- في فرق كبير بين إنك تكون زول " طيب " و بين إنك " تهبل بنفسك " .. الأتنين بينهم في خيط رفيع لو اتقطع بتفقد شخصيتك .. و الجاي و الماشي ح يعفصك 👌

- في فرق كبير بين إنك تكون زول " طيب " و بين إنك " تهبل بنفسك " .. الأتنين بينهم في خيط رفيع لو اتقطع بتفقد شخصيتك .. و الجاي و الماشي ح يعفصك 👌

- و لما تلقى نفسك بين زعلك و زعل زول بيهمك فكِّر بيهمك قدر شنو ؟
- مرات حتختار تزعل انت 🍃

- ‏اي حاجة زيادة عن حدّها دايما بتبقى نهايتها وحشة . الحب الزيادة الاهتمام الزيادة ... الاوفر م ظابط 💔

- تبيع صاحبك عشان بت بكرة بتبيع امك عشان مرتك 😼
اقراها لمن راسك يجي 😑

الغريب !
- أن ناقصة العقل عليها دائماً كل اللوم لأنها تثير شهوة كامل العقل
أليس جديراً بمن يدعي كمال العقل أن لا يثار كالحيوانات 👌

انا هسي مجروحَ مرتين ياقلبيِ مجروح
ليك ولي انا كُنته ديما بلوم جفاكَ
الليله ختا اللوم عليا 💔😢
#محمد_الكناني

صدقني لو أنا قُلت ليك ارتحتَ لما
سمعت صوتكَ وندمتَ اني ضربت ليك
ولومتا شوقِي الساق ايديا على الرقم
رغم اني جدّ ملهوفَ عليكَ 😢💔
#أحمد_أمين

أختاري الراجل الما بخليك تنومي وإنتي زعلانه..حتي لو غلطانه..
إختاري المابتهوني عليهو.. ❤

#نقطة_هنا
سؤاال مهم جـدا ⇐ بتسمـع القرآن الكريم وم قاادر تخششع وم قاادر تتدبـر الآياات م قاادر يصل القرآن لـ قلبـگ ؟ 🤔
بتسمع انو كتيـرر من النااس فلان وفلان وفلاان والقاارئ الفلااانـﮯ لمن يقرٲ القرآن م بقـدر يوااصل من كثـرة م هو #ببكي_خااشع_لله سبحاانه وتعالي 😍😌 ..
محااول بقـدر الامكاان انگ تصل للشعوور دا وم قاادر 😓😫 عاارف السبب شنو 😏
انا اسٲلگ سؤال⇐بتسمـع اغانـي ؟😁 ايـوة بتسمع اغااني 😅 طيب #نقطةة_هناا 😐✋
عاارف انو الاغاانـي دي وحـدة من الاسبااب الـ مخليااگ انـگ م تتدبـر في القرآن لانو #يسـتحيل تماااما مزماار الشيـطاان 👿وكلاام ربناا سبحانه وتعاالي يجتموا في قـلب مسلم ☹️☹️
لانو #يستحيل تماما حااجةة تبع الشيطان تكوون قااااعـدة مع حااجةة نزلهاا ليناا الرحمــن سبحاانه وتعالي 😇😇
لانو #يستحيل تمااما هذاا القلب يشيل حاجتين مع بعض ربناا سبحاانه وتعالي قال (م جعل الله لرجلٍ من قلبين في جوفه) 🙂😊 عرفت؟!
بتقوول لي م قاادر اتخلـي عن الاغااني 😰 انا برتااح جـداً لمن اسمعهاا 😣 انا وانا وانا ... م قاادر اتخلي م قاادر م قاادر 🙁🙁
الاعتذااراات دي كلهاا عندهاا حل 😉😉 الحل بتااعهاا شنو 😍 ربناا سبحانه وتعالي في القراان قاال (لايكلف الله نفسا ٳلا وسعها) طيب الدليل دا علااقتو شنو بـ انو انا م قاادر اخلي الاغاانـي 😐😐 انا بووريك العلااقةة شنو 😌😉 ربنا موش قاال (لايكلف الله نفسا ٳلا وسعها) .. نعم 😁.. معنااها بـ وسعگ انت ح تقدر تخلي الاغااني عااارف ليـه؟ لانو ربنا سبحانه وتعالي لو انو م عاارف انگ تقدر تخلي الاغااني م كااان #حرمهاا_ليـگ 😎👏
بتقوول لي حرمهاا .. طيب انا اقوول ليـگ حراام لانو في #دليل ربناا سبحاانه وتعالي قاال في القرآن في سوورة لقمان لو رجعت ليـها في المصحف ( ومن النااس من يشتري لهو الحديث يضل عن سبيل الله بغيـر علم ) .. طيب 😸 ابن عبااس حبر الامةة وترجماان القران قاال في الايـةة دي لهو الحديث هو #الغناء 😆..
الرسوول ﷺ في معني الحـديث انوو ↜يجـي اخر الزماان اقووام من الامةة #يستحلووون .. كلمةة يستحلوون معنااها الحاجةة اصلا #حرام_وبقوها_حلال ⇐ الحـر والحريـر والخمـر والمعاازف .. والمعازف دي مكاان الاستدلال بتااعناا معازف واغاني ذي م قال ابن عبااس في تفسسيـر الايـةة ..
👆دي كلها حاجاات بتووريـگ انو الحااجةة دي #حرام وغلـط كبيـر انگ تعملهاا 😄
م قاادر تتخلي عنهاا .. معنااها بـ وسعك ذي م قاال ربناا (لا يكلف الله نفسا الا وسعهاا ) معنااها بـ وسعك انگ تخليهاا😍😉
طيب انتَ مؤمـن وانتِ مؤمنـةة بتقوولوا انكم م قاادرين تخشعوا في القران .. ربناا سبحانه وتعالي قاال (لو انزلنا هذا القران علي جبل ...) #جبل ⛰ انت انساان عنـدگ قلـب 😍 💓 القلب بتخشع بيهو 😬 عندك فكـر وعندك عقـل ممكن تفكر وتدبر بيهو ربناا قاال (لو انزلناا هذا القرآن علي جبل لرٲيته خاشعا متصدعاً من خشية الله) دا جمااد و#حجـر ومن اكبر الحجارة المثبتين بيهاا الارض لو نزل عليهاا القرآن بتخشع وبتشقق من لرٲيته خاشعا من خشية الله (..تلك الامثال نضربها للناس ..) انحنا النااس البيضرب ليها الامثال دي عشاان نقدر نتعظ ونقدر نتفـكرر ٳذا انحنا فعلا كنا من اولي الالباب .. وم يتفكر او م يتذكر الا اولي الالباب ..
#حااجةة_اخيـرة 😬🙇
ممكن تسمع معااي الايـةة دي 👈(اللذين امنوا .. ) ي ربناا في القران قلت اللذين آمنـوا نحناا عااوزين نسٲلگ عشان تجعلنا من اهل الايمان (اللذين آمنوا وتطمئن قلووبهم بذكر الله ٲلا بذكر الله تطمئن القلوب) 😍😌😍
ربناا يبعـث الطمٲنينـةة في قلوبنا كلنا ان شا۽ الله ونسٲل ربنا انو يجعلنا من اهل القرآن #المدبرين_والمفكرين_والخاااشعين والـ #بنبكي لمن نسمع آياات ربناا سبحانه وتعاالي لمن تتلي علينا او لمن نقرااها من المصحف ☺️😊

