغيرة عشان ضعيفة و ما بتقدر تقاوم و ما بتعب معاها كتير ..ّّ.....نص النهار جو داخلين المحل بتين واحدة كبيرة عمر 14 سنة و التانية اصغير منها بي كم سنة عمو 11سنة و ما كان في الوقت داك في ناس كتار في المحل ........رماح شيلي شيبس لي عصومي عشان ماما قالت نجيب ليهو معانا ......و العصير خلاص طيب ......تاني عايزة حاجة ......فجاة عم الشاذلي بدون ما البنات ينتبهوا قف

ل الباب بتاع المحل .......البنات اتخلعو دقيقة يا عمو نحن جوة .......ما اشتغل بيهم ......يا عمو جو عليهو ......... و هو كمان جا عليهم ........و مسك الكبيرة اول و ما استغل بي صراخ الصغيرة و لا كواريك الكبيرة بين يدينو .......انتهكها و الصغيرة كانت بتضرب فيهو دفاعا عن اختها الكبيرة .......بعدها جرت الكبيرة على الباب و لقتو قافل بقت تضرب فيهو. .......جا العامل الحبشي الشغال مع عم الشاذلي في الدكاكين ......و سمع الكركبة و هو كان واقف برة و مخلوع ......طوالي فهم الحاصل و جري ادس بي ورا الحيطة و هو بعاين .......فجاة الباب فتح و البنات الاتنين جرو ......و هم ببكو ما شايلين معاهم اي حاجة لا يمكن قروش لا شبس .......العامل اتصدم و هو كان شاكي في الشاذلي انو زول مجرم و هو زاتو جرى بدون عودة......جرو البيت امهم واخوهم الصغير كانو منتظرينهم ......وينو الشبس حق عصومي يا بنات .......يا ماما القروش ضاعت .......دا شنو يا لمياء البلوزة دي الشرطها كدا دا شنو .......لمياء اتخلعت و عاينت للبلوزة مسافة ......

يتبع...

اسفة على التأخير

#بيت_الخراب18
بقلمي ✒ رانية محمد أحمد

امهم بدات تخاف و حست انو في حاجة ما طبيعية و رماح عضت شلوفتها كانهم اتكشفو .......في شنو يا بنات ما تتكلمو .......رماح بدات تبكي بدون مقدمات و لحقتها لمياء و بقو يبكو بي فزع و رماح بدات تحكي لي امها بي براءة و بالتفصيل الشافتو .......امهم ختت يديها في راسها و عضت شلوفتها و هي مفتحة عيونها كبار و بقت تكورك سجمنا سجمنا سجمنا ........ّمسكت بناتها و بقت تبكي معاهم .......اتصلت بي زوجها و رد عليها بي نفس مفتوحة ......اهلا يا روووح روحي اشتقتي لي بالسرعة دي .......الحقني يا امام .......بسم الله مالك يا سميرة الحصل شنو .......بدات تحكي ليهو الحصل لمياء اساسا ما بنتو بنت اخوهو المتوفي اللي حصل ليهو حادث فجأة و اتوفى و اتزوج مرتو عشان يلم بنت اخوهو لمياء و ما تتيتم رغم اعتراض امو و اهلو بس اصر يلم بنت اخوهو و مرتو و جاب منها رماح و عصام الصغير و اغترب عشان يوسع ليهم المعيشة و رغم مضايقات امو لي سميرة مرتو بس صبرت على كل كلامهم لحدي ما فصل ليهم بيت براهم شقة جنب ناس امها عشان تكون متوازرة بي اهلها ......قال ليها و هو بضرب بي يدو التربيزة و هو بتنفس غضب و بقى جايط في سميرة البتبكي و ما عارفة تتصرف كيف .......انتي كيف تخليهم يطلعو براهم ......انا بيدي شنو اصرو البنات و البقالة قريبة .......قريبة كيف وين يعني ......اسمها بقالة (.....) ......ايوااا عرفتها حقت عمك الكبير الاسمو الشاذلي .......ايوة ياها انا حابلغ الشرطة ما بقدر اقعد ........لالالا اووووع تكلمي زول انا بدق خروج نهائي و بجي اقعد معاك لا اغتراب لا قروش ما دايرين ان شاء الله نموت من الجوع بس اكون معاكم .......كيف يا امام ما نبلغ و حقنا لازم ناخدو منو و البت حتضيع .......يا سميرة بالله اصبري انا قلت ليك جاي و بتصرف .......لكن يا امام اي تاخير حيكون ضدنا .......هاج فيها و قال ليها قلت ليك لما اجي ياخ ......بس امام كلامك دا ما منطقي السكات ......امام قبل تكمل قفل الخط في وشها .......مشى و هو ما شايف قدامو قال ليهم انا ماشي بس لاقتو صعوبات كتيرة و مدة العقد لسة باقي عليها فترة عشان يتجدد و الشرط الجزائي كبير جدا و ما قدر يعمل اي شي غير انو ينتظر كم شهر .......كلم سميرة بالحاصل .......طيب قلت ليك احسن نبلغ يا امام ......سميرة اسمعي كلامي دا انا الا اجي اتصرف سامعة اووووع تتصرفي اي تصرف سامعاني اوع تكوني كلمتي زول ........ قالت ليهو سميرة مستحيل اكلم زول بالحصل طيب خلاص في انتظارك .......