همس❤✨:
~ فقدان الثقة ..
.. واحد من الأحاسيس القريب من المرض، و المؤلمه بدون شك في كل حالتها.. سواء كان فقدان الثقة في الذات ، او فقدان الثقة في الناس ..
فقدان الثقة في نفسك ، ح يمنعك من اي بداية ، او اي اجراء ، او قرار ، و قد يمنعك تنطق اساسا .. و بيجعل منك انسان هزيل ، باهت ، لا يقوى على شيء ~
و فقدان الثقة في الناس ، ح يمنعك من الشعور بالأمان ، و الضمان ، و طلب العون " النفسي ، و الجسدي " .. و ح يمنحك احساس التخوين و يجعل منك ، انسان منعزل ، متطرف ، مبالغ في الانغلاق على نفسه ~
ف بإختصار ، لما تفقد الثقه .. ح تفقد التوسط .. يا اما انسان هش و ضعيف ، او انسان بااالغ في التحمل و الاعتماد على الذات ! ف تحطم
.. و تهُون مصيبة ديل مقارنة بالفقد الثقه في الله .. ف بقى ما لاقي مبررات لأحداث اليوم القاسيه عليهو ، و متخوف جدا من يوم بكرة .. لأنو عندو شك كبير في انو الله حكيم ، و قدير ، و لطيف بعبادة ~
..فاللهم أدم علينا نعمة الثقة .. في انفسنا ، و في من حولنا ..
و إن عدمنا كل شي ! .. فجعل ثقتنا فيك هي
العليا ~💚

#7mood

#بيت_الخراب12
بقلمي ✒ رانية محمد أحمد

.يابت كدي ادي نفسك فرصة شكلو عريسك بتحب .......خليك.مني كيفك و كيف عمر و باقي الشلة ......تمام بخير فاقدنك بس ......عايزة الاقيكم ......تمام تعالي في نفس الكافي البنتلاقي فيهو و جيبي معاك عريسك .......يابت عريس شنو انا عايزة اغير جو معاكم تذكري لي الغم دا قال عريسك قال ......هههههه عليك الله خليهو يتعرف على الشباب .......ديما قفلت من زينا و بقت تفكر.......فكرة برضو عشان انا ما اشيل الهم و اكون بفكر انو مع داليا اكيد و بعمل في شنو و الجوطة دي .......طلعت برة لقتو راقد في كرسي .....يا شاب يا جذاب انت .......حرام عليك والله عايني راجلك راقد كيف يرضيك يعني اتكرفس كدا ....ّ..ديما قلبها نط من مكانو .......راجلي ؟؟......بالاسم يعني ما فرقت ......يلا يا راجلي بالاسم يلا ارح نطلع .......نمشي وين .......ارح عندي اصحابي عايزة الاقيهم في الكافي القريب و مصرين يتعرفو عليك و تجي تتونس معاهم .......خالد حس دي فرصتو يرضي ديما عشان اليوم.ما تعمل نفس موقفها .......رحب بالفكرة و نزلو فعلا و داليا كانت فايرة و بترسل لي خالد في الواتساب بس ما رد عليها خالص و طلع مع ديما .......مشو نزلو و قعدو يتونسو و خالد بقى يراقب في عمر متلصق على ديما و دايما يديهم مع بعض و بضحكو و يتوشوشو ........خالد ما اتحمل الموقف .......جر ديما من يدها قال ليها يلا ارح نمشي .......مالك يا خالد في شنو ......قلت ليك يلا ارح نمشي ......في شنو يا شاب ما تهدى......لما عمر قال كدا خالد ما اتمالك نفسو و ضربو بي يدو في كتفو .......مالك ومالي راجل بتكلم مع مرتو انت دخلك شنو ......خالد دا شنو مافي داعي للمشاكل عمر اتحرج و مشى طلع برة .......ديما عايزة تجري تلحقو خالد قال ليها ارح نمشي و مسكها من يدها و بي قوة جراها لحدي ما وصلو العربية .......فتح الباب و ركبت و هو ففل الباب و ساق بأقصى سرعة .......في شنو يا خالد مالك هايج و جايط كدا .......بالله دا اسي صاحبك ؟ واحد تافه و قليل ادب كمان ......عمل شنو لكن لي دا كلو ......ما شايفاهو لاصق فيك كيف ؟ ......عادي الموضوع ايزي .......ما ايزي ولا زفت بالله و تاني مع الزول دا ما اطلعي خالص ......انت بتغير يعني ......ياخ لا بغير ولا حاجة بس قلت ليك .......نحن البينا دا ما ارتباط على فكرة ......حتى ولو انا زوجك مفروض على الاقل تحترمي وجودي و بقى يدق في الدريكسون .......زوجي لي متين كلها فترة و ننطلق....... خلاص احترمي نفسك لحدي ما اطلقك بالله .......خلاص طلقني اسي دي انا زولة متحررة ما بتحمل الخنقة و التقيد ......اي بطلقك .......ما تطلق منتظر شنو .......في اللحظة ديك دخل خالد في العربية القدامو ......