خنساء و عواطف الاتنين بقو تقال و قربو للولادة بس عواطف بتتدلع و خنساء ما طايقة نفسها ولا طايقة تتكلم مع طارق الرافض يطلقها إلا بعد تلد .....ناس ديما كملو كل الجرعات و عكس توقعات دلال و طارق و عم الشاذلي كانت رغم اثار العلاج و الكيميائي نفسياتها مرتاحة و مبسوطة جدا و خالد فرحان لي فرحها و قال لي خالو و حسنية عايزين نسكن برانا بعد كدا ..ّّ...ّبس ابوها رفض تماما و قال ليهو انا اديتكم الشقة الفوق عشان بتي ما تبعد عني انا عايزها تعيش معاي ......في الاخر استسلمو لي امر عم الشاذلي و قعدو في الشقة و طارق بتقلب على نار الاشواق لي خنساء الما مفهوم ليه بقت نفسياتها محطمة كدا .......و ما عندو اي تصرف تجاه حالتها غير الصبر لحدي ما تلد و نفسياتها تتحسن و ترجع زي اول .......و بس بمشي البيت يديها مصاريف و جهز ليها جهاز الولادة كامل و رغم انو حسين و مرتو شالو منها حاجات بس ما اثر فيها كانو الموضوع ما بخصها و عارفة و ما سالتهم ........

قبل مواعيد الولادة عواطف قالت لي حسين انا عندي قروش لاماها عايزة اشتري لي بيت .......حسين بحلق فيها .....عندك قروش قدر دا يا عواطف و داسة مني .......هي دي ما قروشي مالك بيها انت دخلك شنو تصرف زيك زي الرجال ......في الاخر حسين ما قدر يتكلم معاها قالت ليهو المهم ارح معاي نفتش .......فتشي براك موش لميتيها براك ما عندي بيك اي شغلة ......عواطف ما اشتغلت بيهو مشت براها مكاتب العقارات لحدي ما لقت بيت مناسب بس عندها نص القروش اتصلت بي حسين و كلمتو قالت ليهو تعال ساهم معاي .......قال ليها كمان اساهم معاك عشان تكتبيهو بي اسمك لا ياخ .......قالت ليهو دا بيت فرررصة اتفقو في الاخر يقسمو البيت نصو يكتبو حسين بي اسمو و النص التاني عواطف تكتبو بي اسمها .......عواطف عارفة راجلها على قلبو قدر دا عندو القروش بس بخيل ساي ......في الاخر مشو المحامي و سجلو البيت نصو بي اسم عواطف و النص التاني بي اسم حسين .......فعلا بعدها بدا كل واحد يجهز في الجزو بتاعو نقاشة و بوهية و سراميك و عواطف ولدت قبل خنساء .......و بعد السماية حسين قال ليها انا بنقل الحاجات للبيت و بعد تتمي الاربعين نرحل .......قالت ليهو تمام .......قال ليها خلاص حانقل الحاجات في الجزو بتاعك عشان اكتمل ......لالا يا اخوي اووووع تهبش الجزء بتاعي عايزة ااجرو و استفيد من قروشو نرحل في الج

زء حقك و بعدين انت للان بتتحكحك مالك ما خلصت .......حسين بقى مصدوم بس ما عارف يقول ليها شنو مراة بتفكر بالعقلية المادية البحتة دي ........اساسا انا تحت ولايتك مفروض السكن و. الماكل و المشرب عليك .......حسين كان فاكر انو حيستفيد من عواطف و لقى العكس تماما ........

خنساء اتخلعت قالت لي حسين و ابوك و امك تمشي تخليهم براهم هنا .......قال ليها ما عندي شغلة اقعدي انتي اساسا عايزة تتطلقي موش اقعدي لازمي امك و ابوك .......خنساء في الاول زعلت تاني قالت لي روحها ما صحي اساسا انا كدا كدا حاتطلق بقعد معاهم مالي ما بقعد عرس تاني زاتو ما دايرة بربي ولدي ولا بتي الما معروف من وين دا و خلاص .......خنساء كانت بتتعب بس بترفض تماما تمشي دكتور تفحص و ما اهتمت بي نفسها نهائيا و طارق كان بلح عليها عشان تجي تحمد لي اختو السلامة بس كانت بتتحجج بي تعب الحمل و كدا و طارق خلاص فاض بيهو منها ما عارف مالها معاهو بس برجع بقول يمكن الحمل مؤثر علي نفسياتها ........في الاخر جاتها حسنية زارتها مخصوص ......مما شافتها خنساء اترمت فيها و بقت تبكي مافي زول حاسي بي وجعها و المها زي حسنية نسيبتها .......طارق استغرب من الموقف بس ما خت حاجة في راسو .......قعدت مع حسنية و اصرت تدخلها غرفتها و يتكلمو براهم .......خنساء حكت لي حسنية مخاوفها .......حاسة بيك و الله يا خنساء حاسة بيك و عارفة الالم الانتي فيهو بس العرفك شنو انو الولد الفي بطنك دا طفلو هو .......الزمن و التوقيت نفسو .......لا حول ولا قوة إلا بالله يارب ما يحصل كدا بس انتي ما تحسسي طارق بي حاجة ليه بتعملي كدا خليك عادية كانو مافي حاجة .......كيف يا خالتي اعتبر كانو مافي حاجة ما بقدر ارجع البيت دا تاني ......خلاص انا حاقنع طارق ترحلو مكان تاني و تسكنو براكم .....لالا يا خالتي انا خلاص قنعانة ......ليه كدا يا خنساء طارق ذنبو شنو .......خنساء بقت تبكي بي قهر و انا يا خالتي ذنبي شنووو انا ذنبي شنووو .......ابوها جا ماري بالغرفة و سمع الم بتو و القهر البتتكلم بيهو حس انو ممكن تكون نسيبتها بتضايقها .......

يتبع....

#بيت_الخراب19
بقلمي ✒ رانية محمد أحمد

خاصة لمن سمعها بتقول ليها انا ذنبي شنو يا خالتو و انا ذنبي شنو .......ذنبي شنو اتعرض لي موقف زي دا لا اعرف الجاي دا ولد راجلي ولا أخوه و هي بتبكي بي قهر ......خلاص يا خنساء وطي صوتك قدر و ربنا كاتب كدا .......لييييه يا خالتي ليه حسبي الله ونعم الوكيل بس بشكيهو لي الله ........ حسنية ما قدرت تقنع خنساء بي حاجة و طلعت منها ......بس ابو خنساء اتصدم و رجع ورا و ياداب فهم اي شئ .......و فهم انو دا الدين الزمان دفعو في بنتو العزيزة البارة ......ابو خنساء مشى و هو متضايق و يضرب اخماس في اسداس عشان كدا انا لسة ما مت لسة عايش عشان اتقهر القهرة دي و ادفع تمن العملتو .......طووول عمري خائف و خائف من اليوم دا و بفكر ربنا حينتقم مني كيف و بي ياتو طريقة .......اتكل على العصاية القدامو و بقى يبكي بي قهر ......ليهو سنين طويلة ما نزلت دمعتو رغم الفقر و العوز و رغم عمايل ولدو العاق دمعتو ما نزلت إلا في بنتو الكاتمة جواها كتير و مقهورة و ما عارفة انو ابوها هو السبب في المعاناة الهي فيها .......وقف على حيلو و هو بعزم الامر لازم ينتقم من الشاذلي لازم ما بشفي غليلو إلا دمو يسيل .......

فجاة سمع صرخة من غرفة خنساء .......جرى بدون ما يشعر ليها و هي بتكورك و بتصرخ بأعلى صوت ......رمى العكاز و جرى قعد جنبها قال ليها معليش يا بتي سامحيني و بكى و هي بتبكي و تكورك .......حسنية و امها و طارق كانو برة لما سمعو صوتها كلهم جرو عليها .......لقوها راقدة في رجلين ابوها و بتصرخ .......مالك يا خنساء في شنو في شنو .......شكلي ح الد اسي اسرعوووو انا حاموت .......طارق سريع خماها و جرى بيها العربية و وصلها اقرب مستشفي .......مجرد ما وصلت المستشفى ولدت على طول .......

حمدلله على السلامة .......ردت خنساء بي تعب و انزعاج الله يسلمك .......و جو ناس امها و حسنية و ابوها و حمدو ليها السلامة .......ما كانت فرحانة زي اي ام بتفرح بي طفلها .......ابو خنساء كان مقهور و قال لي زوجتة انا عندي مشوار ضروري يا مراة .......مشوار شنو اسي حرام عليك انتظر بتك تطلع من المستشفى على الاقل ........قدر ما حاول يتهرب ما قدر يزوغ ........