نقلوهم سريع الحوادث مع انو ما حصلت ليهم حاجة خطيرة ......بعض الكدمات و الرضوض و الفكوك ......ديما و خالد ختوهم في نفس الغرفة و بقو يعاينو لي بعض .......خالد قعد يضحك في عز الالم ......ديما برضو ضحكت مع انو ما كان عندها نفس للضحك بس عاينت لي خالد وشو كان مورم .......الممرضين بقو يعاينو بي استغراب .......عملو ليهم صور أشعة و بعض الفحوص ......قالو ليهم انتو زوجين ؟؟ ......رد خالد بي استغراب ايوة في شنو ؟ ......ديما عاينت ليهم و خايفة من الكلام الحيتقال .......المدام حامل و الحمد لله البيبي بي امان بس ما تتحرك عشان يثبت و كتبو ليها مثبت حبوب و الممرضة ادتها حقنة .......ديما عاينت لي خالد بي صدمة .......خالد بي نفس الصدمة ......ديما فكرت في انها تنزلو و دي حاجة في منتهى البساطة قالو ما تتحرك اكيد حتتحرك و بعنف كمان ........

رجعو البيت بي تاكسي و دخلو و الناس كلها استغربت مناظرهم في شنو الحصل شنو مالكم ......و ديما امها بقت تقعد فيها مالك يابت الحصل شنو .......ما حصل شي حادث بسيط ......دا كلو بسيط سجمنا .......بعد طلاع روح حتى خلوهم يطلعو شقتهم ......خالد قال لي ديما ما تمشي على رجلينك .......ديما فهمتو و مصرة تمشي على رجلينا و تطلع السلالم عسى و لعل تنتهي من المصيبة دي .......خالد جراها و شالها بالقوة طلع بيها السلالم .......داليا جات جارية على اساس يمكن خالد يبرر موقفو بس لما شافت منظرو بقت مصدومة اكيد ما فاضي من الهانم بتاعتو .......ديما و خالد بقو قاعدين و اي واحد ما قادر يعاين في عيون التاني .......خالد راسو يودي و يجيب و حاسي انو مستحيل يستغنى عن طفلو من ديما ....ّّّّ....ديما بتفكر عكس خالد تماما حاسة انو كاتم نفسها و ما حتقدر تتحمل عدم الحرية الحيحصل بعد تلد و تتقيد بي طفل و رضاعة و كرش ما قادرة اساسا تتخيل الفكرة ........قعدو ساكتين الاتنين فترة بعد شوية ديما قالت ليهو نعمل شنو ؟؟........بالنسبة لي شنو .......اكيد بالنسبة للمصيبة دي .......حرام عليك مصيبة كيف يعني دا طفلنا .......انا خلاص قررت اتخلص منو لانو حيكون تقيد بالنسبة لينا .......لالا اووووع تعملي فيهو حاجة دا ما ولدك براك دا ولدي انا كمان .

......حتى لو حيربطك بي للابد ؟؟.......عاين ليها مسافة و قطب حواجبو قال ليها حتى ولو بربطنا للابد ........انا مستحيل اقدر اتحمل حاجة زي دي .........بعد نقااش طويل ما وصلو لي حاجة اي واحد مصر على رايه ......

حسين عرس عواطف و طلع القروش الداسيها السنين دي كلها و امو لما شافت الدهب الجابو حسين لي عواطف لمن العبرة خنقتها .......دا كلو عندو و ما حصل كلف نفسو يجيب لي ابوهو حبوب الضغط. .....سكتت و باركت ليهو و لي عروستو عادي و حتى خنساء و نسابتها جو بس ما كلهم ديما طبعا اعتذرت .......

ديما كل ما تلاقي زينا و تتونس معاها حاسة زينا متغيرة منها جدا ما طبيعية ........في مرة اصرت ديما تلاقيها برة و قالت ليها عايزاك فيموضوع مهم و حساس ........انتي يابت مالك مما انا اتزوجت بقيتي تتعاملي معاي بي برود كدا .......انا ؟؟ لالا ولا شئ.......يابت مالك يعني لو انا فارضة نفسي عليك قولي انا تاني زاتي ما بجيك .......يابت دا الوحم اشتغل والنفسيات بدات ولا شنو بتقولي كدا ......زينا قبل الوحم و الزفت قلت ليك انا بشحدك شحدة عشان تطلعي معاي و بتصل كتير ما بتردي و ظاهر انك بتتهربي مني و يوم قلت ليك عاملين كرامة في البيت بي مناسبة وصولنا ليه ما جيتي كل الشلة جات إلا انتي موش حاجة غريبة .......بعد ضغط من ديما و نقاش طويل و احرجت زينا جدا ......زينا اتلبشت و فكرت كتير تقول شنو و خايفة من ردة فعل ديما .......بي صراحة ......ايوووااا بكل صراحة عشان كلنا نكون مرتاحين ......طيب بس ما عايزاك تزعلي ولا تنفعلي و البينا يظل زي ما هو .........يابت انفعل شنو و اتضايق شنو احكي بي راحتك .......تتذكري يا ديما الموقف الحصل لي بيتكم يوم عرسك لما مشيت اودي الحاجات .......اها ايوة متذكرة عشان كدا يعني ما عايزة تتواصلي معاي ........لالا دقيقة خليني اكمل الزول القلت ليك عمل لي الموقف دا عرفتو هو منو .......اها منو و عاينت ليها ديما بي حذر و انتباه شديد ........
دا ....في الحقيقة ......والله صراحة ......يابت ما تقولي قلقلتيني ........دا ابوك و انا اكتشفت بالصدفة انو دا ابوك .....