أمام وصل مطار الخرطوم و مشى بيتو طوالي بدون حتى ما يكلم سميرة بانو وصل جاهم مفاجأة .......بناتو و ولدو جو جارين عليهو حضنوهو و بكى معاهم خاصة لمياء بت اخوهو ......و سلم علي سميرة فوق فوق و هي اتصدمت حست كانو بحملها مسؤولية الحصل مع لمياء و زاد همها هم .......اول ما قعد سميرة جابت ليهو موية شرب بدون ما يعاين ليها .......ما خت عينو في عينها مما وصل و هي العبرة خانقاها بس ما حسستو بي حاجة و ما اتكلمت ولا جابت ليهو سيرة الموضوع .......قال ليها انا طالع و جاي .......ما قالت ليهو حاجة بس مشى .......امام مشى البقالة حقت عم الشاذلي و سلم عليهو كانو زبون و حام حولين البقالة كلها كانو بفتش لي حاجة محددة و ما لقاها طلع من البقالة ......مشى بيتو نام .......ناس ديما و دلال و داليا امهم قالت ليهم خنساء ولدت تعالو باركو ليها نحن شوية نطلع على البيت ........فعلا ديما كلمت خالد قالت ليهو يلا نمشي .......انا امش معاكم اعمل شنو مراة اخوك ولدت .......عادي بما انو مافي موضوع ......ياخ امشو انتو انا بقعد بنتظركم هنا .......طلعت ديما و معاها دلال و داليا و غشو ابوهم في المحل قالو ليهو نحن ماشين نبارك لي خنساء و طارق المولود يا بابا تمشي معانا ......ارتبك شوية و قال ليهم لالا امشو انتو انا خلوني هنا عندي شغل مهم .......طلعو التلاتة و ديما ساقت ليهم العربية و هم مبسوطين قالت ليهم دقيقة مفترض نشتري ليها هدية ولا شنو يا جماعة .......اي والله خلاص نقيف في سعد قشرة نشتري في محل مجوهرات على الشارع .......طيب تمام توكلنا على الله ........مشو كلهم و نزلو اختاروا ليها طقم حلو كدا و ديما قالت ليهم امشو انتو اسحبو قروش من الصراف انا بنتظركم .......مشو دلال و داليا صرفو و جو اشترو الطقم و مشو بيت ناس خنساء ......سلمو عليهم و باركو لي خنساء و اخوهم و ادوها الهدية و حسنية قالت ليهن خلاص مادام انتو جيتو هنا انا برجع البيت لاني من الصباح واقفة هنا ......خلاص تمام حتجي راجعة قالت ليهم اكيد برجع بس خليكم لحدي ما ارجع ....ّّّ...حسنية رجعت البيت و قعدت في الصالة و بدات تفكر في موضوع خنساء ......اكلمها ولا ما افضح نفسي .......اكلمها ولا لا البت نفسياتها تعبانة و شكلها حتتطلق من طارق اكلمها كيييف طيب ......فجاة سمعت كركبة في الحوش برة .......الواطة ضلمت معقول يكون دا الشاذلي .......طلعت الحوش ما شافت زول رجعت دخلت جوة .......دخلت المطبخ عملت ليها نسكافيه و الشاذلي جا و شافها ما سلم عليها ولا اشتغل بيها و هي ما حست بيهو لما دخل .........جات طالعة من المطبخ جا خالد نازل قال ليها يا ماما انا طالع الاقي صاحبي .......انت بالله كنت قاعد هنا انا قايلة البيت فاضي

تمام .......فجاة سمعو كورايك من فوق .......اتصدمو و عاينو لي بعض طلعو بي سرعة .......خالد وصل قبلها و لقا الشاذلي مطعن و غرقان في دمو خالد حاول رفعو و هو لسة حي و جر جرو لي تحت بس مما شافتو حسنية بدات تصرخ و تولول و هي مفجوعة اعصابها كلها بردت من منظرو ......

خالد قال ليها اسنديهو معاي ننزلو نمشي بيهو العربية اسرعي ......اتمالكت حسنية اعصابها بدات تساعد فيهو ........فجاة سمعوا صوت انفجار تحت و هم نازلين من السلالم و البيت كلو اتهز كانها قنبلة .......عاينو لي بعض و الصوت كان عالي لي درجة هز البيت .......طارق نزل تحت و حسنية نزلت وراهو يشوفو الحاصل بس لما وصلو تحت لقو النار محاوطاهم من كل جانب .......خالد الشاذلي فوق ارح نرج نجيبو .......يا خالتي امرقي ما بنفع هو اساسا ميت ميت ........طلعو بي سرعة بس النار برضو طالتهم ......

يتبع.....

#بيت_الخراب20
بقلمي ✒ رانية محمد أحمد

جا امام داخل البيت و قال لي سميرة تعالي .......مما جا من السفر اليوم الصباح ما اتكلم معاها ولا خاطب لسانو لسانها .......مشت وقفت قدامو .......جراها و ضماها عليهو........ و قال ليها ......انا كدا ياداب ممكن اخت عيني في عينك ......

.سميرة بدأت تبكي بي حرقة ......الحاصل شنو فهمني مما جيت ما عايز تسلم علي .......مسكها من يديها الاتنين و قال ليها اتطمني مافي حاجة بس انا عندي فكرة نعالج بيها حالة لمياء ......انت ليه ما عايز تبلغ يا امام ......دي فضيحة يا سمسمة ما عايزين زول يعرف سرنا .......و البت تضيع ......انا كنت بقول ليك في شنو قلت ليك عندي فكرة للمشكلة ......اها شنو الفكرة .......اصبري تعالي جوة و انا بوريك .......عاينت لي امام بي قوة و حست انو مبسوط جدا .......ساقها من يدها و قال ليها انا بعرف دكتورة ممكن تساعدنا في موضوع لمياء ......البنات االاثنين اتاثرو يا امام .......لالا انا قصدي أخصائية نساء.......ايوااا طيب و بعدين .......بعدين نشوف لينا طبيب نفسي و يتعالجو علاج نهائي ......سكتت سميرة شوية .......انت ما خاتي اللوم علي يعني ........عاين ليها بي استغراب .......ياخ حرام عليك انتي فاكراني زول جاهل ولا متخلف .......انا حقيقة مستحيل اسامح نفسي افي يوم انا الغلطان .......انا خليتك انتي و البنات هنا و حملتك المسؤولية كاملة و مشيت عشان الم لي شوية قريشات عنها القروش ما جات و الفقر حبابو الف بس اخليكم انتو وراي براكم هنا .......ابدا مستحيل بس انتي اتحملي العيشة معاي .......ختت سميرة راسها في رجليهو و قالت ليهو انا ياتو يوم اتزمرت ولا شكيت من العيشة ........انا البحلم اصلح اوضاعنا لكن عنها ان شاء الله ما تتصلح بس نعيش مستورين حال و بناتنا ما يضيعو ّ.......

ديما و دلال و داليا بقو يتصلو بي امهم ليه اتاخرت كدا بس التلفون مقفول ........بعد اتصلو كتير اتخلعو و قلقو و قالو لي طارق وصلنا البيت و ارجع لي مرتك .......مشى يوصلهم لقو شارع بيتهم مقفول و الناس لامة و صوت النجدة .......وقفو العربية بعيد و نزلو كلهم ......جو جارين يشوفو الحاصل ......و زي ما قلوبهم اتوقعت او خافت تتوقع ........البيت قائمة فيهو النار كلو و المحلات اساسا انتهت على الاخر و النار مضوية ضلام الليل شدة ما كبيرة . .......دلال بقت تصرخ و داليا و ديما بدو يبكو و دلال بتصرخ و عايزة تتكلم و تقول حاجة بس ما قادرة تطلع الكلمات كانو نفسها اتخنق .......دا نفس الحلم الكانت بتشوفو كل مرة بس اسي هي اكيد ما بتحلم دي حقيقة و بقت رافعة راسها لحدي فوق و السنة النار واصلة لحدي اخر طابق ......و فجأة أغمي عليها. .......ديما و داليا و طارق لا عارفين يرفعو دلال لا عا رفين يخشو يشوفو الحصل شنو .......طارق بقى يهز في دلال و هو زاتو مفجوع و راسو شاطب كل ما يتذكرو امهم جوة بتخلعو زيادة و اجسامهم شعرها بقوم من الخلعة .......مشت داليا و ديما على الباب لقو البوليس واقف .......ممنوع ماشين وين ارجعو ورا ........دا بيتنا يا جماعة امي جوة و ديما صرخت و خالد جوة خالد زوجي لوسمحت افتح خلينا ندخل ......يا استاذة ممنوع قلت ليك ياخ ممنوع ارجعو ورا ماشايفين النار دي انتو ولا شنو ........طارق بقى يكورك لي ناس ديما و داليا و هم ما سامعنو وسط الجوطة و ماسك دلال في يدو .....وصلها العربية و قفل الباب و رجع لي داليا و ديما .......ياخ تعالو ما حيخلوكم تدخلو امشو العربية اقعدو مع دلال ثواني انا بسال .......طارق الحقنا امي يا طارق امي واااااي ......طارق يا الله بتماسك عشان يعرف يتصرف بس صراخ داليا و ديما بوترو و بخوفو زيادة .......قلت ليكم امشو العربية ما بتفهمو انتو و بدا يجر فيهم جر ......لحدي ما اتطمن انهم بعدو و بقو في العربية مشى سأل الشرطة الواقفين .......اها لقيتو زول جوة ولا البيت فاضي ......انت منو امشي من هنا قلت ليكم مافي زول يجي هنا ......يا استاذ اسمعني انا صاحب البيت .......انت صاحب البيت ؟ خلاص امشي لي جنابو في العربية هناك .......مشى طارق على العربية بتاعت الشرطة و هو بقدم خطوة و برجع اتنين .......مشى اتكلم معاهو و قال ليهو انا من اصحاب البيت .....ّقال ليهو لقينا مصابين اتنين مراة و راجل نقلناهم الحوادث ...... جرى طارق من قدامو زي المجنون و صل العربية و طوالي طلع على الحوادث .......وصلو الحوادث و دخلو زي المجانين و طارق شال دلال دخلها ليهم و مجرد ما استلموها منو جرى خلاها معاهم و دخل جوة يسأل ......ايوة جو مصابين حريق من شارع (....) ......وين عم وين انا ولدهم ......ادخل هناك اسأل ......مشى سأل و بي وراهو ديما و داليا لحدي ما وصلو لي غرفة فيها كم نفر .......لقو خالد اصاباتو خفيفة و سلمو عليهو و ديما مسكتو يديها برجفو ......قال ليها انا كويس الحمد لله.......الحمدلله .......امي وين امي.وين يا خالد ......عاين ليهم مسافة قال ليهم شكلو دخلوها العناية المكث

فة .......فعلا جرو يطمنو عليها لقوها في العناية و منعوهم يخشو ليها قالو ليهم حروقها عميقة اصبرو شوية .......رجع طارق يشوف دلال لقاها مركبين ليها درب عادي و ادوها حقنة مهدئة .......قال ليهم كل زول يقعد يحرس زول ديما اقعدي مع خالد راجلك و داليا امشي اقعدي مع دلال لحدي ما تفوق تعالو لي انا بنتظر مع امي هنا ....فجأة ديما صرخت ابوي يا جماعة ابوي وينو .......طارق عاين ليها مسافة كانو ياداب اتذكر انو عندو ابو .......بس طمنها و قال ليها اكيد ابوي كويس لانو بس لقو ديل الفي الحريق يعني ابوي كويس .....خلاص بحاول اتصل بيهو ......ديما بدات تتصل بس التلفون مقفول ......طارق انا ما مطمنة .......اطمني قلت ليك طول ماهو ما مع المصابين اكيد برة امشي لي خالد و داليا اجري لي دلال حصليها .........