يتبع

#بيت_الخراب13
بقلمي : رانية محمد أحمد

.قاطعتها ديما بي استنكار شديد .......انتي بتقولي في شنو ؟؟ مستحيل طبعا اساسا انتي بتعرفي ابوي من وين ......و الله يا ديما دا الحصل و قلت ليك عرفتو لما جا بارك ليكم و سألت منو قالو اسمو عم الشاذلي ........كذااابة اساسا مستحيل ابوي يعمل حاجة زي دي و انا ما قادرة اصدق انتي تتهمي ابوي اتهام زي دا كيف يعني ياخ دا ابووووي بااااابا عارفة يعني شنو ؟ يعني الاحترام و الاخلاق ياخ دا حابسنا في البيت خوفا علينا من اولاد الحرام و الدنيا الكعبة البرة دي و انتي اساسا تقولي كدا ليه هدفك شنو من القلتيهو دا .....ّيا ديما انا قلت ليك الانتي عايزة تعرفيهو و بي كل صراحة ووضوح .......انتي منو اساسا عشان انا اباريك و اصاحبك انعل ابو صحبتك على اليوم اللماني فيك ياخ .......شالت زينا شنطتها و قالت ليها برضو مقدرة انفعالك و ماكنت عايزة اقول ليك عشان ما اخرب صورة ابوك قدامك ...ّ...ديما قالت ليها انتي تخربي صورة ابوي انا امشي امشي بالله اقطعي وشك تاني ما اشوفك زاتو ......زينا اتحركت من جنبها و هي زعلانة ......فجأة اتلفتت تعاين ليها لقت ديما واقفعة في الارض جات جارية رجعت ليها رفعتها لقتها مغمي عليها لمت الناس الحواليها و شالوها رفعوها ليها في العربية مشت بيها اقرب مستشفى ........

عواطف و حسين بقو ساكنين رسمي مع امو و ابوهو و دا طمن خنساء جدا و بقت مرتاحة نفسيا انو البيت ما فاضي على امها و ابوها ......خنساء في اليوم داك بقت حاسة بي طمام ووجع بطن و وجع ضهر و ما طبيعية .......نزلت تحت لقت حسنية مافي ......التفتت و مشت دقت الباب لي دلال لقتها مافي غرفتها .......اتصلت بيها قالت ليها انتي وين ......انا طلعت والله مشيت المول عندي حاجات عايزة اجيبها و مشيت الاقي عزو حبيبي ......اساسا دا عزر عشان تلاقي عزو يا صحبتي انا فاهماك .......هههههه خلاص طيب اقفلي بعد ارجع بحكي ليك ......تمام يا ستي يلا باي ......دلال كانت فعلا مع عزو الزاغ من الشغل عشان يلاقيها لانو نادر يلقى فرصة زي دي ........عزو خلاص والله كفاية انا قبلانة ولو بالبسيط انت تعال اتقدم .......ابوك البتتكلمي لي عنو دا والله شكلو صعب و زول بحب الفشخرة و التباهي عشان كدا عايز اجيهو زول مليان عشان يوافق طوالي .......ياخ ما تخاف يا عزو انا بصر عليك و حاقدر اقنعو ......خلاص يا ستي انا لو علي نتزوج اليوم قبل بكرة ..........خلاص طيب ........حاكلم ناس البيت و نتوكل و لو حصل اي رفض عليك انتي ........اي انا بتحمل كامل المسؤولية ........اليوم بالعباية طالعة زي القمر و احلى ......نزلت دلال راسها في دلال و خجل .........
خنساء بعدها اتصلت بي داليا .......الووو وين انتي يابت .......انا طلعت مشيت اشم هواء .......عصام و سافر انتي عايزة تشمي هواء مع منو ......مع روحي دي يابت يلا باي .......طيب داليا قفلت قبل ما خنساء ترد حتى .......داليا قالت لي خالد و هم قاعدين في شارع النيل ......بتقول لي الكلام دا ليه يعني .......انا عايز اقول ليك انو انسيني و نحن خلاص مستحيل نرجع نفكر في بعض ........تمام يا سيدي اقطع وشك انا نسيتك اساسا من عرفت عصام اخوك ......و قامت علي حيلها و مشت خلتو ......لاول مرة خالد ما متضايق و لا غيران من كلامها ولا اثر فيهو بس حس ناحيتها بالشقفة و حس انها بتقول كدا بس عشان تغيظو و هو ما اتاثر .......

خنساء فاض بيها اساسا هي متضايقة و حاسة بي ملل قاتل ......طيب وين المراة دي مشت (تقصد حسنية نسيبتها ) ......اساسا هي وجودها زي عدمو يومها كلو في تلفونها .......اتصل ولا لا اتصل ولا لا .......بتفكر خنساء و هي ما عايزة تتصل بي نسيبتها و بتخاف منها و حتقول شنو خلتها و اترزعت في الكنبة الجنبها .......اول مرة البيت يفضى عليها كدا ولا دا شعور حاساهو هي براها .......طلعت برة الدكاكين و مشت شالت ايسكريم و شكولاتة ........ادت عم الشاذلي القروش لز ليها يدها على صدرها شديد ......معقول يا بتنا ؟ تجي بيض نفسك و كمان عايزة تحرجينا و تدفعي .......وين ناس دلال و داليا ......والله يا عمي كلهم طلعو خلو لي البيت فاضي .......وين خالتك حسنية ......والله ما متاكدة اذا طلعت ولا قاعدة لكن ما لقيتها .......خلاص جهزي الشاي و القهوة اسي انا بجي .......مشت خنساء البيت و دخلت المطبخ اطاعة لي ابو زوجها و نسيبها ......جهزت السرامس و ختتهم مع الكبابي في الصالة ......بعد شوية الشاذلي قال للولد الشغال معاهو اسي برجع خليك هنا .......مشى دخل لقاها جهزت كل حاجة و قالت ليهو عن اذنك .......ما عايزة تشربي شاي او قهوة ......لالا والله شبعانة الحمدلله .......طلعت فوق شقتها و قفلت الباب ......حسنية كانت جاية راجعة من موعد غرامي مع واحد من أحبابها الكتار في شقتو ........خنساء قعدت بي ملل تقلب في التلفزيون لما سمعت صوت الباب بدق .......اكيد دلال رجعت معقول بالسرعة دي ......فكرت و هي ماشة على الباب ......فتحتو بي

كل اريحية و اتخلعت لما لقت عم الشاذلي نسيبها واقف في الباب .......قال ليها دي ريحة شنو وهو داخل لي جوة ......خنساء اتوترت لانها اساسا بتخاف منو لانو زول صعب شوية .......قالت ليهو ريحة ؟مافي ريحة .......اتلفت عليها و بي بسمة قال ليها ريحة خمرة ولا دلكة ما عارف .......خنساء خجلت و اتلبشت .......و فجاة الشاذلي قرب منها و هي بقت تزح و ما خاتة شي للحظة دي ......إلا لما هجم عليها بالجد حتى حست بالخطر و الرعب و الفزع .......و بقت تكورك بي أعلى صوت .......حسنية كانت داخلة غرفتها تغير ملابسها قبل ما زول اكتشف غيابها .......سمعت صوت خنساء رمت التوب في السلم و طلعت بي سرعة لي فوق .......لقت باب شقة خنساء مفتوح و لما دخلت لقت المستحيل تتخيلو ولا تتوقعو من زوجها السافل و هي عارفة و حافظة سفالتو تماما بس ما اتوقعتها تصل للدرجة دي ........بقت تحجز فيهو بس هي ما كانت بالقوة الكافية و كمان الشاذلي ما اشتغل ولا خجل و يمكن ما حس بوجود زوجتو ........لحدي ما حسنية جابت ليها سكين من مطبخ الشقة نفسها و طعنتو بي كل قوتها ........

يتبع

#بيت_الخراب14
بقلمي ✒ رانية محمد أحمد

الشاذلي حس اكيد و وقع في الارض و جرى بي كل قوتو ضربتها ما اثرت فيهو بما فيه الكفاية ......بس حسنية لما شافت منظر خنساء حست انها اتاخرت شديد و رفعتها من الارض بس خنساء ما كان فيها حيل تقوم بيهو و فضلت تقعد قبلها و هي بتبكي و بتصرخ من الصدمة .......حسنية قعدت جنبها و بقت تمسح في ضهرها ......و تهدي فيها عشان تهدا قبل زول يجي ........خنساء هدات بعد قريب ساعة و حسنية دخلتها الحمام و فتحت فيها الدش عشان شوية تغير الحالة الهي فيها ........و فعلا خنساء قالت ليها خلاص اطلعي انا كويسة خليني استحم .......مشت حسنية فتحت دولابها و اقرب فستان جابتو مدتو ليها .......خنساء بقت بتبكي تحت الموية و خاتة يدها في خشمها و ما قادرة تفكر حتى راسها اتشل تماما عن العمل .......طلعت بعد قريب نص ساعة لقت حسنية برة بتعاين ليها بي عيون كلها شفقة ........خنساء اترمت في حضنها و بقت تبكي تاني .......

عم الشاذلي طلع جرى مشى الدكان و قال للمعاهو انا حاقفل الدكان .......الولد طلع بدون تردد و قفل الدكان و عم الشاذلي مشى مستوصف قريب .......لقو مطعون طعنة سطحية بس خيطوها ليهو و كتبو ليهو مضاد حيوي و مسكنات .......لما سالوهو قال ضربتو حديدة حادة و هو ماشافها .......طلع رجع دكانو رقد في المخزن .......لحظات و جاهو اتصال من طارق .......الشاذلي اتخلع و ما رد عليهو .......تاني اتصل بيهو كتير .......بعد شوية حسنية نزلت تحت بعد اتفقو هي و خنساء ما يجيبو سيرة لي زول بالحصل ........لقت تلفونها فيهو كمية من الاتصالات ......ردت علي طارق قال ليها يا امي ابوي وين بتصل بيهو و ما برد .......في شنو ......ديما نقلوها المستشفى .......سجمي مالها الحصل ليها شنو ......صحبتها قالت اغمي عليها فجاة ما معروف الحصل شنو إلا نمشي انا في الطريق ........خلاص طيب اي مستشفى انا كمان جاية معاك ......مشت حسنية كلمت خنساء و خنساء برضو طلعت معاها عشان خايفة تقعد براها في البيت ........مشت حسنية الدكان و دقتو مسافة و هي متاكدة الشاذلي جوة .......لما ما لقت رد قالت ليهو .......الحق بتك ديما في المستشفى اصلا المصائب لما تجي كلها بتنزل فينا ورا بعض .......و مشت ساقت عربيتها و معاها خنساء ........طلعو مجرد ما وصلو المستشفي كانو البقية كلهم قاعدين و اولهم خالد زوجها ........حسنية تلفونها اتصل و لقتو دا الشاذلي سالها من المستشفى و الحصل قالت ليهو تعال مافي زول عارف وسخك ولا حنقدر نتكلم بي حاجة زي دي لانها ما بتتقال اساسا .......الشاذلي اتطمن شوية و ركب عربيتو و مشى ........كلهم كانو عند الدكتور بتطمنو علي ديما و الحصل عليها شنو .......الدكتور قال ليهم الفحوصات جارية حاليا و ان شاء الله كل خير .......خالد بادر و قال ليهو هي حامل .......قال ليهو ايوة فعلا حامل بس اصبرو الفحوصات عايزة زمن شوية ......بقو منتظرين و دخلو لي ديما الفاقت شوية .......امها و ابوها بس الخلوهم يدخلو .......الشاذلي كان متطمن و قال ليها ما تخافي اكيد حتبقى كويسة و تطلعي من هنا .......حسنية قالت ليها انتي حاسة بي شنو يا ديما ......قالت ليها فجاة حسيت بي كتمة نفس ......خالد عايز يموت عشان يدخل يطمن عليها بس ما لقى اي طريقة و كان خايف تكون اتهورت و حاولت تنزل الطفل .......