خنساء قاعدة تعاين لي ولدها جنبها و غالبها ترفعو و امها فرحانة بيهو و تشيل و تقول ليها بشبه ابوهو يا خنساء ما شال منك حاجة خالص .......خنساء الكلام دا بزيدها رعب على الرعب الهي فيهو ......هاك رضعيهو ما رضعتيهو مما اتولد يا خنساء .......امي اديهو البزة هناك في الطربيزة .......لكن عاد البزة لي متين اخير يرضع اللبن الطبيعي دا زيو مافي .......امي عليك الله خليني اسي خليهو يرضع بالبزة .......امها شالت البزة و بدات ترضع فيهو و تلولي فيهو ......و خنساء بتعاين ليهو بي كراهية غصبا عنها و تقول في قلبها اريتو كان مات في بطني و ريحني استغفر الله العظيم ......و تبكي و امها تشوف دموعها ......مالك يا خنساء متجهمة كدا ؟ وشك مخطوف اوع يكون في حاجة واجعاك .......

يتبع

#بيت_الخراب21
(الاخيرة الجزء الأول )
بقلمي ✒ رانية محمد أحمد

لا يا امي مافي شي بس حاسة بي مغص .......عادي يا خنساء طبيعي دا كلو بخف شوية شوية .......طارق الليلة ما جاي ولا شنو الوقت اتاخر ......ما عارفة قال جاي بس مشى يوصل اخواتو .......ماما حسنية برضو قالت جاية وينها ما جات راجعة .......امها عاينت ليها وقالت ليها الوقت اتاخر شديد ما عايزين نتلتل الناس معانا خلاص نومي يا خنساء. .......

الصباح دلال صحت بي صداع و قالت لي داليا امي وين ابوي و ين .......اتطمني يا دلال ما تخافي ......كيف ما اخاف انا قلت ليكم دا الكابوس الكان بجيني متذكرة .......خلاص يا دلال ما تتعبي نفسك امي كويسة و ابوي اساسا ما كان في الحريق ........عليك الله ؟؟ الحمدلله الحمدلله ........مشت داليا و هي سايقة دلال لحدي ما وصلو قريب من غرفة امها .......طارق كان نايم في الكرسي البرة مجرد ما جو فتح عيونو ......دلال كويسة انتي ......الحمدلله المهم امي كيف .......كويسة بس اسي الدكتور لما يجي حيخلينا نخش ليها .......ديما جات تطمن عليهم امي كيف اسي دخلتو ليها ......لالا ما دخلنا لكن خلو الدكتور يجي بخلونا ندخل .......الدكتور بجي سنة.كم لكن .........ما عارف قالو تمنية و نص كدا .......و ابوي يا طارق وين ......قالتها ديما و هي قلبها ما مطمئنها نهائيا .......ما عارف والله لسة ما قدرت اوصل ليهو و لا فتح التلفون .......قعدو بقو بس منتظرين الدكتور يجي .......

الشرطة بي هناك لما النار اخيرا انطفت الصباح بدري دخلو و بداو يحققو في الحاصل و يشوفوا سبب الحريق ......اكتشفو انو في جثة في السلالم و الشرطي اتصدم لما أتأكد انو الشئ المتفحم في السلم دا عبارة عن انسان و كمان فاتح خشمو كبير ......الشرطي بقى يقول لا حول ولا قوة إلا بالله العلي العظيم سبحان الله و قلبو بدا يدق بي سرعة من هول الصدمة ......قال ليهم ارفعو براحة شديد وودوهو المشرحة ......بدا يفتشو في البيت و طلعو كل الحاجات الثمية منو و الحاجات الما جاتها حاجة و المحل كان عبارة عن خراب مافيهو حاجة نجت .......
طارق دخل لي امو اول واحد .......حسنية قالت ليهو خنساء يا طارق جيب خنساء عليك الله اسي دي .......استغرب قال ليها خنساء .......اي خنساء سريع عليك الله عايزة اشوفها قبل ما اموت .......ما تقولي كدا يا امي حر ام عليك .......قلت ليك امشي سريع يا طارق .......طارق طلع و خلى دلال و داليا يخشو ليها و ديما منتظرة برة ......قال لي ديما انا عندي مشوار ضروري بمشي و بجي سريع .......ديما قبل ما ترد جرى طارق لي بيت ناس خنساء .......