حسين كان في خلاف دايم مع عواطف خاصة في المصاريف و القروش .......حسين اكتشف انو عواطف احرص و أبخل منو .......يعني ما عايز تديني مصاريف يا حسين ........يا مراة انتي ما شغالة صرفي نفسك ......كوني شغالة دا ما بديك الحق انك ما تصرفني اساسا انت الصرف عليك ......اديتك اسي الفي يدك دي شنو ......دي مية بتعمل.شنو بالله ؟.......عواطف شفتي ليك زول بدهو مية كل يوم ؟ يعني تلاتة مليون في الشهر ......متين انت اديتني مية في اليوم مرات عشرين ما بتزيدها ......اتناقشو نقاش طويل عريض ......فجاة الباب دق ......دا منو الممكن يجي زي الوقت دا .......ما عارفة ........امهم و ابوهم طلعو برة و حسين جا طالع من غرفتو و خلى عواطف جوة ......دقيقة انا بفتح يا امي ......مشى حسين على الباب اتخلع لما شاف قدامو خنساء اختو ......بسم الله ......خنساء مالك الحاصل شنو .......خنساء بتبكي و ما قادرة تسكت دخلت و اترمت في حضن امها ......بعد هدأت شوية الحصل شنو يا خنساء اوع يكون طارق شاكلك عشان امشي اكسر يدو .......لالا يا حسين مافي زول عمل لي حاجة ......كيف يعني الحصل شنو ......قلت ليكم ما حصل شي بس اختهم في المستشفى و كلهم هناك انا مرهقة تعبانة ما قدرت اقعد معاهم فجيت هنا ما قدرت ارجع البيت اقعد براي.......و طارق ليه ما كلف نفسو و عربيتو ووصلك ......دنقرت ....طارق ما عارف انى جيت اساسا خليتهم مدوشين في المستشفى و جيت هنا .......عليكم الله دا منطق دا ؟؟ انا ما مصدق الحصل شنو يا خنساء لو الزول دا اتناقش معاك قولي .......يا بتي طمنينا الحصل شنو ......بعد ضغط طويل عريض قالت

ليهم انا بس زعلانة من طارق و ما وضحت الاسباب و ما حاولو يضعطو عليها حسين قال ليها البيوت اسرار مخيرة .......
وين خنساء يا جماعة شفتوها ......حسنية عاينت لي طارق شديد و نططت عيونها و بقت تتلفت و تفتش معاهو......مشت وين مثلا معقول كلنا واقفين هنا هي مشت وين .......طيب اتصل بيها .....اتصل بيها ردت عليهو قالت ليهو انا في بيتنا تعبت شوية و ما قدرت اقعد في المستشفى ......معقول مشيتي البيت براك تقعدي ما كان تكلميني ......لالا في بيت ابوي انا .......لا حول ولا قوة إلا بالله قالها طارق وهو متضايق و غضبان .......والله انتي ما معقولة يا خنساء اسي نحن في شنو ......خنساء بدات تبكي بي قهر ......يا بت مالك اسي بتبكي اسف خلاص اسف معليش بس قصدي كان تكلميني على الاقل .......سكتت خنساء و ما ردت ......خنساء انتي في حاجة ؟؟ .......لالا مافي حاجة بس قلت ليك تعبت و جيت البيت ......خلاص تمام انا مجرد ما تطلع الفحوصات بجيك ......لالا خليني ابيت في بيتنا اليوم ......خلاص تمام على راحتك يا ستي طيب خلى بالك من نفسك .......بعدها جاهم الدكتور و قال ليهم النتائج طلعت و يبدو انو في ورم في الرئة لازم نعمل تزريع .......حسنية وقعت في الكرسي الجنبها و عم الشاذلي اترمي على الحيطة الجنبو و اتكل عليها و طارق و خالد ختو يديهم في خشومهم .......

يتبع

#بيت_الخراب15
بقلمي ✒ رانية محمد أحمد

و دلال و داليا بقو يبكو مع بعض و مع امهم . .....يا جماعة ما تتشأمو بعد نعمل التزريع و نتاكد احتمال ما حاجة خطيرة .......بعدها رجعو البيت و ساقو معاهم ديما و ما جابو ليها سيرة حاجة ........و هي اساسا كانت مرهقة و تعبت من التفكير في الكلام القالتو ليها زينا صاحبتها طوالي مشو هي و خالد شقتهم و خالد ما صدق انو اتقفل عليهم باب الاتنين ......انتي حاولتي تعملي حاجة في البيبي ........خااالد ما وقتك و الله مصدعة عايزة انوم ......بس جاوبيني ......مستحيل اعمل حاجة زي دي من وراك اتطمن انا بالوقاحة دي .......خالد اتطمن بس برضو لسة ما للاخر لانو خايف من كلام الدكتور و ما قادر يتصرف اي تصرف ولا يقول اي كلام إلا بعد تظهر النتيجة النهائية ........ديما مجرد ما ختت راسها في المخدة نامت على طول بس خالد ما قدر ينوم .......الليل كلو بعاين لي ديما و هي نايمة ........بقى يفكر لو طلع عندها حاجة خطيرة لا سمح الله .......لالا ما بقدر اتخيل .......

حسنية الليل كلو تنقنق في عم الشاذلي حمتو النوم .......انت راجل ما بتخجل والله شفت اسي العملتو في بنت الناس حيجي في بتنا بالمرض الكعب .......انت ما عارف كما تدين تدان .......اها خلاص بقيتي مولانا فجاة و ليه ما تكوني انتي السبب بي سبب وسخك البتعمليهو من وراي ........حسنية اتصدمت و اتصلبت في مكانها و لسانا اتخرس .......ههههه قايلاني نايم على اضاني .......ما كلو منك .......انتي اساسا مراة قليلة ادب من عرفتك كلو مني شنو .......حسنية العبرة خنقتها و حست بالظلم .......طيب المقعدك معاي شنو وقت انا مراة فاجرة في نظرك .......البنات و بس دا المصبرني عليك ......حسنية بي غضب و هيجة قالت ليهو و الضمنك شنو انو ديل بناتك .......عم الشاذلي لاول مرة ينتبه للنقطة دي و حس بالصدمة و بقى يفكر مسافة .......حسنية نفضت السرير و شالت المفرش و طلعت خلتو ما مستوعب حاجة ........

دلال و داليا نامو مع بعض في غرفة دلال و هم كانو ببكو لما تعبو من البكا نامو في نفس الغرفة و ما قادرين يتخيلو انو يفقدو اختهم في يوم من الأيام ........داليا ختت كل خلافاتها مع ديما جانبا و بقت بس عايزة اختها تعيش حتى لو كعبة بس ما تموت بدري .......و طارق ما بقل حزنا من اخواتو و نفس الخوف على ديما و كمان بعاين للمخدة الجنبو كل شوية و حاسي انو فاقد حضن خنساء الكان ممكن تتطبطب عليهو و تشيل همو في وقت زي دا و حاسي وراها حاجة و ما فاهم الحاصل معاها شنو منتظر متين الواطة تصبح عشان يجري يشوفها ........كان اطول يوم في حياتهم ......

الصباح اول حاجة عملها طارق صلى الصبح على عجل و مشى بيت نسابتو قبل الواطة تصبح كويس .......فتح ليهو حسين الباب و رحب بيهو ......خنساء مما شافتو حست كانها شايفة راجل غريب عنها ما بتعرفو و دنقرت من الخجل .......خنساء ارح البسي عشان نرجع البيت ........سكتت و ما اتحركت من مكانها .......خنساء ارح اسرعي لانو في موضوع خطير حاصل مع ديما ربنا يجعلو خير .......موضوع شنو كدي قول نتيجة الفحوصات شنو .......قال ليها بي زعل و دنقر والله قالو شاكين في ورم في الرئة ......خنساء اتخلعت اعوذ بالله ربنا يحفظها ان شاء الله .. ....جات على طارق عشان تواسيهو مد ليها يديهو كانو بطالبها ّ.........خنساء ما قدرت تشوف طارق يديهو معلقات في الهواء و اترمت في في حضو و طارق بدا يبكي ......و خنساء برضو بكت لي بكا راجلها اول مراة تشوفو ببكي و لا دموعو تجري ......و هي بتبكي لي بكاهو و حسرات و عبرات كتيرة في قلبها ما عارفة تعمل شنو ......قعدتو في السرير التحت الشجرة و مشت جوة جابت الشاي و ابوها و امها جو سلمو و دخلو شربو الشاي جوة عشان يخلوهم يحلو مشاكلهم بي راحتهم .......خلاص يا خنساء ارح البسي عشان نمشي .......ختت الكباية و يدها بترجف انا اسفة يا طارق خليني هنا شوية .......طارق استغرب ليه يا خنساء في شنو انا زعلتك في حاجة ......لالا و الله بس ساي زهجت من البيت بقعد مع اهلي شوية و برجع .......خلاص يا ستي ما دام دي رغبتك ......انا مضطر امشي عشان نمشي المستشفى و نعمل اللازم .......خلاص بينا تلفون و طمني على الحاصل ......تمام .......
بعد كم يوم حصل الغير متوقع و المتوقع و طلعت النتيجة ايجابية للاسف و مؤكدة مخاوف الجميع .......و الدكتور قال ليهم لازم نعجل في العلاج قبل الورم ما ينتشر .......كانو لازم يكلمو ديما بالحاصل .......اساسا حست لما شافت امها و أخواتها و صحباتها ببكو .......في شنو يا جماعة انا عندي شنو حاموت ولا شنو .......و دلال و داليا بزيدو في البكا و خالد زاتو دموعو جرت بدون ما يشعر .......ديما لما عرفت الحاصل ما صدقت و ما استوعبت اي شي معقول هي كدا خلاص حياتها انتهت وحتموت ......قالت لي خالد خلاص ارتاح اساسا شئ يربطنا تاني مافي و الطفل و ما حيعيش و انا كمان حاريحك للاخر و ما حاعيش .......خالد مسكها من يدها حرام عليك ما تقولي ك

ذا في امل تعيشي و ما مشكلة الطفل بنجيب غيرو .......غيرو مني انا ؟ لالا اكيد لا .......لالا يا ديما منك انتي اكيد و انا ما بفكر حاليا في غيرك ......لالا فكر و طلقني و ارتاح من الهم .......ديما اسكتي ما تتكلمي بالله .......ديما ختت يدها في راسها و بتبكي لمن صدعت .......ابوها جا قال ليها ما حتموتي حتعيشي و حتبقي كويسة و احسن من الاول انا بسفرك امريكا تتعالجي هناك بوديك اي مكان ما تشيلي هم .......في ممرض كان واقف بسمع فيهم قال ليهم يا جماعة مفروض تمشو طوالي لمستشفى ال(...) عشان تبدو إجراءات العلاج .......عم الشاذلي ما اشتغل بيهو نحن قلنا ليك نمشي اخر العالم عشان بتنا دي تتعالج .......طلبو من الدكتور يكتب ليهم تقرار متكامل عن حالتها و ابوها و اخوها بدو طوالي في إجراءات السفر و قررو انو امها و داليا و خالد يسافرو معاها و دلال و طارق يقعدو في البيت مع ابوهم .......

فعلا دا الحصل بعد كم يوم سافرو و عم الشاذلي دفع مبالغ طائلة عشان يعالج ديما بأي تمن .........ديما راودتها افكار كتير عن نهايتها و حتموت خلاص و تتلاشى ؟ معقول بالبساطة دي .........ليه كل الديانات بتقول في حياة بعد الموت ؟ عايزين يطمنو نفسهم و ما عايزين يتقبلوا حقيقة النهاية المحتومة الما منها رجعة .......اساسا كدا كدا حاموت بس ليييه انا اموت بدري كدا لسة ما شفت حياتي كويس و لا عشت كل شئ .......معقول تكون دي النهاية و بعد الموت حيكون في شنو .......طارق اتصل بي خنساء و قال ليها خلاص انا بجي اسوقك بعد كدا قالت ليهو لالا ......ليه لكن يا خنساء تاني حجتك شنو ما قنعتي من اهلك لسة .......لالا لسة خليني معاهم .......طيب يا ستي اقعدي شكلك كدا مليتي مني .......لالا والله ما مليت منك بس .......اها بس شنو الحاصل شنو ........قلت ليك ساي بس خليني شوية مع امي و ابوي .......طيب يا ستي خليتك بس انا مشتاق ليك انتي ما اشتقتي لي حبيبك ........خنساء سكتت مسافة ......طارق حس باستياء قال ليها واضح ما اشتقتي لي .......لالا والله بالعكس اشتقت ليك بس انا خايفة على ابوي و مراة حسين ما شغالة بي ناس امي و ابوي كتير و حسين مقويها علينا. .......اتحججت ليهو كتير رغم انو ما مقتنع و حس انو خنساء بتتهرب منو بس صبر عليها ........