امام الحق البقالة حرقت و العمارة كلها حرقت شكلها من امس بالليل و سكتت ثواني و عاينت لي امام مسافة ......امام عاين ليها و ابتسم و ما قال ليها حاجة .......سميرة ختت يديها في صدرها من الاستنتجتو ......امام اوع تقول لي انت ......ما رد عليها ......امام حرام عليك ارجوووك قول الحقيقة .......انتي متضايقة مالك الله انتقم لينا منو و البقالة اتحرقت ......بقت تضرب فيهو و تقول ليهو انت مجنووون نحن ياداب كدا ضعنا .......مالك يا سميرة خايفة كدا .....انت لو قبضوك و سجنوك نحن حنضيع حنضيييع ......انا ما حاتسجن ما تخافي و بعدين حتى لو اتسجنت انا كدا كدا بعيد عنكم الفرق شنو بين اني اغترب او اتسجن كدا كدا انتو قاعدين براكم .......لكن حرام عليييك تعمل فينا كدا ......قلت ليك مافي خاجة بتحصل انتي بس اسكتي و أهدي و هدي اعصابك .......ختت يديها في راسها بدات تبكي بي فزع و خوف امام مسكها من راسها و باسها و خت ليها راسها في كتو و هو بهدي فيها .......امشي استعدي عشان نمشي لي الدكتورة اخدت منها مواعيد .......سميرة قالت ليهو انت مالك دمك بارد كدا دي مصيبة حسبي الله ونعم الوكيل .......سميرة خلاص امشي اجهزي و جهزي البنات عشان نطلع .......
سميرة مشت و امام قعد يفكر في انو مستحيل زول يكشف الخدعة العملها ........لما مشى البقالة حقت عم الشاذلي كان عايز يحدد مواقف مفاتيح الكهرباء و الوصلات و مكان يكون شديد الاشتعال في البقالة بحيث ما يفضل اي زرة في البقالة .......ما كان قاصد يحرف حاجة إلا البقالة ما قاصد يقتل زول بس عايز يحرق البقالة الاغتصبو فيها بنت اخوهو ايا كان المغتصب بس نار تحرق اي شي زي ما اتحرق قلبو علي لمياء ......انتظر الليل يجي و شاف عم الشاذلي و هو بقفل البقالة و بمشي جرى بي سرعة فلس الطبل و دخل و قفل وراهو الباب .......مشى المفتاح المقابل لي رفوف فيها حاجات كلها قابلة للاشتعال و الانفجار كمان .......عمل حيلتو الكهربائية و وصل سلك معدني بالمكبس الكهربائي و خلى التيار يسري في كل المحل تقريبا و بما انو خبير في الحكاية طلع بدون ما يترك وراهو اي اثر و مجرد طلوعو من المحل قفل الطبل زي ما كانت و قبل ما يصل شارع البيت سمع صوت الانفجار .......كان متاكد من نجاح خطتو و كان في اللحظة ديك بشعر بي نشوة الانتصار ........
م
طارق ساق خنساء با

لتلتلة رغم اعتراض امها و ابوها و هي كمان قالت ليهو ما بقدر امشي بس اصر عليها و هي لما عرفت انو حسنية في المستشفى و الحصل لبست سريع و جرت معاهو و امها كمان مشت معاهم و شالت الطفل معاها .......وصلو المستشفى و طارق بعجل في خنساء سريع اسرعو ارح ......وصلو الغرفة لقو ناس ديما مافيشين ......دخل الغرفة لقى امو براها ما معاها زول مشو وين ديل ما جوك ......طارق خلينيا انا و خنساء برانا شوية .......خنساء لما شافت حالة حسنية دموعها رقرقو ......قال ليها تعالى ......طارق طلع و هو مستغرب السر البين امو و خن ساء شنو .......وقف برة منتظر .......خنساء وينو ولدك .......برة مع امي في شنو يا ماما الحصل شنو.......اسكتي خليك من الحصل جيبي الولد .......مشت طلعت خنساء جابت الولد من امها و جات .......و طارق بعاين بي استغراب قال ليها ادخل .......قالت لالا انتظر شوية ......افتكر امو يمكن عايزة تشوف الولد للمرة الاخيرة او ما شابه .......دا ولد طارق يا خنساء ما تخافي ......

يتبع.....

#بيت_الخراب21
(الاخيرة الجزء الثاني)
بقلمي ✒ رانية محمد أحمد

خنساء بقت تبكي ......لكن انا اتاكد كيف اسي اعمل شنو ....ّّاتاكدي تماما لانو طارق ما .....طارق ما شنو ......ما ولد الشاذلي اساسا .......خنساء فنجلت عيونها مسافة و حسنية قبلت راسها بالجهة التانية و هي خجلانة ........الشاذلي بنتو بس ديما كلهم اولاد عماد ........؟؟؟ عماد منو .......ما مهم الله يغفر لي بس ........اوعديني ما تقولي لي زول بالحاجة دي .......اوعدك اوعدك و الله شلتي مني هم زي الجبل شكرا ليك الحمد لله ........الله يقومك بالسلامة يا ماما حسنية و تربي معاي ولد ولدك .......حسنية ابتسمت ليها و سكتت ......طلعت برة قالت لي طارق امك عايزاك ......طارق دخل لي امو قعد معاها .......و خنساء و امها قعدو برة مسافة و خنساء اتضايقت قال لي امها ارح نرجع البيت انا تعبت ......دقت الباب لي طارق فتح ليها ......انا و امي حنرجع ......بس امي ما بقدر اخليها هنا براها ......وين اخواتك دلال و ديما و داليا ......ما عارفهم والله خلاص خلي امك تقعد مع امي و ارجعك البيت انتي و الولد .......خلاص طيب امها دخلت لي حسنية تحرسها و طارق ساق خنساء و هو بتكلم و بنبز في اخواتو الما عندهن دم كيف يمشو يخلو امهم قاعدة هنا براها ......أثناء ما طالعين شافوا خالد و هو طالع من الغرفة و هو بعتب ......بقيت كيف يا خالد ديما معاك ......خالد دنقر و قال ليهو البقاء لله الله يرحم خالي. ......طارق وقف مسافة عشان يستوعب ......ابوي ؟؟ ......