يتبع

#بيت_الخراب16
بقلمي ✒ رانية محمد أحمد

و بعد فترة ديما بدات العلاج و الدكتور طمنهم انو الورم حقها بسيط و مقدور عليهو .......بس ديما كانت محبطة جدا و حاسة انو دي النهاية خاصة بعد اخدت جرعات مبدئية و حست بانو حالتها زادت سؤ من الاول كانو هيجو ليها المرض و ياداب بدات تحس بيهو بنهش في جسمها .......سمعت من داليا انو في شيخ جاء .....شيخ مشهور و مر على عنابر المسلمين و عمل ليهم زيارة و اساسا زار كل مرضي السرطان في الولاية الهم فيها .......فجاة ديما بقت تعاين حست بانها منتظراهو بي فارغ الصبر عشان تفش فيهو غليها ......ّفعلا جاها في الغرفة و قال ا لسلام عليكم ......ردو عليهو داليا و حسنية و رحبو بيهو .......و قعد في الكرسي الجنب ديما و بدأ يتلو في ايات قرآنية و قال ليها الله يشفيك و دا ابتلاء من ربنا و لازم تصبري عليهو .......و ان الله اذا احب عبد ابتلاه .......ديما قاطعتو و بي حرقة قالت ليهو إذا احب ؟؟ عبد ابتلاه ؟ ليييه و طيب اذا كره عبد حيعمل فيهو شنو و انا اساسا الله يحبني لي شنو اساسا انا ما حصل امنت بيهو .......استغفر الله العظيم انتي ليه بتقولي كدا يا بنيتي ......انتي اذا ما مومنة بوجود الله منتظرة شنو بعد موتك ؟.......ديما سكتت مسافة و الدموع في عيونها .......منتظرة شنو ؟ حتموتي و تشبعي موت وخلاص ؟ و حتتفتتي و تبقي تراب و خلاص .......الناس البظلمو الناس عقابهم حيكون شنو ......اكيد قي قوانين الدنيا دي ما ماشة ساي .اكيد حيعاقبهم القانون ......طيب في ناس ما بطالهم القانون ديل يظلمو و يتجبرو و يفترو على الناس و الاخر يموتو زي الناس الطيبة و العملت اعمال كويسة للناس و الكل يبقى هباء منثورا و انتهينا ؟؟.......ديما سكتت و هي ما عندها ردود ......معقول كل الناس سواسية و نهايتهم واحدة ؟ الطيب و الشرير نفس النهاية ........الحاقد و القاتل و السئ ينتهو نفس نهاية الكويس و الطيب و الخير .........اهذا يرضي احد ؟ اهذا عدل يا بنيتي ؟.....انتي اذا عقلانية و منطقية فكري بي عقلك كدا و شوفي هل دا كلام منطقي و برضي حد ؟ .......ديما ساكتة و هي بتبحلق فيهو ......انتي اسمك ايه ؟ ......اتنهدت شوية و قالت ليهو بانزعاج اسمي ديما ......سجل اسمها في دفتر صغير و رقم الغرفة و قال ليها انا حاعمل ليك زيارة تانية و انا عايز المرة الجاية تحضري لي اجوبة على اسئلتي .......و طلع خلاهم ......

عواطف بقت تتدلع على حسين و بقت تقول ليهو دا شنو البتعمل فيهو امك دا ياخ قول ليها وقفي انا بطني طامة و ما بقدر اتحمل ريحة الاكل .......خنساء كانت برة واقفة تحت الشجرة و ماسكة ضهرها و برضو بطنها طامة من البتعمل في المطبخ ......حسين بقى يقول لي عواطف يمكن حامل ؟؟ ......ما عارفة والله يا حسين ياها الاعراض لكن لازم نتاكد ......و عواطف جواها واثقة و متاكدة مية في المية .......قال ليها خلاص البسي سريع نمشي العيادة القريبة دي .......فعلا لبست سريع و طلعت معاهو مشو فحصو وجو و اتاكدو انو عواطف حامل و حسين طاير من الفرحة و قال لي امو و خنساء عواطف تاني ما تعمل اي حاجة في البيت .......خنساء قالت ليهو بي نرفزة من متين هي بتعمل حاجة ؟ ......لالا قصدي حتى غرفتها و ملابسها تغسلوهم ليها .......لالا يا حبيب قساي امك مراة كبيرة ما بتقدر تغسل جيب ليك مراة تغسل .......انتي ما قاعدة يا خنساء .......انا كمان انضف لي مرتك غرفتها و اغسل ليها ملابسها والله ياهو الفضل ......في اللحظة ديك دق الباب و حسين مشى فتح و جاء طارق داخل زعلان من الكلام السمعو قبل شوية .......حس انو حسين مخدم خنساء لي مرتو ......قال لي خنساء انا ما ماشي من هنا الا و انتي معاي .......خنساء اتخلعت و ما عرفت تقول شنو و مشت دخلت جوة و لبست توبها و جسمها كلو بخبط في بعض و ما قادرة تتصرف و ما قادرة ترجع بيت نسابتها ....ّّّ...أثناء ما طالعين خنساء جات واقعة ......خماها طارق سريع وداها العربية ركب معاهو حسين و امها و ابوها و خلو عواطف في البيت .......لما وصلو المستشفى كان هبوط في ضغط الدم و اكتشفت خنساء صدمت حياتها انها حامل .......الناس فرحانة و بتبارك و هي ما باين عليها غير علامات الصدمة و الخوف و القلق .......طارق مبسوط حد الانبساط و قال ليها ما عندك حجة نمشي بيتنا طوالي قالت ليهو .....لالا عايزة اقعد مع امي الفترة الاولي دي .......طارق حس بالاحباط و بدا ينقنق بس هي اصرت عليهو .......لحدي متين كدا مثلا ....ّّّّّّ...الشهور الاولي .......شهوووور ؟؟ خنساء حرام عليك والله ما بقدر اصبر شهور .......خلاص اسابيع .......لالا ايام بس اخر كلام يومين تلاتة و خلاص ......خنساء رجعت البيت و راسها شاطب من التفكير ......معقول تكون حامل من عم الشاذلي معقول ......هي في الشهر الكم اسي ......في الشهر التاني لالا مستحيل الحادثة حصلت قبل اكتر من شهر تقريبا ما قادرة تصدق لانو دي كلها حسابات تقريبية .......ما قادرة تسوعب الحاصل ......بدأت تبكي بي حرقة و