عبدالرحمن أبو خنساء قاعد في بيتو مقلق شديد لانو اكيد حيجو يقبضوه في اي لحظة بعد يكتشفو انو هو القتل الشاذلي ....... دخل بالباب عينك عينك كانو من اهل البيت دخل الصالة لقى مراة الشاذلي قاعدة في المطبخ و شكلها حست بي دخولو جرى سريع دخل تحت السلم .......شاف حسنية لحدي ما طلعت الحوش طلع بالسلم فوق ولا ما عارف غرفة الشاذلي دخل وهو بفتش في الغرف بي راحتو لانو عارف انو كل البنات في البيت مع خنساء .......دخل كل الغرف لحدي ما وصل غرفة كبيرة و عاملة زي الجناح ما غرفة و بس .......دخل و شاف عمم و جلاليب الشاذلي الشافو بيها كتير قبل كذا .......بس للاسف الشاذلي مافي الغرفة ......مضطر ينتظرو لحدي ما يجي ........قعد في السرير كانو صاحب مكان و اتكل على عكازو و انتظر زي نص ساعة باب الغرفة بدا يفتح .......عارف انو ممكن تكون حسنية بس ما مهم المهم ينتقم ......بس لي حسن حظو الشاذلي هو الدخل و قفل الباب وراهو ........عم الشاذلي لما شاف عبدالرحمن ابو خنساء اتخلع ووقف مسافة يستوعب الجابو هنا شنو .......وقف عبدالرحمن قال ليهو ما بسالك عملت في بتي شنو ولا لي شنو انا بس بعرف البعتدي علي عرضي بضبحو ........عم الشاذلي بدا يتراجف و اتخلع و ما قدر يقول اي كلام و لما شاف عبدالرحمن بطلع سكين من ضراعو اتكركب زيادة و عرقو اتصبب و قبل ما يديهو فرصة حتى يستنجد بي زول طعنو بدون رحمة و خت خنجرو في ضراعو و طلع من الغرفة بي سرعة و لقى باب ورا فاتح على الحوش الوراني طلع بيهو و بعدها سمع الجوطة و الكواريك .......طلع من الحوش الورا بالحيطة على الشارع و أتأكد انو الشارع فاضي اساسا الدنيا ليل و ما اظن زول ينتبه .......نفذ جريمتو المتكاملة تقريبا و مشى و هو مرتاح البال.......

سمر سمعت الباب بدق و جرت بي خفة تفتح الباب .......السلام عليكم .......وعليكم السلام انت منو عايز منو ؟ ........جميلة موجودة ؟ .......اي في ......جميلة لمن سمر اتأخرت جات جارية دا منو يابت الفي الباب دا .......جات و شافت الما بغباها عبدالرحمن ولد خالتها الاغتصبها و من يومها تاني ما شافتو .......يا سمر تعالي هنا خشي جوة ......دا منو يا امي .......قلت ليك خشي جوة ......عبدالرحمن قال ليها انا اسف يا جميلة .......قالت ليهو ابونا مافي لكن لو عايز الرجال أحمد الله ربنا اد اني رجال يسدو عين الشمس و كان شافوك بياكلو اكل ........جميلة ارجوك سامحيني و هو مدنقر و ما قا در يرفع راسو ليها ........جميلة واقفة و هي م خلوعة معقول جاي اعتذر بعد السنين دي كلها ؟ ........فجأة جا راجل وقف بي ورا عبدالرحمن و قال السلام عليكم ........عبدالرحمن اتلفت عليهو و قال ليهو اهلا ......دخل مستغرب و هو بعاين لي امو ؟ دا منو يا امي ......امو قالت ليهو بي ابتسامة عبدالعزيز دا خالك ود خالتي سعدية ......ايوااا اتفضل اتفضل يا خال مالك واقف في الباب .......دخلو الصالون و قال لي امو جهزي شاي.......بداو يتونسو و يضحكو و قال ليهو انا جيت عشان امك تسامحني عشان انقطعت منها و بقيت بجي الحلة و ما بجيها .......و انقطعتو على ليه يا خالي ......ظروف يا ولدي ظروف .......جات جميلة جابت الشاي و قعدت و بعد شوية عبدالرحمن استأذن منهم و طلع بدون ما يعرف هل جميلة مسامحاهو ولا لا .......

طلع عبدالرحمن منهم بي جاي و دق الباب تاني مشت جميلة فتحت الباب ......عماد كيفك مالك اتاخرت ......و الله يا جميلة ا